Årgang 12 Informasjonsblad for Etne og Skånevik sokn Nummer Ei riktig god jul til alle!

Transkript

1 Kyrkjeposten Årgang 12 Informasjonsblad for Etne og Skånevik sokn Nummer Ei riktig god jul til alle! 1

2 n Framsida: Skakkekoret heldt sin årlege julekonsert i Etne kyrkje 5. desember. Trass i dårleg ver, var konserten godt besøkt. Dei mange tilhøyrarane fekk glede seg over mykje vakker song, både frå koret og ikkje minst alle dei flinke solistane. Med eit repertoar som spente frå dei heilt tradisjonelle julesalmane via nyare julesalmediktning, til filmmusikk og amerikanske slagarar, fekk koret utfolda seg over eit vidt spekter. Det meistra dei særdeles bra, til publikums glede. Dirigent Audny Aasheim leia koret med kyndig hand, og må vere vel fornøgd med god respons frå songarar og tilhøyrarar. Vi gleder oss allereie til neste års konsert Skakkekoret er noko ein ikkje bør gå glipp av! Foto: Svein Egil Økland Kyrkjeposten vert distribuert til alle husstandar i Etne og Skånevik. Bladet blir betrakta som offentleg informasjon og nærmiljøblad. Kyrkjeposten er ikkje definert som uadressert reklame. Stoff sendes til kyrkjeposten@etnekyrkja.no Frist for stoff til neste nr: 1. mars 2 Andakt: Halvor Nordhaug Venner for livet? I 2013 har vi ungdomsår i Bjørgvin bispedøme. I møta våre med ungdom hentar vi ofte fram dette biletet som står saman med andakten. Det passar som hand i hanske med juleevangeliet. Biletet viser Jesus og den egyptiske munken Menas frå ca. år 600. Det blir gjerne kalla «Jesus og vennen hans» og heng i dag i Louvre i Paris. Ofte når Jesus blir skildra i kunsten er han tydeleg større enn menneska som omgir han. Men i dette biletet er dei jamlike. Jesus og munken er omtrent like høge, og Jesus legg handa si rundt munken sine skuldrer. Dei er venner og går vegen saman. Dette er eit bilete om som fell i god jord hos ungdom, fordi det viser venner som bryr seg om kvarandre, der den eine ikkje gjer seg stor på den andre sin kostnad. Jesus vil ikkje vere fjern, men nær. Jesus vil ikkje vere eit uløyst mysterium, men ein venn som gir seg til kjenne og vil vere den fortrulege følgjesveinen gjennom livet vårt. Biletet minner oss om Jesu ord i Johannesevangeliet: «Eg kallar dykk ikkje tenarar lenger, for tenaren veit ikkje kva herren hans gjer. Eg kallar dykk vener, for eg har fortalt dykk alt eg har høyrt av Far min». (15,15) Då Jesus blei fødd og lagd i krubba, blei noko av Gud sjølv overgitt i hendene våre. I Jesus kom Gud oss så nær som det er mogeleg. Han blei ein av oss, ein bror og ein venn. Ungdom i dag, som ungdom i går, er opptekne av vennskap. Mange har nære venner som betyr mykje for dei, men mange har også opplevt at venner sviktar. Somme veit kanskje ikkje om dei har ein verkeleg venn. I ungdomsåret 2013 har det vore målet vårt at ungdom, og alle andre, skal få høyre at det her og no finst ein som alltid og under alle forhold vil vere vennen deira, slik han var det for munken Menas

3 Gud gir - vi deler TRUSOPPLÆRING i Etne og Skånevik Våren 2014 har me desse tilboda: Januar: Tårnagenter i Gjerde kyrkje: for 8-åringar januar. Februar: Utdeling av cd til 2-åringar, Skånevik og Etne. Mars: Utdeling av mi kyrkjebok 6 i Skånevik og Etne kyrkje i mars; for 6-åringar. Kontinuerlig: Konfirmasjonsundervisning i Skånevik og Etne. for mange hundre år sidan. Jesus er ein venn som ikkje sviktar og som aldri blir klok av skade. Kan du sjå at munken skjeglar litt med venstre auge? Det er neppe ein glipp frå målaren si side. Med eitt auge ser han mot Jesus og med eitt auge ser han på vegen som ligg framfor. Slik fortel biletet noko om kva det er å vere ein kristen. Speler Gud ei rolle i livet ditt? Betyr Jesus noko for deg? Viss ikkje, er det bra at du les dette og får sjå biletet av Jesus og vennen hans. Jesus er vennen som aldri gir oss opp, heller ikkje når vi går bort. Ville det ikkje vore fint å vere vennen hans? Meir kan komme til! Det blir sendt ut brev med invitasjon til alle døypte i målgruppa. Ta kontakt med trusopplæringsmedarbeider ( eller tru@etnekyrkja.no) om ikkje invitasjon kjem. Hugs påmelding! Ordtaka 22,6: Lær den unge den vegen han skal gå, Så vik han ikkje av når han blir gamal. 3

4 FEST I FJÆRA Ein kopp kaffi er godt for å samle kreftar til dugnadsarbeidet Glad stemning etter jubileumsgudstenesta. Frå venstre i den oppstilde flokken: Organist Solveig Sørheim og prestane Harald Grønnevik, Asbjørn Salte, prost Svein Arne Theodorsen, Vigbjørn Matre, Harald Eintveit, Per Hjemdal, Kirsten Olsen og Jens Olav Mæland. Den lange og imponerande innsatsen for å gjera 100-åringen Fjæra kapell ferdig til fest blei avslutta med 2 dagars grundig feiring sist i oktober. Fjæra og Fjorden er einaste staden eg veit som innimellom kan visa til meir enn 100 % frammøte i kyrkjelivet. Det kjem sjølvsagt av at utflytte fjordafolk er sterkt knytte til bygdene og kyrkja og vender heim til høgtider og 4 særlege hendingar. Slik også denne gongen. Laurdag 19. oktober heldt me kyrkje- og bygdakveld på idrettshuset. I ein fullsett sal fekk me høra Oddny Irene Miljeteig sin tale om Gudstru mellom bratte fjell, eit høgdepunkt under feiringa, fylgd av Leif Andenes si teologiske fortolkning av fjordalandskapet då han fortalde og les dikt om Allvaldsnuten. Anne Grethe Rullestad og Jon Arne Markhus sto for storarta musikalske innslag og Lars Eirik Tjeldflåt fortalde slåser frå Fjorden. Marit Karin Markhus las prologen ho skreiv då kyrkja var 75 år og allsong med Åkrafjordsongen og Fjærasongen høyrer til. Midt oppi alt dette serverte lokale folk og Skånevik sokneråd oss betasuppe og marsipankake med kaffi. Prosten avslutta samveret før me retta oss inn mot gudstenesta neste morgon ved å syngja Grundtvigverset Vi er Guds hus og kirke nu,

5 Vegen frå teikning til realitet er nesten over. Oddny Iren Miljeteig talte om Gudstru ved fjorden - ei tale som greip alle tilhøyrarane! bygget av levende stener. Hovedfeiringa i det nyrestaurerte kyrkjerommet søndag 20. oktober blei leia av prost Svein Arne Theodorsen og dei lokale prestane. Organist Solveig Sørheim, Anne Grethe Rullestad og Skånevik kyrkjekor sto for det musikalske og mange tidlegare prestar hadde funne vegen tilbake. Det hadde og Vigbjørn Matre, den einaste som er prestevigd i kapellet. Men viktigast av alt fylde folket kyrkja til siste plass og vel så det. Om lag 150 feira jubileumsgudsteneste for kyrkja si. Det vitnar om Gudstru mellom bratte fjell. Idrettshuset var klargjort til meir fest og me heldt kyrkjekaffi med kaffi og nye kaker. Etne sokneråd var servitørar denne gongen. Mange helsingar og minner blei borne fram, og Olav Markhus fortalde og song salmen Det er makt i de foldede hender. Eg er sikker på at mange ser med glede og takksemd tilbake på ei stor helg. Og så ser me framover til mange gode møte i det gamle, og nye huset. Harald Grønnevik 5

6 LIVETS GANG ETNE DØYPTE: 06. oktober, Gjerde: Julie Markhus Krokå 06. oktober, Gjerde: Aksel Skålerud 10. november, Etne: Hedda Myklebust Høyland 10. november, Etne: William Gjernes Gravelsæter 10. november, Etne: olve Sørheim 10. november, Etne: Vebjørn Øyjord 17. november, Grindheim: Olene Larsen 17. november, Grindheim: Liam Rosseland 17. november, Grindheim: Lionel Birkenes Øyjord 8. desember, Etne: Theodor Pedersen Grønstad LYS VAKEN VIGDE: 18. oktober, Etne: Thaworn Phimpha og Jonny Birkenes 26. oktober, Stødle: Elin Sørheim og Leif Morten Songe GRAVLAGDE: Ingen i oktober. 7. november, Grindheim: Inger Aud Handeland 28. november, Stødle: Tørres Johan Østrem 29. november, Stødle: lars Paulsen SKÅNEVIK DØYPTE: 13. oktober, Skånevik: Tarjei Toeneiet Birkenes 26. oktober, Skånevik: Steffen Matre Pedersen 24. november, Fjæra: Viar Markhus Winge 1. desember, Skånevik: Hanna Gjevre Tjelle VIGDE: Ingen i oktober og ingen i november. GRAVLAGDE: 11. oktober, Skånevik: Signe Sævareid 18. oktober, Skånevik: Terje Ness 8. november, Skånevik: Marit Anita Hjelmervik 14. november, Skånevik: Palma Eidseth Trufaste kyrkjesongarar Peder Andreas Ness og Liv Tungesvik feirar 80-årsdagane sine i desse dagar. Som aktive og svært pålitelege songarar i Skånevik kyrkjekor fekk dei overrakt blomar frå medlemmene på siste øvinga før jul. Vi gratulerer! 6 Laurdag 30. november samlast 11-åringar frå heile landet rundt i mange kyrkjer for å vere med på Lys Vaken. Kyrkja markerer med denne feiringa at 1. søndag i advent tek det nye kyrkjeåret til. Me feirer kyrkja sitt nyttår. Då er 11-åringar lys vakne for det som skjer rundt dei, for kvarandre og for Gud. I Skånevik kyrkje var det samla frivillige medhjelparar og mange 11-åringar frå Etne og Skånevik til ei flott helg med leik, song, dans, bibelforteljing og mykje meir. Denne helga var det yrande liv i og rundt kyrkja. Me har nokre flotte, vakne og kjekke 11 åringar i sokna våre! Ein viktig del av Lys Vaken er å førebu og ta del i gudstenesta 1. søndag i advent. Prest denne helga var Gjermund Lygre. På gudstenesta kom også Skånevikspeidarane med flaggborg og 4-åringane i Skånevik fekk Mi Kyrkjebok 4. Martha Tjelle song etter barnedåp og saman med Lys Vaken gjengen til postludium. Soknerådet laga til kyrkjekaffi for alle som hadde tid å stanse. Takk til alle 11-åringar for ei flott helg! Takk til alle foreldre, besteforeldre og alle som kom og var med oss på gudstjenesta! Takk til alle gode medhjelparar; tilsette og frivillige! Med dykkar hjelp kan me arrangere Lys Vaken! Astrid Trusopplæringsmedarbeider

7 Harald Grønnevik sluttar Harald Grønnevik gir seg etter fire år som sokneprest i Skånevik. Organist Solveig Sørheim er ein av kollegaene som har sett pris på godt samarbeid. Den store liturgi-reforma som blei vedtatt skulle gjennomførast i Den norske kyrkja, har skapt ein del glede, men og mykje frustrasjon. Større deltaking i det liturgiske liv og større rom for sjølv å utforme bøner og andre element, har vært av det gode. Men musikken dette at alt det som før har vore sunge, og som alle meir og mindre trufaste kyrkjegjengarar kunne så godt, plutselig har blitt ny, har skapt mest frustrasjon. At ein no ikkje lenger veit kva som skjer om ein går i kyrkja ein annan stad, likeeins. I Etne og Skånevik inviterte vi til mange øvingsgudstenester i forkant av valet av ny musikk. Heile fem liturgiske seriar innan musikk blei utprøvd. Eit lokalt liturgiutval for Skånevik og Etne kyrkjelyder arbeidde så grundig både med liturgiske element og musikk. Etter deira tilråding blei nokre forkasta, medan ein enda som liturgi i familiegudstenesta, og ein annan i hovudgudstenesta, dvs høgmessa Det var godt med folk både i kyrkje og på bedehus då Harald Grønnevik feira si siste gudsteneste som sokneprest i Skånevik kyrkje. Prost Svein Arne Theodorsen helsa, og Harald sjølv preika over teksten frå Johannes 5 om mannen som hadde vært lam i 38 år, men som møtte Jesus og blei helbreda. Skånevik kyrkjekor lyfta gudstenesta med fin song, soknepresten har jo heile tida sjølv vært ei habil røyst i koret. Etter gudstenesta var det stor kyrkjekaffi på bedehuset, som soknerådet stod for. Fint pynta, mykje god kake og kaffi, og folk som hadde lyst til å bruke tid på å være med og sei takk til Harald, sjølv om dei fleste nok ikkje hadde lyst til å sei farvel. Liturgi atter ein gong søndag formiddag. Nokre kyrkjefolk har lært den nye liturgiske musikken og byrja bli glad i ho. Andre har nok lært den, men ikkje funne seg heilt til rette med den. Atter andre har ikkje lært den, og kjenner seg framandgjort i møte med gudstenesta slik den er. Det er soknerådet som har avgjerdsmakta når det gjeld kva musikk som skal brukast. I utgangspunktet blei musikken valt for å brukast i to år. Deretter skulle ein evaluere og drøfte på ny om ein ville halde fast ved valet, eller foreta eit nytt. Pga at nokon uttrykte misnøye med valet som blei tatt her i Etne og Skånevik, drøfta sokneråda likevel saka på nytt etter berre eit år. Det blei då vedteke at ein vil halda fast ved valet enno eit år, før ein kallar saman til soknemøte som får rådgjevande funksjon i forhold til soknerådet. (Rådgjevande, fordi lova seier at soknerådet fattar vedtaket.) Samtidig som det skjedde, kom skriv frå kyrkjerådet. Dei har også fått med seg misnøye og uro blant kyrkjelydslemmar og ikkje minst Helsingar frå sokneråd, prost og kolleger i staben samt fine gåver både frå Skånevik sokneråd og arbeidsgjevar mellom anna, gav Harald den sjansen han trengte til å sei takk med glimt i auget, og fortelje ei god historie, som så mang ein gong før. No er vi heldige og får ha Harald og Torbjørg buande i Skånevik også i åra som kjem, så at det var siste gong han gjorde teneste i kyrkjene våre, spørs vel. Men han vil iallfall nytte tida som pensjonist både til familie og reiser, og ikkje minst hage og fiske. Vi takkar Harald for dei nesten 4 åra som prest i Skånevik, og ynskjer han lukke til med dagane som pensjonist! P.Hj. prestar og organistar som no finn det vanskeleg å vikariere i andre kyrkjelydar. Kyrkjerådet teiknar eit bilete av eit mogleg svar på uroa ved at ein sentralt kanskje vil vedta tre liturgiske seriar som ein vel blant, i det store og heile. Men dei har ikkje heilt landa på løysinga for korleis dette endar. Dei vil iallfall sende ut høyringsbrev til kyrkjelydane neste haust, og så behandle reviderte liturgiar inkl. liturgisk musikk både ein og to gongar, før dei sender saka til bispemøtet for uttale og deretter kyrkjemøtet for vedtak. Enn så lenge betyr dette at kyrkjelyden lokalt utformar liturgien slik dei ønskjer og slik at biskopen kan godkjenne ho. Men heile kyrkja, våre kyrkjelyder inkludert, må vere budd på evt endringar vedtatt av kyrkjemøtet i Så blir det spanande å sjå har vi i Etne og Skånevik treft rett ang val av liturgisk musikk for framtida, eller blir vi nøydt til å lære oss enda noko heilt nytt? Underteikna trur det første, men den som 7 lever, får sjå! P. Hj

8 Den første store julekonserten i Etne kyrkje var det Trine Rein og Etne Soul children som stod for. Vel 275 frammøtte fekk oppleve julesongar med trøkk ein skulle bli godt sliten av å springe rundt juletreet i tempoet til klassikaren Det kimer nå til julefest! Men dei fekk og sin del av meir rolege songar, og ikkje minst mykje songglede når Soul children hjelpte til. Blanda både med gode vitnesbyrd og festlige historier, blei konserten ei god oppleving for sinn og ånd. Som vanlig har det også blitt gjennomført konsertar med lokale kreftar både i Skånevik kyrkje og i Etne. Når KP går i trykken har ikkje konserten i Etne blitt halde, men i Skånevik den 8. desember var både kyrkjekor, skulekorps, Skånevik musikklag og elevar frå Kulturskulen med å gje ei flott oppleving i kyrkja. Også elevar frå 3. og 4. klasse på Skånevik skule song, til stor glede for dei mange frammøtte. J ulekonsert Frå trusopplæringa Meir enn 20 fireåringar kom til gudsteneste for å få si kyrkjebok i Etne kyrkje den 10. november. 13 av desse tok også del i kyrkjelyden sitt trusopplæringstilbod fire samlingar, kvar på ein dryg time. Dei fekk med seg bibelhistorier, songar og kveldsmat, samt ein gøy aktivitet undervegs - dei teikna seg sjølv med god hjelp av mor eller far, dei laga smykke og englar. Dei fekk også undra seg saman med dei vaksne både over korleis Jesus kunne sjå den kortvaksne Sakkeus oppe i treet og over korleis han set borna fremst. Aller finast var det kanskje å tenne lys, medan dei andre song til dei, med glede over at akkurat han eller ho fekk være Guds barn. Eit vellukka opplegg til 8glede både for barn, foreldre og kyrkjas medarbeidarar! Full konsentrasjon når flotte fireåringar får fargelegge seg sjølv!

9 Bruktbua 1 år! Det blei stort markert at Etne Bruktbu fylte eitt år den 9. november. Kaker og kaffi, halv pris på heile vareutvalet, og mange hyggelege menneske både framfor og bak disken. Etne Bruktbu er ein ekte solskinnshistorie. Starta på initiativ frå innsatsvillige damer i løpet av ein månad, fylt av varer frå villige gjevarar, og drifta av meir enn 30 frivillige menn og kvinner som alltid tek imot kundane med eit smil og varm kaffi. Blant kundane er det mange som har gjort gode handlar, nokon har gjort regelrette kupp! (Medan nokon har blitt snytt den dagen soknepresten trådde til og stod bak disken, tidobla han visst prisen på enkelte produkt! Men sjølv om det blei oppdaga, betalte folk likevel prisen med eit smil ) Korleis har det gått? Over all forventning! I løpet av første året kom omsetjinga opp i over ,-! Noko går bort til straum og husleige, men hugs på at alle som arbeidar i Bruktbua gjer det heilt utan vederlag. Og pengane som kjem inn, går uavkorta til nedbetaling av den nye kyrkja. Så ikkje nøl ta turen innom og sjå kva fint du finn! (Og har du noe fint du ikkje treng, er du hjarteleg velkommen med det også!) P.Hj. Julaftan på Frette og i Etne kyrkje! Med ny kyrkje har det skjedd ganske store endringar i kor hyppig dei gamle kyrkjene blir brukt. Så godt det lar seg gjere, prøver kyrkjestaben å få regelmessig feiring av gudstenester også i dei gamle, slik at gode familietradisjonar som dåp i ei særskild kyrkje, kan haldast i hevd. Ikkje alltid let det seg gjere! Men også når vi no feirar jul, vil det merkast at vi har fått ny, stor kyrkje. Til glede for folket inst i Stordalen, blir no gudstenesta som før vart feira i Grindheimskyrkja, flytta til Frette bedehuskapell. Alle som bur på Frette, Sævareid, Kyrping eller Håland er særleg invitert samt alle som gjennom åra har opparbeid seg tradisjon for å gå til kyrkje på julaftan kl. 1430! Vi er ikkje redd for å fylle Frette kapell, for der det er hjarterom er det husrom. Men om ein heller ønskjer det, så blir det no altså også gudsteneste i Etne kyrkje. Den erstattar gudstenesta i Gjerde, sjølv om tidspunktet er det same: Kl. 16. Her er god plass, og vi gleder oss over at Enge skulemusikk blir med på flyttinga og spelar som tidlegare! Vel møtt i kyrkja på julaftan! (Og like vel møtt 1. juledag kl. 12, anten i Skånevik eller Stødle.) P.Hj. Nytt av året: Julaftans gudsteneste i Frette kapell. Velkommen! 9

10 KRIK ETNE - med heile vegen Så hadde endeleg ungdommane tent liv fått sin boltreplass i kyrkjelyden i - Vinna menneske for Kristus Etne! Eit kyrkjerom på størrelse - Veileda omkring tru, etikk og med ein volleyballbane, med idrett sportsdekke og demping i golvet! - Skapa idrettsglede Fantastisk med eit sånt bygg der - Utfordra til å ta oppgåver og folk i alle aldrar og med svært ansvar innan idrett og kyrkje ulike behov kan finna sin plass - Utvikla personkontakt og venskap og kjenna seg heime. KRIK står for KRisten IdrettsKontakt Her i Etne er målet å ha samling og er ein aktiv organisasjon med ulike aktivitetar, andakt og som gjer eit stort arbeid for ungdom mat, ca annankvar fredagskveld over heile landet. mellom kl og Me I formålsparagrafen står det : vil og motivera ungdommane til Kristen Idrettskontakt ønsker å reisa på KRIK sine eigne arrangement, å bevare, inspirere og vinne som Action, Arena og idrettsfolk til kristent liv både Explore. Målgruppa er ungdom i idrettslag og menighet. Vet frå klasse, men me ynskjer dere ikke at de som er med i et og velkomne eldre ungdommar løp på idrettsbanen, de løper alle som har lyst til å vera med. Me sammen, men bare èn vinner håper at dette skal vera ein plass seiersprisen? Løp da slik at dere der ungdommane vil trivast, og vinner den. En idrettsmann må der dei vil kjenna at dei har sin fornekte seg alt. Han gjør det eigen gode plass der dei kan få for å vinne en krans som visner, styrka samhald og venskap og vi for å vinne en krans som ikkje minst ein plass der dei kan aldri visner (1.Kor 9, få undervisning i kristen tru ). Så kjenner du nokon som du trur KRIK har 6 hovudmål kunne ha lyst til å vera med, så 10 : må du gje dei eit tips! - Bevisstgjera til kris- RS Tlf Sunnhordland Mek Verksted AS

11 Kyrkja sitt tilbod til born og unge i Etne og Skånevik Tripp Trapp Treff Skånevik m/småbarnsang for barn under 3 år. Anna kvar onsdag. Sjå plakat. Tripp Trapp Treff Etne Tripp Trapp treff på Etne kyrkjetorg anna kvar onsdag. Sjå etter plakat. Tripp Trapp Sævareid Sjå etter plakat. Skånevikspeidaren Småspeidarane: 3. og 4. klasse Storspeidarane: klasse Møter på gamleskulen onsdagar kl Kontaktperson: Kari Johansson tlf Pre Soul-children Songtilbod til barn klasse år. Annakvar veke torsdagar kl Enge bedehus. Kontaktperson: Aud Jorunn Baustad Etne Soul-Children Songtilbod for ungdom klasse. Annakvar veke torsdagar kl Enge bedehus. Kontaktperson: Aud Jorunn Baustad Fredagsklubben Tilbod til barn frå 1. til og med 7. klasse. Enge bedehus kl Gruppeaktivitetar, song og andakt Ungdomsklubb Skånevik for klasse 11.oktober, 25. oktober, november og 6. desember KFUK-KFUM speidarane Oppdagarane frå klasse. Annakvar tysdag kl Kontaktperson Marta Onstein Vandrerar frå 5. klasse. Møte ein laurdag i månaden kl Kontaktperson Ingunn Frette for meir informasjon. KRIK For ungdom frå 8. klasse og oppover. Etne kyrkje kl Utandørs vigsel? Ei av sakene som gjekk meir stillferdig igjennom på årets bispemøte, var at biskopane i Den norske kyrkja gjekk inn for meir smidig handsaming av praksis når det gjeld kor folk kan via seg. Medan dei tidlegare heldt på ein strikt praksis med kyrkjelege vigslar i kyrkjerom eller på utvalde, gamle kyrkjestader, er no ordlyden i retningslinjene at vigsler kan gå føre seg på stader utandørs som er egna til å halde gudsteneste. Det betyr at ein framleis ikkje kan foreta heilt ville stunt, som til dømes under vatn eller i fallskjerm, men ynskjer nokon å gifte seg t.d. på Peparen eller Osnes, må dei berre kontakte kyrkjekontoret (og kanskje grunneigar) for ein prat om tid og stad! Kyrkja Adresser Etne kyrkjekontor Postboks 6, 5591 ETNE tlf Heimeside: Soknepresten i Etne, Per Hjemdal / soknepresten@etnekyrkja.no Kyrkjeverje Aud Jorunn Baustad kyrkjeverja@etnekyrkja.no Trusopplæringsmedarbeidar Astrid Askeland Johnsen tru@etnekyrkja.no Organist Solveig Sørheim Tlf solveigsrheim@yahoo.no Kyrkjegardsarb./kyrkjetenar Bjørn Stødle Vikar Kyrkjelydssekretær Randi Frette s akshandsamar@etnekyrkja.no Soknerådsleiar i Etne Pål Atle Baugstad / Soknerådsleiar i Skånevik Eli Garvik Fellesrådsleiar Harald Lindevik /

12 Gudstenester Hausten 2013 Dato KL Søndag Stad Type Prest 22-Des s i advent Gjerde Høgmesse Per Hjemdal 24-Des Julaftan Frette Familiegudsteneste Per Hjemdal 24-Des Julaftan Etne Familiegudsteneste Per Hjemdal 24-Des Julaftan Fjæra Familiegudsteneste Egil Larsen 24-Des Julaftan Skånevik Familiegudsteneste Egil Larsen 25-Des juledag Stødle Høgtidsgudsteneste Pål Dale 25-Des juledag Skånevik Høgtidsgudsteneste Per Hjemdal 29-Des Romjulssøndag Ingen gudsteneste 31-Des Nyttårsaften Skånevik Høgmesse Per Hjemdal 1-Jan Jesu namnedag Grindheim Høgmesse Per Hjemdal 5-Jan Kristi openberringsdag Etne Høgmesse Per Hjemdal 12-Jan s i openberringstida Skånevik Høgmesse Svein Arne Theodorsen 12-Jan s i openberringstida Frette Høgmesse Svein Arne Theodorsen 19-Jan s i openberringstida Gjerde Familiegudsteneste Per Hjemdal 26-Jan s i openberringstida Etne Høgmesse Pål Dale 2-Feb s i openberringstida Skånevik Familiegudsteneste Egil Larsen 9-Feb s i openberringstida Etne Familiegudsteneste Per Hjemdal 9-Feb s i openberringstida Fjæra Familiegudsteneste Per Hjemdal 16-Feb Såmannsøndag Stødle Høgmesse Pål Dale 23-Feb Kr. forklaringsdag Gjerde Festgudsteneste, grunnlovsjubileum P. Hjemdal Endringar kan skje. Fylg med i Grannar! Gåve til Etne kyrkje Etne sokneråd er svært takksame for alle gåver til den nye kyrkja. Mange, både bedriftar og privatpersonar, har gitt store og fine gåver! I skrivande stund er det kommet inn meir enn 200 stolar, og mykje av kyrkjeutstyret er på plass utan kostnad for kyrkjelyden. Merk for privatpersonar: Har du gjeve ei gåve til kyrkja, og ynskjer skattefrådrag for ho, må kyrkjekontoret ha personnummeret på gjevaren før nyttår! Er du usikker på om du oppgav det, ta kontakt med kyrkjekontoret. Når du mister nokon du er glad i 12 Etne senter - Tlf DØGNVAKT - Tlf: ETNE - VINDAFJORD - TYSVÆR