PROTOKOLL FRÅ STYREMØTE I HELSE VEST RHF 9. MAI 2014

Transkript

1 PROTOKOLL FRÅ STYREMØTE I HELSE VEST RHF 9. MAI 2014 Stad: Radisson Blu Hotel Norge, Bergen Møtetidspunkt: 9. mai 2014 kl Deltakarar frå styret Terje Vareberg Lise Reinertsen Ohene Aboagye Gunnar Berge Tone Berentsen Steinsvåg Olin Johanne Henden Lise Karin Strømme Reidun Nyborg Johansen Aslaug Husa Tom Guldhav Styreleiar Nestleiar Deltakarar frå administrasjonen Herlof Nilssen, administrerande direktør Per Karlsen, økonomi- og finansdirektør Ivar Eriksen, eigardirektør Hilde Christiansen, personal- og organisasjonsdirektør Baard-Christian Schem, fagdirektør Torunn Nilsen ref. liste 053/14 Godkjenning av innkalling og dagsorden 054/14 Protokoll frå styremøte i Helse Vest RHF /14 Administrerande direktør si orientering 056/14 Rapportering frå verksemda per mars /14 Forslag til regional plan for diagnostikk og behandling av prostatakreft 058/14 Sal av eigedomar i Jondal kommune 059/14 Prolongering av funksjonsperioden til det regionale brukarutvalet i Helse Vest 060/14 Orientering om Fagleg rapport 2013,forskingsprosjekt, nasjonale og regonale tenester 061/14 Orientering om Riksrevisjonen si undersøking om elektronisk meldingsutveksling 062/14 Orientering om forsking og innovasjon i Helse Vest 063/14 Eventuelt Skriv og meldingar Presentasjon av Helse Bergen HF og Synfaring på Haukeland universitetssjukehus Styreleiar Ranveig Frøiland og administrerande direktør Stener Kvinnsland, presenterte langtidsstrategi og arealplan for Helse Bergen HF. Styret deltok også på synfaring av Haukeland universitetssjukehus sitt byggeområde. 053/14 Godkjenning av innkalling og dagsorden Styreleiar orienterte om at styremøtet var ope for publikum og presse. 1

2 Forfall: Det var ingen forfall til møtet. Til dagsorden: Styreleiar orienterte om at det var eit nytt punkt på AD si orientering: AD si orientering pkt 8 - Orientering om status i prosessen med anskaffing av spesialiserte rehabiliteringstenester Styreleiar orienterte om at møtet ville bli lukka under denne orienteringa, jf. Helseføretakslova 26A 2. ledd nr. 5. Dokument som var delt ut i møtet: Følgjande dokument var delt ut i møtet: Tidsplan for styremøtet Notat til AD si orientering pkt 7 - Glitreklinikken Eventuelt: Følgjande sak blei meldt til eventuelt: Dagkirurgi ved Nordfjord sjukehus (OJH) Det var ingen merknader til innkalling og dagsorden. 054/15 Protokoll frå styremøte i Helse Vest RHF Styret godkjente og underteikna protokollen. 055/14 Administrerande direktør si orientering Ope del 1. Rapportering tilsynssaker Administrasjonen viste til utsendt notat. 2. Orientering om relevante lover, forskrifter og myndigheitskrav i perioden Administrasjonen viste til utsendt notat. 3. Oversikt over aktuelle høyringar Administrasjonen viste til utsendt notat. 4. Status i arbeidet med «Alle møter» Administrasjonen orienterte om status og framdrift i arbeidet med «Alle møter». Lysark er sendt ut til styret. 5. Forliksklage frå Stiftelsen Bergensklinikkene Administrasjonen orienterte om forliksklage frå Stiftelsen Bergensklinikkene og vidare handtering av saka. 6. Fullmakt til å representere Helse Vest RHF på generalforsamling i Helse Vest IKT AS Styret slutta seg til at styreleiar gir administrerande direktør fullmakt til å representere Helse Vest RHF og gjennomføre generalforsamling i Helse Vest IKT AS. 7. Glitreklinikken Gjesteopphald ved Glittreklinikken har ved ein feil, over fleire år ikkje blitt fakturert. Frå Helse Vest og Helse Nord er det hevda at Helse Sør Øst har fakturert for seint for 2012 i forhold til felles retningslinjer for gjestepasientoppgjer, og at fakturamottakarane dermed kan la vere å betale kravet. Felles retningslinjer er at regionane som hovudregel skal fakturere fortløpande når krava oppstår, men at krav ikkje blir forelda før etter eitt år. Helse Sør Øst er einig i at krav må bli fremma seinast innan eitt år etter at det oppstår. 2

3 Styret tok meldingane til orientering. Dei hevdar likevel at det ikkje er beskrive nærare i retningslinjene kva som definerer når eit krav har oppstått, og at det difor kan diskuterast om kravet i det heile tatt er fakturert for seint. Det er Helse Sør Øst RHF si oppfatning at når det har skjedd ein feil som ikkje har skuld i ein dårlig praksis mht rutinar for fakturering, så er ikkje retningslinjene meint å overstyre juridisk foreldingsfrist for økonomiske krav. Helse Midt Norge har betalt kravet for Helse Sør-Øst RHF opprettheld kravet for 2012 for bruk av Glittreklinikken frå andre. For 2012 utgjer dette samla 37,6 MNOK for dei andre regionane (15,9 MNOK Helse Vest RHF, 8,7 MNOK Helse Midt-Norge RHF og 12,9 MNOK Helse Nord RHF). Helse Vest har satt av for kravet i rekneskapen for Styret presiserte at ein føresetnad for å betale kravet for 2012 må vere ein skriftleg avtale som regulerer kun eit års etterfakturering mellom regionane for framtida. 056/14 Rapportering frå verksemda per mars 2014 Ventetidsutviklinga per mars 2014 syner at dei gjennomsnittlege ventetidene for alle som starta behandling var 67 dagar, medan ventetida for dei som framleis venta ved utgongen av månaden var 68 dagar. Aktivitetsnivået innan den somatiske sektoren er høgare enn per mars 2013, både for innlagde døgnpasientar, dagpasientar, poliklinisk behandling, og for talet genererte DRG-poeng. Aktivitetsnivået innan psykisk helsevern syner høgare poliklinisk aktivitetsnivå innan BUP og psykisk helsevern for vaksne samanlikna med same tid i Prosentdelen fristbrot for behandla låg på 4 % i mars Innan somatikken er korridorpasientar framleis ei utfordring, men det gjennomsnittlege talet pasientar på korridor gjekk rett veg i mars Innan psykisk helsevern har talet korridorpasientar vore stabilt både i Helse Bergen og Helse Stavanger. Det samla talet på langtidsventande (1 år+) i regionen har vore stabilt på eit lågt nivå dei seinaste månadane. Delen epikrisar sendt innan 7 dagar var 81 % innan somatikken og 80 % innan psykisk helsevern i mars Det er ein nedgang med 0,7 % i det samla sjukefråværet i mars 2014 i forhold til februar ,78 % av alle einingane har eit samla sjukefråvær på 5,5 % eller lågare og 64,38 % av einingane har eit sjukemeldt fråvær under 4,5 % per mars Den korrigerte gjennomsnittlege stillingsprosenten for februar 2014 er på 91,37 %. Det har vore ein auke med 143 brutto månadsverk frå mars 2014 til april 2014 samla for føretaksgruppa. Netto månadsverk har hatt ein auke med 112 i same perioden samla for føretaksgruppa. Det økonomiske resultatet i mars er kr 94,3 mill. som er kr 23,8 mill. betre enn budsjettert. Akkumulert resultat er etter tre månader kr 233,6 mill. som er kr 58,1 mill. betre enn budsjettert. Føretaka melder ei prognose for året som er i tråd med budsjett. Samla investeringar per mars er på kr 322 mill. Dette utgjer omlag 17 % av budsjettert investeringsnivå i Driftskredittramma vil ved årets slutt vere kr 1,566 mrd. Samla sett er likviditetssituasjonen med noverande driftskredittramme vurdert å vere tilfredsstillande. I perioden 1. januar til 31. mars er det registrert oppslag som omhandlar Helse Vest og dei underliggjande føretaka og institusjonane. Analysen av synleggjering viser at mengda oppslag der Helse Vest RHF er framtredande er større enn ved sist måling, og i artiklane der det regionale helseføretaket er framtredande, er heile 51 prosent positive og svakt positive. 3

4 Styret viste til ventetid og fristbrot knytt til brystdiagnostikk og behandling av brystkreft, og peika på at helseføretaka må ta grep for å få ned ventetid. Det må etablerast heilskaplege pasientforløp i alle helseføretak, og ledig kapasitet i andre helseføretak bør nyttast for å redusere ventetid. Administrasjonen vil komme tilbake til styret til hausen, med ei sak om differensierte ventetider. Rapport frå prosjektet som har sett på tiltak for å redusere talet på korridorsenger i føretaka, er levert. a kjem til styret i juni Styret ba om å bli orienterte om resultata frå medarbeidarundersøkinga på RHF-et i eit seinare møte. Styret tok rapporteringa frå verksemda per 31. mars 2014 til etterretning. 057/14 Forslag til regional plan for diagnostikk og behandling av prostatakreft Ei arbeidsgruppe har utarbeidd forslag til ein regional plan for diagnostikk og behandling av prostatakreft. Gruppa har vurdert behovet diagnostikk, behandling og rehabilitering i eit 5-års perspektiv, kva som er utfordringar og korleis tilbodet bør utviklast. Forslag til regional plan har vore på høyring i helseføretaka og i brukarutval. Prostatakreft er den hyppigaste kreftforma hos menn og vil auke kraftig når delen eldre i befolkninga aukar. Tilgang på spesialistar innan urologi, onkologi, patologi og radiologi samt kapasitet på MR og analyser innan patologi vil vere utfordrande. Nasjonalt handlingsprogram må leggast til grunn for diagnostikk og behandling. Noverande funksjonsfordeling med stråleterapi og kirurgisk behandling bør vidareførast. Det blir anbefalt to prostatasentre i regionen, eit i Helse Bergen og eit i Helse Stavanger. Prostatakreft er fortsatt eit fagområde kor der er fagleg usemje på fleire område. Det gjeld både effekt av tidlig diagnostikk og kva som er optimal behandling og tidspunkt for radikale inngrep. Det er såleis naudsynt å vidareføre eit regionalt samarbeid for sikre at best mogelig kunnskap blir lagt til grunn for arbeidet i alle helseføretaka. Det blir foreslått etablert eit regionalt nettverk for å utvikle felles protokollar/metodebøker og prosedyrar på tvers av føretaka, samt nærare retningsliner for kva oppgåver prostatasentra skal ha. 1. Styret legg forslag til regional plan for diagnostikk og behandling av prostatakreft til grunn for utvikling av tilbodet i helseføretaka. 2. Det blir etablert eit fagleg nettverk som skal arbeide vidare med felles protokollar og prosedyrar på tvers av føretaka, bidra til utvikling av prostatasentre og lage retningsliner for korleis sentra kan nyttast for å sikre gode tilbod til pasientar i heile regionen. 3. Helseføretaka må ha særleg merksemd mot rekruttering av naudsynte spesialistar og kapasitet på medisinske støttetenestar som radiologi (MR) og patologi. 4. Det blir etablert to prostatasentre i regionen eit i Helse Bergen HF og eit i Helse Stavanger HF. Arbeidet med etablering startar i 2014 med sikte på full drift i løpet av 2015 ved begge. Det blir bedt om ein konkret plan for etablering av sentra frå dei to føretaka innan Det blir deretter tatt stilling til fordeling av dei øyremerka midla til føremålet. 058/15 Sal av eigedomar i Jondal kommune Helse Fonna HF ønskjer å selje Jonatunet i Jondal kommune. Det har ikkje vore pasientbehandling ved Jonatunet 4

5 sidan 2009 og føretaket har ingen planar om bruk av eigedommen. Det blir i saka gitt tilråding om sal av eigedommane. 1. Styret slutta seg til sal av eigedommane i Jondal kommune i tråd med vedtak gjort av Helse Fonna HF og føringar gitt av styret i møtet Styret føreset at eigedommane blir selt til Jondal kommune i tråd med vilkåra som går fram i saka og at Riksantikvaren blir underretta om overdraginga. 3. Det blir gjennomført føretaksmøte i Helse Fonna HF for endelig godkjenning av sal av eigedommane. 059/14 Prolongering av funksjonsperioden til det regionale brukarutvalet i Helse Vest Våren 2014 skulle det etter planen ha vore nemnt opp nytt regionalt brukarutval i Helse Vest. Som ein konsekvens av at dei nye retningslinjene for brukarmedverknad i Helse Vest slår fast av funksjonsperioden skal vere frå januar til januar 2 år etter, rår administrerande direktør styret i Helse Vest om å be brukarutvalet om å forlenge funksjonsperioden sin til Helse Vest vil ta kontakt med pasientorganisasjonane hausten 2014 med tanke på nyutnemning frå 2015 av. a har vore diskutert i det regionale brukarutvalet. Representanten frå det regionale brukarutvalet kommenterte at brukarutvalet var samde i handteringa av saka. Styret i Helse Vest forlenger funksjonsperioden til brukarutvalet til /14 Orientering om Fagleg rapport 2013,forskingsprosjekt, nasjonale og regionale tenester Det vert årleg utarbeidd ein rapport som omhandlar forskingsprosjekt som har fått tildelt midlar av det regionale samarbeidsorganet, som er eit samarbeid mellom Helse Vest RHF/helseføretaka i regionen, Universitetet i Bergen og Universitetet i Stavanger. Rapporten blir utarbeidd av Kompetansesenteret for klinisk forsking i Helse Bergen HF som sekretariat for Samarbeidsorganet. Samarbeidsorganet handsama rapporten og tok den til etterretning, (sak 02/2014). Rapporten Faglig rapportering 2013 vert med dette lagt fram for styret i Helse Vest RHF. Rapporten blir sendt Helsedirektoratet i samsvar med rapporteringsplikta gitt i Helse- og omsorgsdepartementet sitt oppdragsdokument for Den nasjonale rapporten «Forskning og innovasjon til pasientens beste» vert også lagt fram for styret. Rapporten er bestilt av Helse- og omsorgsdepartementet og er eit samarbeid mellom dei fire regionale helseføretaka, og er retta inn mot politikarar og ålmenta. Innhaldet i rapporten er i hovudsak ei framstilling av 14 forskings- og innovasjonsprosjekt henta frå alle regionar. I tillegg har ein henta inn nokre nasjonale nøkkeltall. Ettersom fristen for rapporten var sett til 15. mars, er nøkkeltala frå 2012 og tidlegare. Det vil bli utarbeidd årlege rapportar etter same leist, og det blir arbeidd for å få ein seinare frist for desse, slik at det er råd å få med dei nyaste tala frå forskings- og innovasjonsaktiviteten i helseføretaka. Styret temaet forsking og innovasjon i Helse Vest på styreseminaret til hausten. Presentasjonen bør belyse Helse Vest si satsing og strategi for forsking og innovasjon, samt samarbeidet med universiteta. Styret tok rapportane Faglig rapportering 2013 og «Forskning og innovasjon til pasientens beste» til orientering. 5

6 061/14 Orientering om Riksrevisjonen si undersøking om elektronisk meldingsutveksling Hovudfunn i undersøkinga er: Meldingsutveksling mellom helseføretak, kommunar og legekontor viser framleis mykje bruk av papir. Tekniske løysingar for å kunne avvikle sending av papir er ikkje utvikla eller tekne i bruk av alle aktørane. Det er klare svakheiter ved Helse- og omsorgsdepartementet si planlegging, styring og oppfølging av arbeidet med elektronisk meldingsutveksling. Status og vesentlige konsekvensar var ikkje godt nok utgreidd i forkant av «Samspill 2.0». Det er også svakheiter ved departementet sin styringsinformasjon og oppfølging. Helse- og omsorgsdepartementet sin virkemiddelbruk har ikkje vore tilpassa mål, status og utfordringar på området. Ambisiøse mål krev sterkare bruk av verkemiddel. Tilrådingane frå Riksrevisjonen er: Helse- og omsorgsdepartementet må styrke den samla bruken av verkemiddel for å sikre framdrift i arbeidet. Gjennom bruken av verkemiddel bør departementet bidra til at kommunar og legekontor har tilstrekkeleg insentiv til å ta i bruk elektronisk meldingsutveksling i tråd med Stortinget sine føresetnader om sikker og effektiv samhandling. Helsedirektoratet må sørge for å utvikle alle nødvendige nasjonale standardar for elektronisk meldingsutveksling mellom helseføretak, kommunar og legekontor. Norsk Helsenett SF må styrke innsatsen ytterlegare for å forbetre Adresseregisteret slik at dette så snart som råd blir eit velfungerande register for aktørane. Dei regionale helseføretaka må sørge for at dei tekniske løysingane blir innført og tekne i bruk i alle eigne helseføretak, slik at andre aktørar som vil etablere elektronisk meldingsutveksling, ikkje må vente på helseføretaka. Styret i Helse Vest RHF tek saka om «Riksrevisjonens undersøkelse om elektronisk meldingsutveksling» til orientering. 062/14 Orientering om forsking og innovasjon i Helse Vest Gjennom føretaksreforma vart forsking ein av fire hovudoppgåver for alle sjukehus i Norge (Lov om spesialisthelsetenesta 3-8). Ein av årsakene til det strategiske grepet var at den kliniske forskingsaktiviteten var på veg ned, samtidig som det var ei erkjenning av at forsking er eit viktig grunnlag for gode pasienttilbod. Etter kvart har forsking blitt en naturlig del av sjukehusa sin verksemd - forankra på leiarnivå, og spesialisthelsetenesta har blitt ein aktør å rekne med når det gjeld forsking. I tillegg til midlane til forsking som var (og er) innbakt i basistilskotet til dei regionale helseføretaka, følgde det med eit øyremerka tilskot til den nye hovudoppgåva. Oppdragsdokumenta frå Helse- og omsorgsdepartementet (HOD) gir årlege forventningar til resultat, og med dette fokuset på forsking vart det i 2004 etablert eit system for måling av forskingsaktivitet. Forskingsproduksjon i form av publikasjonar, doktorgrader og ekstern finansiering utgjer no grunnlaget for 70 % av dei øyremerkte midlane til forsking som vert tildelt gjennom statsbudsjettet. I tillegg kjem øyremerkte midlar til forsking frå ramma til Helse Vest. Midlane vert fordelt og følgd opp gjennom samarbeidsorganet mellom Helse Vest og universiteta i regionen. Midlane til forsking gjennom basistilskotet går i stor grad til infrastruktur, inkl. stillingar (forskarar og støttepersonell) i helseføretaka. Styret tok saka til orientering. 6

7 063/14 Eventuelt Dagkirurgi ved Nordfjord sjukehus (OJH) Styremedlem Olin Johanne Henden ønska ei orientering om kven som er ansvarleg for etablering av dagkirurgisk aktivitet ved Nordfjord sjukehus. Styret i Helse Vest har gjort vedtak som er oversendt Helse Førde for vidare oppfølging jf. brev til Helse Førde HF, dagsett Brevet ligg ved under skriv og meldingar. I samsvar med styrevedtaket vil styret i Helse Vest få ei styresak med status for gjennomføring etter eit år (våren 2015). Følgjande skriv og meldingar var sendt ut til styret: Rapportering frå verksemda pr. februar 2014 Høyringsfråsegn frå Sogn og Fjordande Venstre - Nordfjord sjukehus Kopi av brev frå tillitsvalde og verneombod ved Nordfjord Sjukehus og Nordfjord Psykiatrisenter - Stadleg leiing Nordfjord sjukehus Brev frå Helse Vest til Helse Førde HF - Oppfølging styrevedtak - Nordfjord sjukehus Brev frå Landsforeningen for pårørande for psykisk helse til Helse Vest - Helse Førde og psykisk helsevern Brev frå Helse Vest til HOD - Brukermedverknad og samhandling med styra i HF-a Invitasjon til SYSE utvalget Protokoll frå møte i regionalt brukarutval i Helse Vest onsdag Lukka del Møtet blei lukka med heimel i Helseføretakslova 26A 2. ledd nr /14 Administrerande direktør si orientering pkt Orientering om status i prosessen med anskaffing av spesialiserte rehabiliteringstenester Styret tok orienteringa om status i prosessen med anskaffing av spesialiserte rehabiliteringstenester og vidare retning og strategi til orientering. 7

8 Ref. Torunn Nilsen Terje Vareberg Styreleiar Lise Reinertsen Nestleiar Ohene Aboagye Gunnar Berge Tone Berentsen Steinsvåg Olin Johanne Henden Tom Guldhav Lise Karin Strømme Reidun Nyborg Johansen Aslaug Husa 8