Samordna uttale med motsegn områdereguleringsplan for Storebø sentrum - Austevoll

Transkript

1 Sakshandsamar, telefon Morten Sageidet, Egil Hauge, Vår dato Dykkar dato Vår referanse 2015/ Dykkar referanse 17/13193 Austevoll kommune Kommunehuset 5392 Storebø Samordna uttale med motsegn områdereguleringsplan for Storebø sentrum - Austevoll Vi viser til brev av med oversending av nemnde reguleringsplan til offentleg ettersyn. Vidare viser vi til brev av frå Kommunal- og moderniseringsdepartementet om delegering av myndigheit til å samordne statlege motsegner til kommunale planar etter plan- og bygningsloven og til avtale om utsett svarfrist. Bakgrunn Hovudføremålet i planen er å utvikle Storebø, med sentrumsformål, industri og bustad. Føremåla er, med nokre unnatak, fremja i samsvar med kommuneplan. Kommunen har vurdert at planen utløyser krav om konsekvensutgreiing. Statlege uttaler - innmeldt trong for motsegn I løpet av perioden for offentleg ettersyn har Fylkesmannen motteke uttale frå Kystverket (KV), der det er varsla om at planen kan kome i motstrid med statlege interesser i planlegginga. Vidare har vi fått tilsendt kopi av uttale frå Statens vegvesen (SVV), som i denne saka rår til at Hordaland fylkeskommune (HF) nyttar retten sin til å fremje motsegn. Hordaland Fylkeskommune (HF) har såleis òg vesentlege merknader til planen i sin administrative uttale og har funne det naudsynt å bringe spørsmålet om motsegn opp til politisk handsaming. HF. SVV er difor, i samråd med Austevoll kommune, invitert til å delta i dialogen om aktuelle motsegnspunkt. Vi gjev att hovudpunkta nedanfor og viser elles til uttalane i si heilskap når det gjeld grunngjevinga og forankringa av motsegnene/ aktuelle motsegner, samt andre planfaglege råd. Kystverket KV har meld inn følgjande punkt: Motsegn til småbåthamna utanfor Storebø brygge sidan ho kjem i konflikt med innseglinga og manøvreringsområdet til dei største fartøya som trafikkerer Storebø. Småbåthamna strekkjer seg for langt ut i hamnebassenget og blir difor ein fare for ferdsla og trafikktrykkleiken i farvatnet. Fylkesmannen i Hordaland Postadresse: Postboks 7310, 5020 Bergen Besøksadresse: Statens hus, Kaigaten 9, Bergen Telefon: Kommunal- og samfunnsplanavdelinga Kontakt: Nettside: Org.nr:

2 Statens vegvesen (SVV) SVV har som nemnt rådd til at HF fremjar motsegn til planen grunna omsynet til kollektivtrafikk og trafikktryggleik. Vidare er det gitt eigen uttale til planen, med punkt som SVV har ønska ein vidare dialog om, utan at det er knytt motsegn til desse tilhøva i brevet. Det er mellom anna vist til følgjande punkt: Plassering av kollektivterminal: Terminalen er plassert i utkanten av Storebø, langt frå målpunkt. Terminalen må trekkast lengre mot sør, nærare definert sentrum. Utforming av kollektivterminal: Geometrien er feil, og bussane får ein lite føremålsteneleg inn- og utkøyring. Kollektivterminalen er plassert tett opp til rundkøyring, og har vegareal på tre sider. Viste løysing har ikkje plass til at to bussar kan passere kvarandre og gir ikkje naudsynt trafikktryggleik for bytte av buss. Tilhøva for kollektivtrafikken: Framlegget løyser ikkje dagens situasjon før omlegging av veg og ny rundkøyring er opparbeidd. Situasjon med kollektivknutepunkt, avkjørsle og utflytande areal for mjuke trafikantar tilfredsstiller ikkje krav til trafikktryggleik. Områdeplanen må difor regulere ein ny situasjon som kan opparbeidast uavhengig av rundkøyring. Manglande byggegrense: Fleire av føremåla i planen har ikkje definert byggegrense i plankartet. Vegvesenet ser det som naudsynt med byggegrense for å sikre omsyn til mellom anna plassering av skilt, brøyting, avrenning og mjuke trafikantar. Hordaland fylkeskommune Fylkesadministrasjonen innstiller på motsegn grunna omsynet til kollektivløysingane og kulturminne. Innstilling om motsegn skal behandlast politisk, og inneheld i hovudsak følgjande punkt: Lokalisering og utforming av ny terminal verkar ikkje hensiktsmessig i framlegget, og framlegget løyser ikkje dagens situasjon før omlegging av veg og ny rundkøyring er opparbeidd. Kulturminne ID 6692: Plankartet er i strid med kulturminnelova og stiller krav om ei utvida vernesone H570 rundt det registrerte fornminnet ID Det må knytast føresegner til kva aktivitet som er lov i denne sona. Kulturminne ID 97714: Bevaringsområde rundt kulturminne ID må visast i plankart og føresegner. Fylkesmannen si vurdering Vidare har Fylkesmannen gjort ei førebels vurdering av planen, i lys av eige medverknadsansvar i kommunalt planarbeid og som utgangspunkt for ein utvida dialog. Fylkesmannen er positiv til at det no vert lagt fram ein samla plan for Storebø. Det er noko vi lenge har rådd til, ikkje minst fordi det dei siste åra har skjedd ei omfattande utbygging av strandsona på Storebø, forankra i ulike planar for mindre delområde. Det er difor viktig å dokumentere attverande miljø, frilufts- og landskapskvalitetar i strandsona, og sikre allmenta tilgang til desse. Særleg har byggetrykket vore høgt når det gjeld bustadprosjektet Storebø 2

3 brygge. Prosjektet er allereie regulert og utbygginga er godt i gang. Innvendingane våre er særleg knytte til følgjande tilhøve ved planen: Småbåtanlegget utanfor Storebø brygge: Anlegget vil kunne svekke kvalitetane til uteareala og friareala som går ned til strandlina. Anlegget vil også kunne svekke kvaliteten på bustadprosjektet. Strandsona nord for Storebø brygge er i stor grad lagt ut til byggeføremål, naust og bustader. Føreslått utbygging vil eventuelt ligge i utfordrande terreng. Det vil kunne gi tunge og omfattande terrenginngrep i form av sprenging og fyllingar. Ei fullskala utbygging i tråd med planframlegget vil legge betydeleg press på strandsona i området og få ein negativ landskapsverknad. Samordning og utvida dialog med kommunen I tråd med dei tilrådde rutinane for Fylkesmannen si samordning er Austevoll kommune gitt tilbod om og har ønska eit møte med aktuelle styresmakter, før Fylkesmannen gjer vurderinga si av konkrete motsegner. Kommunen ønska at HF og SVV skulle vere med på møtet, for å få drøfta merknader og motsegner i ein heilskap. Møtet vart halde den i Statens hus. Til stades frå Austevoll kommune: Morten Storebø - ordførar Bjarte Madsen - rådmann Erik Andreas Kyvig plan- og byggesjef Stina Nordbak planleggar. Frå Statens vegvesen Sindre Lillebø, seksjonssjef Hilde Kalleklev, overingeniør. Frå Kystverket Knut Stenevik sjefsingeniør Lene Røkke Mathisen seniorrådgiver Turid Susort Jansen seniorrådgiver. Frå Hordaland Fylkeskommune Eva Katrine Taule. Frå Fylkesmannen Lars Sponheim, fylkesmann Rune Fjeld, assisterande fylkesmann Kjell Kvingedal, avdelingsdirektør Egil Hauge, fagdirektør Morten Sageidet, seniorrådgjevar. Referat/ oppsummering Fylkesmannen ønska velkomen og orienterte om samordningsoppdraget og måla med utvida dialog om aktuelle motsegner i høyringsfasen. Kommunen orienterte om planen. Deretter vart etatane sine punkt gjennomgåtte og drøfta. Vi gjev att konklusjonane: 3

4 Småbåtanlegg (f_bsb1) Kystverket gjorde greie for momenta i uttalen sin, knytte til at småbåthamna vil koma i konflikt med innseglinga og manøvreringa til større fartøy. Fylkesmannen vurderer at same hamneområdet må reduserast av omsyn til verdiane i strandsona og langs sjøfronten. Kommunen tok dette til orientering og gav uttrykk for at dei innvendingane som kom fram i sum var av ein slik karakter at ein vil endre planen på dette punktet. Kommunen vil kome attende med eit nytt framlegg for ei tilstrekkeleg redusert løysing for båthamna. Fylkesmannen la då til grunn at det ikkje var naudsynt å ta nærare stilling til motsegnsspørsmålet no, men føreset då at KV og FM får eit nytt framlegg til ettersyn. Planløysinga for kollektivterminal SVV og FK gjorde greie for uttalane og aktuelle motsegnspunkt knytt til plasseringa av terminalen. Drøftingane synte at det truleg vil vere råd å få til ei løysing for kollektivterminalen innanfor områda 0_SKT og KBA6, som gjer at grunnlaget for ei eventuell motsegn frå HF kan falle bort. Kommunen tok det til orientering og er innstilt på å ha ein vidare dialog om det. Når det gjeld kravet til byggegrenser, oppfatta Fylkesmannen at det var semje om at det må arbeidast vidare med planen på dette punktet, sett i lys av at utfordringane truleg kan løysast i ein kombinasjon av fastsette byggegrenser i områdeplanen og ei nærare vurdering av kva delområde i planen det bør stillast krav til detaljregulering for å fange opp utfordringane som SVV/ HF har peika på. Strandsona Fylkesmannen sitt punkt knytt til strandsona nord for Storebø vart gjennomgått. Det var semje om at den viste løysinga for BUN 1, 2 og 3, med tilhøyrande småbåthamner vil gi eit for dominerande uttrykk i strandsona og redusere landskaps- og opplevingsverdien av dette området sett frå land og frå sjøen. Fylkesmannen meinte òg at bustadområda BKS 15 og 16 ligg i eit eksponert og utfordrande terreng. Det gjer dei delvis svært utfordrande å byggje ut, utan for store negative verknader på strandsona og landskapet. Austevoll kommune tok innspela til orientering og meinte at det var grunnlag for å sjå på ei redusert utbygging av naust- og hamneområda, med eit par mindre, spreidde naustklynger plassert skånsamt i terrenget. Småbåthamnføremålet må då planleggjast som mindre felles småbåtanlegg. Fylkesmannen ser såleis i møte ei endring av planen på dette punktet. Når det gjeld bustadområda (BKS 13, 15 og 16), vil Fylkesmannen ikkje gå i mot desse, men rår til at kommunen legg særleg stor vekt på landskapstilpassing i det vidare arbeidet med planen. Vi ønskjer lukke til med det vidare planarbeidet! Med helsing Rune Fjeld assisterande fylkesmann Egil Hauge fagdirektør 4

5 Brevet er godkjent elektronisk og har derfor inga underskrift. Kopi til: Statens vegvesen, Region Vest Postboks LEIKANGER Kystverket Postboks Ålesund Hordaland fylkeskommune Postboks Bergen 5