Mindre reguleringsendring for Hyttefelt Hedlo, delar av gnr. 95 bnr. 47 og gnr. 73 bnr. 1, Goddo, Bømlo kommune, PlanID: R-107 E

Transkript

1 Til kommunale og regionale instansar Mindre reguleringsendring for Hyttefelt Hedlo, delar av gnr. 95 bnr. 47 og gnr. 73 bnr. 1, Goddo, Bømlo kommune, PlanID: R-107 E Denne sendinga er varsel om endring av detaljregulering for Hyttefelt Hedlo, delar av gnr. 95 bnr. 47 og gnr. 73 bnr. 1, på Goddo i Bømlo kommune. Planendringa er gjennomført i regi av Bømlo kommune. Detaljreguleringa vert gjennomført som ei mindre, forenkla, reguleringsendring etter plan- og bygningslova (pbl.) Planendringa omhandlar i hovudsak justering av tomtegrenser i planen, med påfølgande justeringar av byggegrenser og arealføremål. Dette for å sikre at reguleringsplankartet stemmer med frådelte hyttetomter i terrenget. Vidare er tekniske anlegg (veg og gangvegar) justerte etter godkjente byggjesøknadar og slik dei faktisk er bygd. Endringane i planen og verknadane av desse er skildra i dette brevet. I tillegg er endra føresegner og plankart vedlagt sendinga. Detaljregulering for Hyttefelt Hedlo vart vedteke i , og seinare endra Planendringane omhandla den gang ny gangveg, ny parkeringsplass og to nye tomter (23 og 24), flytting av gangveg og av parkeringsplassar, samt delvis fjerning av høgspentlinje (lagt i jord). Delar av reguleringsplanen vart i 2010 erstatta av reguleringsplan for Hyttefelt Hedlo II, med planid R-142. Planendringa no tek utgangspunkt i plandokument vedteke i I tillegg til endringane gjeve opp over, vert føresegnene, arealføremål m.m. oppdatert og regulert etter ny plan- og bygningslov som trådde i kraft i Kommunen har vurdert saka sitt omfang til å vera ei mindre planendring, og at denne utsendinga er tilstrekkeleg som einaste høyring i saka før den vert politisk handsama. Etter at fristen for merknader er gått ut, vil ABO Plan & Arkitektur Stord vurdere merknadane, og om planframlegget skal endrast basert på desse. Ved vesentlege endringar vil saka sendast ut på ny høyring. Ferdig planforslag vil bli sendt til Bømlo kommune for administrativ sakshandsaming og vidare til politisk vedtak på planen. Moglege merknadar og synspunkt til planendringa skal sendast skriftleg til: ABO Plan & Arkitektur Stord AS Postboks Stord Eller e-post: abo_stord@abo-ark.no eller haga@abo-ark.no Innan høyringsfristen: Det er ikkje nødvendig å sende kopi av merknader til Bømlo kommune. Dette vil ABO Plan & Arkitektur Stord ivareta i samband med innsending av planframlegget. Med venleg helsing ABO Plan & Arkitektur Stord AS Berit Haga Vikanes

2 ENDRINGAR I PLANEN Bakgrunn og formål med endring av plan Bakgrunn for endringane i planen er faktiske frådelte hyttetomter i terrenget. Desse stemmer ikkje med tomtene slik dei er sett i reguleringsplankartet, og det er dermed naudsynt å gjere justeringar i plankartet kva gjeld hyttetomter, byggjegrenser og område for fritidsbusetnad. Då reguleringsplanen for Hedlo vart utarbeidd, var ikkje grunnkarta like nøyaktige som dei er i dag. Det var ut i frå det grunnlaget ein hadde søkt å få god terrengtilpassing av tiltaka i planen, og slik unngå dominerande bygg og tilkomst i ein sårbar kystnatur. Då planområdet vart bygd ut, vart det lagt vekt på best mogleg landskaps- og terrengtilpassing av nye hytter og tekniske anlegg i landskapet. Desse vart dermed lagt i terrenget, og ikkje nøyaktig etter reguleringsplanen. For å sikre ryddig sakshandsaming i kommunen, og gjere framtidige søknadar om nye tiltak enklare for grunneigarane i området, ønsker kommunen no å reflektere planområdet slik det er bygd ut. Slik unngår ein framtidige dispensasjonssøknadar i frå ein plan som ikkje stemmer med verkelegheita. Hovudføremålet med planendringa er å sikre at reguleringsplankartet stemmer med frådelte hyttetomter og tekniske anlegg i området. Eksisterande reguleringsplan for Hyttefelt Hedlo legg til rette for fritidshus og naust, med tilhøyrande føremål som m.a. samferdsel og båtplass. Føremål med planen er vidareført i planendringa. Det er ikkje lagt til nye tomter eller arealføremål, og planområdet er redusert grunna reguleringsplan for Hedlo II. Arealføremål og føresegner er justert etter ny planog bygningslov. Gjeldande reguleringsplan er å finne på Direktelink: Figur 1. Aktuelt område på Goddo i Bømlo kommune. Planområdet er vist med blå sirkel.

3 Figur 2. Utsnitt frå gjeldande reguleringsplan vedteken i 2002, sist endra i Figur 3. Utsnitt av frådelte tomter i terrenget.

4 Endringar i reguleringsplanen I plankartet er areal avsett til fritidshus med tilhøyrande byggegrenser, samt samferdsleareal, justert. Endringane er gjort i samsvar med ny plan- og bygningslov. Nytt plankart og føresegner er datert Arealføremåla er vidareført som i gjeldande plan, sist revidert 2006, men er oppdatert etter nytt regelverk. Endringane i planen er: 1. Justering av planområdet jf. ny reguleringsplan for Hedlo del II. Planområdet er redusert i frå 87,2 daa til 84,2 daa. 2. Arealføremålsgrenser for fritidsbusetnad er justerte etter oppmålte tomter i terreng. Byggjegrenser er tilsvarande justerte, der det er sett byggjegrenser på 4 meter, jf. gjeldande plan og pbl Som følgje av dei justerte tomtene er nokre tomter berre delvis omfatta av planen, ettersom ein ikkje vil utvide planområdet. Dette gjeld gbnr.: 95/123, 124, 135 og Som følgje av dei justerte tomtene, har ein følgeleg justert gangvegane (SGG) som er knytt til tomtene. Nye gangvegar er SGG-002, 003 og 005, som er synte slik dei er bygde. Gangveg/gangareal SSG-002 er godkjent i byggjesak 2012/966 (D-sak nr. 318/12). Ferdigattest for tiltaket vart gjeve Ved frådeling av tomt og bygging av hytte og gangveg vart areal for særlege landskapsomsyn LLH-01 redusert her. 5. Gangveg/gangareal SGG-07 er justert etter godkjent teknisk anlegg (veg, VA i sak 2005/4003), jf. gjeldande føresegner 2.1 og Tidlegare Gangveg-001 er tatt ut ettersom fritidseigedom FF06 ikkje har opparbeidd tilkomst i frå den, men direkte i frå vegskv1. 7. Del av gangveg/gangareal SGG-004 er tatt ut ettersom fritidseigedomen FF20 har tilkomst via bygd veg etter reguleringsplan for Hedlo del II. 8. Veglinja er justert etter godkjent teknisk anlegg (veg, VA), samt faktisk bygd situasjon, jf. gjeldande føresegner 2.1 og 6.2. Gjeld SKV1 og Parkeringsplassar er justert etter godkjent teknisk anlegg (veg, VA), samt faktisk bygd situasjon, jf. gjeldande føresegner 2.1 og 6.2. Gjeld SSP1, SPP3, SPP4 og SPP Parkeringsplass ved FF08 er teke ut i frå planen då denne ikkje er synt i reguleringsplan for Hedlo II. 11. Sti til naustområdet er justert til føremålet gangveg/gangareal, der SGG-007 er forlenga ned mot naustområdet. 12. Sti ned mot badeområdet er ikkje teke med som gangveg/gangareal, ettersom ein i føresegnene opnar for at det innanfor LF-05 kan opparbeidast gangtilkomst i frå SGG Arealføremålsgrenser mot sjø for BUN og LF-05 er justert etter kystkontur i nytt grunnkart. 14. Areal for renovasjon BRE er justert etter slikt det er bygd. 15. Areal for A - reinseanlegg/avlaup i gjeldande plan er synt som Bestemmelsesområde Vilkår for bruk av arealer, bygninger og anlegg #2, då det her er lagt slamavskiljar i grunnen etter godkjent teknisk anlegg (veg, VA), jf. gjeldande føresegner 2.1 og Område der det ligg høgspentkabel i grunn er synt som omsynssone Høgspenningsanlegg inkl. høgspentkablar H370. Det er jf. reviderte føresegner ikkje tillate å føre opp hus eller andre innretningar innanfor sona (nærare enn 2 meter i frå kabel) utan avtale med kraftselskapet. 17. Føresegnene er reviderte jf. endringane over, samt ny pbl. I tillegg er det gjort følgande endringar: a. 2 fellesføresegner er oppdaterte. b. «Byggeplan» er erstatta av «detaljert situasjonsplan». c : Det er opna for at tre kan nyttast som taktekke, jf. reguleringsplan for Hedlo II, i tillegg til at det er presisert at betongstein ikkje skal være glasert. d set krav om 2 parkeringsplassar per fritidseigedom, jf. gjeldande kommuneplan. Vidare er det presisert at bygging av garasje ikkje er tillat. e. 3.4: Det er presisert at naust skal plasserast innanfor byggegrense synt i plankart. f. 4.2: Breidd på sti/gangveg var sett til 1,5 m. Plankartet syner derimot varierande breidder, og føresegnene er endra til at breidd går fram av plankart. g. Ny 4.3 om område for parkeringsplassar, og ny 5.2 om område for særlege landskapsomsyn, ettersom gjeldande føresegner ikkje gav føringar for desse areala. h. Omtale av rettleiing for fargeval samt møneretning er tatt ut, ettersom denne er utdatert.

5 Figur 1 Føremålsgrenser i gjeldande plan synt med oransje farge, forslag til rev. plan er synt i blått Konsekvensar av forslag til endring Landskap og estetikk Det er ikkje gjort endringar i byggjehøgder eller utforming av tiltak i planområdet. Møneretning, som synt i gjeldande plankart, er tatt ut ettersom hyttene ikkje er bygd med møneretning i samsvarar med gjeldande plan. Bakgrunnen for endringane er tilpassing av tomter og tekniske anlegg slik dei er bygd, då det her var lagt vekt på best mogleg landskapsog terrengtilpassing. Endringane har dermed ein liten positiv konsekvens for landskap og estetikk. Strandsone Plan- og bygningslova 1-8 har føresegner om forbod mot tiltak mv. langs sjø og vassdrag. Her står det òg at forbodet berre gjeld dersom ikkje anna byggjegrense er sett i kommuneplanens arealdel eller reguleringsplan. I brev til fylkesmennene i frå Kommunal- og moderniseringsdepartementet datert gir departementet si nye tolking av regelverket; byggjeforbodet i 100-metersebeltet langs sjøen gjeld for byggjeområde avsett i tidlegare vedtekne planar dersom det der ikkje er fastsett byggjegrense. Vidare at bygging i samsvar med slike planar utan byggjegrense berre kan tillatast etter dispensasjon, planendring eller ny plan med byggjegrense. Tiltaka er avklart i gjeldande reguleringsplan, der det er sett byggegrenser for fritidsbusetnad, men ikkje for naust eller for småbåtanlegg. Byggegrenser for fritidsbusetnad er justert i endringa, og det er sett byggegrenser òg for naust og småbåtanlegget. Det er ikkje gjort endringar i arealføremål anna enn justering mot ny pbl. Endringane vil ikkje føre til ytterlegare privatisering av strandsona i området, og føresegnene gir at gangveg/gangareal skal være opne for allmenn ferdsle. Andre verdiar Innanfor arealet er ingen registrerte kulturminneverdiar eller landbruksinteresser. Endringane i planen vil dermed ikkje ha verknad for slike verdiar og ressursar.

6 Sjøarealet i planområdet er innanfor det kartlagde friluftsområdet Slåtterøy-Rogøy, som er vurdert som svært viktig. Arealet er kartlagt etter Handbok Kartlegging og verdsetting av friluftslivsområder, men forenkla og tilpassa regionalt nivå. Områdetypen er strandsone med tilhøyrande sjø og vassdrag. Endringane i planen vil ikkje påverke friluftsområdet ettersom endringane ikkje går ut over allereie regulert bruk av sjøområdet. Fiskeridirektoratet si kartteneste Yggdrasil syner ein kaste- og låssettingsplass (sild og makrell) i Håpollen, sjøområdet som er omfatta av reguleringsplanen. Det er ingen gyteområde eller fiskeplassar i, eller i nærleiken av planområdet. Endringane i planen vil ikkje påverke kaste- og låssettingsplassen ettersom endringane ikkje går ut over allereie regulert bruk av sjøområdet. I Artsdatabanken sitt Artskart er det registrert tre observasjonar av artar som er vurderte som trua i Norsk rødliste for arter 2015; Makrellterne (EN), Ærfugl (NT) og Oter (VU). I Miljødirektoratet si kartteneste Naturbase, er det per desember 2017 ingen registrerte oppføringar av utvalde naturtypar eller prioriterte artar etter naturmangfaldlova innanfor, eller i nærleiken av, området. Det er ingen registrerte naturtypelokalitetar etter Miljødirektoratet si handbok 13 innanfor planområdet. Vidare er det ingen verneområde innanfor, eller i nærleiken av, planområdet. Det er heller ingen registrerte marine naturtypar i, eller i nærleiken av planområdet. Det er heller ikkje registrert lokalitetar med korallrev. Naturmangfaldlova (nml.) 7 gjev at prinsippa for berekraftig bruk og forvaltning i nml skal leggast til grunn, og vurderinga av desse skal gå fram. Planen følgjer i all hovudsak gjeldande reguleringsplan, og vi ser kunnskapsgrunnlaget som tilstrekkeleg ut i frå endringane i det aktuelle området. Vi vurderer planen slik at den ikkje vil røre naturmangfald i nemneverdig grad, jf. nml. 8. Følgeleg får ikkje føre-var-prinsippet anvending, jf. nml. 9. Vi er ikkje kjende med andre kommande arealplanar i området. Det vert dermed lagt mindre vekt på prinsippet om samla belastning i nml. 10. Av same grunn vert det lagt mindre vekt på nml. 11 og 12. Planen følgjer i all hovudsak overordna planar, og vil med dette ikkje føre til ytterlegare nedbygging av store areal. Vi vurderer endringane til ikkje å være i konflikt med føresegnene i naturmangfaldlova ABO Plan & Arkitektur Stord AS Vedlegg 1. Revidert plankart datert Reviderte føresegner datert