NOTAT til regionalt planforum For drøfting utviklingsplanar Vågåvatnet feriesenter

Transkript

1 NOTAT til regionalt planforum For drøfting utviklingsplanar Vågåvatnet feriesenter Øystein Gården har utviklingsplanar for eigedommane Haugen og Haugamoen som ligg ved Vågåvatnet, og omfattar gbnr 66/8, 66/327, 66/37 og 66/329. Delar av området er i reguleringsplan for Vågåmo Vest regulert til campingformål. Området er i dag drifta under namnet Vågå feriesenter, og nå eigd og av Ø. Gården. Konsulentfirmaet Nordplan AS har gjort ei moglegheitsstudie for Ø. Gården for å sjå på utviklingspotensialet for Vågåvatnet feriesenter. Det har vore møte mellom grunneigar, konsulentfirma og kommunen med orientering om utviklingplanane. Det er behov for avklaringar i forhold til plan, og i forhold til omsyn til Vågåmo vassverk som ligg på naboareal. Forslagsstillar ønskjer ei vurdering av moglegheitene for mellombels dispensasjon frå plan og mellombels omdisponering av dyrka mark. Det har også vore spørsmål om moglegheitene for planavklaring gjennom dispensasjonsbehandling grunngjeve med at bruken av dyrka marka ikkje er irreversibel og enkelt kan attendeførast til landbruksformål. Før forslagsstillar ev. går vidare med saka, er det ønskje om å lufte saka i planforum for å få tidlege signal i saka. Utviklingsplan moglegheitsskisse Moglegheitsskisse som viser m.a. 104 oppstillingsplassar for bubil og nytt sanitæranlegg.

2 Lokalisering Området ligg i Vågåmo, og grenser til Vågåvatnet. Omtrentleg lokalisering vist med blå ellipse: Kartutsnitt av området er vist under:

3 Plansituasjon reguleringsplannivå: Reguleringsplan for Vågåmo vassverk Strandsone regulert som friluftsområde med turstig (reguleringsplan for Vågåmo Vest) Område som i dag er regulert til formål som opnar for camping (reguleringsplan for Vågåmo Vest, og reguleringsplan for Smedsmo) Utsnitt av plansituasjonen på reguleringsplannivå er vist over. Del av området (gbnr 66/8, Haugen) er i dag regulert til campingformål. Denne eigedommen erverva Ø. Gården i Området det er ønskje om å utvikle høyrer til eigedommen Haugamoen gnbr 66/37 (samt teigane 66/327, 66/329) og er regulert til landbruksformål, med unntak av den strandsona som er regulert som friluftsområde. Her er det regulert ein turstig som er svært mykje nytta som sentrumsnært turområde. Eigedommen Haugamoen grenser i vest til Reguleringsplan for Vågåmo vassverk. I samband med brønnområdet på vassverket er det restriksjonssoner knytt til drikkevatn. Delar av området er flomutsett (200-årsflom). Sone for 200-årsflom går fram av kommuneplankartet under.

4 Plansituasjon kommuneplannivå: Utsnitt av plansituasjonen på kommuneplannivå er vist over. Området på eigedommen Haug som i dag er regulert til camping er vist som område FT01E i kommuneplanen. Området det er ønskje om å utvikle vidare er avsett som LNF-område, med unntak av det strandnære området som er vist som grønststruktur. Kommuneplankartet viser også faresone for flomsone og restriksjonssjoner for kryssande kraftliner. I Vågåmo er det eitt område til som driv camping og er regulert til formål som opnar for dette (Reguleringsplan for Smedsmo). Dette området ligg ved vestre rundkjøring inn til sentrum og grenser til Rv15 og Vågåvegen gjennom sentrum.

5 Landbruk Haugamoen, 30,1 daa fulldyrka jord, 3,8 daa beite, som i 2018 er godkjent for nydyrking. Totalt 34 daa fulldyrka jord. Gbnr. 66/8 (Haugen) er regulert til campingformål. Brustugujordet er avsett til andre føremål enn landbruk Areala på eigdommen Haugamoen, som er ønskt nytta til camping, er ein del av eit samanhengande belte av dyrkajord mellom Nedre Nordheradsveg og Vågåvatnet på til saman ca. 100 daa (Brustugujordet ikkje medrekna). Det er etablert bustader på båe sider av Våkvegen. Brustugujordet er godkjent nytta til andre formål enn landbruk i gjeldande kommuneplan. Haugen, 66/8 er avsett til campingformål. Areala må reknast som noko av det meir lettdrive og produktive areala i Vågå, med lett tilgang til vatningsvatn.

6 Vågåmo vassverk og sikringssoner for drikkevatn Kommuneplanens arealdel har tematisk kart som viser omsynssoner for sikringssoner for drikkevatn. Retningsliner for restriksjonssonene for Vågåmo vassverk går fram av 14.6 i føresegnene/retningslinene til kommuneplanen: Retningsliner for Tessanden, Vågåmo, Stokstadåsen, Brennsletten, Lalm, Sjårdalen vassverk Sone 2 Generelt skal alle tiltak som kan medføre forureining godkjennast av Vågå kommune og Mattilsynet. Innanfor sone 2 er dyrka mark, eksisterande busetnad, campingplass, infiltrasjon av avløpsvatn, skogsdrift/vedhogst, friluftsliv/fiske potensielle forureiningskjelder. 1. Forbod mot masseuttak. 2. Det kan berre tillatast mindre utviding av eksisterande bustader. 3. Landbruksaktivitet er tillate i eit avgrensa omfang. Gjødsling må skje etter ordinær gjødselplan og husdyrgjødsel kan berre nyttast i veksttida. Bruk av plantevernmidlar skal vere i samsvar med godkjend plan. Beiting er tillate. Eksisterande stall eller fjøs kan ikkje utvidast, men skal sikrast mot utslepp av forureining. Husdyrgjødsel skal lagrast tett, slik at utlekking ikkje kan skje. 4. Det er forbod mot nedgravne tankar. Tankar for oljeproduktlagring inntil 0,2 m³ kan tillatast dersom dei står fritt og er tilstrekkeleg sikra. 5. Det er forbod mot energibrønnar. 6. Spillvassleidningar skal vere tette og i god stand. Pumpeleidningar for spillvatn skal trykktestast regelmessig. Sjølvfallsleidningar skal trykkprøvast når dei blir etablerte og seinare TV-inspiserast regelmessig. Utsnitt av kommuneplanens temakart drikkevatn er vist under, viser sikringssoner for drikkevatn: Det viser seg at det er ein teiknefeil i temakartet til kommuneplanen som viser sikringssonene for Vågåmo vassverk. Feilen gjeld avgrensing av sone 2., jf. temakartet og kart vist under. Sone 2 råkar ein del av ønskt utviklingsområde. Kart under (frå Hydrogeorapport) viser riktige sikringssoner.

7 I Hydrogeo-rapport utarbeidd av Norconsult er dei gjeldande og vedtekne sikringssonene vist i kart (figur 15 s. 21). Sone 2 er vist med rosa farge: Sone Sone Sone 1 Dagens Vannverk 2 Nye Produksjonsbrønner Sone 0 - Brønnområdet Sone 1 - Det nære tilsigsområdet Sone 2 - Det ytre verneområdet Sone 3 - Den ytre sikringssonen Vågåvannet Gjeldande sikringssoner legg restriksjonar på området som i dag er regulert til campingformål. Gjeldande sikringssoner (sone 2) råkar også så vidt fjøsbygningen på gbnr 66/37 Haugamoen. Dette inneber, jf. restriksjonane at eksisterande fjøs ikkje kan utvidast i sone 2.

8 Næring Næringsutvikling er eitt av dei fire hovudfokusområda i kommuneplanens samfunnsdel. Hovudtyngda av turismen i Vågå er knytt til Sjodalen. For Vågåmo som tettstad er det eit mål å knytte turismen tettare mot sentrum ved å leggje til rette for gode tilbod for turistar/reisande her. Vågå kommune satsar i dag tungt på prosjekt knytt til Ullinsvin og Munch, som vil vere tilbod for turistar og andre og som vil gje grunnlag for auka aktivitet i sentrum. Fleire turistar i Vågåmo vil styrke tettstaden ved auka aktivitet og auka omsetning.