Sakshandsamar: Grete Hamre Vår dato Vår referanse Telefon: 57643141 19.01.2018 2017/4057-461.5 E-post: fmsfgrh@fylkesmannen.no Dykkar dato Dykkar referanse 17.11.2017 Luster kommune Rådhusvegen 1 6868 Gaupne Luster kommune - løyve til utfylling i sjøkanten i samband med etablering av turveg Marifjøra - Gaupne Fylkesmannen gir Luster kommune løyve etter ureiningslova til utfylling i sjøkanten på strekninga Marifjøra -Gaupne i samband med etablering av tursti. Løyvet er gitt på nærare vilkår, og tiltaket må gjennomførast innan to år. For arbeidet Fylkesmannen har hatt med handsaming av søknaden, må det betalast eit gebyr til staten. Vi viser til søknad 17.11.2017 om løyve etter ureiningslova til å fylle ut med steinmassar i sjøkanten på strekninga Marifjøra Gaupne. I samband med etablering av turveg mellom Marifjøra og Gaupne, er det planlagt å fylle ut i sjøkanten mellom Røneidstunnelen og Røneidsgrandane. Det skal fyllast over eit areal på vel 3000 m 2. Til dette skal det nyttast ca. 2500 m 3 sprengsteinmassar frå Røneidstunnelen. Tiltaket skal utførast frå land. Med heimel i 11, jf. 16 i lov om forurensninger og om avfall (ureiningslova), gir Fylkesmannen i Sogn og Fjordane med dette Luster kommune løyve til utfylling med om lag 2500 m 3 sprengsteinmassar over eit areal på vel 3000 m 2 i sjøkanten mellom Røneidstunnelen og Røneidsgrandane i Luster kommune. Løyvet er gitt med vilkår. Løyvet gjeld i to år. Dersom tiltaket ikkje vert gjennomført innan denne fristen, fell løyvet bort. Alternativt må det i god tid søkjast om forlenging av løyveperioden. Vilkår for løyvet 1. Tiltaket skal utførast innanfor området mellom Røneidstunnelen og Røneidsgrandane som er vist på kart i søknaden. 2. Fylkesmannen skal varslast når arbeidet vert sett i gong. 3. Det skal nyttast metodar for utfylling som minimerer faren for spreiing av finstoff. Metodane må vere slik at eit minimum av vatn vert blanda saman med massane under utfyllinga. 4. Utlegging av sprengsteinmassane skal gjennomførast på ein måte som i minst mogleg grad fører til spreiing av plast og anna ureining som kan følgje med dei utsprengde massane. 5. Fyllingsfoten skal sikrast mot erosjon ved plastring. 6. Dersom det oppstår unormale tilhøve som har, eller kan få, ureiningsmessige konsekvensar, skal tiltakshavar straks melde frå til Fylkesmannen. 7. Det skal utarbeidast ein sluttrapport der resultata av arbeidet vert presenterte og vurderte i tråd med vilkåra som er sette i løyvet. Rapporten skal sendast til Fylkesmannen innan seks veker etter at tiltaket er gjennomført og skal m.a. innehalde: Telefon 57 64 30 00 Organisasjonsnummer N-974 763 907 Nettstad fylkesmannen.no/sfj E-post fmsfpost@fylkesmannen.no Besøksadresse Hovudkontor: Njøsavegen 2, 6863 Leikanger Landbruksavdelinga: Fjellvegen 11, 6800 Førde Postadresse Hovudkontor: Njøsavegen, 2 6863 Leikanger Landbruksavdelinga: Postboks 14, 6801 Førde
2/6 Opplysningar om kor store mengder masse som faktisk har vorte nytta til utfyllinga (rekna i m 3 eller tonn). Plassering av massane (kart med posisjon og UTM-koordinatar) Omtale av korleis arbeidet er utført (metodar). Oversikt over eventuelle avvik frå løyvet og kva korrigerande tiltak som er sette i verk. Vurdering av kva miljøpåverknad tiltaket har ført med seg. Omtale av tiltaket Det er planlagt ein turveg mellom Marifjøra og Gaupne. I samband med dette prosjektet ynskjer Luster kommune å fylle ut med steinmassar i sjøkanten langs Fv55 mellom Røneidstunnelen og Røneidsgrandane i Gaupne. Tiltaket omfattar fylling med sprengstein over eit areal på vel 3000 m 2 der fyllingsfoten kjem i sjøkanten. Botndjupne før utfylling ligg på mellom 0 og 5 m. Det er behov for ca. 2500 m 3 massar Massane det skal fyllast med, er sprengstein frå utstrossing av Røneidstunnelen. Utfylling i sjøkanten skal leggjast utanpå eksisterande fylling i området. Høyring Fylkesmannen ser på saka som så godt opplyst på førehand i samband Luster kommune si handsaming av reguleringsplanen, at vi vurderte at det ikkje var naudsynt med ordinær førehandsvarsling av dette tiltaket. Søknaden vart sendt for uttale til Fiskeridirektoratet og Kystverket som ikkje var varsla i samband med arbeidet med reguleringsplanen. Fiskeridirektoratet region Vest kan ikkje sjå at tiltaket har vesentlege konsekvensar for dei interesser direktoratet skal ivareta, og har såleis ingen vesentlege merknader til tiltaket. Fiskeridirektoratet region Vest har også høyrt Sognefjorden vel, og dei har etter ei samla vurdering kome fram til at prosjektet har høg nytteverdi og vil føre til avgrensa skade i området. Organisasjonen syner elles til at Luster kommune bør få kartlagt marine ressursar og anna fauna som lever ved fjorden. Kystverket har ingen merknader til at Fylkesmannen gir løyve etter ureiningslova. Fylkesmannen sine vurderingar og grunngjeving for avgjerda I følgje ureiningslova 7 er det forbode å setje i verk noko som kan føre til fare for ureining. Fylkesmannen kan, med heimel i av 11 jf. 16 i lova, etter søknad gi løyve til slik aktivitet. Trong for løyve til tiltak som gjeld utfylling i sjø, skal vurderast etter ureiningslova 8, tredje ledd der det heiter at ureining som ikkje fører til nemneverdige skader, kan finne stad utan løyve etter 11 i lova. Sprengsteinmassar vart tidlegare rekna som reine massar, men ulike tiltak har dei seinare åra vist at slike massar inneheld både sprengstoffrestar og plastureining. Fylkesmannen har difor kome fram til at tiltaket krev løyve etter ureiningslova. Ved avgjerda om det skal gjevast løyve, har vi lagt vekt på dei ureiningsmessige ulempene ved tiltaket sett opp mot dei fordelar og ulemper som tiltaket elles vil føre med seg.
3/6 Ureiningssituasjonen i utfyllingsområdet Utfyllingstiltaket det er søkt om løyve til, vert i følgje Miljødirektoratet sin rettleiar for handtering av sediment (M-350-2015), klassifisert som eit mellomstort tiltak. Klassifiseringa er basert på arealet som skal fyllast ut, og volumet av steinmassane. Området som det er planlagt å fylle i, består i stor grad av gammal fylling utan plastring mot sjøen. I strandsona er det tydelege spor frå erosjon i samband med stormar. Ut frå plasseringa av tiltaket, synest det ikkje å vere kjende ureiningskjelder i nærleiken som kan ha ført til ureining av sjøbotnen. Fylkesmannen vurderer at det er liten fare for spreiing av ureining frå sjøbotnen under utfyllingsarbeidet, og vi har difor ikkje kravd at sjøbotnen skal undersøkjast for tungmetall eller andre miljøgifter. Til utfyllinga skal det nyttast sprengsteinsteinmassar frå Røneidstunnelen. Sprengstoffet som vanlegvis vert nytta ved sprenging i tunnelar (emulsjonssprengstoff), består i hovudsak av ammoniumnitrat og mineralolje. Sprengstoffrestar inneheld relativt store mengder av næringssalta nitrat og ammonium, noko som vil kunne føre til gjødsling av fjorden. Røynsle frå andre tiltak der det har vore nytta sprengstein til utfylling, viser at massane i tillegg til restar av sprengstoff kan innehalde plastureining som t.d. skyteleidningar frå tennsystem og armeringsfibrar brukt i sprøytebetong. Plastureining som følgjer med sprengsteinmassane kan flyte opp og verte liggjande i strandsona, eller dei vert brotne ned til stadig mindre partiklar (mikro- og nanoplast) som kan ende opp i magen til fisk og andre sjølevande dyr. Dersom det i tennsystem og eventuell sprøytebetong vert nytta skyteleidningar og armeringsfibrar som søkk, vil faren for ureining med plastrestar som flyt opp, vere vesentleg redusert. Fyllinga skal plastrast for å sikre henne mot erosjon. Plastringa vil verke til at eventuell ureining som følgjer sprengsteinmassane i stor grad vil halde seg inne i fyllinga. På land vil det kunne vere ulemper knytte til støv og støy i samband med utfyllinga. Vurdering etter vassforskrifta Tiltaket er vurdert etter Forskrift om rammer for vannforvaltningen (vassforskrifta). Området det er søkt om for utfylling høyrer inn under vassførekomsten 0280021200-C Gaupnefjorden (www.vann-nett.no). Vassførekomsten er karakterisert som «ferskvasspåverka beskytta fjord». Det økologiske potensialet er omtalt som «antatt godt». Kjemisk tilstand er ikkje definert. Fylkesmannen kan ikkje sjå at tiltaket vil kunne føre til forringing av vassførekomsten, eller at tilstanden til vassførekomsten ikkje vil oppnå tilstanden «god» jf. føringar som ligg i vassforskrifta. Vurdering etter naturmangfaldlova Tiltaket er vurdert etter dei miljørettslege prinsippa i Lov om forvaltning av naturens mangfold (naturmangfaldlova) 8-12. I samband med arbeidet med reguleringsplanen er det henta inn kunnskap om naturmiljøet i tiltaksområdet jf. Naturbase, Artsdatabanken og Fylkesatlas. I tillegg har landskapsarkitekt frå Luster kommune gjort fleire synfaringar i området. Fylkesmannen meiner at tiltaket ikkje vil vere til vesentleg skade eller ulempe for miljøet i høve til føringane som ligg i naturmangfaldlova.
4/6 8 Kunnskapsgrunnlaget: Fylkesmannen er ikkje kjend med at det finst viktige naturtypar eller sårbare dyre- eller planteartar i tiltaksområdet. Bygging av turvegen vil truleg ikkje føre til særlege endringar av naturmangfaldet. All eksisterande naturleg strandsone og spesielle naturformasjonar vert tekne vare på då dei ikkje vert rørde ved. Resten av tiltaksområdet er tidlegare fylling.. Det er registrert førekomst av oter i tiltaksområdet, og det hender at hjort kryssar vegen for å komme ned til fjorden. 9 Føre var-prinsippet: Turvegen vil føre til ei utviding av eksisterande fylling i eit lokalt viktig våtmarksområde. Det er viktig at inngrepa som må til for å bygge vegen, vert så små som mogleg. 10 Økosystemtilnærming og samla belastning: Det vil vert få endringar samanlikna med dagens situasjon sidan fyllinga skal leggjast på utsida av eksisterande fylling. 11 Kostnadene ved miljøforringing skal berast av tiltakshavar: Tiltakshavar skal bøte på eventuelle skader og ulemper som oppstår i samband med utfyllinga 12 Miljøforsvarlege teknikkar og driftsmetodar Det er viktig å hindre at miljøet vert skada eller øydelagt. Dette gjeld spesielt i området mellom utfyllinga på Røneidsgrandane og moloen ved naustet, som er eit viktig lokalt våtmarksområde. For å avgrense inngrepa, skal vegen leggjast på plastra fylling på denne strekninga. Vurdering av avbøtande tiltak Største ureiningsfaren som er knytt til utfyllingstiltaket, er at sprengsteinmassane kan innehalde sprengstoffrestar og plastureining. Eventuell flytande plastresar kan samlast opp ved å nytte lenser, eller ved å bruke siltgardin. For å redusere fare for plastureining i sprengingsmassane, kan det nyttast tenningssystem med skyteleidningar som søkk, og dersom det skal nyttast sprøytebetong, bør det nyttast armeringsfibrar som søkk. Fylkesmannen sine merknader til innkomne fråsegner Fylkesmannen har ingen merknader til fråsegnene som er komne inn. Konklusjon Fylkesmannen gir løyve etter ureiningslova 11 jf. 16 til utfylling med sprengsteinmassar etter fastsette vilkår, noko som vil gjere sitt til at utfyllinga ikkje vil føre til nemneverdig ureining eller at dei biologiske og økologiske tilhøva i tiltaksområdet vert ringare. Varsel om gebyr for sakshandsaming Fylkesmannen si handsaming av søknader om løyve er omfatta av ei gebyrordning, jf. kap. 39 i ureiningsforskrifta. Vi varslar med dette at Luster kommune skal betale eit gebyr på kr. 9300,-.
5/6 Dersom de har merknad til dette varselet, må denne sendast til Fylkesmannen innan tre veker. Gebyret vert deretter fastsett i eige vedtak. Endring eller tilbakekalling av løyvet Fylkesmannen kan gjere om eller setje nye vilkår for løyvet og ev. trekkje løyvet attende etter reglane i ureiningslova 18. Ansvar Sjølv om det er gitt løyve, pliktar den ansvarlege å svare erstatning som måtte følgje av ureiningslova og av vanlege erstatningsreglar jf. kapittel 8 og 10 i ureiningslova. Dette løyvet fritek ikkje søkjaren frå å hente inn naudsynte løyve eller samtykkje frå andre styresmakter eller privatpersonar. Offentleggjering av løyvet Vedtaket skal kunngjerast for ålmenta gjennom annonse i lokalavisa, og annonseringa skal betalast av løyvehavar, jf. ureiningsforskrifta kap. 36 «behandling av tillatelser etter forurensningsloven» 36-11. Kunngjeringa må innehalde ei kort orientering om løyvet, kvar ein kan vende seg for å få innsyn i saksdokumenta og opplysningar om klageinstans og frist for ev. klage på vedtaket. Vedtaket vert også kunngjort på Fylkesmannen si heimeside www.fylkesmannen.no/sogn-og-fjordane. Klagerett Partane og andre med klagerett etter forvaltningslova kan klage over avgjerda innan tre veker etter at avgjerda er motteken jf. forvaltningslova 29. Klageretten gjeld også vedtak om gebyr for sakshandsaminga. Jf. 41-5 i ureiningsforskrifta. Eventuell klage bør grunngjevast skriftleg og skal rettast til Miljødirektoratet. Klagen skal sendast til Fylkesmannen i Sogn og Fjordane. Med helsing Nils Erling Yndesdal fylkesmiljøvernsjef Grete Hamre overingeniør Brevet er godkjent elektronisk og har difor ikkje underskrift. Kopi til: Fiskeridirektoratet region Vest Statens vegvesen, Region vest Kystverket Sogn og Fjordane fylkeskommune
6/6