Lefdal Invest AS - løyve til utfylling i sjø ved gbr. nr. 46/4 i Eid kommune

Transkript

1 Sakshandsamar: Grete Hamre Vår dato Vår referanse Telefon: / E-post: Dykkar dato Dykkar referanse Lefdal Eigedom AS Osevegen Nordfjordeid Lefdal Invest AS - løyve til utfylling i sjø ved gbr. nr. 46/4 i Eid kommune Fylkesmannen gir Lefdal Invest AS løyve etter ureiningslova til utfylling i sjøen ved småbåthamna ved Sørøyane i Eid kommune. Løyvet er gitt på nærare vilkår, og tiltaket må gjennomførast innan to år. For arbeidet Fylkesmannen har hatt med handsaming av søknaden, må det betalast eit gebyr til staten. Vi viser til førespurnad om behov for løyve etter ureiningsregelverket til utfylling i sjø ved den eksisterande småbåthamna nord for Osøyane på Nordfjordeid. Lefdal Invest AS ynskjer å fylle ut i sjøen inne i småbåthamna for å kunne opparbeide ny kaifront med murt stein (tørrmur). Sedimentgransking i tiltaksområdet viser at sjøbotnen er ureina med TBT, spesielt i den nordre delen. Fylkesmannen har difor vurdert saka slik at tiltaket krev løyve etter ureiningslova. Med heimel i 11, jf. 16 i lov om forurensninger og om avfall (ureiningslova), gir Fylkesmannen i Sogn og Fjordane med dette Lefdal Invest AS løyve til utfylling over eit areal på vel 600 m 2 i sjøen ved småbåthamna ved Osøyrane i Eid kommune. Løyvet er gitt med vilkår. Løyvet gjeld i to år. Dersom tiltaka ikkje vert gjennomførte innan denne fristen, fell løyvet bort. Alternativt må det i god tid søkjast om forlenging av løyveperioden. Gebyr for sakshandsaminga vert varsla til kr ,-. Vilkår for løyvet 1. Tiltaket skal utførast innanfor området det er søkt om. 2. Fylkesmannen skal varslast når arbeidet vert sett i gong. 3. Det skal nyttast metodar for utfylling som minimerer faren for spreiing av ureining. Metodane må vere slik at eit minimum av vatn vert blanda saman med massane under utfyllinga. 4. Det skal nyttast reine, naturlege massar ved utfyllinga. 5. Tiltaket skal utførast under rolege vind- og bølgjetilhøve slik at uønskt partikkelspreiing som følgje av dette, vert unngått. 6. Dersom det oppstår unormale tilhøve som har, eller kan få, ureiningsmessige konsekvensar, skal tiltakshavar straks melde frå til Fylkesmannen. Telefon Organisasjonsnummer N Nettstad fylkesmannen.no/sfj E-post fmsfpost@fylkesmannen.no Besøksadresse Hovudkontor: Njøsavegen 2, 6863 Leikanger Landbruksavdelinga: Fjellvegen 11, 6800 Førde Postadresse Hovudkontor: Njøsavegen, Leikanger Landbruksavdelinga: Postboks 14, 6801 Førde

2 2/5 7. Det skal utarbeidast ein sluttrapport der resultata av arbeidet vert presenterte og vurderte i tråd med vilkåra som er sette i løyvet. Rapporten skal sendast til Fylkesmannen innan seks veker etter at tiltaket er gjennomført og skal m.a. innehalde: Opplysningar om kor store mengder masse som faktisk har blitt nytta til utfyllinga (rekna i m 3 eller tonn). Plassering av massane (kart med posisjon og UTM-koordinatar) Omtale av korleis arbeidet er utført (metodar). Oversikt over eventuelle avvik frå løyvet og kva korrigerande tiltak som er sette i verk. Vurdering av kva miljøpåverknad tiltaket har ført med seg. Omtale av tiltaket Ved eksisterande småbåthamn nord for Osøyrane på Nordfjordeid er det planlagt å bygge ein ny kaifront med steinmur (tørrmur). Langs den nye kaifronten vil det bli etablert flyteanlegg og flytebrygge for småbåtar (gjestehamn). Det er også planlagt parkeringsplassar for personbilar og oppstillingsplassar for bussar på kaia. For å etablere dette området er det søkt om få fylle ut over eit areal på om lag 600 m 2 i sjøen. Det skal også gravast ut massar i bakkant av muren. Desse massane skal inngå i fyllingsmassane og er tenkt plasserte bak muren. I følgje Miljødirektoratet sin rettleiar for handtering av sediment (M-350/2015), er dette tiltaket klassifisert som eit lite tiltak. For slike utfyllingstiltak kan det vere naudsynt med sedimentundersøking og naturkartlegging. Det er teke sedimentprøvar frå det planlagde utfyllingsområdet. Analyseresultata viser at sjøbotnen er ureina med TBT. Høyring Fylkesmannen ser på saka som så godt opplyst på førehand at vi vurderer at det ikkje er naudsynt med førehandsvarsling av dette tiltaket. Fylkesmannen sine vurderingar I følgje ureiningslova 7 er det forbode å setje i verk noko som kan føre til fare for ureining. Fylkesmannen kan, med heimel i av 11 jf. 16 i lova, etter søknad gi løyve til slik aktivitet. Utfylling i ureina sediment der utfyllinga skjer frå land, kan føre til spreiing av ureining og krev difor løyve etter ureiningslova. Ved avgjerda om det skal gjevast løyve, har vi lagt vekt på dei ureiningsmessige ulempene ved tiltaket sett opp mot dei fordelar og ulemper som tiltaket elles vil føre med seg. Ureiningssituasjonen i utfyllingsområdet Småbåthamna ved Osøyrane har vore i bruk i mange år. Sjøbotnen i tiltaksområdet består av stein med påvekstorganismar som brunalgar (tang). Innimellom steinane er det mindre område med sand og anna finstoff utførte ein dykkar sedimentundersøking med prøvetaking under rettleiing frå Fishguard Florø. Resultata er gitt i rapporten «Rapport for miljøvurdering» utarbeidd av Fishguard Florø Det vart teke til saman tre sedimentprøvar frå tiltaksområdet der prøve 1 vart teken lengst nord. Med utgangspunkt i Tabell 3 «Anbefalt minimumsliste for å karakterisere sedimentprøver i forundersøkelser til trinn 1 i risikovurderingen» i Miljødirektoratet sin rettleiar «Risikovurdering av forurenset sediment» (M-409/2015), vart prøvane analyserte for tungmetall,

3 3/5 organiske miljøgifter (PAH og PCB) og TBT. I tillegg vart det målt tørrstoffinnhald, totalt organisk karbon (TOC), som er eit mål på innhald av organisk stoff, og kornfordeling. Dei tre prøvane bestod av fin/grov luktfri sand. Alle prøvane hadde innslag av botndyr. Resultata frå sedimentanalysane viser ureining med TBT i alle tre prøvane. I prøve 1 vart det påvist 210 µg/kg tørrstoff, medan det i prøve 2 og 3 vart påvist høvesvis 13 og 16 µg/kg. Innhald av partiklar med storleik <63 µm i prøve 1 var på 24,9 %, medan det i prøve 2 og 3 var 6,5 % og 8,8 %. Innhald av TOC var kalkulert til 2,0 % i prøve 1 og 0,5 % i prøve 2 og 3. Dei andre miljøparametrane det er analysert for, viser verdiar under grensene som er sette for krav til risikovurdering Trinn 1, som gjeld økologisk risiko (overgangen mellom tilstandsklasse II og III i Miljødirektoratet sitt klassifiseringssystem for ureina sediment. I klassifiseringssystemet er grenseverdien for TBT, som skal nyttast i forvaltninga, sett til 35 µg/kg. Prøve 1 inneheld 210 µg/kg noko som svarer til tilstandsklasse V «Svært dårleg» i klassifiseringssystemet. Prøve 2 og 3 ligg under denne grensa, men gjennomsnittet av dei tre prøvane ligg på 90 µg/kg som svarar til klasse IV (Dårleg»). Ut frå analyseresultata utgjer sedimentet per definisjon ein miljørisiko. Fylling med stein på ein skånsam måte, vil kunne vere med på å stabilisere ureininga i sjøbotnen. TBT har tidlegare vore brukt som groehindrande middel i botnstoff til båtar. Båttrafikken i småbåthamna og hamneområdet elles, er difor truleg hovudårsak til ureininga. Vurdering av avbøtande tiltak Vi vurderer at vanlege avbøtande tiltak som utlegging av geotekstilduk eller siltgardin, vil ha liten verknad på spreiing av ureining. Slike tiltak vil tvert imot kunne vere med på å virvle opp sedimentet og med det spreie ureininga. Utfyllinga kan difor utførast utan særlege avbøtande tiltak utover normal aktsemd, men dersom det er praktisk mogleg, bør utfyllinga starte lengst frå land for på den måten å «stenge» ureininga inne. Vurdering etter vassforskrifta Tiltaket er vurdert etter Forskrift om rammer for vannforvaltningen (vassforskrifta). Området det er søkt om for utfylling høyrer inn under vassførekomsten C Nordfjordeid ( er karakterisert som «beskyttet fjord». Det økologiske potensialet er omtalt som antatt «udefinert». Kjemisk tilstand er definert som «oppnår ikkje god» m.a. sidan Eidsfjorden, og særleg småbåthamna er ureina med TBT. Fylkesmannen kan likevel ikkje sjå at tiltaket vil kunne føre til forringing av vassførekomsten jf. føringar som ligg i vassforskrifta. Tiltaket vil tvert imot føre til ei lita betring av tilstanden sidan ureina sediment vert dekka til med reine massar. Vurdering etter naturmangfaldlova Tiltaket er vurdert etter Lov om forvaltning av naturens mangfold (naturmangfaldlova). Fylkesmannen er ikkje kjend med at det finst viktige naturtypar eller sårbare dyre- eller planteartar i tiltaksområdet jf. Naturbase. Vi finn difor at tiltaket ikkje vil vere til vesentleg skade eller ulempe for miljøet i høve til føringane som ligg i naturmangfaldlova. Konklusjon Fylkesmannen gir løyve etter ureiningslova 11 jf. 16 til utfylling med reine massar etter fastsette vilkår, som vil gjere sitt til at utfyllinga ikkje vil føre til nemneverdig ureining eller forringing av dei biologiske og økologiske tilhøva i tiltaksområdet.

4 4/5 Varsel om gebyr for sakshandsaming Fylkesmannen si handsaming av søknader om løyve er omfatta av ei gebyrordning, jf. kap. 39 i ureiningsforskrifta. Vi varslar med dette at Lefdal Invest AS skal betale eit gebyr på kr. 9300,-. Dersom de har merknad til dette varselet, må denne sendast til Fylkesmannen innan tre veker. Gebyret vert deretter fastsett i eige vedtak. Endring eller tilbakekalling av løyvet Fylkesmannen kan gjere om eller setje nye vilkår for løyvet og ev. trekkje løyvet attende etter reglane i ureiningslova 18. Ansvar Sjølv om det er gitt løyve, pliktar den ansvarlege å svare erstatning som måtte følgje av ureiningslova og av vanlege erstatningsreglar jf. kapittel 8 og 10 i ureiningslova. Dette løyvet fritek ikkje søkjaren frå å hente inn naudsynte løyve eller samtykkje frå andre styresmakter eller privatpersonar. Offentleggjering av løyvet Ålmenta skal gjerast kjent med vedtaket jf. ureiningsforskrifta kap. 36 «behandling av tillatelser etter forurensningsloven» Kunngjeringa må innehalde ei kort orientering om løyvet, kvar ein kan vende seg for å få innsyn i saksdokumenta og opplysningar om klageinstans og frist for ev. klage på vedtaket. Vedtaket vert også kunngjort på Fylkesmannen si heimeside Klagerett Partane og andre med klagerett etter forvaltningslova kan klage over avgjerda innan tre veker etter at avgjerda er motteken jf. forvaltningslova 29. Klageretten gjeld også vedtak om gebyr for sakshandsaminga. Jf i ureiningsforskrifta. Eventuell klage bør grunngjevast skriftleg og skal rettast til Miljødirektoratet. Klagen skal sendast til Fylkesmannen i Sogn og Fjordane. Med helsing Nils Erling Yndesdal fylkesmiljøvernsjef Grete Hamre overingeniør Brevet er godkjent elektronisk og har difor ikkje underskrift.

5 5/5 Kopi til: Nordplan Eid kommune Sogn og Fjordane fylkeskommune Fiskeridirektoratet, region Vest Nordfjord Havn IKS