for leiarar og medarbeidarar innan handel og service i Askvoll
Etablere felles standard innan service og kundehandsaming i Askvoll Guiden tek for seg grunnleggande og enkle reglar - enkelte vil hevde at alt dette er sjølvsagt, men faktisk er det ofte desse reglane vi er dårleg på. Fjernar vi feil vi gjer, vil det styrke din butikk og Askvoll som handlestad Hugs at fornøgde kundar: kjem tilbake gjev positiv omtale av butikken og Askvoll let seg ikkje lett påverke av tilbod frå konkurrentane tyr mindre til netthandel og andre handlestadar Ein fornøgd kunde snakkar med 3 andre personar Ein misfornøgd kunde snakkar med 11
Det overordna målet er å skape ein vinn/vinn situasjon; gjer naboen det bra gjer eg det og Ikkje noko handlesenter er sterkare enn det svakaste leddet Dette gjeld og hos oss i Askvoll Dersom kundane får ei positiv oppleving av Askvoll, vil dei oftare og lettare komme attende - og dei tek med andre
1. Serviceinnstilling Kunden i butikken er viktigast og får 1. prioritet (telefonen får berre ringe) 2. Lokalkunnskap For at vi skal framstå som eit samla sentrum og eitt handlesenter, er det viktig at vi kjenner kvarandre sitt vareutval og kva som skjer i Askvoll 3. Varekunnskap Ikkje undervurder varekunnskap og generell kunnskap om bransjen din. Kundane set stor pris på å få fagleg rettleiing og råd som oftast er det dette som avgjer om kunden vel din butikk som handlestad. 4. Orden/ryddigheit Kunden vår handlar med sansar og følelsar. Gjennom reine og innbydande butikkar og sentrum får kundane idear og kjøpelyst.
Ein føresetnad for å yte kundane god service, er at vi har god service internt i butikken og mellom butikkane i Askvoll Vi er opptatt av å gjere kvarandre gode. Derfor gjev vi ros, snakkar positivt om andre butikkar i Askvoll og gjev konstruktiv kritikk Vi seier ting til kvarandre og ikkje om kvarandre Vi har positiv innstilling til dei utfordringar vi står overfor. Vi spør oss kva kan eg/vi gjere og ikkje berre ventar at andre skal gjer det Tenk positive tankar og sei positive ting, då vil positivitet gro
Alle kundar blir vist merksemd når dei kjem inn i butikken Under salssamtalen lyttar vi til kunden for å avdekke behov/ønskje Eit besøk i Askvoll skal kundane oppleve som litt spesielt. Personleg service og lokalkunnskap er difor viktig for oss Ein kunde skal alltid få hjelp prøv å gje kunden det lille ekstra Finn vara kunde spør etter følg kunde fram Ver open når kunde klagar. Lytt, noter, ring gjerne straks etter løysing Vis at du er nysgjerrig og at du set pris på innspel og korrektiv Unngå diskusjonar med kunden. Sjølv om du vinn diskusjonen, så taper du truleg både salget og kunden. Ikkje berre dette salget, men også seinare salg Hugs at misnøgde kundar fortel det ikkje til butikken Misnøgde kundar er viktigaste grunnen til at butikken mister kundar
Kunden skal få eit godt førsteinntrykk av butikken og Askvoll. Vi skal framstå med god service, orden, ryddigheit og aktuelle varer Varene i butikken skal presenterast på ein spennande og innbydande måte slik at kunden får lyst til å handle. Fornying skaper vi ved å endre presentasjon og vareplassering i butikken Vi skal kjenne kampanjane våre og dei annonserte varene på både pris, funksjon og fakta Dersom kunde spør etter ei vare vi er utseld for eller ikkje fører, prøv i lag med kunden å finne ut om du har eit alternativ. Viss du veit at andre butikkar i Askvoll har vara kunde spør etter, så viser du dei til den butikken NB! Kunden må få hjelp i Askvoll.
Alle må vere oppdatert på garantiar, lover og reglar som gjeld Klager og innvendingar frå kunden på pris, kvalitet, utval o.l. skal noterast og besvarast på ein høfleg og skikkeleg måte. Vis at du bryr deg og at du ønskjer å hjelpe kunden med løysing Ver positiv Unngå diskusjonar med kunden. Du vinn kanskje diskusjonen, men du taper kunden og mange framtidige salg. Hugs at kundar som klagar og som får god behandling; fortel det til 5 andre personar dei vil halde fram med å vere dine kundar.
Vi er alle del av det gode vertskap i Askvoll - hugs at du er kanskje den første butikken turstar eller besøkjande kjem til når dei besøkjer Askvoll Sørg for å ha lett tilgjengeleg telefonliste over butikkar, kafear, overnatting, serviceverksemder og offentlege instansar i Askvoll Pass på å ha oversikt over kva som skjer i Askvoll markedsfør det Spør og ver nysgjerrig på kva dei er ute etter - prøv å gje dei det. Alle scorar på at besøkjande får ei god oppleving og at dei oppheld seg lenger i Askvoll