Referat frå møte nr. 63, 28. november Til stades: Dato: 16. desember 2014 Baard-Christian Schem, Helse Vest RHF, leiar Alf Henrik Andreassen, Helse Bergen HF Stein Tore Nilsen, Helse Stavanger HF Marit Solheim, Helse Førde HF Haldis Økland Lier, Helse Fonna HF Nina Langeland, Universitetet i Bergen (til stade t.o.m. sak 43/2013) Robert Bjerknes, Universitetet i Bergen Kjell Bernstrøm, Universitetet i Bergen Jarle Eid, Universitetet i Bergen Jan Petter Larsen, Universitetet i Stavanger Petter Thornam, observatør, Dei private, ideelle institusjonar Anne Kari Hersvik Aarstad, observatør, høgskulane i regionen Signe Bang, observatør, Noregs forskingsråd Inger Thune, hovudkomiteens leiar (til stade i sak 40/2014) Ole-Jan Iversen, leiar i vurderingskomiteen for strategiske satsingar (til stade i sak 42/2014) Forfall: August Bakke, Helse Bergen HF Dag Rune Olsen, Universitetet i Bergen Sekretariatet: Ernst Omenaas Sølvi Lerfald Ingrid Kalsnes (referent) Saksnr. Sak 40/2014 Sak 41/2014 Sak Godkjenning av saksliste og referat Referatet frå møte 18. september 2014 vart godkjent. Innkalling til møte 28. november 2014 vart godkjent. Ingen saker vart meldt til behandling under eventuelt. Tildeling av Helse Vests søkbare forskingsmidlar Hovudkomiteens leiar, Inger Thune, la fram hovudkomiteen si innstilling for tildeling av forskingsmidlar. Frå presentasjonen vart det mellom anna lagt vekt på at forskinga i Helse Vest held god kvalitet. Spesielt innan doktorgradsstipend er det mange og kvalitativt gode søknadar, og det er vanskeleg å nå opp i konkurransen om tildeling i denne kategorien. Besøksadresse: Haukeland Universitetssykehus, Armauer Hansens Hus, Helse Bergen HF, Regionalt kompetansesenter for klinisk forskning, Postboks 1400, 5021 Bergen E-post: forskning@helse-vest.no Internett: http://samarbeidsorganet.helse-vest.no
legg til grunn at dei søkbare forskingsmidlane vert fordelt på bakgrunn av hovudkomiteen si innstilling. Vedtak om tildeling vert først gjort når den økonomiske ramma for forskingsmidlane er avklart i styret i Helse Vest 8. desember. Samarbeidsorganet ber om å få tilsendt liste over innstilte prosjekt same dag. Tildelinga vil bli offentleggjort på Helse Vest sine nettsider 9. september. På møte vart også handteringa av søknadar med formelle feil tatt opp. Ved søknadsfristens utløp 15. september var det kome inn 291 søknadar. Sekretariatet har gått igjennom alle søknadane for å sjekke tilsetjing, forankring og vedlegg. Gjennomgangen av søknadane og konklusjonane frå dette er kvalitetssikra med hovudkomiteens leiar. Samarbeidsorganet har tidlegare vedtatt at det ikkje skal gis tilbakemelding til søkjarar anna enn ved førespurnad. Som følgje av ei auke i formelle feil valde sekretariatet i år likevel å gje ei tilbakemelding til dei søkjarane som vart tatt ut. Sekretariatet vil i februar leggje fram sak om handtering av søknadsprosessen inkl. tilbakemelding til søkjar. - legg til grunn at dei søkbare forskingsmidlane vert fordelt på bakgrunn av hovudkomiteens innstilling og tilgjengelege midlar. Tildeling vil bli gjort kjent 9. desember. Sak 42/2014 Sak 43/2014 Forpliktingar strategiske midlar Samarbeidsorganet har gjennom tidlegare vedtak tildelt strategiske midlar til fleire tiltak, mellom anna premieringsmidlar til hovudrettleiar for fullført doktorgrad, posisjoneringsmidlar for søknadsskriving til EU-utlysingar, nasjonale satsingar, infrastrukturnettverket NorCRIN mm. Alle satsingar som samarbeidsorganet har forpliktingar til er omtala i saka. - vedtek vidareføring av forpliktingar for allereie vedtekne strategiske satsingar på til saman kr. 24 094 114. - Tildeling til nye strategiske satsingar Merknad lagt inn mars 2015: Jan Petter Larsen meldte seg inhabil og var ikkje til stade under behandlinga av denne saka. Leiar for vurderingskomiteen, Ole-Jan Iversen, la fram vurderingskomiteen si rangering på møte. Éin av dei rangerte søkjarane har i inneverande periode fått tildelt strategiske midlar. I sak 5/2014 vart det avklara at det ikkje er aktuelt å vidareføre satsingar som har fått strategiske midlar i inneverande periode. Dette fordi strategiske satsingar er tidsavgrensa, og det vert forventa at området er styrka og i stand til å søkje om Helse Vest sine konkurranseutsette midlar og andre eksterne midlar etter utløp av finansiering frå samarbeidsorganet. Samarbeidsorganet hadde ei prinsipiell tilnærming til denne saka, og slutta seg til dette i den vidare behandlinga av saka i møte. Det vart med bakgrunn i dette gjort ei avstemming på om søknaden skulle takast ut. Det var 9 representantar med stemmerett på møtet. 8 stemte for å ta ut søknaden, 1 stemte i mot, ingen var avhaldne. Det vart i møtet vedtatt tildeling til fem strategiske satsingar:
Persontilpasset medisin for barn og voksne med diabetes - PERSON-MED- DIA Persontilpassa kreftbehandling - biomarkørar og kliniske studiar Strategisk forskningssatsing 2015-2019, PErsonalized TREatment of high-risk MAmmary Cancer (PETREMAC) Bergen Stem Cell Consortium - katalysator for stamcelleforskning i Helse Vest Frakturregisteret i Helse Vest: en regional kunnskapsdatabase for epidemiologisk og klinisk forskning på frakturer og frakturbehandling. Vidare oppfølging av denne saka vert lagt fram for samarbeidsorganet i februar. - vedtek tildeling på til saman kr. 69 920 700 fordelt på fem år til fem nye strategiske satsingar. - vil vurdere tildeling til ytterlegare ei satsing innan den tematiske overskrifta «livsløp med god helse med fokus på barn og unge» under føresetnad av at prosjektleiarane Markestad og Svanes ønskjer å utarbeide ei felles satsing. Samarbeidsorganet ber sekretariatet følgje dette opp, og ber om å få framlagt eventuell revidert søknad til februarmøtet 2015. Vurderingskomiteens leiar vil bidra med gjennomlesing av revidert søknad. Satsinga kan ha ei total kostnadsramme på inntil kr. 15 mill. Sak 44/2014 Tildeling til den strategiske satsinga innan rusforsking Utlysing av midlar til den strategiske satsinga innan rusforsking er forankra i tidlegare sak i samarbeidsorganet, der det vart vedtatt vidareføring av satsinga t.o.m. 2018. Samarbeidsorganet vedtok at midlane skulle lysast ut opent, og at søknadane skulle vurderast av ein ekstern vurderingskomité. Vidare vart det vedtatt at dei fire tematiske områda i handlingsplanen skulle vektleggast i utlysinga, og at retningslinjer og vurderingskriteria skal vere tilsvarande Helse Vests søkbare midlar (sak 23/2014). Midlane vart i tråd med vedtak lyst ut før sommaren 2014. Søknadane har blitt vurdert av ein ekstern nordisk vurderingskomité. Innstillinga frå komiteen følgde vedlagt saka. Dei innstilte søknadane held god kvalitet, og fleire av desse søknadane kom også opp til vurdering i hovudkomiteen for Helse Vest søkbare midlar med frist 15. september. Ein søkjar har blitt innstilt i begge utlysingane. Samarbeidsorganet var samde om at øyremerka forskingsmidlar skal fordelast først dersom ein søkjar får tilslag om midlar frå to ulike utlysingar. - vedtek fordelinga av dei strategiske midlane. - føreset at øyremerka forskingsmidlar vert tildelt først dersom ein søkjar får tilslag om midlar frå ulike utlysingar. Sak 45/2014 Ordning for å auke helseføretaka si EU-deltaking Samarbeidsorganet har på fleire av møta i 2014 diskutert innføring av ei strategisk satsing for å løfte EU-forskinga i regionen. På møte 18. september bad samarbeidsorganet sekretariatet innhente informasjon om kva ordningar som er innført eller til diskusjon i institusjonane i regionen, for å kunne sjå på mogelegheiter for
samordning av ordningar på tvers av institusjonar og sektorar. Vedlagt saka følgde tilbakemelding frå Helse Bergen, Helse Stavanger og Universitetet i Bergen. På UiB sentralt er det i 2015 sett av midlar til ein ny incentivmodell der all EUaktivitet som er rekneskapsført ved UiB blir premiert med 10 % til prosjektet sitt eigarinstitutt. Eit slikt tiltak vil vere avgrensa til å premiere dei miljøa som allereie er sterke nok til å få gjennomslag i EU-systemet. Både Helse Bergen og Helse Stavanger ønskjer seg stimuleringsmidlar knytt til innlevering av søknadar utan krav om utfall for å premiere og stimulere dei miljøa som sender inn søknadar men som ikkje når opp i konkurransen om tildeling av midlar. Det er lagt vekt på at søknadsprosessar i EU er krevjande, og at desse miljøa vil lære seg søknadsprosessane og vil kunne ha potensial for å få tilslag om midlar dersom dei søkjer på nytt. På bakgrunn av dette vart det i saksframlegget føreslått ei ordning med premiering på 10 % av rekneskapsførte EU-midlar i helseføretaka (avgrensa til midlar tildelt i H2020), og at samarbeidsorganet i 2015 vurderer opptrapping av ordninga. - vedtek innføring av ei ordning for å auke EU-deltakinga i regionen, som skissert i saka. Ordninga skal gjelde for søknadar som får tildelt midlar frå utlysingar i H2020 frå 2014. - vedtek å setje av kr. 2,5. mill. til tiltaket - gjev sekretariatet i oppgåve å utarbeide forslag til retningslinjer for ordninga. Samarbeidsorganet ber om at utkast vert sendt per e-post til samarbeidsorganets medlemmer. - ber om å få framlagt sak i løpet av 2015 der ein vil vurdere eventuell opptrapping av ordninga for å sikre helseføretaka si måloppnåing i EU-systemet. - føreset av ordninga vert evaluert etter 3 år. Sak 46/2014 Utarbeiding av forskingsstrategi 2016-2020 - prosess Det vart i saksframlegget føreslått at arbeidet med ny forskingsstrategi vart lagt opp etter same lest som ved utarbeidinga av noverande strategi. Det skal setjast ned ei arbeidsgruppe beståande av fire representantar frå Helse Vest (utnemnt av dei fire helseføretaka), to representantar frå universiteta (utnemnt av UiB og UiS), to brukarrepresentantar utnemnt frå det regionale brukarutvalet og 1 representant frå dei private, ideelle institusjonane med avtale med Helse Vest. Fagdirektøren i Helse Vest vil som sist leie arbeidet. I den skisserte prosessen vert det lagt opp til at arbeidsgruppa legg fram utkast til strategi for samarbeidsorganet ved fleire høve, før endeleg versjon blir lagt fram for samarbeidsorganet i september 2015. - vedtek den skisserte prosessen for utarbeiding av forskingsstrategien for 2016-2020. Sak 47/2014 Stipendiatsatsar 2016-2018 Samarbeidsorganet vedtok i sak 26/2012 stipendiatsatsar for perioden 2013-2015 med årleg justering. Med utgangspunkt i tidlegare saksgang- og utgreiingar vart det lagt fram forslag til stipendiatsatsar for perioden 2016-2018 med ei årleg auke på 3,1 % som er pris- og lønnsjusteringa i statsbudsjettet for 2015. Det kan ikkje takast dekningsbidrag av midlane. Stipendmidlar som ikkje vert brukt opp skal tilbakeførast.
- vedtek stipendsatsane for 2016, 2017 og 2018 med ei auke på 3,1 % pr. år. Auke av satsane skal gjelde for alle som tek imot stipend på det aktuelle tidspunktet. Den einskilde institusjon avgjer sjølv korleis stipendmidlane vert fordelt mellom løn og driftsutgifter. Orienteringssaker 1. Rapport, Felles forskingsarena 2014. 2. Tilsvar frå MedViz evaluering av strategiske satsingar i Helse Vest. Neste møte i er 19. februar 2015 på Clarion Hotel Bergen Airport, kl. 10.30 14.30