Hardangerrådet iks RÅDSMEDLEMMENE OG LEIAR I RÅDMANNSFORUM INNKALLING TIL RÅDSMØTE Dato: Torsdag 13.03.2014 Klokka 09.00 15.00 Stad: Kommunehuset i Eidfjord Møteplanen i Hardangerrådet IKS godkjent 10.10.2013 gjeld som møteinnkalling. Agenda: 09.00 Hardangerrådsmøte Sakshandsaming 11.30 Presentasjon Høyring Klimaplan for Hordaland 12.00 Lunsj 12.45 Kort styremøte i Hardangerrådet 13.00 Årsmøte 13.30 Presentasjon Hardangerbadet 14.00 Arbeidsgruppa for Kommunestruktur i Hardanger 15.00 Møteslutt Saker til Handsaming: HR-sak 06/14 Meldingar HR-sak 07/14 «Tour des Fjords» 2014. Utsett sak HR-sak 08/14 Møtebok frå Hardingtinget HR-sak 09/14 Regional Utviklingsplan for Indre Hordaland Utsetjing Prosjektskisse for Regional Næringstrategi for Hardanger HR-sak 10/14 Søknad om støtte til bokprosjekt HR-sak 11/14 Søknad om støtte til TV-prosjekt HR-sak 12/14 Søknad om støtte til Dokumentasjonsfilm om Buføringsvegen HR-sak 13/14 Søknad om støtte til Røldal Skisenter HR-sak 14/14 Orienterings- og drøftingssaker. Trasevalet på E 39 ny strategi Utsett sak Status Informasjonstavler i Hardanger Fjellregionsamarbeid Sogn Regionråd fellessamling Folketalsutviklinga i Hardanger Etablerartenesta og Team Hardanger Regionale Næringsfond Hardangerrådsmøtet på Finse Nedlegging av NAV-kontor i Hordaland? HR-sak 15/14 Søknad om stipend (Ikke offentleg sak). Sakspapir sendt i eigen forsendelse Mogelege andre saker melde i møtet. Kinsarvik 06.03.2014 John Opdal/s Rådsordførar Leiv Vambheim Dagleg leiar Merk møteendringar: Møtet 11.-12. September vert på Finse, Møtet 16. Oktober vert i Odda, Møtet i April og Mai vert slått saman møte fredag 9.mai i Ullensvang.
«Tour des Fjords» 2014 Utsett sak HR-sak 07/14 «Tour des Fjords» 2014. Utsett sak Saksvedlegg: Tilbakemelding frå Reisemål Hardangerfjord ved Hans Jørgen Anderssen Saksutgreiing: Eg viser til sakutgreiinga mi til sak 02/14 og til følgjande vedtak i Regionrådet: «For eventuell økonomisk støtte vert vurdert nytta avbøtande midlar reiselivsrelaterte tiltak. Saka vert sendt til Reisemål Hardanger Fjord til vurdering.» Reiselivsdirektør Hans Jørgen Anderssen har svara ( sjå vedlegg). Her orienterer han om RHF sitt syn og om verdien av tv-produkjsonar frå Hardanger. Han konkluderer slik: «Først og fremst, Reisemål Hardanger Fjord stiller seg særs positiv til det arbeidet som er gjort for å få lagt dette arrangementet til Hardanger. På den andre sida er det vanskeleg for RHF å vurdere dette arrangementet sin verdi for Hardanger, og dermed og vanskeleg å seie korleis Hardangerrådet skal forhalde seg til søknaden frå Ulvik herad. Eit anna moment som RHF ikkje har kunnskap om, er om eit tilskott frå Hardangerrådet er naudsynt for å sikre at arrangementet kjem til Hardanger. Om det er tilfelle vil RHF stille seg positiv til bidrag frå Hardangerrådet i 2014.» Vurdering: Eg oppfattar svaret til Hardangrrådet slik at dersom eit tilskot på 250.000 kr frå Hardangerrådet er naudsynt for å sikra arrangementet til Hardanger, så er han positiv til å henta desse midlane frå Kraftlinemidlane avsett til «Andre reiselivsrelaterte tiltak». Der er disponert 2.282.000 kr av avsette 4 millionar kroner. Sidan desse midlane alt er stilte til disposisjon til «Tour des Fjords» frå Ulvik herad, så er dei ikkje naudsynte for å sikra arrangementet. På det grunnlaget har eg same innstilling som til sist møte. Framlegg til vedtak Hardangerrådet iks viser til søknad frå Ulvik herad om 250.000 kr i til Ulvik herad sin støtte til «Tour des Fjords»-arrangementet. Hardangerrådet iks ser klart den marknadsverdien arrangementet vil kunna få for reiseliv og tilflytting, men innanfor vedtekne retningsliner og avgrensa midlar vert søknaden avslegen.
Møtebok frå Hardingtinget HR-sak 08/14 Møtebok frå Hardingtinget Saksvedlegg: Møtebok frå Hardingtinget 13.02.2014 Saksutgreiing: Det har vore vanleg å dokumentera møta i Hardingtinget med ei møtebok. Normalt skal ei møtebok godkjennast av representantar valde i møtet, men det vart dessverre ikkje gjort denne gongen og derfor legg eg møteboka fram for Hardangerrådet til godkjenning. Det er ikkje enkelt å skriva møtebok som rettferdiggjer alt som kjem fram på eit slik møte med både presentasjonar, spørsmål, tilbakemeldingar og gruppearbeid. Eg har laga ei møtebok som ligg på heimesida til Hardangerrådet iks med linkar til presentasjonane og gruppeoppsummeringa. DVD-presentasjonen til Demokratiprosjektet finns på «YouTube». Framlegg til vedtak Møteboka frå Hardingtinget 13.02.2014 i Øystese vert godkjent slik ho ligg føre. Hardangerrådet tek oppsummeringa ved dagleg leiar frå gruppearbeidet til vitande.
Regional Utviklingsplan for Indre Hordaland - Utsetjing HR-sak 09/14 Regional Utviklingsplan for Indre Hordaland - Utsetjing Prosjektskisse for Regional Næringstrategi for Hardanger Saksvedlegg: Referat frå møte i Hordaland Fylkeskommune Prosjektskisse «Regional Næringsstrategi» for Hardanger. Saksutgreiing og Vurdering: Utviklingsplan: Hardangerrådet spela i 2011 inn temaet om å laga ein «Utviklingsplan for indre Hordaland» til arbeidet med Regional Planstrategi for Hordaland 2012-2016. Dette kom med i planstrategien som eit planbehov og er tenkt oppstart i 2014. Eg har vore på nokre møte med Planseksjonen i Hordaland fylkeskommune i 2013 for å finna ei form på ein slik plan og kva tema ein skal belysa. Eg har også hatt kontakt med Utviklingsjef Gunhild Ukvitne i Voss kommune om dette. Ho var med på eitt møte. Nett no er Planseksjonen i HFK svært arbeidsbelasta og har vanskar med å nytta eige tid til dette, slik at hovudjobben vil liggja på Hardangerrådet og kommunane i Indre Hordaland. Hardanger Næringsråd har i sin strategi å få laga ein «Strategisk Næringsplan for Hardanger» for å sjå næringsareal og næringsutvikling utan kommunegrenser. Også dette er eit arbeid som Planseksjonen ved HFK er medspelar i, men det skal driftast av HNR med innleigd hjelp. I eit fellesmøte 22.janauar 2014 mellom Hardanger Næringsråd, Hordaland Fylkeskommune og Hardangerrådet vart ein samde om at det vil vera nyttig for ein utviklingsplan for indre Hordaland å først få utarbeidd ein Regional Næringsstrategi for Hardanger slik HNR ønskjer. Dette saman med den eksisterande Regional Bustadstrategi er gode verktøy for ein utviklingsplan. Omdøypinga frå Regional Næringsplan er begrunna i at dette ikkje er eit formelt plandokument i Plan- og Bygningslova. Med bakgrunn i at ein i regionen ikkje skal driva parallelle prosessar så fekk i oppgåve å innhenta aksept frå Hardangerrådet om å avvente resultatet av ein Regional Næringsstrategi før arbeidet med Regional Utviklingsplan for Indre Hordaland vert tek opp att. Eg reknar med at det må ta omlag eitt år. Men eg vi påpeika at arbeidet må vera starta opp i denne Planstrategiperioden innan første halvdel av 2015. Regional Næringsstrategi: Frå Hardanger Næringsråd har Hardangerrådet motteke Prosjektskisse for Regional Næringsstrategi Hardanger (vedlagt). Skissa gjev eit godt grunnlag for å få til ein plan i tråd med framdrifta med sluttrapport januar 2015. Det springande punktet er finansieringa som ikkje er på plass enno. Hardangerrådet vert beden om å tilrå at dei 7 Hardangerkommuanne støttar prosjektet med 100.000 kr fordelt etter Hardangerrådsmodellen i usikkerheit om Regionalt Næringsfond Hardanger. Dette for å koma i gang. Eg tilrår ikkje at ein søkjer kommunane om dette. Eg tilrår at Hardangerrådet forskotterer 100.000 kr til Regional Næringsstrategi Hardanger slik at arbeidet kjem i gang. Det er eit tydeleg signal også til andre finansieringskjelder. Så får Hardanger Nærignsråd søkja RNH om midlar normalt pr 01.09.14 for refusjon til Hardangerrådet iks. Framlegg til vedtak 1. Hardangerrådet iks godkjenner utsetjing av arbeidet med «Utviklingsplan for Indre Hordaland» i påvente av Hardanger Næringsråd sitt arbeid med «Regional Næringsstrategi for Hardanger». 2. Hardangerrådet forskotterer 100.000 kr til Hardanger Næringsråd slik at arbeidet med Regional Næringsstrategi Hardanger kjem i gang. Så får Hardanger Nærignsråd søkja RNH om midlar normalt pr 01.09.14 for refusjon til Hardangerrådet iks
Søknad om støtte til bokprosjekt HR-sak 10/14 Søknad om støtte til bokprosjekt Saksvedlegg: Søknad frå Svein Nord i Nord 4 AS Bokverkstad. Prosjekt Vidda Layout 1 Svein Nord Saksutgreiing: Svein Nord søkjer om produksjonsstønad til kulturhistorisk bokprosjekt: Han skriv slik i innleiinga av søknaden: «Forlaget Nord 4 tek sikte på å gje ut ei bok den 4. april 2014 om kulturhistoriske funn og oppdagingar på Hardangervidda, skriven av arkeologen Svein Indrelid. Produksjon og utgjeving er avhengig av tilskot utanfrå. Me trur boka, slik ho er lagd opp, vil vekkja interesse for Hardangervidda og Hardanger - regionen over store delar av landet. Det lokale kulturhistoriske kunnskapsstoffet som fyller denne boka er veleigna til bruk i skulen og ved utarbeiding av læreplanar i Hardangerbygdene. Me gjer oss difor med dette så fri å be Hardangerrådet vurdera om ein kan gje noko stønad til prosjektet.» «Dette er ei bok om bruken av Hardangervidda gjennom 9000 år, frå dei tidlegaste spor etter menneske og fram mot vår eiga tid. Ho gjev oppdatert kunnskap om det me i dag meiner å vita om Hardanger - vidda og om dei som har halde til der, og om korleis denne kunnskapen er komen fram. Det er også ei bok om dei naturopplevingar som Hardangervidda har gjeve folk i tidlegare tider, sett gjennom dei nasjonalromantiske kunstnarane sine auge, og om denne naturperla slik me framleis kan oppleva henne. Til alle tider har Vidda vore matfat for bygdene omkring, men skræmande og fårefull øydemark for dei fleste andre. Gjennom ord og bilete får lesaren innsyn i korleis forskarar og kunstnarar av ulike slag har gjort sitt til at denne fjellvidda gjennom to hundre år har endra status og vorte eit av våre fremste natur- og kulturklenodia og eit eldorado for tur- og friluftsopplevingar.» Dette er ei bok som vert laga saman med Arkeolog Svein Indrelid som kjenner soga på Hardangervidda betre enn nokon og boka skal vera basert på vitskapleg grunnlag. Boka er rik på kulturhistorisk og anekdotisk stoff, henta frå djupe kjelder, frå feltbøker og rapportar, brev og dokument av mange slag, frå bøker og munnleg tradisjon og frå forfattaren sine sjølvopplevde hendingar og oppdagingar under arbeid på Vidda. Manuskriptet er ferdig, og det meste av biletstoffet er på plass. Vurdering: Kostnadane for boka er på 400.000 kr. Svein Nord ber om økonomisk støtte på 80.000 kr altså 20 % av kostnadane. For denne summen vil me få 25 frieksemplar eller anna høveleg tal. Med td. 40 frieksemplar vert kostnaden 2000 kr pr bok, så dette er reine støttemidlar eller sponsing om ein vil. Eg er ikkje i tvil om at dette vert ei svær interssant og kjekk bok å lesa. Men Hardangerrådet har vore svært restriktiv til å støtta bokprosjekt, for det er ei nesten utømeleg høve til å bidra til gode bokføremål. Derfor støttar meg til den praksisen også i denne saka og tilrår avslag. Framlegg til vedtak Hardangerrådet iks kan ikkje med sine avgrensa midlar prioritera å delta i bokprosjektet «Oppdagelser på Hardangervidda» og avslår søknaden.
Søknad om støtte til TV-prosjekt HR-sak 11/14 Søknad om støtte til TV-prosjekt Saksvedlegg: Søknad frå Anne Lutro om midlar til eit TV-prosjekt Saksutgreiing: Ivar Asbjørn Sekse. Vegard Svoldal og Anne Lutro søkjer om økonomisk støtte til TVproduksjon om Filmen «Idrettsmerkestatuett». Søknaden er underkriven Anne Lutro. Søknaden epikar på at i deira spesielle situasjon er det ei bragd å oppnå denne statuetten etter å ha teke idrettsmerket 15 gonger. Eg viser til søknaden. Opptaka vil verta gjort i fleire av Hardangerkommunane og lokale/regionale aktørar står for filming og produksjon. Det skal vera idrett. Tim «æksjen» og moro og nokre spekulative overgangar som viser Hardanger og ikkje stader i Hardanger. Det skal også filmast frå «Swingkveld». Filmen skal visast på EMPO sin riksdekkande TV kanal som er kanal for psykisk utviklingshemma. Filmproduksjonen er stimert til om lag 140.000 kr og Hardangerrådet se omsøkt med 20.000 kr. Vurdering: Dette er også ein del av Hardanger. Her skal det lagast film som fortel om to karar heimehøyrande i Hardanger med sine spesielle føresetnader og som ikkje er «fjorden Cowboys». Dette er nok ein film som viser Hardanger med andre kvalitetar enn dei som me vanlegvis promoterer. Eg let meg fasinera av tiltaket, av konseptet og av entusiasmen til heile filmteamet og lågkostnaden dei leg opp til. Sidan prosjektet ikkje søkjer kommunane/herada om støtte vil eg tilrå at Hardangerrådet yter 20.000 kr frå Aktivitetsutgiftene 2014. Framlegg til vedtak Hardangerrådet iks gjev TV-produksjonen «Idretssmerkestauetten» ved Anne Lutro 20.000 kr i støtte. Midlane er løyvde frå Aktivitetskontoen 2014.
Søknad om tilskot til Filmproduksjon om Buføre/Pilgrimsvegen HR-sak 12/14 Søknad om tilskot til Filmproduksjon om Buføre/Pilgrimsvegen Saksvedlegg: Søknad om tilskot til filmproduksjon om restaurering av buføre/pilegrimsvegen over Folgefonnhalvøya. Budsjett, Finansiering og Synopsis for prosjektet Saksutgreiing: Arvid Aga søkjer Kraftlinefondet om eit produksjonstilskot på kr 100.000 for produksjon av film om restaurering av buføre-/pilegrimsvegen mellom Reiseter i Ullensvang og Krossdalen i Jondal. Produksjonstidsrom: Haust 2012 haust 2014 Ferdigstilling : Medio 2015 Speletid : ca. 30 min Total budsjett : Kr 750.000 Kvart år kjem det folk frå Nepal til Noreg for å restaurera gamle ferdselårer. Dei er av sherpaslekta og har inngåande kjennskap til vegbygging i ulendt terreng. Økonomisk betyr dette mykje for dei og for familiane deira i Nepal. Geir Vetti har hovedansvaret for sherpaene og det arbeidet dei utfører her i landet. Hausten 2012 tok dei til med å restaurera den gamle buføre- og pilegrimsvegen frå Reiseter i Ullensvang, over Folgefonnhalvøya og til Krossdalen i Jondal. Geir Vetti meinte dette var eit så stort og spesielt oppdrag at det burde lagast film om prosjektet. Eg vart kontakta, og tok til med opptak då arbeidet starta i september 2012. For å halda fram arbeidet med opptak og produksjon av filmen, må eg ha finansieringa på plass. Vegen som no blir restaurert vil vera ein viktig del av verdiskapingsprogrammet Frå fjord til fonn, og det er eit arbeid som vil visa att også om mange hundre år. Arvid Aga har tidlegare laga fleire program for NRK frå Folgefonnhalvøya og Hardangervidda - også program som omhandlar gamle sleper/stiar. Opptak og redigering skal gjerast i HD-kvalitet. Dag Indrebø frå NRK vil verta med på sluttredigeringa av filmen. Aga og Indrebø har tidlegare hatt eit godt sammarbeid der fleire av filmane også er seld til fleire tv-stasjonar i utlandet. Om prosjektet vert fullfinansiert, skal det skrivast orginalmusikk til filmen. Det vil og bli gjort opptak i Nepal. NRK har vist interesse for filmen. På youtube ligg ein liten video som tek for seg litt historikk, og kva som er gjort fram til no. Du finn den her : http://youtu.be/uwnkjygsvdc Vurdering: Ullensvang Vest har etter Jondalstunnlen og Hardangerbrua opna fått redusert trafikk og reisetilbod. Folket på Folgefonnhalvøya er no svært aktive for å utvikla området som attraktivt for innbyggjarar, tilflytting og tilreisande. Mange ulike tiltak er sette i gang og fleire er under planlegging. Mellom anna støttar Fylkesmannen i Hordaland eit arbeid kalla «Perlekjeder rundt Folgefonna». Prosjektet Buføre/Pilgrimsvegen er ei av dei skinande perlene på Folgefonn halvøya. Prosjektet har kome istand gjennom stor entusiasme, eigeninnsats og pengesamling og framstår som eit monument for ei mykje brukt transportåre i fleire hundre år. Det er eit tiltak som vil gje mange flotte turopplevingar og vonleg trekkja til seg mange turglade gjester.
Som Aga skriv så er han oppmoda om å laga denne filmen som dokumenterer og promoterer buføre/pilgrimsvegen for framtida slik at mange kan verta inspirerte til å ta turen til Folgefonnhalvøya. Eg ser dette som eit filmprosjekt som styrkjer arbeidet med å setja Folgefonnhalvøya på kartet. Økonomien er marginal i filmprosjektet og eg tilrår å løyva midlane frå Kraftfondet. Framlegg til vedtak Hardangerrådet iks løyver 100.000 kr frå Kraftlinefondet, Hardangerrådet sin del, som tilskot til Arvid Aga sin filmproduksjon om restaurering av buføre/pilegrimsvegen over Folgefonnhalvøya.
Søknad om støtte til Røldal Skisenter HR-sak 13/14 Søknad om støtte til Røldal Skisenter Saksvedlegg: Søknad frå Røldal Skisenter Utviklingsplan for Røldal Skisenter Saksutgreiing: Røldal skisenter skriv slik i ein søknad til Hardangerrådet iks: «Røldal skisenter tillater seg med dette å søke om tilskudd til prosjektering og etablering av ny stolheis. Vi har som ambisjon å etablere områdets første ekspress stolheis allerede sommeren 2014. Røldal skisenter søker tilskudd/veiledning hos følgende aktører for å realisere prosjektet: Røldal Næringsfond Odda Kommune Hardangerrådet Hordaland Fylkeskommune Innovasjon Norge Vi tillater oss på bakgrunn av dette å søke Hardangerrådet om et tilskudd til prosjektet. Investeringsrammen er formidabel, og vi søker derfor om maksimalt tilskudd innenfor rammene av næringsfondets tildelingsmidler. Om ønskelig kan tildelingen foregå over flere år, dersom dette er med på å øke rammene for tildelte midler. Vi ser frem til et positivt svar.» Vurdering: Søknaden er til Hardangerrådet iks til både prosjektering og etablering av ny stolheis. Når det gjeld etableringstøtte er det Kraftlinefondet som kan vera aktuelt for der er retningslinene slik at ein vil sjå att varige verdiar. Frå dei midlane som Kraflinefondet disponerer er det lite att å henta som vil mona i ei slik stor investering og vil eventuelt verta symbolsk støtte. Slike store prosjekt må kunna finna ei løysing med støtte direkte frå Fylkeskommunen og Innovasjon Norge, som disponerer betydeleg midlar utviklingsmidlar. Når det gjeld støtte til prosjektering så er det innanfor retningslinene til Regionalt Næringsfond Hardanger. Søknaden peikar også på «næringsfondets tildelingsmidler». Det er usikkert kva storleik Regionlat Næringsfond Hardanger vil få i 2014 sidan Fylkeskommunen ikkje lenger får midlar frå Regjeringa. Konklusjonen min er at Hardangerrådet iks ikkje prioriterer å støtta investering i ny stolheis ved Røldal Skisenter innanfor dei avgrensa Kraftlinemidlane. Røldal Skisenter får informasjon om at det er høve til å søkja Regionalt Næringsfond Hardanger om støtte til prosjektering, utan førehandslovnad. Søknadfristen der er 1.september. Framlegg til vedtak: Hardangerrådet iks gjev ikkje støtte til investering i ny stolheis ved Røldal Skisenter innanfor dei avgrensa midlane Hardangerrådet iks råd over. Hardangerrådet iks viser til at det er høve til å søkja Regionalt Næringsfond Hardanger om støtte til prosjektering. Søknadfristen der er 1.september 2014.
Orienterings- og drøftingssaker. HR-sak 14/14 Orienterings- og drøftingssaker. Trasevalet på E 39 ny strategi Utsett sak Status Informasjonstavler i Hardanger Fjellregionsamarbeid Sogn Regionråd fellessamling Folketalsutviklinga i Hardanger Etablerartenesta og Team Hardanger Regionale Næringsfond Hardangerrådsmøtet på Finse Nedlegging av NAV-kontor i Hordaland? Saksvedlegg: 1. Invitasjon til Samferdselmøte i Norheimsund 03.03.2014 2. Fellestavla reisemålstavle for Hardanger på Turistvegskilta 3. Folketalet i Hardanger pr 01.01.2014 4. Gjennomgang og vidareføring av samarbeidsavtaler med regionale næringsretta utviklingsaktørar frå Hordaland fylkeskomune. Saksutgreiing og Vurdering: Trasevalet på E 39 ny strategi Utsett sak Eg viser til saksutgreiinga mi i HR-sak 5/14. Regionrådet utsette saka med slik konklusjon: «Saka vart drøfta og Hardangerrådet vil ta dette temaet opp att neste møte 13.mars 2014. Eit møte med Statens Vegvesen er også nyttig i denne samanhengen.» Eg legg denne saka fram på dette møtet som vedteke. Eg har ikkje teke nærmare kontakt med Statens Vegvesen førebels. Etter dette er det halde møte i Norheimsund arrangert av Kvam Næringsråd og Kvam herad om same temaet. Der var det semje om at ein må arbeida for realisering av «Jondalsbrua» mellom Belsvik og Ljones for å knyta E134 gjennom Odda og Jondal til Kvam. Så var det lagt fram to vegval frå Tørrvikbygd/Ljones til påknyting E 39 Kyststamvegen: 1. Ny veg via Eikelandsosen til Os 2. Kvamskogtunell via Tyssetunnel og Gaupholm til Espelandsområdet i Bergen. Næringslivet og innbyggjarane i regionen treng ein sikker og framkomeleg veg både for gods og for pendling. Det kom også fram på møtet at Hardangerpolitikarane denne gongen må samla seg om ein trase. Den planlagde utgreiinga om ein hovudveg Vestlandet Austlandet er avgjerande, og her er også tinga ein KVU for Hardangerviddatunnelen. Suksessoppskrifta er: Gode argument, Gode venner, God kondisjon. Hardangerrådet bør tillata seg å drøfta dette fordomsfritt vidare. Status Informasjonstavler i Hardanger Alle dei nye likeutforma informasjonstavlene for kommunane/herada i Hardanger samt den felles Reisemålstavla er no klare. Det har vore tett samarbeid mellom kommunane/herad, Reisemål Hardanger Fjord, Statens vegvesen, Hardangerrådet og Arkeoplan i arbeidet, og det vert ei ansiktsløfting i regionen. Tekstavgrensinga har vor ei utfordring for mange. Sjå vedlegg «Fellestavla for reiselivet» som skal festast på Nasjonal Turistvegar sine stortavler. For korleis kommunetavlene ser ut, kontakt eigen kommune. Kommunane/herada og reiselivsaktørane har også tinga plakatar av tavlene sine til bruk i Turistkontora og verksemdene. Så no er alt klart til oppsetjing våren 2014, eitt år forseinka, etter framdriftsplanen. Tavlene skal setjast opp dels av Statens Vegvesen og dels av kommunane/herda sjølve. Det er no viktig at førestanden for Hardangerrådet iks sitt tilskot til dei nye tavlene vert følgt opp: Kommunane/herada syter for at alle dei gamle tavlene vert fjerna og det er eit kommunalt ansvar.
Fjellregionsamarbeid Hardangerrådsmøtet i desember gjorde slikt vedtak: «Fjellregionen vert invitert til eit møte i Hardangerrådet 2014 for å gje orientering om arbeidet sitt.» Etter møtet sende seg slik melding til Fjellregionsamarbeidet: «I Hardanger er det fire kommunar med store fjellvidder og fjellinteresser. Me ser verken dei eller Hordaland fylkeskommune er del av Fjellregionsamarbeidet og lurar på kvifor? Hardangerrådet iks er regionråd for 7 Hardangerkommunar rundt Hardangerfjorden. (sjå www.hardangerraadet.no ). På sist møet i Regionrådet vart uttale om frå Fjellregionsamarbeidet til Regjeringa om «Kutt i Regionalmidlar» lagt fram. Hardangerrådet iks kan tenkja seg å bli orientert om Fjellregionsamarbeidet for om mogeleg å vera deltakande i framtida. Er det mogeleg å få til eit orienteringsmøte i løpet av våren 2014 frå dykk?» Svaret var slik den 12.02 2014: «Tusen takk for positiv tilbakemelding. Beklager at det har tatt så lang tid å gi dykk svar teknikken har svikta meg litt, slik at eposten til Fjellregionsamarbeidet ikkje har komme i min innboks. Eg fekk meg ei positiv overrasking da det blei orden på dette i dag. Vi vil veldig gjerne komme til dykk på et orienteringsmøte i løpet av våren 2104. Send meg gjerne forslag til datoar som passar, så skal eg raskt bekrefte den som passar best.» Dette betyr at me må invitera Fjellregionsamarbeidet til møte med Hardangerrådet eller til å møta interesserte Hardangerkommunar/-herad. Korleis skal me få Hordaland fylkeskommune med i samarbeidet? Eg legg dette spørsmålet fram for vidare oppfølging. Til orientering har Fjellregionsamarbeidet årsmøte 17.06.2014 i Trysil. Sogn Regionråd fellessamling Sogn Regionråd har teke kontakt fordi med Hardangerrådet fordi dei planlegg ei ordførarsamling til våren 2014 og ønskjer både og verta orientert om Hardangerrådet sitt arbeid og å møte ordførarane i Hardanger. Dei tenkte på samling i Ullensvang. Eg lova å ta dette opp med ordførarane i Hardanger om det er interesse for og eventuelt mogeleg å få til eit felles møtepunkt. Slik eg såg det kunne kveld 18. juni vera eit høve, dagen før Hardangerrådsmøtet 19.juni. Då bør kanskje møtestad bytast 9.mai og 19.juni? Folketalsutviklinga i Hardanger Eg viser til vedlagde statistikk for Folketalet i Hardanger pr 01.01.2014. Me har framleis ein viss vekst og passerer 23.000 innbyggjarar. Ein auke på 18 personar i alt medrekna overføringa frå Kvinherad til Jondal. Dessverre så må me konstatera at den fine framgangen me har opplevd no i fleire år med arbeidet i «Flytt til Hardanger» er flata ut. Dette kan ha kan ha fleire årsaker som kommunane sikkert har analysert kvar for seg, men eg er bekymra for den vidare utviklinga. Flytt til Hardanger har fokusert på hus og fleire kommunar har også gjort ein god jobb på dette området. Eg tenkjer at dette heng saman med at kommunane/herada i Hardanger har vore minder aktive for pågåande rekruttering. Hordaland Fylke sin statistikk og framskriving av folketal er tydeleg på at einaste måten Hardanger og Voss kan veksa i folketal dei nærmaste ti åra (til alle har fødselsoverskot) er ved innflytting frå utlandet for netto innanlands flytting i Hardanger er negativ. Mi oppmoding til kommunane/herda er å vera aktive deltkarar dette siste året i Flytt til Hardanger for å styrkja innvandringa til regionen. Etablerartenesta og Team Hardanger Hordaland Fylkeskommune har utarbeidd eit dokument dei kallar Haldefridom II. Konsekvensane av dette er at fylkeskommunen avviklar ei rekkje direkte støtta tiltak. (Sjå vedlagt saksutgreiinga til Fylkesutvalet 19.02.2014). Hordaland fylke har i alle år støtta tiltaksarbeidet i distriktet. Etter etablering av Regionråda har dei vore avtalepart med fylkeskommune og motteke støtta til næringsutvikling og etablerartenesta. Fylkeskommunen har inngått nye partnarskapsavtaler med kommunane om etablerarrettleiing, og det er vel grunnen til at dei ser på å oppheva partnarskapsavatalene med Regionråda. Hardangerrådet har nytta midlane til å gje etablerarrettleiing med kjøp av tenest hos Ytre Hardanger
Opplæring og Næringshagen i Odda i tillegg til dagleg leiar. Hardangerrådet har også ved hjelp av dess midlane drifta samarbeidsnettverket Team Hardanger som arbeider med næringsutvikling i regionen. Mellom anna har all aktivitet med matsatsing som Samarbeidet med Greve in Chianti og Slowfood vore finansiert via Team Hardanger. Hardangerrådet har hatt slike tilskot: 2010: 475.000 kr, 2011: 480.000 kr, 2012: 390.000 kr, 2013: 350.000 kr Vedtaket I Fylkesutvalet er at «Samarbeid med regionale tiltakskontor vert støtta kr 1 025 000 for 2014» mot 1 529.000 kr i 2013. Merk at BRB ikkje er del av nedtaket. Det kan bety 225.000 kr for Hardanger i 2014 som nok er disponerte allereie. Fylkesutvalet har tinga ei utgreiing frå Fylkesrådmannen om ta bort heile støtta. Alternativet er at også regionråda skal få meirarbeidet med å søkja Fylkeskommunen om midlar til sine konkrete tiltak og ikkje kunna bestemma sjølve. Regionrådsleiarane i Hordaland er bekymra og vonar eit politisk engasjement kan snu dette. Korleis kan Fylkeskommunane vera regionale utviklingsaktørar utan samhandling med distriktet sitt? Regionale Næringsfond Hordaland Fylkeskommune har fått inndrege si statlege støtte til regionale Næringsfond. Det tyder at HFK vurderer å stansa heile ordninga eller kanskje HFK kan finna nokre midlar til å fasa dette ut gjennom eit par år. HFK seier dei vil ha drøfting med regionane om dette. Uansett så ser eg for meg drastisk nedtak av tidlegare tildelingar og effekten av Regionalt Næringsfond Hardanger kan smuldra vekk. Det er nokre ubrukte midlar i RNH som kan disponerast av styret i RNH i 2014. Dette til orientering. Hardangerrådsmøtet på Finse Regionrådet bestemte sist møte at dei skulle ha samling 11.-12.september på Finse. Det betyr at me nok allereie no må tinga hus og byrja laga eit opplegg. Me har tilbod frå Finse 1222 om pris på møte, overnatting og pensjon. Det har vore ønskje om sammøte mellom rådmenn og ordførarar i Hardanger og samlinga på Finse kan vera ein fin måte å risla seg saman på. Når det gjeld opplegget så kan me velja mange alternativ. Døme 1: 11.09 Alle kjem seg til Finse på eige hand (Tog frå Haugatøl/Voss sykla frå Haugastøl) Klokka 12.00 felles lunsj. Klokka 13.00-17.00 Møteverksemd. 17.00-19.00 Tur eller anna oppleving Klokka 20.00 -> Middag og sosialt samvær 12.09 Alle kjem seg heim att på eige hand. (Tog eller syklar Rallarvegen), eller blir helga over (bestilla sjølve). Døme 2: 11.09 Alle kjem seg til Finse på eige hand. 17.00-19.00 Tur eller anna oppleving Klokka 20.00 -> Middag og sosialt samvær 12.09 Klokka 10.00 15.00 med lunsj Møteverksemd Alle kjem seg heim att på eige hand, eller bli helga over (bestilla sjølve). Nedlegging av NAV-kontor i Hordaland? Frå Solfrid Borge hare eg motteke følgjande link og oppmoding om uttale frå Hardangerådet. http://www.kvinnheringen.no/nyhende/article7189810.ece Dette er førebels ei orientering for politisk påverknad og aktivitet. Før ein utale treng me vel eit meir konkret forslag. Eg ser at Odda ikkje er med i planane for NAV-sjefen sine framtidige NAV-kontor.