Til: Skolefagleg ansvarleg i kommunane i Møre og Romsdal Skolar med elevar på 10. trinn i Møre og Romsdal (til rektor, kontaktlærarar på 10. trinn og rådgivarar) Invitasjon og påmelding til karrieredagane 2008 Dobbelt så mange moglegheiter Vi viser til tidlegare utsendt invitasjon til årets karrieredagar. Målsettinga med dagen er å gi elevane eit levande bilde av arbeids- og utdanningstilbod i eige fylke under årets tema Dobbelt så mange moglegheiter. Vi ønskjer å vise fram smakebitar av dei spanande arbeids- og utdanningstilboda vi har for å motivere ungdommen til å begynne å tenke på eiga framtid. Ungdom vel tradisjonelle utdanningar i vårt fylke, meir enn før. Blir ungdom merksam på fleire alternativ, får dei fleire yrker å velje mellom. Arrangement og transport er gratis! Påmeldingsfrist 12. september 2008 (sjå meir om påmelding på side 2) Når skjer det? Karrieredagane blir arrangert i; Ålesund 20., 21. og 22. oktober 2008 Molde 23. og 24. oktober 2008 Kristiansund 27. og 28. oktober 2008 Kvar skjer det? Elevane på Sunnmøre vert transporterte til Høgskolen/Fagskolen i Ålesund og Waagan transport på Blindheim. Elevar frå Romsdal har base på Høgskolen i Molde og industriområdet på Årø. På Nordmøre vert elevane frakta til Vestbase sitt anlegg i Kristiansund og Fiskeribasen med omliggande barnehagar. Programmet på alle stadane vil gi elevane erfaringar og opplevingar, samstundes som dei lærer om kva jobbar det mangfaldige arbeidslivet kan by på, og kva vegar som førar fram til jobbane. Transport Det vert organisert gratis tur-retur transport frå skolane til destinasjonane. I år blir alle elevane henta på skolen og skyssa tilbake til skolen. Det blir sett opp tidsskjema som vi etter beste evne vil følgje, men vi veit av erfaring at avvik kan oppstå. I fjor blei
alle kjørt til døra om dei var tilbake frå arrangementet etter skoletid. Det vart ei enorm oppgåve, så no ber vi om at foreldre/andre bringer og hentar dei det måtte gjelde. Arrangementet Aktivitetane har hovudvekt på yrke og utdanningar som er kjønnsdelte. Vi garanterer ikkje at alle får same tilbod, eller at alle får kome innom alle stasjonane, men vi garanterer at alle får teste/ prøve/ kjenne korleis ein del av ein arbeidsdag kan vere. Logistikken i dette arrangementet er for krevjande til at vi kan ta spesielle ønske inn i planlegginga. Elevane blir delt inn i jente- og guttegrupper så langt som mogleg. Da er det lettare for det underrepresenterte kjønnet å stille spørsmål, prøve i praksis osv. Elevar og lærarar må ta med mat og drikke. Det blir dessverre ikkje muleg å kjøpe mat undervegs og det er usikkert om det vil vere muleg å få på plass noko servering under arrangementet. Ein del av programmet vil gå føre seg utandørs så, elevar og lærarar må vere kledd etter ver og temperatur. Arrangementet er sjølvsagt også gratis for lærarane, så nytt høve til å bli betre kjent med næringslivet i fylket. Ansvar for elevane Lærarane har ansvaret for sine elevar denne dagen. For- og etterarbeid For at dagen skal verte ein del av karriererettleiinga i faget utdanningsval for den enkelte eleven, er det viktig med for- og etterarbeid. Vi utarbeider oppgåver som skal løysast i forkant og etterkant av arrangementet. I etterkant blir det konkurranse blant elevane. Sjå vedlegg 1 Evaluering Vi ønskjer ei evaluering av årets karrieredagar som skolane sender inn til underteikna rett etter sjølve arrangementet. Sjå vedlegg 2 Påmelding Påmeldingsfrist er fredag 12. september! Påmeldinga skjer elektronisk på www.mrfylke.no/kalender. Kvar skole melder på elevar frå 10. trinn samla. Tal på jenter og gutar må fyllast ut. Sett førebels av alle/begge dagane for arrangementet ved aktuell destinasjon. Det blir sendt ut melding så snart det er avklart kva for dag den enkelte skole får delta. All informasjon om karrieredagane 2008 finn du på UNGweb.no Med helsing Per Hoem Fylkesutdanningsdirektør Anna Tokle Amundsen prosjektleiar UNG i Møre og Romsdal
Oppgåver til karrieredagane 2008 Tema: Dobbelt så mange moglegheiter Førebuingsoppgåver Klassen jobbar med oppgåvene i grupper (bland jenter og gutar). Kvar gruppe vel ut 2 av oppgåvene nedanfor. Utbyttet for klassen i yrkes- og utdanningstema blir størst når alle oppgåvene vert fordelte mellom gruppene. Oppgåve 1 Vel ut 2 yrke nedanfor og svar på spørsmåla a. Dette er viktig i jobben som førskolelærar og barne- og ungdomsarbeidar Like å vere ute Like fysisk aktivitet Like å leike Ha humor Vere praktisk Like å vere saman med barn Gjerne spele eit instrument Takle å vere sjef Vere omsorgsfull Like å samarbeide med andre Synst du gutar eller jenter passar best til ein slik jobb? Kvifor? b. Dette er viktig i jobben som sjåfør. Serviceinnstilt Ansvarsfull Nøyaktig Lett for å få kontakt med folk Hyggeleg og imøtekommande Ha ein trygg og sikker kjørestil Evne til å takle uføresette situasjonar Evne til å takle mange ulike personlegdomar Kunne takle kritiske situasjonar Nemn eksempel på ulike sjåføryrke. Synst du gutar eller jenter passar best til ein slik jobb? Kvifor? c. Dette er viktig i jobben som helsefagarbeidar og sjukepleiar Sans for humor Like å vere saman med menneske Vere omsorgsfull Kan få andre til å trivast Kan sette i gang ulike fritidsaktivitetar God til å snakke med menneske i ulike livssituasjonar Vere flink til å lytte og ha god innlevingsevne God kunnskap om sjukdom, skadar og lidingar
God til å observere Kunne førstehjelp Syns du gutar eller jenter passar best til ein slik jobb? Kvifor? d. Dette er viktig i jobben som fagarbeidar i akvakultur Vere interessert i fisk og i velferda deira Like å observere fisk for å sikre at dei er friske og har gode vekstvilkår Kontrollere utstyret for å hindre rømming Førebygge sjukdom og ha god hygiene Drive riktig fôring Registrere dagleg logg på korleis ting utviklar seg Bruke IKT Vere nysgjerrig på ny teknologi og korleis den kan nyttast for å betre drifta Vere med å utvikle nye produkt i oppdrettsnæringa Jobbe med marknadsføring og kjenne internasjonale forhold Syns du gutar eller jenter passar best til ein slik jobb? Kvifor? Oppgåve 2 Vel ein arbeidsplass i nærområdet ditt. a. Finn ut kva for slags yrke som finst i bedrifta, og om nokre er typiske jenteyrke/guteyrke. b. Vel ut 2 yrke. Kva går jobben ut på. c. Passar han for begge kjønn? Kvifor? Kvifor ikkje? d. Kva for fordelar ville det gje om begge kjønn jobba der? Oppgåve 3 Gå inn på noen av nettsidene til opplæringskontora som du finn på www.yrkesfag.org. a. Finn jobbar som passar til gutar og jenter. b. Er jobbane forskjellig? c. Kvifor? Oppgåve 4 Sjå magasinet MULIGHETER for jobb i Møre og Romsdal (http://www.muligheter.no/index.cfm?id=119731). Dei fleste skolane har fått tilsendt papirutgåva av magasinet. a. Sett opp så mange yrke du kan finne der folk jobbar i forhold til mat i fylket vårt. b. Korleis er gutar og jenter fordelte på dei ulike jobbane? c. Passar kokkeyrket best til gutar eller jenter? d. Kvifor det?
Oppgåve 5 a. Kva for yrke finst innafor transport- og logistikkyrka (fagutdanning og høgare utdanning)? b. Kva utdanning innanfor transport og logistikk kan du ta i eige fylke? Etterarbeid, fylkeskonkurranse med premiar Finn ein typisk gutearbeidsplass og ein typisk jentearbeidsplass i Møre og Romsdal der du kanskje jobbar om 10 år. Kvifor kan begge jobbane passe godt for deg? Presentasjonen kan vere skriftlig, på powerpoint, video eller på annan måte. (Arbeidet med oppgåva kan og knytast til undervisninga i norsk, engelsk, samfunnsfag.) Skolen vel ut dei to beste presentasjonane frå kvar klasse som ønskjer å delta i konkurransen, ein gut og ein jente, og sender inn til: Møre og Romsdal fylke Udanningsavdelinga v/ Anna Tokle Amundsen Fylkeshuset 6404 Molde Frist for innsending av oppgåver er 20. november 2008. Dei to beste presentasjonane blir premiert med fine premiar til heile klassen. Vi kjem attende med meir informasjon om premiar. Juryen vil legge vekt på at presentasjonane viser ein open tilnærming til både gute- og jente- yrke, og at det er yrke som er aktuelle i Møre og Romsdal.
Evaluering av karrieredagane for alle elevar på 10. trinn Skriv 3 ting som var positive med karrieredagen Skriv 3 ting som du meiner bør forandrast Namn på skolen: Vi ønskjer at elevar og lærarar fyller ut dette skjemaet og sender det til: Møre og Romsdal fylke Utdanningsavdelinga v/anna Tokle Amundsen Fylkeshuset 6404 Molde