Protokoll frå styremøtet i Helse Bergen HF Tid: 17. desember 2014 kl. 12.00 16.00 Møtestad: Grand Terminus hotell, Zander Kaaesgate 6, 5015 Bergen Styremøtet var ope for publikum og presse Deltakarar frå styret Ranveig Frøiland, styreleiar Signy Midtbø Riisnes, nestleiar Ivar Eriksen Sveinung Hole Bjørn Østbø Anne-Margrete Bollmann Brita Ommedal Tarberg Bente Pilskog Arvid Langeland Jana Midelfart Hoff Deltakarar frå administrasjonen: Administrerande direktør Stener Kvinnsland Viseadministrerande direktør Anne Sissel Faugstad Økonomi- og finansdirektør Eivind Hansen Kommunikasjonsdirektør Mona Høgli Referent Nina Kandal
Sakliste 73/14 A Godkjenning av innkalling og dagsorden 74/14 A Protokoll frå styremøtet i Helse Bergen HF 29.10.2014 75/14 O Administrerande direktør si orientering 76/14 O Rapportering frå verksemda 77/14 A Budsjett 2015 78/14 A Sluttføring av endringsaktivitetar knytt til Innovest 79/14 A Internrevisjonsrapport om medisinsk-teknisk utstyr 80/14 A Internrevisjon tvang i psykisk helsevern for vaksne 81/14 A Kompetansestrategien 82/14 A Godkjenning av samansetjing av nytt brukarutval i Helse Bergen 83/14 A Årsmelding frå brukarutvalet i Helse Bergen 84/14 A Årleg melding 2014 85/14 A Overordna risikostyring 2014 oppsummering 86/14 O Omdømeundersøking 2014 87/14 O Eventuelt Skriv og meldingar 73/14 A Godkjenning av innkalling og dagsorden for styremøtet Det var ingen merknader til innkalling eller dagsorden. 74/14 A Protokoll frå styremøtet i Helse Bergen HF 29. oktober 2014 Protokollen vart godkjend og underskriven. 75/14 O Administrerande direktør si orientering 1. Orientering om relevante lover, forskrifter og styresmaktskrav 2. Oversikt over tilsyns-, kontroll- og klagesaker 3. Oversikt over høyringar 4. Resultat av kvalitetsindikatorar 5. Sivilt-militært samarbeid 6. Mo senter M31 (Mottak og oppfylgingssenter) 7. NOU 2014:12 Åpent og rettferdig prioriteringer i helsetjenesten 8. Pakkeløype for kreft 9. Status Ebola-oppdrag i Sierra Leone Styret tek meldingane til orientering. 76/14 O Rapportering frå verksemda for november 2014 Den økonomiske utviklinga etter 11 månader er om lag som budsjettert. Aktiviteten i somatikken er høgare enn budsjettert og høgare enn per november 2013. Døgnaktiviteten i pysusj helsevern ligg noko over det som er planlagt for 2014.
Styret i Helse Bergen tek rapporten til orientering. 77/14 A Budsjett 2015 Budsjettprosessen er gjennomførd etter planen som vart vedteken i styret for Helse Bergen i august 2014. I prosessen er det lagt vekt på å involvera tilsette, tillitsvalde, verneteneste og leiarar. Budsjettet er utarbeidd med basis i dei føresetnader som er gjevne i framlegg til Statsbudsjett for 2015, Prop. 1s Tillegg 1, prognose for resultat for Helse Bergen i 2014 og vedteke resultatkrav og tildelte rammer frå Helse Vest RHF for 2015. Styret har med stemmetal seks mot fire vedteke følgjande: Vedtak: 1. Styret i Helse Bergen HF vedtek budsjett for Helse Bergen HF for 2015 i samsvar med framlegg frå administrerande direktør. 2. Styret gjev administrerande direktør fullmakt til å gjera naudsynte justeringar/endringar innanfor ramma av det vedtekne budsjettet. 3. Styret bed administrerande direktør fylgja opp den økonomiske styringa og rapportera til styret i same format som i 2014. 4. Styret vedtek investeringsbudsjettet under føresetnad av lånefinansiering av eit prosjekt (utvikling Nordås). Dette prosjektet må utsetjast dersom det ikkje vert gjeve lån. Votering Punkt 2. til punkt 4. i forslag til vedtak vart samrøystes vedteke. Arvid Langeland føreslo å endra vedtaket i punkt 1. 1. Styret i Helse Bergen bed Helse Vest auka tildelinga til Helse Bergen med 30 mil. kr til å styrkja det framlagde budsjettet. Framlegget fall med seks mot fire røyster (Jana Midelfart Hoff, Brita Ommedal Tarberg, Bente Pilskog og Arvid Langeland). 78/14 A Sluttføring av endringsaktivitetar knytt til Innovest AS Det har vore gjennomført eit omfattande arbeid for å sikre tilstrekkeleg kontroll over den delen av føretaket sine verdiar som vart forvalta av Innovest AS. Endringsprosjektet er no ferdig med arbeidet sitt, og rapport ligg føre. Styret i Innovest AS har arbeidt med framtidig strategi for selskapet i lys av erfaringane frå endringsprosjektet. I arbeidet med dette har styret også avdekt og varsla eigarane om manglande likviditet i selskapet til å dekkja økonomiske krav. Det er føreslege ei løysing der eigarane skyt inn midlar i selskapet, før kapital og arbeidsoppgåver vert flytta. 1. Styret i Helse Bergen ser særs alvorleg på tilhøva som er avdekte i samband med gjennomgangen av Innovest AS, og støttar opp om dei aktivitetane som er sette i gang for å gjennomføra naudsynte endringar i selskapet. 2. Styret bed føretaket sine representantar i generalforsamlinga og styret for Innovest AS sikra at oppgåvene som ligg igjen i selskapet vert overførde til Bergen Teknologioverføring AS. 3. Styret bed administrasjonen i samarbeid med Stiftelsen Unifob sikra at Innovest AS får tilført nødvendig likviditet slik at selskapet kan dekkja forpliktingane sine. 4. Styret bed administrasjonen leggja fram ei sak om eigarinteresser Helse Bergen HF har i andre selskap, og korleis eigarskapen vert forvalta. 79/14 A Internrevisjonsrapport om medisinsk-teknisk utstyr Internrevisjonen i Helse Vest RHF har gjort internrevisjon som gjeld anskaffing og vedlikehald av medisinsk-teknisk utstyr (MTU) ved dei fire helseføretaka. Det er utarbeidt ein felles revisjonsrapport. Handsaminga av medisinsk-teknisk utstyr er i hovudsak styrt av «Forskrift om handtering av medisinsk utstyr». Her er det detaljerte krav til mellom anna vedlikehald, opplæring av brukarar og at dette vert dokumentert. Direktoratet for samfunnssikkerhet og beredskap kontrollerer årleg om sjukehusa oppfyller
krava i lover og forskrifter. Eit anna regelverk er «Lov og forskrift om offentlige anskaffelser» som også gjeld for kjøp av medisinsk utstyr. 1. Styret tek internrevisjonsrapporten om medisinsk-teknisk utstyr til orientering. 2. Styret sluttar seg til framlegget til handlingsplan. 80/14 A Internrevisjon tvang i psykisk helsevern for vaksne Internrevisjonen i Helse Vest RHF har gjennomført internrevisjon når det gjeld bruk av tvang i psykisk helsevern for vaksne. Internrevisjonen omfattar alle helseføretaka i Helse Vest. 1. Styret tek rapporten frå internrevisjonen om tvang i psykisk helsevern for vaksne til orientering. 2. Styret sluttar seg til framlegget til handlingsplan. 81/14 A Kompetansestrategien Styret godtek at saka om kompetansestrategien vert utsett til styremøtet 28. januar 2015. 82/14 A Godkjenning av samansetjing av nytt brukarutval i Helse Bergen Styret oppnemnde i juni 2012 nytt brukarutval i Helse Bergen for perioden t.o.m. juli 2014. Funksjonstida vart forlengd til 31.12.14 som fylgje av nye regionale retningsliner for brukarmedverknad. I desse retningslinene vart mellom anna funksjonstida for brukarutvala i regionen samordna. I dei nye retningslinene for brukarmedverknad på systemnivå i Helse Vest, styresak 043/14, står det at fylgjande kriterium skal gjelda for samansetjing av det regionale brukarutvalet: Brukarrepresentantane skal sjølve ha erfaring som pasient og/eller pårørande, og bør som hovudregel ikkje vera medlem av andre brukarutval i Helse Vest. Det er ein føresetnad at brukarrepresentantane har/tek på seg å vera kvalifiserte til å delta og medverka til forbetring gjennom planmessig kompetanseutvikling og systematisering av eigne og andre sine erfaringar. Alle verksemdsområda, somatikk, psykiatri og TBS (tverrfagleg spesialisert rusbehandling) skal vera representerte i det regionale brukarutvalet. Det vert lagt vekt på at mindre synlege pasientgrupper og pasientgrupper som i mindre grad er i stand til å ta vare på sine eigne interesser er representerte. Dette er til dømes etniske minoritetar og born og unge. Medlemene skal vera geografisk jamt fordelte i regionen, det skal vera tilnærma lik fordeling mellom kvinner og menn, og det skal vera ei rimeleg alderssamansettjing. Helse Bergen har med utgangspunkt i dette bede brukarorganisasjonane å koma med kandidatar til nytt brukarutval for perioden januar 2015 t.o.m. desember 2016. Brukarutvalet vil med dette ha 5 representantar frå FFO, 2 frå SAFO, 1 frå Fylkeseldrerådet i Hordaland,1 frå Kreftforeninga og 1 frå interesseorganisasjon innanfor rusfeltet. Det nye brukarutvalet vil halda det fyrste møtet i januar 2015. Utvalet vil på fyrste møte konstituera seg og velja leiar og nestleiar. Det vil verta arrangert eit fellesseminar mellom gamalt og nytt utval. Føremålet er å sikra kompetanseoverføring til nye medlemer. Brukarutvalet ynskjer også å invitera styreleiar, administrerande direktør og viseadministrerande direktør til delar av seminaret. Det er ynskje om å få til ein dialog om utfordringar i Helse Bergen og brukarmedverknad.
Det vart føreslege fylgjande samansetjing av nytt brukarutval: Faste medlemer Varamedlemer Svein Nord Kristiansen, FFO, ny fast 1. Jorunn Gjerken, FFO, ny Inge Aareskjold Fiskvik, FFO, ny 2. Torill Irene Haara, FFO, ny Bente Orlen Westervik, FFO 3. Erling Jacobsen, FFO Janniken J. Kval, FFO, ny 4. Karl Peder Henriksen, FFO Kirsten Eikanger Mjelde, FFO, ny 5. Dag Einar Liland, FFO, ny Hjørdis Dahle, SAFO, ny fast 1. Ulrikke Amundsen Tranberg, SAFO, ny Ida Carlsen Eide SAFO 2. Ingeleiv Haugen, SAFO, ny Magnus Mjelde, Kreftforeninga Nils Haugland, Kreftforeninga Margot Berteussen, Fylkeseldrerådet Monrad Reigstad, vara, Fylkeseldrerådet Inger lise Kjeksrud, RIO, ny NN, RIO Rusmisbrukarnes interesseorganisasjon Styret i Helse Bergen godkjenner den føreslegne samansetjinga av brukarutvalet i Helse Bergen for perioden januar 2015 t.o.m. desember 2016. 83/14 A Årsmelding frå brukarutvalet i Helse Bergen Leiar i brukarutvalet Jorunn Bakke la fram årsmeldinga frå brukarutvalet i Helse Bergen. Det har i 2014 vore stor aktivitet i brukarutvalet i Helse Bergen. Dette går fram av prosjektoversikta som er ein del av årsmeldinga. Det er ein god dialog mellom brukarutvalet og sjukehusleiinga. Noverande utval byrja funksjonstida si i august 2012 og skal fungera ut 2014. Det vert arbeidt med ei sak om korleis ein kan styrkja brukarmedverknad i Helse Bergen slik at ein kan møta framtidige utfordringar på ein enda betre måte. I dette arbeidet deltek leiaren og nestleiaren i brukarutvalet. Styret i Helse Bergen tek årsmeldinga 2014 frå brukarutvalet til orientering. Jorunn Bakke går ut av brukarutvalet etter seks år. Styret ved styreleiar Ranveig Frøiland takka for godt arbeid i desse åra ho har vore leiar. 84/14 A Årleg melding 2014 Årleg melding er fyrst og fremst ein rapport på oppdraget frå eigaren og viser ikkje ei samla oversikt over alt utviklingsarbeidet som går føre seg i Helse Bergen. Årleg melding for 2014 skal godkjennast av styret i Helse Bergen og sendast til RHFet innan 15. januar 2015. Av di aktuelle rapportar frå 2014 av naturlege årsaker ikkje er klar innan fristen for styresaka, inneheld årleg melding 2014 datagrunnlag berre fram til oktober/november. Årleg melding omfattar tre delar: ylgjing i 2014 frå direktøren i føretaket Årleg melding er utforma etter mal frå Helse Vest. I rapportdelen er kvart kulepunkt eit oppdrag henta frå styringsdokumentet for 2014. Helseføretaket har, innanfor dei rammene som er sette av styret, klart å utføra det oppdraget eigaren har gjeve verksemda. 1. Styret i Helse Bergen vedtek årleg melding for 2014 med dei merknadene som kom fram i møtet. 2. Styret i Helse Bergen gjev administrasjonen høve til å oppdatera aktivitetstal og økonomital, og naudsynte kommentarar til desse tala før årleg melding vert send til Helse Vest RHF 15. januar 2015.
85/14 A Overordna risikostyring 2014 - oppsummering I tråd med styringsdokumentet for 2014 og vedtekne retningsliner for risikostyring i Helse Vest RHF er dette ei oppsummering av måloppnåing for dei risikoområda som Helse Vest RHF og Helse Bergen har definert for 2014. Retningsliner for risikostyring i Helse Vest RHF vart reviderte i desember 2013. I samsvar med desse retningslinene skal styret i føretaket orienterast om status for risikostyring etter 1. og 2. tertial, i tillegg skal det presenterast ei oppsummering av måloppnåing på slutten av året. Helse Bergen har diverre ikkje rapportert til styret i 2014 slik retningslinene seier, dette er den første presentasjonen til styret om risikostyring i 2014. Dette beklagar vi. Det vil difor i dette dokumentet i tillegg til ei oppsummering av måloppnåinga for 2014, verta orientert om utfordringar ein har hatt og tiltak som er sette i verk undervegs i året. For 2014 har Helse Vest RHF vedteke tre felles mål med delmål for risikostyring (Styresak 134/13). I tillegg vil det presenterast to verksemdsspesifikke styringsmål med delmål som administrerande direktør i Helse Bergen la inn i oppdraget til avdelingane ved starten av året. 1. Styret i Helse Bergen tek oppsummeringa av måloppnåing for risikostyring i 2014 til orientering. 2. Styret ynskjer i tråd med «Retningsliner for risikostyring i Helse Vest» statusorientering etter 1. og 2. tertial og oppsummering av måloppnåing for året som heilskap ved årsslutt. 86/14 O Omdømeundersøking 2014 Styret i Helse Vest RHF tinga i styresak 060/12 B ei årleg omdømmemåling blant innbyggjarane på Vestlandet. Denne målinga er gjennomførd i oktober/november 2014. Innbyggjarane som soknar til Helse Bergen gjev gode tilbakemeldingar; når det gjeld resultatmåla er det nøgde med det samla sjukehustilbodet der dei bur, og dei har tiltru til at dei får behandlinga dei treng. Lågaste score gjer innbyggjarane Helse Bergen når det gjeld oppfatning av ventetid, dvs. tida frå tilvising til konsultasjon eller behandling. Dette er tredje året ei slik omdømemåling vert gjennomførd og Helse Bergen ligg stabilt på dei aller fleste måleparametrane. Styret tek saka til orientering 87/14 O Eventuelt Jana Midelfart Hoff vert ny byråd i Bergen for barnehage og skule, og sluttar difor i styret i Helse Bergen. Jana Midelfart Hoff takka for seg, og styret ved styreleiaren takka Jana Midelfart Hoff for samarbeidet og innsatsen. 1. vararepresentant Irene Hopsdal stiller i styremøta fram til nytt val er gjennomført. Neste styremøte er 28. januar 2015. Skriv og meldingar Fylgjande skriv og meldingar er sende ut til styret: Årshjul for styret i Helse Bergen Protokoll frå styremøtet i Helse Vest 23.10.2014 Protokoll frå styremøtet i Helse Vest 4.11.2014 Åpent og rettferdig prioriteringer i helsetjenesten NOU 2014:12
28. januar 2014 Ranveig Frøiland Styreleiar Signy Midtbø Riisnes Nestleiar Ivar Eriksen Bjørn Østbø Sveinung Hole Anne-Margrete Bollmann Brita Ommedal Tarberg Bente Pilskog Jana Midelfart Hoff Arvid Langeland