Miljøretta helsevern Handeland Friluftsbarnehage as v/ styrar Gro Rusten Saghaug Handelandsvegen 67 5452 SANDVOLL Saksbehandlar Tlf. direkte innval Vår ref. Dykkar ref. Dato Synneve Skei 46892097 2017/893-3 ssk 09.03.2017 Tilsynsrapport - varsel om retting - Handeland Friluftsbarnehage as Viser til tilsynet ved Handeland Friluftsbarnehage as 08.03.17 der miljøretta helsevern tok initiativ til å ha eit tilsyn. Tilstade på tilsynet var styrar Gro Rusten Saghaug og miljøkonsulent ved miljøretta helsevern Synneve Skei. Kva ansvar og oppgåve har miljøretta helsevern «Forskrift om miljøretta helsevern i barnehager og skoler» er delegert til eining for helse ved miljøretta helsevern. Ansvarsområdet er godkjenning og tilsyn av barnehagar og skular. Føremålet med forskrifta er å fremma helse, trivsel, gode sosiale og miljømessige forhold, samt førebygge sjukdom og skade til barna i barnehagen. Det kan dreie seg om inneklima, tryggleik, hygiene og psykososialt miljø. Gjennomføring av tilsynet Miljøretta helsevern tok i desember kontakt med styrar i Handeland friluftsbarnehage as for å avtale eit tilsyn av barnehagen. På tilsynet gjekk vi gjennom sjølvrapporteringsskjemaet og sjekkliste for barnehagen sitt ute- og inne området. Svara i skjemaet skal gi eit bilete på kva praksis eller framgangsmåte dei ansvarlege nytta for å drifte barnehagen og om dette er god praksis og fagleg forsvarleg i forhold til «Forskrift om miljøretta helsevern i barnehager og skoler». Saksopplysing Handeland friluftsbarnehage as vart bygd i 2005 og styrar Gro Rusten Saghaug har drifta barnehagen sidan den starta. Barnehagen har per dags dato 54 born, der fordelinga er 17 born på avdeling for småborn og 37 born på friluftsgruppa. 17 born er under tre år. Dei største borna (3-6 år) har opphald ute ca 70 % av barnehagetida. Dei oppheld seg då stor sett ved lavoane som er plassert i nærmiljøet. Rosendalsvegen 10 5470 Rosendal Tlf: 534 83 100 Fax: 534 83 130 Org. nr: 964 967 636 Bankgiro: 3460.07.00083 post@kvinnherad.kommune.no www.kvinnherad.kommune.no
Tilsynet 08.03.17 hadde hovudfokus på inne arealet i barnehagen der dei minste borna (1-2 år) har lengst opphaldstid. Det vil vera aktuelt å fokusera på uteområdet og miljøet rundt lavoane ved neste tilsyn. 4. Ansvar. Internkontroll Internkontroll er systematiske tiltak som skal sikra at verksemda planlegg, organiserer, utfører og vedlikeheld sine aktivitetar i samsvar med gjeldande regelverkskrav. Det er styrar av barnehagen som har ansvar for at verksemda driftar etter «Forskrift om miljøretta helsevern i barnehager og skoler m.v. «og rettar seg etter dei pålegg som kommunen gjev. 6. Godkjenning Verksemder som omfatta av forskrifta skal vera helseverngodkjent av kommunen. Handeland friluftsbarnehage vart godkjent i 2005. 7. Generelle krav Alle born har rett på eit trygt og godt barnehagemiljø. Forhold som er omtala i forskrifta og som kan ha innverknad for borna si helse og miljø skal risikovurderast. Det er eigar og leiar av barnehagen som må sørgje for at det føreligg tilfredsstillande planar og rutinar for forvaltning, drift og vedlikehald. 10. Moglegheit for aktivitet og kvile I barnehagen vert lagerrom nytta midlartidig av eitt barn som ikkje søv ute i vognskur. Når rommet vert brukt til dette føremålet må inneklimamålingar dokumenterast. Dette for å sikra at det ligg innanfor grenseverdiane som er gjeve i 19. Resten av borna som søv i barnehagen ligg ute i lukka vognskur. I vognskuret er det installert omn og luftregulator. 11. Måltid Barnehagen tilbyr smøremat som borna tek med seg ut for å ete. Borna har i tillegg med seg nistemat i barnehagen. Ein gong i veka lagar dei varmmat som vert servert inne i kjøkenavdelinga. Dersom barnehagen vert rekna som ei næringsmiddelverksemd vert det stilt krav til handvask på kjøkkenet. Mengda mat som vert servert vert vurdert til å vera så liten at det ikkje utløyser krav til handvask i kjøkkenavdelinga. 12. Psykososiale forhold Verksemda skal fremja trivsel og gode psykososiale forhold. Handeland friluftsbarnehage har mykje fokus på at borna skal trivast å ha det bra. Dei er med i prosjektet «Vera saman» som fleire barnehagar i kommunen er engasjert i. 13. Reinhald og vedlikehald Innandørs areal som er i dagleg bruk, skal ha eit forsvarleg reinhald etter hygieniske tilfredsstillande metodar. Hovudreingjering skal gjennomførast årleg. Uteområdet og tekniske anlegg skal haldast ved like og reingjerast etter behov. Det er rapportert at dette vert ivareteke. Barnehagen har ein eigen vaktmester som kontinuerlig sjekkar bygget. 14. Tryggleik og helsemesseg beredskap Barnehagen skal planleggast og driftast slik at skader og ulukker vert førebygd. Rutinar og utstyr for handtering av ulukke og faresituasjonar skal vera på plass og kjent for alle både vaksne og born. Det er rapportert at dette vert ivareteke. 15. Fyrstehjelp
Tilstrekkeleg mengde av fyrstehjelp skal vera forsvarleg på plass. Det er viktig at alle er kjent med kor utstyret er plassert og korleis fyrstehjelp skal utførast. Barnehagen rapporterer og å ha jamleg opplæring i fyrstehjelp. 17. Smittevern og 23. Sanitære forhold Barnehagen skal planleggast og driftast slik at risikoen for spreiing av smittsame sjukdomar vert så liten som praktisk mogeleg. Eit smitteverntiltak kan vera å nytta desinfiserande middel som eit supplement til handvask. Styrar opplyser at sprit tørkar ut hender til dei tilsette og av den grunn vert dette nytta einaste i periodar med sjukdom. Barnehagen skal ha tilstrekkelig tal tilgjengelige toalett og vaskar. Sanitære anlegg skal ha hygieniske tilfredsstillande utforming, kapasitet og standard. Det skal vera eitt toalett og eitt blandebatteri per 10. barn. Stellerom må tilfredsstille standard for våtrom som ivertek krav i TEK 10. Barnehagen har eitt stellerom. Stellerommet har ikkje separat vask til hender og stell av bleiebarn. 19. Inneklima/ luftkvalitet Barnehagen må ha tilfredstillande inneklima, med dette meiner vi luftkvalitet. Måleresultat på temperatur, luftfuktigheit, CO 2 og radon må liggje under grenseverdiane. Handeland friluftsbarnehage er i gang med inneklimamåling og sender dokumentasjon når resultata er klare. Det vert rapportert at barnehagen har nytt ventilasjonsanlegg og varmepumpe. 21. Lyd forhold I ein barnehage kan det ved ulike aktivitetar oppstå mykje støy. Styrar opplyser at opphaldsrom i 2. etasje har dårlege lyd forhold. Det er i følgje styrar planlagt tiltak som skal redusere støy i opphaldsrommet. 24. Avfallshandtering Det er rapportert at barnehagen handterer avfallet på ein hygienisk og forsvarleg måte. Oppsummering Miljøretta helsevern ber om at fylgjande vert utbetra: Avvik: 17. Smittevern 23. Sanitære forhold For at risiko for spredning av smittsame sjukdommer skal bli så liten som mogeleg og for at stellerommet skal ha ein tilfredsstillande utforming og standard, må stell av bleiebarn og vask av hender foregå i to separate vaskar. 19. Inneklima Barnehagen må kunne dokumentere at inneklima har tilfredsstillande verdiar i alle rom der born oppheld seg. Dokumentasjon vert sendt til oss når resultat av måling er klart. Midlartidig soverom som vert nytta av barn som ikkje søv i vognskur vert med dette rekna som eit opphaldsrom og dokumentasjon over at rommet har tilfredstillande luktkvalitet må dokumenterast. Merknad: 17. Smittevern Det er eit anbefalt tiltak å ha spritdisspensar tilgjengeleg på punkt der stell av born og matlaging føregår. 21. Lydforhold Støyreduserande tiltak må setjast i verk dersom opphaldsrom i 2. etasje har støynivå over grensenivået. 7. og 14. Forhold som kan ha betyding for borna si helse og tryggleik skal alltid risikovurderast av styrar.
Definisjonsavklaring: Avvik er manglande oppfylling av krav myndigheitene har sett i lov og forskrift. Merknad er tilhøve som ikkje vert omfatta av definisjonen for avvik, men som tilsynsmyndigheita finn det naudsynt å peike på (forbetringspotensiale). Konklusjon For at Handeland friluftsbarnehage skal behalde si helseverngodkjenning vil miljøretta helsevern be om at avvik vert utbetra innan frist. Vi vil også oppmoda om at punkt under merknader vert utbetra og utgreia innan fristen. Frist for skriftleg tilbakemelding om at avvika er retta: 31.08.2017 Tilbakemelding skal sendast til miljøretta helsevern i Kvinnherad kommune på e-post synneve.skei@kvinnherad.kommune Tilbakemelding på tilsynsrapporten - varsel om retting Dersom det er behov for å koma med tilleggsopplysningar, eller rapporten skulle være ukorrekt på enkeltpunkter ber vi om tilbakemelding innan 14 dagar frå mottaksdato. Vi ber barnehagen om ei skriftleg tilbakemelding på at avvika er retta og ei beskriving av gjennomførte tiltak innan fristen. Skulle det ikkje la seg gjere å rette avvika innan desse fristane, ber vi om ei tilbakemelding om årsaka og ein tidfesta handlingsplan for når avvika vil verta retta. Ved manglande tilbakemelding og gjennomføring, vil eit rettevedtak verta sendt. Et slikt rettevedtak vert heimla i folkehelselova 14. Lovverk og forskrift: Folkehelselova Forskrift til miljøretta helsevern Vegleiar til forskrifta: https://helsedirektoratet.no/lists/publikasjoner/attachments/419/miljo-og-helse-ibarnehagen-veileder-til-forskrift-om-miljørettet-helsevern-i-barnehager-og-skoler-is-2072.pdf Med helsing Synneve Skei Saksbehandlar Brevet er godkjent elektronisk og har derfor inga underskrift. Mottakarar:
Mottakarar: Astri Måkestad Anne Sofie Bjelland Kjeka Oddvar Larsen Rosendalsvegen 10 5470 ROSENDAL