Møteinnkalling Nærøyfjorden verneområdestyre Utval: Møtestad: Voss kulturhus Dato: 16.12.2014 Tidspunkt: 12:00 Eventuelt forfall må meldast snarast på tlf. 99499753, eller e-post fmsfano@fylkesmannen.no. Vararepresentantar møter etter nærare beskjed.
Saksliste Utvalssaksnr ST 31/14 ST 32/14 Innhald Lukka Arkivsaksnr Godkjenning av innkalling og dagsorden Underskrift av protokoll frå førre møte ST 33/14 Nærøyfjorden landskapsvernområde - utbetringstiltak på stien mellom Undredal og Hovdungo ST 34/14 Nærøyfjorden landskapsvernområde - tilretteleggingstiltak på Brekkestien i Flåm ST 35/14 RS 12/14 Nærøyfjorden verneområde - tiltaksplan for 2015 - Årsraport til Nærøyfjorden verneområdestyre 2014 RS 13/14 Nærøyfjorden landskapsvernområde - samarbeid med Glacier Bay verdsarvområde i Alaska 2014/4118 2014/1097 2014/4302 2013/5112 2014/4390
ST31/14Godkjenningavinnkallingogdagsorden ST32/14Underskriftavprotokollfråfçrremçte
NÆRØYFJORDEN VERNEOMRÅDESTYRE Saksframlegg Arkivsaksnr: 2014/4118-0 Saksbehandlar: Anbjørg Nornes Dato: 19.11.2014 Utval Utvalssak Møtedato Nærøyfjorden verneområdestyre 33/14 16.12.2014 Nærøyfjorden landskapsvernområde - utbetringstiltak på stien mellom Undredal og Hovdungo Innstilling frå forvaltar Nærøyfjorden verneområdestyre gjev grunneigarane til stien mellom Undredal og Hovdungo løyve til utbetring av stien. Løyvet er gjeve med heimel i verneforskrifta for Nærøyfjorden 3, pkt. 1.3 f) og gjeld med fylgjande vilkår: Tilrettelegginga skal fylgja stien som vert nytta i dag, men stien kan leggjast om til betre trase på enkelte parti der den er rasa ut. Stien til utsikta på Kristenhaugen og på Enne kan ryddast. Særmerkte og dekorative tre som er med å pregar landskapet skal ikkje fellast. Daude tre skal ikkje fellast. Det kan setjast opp kvilebenk av tre på utsiktspunkta. Utbetring og utviding av stien skal ikkje endra stien utover å vera ein sti for enkelt fliluftsliv. Det kan borast boltar i fjellet for sikring i Galden og på glatt svaberg ved Enne. Det skal ikkje borast fleire boltar i fjellet enn det som er naudsynt for å feste sikringstau i Galden og ved Enne, og for å festa eit par trinn på svaberg på Enne. Det skal sendast rapport frå arbeidet til sekretariatet når arbeidet er sluttført. Verneområdestyret kan krevja tiltaka fjerna dersom det viser seg at det er naudsynt av omsyn til verneverdiane. Rydding av skog og kratt, slått på stien og vedlikehald av murar på stien er vedlikehaldsarbeid og treng ikkje særskilt løyve etter verneforskrifta. Rydding av skog må avtalast med grunneigarane. For naudsynt motorisert transport av materiale og utstyr i samband med arbeidet, må det søkjast om løyve til motorferdsel frå verneområdestyret.
Saksopplysningar Saksopplysningar Dokument som bakgrunn for saka: Søknad om utbetring av stien mellom Undredal og Hovudungo, datert 03.11.14 Søknaden vert vurdert etter: Forskrift for Nærøyfjorden landskapsvernområde av 08.11.2002 Forvaltningsplan for Vestnorsk fjordlandskap delområde Nærøyfjorden (2007) Naturmangfaldlova av 19. juni 2009 Stig Arne Borlaug og Edvin Flåm søkjer om løyve til å gjennomføra utbetringstiltak på stien mellom Undredal og Hovudungo. Dei er begge grunneigarar i området, og har innhenta underskrift med samtykke til tiltaket frå andre grunneigarar i område. Dei ynskjer å gjera tiltaka for at stien skal verta betre og tryggare å gå på. Fleire parti av stien er vanskeleg å ta seg fram på. I tillegg ynskjer dei å rydda utsiktspunkt, og setja opp benkar for å få vist fram det flotte landskapet. Det er løyvd tilskot til arbeidet av verdsarvmidlar frå kulturavdelinga hjå Sogn og Fjordane Fylkeskommune. Skjerdal landskapspleie AS har kostnadsrekna tiltaka til kr. 51 000 eks. mva (10.10.2014). Lovgrunnlaget «Føremålet med Nærøyfjorden landskapsvernområde er å ta vare på eit vakkert og eigenarta natur- og kulturlandskap frå fjord til fjell i eit storfelt isbreutforma landskap med eit mangfald av plante- og dyreliv og der eit kulturlandskap med slåtteteigar, beitelandskap, stølsområde, gardsbruk og kulturminne, skapt gjennom aktiv landbruksdrift, utgjer ein vesentleg del av landskapets karakter» jf. verneforskrifta for Nærøyfjorden landskapsvernområde 2. «Nærøyfjorden landskapsvernområde er verna mot alle inngrep eller tiltak som vesentleg kan endra eller verke inn på landskapets art eller karakter» jf. verneforskrifta 3 punkt 1.1. Forvaltningsstyresmakta kan gje løyve til «oppmerking og varding av nye fottruter, oppføring av nye bruer og klopper» jf. 3 punkt 1.3 f). Etter naturmangfaldlova 7 skal prinsippa i 8 12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert og vektlagt i saka. Vurdering Stien frå Undredal til Hovdungo er ein gamal stølsveg, og med det eit automatisk freda kulturminne. Det meste av stien ligg innafor Nærøyfjorden landskapsvernområde med unntak av nedste del av stien. Det er ikkje kjente førekomstar av trua og sårbare naturtypar eller artar (Naturbase 03.12.14) i området der stien går. Historisk bruk av stien og området er godt kjent gjennom lokalbefolkninga sin kunnskap om området. Representantar frå kulturavdelinga hjå Sogn og Fjordane Fylkeskommune har vore med på synfaring i området, og har god kjennskap til tiltaka. Kunnskapen om området jf. naturmangfaldlova 8 er vurdert som god for å vurdera saka, og føre-var-prinsippet jf. 9 er difor ikkje vektlagt i denne saka.
I Nærøyfjorden landskapsvernområde er kulturlandskap med stølsområde og kulturminne eit av verneføremåla. I forvaltningsplan er stien frå Undredal til Hovdungo og vidare til Stigen ein av stiane som er nemnt er aktuelle for merking, og områda kan tilretteleggjast for enkelt friluftsliv. På denne bakgrunn meiner forvaltar tiltaka er i tråd med det verneområdestyret kan gje løyve til etter verneforskrifta. Tiltaka vil vera med og gjera området meir tilgjengeleg, og kan opna opp for auka bruk av området til næringsretta aktivitet som guida turar. Dette er i tråd med forvaltningsplanen, og med det som bygdelaget i Undredal har kome med ynskje om. Auka bruk av stien og området til turbruk vil lite truleg føra til auka belastning på naturmiljøet jf. naturmangfaldlova 10, ut frå den kunnskapen ein har om naturverdiane. Tiltaka som skal gjennomførast er avgrensa tiltak som ikkje vil endra landskapet. Sikringstiltaka er avgrensa til tiltak på glatt svaberg ved Enne, og ei smal fjellhylle i Galden. Sikringstiltaka med augeboltar og wire vert vurdert som miljøforsvarleg til føremålet jf. naturmangfaldlova 12. Anna utbetring med utviding på enkelte parti vil vera med å tilbakeføra stien til den stand den truleg var i når den var i bruk som buføreveg. Det er ikkje venta at tiltaket skal medføra noko miljøforringing, og 11 er difor ikkje vurdert i denne saka.
NÆRØYFJORDEN VERNEOMRÅDESTYRE Saksframlegg Arkivsaksnr: 2014/1097-0 Saksbehandlar: Anbjørg Nornes Dato: 19.11.2014 Utval Utvalssak Møtedato Nærøyfjorden verneområdestyre 34/14 16.12.2014 Nærøyfjorden landskapsvernområde - tilretteleggingstiltak på Brekkestien i Flåm Innstilling frå forvaltar Nærøyfjorden verneområdestyre gjev Aurland kommune løyve til og tilretteleggja stien til Brekkefossen i Flåm med steinlegging av deler av stien, informasjonsskilt langs stien og tilrettelegging av enkel rasteplass på Raokjen ved Brekkefossen. Løyvet er gjeve med heimel i verneforskrifta for Nærøyfjorden 3, pkt. 1.3 f) og gjeld med fylgjande vilkår: Tilrettelegginga skal fylgja stien som vert nytta i dag. Det kan borast boltar i fjellet der det er trong for å festa steinen til underlaget. Det kan nyttast stein langs stien til steinlegginga der dette ikkje fører til vesentlege endringar av landskapet. Naudsynt stein skal fraktast til stien med helikopter. Det skal nyttast lokal stein som er henta på Brekke utanfor landskapsvernområdet. Uttak av stein på Brekke skal avgrensast til det som er naudsynt, og gjerast på ein mest mogleg skånsam måte for naturen. Steinuttaket skal ikkje føra til store endringar av landskapet. Grunneigarane skal varslast før tiltaket vert sett i verk. Det kan setjast opp gjerde på begge sider av stien opp til Brekkefossen. Oppsett av gjerde må avtalast med grunneigar i området. SNO skal ha tilsyn med tilrettelegginga av stien. Aurland kommune må avtale med grunneigarane kven som har ansvar for tilsyn og vedlikehald av tiltaket. Dette løyvet gjeld i tre år, fram til og med år 2018. Dersom tiltaket ikkje er gjennomført innan 2018, må det søkjast om nytt løyve. For naudsynt transport av stein til stien må det søkjast om løyve til motorferdsel frå verneområdestyret.
Saksopplysningar Dokument som bakgrunn for saka: Prosjektskisse for tilrettelegging av sti til Brekkefossen Uttale frå Sogn og Fjordane Fylkeskommune Søknaden vert vurdert etter: Forskrift for Nærøyfjorden landskapsvernområde av 08.11.2002 Forvaltningsplan for Vestnorsk fjordlandskap delområde Nærøyfjorden (2007) Naturmangfaldlova av 19. juni 2009 Stien er ein del av buførevegen og DNT-stien til Ljosdalen og Grindafletene. Frå Raokjen nedanfor Brekkefossen er det flott utsikt til fjorden og Flåm. Stien vert mykje bruk til tur for turistar som vitjar Flåm, og fotturistar som går DNT-stien. Stien er i dag prega av slitasje med mykje gjørme og trakkskadar i terrenget langs stien. Grunneigarar og SNO tok initiativ til å gjennomføra tiltaka i 2013, men då med mindre utbetringar på våte parti, og leggja stien tilbake til der buførevegen gjekk tidlegare. Nærøyfjorden verneområdestyre gav løyve til desse tiltaka i sak 29/13. Etter at det er sett nærare på tiltaka, og SNO har sett opp ferdselsteljar på stien, er planane endra. I perioden frå januar 2014 til september 2014 viste ferdselsteljar at det var omlag 15 000 personar som gjekk stien. Planen har vore oppe til vurdering i Aurland kommune, og dei har vorte oppmoda om å søkja tippemidlar til stiprosjektet på bakgrunn av at dette er eit godt frilufts- og folkehelsetiltak. Planlagde tiltak er å leggja om nedste del av stien slik at den ikkje går gjennom kulturbeite. Stien skal leggjast med grus i ca. 200 meter. Denne delen av stien ligg utafor landskapsvernområde, men grensar til verneområde. Frå grensa til verneområdet og opp til Raokjen under Brekkefossen er det planlagt å leggja stein på store deler av stien. Dette er ca. 400 meter sti. Breidda på steinlegginga vil variera etter terrenget. Stein til stien skal hentast frå Brekke. Uttak av stein er handsama som sak i Aurland kommune, og det er skrive avtale med grunneigarane. Det er bruk for ca. 170 tonn med stein. Steinen skal fraktast til stien med helikopter, og det vil vera kort avstand med transport frå Brekke til Brekkestien. Arbeidet som skal gjerast vert lyst ut på anbod av Aurland kommune. På Raokjen er det planlagt ein benk og eit informasjonskilt. I starten av stien skal det setjast opp sanitæranlegg, og opplegg for handtering av boss. Aurland kommune har ansvar for sanitæranlegg og bosshandtering. Stien går gjennom eit beiteområde der det vert beita med Skotsk høglandsfe. Det er difor trong for gjerding på begge sider av stien for å hindra at høglandsfeet kjem inn på stien. Det må vera grinder på Raokjen for at dyra kan fraktast mellom beiteområda. Dette er avtalt med grunneigar. Prosjektet er eit samarbeidsprosjekt mellom grunneigarar, Aurland kommune, Nærøyfjorden verdsarvpark og Nærøyfjorden verneområdestyre. Aurland kommune er tiltakshavar for prosjektet. Kostnadsramma for tilrettelegging av stien er kr. 1 100 000. I tillegg kjem kostnader til sanitæranlegg, skilt og bosshandtering. Det vert søkt om finansiering av prosjektet frå tippemidlar, verdsarvmidlar frå Vestnorsk Fjordlandskap, kulturmidlar frå Fylkeskommunen og tiltaksmidlar frå verneområde. I tillegg går Aurland kommune inn med stor eigeninnsats gjennom planlegging og tilrettelegging. Framdriftsplan for prosjektet er oppstart med steinlegging av stien i. Bygging av sanitæranlegg kan starte opp i 2015.
Lovgrunnlaget «Føremålet med Nærøyfjorden landskapsvernområde er å ta vare på eit vakkert og eigenarta natur- og kulturlandskap frå fjord til fjell i eit storfelt isbreutforma landskap med eit mangfald av plante- og dyreliv og der eit kulturlandskap med slåtteteigar, beitelandskap, stølsområde, gardsbruk og kulturminne, skapt gjennom aktiv landbruksdrift, utgjer ein vesentleg del av landskapets karakter» jf. verneforskrifta for Nærøyfjorden landskapsvernområde 2. «Nærøyfjorden landskapsvernområde er verna mot alle inngrep eller tiltak som vesentleg kan endra eller verke inn på landskapets art eller karakter» jf. verneforskrifta 3 punkt 1.1. Forvaltningsstyresmakta kan gje løyve til «oppmerking og varding av nye fottruter, oppføring av nye bruer og klopper» jf. 3 punkt 1.3 f). Etter naturmangfaldlova 7 skal prinsippa i 8 12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert og vektlagt i saka. Vurdering Stien frå Brekke til Brekkefossen og vidare til Ljosandalen er ein gamal ferdsel- og buføreveg, og er eit automatisk freda kulturminne. Planlagde tiltak på stien er tilrettelegging for turgåarar på stien til Brekkefossen. Stien er mykje brukt og ber preg av stor slitasje. Den fyrste delen av stien fyl ikkje buførevegen slik den gjekk tidlegare, men er lagt om til ein sti rett opp gjennom skogen. Øvste del av stien opp til Brekkefossen fyl den gamle traseen. Det er naudsynt å gjera tiltak på stien for å hindre erosjon i landskapet, og for at stien skal vera eit godt tilbod for turgåing i nær avstand til Flåm. Tiltaket er eit mindre fysisk inngrep, og vil i liten grad endra landskapet. Ved å styra ferdsla på stien, unngår ein unødig slitasje på naturen langs stien. Forvaltar vurderer difor ikkje tiltaket i strid med verneformålet, og meiner det kan gjevast løyve til tiltaket etter verneforskrifta 3 punkt 1.3 f). Det er god kunnskap om området gjennom arbeidet med forvaltningsplan for Nærøyfjorden, og folk sin lokalkunnskap. Representant frå kulturavdelinga hjå Sogn og Fjordane Fylkeskommune har vore på synfaring på stien og har ikkje merknader til tiltaka av omsyn til automatisk freda kulturminne, men ber tiltakshavar ta omsyn til nyare tids kulturminne som steingardar og grinder. Det er ikkje kjente førekomstar av trua eller sårbare naturtypar eller artar (Naturbase 03.12.2014) i området. Kunnskapsgrunnlaget jf. naturmangfaldlova 8 er vurderdert som godt for å vurdera saka, og før-var-prinsippet jf. 9 er difor ikkje vektlagt i saka. Tilretteleggingstiltaket er avgrensa til det som er naudsynt av omsyn til naturmiljøet. Tiltaket vert ikkje vurdert til og gjera den samla belastninga på området jf. naturmangfaldlova 10, vesentleg større enn dei tiltaka som alt er i området i dag. Det vil tvert om vera med å hindra større belastning på naturmiljøet. I tillegg vil det vera positivt for nærmiljøet i Flåm ved at det vert ein betre tilrettelagd sti, og det vert ei betre handtering av avfall. Til no har det vore eit aukande avfallsproblem i tilknyting til stien som fylgje av den store ferdsla til Brekkefossen. Det er lite truleg at tiltaket vil føra til miljøforringing, og 11 i naturmangfaldlova er difor vurdert som lite relevant i denne saka.
Flåm er ein viktig innfallsport til Nærøyfjorden landskapsvernområde og Vestnorsk fjordlandskap delområde Nærøyfjorden. Flåm er ein av stadane i verdsarvområdet med størt turisttrafikk. Tilrettelegging med tursti i dette området vil difor vera ein bra besøksstrategi for å styra ferdsla, og gje gjestene ein flott moglegheit for å oppleva verneområdet og verdsarvområdet på ein god måte, og som er til liten skade for verneverdiane. Bruk av stein i tilrettelegging av stiar er det gode erfaringar med i andre verneområde, og det er vurdert som ein miljøforsvarleg metode jf. naturmangfaldlova 12. Steinen er eit lokalt naturmateriale, og det er kort transport. I tillegg er det lite vedlikehald med steinlagde stiar etter stien er ferdig opparbeid.
NÆRØYFJORDEN VERNEOMRÅDESTYRE Saksframlegg Arkivsaksnr: 2014/4302-0 Saksbehandlar: Anbjørg Nornes Dato: 19.11.2014 Utval Utvalssak Møtedato Nærøyfjorden verneområdestyre 35/14 16.12.2014 Nærøyfjorden verneområde - tiltaksplan for 2015 - Innstilling frå forvaltar Saka vert lagt fram til drøfting i møte. Saksopplysningar Dokument som bakgrunn for saka: Strategi for bruk av midlar til tiltak i verneområder 2015-2020 Gjennomføring av bestillingsdialog mellom nasjonalpark-/verneområdestyrer og Statens naturoppsyn (SNO), Miljødirektoratet/SNO sentralt 06.11.2014 Strategi for bruk av midlar til tiltak i verneområde legg føringar for bruk av tiltaksmidlar; «Gjennomføring av konkrete, praktiske tiltak i verneområdene er en del av forvaltningen av verneområdene og skal samen med praktisering av verneforskriften og annet arbeid bidra til å oppnå disse målsettingene». Verneområda skal forvaltast på ein måte som byggjer opp under verneformåla slik at verneverdiane ikkje vert reduserte eller vert øydelagde. Økosystema skal takast vare på for framtidige opplevingar og for verdiskaping i utmarkskommunane. Verneområdestyre skal utarbeida tiltaksplan for 4-års perioden styret er valt for. Det skal vera årleg evaluering av tiltaksplan. Tiltaka skal vera forankra i forvaltningsplanen for Nærøyfjorden og tilhøyrande skjøtselsplanar. Fagleg rådgjevande utval (FRU) for Nærøyfjorden, administrativt kontaktutval og SNO skal vera med i utarbeidinga av tiltaksplanen. I sak 54/13 vedtok verneområdestyret ein tiltaksplan for 2014 og 2015 med bakgrunn i evaluering av gjennomførte tiltak i 2013, og framlegg til tiltak i bestillingsdialogen for 2014. SNO og forvaltar la fram rapport frå gjennomførte tiltak i 2014 i møte 12. november. På bakgrunn av evaluering av desse tiltaka og framlegg til nye tiltak, legg forvaltar fram revidert tiltaksplan for 2015 og.
Styret må gå gjennom innspela og prioriterer tiltaka. Tiltaksplanen er grunnlaget for bestillingsdialogen med SNO, og innmelding av behov for tiltaksmidlar for 2015 til Miljødirektoratet. Tiltaksmidlane er statlege investeringsmidlar, jf. budsjettpost 1420.31, og kan gå til tiltak som er naudsynte for å ivareta verneføremålet. Tiltaka kan vera informasjon, skjøtsel, tilrettelegging og kjøp av naudsynt utstyr for å gjennomføra tiltaka. I bestillingsdialogen med SNO skal styret drøfta ynskje om bistand/ressursbruk frå SNO til eventuelle prosjekt, kartlegging og tiltak, i tillegg til kjerneoppgåvene som mellom anna er oppsyn og overvaking av naturtilstand. Frist for innmelding til bestillingsdialogen til Miljødirektoratet er 9. januar 2015. Vurdering Strategi for bruk av tiltaksmidlar gjev føringar for prioritering av bruk av tiltaksmidlar i verneområda. For Nærøyfjorden er det særleg skjøtselstiltak og besøksforvaltingstiltak som er aktuelle. Pågåande skjøtselsprosjekt har prioritet 1, og tiltak i område som er akutt trua og med behov for skjøtsel har prioritet 2. For besøksforvaltningstiltak har ferdigstilling av prosjekt som er starta opp og som er naudsynte for å ivareta verneføremålet prioritet 1. Tiltak som er lagt inn i besøksstrategien i forvaltningsplanar har prioritet 2. Trong for midlar til vedlikehald av informasjonsmateriell, skilting m.m. kan meldast inn i tillegg. For alle tiltaka skal det leggjast vekt på; kostnadseffektivitet, samfinansiering med andre aktørar, prosjekt som involvera/drivast med dugnadsinnsats av grunneigarar, frivillige lag og foreiningar. Ut frå erfaringar med tiltak i verneområda er det gjeve føringar på at større tiltak skal ha planavklaringar før tiltaka vert meldt inn. Det kan tildelast tiltaksmidlar til forprosjektering. Det kan brukast tiltaksmidlar på tiltak utanfor verneområde der tiltak både innafor og utafor verneområde er viktig for å ta vare på verneverdiane. Dyrdal i Nærøyfjorden er eit område der tiltak utafor verneområde har stor verdi for heile verneområdet. Aktuelle tiltak er infrastruktur som veg og toalett. Etter flaumen 28. oktober i år er det meldt inn store skadar på vegar, stiar, bruer og elveforbyggingar. I dei tilfella der infrastruktur er viktig for tilkomst i verneområde for skjøtsel og turområde, kan det vera aktuelt å melde inn tiltaka i bestillingsdiaologen. Det er meldt inn skadar i Nærøyfjorden verneområde frå Undredal, Dyrdal, Styvi og Fresvik. På bakgrunn av tiltaksplan som er utarbeidd for Nærøyfjorden, innspel til tiltak og føringar i strategi for bruk av tiltaksmidlar, legg forvaltar fram fylgjande innspel til tiltaksplan for 2015 og : Tiltak basert på tildelte tiltaksmidlar Samarbeidsaktørar Kostnad 2015 Periode Styvi - Holmo. Skjøtsel av Grunneigar 250 000 2014- kulturlandskap i samsvar med skjøtselsplan Stigen. Skjøtsel av kulturlandskap i Grunneigar 90 000 2014- Prioritet
samsvar med skjøtselsplan Tilsyn, vedlikehald av postvegen Styvi Bleiklindi, skjøtselsplan Grunneigar 30 000 2014- Skjøtsel og vedlikehald av stiar i Dyrdal, Bakka, Nåli, Fresvik, Stokko, Grunneigarar, SNO 152 000 2014- Nedbergo, skjøtselsplanar Vedlikehald av stiar og murar i området, Stigen, Rimstigen, Grunneigarar, SNO 160 000 2015 postvegen Flaumskadar på bruer, vegar, forbygging Naturskade, NVE, kommune, grunneigarar 100 000 2015 Grunneigar, SNO 6 000 2014- Rydda beite på vestsida av elva på Fronnes, skjøtselsplan Informasjonstiltak i verneområdet. SNO, Verdsarvparken 15 000 2015 Merking av stiar Tilrettelegging av rasteplassar langs SNO 10 000 2015 fjorden Hogst, rydding langs vegen til Dyrdal Kommune, grunneigar 30 000 2015 Innfallsport, toalett i Dyrdal Grendalag, kommune, 10 000 2015 reiselivsaktørar Drift av do på Styvi Grunneigar, kommune, 5 000 2015 reiselivsaktørar Utviding av beiteområde ved Engi i Grunneigar 0 2014- Fresvik, og rydding av beite Kurs i Leave no Trace Njord AS 0 Kunnskapsinnhenting ferdsel og Verdsarvrådet, 2015- forureining Verdsarvparken Markering av 10-årsjubileum for Verdsarvrådet, 2015 verdsarvområdet og friluftslivets år Verdsarvparken 2015 Stiprosjekt frå Brekke til Råken. Steinlegging av stien i SNO, Verdsarvparken, Kommune, Næringsliv, fylkeskommune Sum 858 000 2015- Tiltak (bestillingskjema A og B) Samarbeidsaktørar Periode Prioritet Registrering av hekkefuglbestand SNO 2014-1 Kartlegging forynging av gran, SNO 2014-1 Nordheimsdalen Overvåking av mispel i Flåm, og andre SNO 2014-1 svartelista planteartar (Undredal) Overvåke erosjon langs strendene i SNO 2014-1 Nærøyfjorden (Dyrdal til Bakka) og frå Stokko til Undredal, erosjonsrapport Styva alm i Rimstigen, skjøtselstiltak SNO 2015 1 Skjøtsel av innmarka på Hausen og SNO 1 Frønningen i Bleia naturreservat Fartsmåling i Nærøyfjorden SNO 2014-1
RS12/14ÅrsraporttilNærçyfjordenverneområdestyre2014 RS13/14Nærçyfjordenlandskapsvernområde-samarbeidmedGlacierBay verdsarvområdeialaska