FØRESEGNER TIL REGULERINGSPLAN FOR ØYANE OG MALAKOFF M/SANDPLASSEN Revidert: Dato Utval Sak nr. Sign. 01.03.2006 Adm./1. utkast ATV 28.04.2006 Revisjonar e. 1. gongs ATV utlegging 05.07.2006 Revisjonar e. vedtak i 51/06 ATV kommunestyret 20.11.2008 Revisjonar e. vedtak i 87/06 ATV teknisk styre 16.02.2008 Revisjonar e. vedtak i 21/09 ATV teknisk styre 20.05.2009 Revisjonar e. vedtak i teknisk styre 55/09 ATV
Generelt 0.1 Desse føresegnene gjeld for området innanfor reguleringsgrensa på plankartet. Utbygging av området skal skje i samsvar med plankartet og føresegnene. 0.2 Føresegnene kjem i tillegg til det som vert bestemt i plan- og bygningslova med forskrifter, samt vedtekter til plan- og bygningslova vedtekne av kommunestyret i Eid. 0.3 Etter at desse føresegnene er vedtekne, er det i planområdet ikkje tillate å inngå privatrettslege avtalar i strid med reguleringsføresegnene. 0.4 Området er regulert til følgjande føremål: Byggeområde (plan- og bygningslova 25.1): - Kommunale bustader - Bustader - Transformator/el-anlegg - Trafikkstasjon - Hotell - Forretning/kontor/industri - Næring/undervisning/overnatting - Gasstankanlegg Offentlege trafikkområde (plan- og bygningslova 25.3): - Køyreveg kommunal KV - Køyreveg statleg SV - Annan veggrunn - Gang- og sykkelveg/fortau Offentlege friområde (plan- og bygningslova 25.4): - Turveg Spesialområde (plan- og bygningslova 25.6): - Privat avkøyrsle/veg - Parkbelte i industristrok - Friluftsområde - Frisiktsone ved vegkryss Fellesområde (plan- og bygningslova 25.7): - Felles avkøyrsle/veg - Felles parkeringsplass 1. Felles føresegner 1.1 Byggjegrenser Der byggjegrenser ikkje er vist på planen, kan bygningen plasserast i føremålsgrensa 1.2 Utnyttingsgrad og gesimshøgde a) Utnyttingsgraden for kvar tomt skal ikkje vere større enn maksimal utnyttingsgrad som er skildra i føresegnene for det enkelte føremålsområde. 2
b) Tillaten tomteutnytting vert oppgjeve som bebygd areal i prosent av tomtearealet, %- BYA. Bebygd areal er definert i TEK av 1997, sist endra i 2007. Definisjonen av gesimshøgde skal vere i samsvar med 4-2 i TEK. 1.3 Reklametiltak Utforming og oppsetting av reklameskilt skal vere i samsvar med dei til kvar ei tid gjeldande kommunale vedtekter. Reklameskilt, transparentar, flaggstenger og andre reklameinnretningar må ikkje oppsettast før løyve frå kommunen ligg føre. 1.4 Byggjemelding/byggjesøknad Kommunen skal ved handsaming av byggjemeldingar/søknader sjå til at bygningane får ei god form, og at bygningar i same gruppe får ei harmonisk utforming. Kommunen kan kreve at det vert utarbeidd teikningar som viser tilpassing av nytt bygg i forhold til omkringliggande bygningar. I samband med byggjemelding/søknad skal det leggast fram teikningar for uteareal med køyreareal, gangareal, parkering, grøntanlegg m.m. for godkjenning. 1.5 Parkering/tilkomst/varelevering Kvar utbyggar skal på eigen grunn leggje til rette for eit tilstrekkeleg tal parkeringsplassar for den type verksemd ein driv. Det same gjeld tilkomst og tilrettelegging for varelevering (manøvreringsareal for vogntog/semitrailer). Med eigen grunn meiner ein også dokumentert del av fellesareal. Kravet til parkeringsplassar er fastsett i Eid kommune sine vedtekter til 69 i Plan- og bygningslova. 1.6 Avfall Området skal haldast ryddig. Bygningar skal ha eige rom for oppbevaring av avfallscontainerar. Utelagring er ikkje tillate. Kommunen kan om naudsynt pålegge eigaren å rydde. Vert ikkje slikt pålegg etterkome kan kommunen utføre opprydding for eigaren si rekning. 1.7 Kryss mellom KV og SV i Øyane - Rekkjefølgjekrav Før det vert gitt løyve til nye bygg og utvidingar (til- og påbygg) som vil gje ei trafikkauke i kryss mellom KV og SV i Øyane, skal det søkast om utvida bruk av avkøyrsle. Det skal då vurderast i samråd med Statens vegvesen om tiltaket utløyser krav om opprusting eller bygging av nytt kryss. Dersom tiltaket utløyser krav om opprusting eller bygging av nytt kryss, skal det utarbeidast byggjeplanar for krysset som skal godkjennast av Statens vegvesen før bruksløyve av bygning vert gitt. 25.1 Byggjeområde 25.1.1 BUSTAD 25.1.1.1 Kommunale bustader - KB Føremålet gjeld kommunalt eigde bustader for særleg vanskelegstilte. 25.1.1.2 Bustad B Storleik/utsjånad I området kan det førast opp bustadhus med gesimshøgd inntil 6,5 m, og mønehøgd inntil 9 m. Takvinkel skal ikkje vere mindre enn 22,5º. Tilsvarande skal garasje/uthus ha gesimshøgd 3
mindre enn 3 m og mønehøgd mindre enn 5 m. Plassering av garasje/uthus skal godkjennast samtidig med bustadhus, som del av bustadhuset eller som fellesanlegg, sjølv om dette ikkje skal førast opp samstundes. Utnyttingsgrad og situasjonsplan Utnyttingsgrad %-BYA er 50-80 %. Situasjonsplan skal vere i målestokk 1:500, og vise plassering, møneretning og høgde på bygningar, plassering av avkøyrsler, biloppstilling og søknadspliktige tiltak elles. Tiltak mot støy Det skal dokumenterast at grenseverdien for støy (55 dba) for nye bustader ikkje vert overskriden ved fasade eller i bustadnære opphaldsområde. Plan/byggesøknad skal i motsett fall omfatte tiltak mot støy og eventuelle krav til bygningsutforming m.o.t. støyreduksjon, i samsvar med gjeldande forskrifter. 25.1.2 TRANSFORMATOR/EL-ANLEGG Området er avsett til transformatorstasjon og anna naudsynt anlegg for el-forsyning. 25.1.3 TRAFIKKSTASJON - O Området er avsett til trafikkstasjon/statens vegvesen, med tilhøyrande anlegg, bl.a. køyretyvekt. I området kan der etablerast øvingsbane/oppkøyringsbane for motorsykkel. Eventuelle nybygg/tilbygg skal ikkje vere nærare føremålsgrense enn vist byggegrense. Maks. mønehøgd er 12 m, og maks. gesimshøgd er 9 m. For bygning med flatt tak er maks. gesimshøgd 11 m. Utnyttingsgrad %-BYA er 50-80 %. 25.1.4 HOTELL H Området er avsett til hotellverksemd med tilhøyrande anlegg. Eventuelle nybygg/tilbygg skal ikkje vere nærare gangveg/køyreveg enn vist byggegrense. Maksimal kotehøgd for møne er 19 m, og maksimal kotehøgd for gesims er 16 m. Utnyttingsgrad %-BYA er 50-80 %. 25.1.6 FORRETNING/KONTOR/INDUSTRI F/K/I 1, 2, 3, 4 og 5 Områda er avsett til kontor- og/eller industribygg, og til særleg arealkrevjande forretningsføremål. Nybygg skal ikkje plasserast nærare føremålsgrense enn vist byggegrense. Generelt for områda er maks. mønehøgd 12 m, og maks. gesimshøgd er 9 m. For bygning med flatt tak er maks. gesimshøgd 11 m. Utnyttingsgrad %-BYA er 50-80 %. 25.1.7 NÆRING/UNDERVISNING/ALMENNYTTIG/OVERNATTING N/U/A Området er avsett til kontor, industri, særleg arealkrevjande forretningsføremål, ymse helsetenester, undervisning/kursing og overnatting i samband med undervisning/kursing. Nybygg skal ikkje plasserast nærare køyreveg og gangveg enn vist byggegrense. Generelt for områda er maks. mønehøgd 12 m, og maks. gesimshøgd er 9 m. For bygning med flatt tak er maks. gesimshøgd 11 m. Utnyttingsgrad %-BYA er 50-80 %. 4
25.1.8 GASSTANKANLEGG Området er avsett til LNG-anlegg. 25.3 Offentlege trafikkområde 25.3.1 KOMMUNAL/STATLEG KØYREVEG KV/SV KV 1 er køyreveg i dimensjoneringsklasse Atkomstveg i industriområde A2, med køyrefeltbreidde 3,0 m og skulderbreidde 0,5 m. Forbi Valhall skal vegen senkast ned på nivå med parkeringsplassen nord for Valhall og terrenget sør for Valhall. Elles skal den følgje terrenget/eksisterande vegar. Køyreveg skal skiljast tydeleg frå anna areal. KV 2 er køyreveg i dimensjoneringsklasse Atkomstveg i bustadområde A1. SV er køyreveg i dimensjoneringsklasse Stamveg S1. 25.3.2 ANNAN VEGGRUNN Føremålet omfattar sideareal til køyrevegar og gangvegar. Sideareal til vegar kan tilsåast og tilplantast i samsvar med tilrådingar i handbok 017 Veg- og gateutforming. I sideareal mellom KV 1 og bustadområde B/hotellområde H skal der settast opp støyskjerm i form av ein natursteinsmur med høgd 2 m målt frå vegplanet. I sideareal mellom KV 1 og gnr. 46 bnr. 43 og 44 skal der settast opp støyskjerm som stettar krav i forureiningsforskrifta av 06.01.2004. 25.3.3 GANG- OG SYKKELVEG/FORTAU Føremålet omfattar gangvegar og fortau i planområdet. Fortau og gangvegar skal asfalterast 25.4 Offentlege friområde 25.4.1 TURVEG Føremålet omfattar ein turveg frå Øyane og til plangrensa i vest. Turvegen skal vere gruslagt, og dimensjonert slik at den tåler trakk av hest. 25.5 Fareområde 25.5.1 SIKRINGSSONE KRING GASSTANKANLEGG Innanfor området må der vere fritt for brennbart materiale, og det må ikkje brukast tennkjelder, som open flamme, glør el.l. utan løyve frå anleggseigar. Jf. løyve frå DSB til oppbevaring av brannfarleg vare datert 24.08.2007, gjeve til SFE Naturgass AS. I tillegg skal ein vere merksam på gassrøyrleidning i grunnen. Langs denne er det eit sikringsfelt på 2m til kvar side der det ikkje kan gjerast gravearbeid utan at røyrleidningen er påvist. Dette sikringsfeltet kan endrast dersom det vert gjort endringar i røyrtraseen. Jf. rammeløyve frå DSB til transport av brannfarleg gass i røyrleidning for Eid Fjordvarme KF datert 24.08.2007. 5
25.6 Spesialområde 25.6.1 PRIVAT VEG PV Føremålet omfattar private vegar og avkøyrsler i området. PV1 er kundetilkomst til Europris, og skal vere einvegskøyrt frå vest mot aust. 25.6.2 PARKBELTE I INDUSTRISTROK I området skal det plantast ei trerekkje av høgstamma tre. Buskvekstar kan også plantast i området. Det skal utarbeidast ein planteplan for området. 25.6.3 FRILUFTSOMRÅDE FR1 og 2 I desse områda skal det ikkje gjerast inngrep i eksisterande vegetasjon som øydelegg området sitt naturpreg. 25.6.4 FRISIKTSONE VED VEG I området skal det vere fri sikt i ei høgd på 0,5 m over vegnivå. Eventuelle plantar skal ikkje stikke høgare enn 0, 5m over vegnivå. Skilt kan plasserast i frisiktsona. Frisiktsoner i kryss langs KV 1 skal ha dimensjon 6 m x 45 m mot trafikk frå høgre, og 20 m x 45 m mot trafikk frå venstre. Frisiktsonene i kryss mellom KV 1 og KV 2 skal ha dimensjon 6 m x 45 m i begge retningar. Frisiktsoner i kryss mellom KV 1 og SV går fram av plankartet. 25.7 Fellesområde 25.7.1 FELLES VEG FV FV1 er felles avkøyrsle for gnr. 46 bnr. 112 og 148. FV2 er felles veg for gnr. 46 bnr. 108 og 109. FV3 er felles veg for gnr. 46 bnr. 1, 140 og 155. FV4 er felles veg for brukarane av gnr. 46 bnr. 44. 25.7.2 FELLES PARKERINGSPLASS FP FP 1 er avsett til felles parkeringsplass for gnr. 46 bnr. 143 og 144. FP 2 er avsett til felles parkeringsplass for gnr. 46 bnr. 136, 142, 143, 144 og 150 og bruksnummer skilt ut frå desse. Nordfjordeid 19.05.2009 Ordførar/Rådmann 6