1 REGULERINGSFØRESEGNER I medhald av plan- og bygningslova av 27. juni 2008, 12-5, er det utarbeidd detaljreguleringsplan for Ugledalen, del av Gnr. 23 Bnr. 10 i Valle kommune, Aust Agder. Reguleringsføresegnene gjeld for området synt med plangrense på plankartet «Detalj-reguleringsplan for Ugledalen, PlanID 201202», Valle kommune, Målestokk 1:1.000, datert 9. mai 2014. Innafor reguleringsgrensa skal areala nyttast som vist på planen. Vedteken plan er bindande for arealbruk, frådeling og byggje og anleggsverksemd innan planområdet. 1.1 FELLES FØRESEGNER (PBL. 12-7) a) Bygg og anlegg skal tilpassast til eksisterande terreng. Silhuettverknad skal unngåast. All graving og sprenging skal utførast skånsamt. b) Dersom det under arbeid i marka skulle komme fram gjenstandar eller andre spor frå eldre tid, skal arbeidet stansast og melding omgåande sendast Aust-Agder Fylkeskommune, Kulturminnevernseksjonen, jf. lov av 9. juni 1978 nr. 50 om kulturminne (kulturminnelova) 8, 2. ledd. c) Renovasjonsordning for feltet skal fylgje kommunens reglement. d) 2 vasspostar skal byggjast i området, sentralt plassert. 1.2 REKKEFØLGJEFØRESEGNER (PBL. 12-7, NR. 10) a) Ny avkøyrsle må vere bygd og den gamle stengd før kommunen kan gje bruksløyve til første nye hytte. b) Ny avkøyrsle skal byggast i tråd med Vegvesenet sine handbøker, og planar må vere godkjende av Vegvesenet på førehand. c) Før tomtene 6,7,8 og 9 kan utbyggjast skal tomt nr. 5 vere etablert med oppheva eksisterande parsellnummer 23/53. d) Vasspostar for felles vassforsyning skal vere etablert før første nye hytte vert ferdigmeldt. e) Før utbygging av felles infrastruktur skal det utarbeidast teknisk plan og den skal vera godkjend av kommunen. 1.3 BUSETNAD OG ANLEGG (PBL 12-5 NR. 1) 1.3.1 Bff - Fritidsbustadar Frittliggjande (Pbl, 12-5 nr. 1) a) Det gjeld følgjande krav til utnytting av den einskilde tomt: Maksimalt utbygd areal pr. tomt BRA: 120 m2, eks. parkering Maksimal mønehøgde: 5,5 m Maksimal gesimshøgde: 3,0 m Takvinkel 27-33 grader Det kan tillatast inntil 3 bygningar på same tomt. Berre 1 bygning kan vere meir enn 25 m2. Ei tomt kan ikkje delast opp i fleire einingar. b) Ved søknad om tiltak på den einskilde tomt/bygning skal det leggjast ved ein situasjonsplan som syner bygningsplassering, biloppstillings-plassar og tilkomst. Situasjonsplanen skal også syne inngrepsgrense for dei delane av tomta som ikkje 1
skal opparbeidast. c) Synleg grunnmur på max. 0,7 m eller annan underbygning skal utførast i betong eller naturstein. d) Taktekking skal være i naturmateriale, torv, papp eller trepanel med mørk og matt farge. e) Treverk eller laft skal fargesetjast med middels til mørke jordfargar i samsvar med fargepaletten nedanfor. Kvitt kan nyttast til vindauge og dører med innlisting. Det er ikkje tillete med skarpe kontrastfargar, heilt kvite eller blanke fargar på veggflater. f) Møne- og gesimshøgde skal målast frå topp grunnmur. Elles vanlege målereglar. g) Det er ikkje tillete å setje opp gjerde på tomta, unntatt dersom det er sakleg grunnlag for å gjeve dispensasjon (ved fare for menneske eller dyr, samt for å halde husdyr på beite vekke frå delar av tomta, inntil 100 m2). h) Der radonstråling ikkje er dokumentert å ligge under tilrådde verdiar for byggegrunn, skal det utførast kompenserande tiltak (radonsperre e.l.). 1.3.2 Bea - Energianlegg (Pbl, 12-5 nr. 1) a) H370_01. Høgspenningsanlegg/nettstasjon på bakkeplan inkludert høgspent jordkabel. 1.4 SAMFERDSLEANLEGG OG TEKNISK INFRASTRUKTUR (PBL 12-5 NR. 2) 1.4.1 Skv Køyreveg a) Skv er privat føremål. b) Veg skal byggjast i tråd med vegbredde synt på reguleringskartet, 3,0 m køyrebane og skulder på 0,5 m på kvar side. c) Framføring av vegar skal gjerast skånsamt. Skjeringar og fyllingar skal dekkast til med jord. Skråningar skal terrasserast og revegeterast eller såast til med gras. d) Det kan oppførast mindre konstruksjonar for oppslagstavler o.l. i samband med parkering. e) Det er høve å etablere underjordiske kommunaltekniske anlegg, straum- og kommunikasjonskablar i vegtraséen. f) Vegen skal ha grusdekke. 1.4.2 Sgs gang-/sykkelveg mellom parkeringsplass og Fv45 a) Nedlagt avkøyring frå Fv45 lagast om til gangveg mellom vegen og parkeringsplassen i breidde på 2,5 m. Vegen skal stengast med «tivolibom» eller liknande slik at køyrety vert hindra. 2
1.4.3 Sav - Annan veggrunn grøntareal a) Sav1 og 2. Areal innan føremåla kan nyttast til tiltak, som er naudsynt til å etablere veg og parkeringsplass (vegskulder, fylling, skjering, mur, rekkverk, grøft). Sideareal til veg skal så langt det let seg gjere revegeterast. På arealet Sav1 kan vegskulder til fv45 nyttast til høgspent jordkabelgrøft. 1.4.4 Sp Parkering, Sp1 og Sp2 a) Kvar hytte skal forsynast med 2 vinterparkeringsplassar = 18 parkeringsplassar lokalisert til Sp1. Desse plassane er dokumentert/avtalefesta på Sp1, felles parkeringsplass med 23/6. b) Sommarparkering på Sp2 med 18 plassar. 1.5 LANDBRUKS-, NATUR- OG FRILUFTSFORMÅL (PBL 12-5 NR.5) 1.5.1 LNF-l LANDBRUKSFORMÅL, SKOGBRUK Ingen føresegner. 1.5.2 LNF -f - FRILUFTSFORMÅL a) LNF-f1: Det er ikkje høve til å påføre terreng eller vegetasjon skade, utover lett skjøtselsarbeid. b) LNF-f2: Det er høve til å rydde enkle stiar. For å sikre naudsynt transport av byggemateriale o.l. til tomtene kan traseen ha standard som «traktorveg klasse 8», jf «normalar for landbruksveg» på inntil 2,5 m og kunne tilfredsstille kravet til materialtransport. Traktorvegen skal byggjast med minst mogeleg terrenginngrep. Avgravingsmassar skal nyttast til plastring av eventuelle skjeringar/ fyllingar og straks såast til med grasfrø. Stiane kan nyttast som skiløyper. 1.6 BRUK OG VERN AV SJØ OG VASSDRAG (PBL 12-5 NR. 6) 1.6.1 Vf - Friluftsområde i sjø og vassdrag Ingen føresegner. 1.7 OMSYNSSONER (PBL 12-6) a) Frisiktsone H140_1 i avkøyring til Fv45, 10x100 m. Det kan ikkje plantast buskar eller plasserast konstruksjonar over 50 cm i denne sona. b) Innaføre frisiktsona skal terrenget vere planert slik at det ikkje nokon stader er høgare enn 0,5m over tilstøytande vegs nivå. c) Oppgjeve omsynssone, bevaring naturmiljø. Kantsone på 50 m langs vassdraget Ugledalsåne der vegetasjonen skal takast vare på, vernast og skjøtslast. d) Omsynssone, fareområde, høgspenningsanlegg på bakken i trafobygg, inkludert høgspenningskabel i jord. ---------------oooooooooooo------------------ 3
Valle den 30. okt. Homme AS 2014. Korrigert etter høyringsrunden. Plankontoret Hallvard Korr. 09.04.2015. Valle kommune 4
Varsel om oppstart av planarbeid: 21. februar 2012 1. handsaming i det faste utvalet for plansaker: 10. juni 2014 Utlagt til offentleg ettersyn i tidsromet: 8. juli 26. august 2014. Ny avgrensa høyring i tidsromet: 30. okt. 15. des. 2014. 2. handsaming i det faste utvalet for plansaker: 21. april 2015 (sak 41/15) Eigengodkjent i kommunestyret den: 27. mai 2015 (sak 22/15) Stad, Dato Sign. Stempel 5