VANYLVEN KOMMUNE MØTEPROTOKOLL UTVAL: Kommunestyret Møtestad: Kommunestyresalen - Combisenteret, Fiskå Dato: 15.05.2012 Møtet tok til 10:00 Møtet slutta 12:15. Møtet var innkalla ved utsend sakliste datert 08.05.2012. Fungerande ordførar Ottar Jan Løvoll leia møtet. Faste medlemar som møtte: Namn Funksjon Representerer Øystein Blom Medlem KRF Paul Sindre Vedeld Medlem KRF Robert Warberg Medlem KRF Ottar Jan Løvoll Varaordførar / fung. ordførar AP Mona Stenersen Medlem AP Silje Lundehaug Medlem AP Idar Brekke Medlem H Lena Nordal Vedeld Medlem H Stig Frode Rusten Medlem H Magne Løvoll Medlem SP Leif Løvold Medlem SP Randulf Lillebø Medlem SP Oddbjørn Nybø Medlem SP Magne Øystein Berge Medlem V Faste medlemar som ikkje møtte: Namn Funksjon Representerer Leon Svein Stranden Medlem V Nils Olav Moen Medlem FRP Aina Ersvåg Wefring Medlem FRP Kjartan Otneim Medlem FRP Svein Arnulf Nordal Medlem FRP Lilli Ann Bakkebø Medlem AP Jan Helgøy Ordførar KRF
Varamedlemar som møtte: Namn Møtte for Representerer Per Olav Hånes Jan Helgøy KRF Roger Alf Eikeset Lilli Ann Bakkebø AP Monika Susanne Skår Leon Svein Stranden V Jorun Ristesund Nystøyl Nils Olav Moen FRP Miriam Nystøyl Aina Ersvåg Wefring FRP 19 av 21 medlemar møtte. Frå administrasjonen møtte: Namn Gudmund Sandnes Kåre Kvangarsnes Stilling Rådmann Møtesekretær Vidare møtte barnevernsleiar Doris Anne Eide i sak 50/2012, planleggar Randi Aarønæs i sak 52/2012 og Helge Kleppe frå driftsavdelinga i sak 53/2012. Dessutan møtte Halldis Moltu frå Søre Sunnmøre kommunerevisjon i sak 49/2012, Magne Løvoll vart samrøystes vald til settevaraordførar. Desse vart valde til å skrive under møteboka saman med ordføraren: Silje Lundehaug og Robert Warberg. ----------------------------- Rovdefjordbrua AS orientering v/styreleiar Magne Løvoll: Opplyste at brua er komen inn i regional transportplan for Midt-Norge som vart handsama 24. april i samferdselsutvalet i Møre og Romsdal. Samferdselsutvalet krev også at staten må medvirke til ny finansieringsmodell for slike prosjekt. Vidare viste han til e-post frå samferdselsdepartementet til leiaren i samferdselsutvalet i fylket der ein opnar for bompengeretningsliner med lenger nedbetalingstid enn 15 år. Nedbetalingstida kan vere inntil 30 år. Underskrifter: Vi stadfestar at det som er ført i møteboka er i samsvar med det som vart vedteke på møtet. Silje Lundehaug Ottar Jan Løvoll Robert Warberg Fung. ordførar 6143 Fiskå, den 15.05.2012
SAKLISTE Saksnr. Sakstittel Rovdefjordbrua orientering PS 43/2012 Godkjenning av innkalling PS 44/2012 Godkjenning av møteprotokoll frå siste møte PS 45/2012 Skriv og meldingar PS 46/2012 Årsmelding 2011 PS 47/2012 Vanylven kommune - årsrekneskap 2011 PS 48/2012 Kontrollrapport - årsmelding 2011 skatteoppkrevjarfunksjonen PS 49/2012 Selskapskontroll av Tussa Kraft AS PS 50/2012 Barneverntenesta i Vanylven kommune- politisk forankring. PS 51/2012 Detaljregulering for Fiskå - Endring vedr. areal nytt omsorgssenter - Vurdering av merknader - Godkjenning PS 52/2012 Kommunal planstrategi 2012-2016 PS 53/2012 Tømmestasjon Fiskå PS 54/2012 Syltefjord skule - avhending av eigedomen - Gbnr. 25/24 PS 55/2012 Endra satsar for betaling i Kulturskulen frå hausten 2012. Eventuelt
PS 43/2012 Godkjenning av innkalling Innkallinga vart godkjend. PS 44/2012 Godkjenning av møteprotokoll frå siste møte Møteprotokoll frå siste møte vart godkjend. PS 45/2012 Skriv og meldingar Viser til utsend referatsak: Møteprotokoll frå kontrollutvalet 27.04.2012 Møteprotokoll frå kontrollutvalet 27.04.2012 vert teke til vitande. PS 46/2012 Årsmelding 2011 Årsmeldinga for Vanylven kommune for 2011 vert godkjend slik den ligg føre. PS 47/2012 Vanylven kommune - årsrekneskap 2011 1. Vanylven kommune sitt rekneskap for 2011 med eit rekneskapsmessig meirforbruk på kr 0 vert godkjent. 2. Det rest akkumulerte underskotet for 2010 på kr 2 129 522,16 vert å dekke inn i rekneskapsåret 2012.
PS 48/2012 Kontrollrapport - årsmelding 2011 skatteoppkrevjarfunksjonen 1. Kommunestyret tek Skatteetaten sin kontrollrapport, Skatteoppkrevjaren si årsmelding og skatterekneskapen for 2011 til vitande. 2. Kommunestyret forventar at det frå 2012 av vert utført stadleg arbeidsgivarkontroll av tilfredsstillande omfang. PS 49/2012 Selskapskontroll av Tussa Kraft AS Lena Nordal Vedeld tok opp spørsmål om gildskap styremedlem i Tussa Kraft AS. Magne Løvoll tok opp spørsmål om gildskap medlem i generalforsamlinga i Tussa Kraft AS. Begge vart kjende gilde. Halldis Moltu frå Søre Sunnmøre kommunerevisjon svarde på spørsmål. 1. Kommunestyret tek til etterretning forvaltningsrevisjonsrapporten Selskapskontroll av Tussa Kraft AS. 2. Kommunestyret pålegg sine representantar i generalforsamlinga og dei frå kommunen som arbeider med eigarstrategien for selskapet, å prøve å sikre tilsvarande innsyn og rettar i Tussa Kraft AS som går fram av kommunelova 80 om selskapskontroll. PS 50/2012 Barneverntenesta i Vanylven kommune- politisk forankring. Tilråding: Formannskapet tilrår: 1. Kommunestyret bed om at barnevernstenesta framover prioriterer det forebyggande arbeidet ved å vri innsats over på forebyggande tiltak. Vidare at det vert prioritert å kome à jour i høve til fristoverskridingar i undersøkingssaker. 2. Kommunestyret vurderer forankringa av barnevernstenesta til politisk nivå som for dårleg. Livsløpsutvalet vert med verknad frå 01.08.12 det politiske utvalet for barnevernet. Utvalet skal ha hovudfokus på førebyggande oppgåver. Framlegg til reglement/vedtekter vert utarbeidd til politisk handsaming.
3. Handlingsplan for barnevernet skal godkjennast årleg av formannskapet etter tilråding frå livsløpsutvalet. Barnevernsleiar Doris Anne Eide orienterte om barneverntenesta og svarde på spørsmål. Framlegg frå Magne Løvoll: Punkt nr. 3 tillegg: Handlingsplanen skal årleg leggast fram for kommunestyret til orientering. Samrøystes vedtak som tilrådinga frå formannskapet saman med framlegget frå Magne Løvoll. 1. Kommunestyret bed om at barnevernstenesta framover prioriterer det forebyggande arbeidet ved å vri innsats over på forebyggande tiltak. Vidare at det vert prioritert å kome à jour i høve til fristoverskridingar i undersøkingssaker. 2. Kommunestyret vurderer forankringa av barnevernstenesta til politisk nivå som for dårleg. Livsløpsutvalet vert med verknad frå 01.08.12 det politiske utvalet for barnevernet. Utvalet skal ha hovudfokus på førebyggande oppgåver. Framlegg til reglement/vedtekter vert utarbeidd til politisk handsaming. 3. Handlingsplan for barnevernet skal godkjennast årleg av formannskapet etter tilråding frå livsløpsutvalet. Handlingsplanen skal årleg leggast fram for kommunestyret til orientering. PS 51/2012 Detaljregulering for Fiskå - Endring vedr. areal nytt omsorgssenter - Vurdering av merknader - Godkjenning Samrøystes vedtak som framlegget, Kommunestyret viser til plan- og bygningslova 12-12 og godkjenner følgjande reguleringsplan: Detaljregulering for Fiskå Endring vedr. areal nytt omsorgssenter. Innkomne merknader medfører ikkje endring i planforslaget.
PS 52/2012 Kommunal planstrategi 2012-2016 Planleggar Randi Aarønæs svarde på spørsmål. I samsvar med plan- og bygningslova 10-1 vert arbeidet med kommunal planstrategi for 2012-2016 starta opp. PS 53/2012 Tømmestasjon Fiskå Framlegget vedteke med 17 røyster mot 2 røyster. 1. Det vert bygt tømmestasjon ved Hopegna reinseanlegg på Fiskå ihht. vedlagt plan datert 07.03.12. 2. Det vert bevilga kr. 145 000,- i investeringsbudsjettet av posten Kloakkanlegg, ymse til prosjektet. 3. Skiltplan datert 08.03.12 vert vedteken, og sendt til Statens vegvesen og Politi for høyring og godkjenning. 4. Anlegget må også tilretteleggast for bussar med toalett. 5. Det må skiltast med tilkomstskilt i Tussakrysset og merkast som GPS-punkt på digitale kart. Må også merkast på kommunale opplysingskart (tavler). PS 54/2012 Syltefjord skule - avhending av eigedomen - Gbnr. 25/24 1. Eigedomen Syltefjord skule gnr. 25 bnr 24 i Vanylven vert vederlagsfritt å avhende til bygdefolket i gamle Syltefjord krins, representert ved Syltefjord krinsstyre. 2. Dette inneber m.a. at krinsstyret med verknad frå overtakingsdato får ansvar for drifting og vedlikehald av eigedomen. 3. Krinsstyret får vederlagsfritt overta 15 av glasa som i 2008 vart feilkjøpt til annan kommunal bruk. 4. Rådmannen får fullmakt til å inngå overtakingsavtale med krinsstyret.
PS 55/2012 Endra satsar for betaling i Kulturskulen frå hausten 2012. Tilråding: Formannskapet tilrår: Kommunestyret godkjenner auke i foreldrebetaling/eigenbetaling ved Kulturskulen gjeldande frå hausten 2012. Etter framlegg frå Øystein Blom vart det halde gruppemøte. Tilleggsframlegg frå Øystein Blom: Satsane skal indeksregulerast årleg. Samrøystes vedtak som tilrådinga frå formannskapet saman med framlegget frå Øystein Blom. Kommunestyret godkjenner auke i foreldrebetaling/eigenbetaling ved Kulturskulen gjeldande frå hausten 2012: Elevbetaling instrument, teater, dans, teikning: Auke kr 200 pr halvår. Dvs kr 2600 pr år ( kr 1300 pr halvår), Elevbetaling musikkførskule: Auke kr 150 pr halvår. Dvs kr 1800 ( kr 900 pr halvår) Eigenbetaling frå kor for dirigent: Auke med kr 1000 pr år. Dvs til kr 16.000 pr år. (kr 8000 pr halvår, auke frå kr 7500) Eigenbetaling frå korps for dirigent: Auke med kr 1000 pr år. Dvs til kr 14.000 pr år. (kr 7000 pr halvår, auke frå kr 6500) Satsane skal indeksregulerast årleg.
Eventuelt: Paul Sindre Vedeld tok opp sak vedk. skulestruktur. Han viste til vedtak i kommunestyret i mars 2012 om ny skulestruktur frå hausten 2013. Rådmannen opplyste at forslag om ny skulestruktur frå hausten 2013; jfr. k-sak 24/2012, er sendt ut på høyring med høyringsfrist 30. mai 2012. Ein tek sikte på å gjere endeleg vedtak i neste kommunestyremøte som kan verte flytta frå 19. juni til 26. juni 2012. Når det gjeld Myklebust skule er ein i gang med planlegging av fasilitetar for lærarane. Også her satsar ein på vedtak i kommunestyret før ferien. Idar Brekke tok opp spørsmål vedk. barnehagar. Han viste til sprengd kapasitet i barnehagane på Åheim og Fiskå. Lurte på om det er aktuelt med gjenopning av den kommunale barnehagen på Fiskå. Rådmannen opplyste at i Solsikka barnehage, Fiskå er det i utgangspunktet fullt. 1 plass kan kanskje vere ledig. I Åheim barnehage står 1 barn på venteliste. Også i Syvde er det fullt. Meinte at dette bør kunne løysast med auke i bemanninga. Dei kommunale barnehagane har nok areal. Rett utskrift 15.05.2012 Kåre Kvangarsnes