RAPPORT 2008
FORORD Stortingsmelding nr. 16 (2006-2007) og ingen sto igjen seier mellom anna at OECD og fleire norske utgreiingar har peika på alvorlige veikskapar ved det norske systemet for yrkesrettleiing, m. a.: Rettleiarane manglar ofte kompetanse Tenestene er ofte for dårlig kvalitetssikra Tenestene i dei ulike sektorane er dårlig koordinert Det manglar eit tilbod til vaksne På bakgrunn av dette blei Senter for yrkesrettleiing etablert som eit treårig prosjekt i Hordaland fylkeskommune frå 2005. Målsetjinga var ei styrking av yrkesrettleiinga for ungdom og vaksne på regionalt nivå. Prosjektet vart i hovudsak finansiert av Regionalt utviklingsprogram, Regionalt næringsforum, NAV og Bergen kommune. Prosjektperioden gjekk ut i 2007. Fylkestinget vedtok 16.10.2007 ei permanent organisering av Senter for yrkesrettleiing frå 1.1.2008. Senter for yrkesrettleiing fekk ansvar for å styrke yrkes- og utdanningsrettleiing i heile Hordaland. Senteret er nå organisert under Hordaland fylkeskommune ved Opplæringsavdelinga. NAV og Hordaland Fylkeskommune har gjennom ein partnarskapsavtale inngått eit økonomisk samarbeid der Nav finansierar 1 av 5 stillingar. Fram til og med våren 2008 var arbeidet ved senteret avgrensa til Bergen og kommunane i vest, Øygarden, Fjell og Sund. Samstundes med at Senteret blei permanent, auka bemanninga frå tre til fem tilsette. Senteret har med auka bemanning i 2008 vore i stand til å utvide sitt arbeid til å dekkje alle ungdomsskulane i heile Hordaland. Senteret er nå ein synleg og aktiv samarbeidspartnar for skule og private og offentlege verksemder i fylket. - 1 -
1. Forord s. 1 2. Innhaldsoversyn s. 2 3. Innleiing s. 3 4. Arbeidsområde s. 4 4.1 Skole Bedriftsamarbeid s. 4 4.2 Fylkeskommunale samarbeidspartnarar s. 6 4.3 NAV s. 6 4.4 Mittyrke.no s. 7 4.5 Rådgivarkonferansar s. 8 4.6 Individuelle samtaler s. 8 5. Internt utviklingsarbeid s. 10 6. Vedlegg 6.1 Sjekkliste til bruk på skolebesøk s. 11 i regi av Senter for yrkesrettleiing - 2 -
3. Innleiing I Fylkestinget sitt saksframlegg er det utforma ei målsetjinga for senteret. Å arbeide for ei heilskapleg og effektiv yrkes- og karriererettleiing i Hordaland Å gjere innhald og potensiale i yrkesfaga kjent for elevar og arbeidssøkjarar, gjere ungdomen kjent med yrkeslivet sine kompetansebehov og gjere ungdom og vaksne betre i stand til å gjere kvalifisert utdannings- og yrkesplanlegging Å auke tilgangen på kvalifisert arbeidskraft for arbeidslivet Hovudmåla for senteret er framleis dei same, men kompetanseheving av rådgjevingstenesta, både i grunnopplæringa og mot vaksne, bør få sterkare fokus. Grunna det store omfanget av elevar i grunnopplæringa, og stor geografisk spreiing på skoletilbodet. Kompetanseheving kan skje som skolering og som satsing på systemnivå. Den direkte, individretta rådgjevingstenesta skal også i framtida skje desentralisert, på skolane, i ressurssentra og i NAV sine lokale. Utdanningstilbodet i Noreg er svært omfattande, og mange unge som skal velje utdanning og yrke for framtida har vanskar med å orientere seg i denne marknaden. Vaksne som vurderer utdanning og rekvalifisering har og vanskar med å orientere seg. Til grunn for dette ligg fleire moglege forklaringar. Ei forklaring er sjølvsagt at dei mange utdanningsalternativa i seg sjølv gjør det vanskeleg å velje. Ei anna kan vere at det no kanskje er auka avstand, særleg frå dei unge sin kvardag, til mange av dei yrka som finst. Den utviklinga som skjer i faga og i industrien, gjer det også vanskeleg å halde seg orientert om kva som finst av yrke. Dei vedvarende høge tala for fråfall og omval i vidaregående skule kan sjåast som eit resultat av ovannemde forhold. Samfunn og næringsliv er samstudes avhengig av god rekruttering frå eit vidt spekter av utdanningar. Næringslivet og offentlege styresmakter har interesse av at det vert gjeve god informasjon om dei faga som finst, kva for eigenskaper dei ulike faga krev frå den einskilde, og om behovet for arbeidskraft og kompetanse i ulike fag/yrke. Senter for yrkesrettleiing vil gjennom ulike aktivitetar, tiltak og arenaer vil nå måla fastsett av Fylkestinget. I det vidare viser vi korleis vi har arbeidd for å nå måla. Dei tilsette ved Senter for yrkesrettleiing er: Leiar Åse Fretheim, skule - bedriftsamarbeid og leiaroppgåver. Rådgjevar Tore Muren, NAV bedriftssamarbeid og individuell rettleiing. Rådgjevar Kjell Helge Kleppestø, skule bedriftsamarbeid, og individuell rettleiing. Rådgjevar Kjersti Kvaløy, informasjonsarbeid og individuell rettleiing. Seniorrådgjevar Marte Veim, skule bedriftsamarbeid, minoritetsspråklige og individuell rettleiing. - 3 -
4. Arbeidsområde 4.1 Skole Bedriftsamarbeid Fram til og med våren 2008 var arbeidet vårt på dette feltet avgrensa til Bergen kommune og kommunane i vest, Øygarden, Fjell og Sund. Med auka bemanning i 2008 har Senteret vore i stand til å utvida sinn innsats mot heile Hordaland. Både skular og offentlege og private verksemder har tatt vel i mot tilbodet. Skulane er glade for hjelp og bedriftene ser det som viktig å stilla opp med sin kunnskap og erfaring. Vårt viktigaste arbeidsområde er å gi søkjarar til vidaregåande opplæring eit best mogeleg grunnlag til å finne sitt fag og sin utdanningsveg. Senteret har utarbeidd ein metode for å nå ut med ei systematisk og kontrollerbar mengd informasjon til alle elevar på 9. trinn i ungdomsskulen i Hordaland. Alle skulane får besøk frå alle utdanningsprogram på vg1-nivå. Vi er no i gong med informasjonsmøte i kvar 9. klasse på alle dei 90 ungdomsskulane i fylket. Senteret arrangerer møte mellom elev og yrkesutøvar innanfor alle dei 9 yrkesfaglige utdanningsprogramma i vidaregåande opplæring. Det er utarbeidd ei sjekkliste over innhald i informasjonen.(sjå vedlegg 1).Våren 2009 vil vi også tilby skulane eit opplegg på dei studiespesialiserande utdanningsprogramma. 90 skular skal kvar ha møte innan 10 utdanningsprogram, i alt ca 900 møte. Informasjonen kjem frå ca 250 lokale bedrifter. Dette er ei stor logistikk øving for senteret. For å hjelpe oss i arbeidet, har me fått utarbeid ein eigen database som planleggingsverkty. Dette er for oss ein reiskap som sikrar flyt og kontroll når skular og bedrifter skal bli kopla saman. Til utviklinga av verktyet, som er eit nybrotsarbeid, har vi hatt eit samarbeid med Bitmaker AS. Dette verktyet har vore til uvurderleg nytte og blir stadig betre etter kvart som vi får erfaring med å bruke det. Tabell 1: Tal for utførte møte i Hordaland hausten 08. Region Kommunar Skular Deltakande bedrifter 2008 Talet på møte Sør i fylket 13 29 65 104 Bergen kom. 4 30 10 113 vest i fylket Nord i fylket 16 30 54 110 og indre. Totalt 33 89 129 327 Strategisk informasjonsarbeid for forankring av aktiviteten i kommunane og arbeidslivet. Møte med alle regionråda i Hordaland for forankring i oppstarten av arbeidet i regionane. - 4 -
Diverse møte i Bergen næringsråd, Rekrutteringssamarbeid. Møte og samarbeid med kompetansekoordinator i Nordhordland Handverk og Industrilag. Møte med pedagogisk konsulent, i Voss kommune, for oppstart av samarbeid med rådgjevarnettverk. Møte med Hardanger Vekst og Odda SMB. Deltaking i Odda-regionen sitt samarbeidsråd der rådgjevarar i vidaregåande skular og grunnskule, NAV, opplæringskontor og SMB er med. 3 møte i FOS Forum for Oppvekst i Sunnhordland (interkommunalt senter) - møte med styringsgruppe, pedagogiske rådgjevarar på kommunenivå, samling med alle rådgjevarane i disse kommunane. Aktiv kontakt med Opplæringskontoret for Hardanger, Ytre Hardanger Opplæring, Opplæringskontoret for Sunnhordland, Ytre Sunnhordland opplæringskontor. Fleire planleggingsmøte med NHO Hordaland Deltaking ved Opplæringkontora sitt møte i Blomvåg Yrkesmesser, deltaking og innlegg i plenum. For å gjere Senteret kjent for elevar, og lokalmiljøa ute i regionane, har vi deltatt med stand og hatt innlegg i plenum for utstillarar og lærarar ved yrkesmesser rundt i heile Hordaland m.a.ved: Næringslivsdagane i Odda Yrkeslabyrinten i Åsanehallen Yrkesmessa i Kvinnherad Fusamesso Nordhordlandsmessa Innlegg på konferansar etter invitasjon. Senteret opplever støtt at nye aktørar tek kontakt for å innleie eit samarbeid. Dette gjer vår eksistens og kompetanse i utdanning og arbeidsmarknadsspørsmål tydeleg og betre kjend. Representantar for Senteret har mellom anna vore innleiarar i desse fora: Samarbeidsrådet for Sunnhordland Forum for Oppvekst i Sunnhordland (FOS) Bergen Næringsråd Rådgjevarforum Voss Hardanger Foreldremøte i ungdomsskolane Presentasjon av Næringsbarometeret 2008 Høgskulen i Bergen, konferanse kring faget Utdanningsval 4.2 Fylkeskommunale samarbeidspartar. Senteret samarbeidar med dei ulike seksjonane i Opplæringsavdelinga og andre avdelingar i fylkesadministrasjonen. Vi har eit tett samarbeid med Inntak, Fagopplæring og ulike sakshandsamarar ved Opplæringsavdelinga. I haust starta vi planlegging av eit samarbeid med Oppfylgingstenesta (OT) om yrkesrettleiing i gruppe og individuelt ved Senter for yrkesrettleiing. Tilbodet er tenkt som eit kurs/ samtalegruppe for dei ungdomane Oppfylgingstenesta ser er formidlingsklar til utdanning og - 5 -
eller arbeid. Det er planlagt eit kurs over 3 dagar. Ein av dagane får ungdomane vitje ulike verksemder i ein bransje dei har interesse for. 4.3 NAV Senteret sine tilsette har vore engasjerte i å styrke rådgjevarkompetansen i NAV. Dette arbeidet er delt i ulike tiltak, som kurs, skriftleg informasjon og bransjemøte. Bransjemøte Senteret har hatt ansvar for av møte mellom bransjar /bedrifter og NAV-kontor for å styrke bransje- og yrkeskompetansen hos NAV sine rådgjevarar. Senteret vel i samarbeid med NAV ein bransje pr. mnd. Tre forskjellige bedrifter frå bransjen vitjar tre ulike NAV-kontor. Alle kontora som er med i ordninga får tilgang på eit møte kvar annan månad. Møta vert oppsummerte skriftleg og dette vert lagt ut på Navet (NAV sitt eige intranett). Månadens bransje inneheld informasjon om bransjen, bedrifter, marknadsutsikter, kompetansekrav og - behov osb. Det er arrangert i alt 12 møte mellom NAV-kontor og ulike bransjar. Fylgjande bransjar er dekka i 2008: Elektrobransjen, bygg- og anleggsbransjen, helse- og sosialfag, maritime fag og sist no i september restaurant- og matfag. Etter den tid har NAVkontora ikkje hatt kapasitet til å ta imot tilbodet. Ordninga vert teken opp at i februar 2009. Tabell 2: Tal på møte gjennomført i 2008, og planlagte møte våren 2009. 2008 2009 Vår 8 15 + 10 Haust 4 12 Senteret får ofte spørsmål frå NAV kontor (sakshandsamarar) om vidaregåande skule, fagopplæringsordninga og realkompetanseordninga. I 10 møter i januar 2009 vil vi gje NAV kontora ein heilskapeleg framstilling av realkompetanseordninga, og ulike veger fram mot fagprova. Yrkesveiledningsfeltet i NAV. Senteret har utarbeidd ei oversikt over yrkesveiledningarbeidet i NAV. Her omtalar vi etikk i yrkesrettleiing, informasjon om vidaregåande opplæring og arbeidsmarknaden, ivaretaking av personens erfaringar og ressursar og samtaleteknikk. Kurs i yrkesrettleiing for nytilsette (og andre) i Nav. Senteret har i samarbeid med NAV - kompetanse og læring, arrangert to kurs med i alt 30 deltakarar (5 frå NAV Fyllingsdalen, 4 frå NAV Bømlo, 5 losar og 16 frå NAV Fana Arbeid.) Dette er kurs retta mot nytilsette ved NAV kontora. Universell utforming Reell og likeverdig deltaking i opplæring, arbeidsliv og samfunnsliv føreset at universell utforming vert integrert i alle ledd og på alle nivå. Universell utforming skal bli lagt til grunn og vere ein premiss i all offentleg verksemd og all tenesteyting. Dette er eit overordna mål i fylkesdelplanen Deltaking for alle universell utforming. - 6 -
Senteret koordinerer no eit arbeid mellom NAV og Hordaland fylkeskommune på feltet universell utforming med fokus på elevane i videregåande skule og overgang frå skule til arbeid. Dette samarbeidet skal munne ut i ein konferanse i mai 2009. 4.4 Mittyrke.no Ei av stillingane ved senteret er knytt til drift og vedlikehald av heimesida www.mittyrke.no med informasjon og lenkjer til relevant informasjon og metodestoff til unge og vaksne som skal velje yrke og utdanning. Senteret arbeider systemretta (mittyrke.no) med relevant informasjon for elevar, skolerådgjevarar og vaksne. Her blir det kvar veke lagt ut relevant nyhetsstoff (Aktuelt) og kvar månad presentert månadens yrke. Sida blir også nytta av NAV. Sida har informasjon og lenkjar både om arbeidsmarknadsforhold, skuletilbod, og metodisk val- og rettleiingshjelp. Sida har også spørsmål- og svarteneste og rettar seg inn mot elevar, rådgjevarar, føresette og andre vaksne som sjølve vurderer utdanning eller arbeidsbytte. Tabell 3: Utviklinga av publikum sin bruk av mittyrke.no. Tal /årstall 2006 2007 2008 Besøk 14145 26917 74726 Sidevisninger 32205 59877 114829 Vi er opptekne av marknadsføring av nettsida mittyrke.no og Senter for yrkesrettleiing. Vi har gjennom det siste året delteke på yrkesmessar, rådgiversamlingar og møte med regionråd og liknande. Der viser vi sida og ulike val for rådgjevarar, lærarar og elevar i arbeidet med faget Utdanningsval. Mange er overraska og gir oss stadfesting på at sida har mange nyttige tips og stor relevans. Aktuelt Under denne tittelen dekker vi saker vi ser som viktig for rådgivarar og elevar. Tema som er dekte, er til dømes nasjonale føringar for opplæringssektoren og nye læreplanar i yrkesrettleiing, yrkes- og utdanningsmesser, forsking på feltet og arbeidsmarknadsinformasjon. Månaden sitt yrke Etter omfattande grunnlagsdokumentasjon henta frå NAV, bedrifter, utdanningsinstitusjonar, realkompetansesentra og opplæringskontor, blir det utarbeidd informasjon til månaden sitt yrke. I 2008 har til saman seks bransjar blitt dekte med informasjon om innhald, utdanningsveg, arbeidsmarknad i bransjen og karrierevegar. Database for veg i vidaregåande utdanning I prosjektperioden fekk senteret utvikla ein database med informasjon om vidaregåande opplæring sin fag- og yrkesstruktur knytt opp mot bedrifter i Hordaland som tar inn lærlingar, og tilsett personar med ulik yrkeskompetanse. Her kan elevar og utdanningssøkjarar byggje ei utdanning i dei yrkesfaglege utdanningsprogramma og finne verksemder i Hordaland som kan gje dei lærekontrakt. - 7 -
4.5 Rådgjevarkonferansar Senteret sine tilsette har vore engasjerte i etterutdanninga av rådgjevarar i heile grunnopplæringa i Hordaland. Me har gjenoppretta eit etterutdanningstilbod for rådgjevarane, der senteret si verksemd er integrert. Målsetjinga er å styrkje rådgjevingstenesta som førstelineteneste i grunnopplæringa. Senteret arrangerer, saman med Bergen kommune og Opplæringsavdelinga i Hordaland fylkeskommune, fire årlege etterutdanningskonferansar for skolerådgjevarar, NAV-tilsette, OT/PPT og andre. Tema for konferansane har vore rådgiving/rettleiing, herunder arbeidsmarknadstilhøve. Sistnemnde tema er fast innslag på alle møta og senteret har ansvar for denne delen av arrangementet ved at vi engasjerar aktuelle bransjar, bedrifter, etatar (m.a. NAV), forskarar eller andre til innlegga. Tiltaket har hatt svært høg deltaking frå heile fylket. 4.6 Individuelle samtalar Sumaren 2008 arbeidde vi fram ein metode og eit innhald for individuell rådgjeving ved senteret. Det er no sett av ein stillingsressurs på 80% til dette arbeidet. Det er utarbeidd eit eige dokument som omtalar vårt arbeid med individuell rådgjeving. Vi vil auke kapasiteten for dei individuelle samtalene. Sentrale prinsipp: Rettleiing ved Senter for yrkesrettleiing skal vere; inkluderande og aktiviserande, oversiktleg for bruker grundig og byggje på tidlegare informasjon. Informere om at rettleiing består av: metodisk hjelp til å finne alternative mål (yrke) og utdanningsvegar og/ eller kvalitetssikring av mål/utdanningsvegar. informasjon om arbeidsmarknad og utdanningssystem m.v. Talet på førespurnader varierar og vi ser at dei fleste som kjem til oss er vaksne, som allereie er i kontakt med NAV. Desse har ikkje gjennom kontakt med NAV klart å ta valet for nytt yrkes- eller utdanning. Første semester hadde vi 28 personar til individuell rettleiing, andre semester 22 personar. Vi har no starta ei registrering av kjønn, tilvisande instans og behov. Telling starta 01.08.2008. Dette for å kunne lage statistikk og få ein oversikt over kven og i kva hensikt pesonane som tar kontakt brukar senteret. Tabell 4: Individuelle samtalar i 2008. Kjønn Vår Haust Samla 2008 Kvinner 16 12 28 Menn 12 10 22-8 -
5. Internt utviklingsarbeid Team building I oppstarten, med tre nye medarbeidarar, var det viktig å utvikle eit godt samarbeid og kommunikasjon. Gjennom fleire interne møte og samlingar utanfor kontoret ble teambuilding sett på dagsorden. Gjennom grunnleggjande diskusjonar om menneskesyn, haldningar til brukarane våre, fokus på vår verksemd og innhald i arbeidet, utvikla vi eit felles tankegods. Fagleg utvikling Gjennom intern kompetanseoverføring og deltaking på kurs og konferansar har vi søkt å heve vår faglige kompetanse på rettleiing og kommunikasjon. I juni var hele senteret på studietur til København med besøk på to studieveiledningssentre og i Det Kongelige Danske Utdanningsdepartementet. Vi ønsket innspill på ulike metodar i studie og yrkesrettleiing. Og spesiellt fokus på individuell veiledning av voksne. I september dro vi på internsamling på Meland for å utarbeide et innhald og en struktur på heimesida vår, www.mittyrke.no Nå, på slutten av året, har vi starta eit utviklingsarbeid på gruppeveiledning som metode i yrkesrettleiing. Vi håper at gjennom gruppeveiledning kan ungdom få innsikt gjennom innspel frå andre i same situasjon. Vidare kan vi auke kapasiteten på indivduell oppfølging av unge, som av ulike grunnar har valt bort eller falle ut av videregåande opplæring. Lærende organisasjon Ved senteret har vi innarbeidd faste ukentlege møte for refleksjon og informasjon om kvarandre sine arbeidsoppgåver. Det er for oss ein styrke å få innspill og kunne drøfte i kollegiet korleis vi best kan møte utfordrande oppgåver. Gjennom grundige diskusjonar og utarbeiding av dokument som omhandlar senteret sin strategi og innhald i ulike oppgåver sikrar vi at tankegodset blir ivareteke og grunnlaget for arbeidet vårt er klårt for oss alle. - 9 -
6. VEDLEGG 6.1 Sjekkliste til bruk på skolebesøk i regi av Senter for yrkesrettleiing Presentasjonen bør ikke ta mer enn ca 30 min. Sett av resten av tiden til spørsmål dialog med elevene. Informasjon om mangfoldet som utdanningsprogrammet kan føre til. Personlige egenskaper som trengs innen utdanningsprogrammet. - Hvilke egenskaper er viktige (eks. kreativitet, nøyaktighet, samarbeidsevner, selvstendighet osv kom gjerne med eksempler!) - Punktlighet i forhold til oppmøte, høflighet og orden vil være viktig i alle yrkesfag. Legg vekt på at det er dette bedriftene i hovedsak ser etter når dere velger lærlinger. Dette kan være vel så viktig som karakterer. Viktige kunnskaper i yrkene og eget yrke. - Eksempler på at fagene fra grunnskolen (norsk, matematikk, engelsk osv) er viktige også i jobben, f.eks kunne lese og skrive kontrakter, regne ut kostnader i et prosjekt, og snakke med utenlandske kunder osv) Om bedriften/eget arbeidssted. - Hva produseres, til hvem - Antall ansatte - Fagene i bedriften Hverdagen hos oss. - Elevene ønsker å vite hvordan en vanlig dag på jobben arter seg - Krydre gjerne presentasjonen med historier fra virkeligheten Kjønnsfordeling. - Oppfordre elevene til å velge utradisjonelt Karrieremuligheter. - Mulighet til å stige i gradene - Arbeid i utlandet - Videreutdanning - 10 -
www.mittyrke.no