Jnr. 1040.17 GJG/rr Representantskapsmedlemmer INNKALLING TIL REPRESENTANTSKAPSMØTE I SAMARBEIDSRÅDET FOR SUNNHORDLAND IKS Det vert med dette kalla inn til ordinært representantskapsmøte i Samarbeidsrådet for Sunnhordland fredag 7. april d.å kl. 09.30 på Haaheim gaard, Tysnes. Då vert føre: Sak 01/17 Opning av møte. Godkjenning av innkalling og sakliste Sak 02/17 Val av - Referent - Møteleiar - To representantar til underskriving av protokoll Sak 03/17 Godkjenning av årsmelding 2016 Sak 04/17 Godkjenning av rekneskap 2016 Sak 05/17 Godkjenning av budsjett 2017 Sak 06/17 Godkjenning av handlingsplan 2017 Sak 07/17 Godkjenning av revisor Sak 08/17 Val av nytt styret 2017-2019 Sak 09/17 Val av representantskapsleiar og nestleiar 2017-2019 Sak 10/17 Næringsarbeid i Sunnhordland Tidsplan: Kl. 09.30 Kl. 12.00 Kl. 12.45 Velkommen Orientering om Haaheim gaard, matprosjektet og reiseliv v/ Torstein Hatlevik Orientering om Geopark Sunnhordland v/ Brynjar Stautland Saker til representantskapet Lunsj Event. forts. saker til representantskapet Regionrådet for kommunane Austevoll, Bømlo, Etne, Fitjar, Kvinnherad, Stord, Sveio og Tysnes A Postboks 444, 5403 Stord T 53 45 67 90 Orgnr. 971 492 910 E firmapost@samarbeidsraadet-sunnhordland.no W samarbeidsraadet-sunnhordland.no
Sunnhordland, 14. mars 2017 Ruth G. Ø. Eriksen (s) representantskapsleiar Gro Jensen Gjerde (s) dagleg leiar
REPRESENTANTSKAPSMØTE I SAMARBEIDSRÅDET FOR SUNNHORDLAND IKS FREDAG 7. APRIL 2017 KL. 09.30 PÅ HAAHEIM GAARD, TYSNES Sak 01/17 Opning av møte godkjenning av innkalling og sakliste Representantskapsleiar Ruth G. Ø. Eriksen opnar møte. Sak 02/17 Val av Referent Møteleiar To representantar til underskriving av protokoll Sak 03/17 Godkjenning av årsmelding 2016 Styret i Samarbeidsrådet for Sunnhordland legg med dette fram årsmelding for 2016. Representantskapet godkjenner årsmelding for 2016. Sak 04/17 Godkjenning av rekneskap 2016 Styret i Samarbeidsrådet for Sunnhordland legg med dette fram rekneskapen for 2016. Rekneskapet vert lagt fram med eit overskot på kr. 309 090,-. 1. Representantskapet godkjenner rekneskapen for 2016. 2. Overskotet på kr. 309090 vert overført til disposisjonsfondet. Sak 05/17 Godkjenning av budsjett 2017 Styret i Samarbeidsrådet for Sunnhordland legg med dette fram budsjett for 2017. Representantskapet godkjenner budsjett for 2017. Sak 06/17 Godkjenning av handlingsplan 2017 Styret i Samarbeidsrådet for Sunnhordland legg med dette fram forslag til handlingsplan for 2017. Representantskapet godkjenner handlingsplan for 2017.
Sak 07/16 Val av revisor RSM Norge AS har vore revisor for Samarbeidsrådet for Sunnhordland sidan oktober 2005. Det har vore eit godt og tillitsfullt samarbeid mellom Samarbeidsrådet og revisor. Representantskapet vedtek at RSM Norge AS held fram som revisor for Samarbeidsrådet for Sunnhordland for 2017. Sak 08/17 Val av nytt styret 2017-2019 Styret i Samarbeidsrådet vert valt for to år. Det er Representantskapet som vel styret. Styret i Samarbeidsrådet skal i følgje vedtektene vera samansett av 2 ordførarar og 1 rådmann. Det er krav til kjønnsbalanse i styret. I inneverande periode (2015-2017) har styret vore samansett av følgjande personar: Ordførar Peder Sjo Slettebø, Kvinnherad kommune (leiar) Ordførar Wenche Tislevoll, Fitjar kommune (nestleiar) Rådmann Bjarne Aksnes Martinsen, Sveio kommune (medlem) Ordførar Morten Storebø, Austevoll kommune (varamedlem) Hausten 2016 ønskte ordførar Peder Sjo Slettebø å trekke seg som styreleiar. Samstundes slutta Bjarne A. Martinsen som rådmann i Sveio kommune. Det er representantskapet som vel styret og formelt så skulle det vore kalla inn til eit ekstraordinært representantskapsmøte. Etter ei drøfting i arbeidsutvalet vart ein samde om at ordførar Wenche Tislevoll skulle fungera som styreleiar fram til neste representantskap og at Morten Storebø skulle fungera som fast medlem for Bjarne Aksnes Martinsen. Det vart difor ikkje gjort formelle val av nye styremedlemmer. Det har vore tradisjon for at nestleiar vert ny styreleiar og at varamedlem vert ny nestleiar. Etter ei fast rullering føreslår difor styret i Samarbeidsrådet for Sunnhordland at styret for perioden 2017-2019 vert samansett av: Wenche Tislevoll, Fitjar kommune (leiar) Morten Storebø, Austevoll kommune (nestleiar) Geir Aga, Bømlo kommune (medlem) Siri Klokkerstuen, Etne kommune (varamedlem) Representantskapet vel følgjande styret for perioden 2017-2019: Wenche Tislevoll, Fitjar kommune (leiar) Morten Storebø, Austevoll kommune (nestleiar)
Geir Aga, Bømlo kommune (medlem) Siri Klokkerstuen, Etne kommune (varamedlem) Sak 09/17 Val av representantskapsleiar og nestleiar 2017-2019 Representantskapet i Samarbeidsrådet for Sunnhordland består av 3 kommunestyrerepresentantar frå kvar kommune m/ personlege varamedlemmer. Oversikt over representantskap for perioden 2015-2019 (varamedlemmer i parantes): Austevoll Renate Møgster Klepsvik (Edvard J. Stangeland) Håvard Endre Waage (Vibeche Storebø) Joon Raymond Haugland (Grethe Drønen Ringdal) Bømlo Torunn Laurhammer (John Magne Søvold) Karstein Fylkesnes (Birgit Esperø) Anri Hebib (Signe Lund Jansen) Etne: Mette Heidi Bergsvåg Ekrheim (Lars Olav Bergsvåg) Ingemund Berge (Alf Ove Nilsen) Kenneth Lyng Karlsen (Maren Tungesvik Tveiten) Fitjar: Ida Marlen Havn (Geirmund Aga) Karen Elisabet Rydland Sæbø (Svein Malvin Maraas) Harald Rydland (Hilde Karin Vedøy Eiken) Kvinnherad: Hans Inge Myrvold (Otto Benjaminson) Sølvi Ulvenes (Arne Bjørnevik) Johnny Håvik (Hilde Enstad) Stord: Lene Pilskog (Sigurd Sævereid) Sverre Olav Svarstad (Fredrik Litleskare) Oskar Emil Langeland (Silje Vatna) Sveio: Ruth Grethe Østebøvik Eriksen (Rune Teikari) Håkon Skimmeland (Linn Therese Erve) Lars Einar Hollund (Astrid Karin Strand) Tysnes: Ingrid Tysnes Restad (Ingrid Tysnes Stue) Magne Hauge (Øystein Flakke) Sigvard Michael Madsen (Bjørn Lande)
I perioden 2015-2017 har Ruth G. Østebøvik Eriksen, Sveio kommune vore leiar, medan Lene Pilskog, Stord kommune har vore nestleiar. Oversikt over representantskapsleiarane/nestleiarane i perioden 2007-2017: 2007-2009 Edvard Johannes Stangeland, Austevoll Lorentz Lunde, Tysnes 2009-2011 Lorentz Lunde, Tysnes Wenche Tislevoll, Fitjar 2011-2013 Harald Rydland, Fitjar Arve Opsanger, Kvinnherad 2013-2015 Arve Opsanger, Kvinnherad Jarle Jacobsen, Sveio 2015-2017 Ruth G. Østebøvik Eriksen, Sveio Lene Pilskog, Stord Dersom ein vel å fortsette rulleringa slik det har vore, er det Stord kommune som skal ha representantskapsleiaren og Etne kommune nestleiaren. 1. Representantskapet vel Lene Pilskog, Stord kommune til leiar for Representantskapet for perioden 2017-2019. 2. Representantskapet vel Ingmund Berge, Etne kommune til nestleiar for Representantskapet for perioden 2017-2019. Sak 10/16 Næringsarbeid i Sunnhordland Bakgrunn På møte i representantskapet 4. desember 2015 vart det gjeve ei kort orientering om næringsarbeidet i Sunnhordland av representantskapsleiar Ruth Ø. Eriksen. I referatet frå møte står det: Representantskapsleiaren orienterte kort om situasjonen i næringslivet og dei utfordringar ein står overfor. Representantskapet ba i møte Samarbeidsrådet gjer ei utgreiing/vurdering på korleis regionen kan optimalisere arbeidet med næringsutvikling på best mogleg måte. Her bør alle aktørar vera med i modellen. Kostnadseffektivitet, klynger, ei dør for gründerane er noko som bør vera belyst. Saka skal opp i Representantskapet 1. april 2016. Til møte i Representantskapet 1. april 2016 vart det lagt fram ei sak der Samarbeidsrådet synte til tidlegare utgreiingar og modellar for organisering. Innstillinga frå Samarbeidsrådet vart lagt fram utan tilråding. På møte i representantskapet 1. april 2016 sette representantskapsleiar fram følgjande vedtak som vart vedteke: Representantskapet meiner det er viktig at me samordnar ressursane våre innan område næringsutvikling i vår region, og ber på denne bakgrunn om:
1. Ulike modellar for samordning av næringsutviklingsarbeidet i Sunnhordland skal straks utgreiast. Det skal leggjast avgjerande vekt på kva me kan gjera for å bli meir effektive og arbeidet meir rasjonelt. 2. Representantskapet utnemner styret i Samarbeidsrådet (3 repr.) til dette arbeidet og ber Atheno utnemne 2. 3. Sekretariatet i Samarbeidsrådet vert også sekretariatet i dette arbeidet. 4. Arbeidet skal leggast fram for Representantskapet i mars/april 2017. Arbeidsutvalet i Samarbeidsrådet drøfta vedtaket frå representantskapet i møte 20. mai og det vart føreslege at rådmennene skulle drøfta saka i eige møte og koma attende på korleis Samarbeidsrådet skulle ta saka vidare. Rådmennene drøfta saka i møte 17. juni og vurderte saka slik: Rådmennene meiner at det først og fremst er innanfor oppgåver som førstelinetenesta for næringsetablering at det er aktuelt å samordna ressursane. Kommunane vil uansett ha behov for å ha kapasitet på næringsarbeid og utvikling innan for eigen organisasjon. Det kan vera fordelar med å samordna aktørane som arbeider med førstelinjetenesta. Samstundes er kommunane tente med at det er eit visst mangfald av tilbydarar når ein har førstelinetenesta ute på anbod. Rådmennene meiner at samarbeidet innanfor reiseliv, VisitSunnhordland, etter kvart har funne ei god form. Det bør i første omgang gjerast ei grundig vurdering av behovet for omorganisering. Rådmennene er i utgangspunktet skeptiske til å adoptera t.d. Haugalandsmodellen, som ein ser er ei dyr ordning for kommunane. På bakgrunn av dette konkluderte Samarbeidsrådet i møte 16. september 2016 at det ikkje er behov for å greia ut ulike modellar for samordning av ressursane innan næringsutvikling, då kommunane ønskjer å ha kapasitet på næringsarbeid innan for eigen organisasjon. Samarbeidsrådet har difor ikkje teke initiativ til å setje ned ei gruppe som skulle sjå på samordninga av ressursane, slik representantskapet vedtok i fjor. Styret i Samarbeidsrådet for Sunnhordland rår til at saka ikkje vert vidare utgreidd.