MØTEBOK. Fylkesutvalet. Fylkeshuset - møterom Sygna. Møtedato Kl

MØTEBOK Organ Møtestad Fylkesutvalet Fylkeshuset - møterom Sygna Møtedato 23.09.2014 Kl. 08.30 08.50 Faste medlemer til stades: Åshild Kjelsnes, Ap Nils P. Støyva, Ap Jenny Følling, Sp Anders Ryssdal, Sp Noralv Distad, H Frank Willy Djuvik, FrP Marit Barsnes Krogsæter, V Trude Brosvik, KrF Forfall til møtet: Karen Marie Hjelmeseter, Sp Varamedlemer til stades: Anita Nybø, Sp Til stades med møte- og talerett: Sekretariat for møtet: Tore Eriksen Knut Henning Grepstad Ingen merknader til innkalling og sakliste. Fylkesutvalet vedtok at sak nr. 113/14 og 114/14 vert handsama for lukka dører, jf. kommunelova 31, nr. 5

Møtebok Fylkesutvalet 23.09.2014 SAK 113/14 Dalsfjordsambandet - forliksavtale VEDTAK: Fylkesutvalet rår fylkestinget til å gjere slikt vedtak: 1. Fylkestinget godkjenner forliksavtalen mellom Sogn og Fjordane fylkeskommune og NCC Construction AS, jf. vedlegg. 2. Sogn og Fjordane fylkeskommune betalar 75 mill.kr. som sluttoppgjer til NCC innan 30.september 2014. 3. Dalsfjordsprosjektet får ei tilleggsløyving på 46,3 mill.kr. Denne vert finansiert ved slike omdisponeringar: - 6,1 mill. kr : Buffer for store prosjekt på investeringsbudsjettet i 2014-8,0 mill. kr : Driftsløyving til skadefond fylkesvegar i 2014-10,5 mill. kr : Disposisjonsfond, avsett ved årsavslutninga i 2012-13,7 mill. kr : Skadefond på fylkesvegnettet - 8,0 mill. kr : Mva. refusjon -------------------------------------------------------- SAK 114/14 Søknad om fritak frå styreverv i F1 Holding AS Ikkje offentleg Ofl 23, 4. ledd, eigardokument Frå fylkesrådmannen låg det føre slik tilråding til vedtak: 1. Fylkesutvalet fritek Åshild Kjelsnes frå vervet som medlem og leiar av styret i F1 Holding AS. 2. Fylkesutvalet peikar ut som ny styremedlem til F1 Holding AS for resten av perioden Åshild Kjelsnes er valt, dvs. ut valperioden 2011-2015:. 3. Fylkesutvalet peikar ut følgjande som ny styreleiar i F1 Holding AS for resten av valperioden 2011-2015:. 4. Fylkesutvalet ber styreleiar i F1 Holding AS kalle inn til ekstraordinær generalforsamling for nyval av styremedlem og styreleiar. Endringsframlegg: Arbeidarpartiet sette fram slikt framlegg til punkt 2 og 3: Karianne Torvanger Høgre, Framstegspartiet og Venstre sette fram slikt framlegg til punkt 2: Rita Navarsete Høgre, Framstegspartiet og Venstre sette fram slikt framlegg til punkt 3: Alfred Bjørlo Avrøysting: Punkta 1 og 4 i fylkesrådmannen si tilråding vart samrøystes vedtekne. Åshild Kjelsnes, Nils P. Støyva, Jenny Følling, Anders Ryssdal, Anita Nybø og Trude Brosvik røysta for Arbeidarpartiet sitt framlegg til punkt 2. Side 2 av 3

Møtebok Fylkesutvalet 23.09.2014 Noralv Distad, Frank Willy Djuvik og Marit Barsnes Krogsæter røysta for Høgre, Framstegspartiet og Venstre sitt framlegg til punkt 2. Åshild Kjelsnes, Nils P. Støyva, Jenny Følling, Anders Ryssdal og Anita Nybø røysta for Arbeidarpartiet sitt framlegg til punkt 3. Noralv Distad, Frank Willy Djuvik, Marit Barsnes Krogsæter og Trude Brosvik røysta for Høgre, Framstegspartiet og Venstre sitt framlegg til punkt 3. Dette gir følgjande VEDTAK: 1. Fylkesutvalet fritek Åshild Kjelsnes frå vervet som medlem og leiar av styret i F1 Holding AS. 2. Fylkesutvalet peikar ut som ny styremedlem til F1 Holding AS for resten av perioden Åshild Kjelsnes er valt, dvs. ut valperioden 2011-2015: Karianne Torvanger. 3. Fylkesutvalet peikar ut følgjande som ny styreleiar i F1 Holding AS for resten av valperioden 2011-2015: Karianne Torvanger. 4. Fylkesutvalet ber styreleiar i F1 Holding AS kalle inn til ekstraordinær generalforsamling for nyval av styremedlem og styreleiar. -------------------------------------------------------- Side 3 av 3

Side 1 av 6 Saksframlegg Saksbehandlar: Velaug Veum, Samferdsleavdelinga Sak nr.: 10/6327-59 Dalsfjordsambandet - forliksavtale Fylkesrådmannen rår fylkesutvalet til å gje slik tilråding: Fylkesutvalet rår fylkestinget til å gjere slikt vedtak: 1. Fylkestinget godkjenner forliksavtalen mellom Sogn og Fjordane fylkeskommune og NCC Construction AS, jf. vedlegg. 2. Sogn og Fjordane fylkeskommune betalar 75 mill.kr. som sluttoppgjer til NCC innan 30.september 2014. 3. Dalsfjordsprosjektet får ei tilleggsløyving på 46,3 mill.kr. Denne vert finansiert ved slike omdisponeringar: - 6,1 mill. kr : Buffer for store prosjekt på investeringsbudsjettet i 2014-8,0 mill. kr : Driftsløyving til skadefond fylkesvegar i 2014-10,5 mill. kr : Disposisjonsfond, avsett ved årsavslutninga i 2012-13,7 mill. kr : Skadefond på fylkesvegnettet - 8,0 mill. kr : Mva. refusjon Vedlegg: Forliksavtale mellom Sogn og Fjordane fylkeskommune og NCC Construction AS. Andre dokument som ikkje ligg ved: Notat frå Haavind AS datert 2.september: Dalsfjordsambandet: Forliksavtale mellom Sogn og Fjordane fylkeskommune og NCC Construction AS. Notat frå Haavind AS datert 7.august 2014: Prosessrisikovurdering. Notat frå Haavind AS datert 16.juni 2014: Dalsfjordsambandet sluttoppgjer og ankesak. SAKSFRAMSTILLING 1. Samandrag I samsvar med orientering i fylkesutvalet sitt møte 16.juni og notat frå Haavind AS: «Dalsfjordsambandet sluttoppgjer og ankesak», prosessrisikovurdering av 7.august og sak i fylkesutvalet sitt møte 18.august, har det vore gjennomført forhandlingar med NCC Construction AS. Målet med forhandlingane har vore å få eit forlik som omfattar både ankesaka i lagmannsretten og krava i sluttoppgjeret, ei «rundsum»-løysing. I møte 18.august gjorde fylkesutvalet følgjande vedtak i sak 95/14: 1. Forhandlingsramma vert sett til 85 mill. kr. 2. Resultatet av forhandlingane skal leggast fram for fylkesutvalet til godkjenning.

Side 2 av 6 Det ligg no føre eit framlegg til forliksavtale. Dette er tilrådd av advokatane vår i Haavind AS i brev av 02.09.14, der dei mellom anna skriv: «Vi avga 7.august 2014 prosessrisikovurdering der vi gjennomgikk alle krav over MNOK 1. Vår vurdering, som også omfattet kravene som står til behandling for Gulating lagmannsrett, var at Fylkeskommunens risiko lå mellom MNOK 22, som beste sak, og MNOK 52 som dårligste sak. I tillegg til de kravene som var inkludert i vår vurdering, kom enkeltkrav under MNOK 1, som samlet utgjorde MNOK 5,89, morarente og vederlag for lønns- og prisstigning. Vi har kun gjort en sjablongmessig vurdering av de mindre kravene. SVV har vurdert rente og lønns- og prisstigning ut fra vår risikovurdering. Dersom det legges til grunn sakskostnader på MNOK 4 dersom alle gjenstående krav må behandles rettslig, vil risikoen, basert på ovenstående, ligge i området mellom MNOK 36,5 og MNOK 78,5. Det har vært avholdt forhandlinger mellom representanter fra Sogn og Fjordane fylkeskommune, SVV og NCC den 27.august 2014 i Bergen. Partene kom her til enighet om MNOK 75 eks. mva som fullt og endelig oppgjør for alle tvistesaker og krav etter kontrakten, inklusive morarenter og lønns- og prisstigning. Den fremforhandlede forliksavtalen er således i tråd med vår prosessrisikovurdering. Vi anbefaler derfor at Fylkestinget gir sin tilslutning til forliksavtalen med NCC.» I følgje delegeringsreglementet, kap 3.33, femte ledd, har fylkesutvalet fullmakt til å godkjenne forliket, slik vedtaket i FU-sak 95/14 pkt. 2 seier. Fylkesordføraren ynskjer likevel at fylkestinget skal ta avgjerd i denne saka. Det er derfor kalla inn til eit ekstra møte i fylkestinget tysdag 23.september om morgonen, før møta i hovudutvala startar opp. Fylkesrådmannen rår til at forliket vert godkjent. 2. Bakgrunn for saka Dalsfjordsambandet: Kontrakt veg- og tunnelarbeid NCC Construction AS (heretter NCC) har utført tunnel- og vegarbeid for Statens vegvesen (heretter SVV). SVV opptrer på vegne av Sogn og Fjordane fylkeskommune (heretter FK), i samband med etableringa av Dalsfjordsambandet som strekkjer seg over ei vegstrekning på fylkesveg 609 og fylkesveg 57. SVV opptrer som byggherrerepresentant for FK då prosjektet er eit fylkesveganlegg. Den aktuelle kontrakten vart inngått mellom partane etter anbodskonkurranse. Konkurransegrunnlaget (anbodsdokumenta) vart sendt ut i mai 2010, og tilboda vart leverte 9.juli same år. NCC vart tildelt kontrakten og denne vart underteikna 8.september 2010. SVV har hatt ansvaret for prosjekteringa og entreprenøren NCC skal utføre dei arbeida som SVV prosjekterer. Dalsfjordsambandet vart ferdigstilt hausten 2013 og opna 14.desember. Søksmål - tilleggsvederlag I mars 2012 reiste NCC søksmål for Fjordane tingrett mot FK med krav om tilleggsvederlag for forseinkingar og uføresette hendingar. Hovudforhandlinga vart gjennomført over 10 dagar i mai/juni 2013 og tingretten sin dom låg føre 31.juli 2013. Sidan begge partar vann delvis fram med sine synspunkt i tingretten, vart ingen vurdert til å vere «vinnar» i saka og partane måtte bere kvar sine sakskostnader. Deler av dommen er anka frå begge partar, og det er sett av tid i Gulating lagmannsrett for ankesaka i november 2014. Sluttoppgjeret

Side 3 av 6 Handsaminga av sluttoppgjeret for kontrakten med NCC viste stor økonomisk usemje mellom byggherre og entreprenør. Ved sluttfaktura av 20.desember 2013 kravde NCC betalt 227,6 mill. kr. eks. mva. Som følgje av tingretten sin dom hadde FK betalt 12,3 mill. kr. til NCC. Dermed utgjorde kravet reelt 215,3 mill. kr. Gjennom behandlinga av sluttoppgjeret aksepterte FK/SVV 30,5 mill. kr. eks. mva som rettmessige krav og dette vart utbetalt. Dermed stod vi att med eit omtvista beløp på 183,9 mill. kr. Dette beløpet inkluderte krav på 37,6 mill. kr. som var anka inn for Gulating lagmannsrett. Dei 183,9 mill. kr. fordelte seg på 118 heilt eller delvis omtvista fakturaer. Partane har gjennom tre forhandlingsrundar (på ingeniørnivå) kome til semje om alle krav opp til 0,5 mill. kr. og alle 86 målebrevsakene. Gjennom desse forhandlingane har FK/SVV akseptert å betale 7,3 mill. kr. av eit opphavleg samla krav på 18 mill. kr. Etter NCC sine siste revisjonar er summen av omtvista krav 165,7 mill.kr. fordelt på 33 krav. Av desse er 128,1 mill. kr. «nye krav» som ikkje har vore behandla i tingretten tidlegare, resten er dei 37,6 mill. kr. som er anka inn for lagmannsretten. Ny forliksklage NCC v. advokatfirma Schjødt tok ut forliksklage mot FK ved brev av 16.06.2014 og prosesskriv av 20.06.2014 for dei krava som ikkje har vore handsama i tingretten tidlegare. Forliksrådet vil nok ikkje ha kompetanse til å ta tak i denne omfattande saka, og saka vil bli vist vidare til tingretten for behandling der. 3. Vurderingar og konsekvensar Tilbod om forhandlingar Tidleg i juni tok Knut Liavaag, DK-sjef hjå NCC Construction, kontakt med fylkeskommunen og orienterte om at NCC var interesserte i forhandlingar for å prøve ut om det var grunnlag for ei løysing av sluttoppgjeret utanfor domstolane. I FU-møtet 16.juni vart det lagt fram eit notat frå advokatfirma Haavind AS der dei rådde FK til å prøve å forhandle fram ei løysing, som omfatta både ankesaka og dei «nye» krava. Haavind skriv at ved slike forhandlingar vil vi ha større kontroll over det endelege resultatet enn ved ei rettssak. Det vil også bli sparte advokatkostnader ved at vi slepp ankesaka i lagmannsretten og ei ny sak i tingretten / lagmannsretten. Ved forhandlingar vil partane måtte betale kvar sine advokatutgifter. I møtet 16.juni fekk Haavind AS i oppdrag å gjere ei prosessrisikovurdering av krava i ankesaka og dei «nye» krava som ligg føre frå NCC. Denne vurderinga låg føre 7.august. Mange av krava vart gjort greie for og vurderte i høve til kva risiko det ville vere for FK at NCC ville vinne fram i retten med det aktuelle kravet. Advokatane våre har for kvart krav antyda eit min- og maks.-tal for kva som kan bli resultatet av retten sine vurderingar. Haavind AS vurderer at fylkeskommunen sin risiko knytt til ankesaka ligg mellom 4 og 14 mill. kr (samla ankebeløp er 37,6 mill.kr). For dei «nye» krava frå sluttoppgjeret har Haavind AS vurdert kor stor risiko som er knytt til dei ulike krava og summert desse. Dei vurderer at fylkeskommunen sin risiko ved ei behandling av dei «nye» krava i retten vil ligge i området 18 til 38 mill. kr. Då er ikkje nokre krav på mindre enn 1 mill. kr rekna med, dei er ca. 6 mill. kr tilsaman, og har ein risiko på 40 60 %. Løns- og prisstigning / morarenter NCC fremja også krav om 10,4 mill. kr. for løns- og prisstigning (heretter LPS) i kontraktsperioden. NCC har krav på kompensasjon for løns- og prisstigning under visse føresetnader. Det endelege kontraktsvederlaget, inklusive tilleggsarbeid, vil vere avgjerande for kor mykje dei har krav på samt perioden når dei ulike arbeida vart utførte. Haavind AS peika på at berekninga av LPS derfor må skje etter at NCC sine krav er avgjorde, og at dei derfor ikkje kan gje nokon indikasjon på kva dette vil bli. SVV har gjort ei skjønnsmessig berekning av morarenter (9.0-9,5 % p.a.), ut frå dei vurderingar Haavind har gjort i prosessrisikovurderinga si.

Side 4 av 6 SVV skriv at «ein må forvente at NCC krev og truleg får tilkjent både LPS og morarenter på dei krava der dei heilt eller delvis vinn fram i retten. LPS vil då verte berekna frå kontraktsdato (3.kvartal 2010) til fakturadato. Morarenter vil normalt verte berekna frå forfallsdato på faktura til betalingsdato (etter retten sin dom). Etter ein gjennomgang av dei aktuelle fakturaene, har SVV berekna morarentene ut frå ei vurdering av at gjennomsnittsalder på krava vert 3 år på utbetalingsdato. SVV har berekna / skjønna på at morarentene kan bli mellom 6,6 og 15,0 mill. kr, alt etter kva NCC vinn fram med. Økonomi- og budsjettkonsekvensar Alle tal som vert vist til i saksutgreiinga og tilrådinga er eks. mva. FK får refundert mva.- utgiftene sine. Oversyn ulike krav: min. risiko maks risiko Ankesak lagmannsretten: 4,0 14,0 (prosessrisikovurdering) Nye krav > 1 mill., sluttoppgjer 18,0 38,0 (prosessrisikovurdering) Nye krav < 1 mill., sluttoppgjer 2,4 3,5 (40-60 % risiko av 5,9) SUM 1 24,4 55,5 Berekna morarenter 6,6 15,0 (vurdert av SVV) SUM 2 31,0 70,5 I tillegg låg det føre eit LPS-krav frå NCC på 10,4 mill. kr. Advokatutgifter kjem i tillegg. Ved forlik ber kvar av partane sine eigne advokatutgifter. Samla omtvista krav for anken til lagmannsretten og nye krav frå sluttoppgjeret er 165,7 mill. kr. Fylkesutvalet vedtok ei forhandlingsramme på 85 mill. kr. Prosjektet Dalsfjordsambandet er ikkje heilt sluttført enno. Anbod på etterarbeid med planering og arrondering av sprengstein, pålegging av jordmasser, tilsåing, tilbakeføring av deponiområde til dyrka mark m.m. Noko av dette arbeidet må gjerast våren 2015. I tillegg står det att sluttforhandlingar med grunneigarane, der FK også må dekke deira advokatutgifter. Då prosjekta Dalsfjordsambandet og Bremanger 2 vart starta opp, vart det sett av ei felles reserveramme på 10 % av kostnadsoverslaget (KS2) for desse to prosjekta. Etter kvart som anboda som kom inn for Bremanger 2 viste seg å verte rimelegare enn føresett, vart denne reserveramma omdisponert til andre vegprosjekt (t.d. Kinnvegen, Naustdal kai Sæle, Holentunnelen, Agjeldstunnelen). Dermed er vi i den situasjon at reserveramma i 2014 er teken ned til 6 mill. kr. I budsjettet for 2014 var det presentert eit kostnadsoverslag for prosjektet på 1242 mill. 2014- kr. Dette var inkludert endringar som følgje av nytt mva. regelverk frå 1.1.2013. Gjeldande kostnadsoverslag i prosjektet er no 1 263 mill. 2014-kr. Endringane i høve til gjeldande budsjett er grunna i at omrekningsfaktorane er auka i høve til anslaget som vart nytta i budsjettet. I tillegg er anslaget for mva. grunna i nytt regelverk auka og justert for konsekvensar av forliket. Samla auke på grunn av nytt mva. regelverk er 80,3 mill. kr. Dersom forliket vart godkjent av fylkestinget er samla prognose for prosjektet 1 302,4 mill. 2014-kr. Samla kostand for prosjektet vert såleis 39 mill. kr over kostnadsoverslaget. Ut frå dette er behovet for auka finansiering 46,3 mill. kr i 2014 og 5 mill. kr i 2015. Forhandlingar mellom SVV/FK og NCC Onsdag 27.august vart det gjennomført forhandlingar i SVV sine lokale i Fyllingsdalen i Bergen. Frå FK/SVV deltok regionvegsjef Helge Eidsnes, avdelingsdirektør Nils Magne Slinde og fylkesdirektør Velaug Veum. Frå NCC møtte Knut Liavåg (distriktssjef Region anlegg DK spesialproduksjon) og Anders Haukedalen (direktør og rådgjevar for Dalsfjordprosjektet). Det

Side 5 av 6 vart forhandla utan medverknad frå advokatane. Regionvegsjef Helge Eidsnes leia forhandlingane. Haavind AS hadde i forkant rådd til at det i første omgang vart prøvd å forhandle fram ei «rund sum» - løysing, for å unngå tidkrevjande forhandlingar om enkeltsaker. NCC var samde i ei slik overordna tilnærming. Alternativet ville vere forhandling på eit meir detaljert nivå, der juristar og prosjektmedarbeidarar måtte gjennomgå dei einskilde krava. Ved start av forhandlingane var det semje om at eit «rundsum»-oppgjer må omfatte følgjande Alle krav frå NCC Løns- og prisstigning (LPS) Morarenter Kvar av partane dekker eigne sakskostnader MVA er ikkje inkludert. NCC summerte opp sine krav til 186 mill.kr. inkludert morarenter og LPS, men eks. mva. Beløpet kom fram gjennom uteståande krav på 165,7 mill. kr. + 20 mill. kr. i morarenter. Seinare vart dette justert ned til 182 mill. kr. p.g.a. reknefeil hjå NCC. FK/SVV sitt opningstilbod var 35 mill.kr., ut frå at vi vurderte at noko var rettkomne krav og at begge partar må vere villige til å gje noko i forhandlingar. Dessutan var dette i samsvar med Haavind AS sine vurderingar av at risikoen i ei rettsleg behandling ville «ligge i området mellom MNOK 36,5 og MNOK 78,5» NCC var klare på at dei måtte ha eit tresifra beløp om det skulle bli semje. Etter fleire pausar og særmøte gjorde Eidsnes det klart at 75 mill. kr var vårt siste og endelege tilbod. Dette tok NCC ein pause og eit nytt særmøte på. Dei kom attende og sa dei ønskte å diskutere nye vilkår for eit slikt forlik: 1. NCC ønskte raskast mogleg utbetaling. Det var semje om at viss FU godkjenner eit slikt forlik 24. september, skal pengane betalast ut innan 30. september. Etter dette vert det rekna morarenter etter vanleg sats (9,5 %) på heile forliksbeløpet. 2. NCC ønskte at vi fråfall alle garantiansvar / reklamasjonar på prosjektet. Krav nr. 2 gjekk SVV / FK ikkje med på, og NCC trekte dette kravet. Det vart vidare avtalt at SVV utarbeider eit framlegg til forliksavtale, inkludert juridisk kvalitetssikring. Forliksavtalen ligg som vedlegg i saka. SVV vil førebu ei utbetaling slik at vi får overført pengane til NCC innan 30.september. Det vert også utarbeidd ei pressemelding som vert sendt ut så snart fylkestinget har gjort sitt vedtak. Rettslege konsekvensar Dersom forhandlingsresultatet ikkje vert vedteke, vert ankesaka behandla i Gulating lagmannsrett 14. 17. november 2014. Dei «nye krava» frå sluttoppgjeret vil bli behandla i tingretten, truleg i 2015, og så gå vidare til lagmannsretten. Førebels er forliksklagen for sluttoppgjeret motteken. 4. Konklusjon Den framforhandla forliksavtalen ligg innanfor min- og maks-rammene i Haavind AS si risikovurdering og 10 mill.kr. under forhandlingsramma vedteken av fylkesutvalet. Ved å akseptere forliksavtalen unngår fylkeskommunen tre nye rundar i rettsapparatet og vi vert ferdige med prosjektet. Dersom fylkestinget godkjenner forliksavtalen på 75 mill. kr vil prosjektet ha behov for ein auke på 46,3 mill. kr i 2014 og 5 mill. kr i 2015. Fylkesrådmannen rår til at dette vert finansiert ved fleire omdisponeringar innanfor samferdsle sine rammer. Avviksfondet for store prosjekt har att 6,1 mill. kr som kan gå inn i finansieringa. Det er sett av 8 mill. kr til uføresette hendingar på fylkesvegnettet i 2014, desse kan omdisponerast. Ved årsavslutninga i 2012 vart 10,5 mill. kr sett på disposisjonsfond for samferdsle. Desse pengane

Side 6 av 6 kan nyttast no. Det er lagt til grunn at 8 mill. kr vil finansierast med refusjon av mva. Skadefondet for uføresette hendingar på fylkesvegane har i dag ein saldo på 37 mill. kr og ved å bruke 13,7 mill. kr frå dette, vil 46,3 mill. kr vere finansiert i 2014. Finansiering i 2015 på 5 mill. kr må løysast innanfor ramma til samferdsle i samband med budsjettet for 2015. Fylkesrådmannen tilrår at forliksavtalen vert godkjent.

Forliksavtale mellom Sogn og Fjordane Fylkeskommune og NCC Construction AS Det er inngått slik forliksavtale mellom Sogn og Fjordane fylkeskommune (SFF) Organisasjonsnummer 941388841 som vegeigar og NCC Construction AS (NCC) Organisasjonsnummer 911274426 som entreprenør om alle omtvista krav inntekne i sluttoppgjeret for anlegget Dalsfjordsambandet, jf. kontrakt av 08.09.2010 mellom dei nemnde partane. 1. Som fullt og endeleg oppgjer betalar SFF kr 75.000.000,- (kroner syttifem million) eksklusiv meirverdiavgift (MVA) 2. Oppgjeret omfattar alle omtvista krav NCC har fremja mot SFF som følgje av prosjektet fv 609/fv 057, også dei krava som er til handsaming i Gulating lagmannsrett i sak 13-170064ASD-GULA/AVD1. 3. Summen omfattar også alle krav knytt til saknadsrente, morarente og LPS. Omforeint sum skal tilleggast MVA etter vanlege reglar. 4. Summen skal fakturerast til Statens vegvesen (SVV) (prosjektet) med betalingsfrist 30.09.2014 under føresetnad av at SVV har fakturaen i hende innan 24.09.14. Morarente vert lagt til frå forfall til betaling skjer. 5. SFF og NCC dekkjer eigne kostnader med juridisk bistand. 6. Denne forliksavtalen er inngått først når han er underteikna av båe partar, samt godkjend av fylkestinget i Sogn og Fjordane fylkeskommune. For Sogn og Fjordane fylkeskommune: For NCC Construction as:.. Åshild Kjelsnes Fylkesordfører.. Knut Liavaag Påteikning: Underteikna stadfester at denne avtalen er godkjend av fylkestinget i møte den 23.09.14, sak:... -underskrift og stempel-

Saksprotokoll Organ: Fylkesutvalet Møtedato: 23.09.2014 Sak nr.: 10/6327-66 Internt l.nr. 29635/14 Sak: 113/14 Tittel: Dalsfjordsambandet - forliksavtale Behandling: Dette gir følgjande endeleg vedtak: Fylkesutvalet rår fylkestinget til å gjere slikt vedtak: 1. Fylkestinget godkjenner forliksavtalen mellom Sogn og Fjordane fylkeskommune og NCC Construction AS, jf. vedlegg. 2. Sogn og Fjordane fylkeskommune betalar 75 mill.kr. som sluttoppgjer til NCC innan 30.september 2014. 3. Dalsfjordsprosjektet får ei tilleggsløyving på 46,3 mill.kr. Denne vert finansiert ved slike omdisponeringar: - 6,1 mill. kr : Buffer for store prosjekt på investeringsbudsjettet i 2014-8,0 mill. kr : Driftsløyving til skadefond fylkesvegar i 2014-10,5 mill. kr : Disposisjonsfond, avsett ved årsavslutninga i 2012-13,7 mill. kr : Skadefond på fylkesvegnettet - 8,0 mill. kr : Mva. refusjon

Saksprotokoll Organ: Fylkesutvalet Møtedato: 23.09.2014 Sak nr.: 13/7820-74 Internt l.nr. 29636/14 Sak: 114/14 Tittel: Søknad om fritak frå styreverv i F1 Holding AS Behandling: Frå fylkesrådmannen låg det føre slik tilråding til vedtak: 1. Fylkesutvalet fritek Åshild Kjelsnes frå vervet som medlem og leiar av styret i F1 Holding AS. 2. Fylkesutvalet peikar ut som ny styremedlem til F1 Holding AS for resten av perioden Åshild Kjelsnes er valt, dvs. ut valperioden 2011-2015:. 3. Fylkesutvalet peikar ut følgjande som ny styreleiar i F1 Holding AS for resten av valperioden 2011-2015:. 4. Fylkesutvalet ber styreleiar i F1 Holding AS kalle inn til ekstraordinær generalforsamling for nyval av styremedlem og styreleiar. Endringsframlegg: Arbeidarpartiet sette fram slikt framlegg til punkt 2 og 3: Karianne Torvanger Høgre, Framstegspartiet og Venstre sette fram slikt framlegg til punkt 2: Rita Navarsete Høgre, Framstegspartiet og Venstre sette fram slikt framlegg til punkt 3: Alfred Bjørlo Avrøysting: Punkta 1 og 4 i fylkesrådmannen si tilråding vart samrøystes vedtekne. Åshild Kjelsnes, Nils P. Støyva, Jenny Følling, Anders Ryssdal, Anita Nybø og Trude Brosvik røysta for Arbeidarpartiet sitt framlegg til punkt 2. Noralv Distad, Frank Willy Djuvik og Marit Barsnes Krogsæter røysta for Høgre, Framstegspartiet og Venstre sitt framlegg til punkt 2. Åshild Kjelsnes, Nils P. Støyva, Jenny Følling, Anders Ryssdal og Anita Nybø røysta for Arbeidarpartiet sitt framlegg til punkt 3. Noralv Distad, Frank Willy Djuvik, Marit Barsnes Krogsæter og Trude Brosvik røysta for Høgre, Framstegspartiet og Venstre sitt framlegg til punkt 3.

Dette gir følgjande endeleg vedtak: 1. Fylkesutvalet fritek Åshild Kjelsnes frå vervet som medlem og leiar av styret i F1 Holding AS. 2. Fylkesutvalet peikar ut som ny styremedlem til F1 Holding AS for resten av perioden Åshild Kjelsnes er valt, dvs. ut valperioden 2011-2015: Karianne Torvanger. 3. Fylkesutvalet peikar ut følgjande som ny styreleiar i F1 Holding AS for resten av valperioden 2011-2015: Karianne Torvanger. 4. Fylkesutvalet ber styreleiar i F1 Holding AS kalle inn til ekstraordinær generalforsamling for nyval av styremedlem og styreleiar.