BREMANGER KOMMUNE Formannskapet Hovudutskrift Møtedato: 16.02.2012 Møtetid: Kl. 09:00 15.30 Møtestad: Rådhuset Saksnr.: 018/12-045/12 Tilstades på møtet: Karl Vidar Førde Nina Klara Grotle Espen Gulliksen Bjørnar Førde Kåre Jarl Langeland Audun Åge Røys Petra Strømmen Forfall meldt frå følgjande medl. Parti Følgjande varamedl. møtte Parti Anita Nybø Sp Bjørnar Førde Ap Ugilde Sak Følgjande varamedl. møtte Møteleiar: Frå adm. møtte: Karl Vidar Førde Tom Joensen, Randi Ytrehus, Inger Hilde og Magnhild Myklebust Frå org. møtte: Utlevert i møtet: Orientering: Sp.mål/interpell.: Behandla saker: Sak nr.: F.o.m.018/12 t.o.m.45/12 Synfaring: Diverse:
Underskrifter: Utskrift til: Medlemmane i utvalet for godkjenning og underskrift Økonomisjef Revisor
Sakliste Formannskapet den 16.02.2012 Sak nr. Saktittel 018/12 Innkalling og sakliste 019/12 Godkjenning av møtebok 020/12 Referatsaker 021/12 Framlegg til ny rammeavtale og delavtaler til endeleg handsaming 022/12 Søknad om løyve til tiltak - oppføring av bryggje som tilbygg til sjøbu i Bjørsvika - gnr.14 bnr.6 i Bremanger kommune 023/12 Søknad om tiltak - søknad om rammeløyve og dispensasjon frå reguleringsplan for Tretteskjervika i Bremanger kommune - gnr.40 bnr.8 024/12 Naustneset, ny reguleringsplan, vedtak om offentleg ettersyn 025/12 Naustneset Panorama - Dispensasjonssøknad. Dispensasjon frå reguleringsplan for Svelgen frå 2001 026/12 Politisk sak om dispensasjon, endring til bustadføremål i Struen-feltet 16/9 027/12 Dispensasjon fra reguleringsplan, faresone høgspent 028/12 Bremanger kommune - søknad om dispensasjon for oppføring av naust på gbnr 85/3 Leirgulen 029/12 Intensjonsavtale Frøyen om reguleringsplanarbeid for bustadfelt, sak om planoppstart 030/12 Lokal forskrift for open brenning og brenning av avfall i småomnar - til offentleg høyring etter forvaltningslova 37 031/12 Dispensasjon frå reguleringsplan for hytteområde på gbnr 30/3 ved vegen til Vågane 032/12 Dispensasjon frå arealplan for deling av gbnr 12/2 på Grotle 033/12 Dispensasjon frå arealplan for deling av hyttetomt under gbnr 107/3 på Dombestein 034/12 Klage på delegert vedtak 04/12 om avslag på søknad om oppføring av spikartelt mm. på gbnr 36/23 på Dyrstad 035/12 Klage på oppført garasje på gbnr 38/73 i Elvavegen 10 og søknad frå gbnr 38/73 om dispensasjon frå avstandskrav og avvik frå byggjeløyve 036/12 Strategiplan for miljøtilskot i landbruket i Bremanger kommune 2012-2016 - slutthandsaming etter høyring i faglaga i kommunen 037/12 Privat utbygging av bustadfelt på Langeneset
038/12 Bruk av næringsfondet 2012 Ikkje off. saker: 039/12 Søknad om etableringstilskot og ansvarleg lån - Eco Ice AS 040/12 Søknad om tilskott frå næringsfondet - Knutholmen AS 041/12 Søknad om ansvarleg lån - Harald Gulestøl 042/12 Søknad om etableringstilskot og ansvarleg lån - Nordgulen AS 043/12 Søknad om ansvarleg lån - Roald Solheim 044/12 Søknad om tilskot og ansvarleg lån - Bremanger Trim SA Off. saker 045/12 Saker som kjem til i møte
BREMANGER KOMMUNE Sakspapir Styre, råd, utval Møtedato Saksnr. Sakshands. Formannskapet 16.02.2012 018/12 HJM Avgjerd av: Saksansv.: Hilde Jenssen Midtbø Arkiv: K2-Møtebok Arkivsaknr.: 12/239 Innkalling og sakliste Nr. T. Dok.dato Avsendar/Mottakar Tittel 1 S 27.01.2012 Innkalling og sakliste Saksutgreiing: Innkalling og sakliste til møte i formannskapet den 16.02.2012 til godkjenning. Rådmannen sitt framlegg til vedtak: Innkalling og sakliste til møte i formannskapet vert godkjende slik dei ligg føre..
16.02.2012 Formannskapet FSK-018/12 Vedtak: Innkalling og sakliste til møte i formannskapet vert godkjende slik dei ligg føre, med saker som kjem til i sak 045/12: 1. Kommunen som eigarar av selskap/medlem i organisasjonar. 2. Beredskap ved stenging av veg /Rutetilbod (fly) 3. Status Hamn og Næring 4. Buvika kommunale plikter 5. Kalvåg oppvekst 6. Grotlesanden opprydding etter Dagmar 7. 420 kv linje.
BREMANGER KOMMUNE Sakspapir Styre, råd, utval Møtedato Saksnr. Sakshands. Formannskapet 16.02.2012 019/12 HJM Avgjerd av: Saksansv.: Hilde Jenssen Midtbø Arkiv: K2-Møtebok Arkivsaknr.: 12/238 Godkjenning av møtebok Kva saka gjeld: Møtebøker for formannskapet den 17.01.12 og kommunestyret den 19.01.12 til godkjenning og underskrift. Rådmannen sitt framlegg til vedtak: Møtebøker for formannskapet den 17.01.12 og 19.01.12 vart godkjende og skrivne under slik dei ligg føre. 16.02.2012 Formannskapet FSK-019/12 Vedtak: Møtebøker for formannskapet den 17.01.12 og kommunestyret den 19.01.12 vart godkjende og skrivne under slik dei låg føre..
BREMANGER KOMMUNE Sakspapir Styre, råd, utval Møtedato Saksnr. Sakshands. Formannskapet 16.02.2012 020/12 HJM Avgjerd av: Saksansv.: Hilde Jenssen Midtbø Arkiv: K2-Møtebok Arkivsaknr.: 12/237 Referatsaker 1. Referat frå LVK møte 2. Kystvegen Måløy-Florø 3. Den gode skuleeigar Rådmannen sitt framlegg til vedtak: Referatsaker vert vedtekne slik dei ligg føre. 16.02.2012 Formannskapet FSK-020/12 Vedtak: 1. Teke til vitande 2. Teke til vitande 3. Teke til vitande
. BREMANGER KOMMUNE Sakspapir Styre, råd, utval Møtedato Saksnr. Sakshands. Formannskapet 16.02.2012 021/12 RY Avgjerd av: Saksansv.: Randi Ytrehus Arkiv: K1-601, K3-&01 Arkivsaknr.: 11/1831 Framlegg til ny rammeavtale og delavtaler til endeleg handsaming Dokumentliste: Vedlegg: Framlegg til Rammeavtale. Delavtale om partane sitt ansvar for helse-og omsorgsoppgåver. Delavtale om retningslinjer for utskriving av pasientar. Delavtale om den akuttmedisinske kjeda. Nr. T. Dok.dato Avsendar/Mottakar Tittel 1 I 14.12.2011 Helse Førde Framlegg til ny rammeavtale til endeleg handsaming
Aktuelle lover, forskrifter, avtalar m.m.: Helse og omsorgstjenestelova av 14.06.2011 6-1 mfl. Kva saka gjeld: Handsaming av rammeavtale og delavtaler mellom Bremanger kommune og Helse Førde. Bakgrunn for saka/saksutgreiing: I samband med samhandlingsreforma og nytt lovverk vert det utarbeidd framlegg til ny rammeavtale og delavtaler mellom Helse Førde HF og den einskilde kommune i Sogn og Fjordane. Eit nedsett utval med representantar frå kommunane, Helse Førde og ein brukarrepresentant har gjennomført prosessen på oppdrag frå Koordineringsrådet. Eit utkast til rammeavtale har vore ute til høyring hjå partane og andre aktuelle instansar. Koordineringsrådet handsama saka den 01.12.11 på bakgrunn av innkomne høyringsuttaler. Det er kommunestyret sjølv som etter helse-og omsorgslova må gjere vedtak i saka. På bakgrunn av frist sett av departementet, vart det oppmoda om handsaming innan 31.01.12. Kommunane i SIS (Flora, Førde, Jølster og Gaular), HAFS (Hyllestad, Askvoll, Fjaler og Solund), Balestrand, Høyanger og Bremanger har inngått prosjektsamarbeid i høve Samhandlingsreforma. Utkast til rammeavtale vart drøfta i møte i prosjektgruppa 04.11.11 og gav uttale til framlegget. Nokre av våre innspel vart teke til følgje, medan andre ikkje vart det. I møte i prosjektgruppa 06.01.12 vart punkt 3.1 særskilt drøfta som vesentleg for eit likeverdig samarbeid. I medio januar vart dette drøfta i Rådmannsutvalet i Sogn og Fjordane og det vart nytt møte mellom Helse Førde HF og KS der ein kom fram til følgjande innhald i punkt 3.1: 3.1 Dialogmøte mellom styret i Helse Førde og politisk leiing i kommunane /fylkeskommunen Dialogmøtet skal vere ein arena for drøfting av strategisk utvikling av helsetenestene og samhandlinga. Deltakarar frå Helse Førde er styret og adm. direktør. Frå kommunane deltek ein representant frå kvar kommune/fylkeskommunen, primært frå politisk leiing, og i tillegg møter leiaren i rådmannsutvalet i KS. Helse Førde ivaretek saman med KS sekretariatsfunksjonen. Forumet har møte minst to gonger i året. Partane skal samarbeide om førebuing og gjennomføring av dialogmøtet. Partane ber eigne kostnader. Ovanfor har vi fått inn:.. Frå kommunane deltek ein representant frå kvar kommune/fylkeskommunen, primært frå politisk leiing, og i tillegg møter leiaren i rådmannsutvalet i KS. I forige framlegg til rammeavtale var teksten: Dialogmøte mellom styret i Helse Førde og politisk leiing i kommunane/fylkeskommunen.
Koordineringsrådet hadde oppe framlegg til ny rammeavtale 30.01.12 som orienteringssak. I møtet den 30.01.12 hadde Koordineringsrådet også oppe vidare arbeid med delavtalene: Delavtale om partane sitt ansvar for helse-og omsorgsoppgåver. Delavtale om retningslinjer for utskriving av pasientar. Delavtale om den akuttmedisinske kjeda. Avtaleutvalet skal arbeide meir med desse tre delavtalane der målet er å ha framlegga klare til medio februar. Kommunestyret i Bremanger har gjort følgjande vedtak: KST-008/12 Vedtak: Kommunestyret gjev fullmakt til Formannskapet i Bremanger til å inngå Rammeavtale og tenesteavtaler mellom Bremanger kommune og Helse Førde HF. Jamfør Kommunelova 13. Utvidet myndighet i haste-sakerhasteparagrafen Vurdering: Endringa i punkt 3.1 er vesetleg for at kommunen skal inngå Rammeavtalen. Det har vore arbeidd grundig med avtalene frå kommunane, brukarane og Helse Førde HF si side, og det er tenleg å tilrå kommunen å inngå Rammeavtalen slik den no ligg føre. Framlegg til delavtalene er ikkje ferdige til enno, og vert å komme attende til. Målet er å få handsame desse saman med Rammeavtalen i møtet i F.skapet 16.02.12. Når administrasjonen har motteke framlegga, vert dei sendt ut til politikarane snarast råd. Dersom dei ikkje vert ferdige før møtet i F.skapet 16.02, bør saka verte utsett. Det er tenleg at avtalene mellom Helse Førde HF og kommunane er likelydande. Delavtalene: 08.01.2012 mottok administrasjonen i Bremanger kommune framlegg til dei 3 delavtalene, og legg dei derfor inn i saka. Aktuelle lover, forskrifter, avtalar m.m.: Lov om kommunale helse- og omsorgstenester, 6, Lov om spesialisthelsetenester, 2-1e) Kva saka gjeld:
SAMHANDLINGSREFORMA DELAVTALAR MELLOM BREMANGER KOMMUNE OG HELSE FØRDE HF. Bakgrunn for saka: Vedlegg: Framlegg til delavtalar mellom kommunane og Helse Førde HF, 08.02.12: Bakgrunn: 1. Delavtale om partane sitt ansvar for helse- og omsorgsoppgåver og tiltak partane skal utføre 2. Delavtale om retningsliner for samarbeid om utskrivingsklare pasientar som vert vurdert å ha behov for kommunale tenester etter utskriving frå spesialisthelsetenesta - somatikk 3. Delavtale om den akuttmedisinske kjeda Nasjonal rettleiar og mal Koordineringsrådet 01.12.11 Framlegg til ny rammeavtale mellom kommunane og Helse Førde HF Fagrådet 26.01.12 Koordineringsrådet 30.01.12 Saksutgreiing: Etter helse- og omsorgstenestelova 6 er det obligatorisk for kommunane og helseføretaket å inngå samarbeidsavtalar med eit visst minimumsinnhald. Helse- og omsorgsdepartementet tok i oktober 2011, i samband med utsending av ein nasjonal rettleiar og mal for avtalar, avgjerd om at det innan 31.01. 12 skulle ligge føre samarbeidsavtalar som omfattar følgjande lovpålagde element i 6-2: «1) Enighet om hvilke helse- og omsorgsoppgaver forvaltningsnivåene er pålagt ansvaret for og en felles oppfatning av hvilke tiltak partene til enhver tid skal utføre 3)Retningslinjer for innleggelse i sykehus 5) Retningslinjer for samarbeid om utskrivningsklare pasienter som antas å ha behov for kommunale tjenester etter utskrivning fra institusjon 11) Omforente beredskapsplaner og planer for akuttmedisinsk kjede»
Ved drøftingar mellom KS og Helse Førde har ein kome til semje om at gjeldande delavtale om rutinar for tilvising og utskriving kan vidareførast inntil vidare når det gjeld tilvising («innleggelse i sjukehus»). Det same gjeld avtalen om utskrivingsrutinar på områda rus/psykisk helse. I høve til beredskap, har ein vidare vorte samde om å innta ein intensjonavtale i rammeavtalen, som eit utgangspunkt for vidare utvikling av samhandlinga på dette området. Ein står då att med tre aktuelle område for delavtalar: 1. Delavtale om partane sitt ansvar for helse- og omsorgsoppgåver og tiltak partane skal utføre 2. Delavtale om retningsliner for samarbeid om utskrivingsklare pasientar som vert vurdert å ha behov for kommunale tenester etter utskriving frå spesialisthelsetenesta - somatikk 3. Delavtale om den akuttmedisinske kjeda Partane har i fellesskap utarbeidd ein plan for arbeidet med delavtalar, som har vorte stadfesta av koordineringsrådet. Det har vore oppnemnt felles arbeidsgrupper med representantar frå kvar av partane, som har kome til semje om framlegg til delavtalar. Desse framlegga låg føre den 19.01.12. Framlegga til delavtalar har vore handsama i fagrådet den 26.01.12 og i koordineringsrådet den 30.01.12. Koordineringsrådet ba avtaleutvalet (felles utval som tidlegare har utarbeidd framlegg til rammeavtale) ferdigstille eit framlegg til avtale om ansvarsavklaring. Vidare vart avtaleutvalet bedt om å gjere eit redaksjonelt arbeid med sikte på mest mogeleg einsarta struktur i avtalane og ei god kobling til rammeavtalen. Etter vidare drøftingar mellom partane ligg det no føre nye omforeinte framlegg til del-avtalar. Desse har vore handsama i KS sitt fylkesstyre den 08.02.12, og fylkesstyret tilrår kommunane å vedta avtalane. Etter helse- og omsorgstenestelova 6 er det kommunestyret sjølv som må gjere vedtak om avtalar som gjeld minimumskrav etter 6-2 i lova. Vurdering:
Avtalane er ulike med tanke på detaljeringsgrad. I høve avtalen om utskriving, har det vore naudsynt med ein forpliktande avtale som relativt konkret regulerer aktuelle rutinar. På dei to andre områda gir avtalane meir eit utgangspunkt for og ei felles forplikting til vidare og meir konkrete avklaringar. Det har vore kort frist for arbeidet, og det har ut frå dette vore naudsynt å avgrense ambisjonsnivået i arbeidet med avtalane. Ein er no på etterskot i høve fristen fastsett av departementet. Det er rådmannen si vurdering at det har vore viktig at partane har nytta naudsynt tid til å få reelle drøftingar og kome til semje. Dei avtaleframlegga som ligg føre gir eit godt utgangspunkt for å avklare ansvar og utvikle samhandlinga på viktige område framover. Rådmannen sitt framlegg til vedtak: Bremanger kommune inngår Rammeavtalen slik den ligg føre. Bremanger kommune inngår følgjande delavtalar med Helse Førde HF i samsvar med framlegg av 08.02.12: 1. Delavtale om partane sitt ansvar for helse- og omsorgsoppgåver og tiltak partane skal utføre. 2. Delavtale om retningsliner for samarbeid om utskrivingsklare pasientar som vert vurdert å ha behov for kommunale tenester etter utskriving frå spesialisthelsetenesta - somatikk. 3. Delavtale om den akuttmedisinske kjeda. 16.02.2012 Formannskapet FSK-021/12 Vedtak: Samrøystes vedtak som framlegget frå Rådmannen.
. 12.01.12 Rammeavtale mellom Helse Førde HF og
Bremanger kommune
1. Partane Partane i denne avtalen er Helse Førde HF og Bremanger kommune. 2. Bakgrunn, føremål og virkeområde 2.1 Bakgrunn Denne rammeavtalen byggjer på tidlegare rammeavtale mellom Helse Førde og kommunane i Sogn og Fjordane. Avtalen er revidert på grunnlag av gjennomført evaluering og nye krav som følgjer av samhandlingsreforma. Partane er etter lov om kommunale helse- og omsorgstenester av 14.06.11 6-1 mfl. pålagt å inngå samarbeidsavtale. Ved inngåing av rammeavtalen og vedtak av delavtalar, oppfyller partane si lovpålagte plikt til å inngå samarbeidsavtale. Når partane i denne rammeavtalen brukar uttrykket avtale omfattar det både rammeavtalen og dei fastsette delavtalane som er omtalte nedanfor. 2.2 Føremål Denne avtalen skal fremje kommunikasjonen mellom spesialisthelsetenesta og kommunane. Føremålet med avtalen er vidare å konkretisere oppgåve- og ansvarsfordelinga mellom kommunen og helseføretaket, samt å etablere gode samarbeidsrutinar på sentrale samhandlingsområde. Avtalen skal medverke til at pasientar og brukarar mottek eit heilskapleg tilbod om helse- og omsorgstenester. Rammeavtalen skal gi overordna føresegner om samarbeidsformer, generelle føresegner som gjeld uavhengig av tenesteområde mv, og fastsetje ein prosess for vedtak av delavtalar mellom partane og felles prosedyrar. Avtalane skal medverke til å sikre reell brukarmedverknad. Partane skal i delavtalar og prosedyrar gi meir detaljerte føresegner, m.a. om konkrete pasientforløp, ansvars- og rolledeling, partane sitt informasjons- og rettleiingsansvar, finansiering, organisering, eventuelt behov for avklaring av arbeidsgjevaransvar, mv. Delavtalane skal inngå som vedlegg til rammeavtalen, og er på same måte som rammeavtalen rettsleg bindande mellom partane med mindre anna går fram. I tilfelle motstrid mellom denne avtalen og delavtalar skal denne avtalen ha forrang. Pasientane/brukarane skal oppleve at tenestene: er fagleg gode
er samordna og heilskaplege er prega av kontinuitet blir utført på ein god måte på tvers av kommunegrensene og forvaltningsnivåa byggjer på grunnprinsippet om myndiggjorde tenestemottakarar og deira medagering i tenesteytinga 2.3 Verkeområdet Kommunen og helseføretaket er gjennom lovverket tillagt kvar sine kompetanse- og ansvarsområde. Verkeområdet for samarbeidsavtalen er dei områda der lova pålegg partane å inngå samarbeidsavtale og område der partane sitt ansvar overlappar kvarandre eller der ein er i vekslingssonene for ansvarsoverføring mellom tenestenivåa og der det slik er behov for samordning mellom partane. 3. Samarbeidsformer og samhandlingsorgan Samarbeidet skal pregast av ei løysingsorientert haldning og prinsippet om at avgjerder skal takast så nær pasienten/brukaren som mogleg. For å kunne tilrettelegge for god samhandling, skal ein ha føremålstenlege organ der partane kan møtast. 3.1 Dialogmøte mellom styret i Helse Førde og politisk leiing i kommunane /fylkeskommunen Dialogmøtet skal vere ein arena for drøfting av strategisk utvikling av helsetenestene og samhandlinga. Deltakarar frå Helse Førde er styret og adm. direktør. Frå kommunane deltek ein representant frå kvar kommune/fylkeskommunen, primært frå politisk leiing, og i tillegg møter leiaren i rådmannsutvalet i KS. Helse Førde ivaretek saman med KS sekretariatsfunksjonen. Forumet har møte minst to gonger i året. Partane skal samarbeide om førebuing og gjennomføring av dialogmøtet. Partane ber eigne kostnader. 3.2 Koordineringsrådet Koordineringsrådet er eit administrativt samarbeidsutval mellom Helse Førde HF og dei kommunane i Sogn og Fjordane som har inngått denne samarbeidsavtalen. Oppgåver Koordineringsrådet har ansvar for å
følgje opp og vedlikehalde denne samarbeidsavtalen gi si vurdering i saker av prinsipiell administrativ, fagleg og økonomisk karakter som gjeld samhandling i høve pasientar/brukarar drøfte og tilrå løysing ved usemje som ikkje kan løysast på anna nivå tilrå delavtalar overfor partane og godkjenne prosedyrar som gjeld samhandling om felles pasientar etter framlegg frå fagrådet eller ein eller fleire av partane drøfte rapportar om avvik og uønska hendingar som gjeld samhandlinga førebu dialogmøtet arrangere samhandlingskonferansen fokusere på erfaringsutveksling, kompetanseoverføring og felles møteplassar bidra til utvikling og spreiing av gode modellar for samhandling ha eit oppdatert oversyn over ulike samhandlingsprosjekt i Sogn og Fjordane Samansetjing Koordineringsrådet er samansett av 5 representantar frå kommunane, 5 frå Helse Førde HF og to brukarrepresentantar. Ein av kommunerepresentantane og ein av representantane frå helseføretaket skal også vere medlemar i fagrådet (gjennomgåande representasjon). Det skal oppnemnast vararepresentantar. KS i fylket syter for oppnemning av dei kommunale representantane. Ved oppnemninga skal ein sikre at det er ein representant frå alle regionrådssamarbeida i fylket. Brukarutvalet oppnemner brukarrepresentantane. Medlemane er sjølve ansvarlege for kontakten med dei som dei representerer. Fylkesmannen i Sogn og Fjordane, KS Sogn og Fjordane og Sogn og Fjordane fylkeskommune har møte- og talerett for ein utsending kvar. Representantane blir oppnemnde for to år. Arbeidsform Rådet konstituerer seg sjølv. Leiar- og nestleiarfunksjonen vekslar årleg mellom Helse Førde HF og kommunane. Funksjonsperioden for rådet er november - november. Saker blir fremja av partane gjennom representantane, som har eit sjølvstendig ansvar for å bringe fram tema/saker til handsaming. Vedtak føreset at alle medlemane er samde og forpliktar partane. Helse Førde HF og den enkelte kommunen har ansvar for at vedtak blir gjennomførde. Koordineringsrådet skal ha møte minimum 4 gonger pr. år, og møteplan for funksjonsperioden blir avtalt. Utvalet legg fram årsrapport i 1. kvartal. Sekretariatsfunksjonen ligg til Helse Førde HF. Helse Førde HF og kommunane ber eigne kostnader. 3.3 Fagrådet Fagrådet er eit samarbeidsutval mellom Helse Førde HF og dei kommunane i Sogn og Fjordane som har inngått denne samarbeidsavtalen. Oppgåver
Fagrådet har ansvar for å på oppdrag frå koordineringsrådet eller på eige initiativ førebu og utgreie dei faglege sidene og synleggjere pasientomsyna i saker som skal godkjennast i koordineringsrådet på oppdrag frå koordineringsrådet syte for gjennomføring av naudsynte prosessar i samband med utarbeiding av framlegg til delavtalar og prosedyrar, m.a. oppnemning av aktuelle kliniske arbeidsgrupper leggje til rette for andre samhandlingsmøte for fagpersonar og mellomleiarar på tvers av nivåa og leggje vekt på erfaringsutveksling, kompetanseoverføring, kunnskaps- og kompetanseheving vurdere meldingar om avvik og uønska hendingar som gjeld samhandling med tanke på læring og systemforbetring bidra til å utvikle og spreie gode modellar for samhandling Samansetjing Fagrådet består av 5 faglege representantar frå kommunane og 5 faglege representantar frå Helse Førde HF. Rådet skal ha ei tverrfagleg samansetjing. Ein av kommunerepresentantane og ein av representantane frå helseføretaket skal også vere medlemar i koordineringsrådet (gjennomgåande representasjon). Det skal oppnemnast vararepresentantar. KS i fylket syter for oppnemning av dei kommunale representantane. Ved oppnemninga skal ein sikre at det er ein representant frå alle regionrådssamarbeida i fylket. Medlemane er sjølve ansvarlege for kontakten med dei ein representerer. Praksiskonsulentane ved Helse Førde skal ha møte- og talerett i fagrådet. Representantane blir oppnemnde for to år, samstundes med oppnemning av representantar til administrativt samarbeidsutval. Arbeidsform Rådet konstituerer seg sjølv. Leiar- og nestleiarfunksjonen vekslar årleg mellom Helse Førde HF og kommunane. Funksjonsperioden for rådet er november - november. Saker blir fremja av partane gjennom representantane, som har et sjølvstendig ansvar for å bringe fram tema/saker til handsaming. Saker som er av ein slik karakter at dei skal handsamast i koordineringsrådet og/eller dialogmøtet skal brukarutvalet på førehand ha til fråsegn. Rådet har møte minimum 4 gonger pr. år og møteplan for funksjonsperioden blir avtalt. Sekretariatsfunksjonen ligg til Helse Førde HF. Partane ber eigne kostnader. 3.4 Regionale samarbeidsråd Dersom kommunane og Helse Førde ønskjer det, kan koordineringsrådet etablere lokale samarbeidsråd knytt til lokalsjukehusområda eller andre aktuelle samarbeids-område. Slike samarbeidsråd skal ha brukarrepresentantar. 4. Delavtalar og prosedyrar
Det skal inngåast delavtalar på aktuelle område der det er naudsynt med nærare avklaringar i høve til samhandlinga. Alle delavtalar skal vere heimla i rammeavtalen. Det skal vidare vurderast avtale om felles prosedyrar der det er naudsynt med konkret avklaring av framgangsmåtar og oppgåvefordeling for å oppnå god samordning og pasientflyt. Alle prosedyrar skal vere heimla i ein delavtale. Det skal etablerast eigne delavtalar på følgjande område: Ansvars- og oppgåvefordeling Tilvising og innlegging Utskriving Beredskap (jfr pkt 5) Den akuttmedisinske kjeda Pasientar med behov for koordinerte tenester Tilbod om døgnopphald for øyeblikkeleg hjelp Kunnskapsoverføring og informasjonsutveksling Forsking, utdanning, praksis og læretid IKT Førebyggjing Svangerskaps-/barseloms.tenester, følgjeteneste Lindrande behandling Smittevern Psykisk helse Rus Pasienttransport Legemiddelhandtering og legemiddelbruk Gjensidig hospiteringsordning Lærings- og meistringstilbod Oppgåvefordeling/vekslingar i pasientforløp Delavtalane er ikkje sett opp i prioritert rekkjefølgje. På fleire av desse områda vil det vere behov for utfyllande prosedyrar. I høve til delavtale for oppgåvefordeling/vekslingar i pasientforløp, tek partane sikte på å fastlegge prosedyrar i høve pasientgrupper som KOLS, slag, diabetes, eldre med samansette lidingar, kreft og tenester til funksjonshemma. Etter kvart som delavtalane og prosedyrane blir utarbeidde skal dei takast inn som som vedlegg til rammeavtalen. I alle delavtalar skal desse elementa inngå: Partane Tilvising til rammeavtale som heimlar delavtalen, eventuelt ein (overordna) delavtale Tilvising til reglar i rammeavtalen som og gjeld tilsvarande i høve til delavtalen Føremålet med delavtalen Avklaring av ansvarsfordeling
Korleis ein skal sikre brukarmedverknad Innhald som er spesifikt for den enkelte delavtalen ut frå føremålet med den Partane er samde om å etablere felles prosjekt der dette er den beste arbeidsmåten for naudsynte utgreiingar i samband med nye delavtalar og prosedyrar, og vektleggje utvikling av ein god, felles prosjektmetodikk. Utgreiingsarbeidet må involvere aktuelt fagpersonale på begge nivå som har god innsikt i tenestene og skal vere prioritert av partane. Vidare må brukarmedverknaden i arbeidet avklarast med brukarutvalet. Dersom det innan tidsfristar fastsett av departementet ikkje er mogeleg å gjennomføre eit utgreiingsarbeid som mogeleggjer ønskte samarbeidstiltak, skal det utarbeidast ein første versjon av aktuell delavtale/prosedyre innan fristane. Partane skal utarbeide ein framdriftsplan for arbeid med delavtalar/prosedyrar utover fristane fastsett av departementet. 5. Beredskap Partane er samde om at beredskapsplanar skal utarbeidast i samsvar med gjeldande lovverk i eit samarbeid mellom Helse Førde HF, fylkesmannen og kommunane. Vidare er partane samde om at beredskap blir sett på dagsorden årleg i koordineringsrådet. Partene er også samde om at beredskapsplanen har form som ein prosedyre og inneheld oversyn over aktuelle samarbeidsfora og ansvars- og oppgåveavklaring. I tillegg skal prosedyren innehalde tema som; Risiko- og sårbarhetsanalysar (ROS) som grunnlag for planar Øvingar Kompetanseutvikling og opplæring Samarbeid på skadestad Vertskommunar for flyplassar for mottak av nordmenn fra kriseområde i andre land Vertskommunar for store industrianlegg Forsyningstryggleik for materiell og legemiddel 6. Plikt til gjennomføring og forankring Partane forpliktar seg til å gjere avtalen kjent for eigne tilsette og brukarar. Partane skal også sette av nok ressursar til medverknad i dei avtalte formene for samarbeid.
Partane forpliktar seg til å holde kvarandre informert og syte for gjensidig rettleiing innanfor det enkelte ansvarsområdet. Prosedyre for dette skal omtalast nærare i avtalar/prosedyrar innanfor det enkelte ansvarsområdet. Partane forpliktar seg til å: gjere innhaldet i avtalen og konsekvensar av den og avgjerder/vedtak kjent og syte for iverksetjing innanfor eige ansvarsområde orientere kvarandre om endringar i rutinar, organisering o.l. som kan ha innverknad på dei områda avtalen omfattar gjennomføre konsekvensutgreiingar ved planlegging av tiltak som vedkjem den andre parten involvere den andre parten før det blir gjort vedtak om tiltak som innverkar på den andre parten opprette éin klar adressat i eiga verksemd som har eit overordna ansvar for å rettleie og hjelpe ved samhandlingsbehov mellom tenesteytarane Partane skal ha etablert ordningar for god forvaltning av avtalen. 7. Prinsipp for brukarmedverknad Etter helse og omsorgstenesteloven 6-1, 2 ledd skal pasient- og brukarerfaringar inngå i vurderingsgrunnlaget ved utarbeiding av avtalen. Pasient- og brukar-organisasjonar skal også medverke i samband med utarbeiding, praktisering, oppfølgjing og endring av avtalen. Partane er samde om at kravet til brukarmedverknad normalt skal oppfyllast ved at synspunkt og tilbakemeldingar som kjem frem gjennom brukarundersøkingar, brukarutvalet, eldrerådet og rådet for menneske med nedsett funksjonsevne i XX kommune skal tilleggjast vekt. Partane er vidare samde om at brukarutvalet ved Helse Førde får utvida sitt mandat til også å ivareta brukarrepresentasjon for kommunane i høve samhandlingsorgan, prosjekt og avtalar som gjeld samhandling og oppfølgjing av samhandlingsreforma. Nærare mandat, oppnemningsprosedyre og namn på utvalet må reflektere dette. Brukarutvalet skal normalt ikkje handsame saker som omfattar ein kommune, men skal sjå til at brukarmedverknaden vert ivareteken i høve samarbeidstiltak og
-område som omfattar fleire kommunar og/eller Helse Førde HF. KS Sogn og Fjordane og Helse Førde utarbeider nærare retningsliner for oppnemning og mandat. Brukargruppene sine organisasjonar skal trekkast inn i dette arbeidet. KS skal syte for framlegg til representant som er brukarrepresentant i eit kommunalt råd for eldre/menneske med nedsett funksjonsevne og tilsvarande ein representant på fylkesnivå. 8. Prinsipp for tilsettemedverknad Partane har kvar for seg ansvar for å informere og involvere dei tillitsvalde i verksemda i tråd med lov- og avtaleverk. Etter hovudavtalen på kommunalt område skal arbeidsgjevar på eit tidlegast mogeleg tidspunkt informere, drøfte og ta dei tilsette med på råd ved endringar/omstillingar og ved oppfølgjing og implementering av nasjonale reformer som kan ha noko å seie for arbeidstakarane. Ein tilsvarande intensjon følgjer av hovudavtalen i Spekter. Partane skal vurdere korleis dette må ivaretakast i høve til felles samhandlingsorgan og utviklingsprosjekt etter denne rammeavtalen. Partane vil søke å følgje opp så langt det blir vurdert som rett og praktisk gjennomførbart intensjonane i Felleserklæring vedrørende samarbeid mellom partane i arbeidet med Samhandlingsreformen, underteikna av partane innanfor Spekter og KS sitt tariffområde. 9. System for rapportering og oppfølgjing av meldingar om avvik og uønska hendingar som gjeld samhandling For å tilretteleggje for gjennomføring av avtalen og kontinuerleg læring og forbetring, skal partane ha ei avklara ordning for melding av avvik og uønska hendingar i høve til samhandling. Det skal også vere eit avtalt system for oppfølging av avvika og dei uønska hendingane i fagrådet og koordineringsrådet. Partane forpliktar seg til å implementere naudsynte rutinar i eigen organisasjon for å følgje opp dette systemet. 10. Handtering av usemje Partane er samde om følgjande prinsipp for handtering av usemje knytt til avtalen:
Prinsipielle pasientrelaterte enkeltsaker: Partane sin intensjon er å løyse usemje så nær pasient/brukar som mogleg. Dersom det ikkje blir oppnådd semje, blir det oppretta ein usemjeprotokoll som skal sendast til fagrådet for drøfting og tilråding av løysing. Partane er samde om at reglane om teieplikt skal ivaretakast ved utforming av usemjeprotokollen. Prinsipielle saker knytt til delavtalar og prosedyrar eller øvrig tolkning av avtalen: Partane sin intensjon er å løyse usemje på lågast mogeleg tenestenivå. Dersom det ikkje blir oppnådd semje, skal det sendast ein usemjeprotokoll til koordineringsrådet for drøfting og tilråding av løysing. For øvrig: Dersom det ikkje blir oppnådd semje ved handsaming som nemnt ovanfor, skal saka sendast til nasjonalt organ for handtering av usemje for mekling og rådgjevande uttale med mindre partane er samde om at uttalen skal vere bindande. I saker der partane ikkje er samde om at uttalen frå nasjonalt tvisteløysingsorgan skal vere bindande, kan kvar av partane bringe saka inn for dei ordinære domstolane med Fjordane tingrett som verneting. 11. Misleghald Dersom ein av partane misligheld sin del av avtalen med vedlegg, og dette påfører den andre parten dokumenterte tap, kan tapet blir kravd dekka av den som mislegheld avtalen. 12. Innsending av avtalar til Helsedirektoratet Etter at avtalen er signert av begge partar, skal Helse Vest RHF sende kopi av avtalen, herunder også delavtalar iht. helse- og omsorgstenestelova 6-1 til Helse-direktoratet. Dette skal skje innan ein månad etter at avtalen er inngått, og seinast ein månad etter utgangen av frist fastsett med heimel i 6-3.
13. Avtaletid, revisjon og oppseiing Avtalen trer i kraft frå 01.02.12, og gjeld fram til ein av partane seier opp avtalen med eitt års oppseiingsfrist, jf. helse- og omsorgstenestelova 6-5 andre ledd. Partane er samde om å gjennomgå avtalen innan desember kvart år og syte for jamnleg rapportering og evaluering. Kvar av partane kan krevje avtalen revidert dersom vesentlege føresetnader for avtalen blir endra. ------------------------ ---------------------- --------------------------------------------- -------------------------------------------- Bremanger kommune Helse Førde HF
FRAMLEGG, 08.02.12 DELAVTALE MELLOM BREMANGER KOMMUNE OG HELSE FØRDE HF PARTANE SITT ANSVAR FOR HELSE- OG OMSORGSOPPGÅVER OG TILTAK PARTANE SKAL UTFØRE
AVTALE OM PARTENE SITT ANSVAR FOR HELSE- OG OMSORGSOPPGÅVER OG TILTAK PARTENE SKAL UTFØRE 1. Partar Avtalen er inngått mellom Bremanger kommune og Helse Førde HF. 2. Bakgrunn AVTALEN ER HEIMLA I HELSE- OG OMSORGSTENESTELOVA 6-2, PKT 1: (AVTALEN SKAL SOM EIT MINIMUM OMFATTE): «1. ENIGHET OM HVILKE HELSE- OG OMSORGSOPPGAVER FORVALTNINGSOMRÅDENE ER PÅLAGT ANSVARET FOR OG EN FELLES OPPFATNING AV HVILKE TILTAK PARTENE TIL ENHVER TID SKAL UTFØRE» OG SPESIALISTHELSETENESTELOVA 2-1E, 2. LEDD 1.SETN: «DE REGIONALE HELSEFORETAKENE SKAL SØRGE FOR AT DET INNGÅS SAMARBEIDSAVTALER SOM NEVNT I HELSE- OG OMSORGSTJENESTELOVEN 6-1» AVTALEN ER VIDARE HEIMLA I RAMMEAVTALEN MELLOM BREMANGER KOMMUNE OG HELSE FØRDE, JFR PKT. 4 I RAMMEAVTALEN. 3. Føremål Denne delavtalen har som føremål å avklare ansvarsfordelinga mellom kommunen og helseføretaket på område der det er eit spesielt behov for ei slik klargjering. På desse områda skal ansvarsfordelinga i høve til lovverket og viktige, generelle prinsipp for ansvarsfordelinga tydeleggjerast. Vidare skal det i avtalen gjerast ei nærare avklaring der det er opplevde gråsoner, overlappingar eller utfordringar i vekslingspunkta mellom nivåa, dersom dette ikkje vert avklara i andre avtalar mellom partane. Partane kan ikkje ved denne eller andre avtalar innskrenke ansvar eller plikter som partane er tillagt etter lov og forskrifter. Ved etablering av ordningar der partane ev utfører oppgåver for kvarandre, eller etablerer særskilt samarbeid, må det inngåast særskilde avtalar.
4. Lovgrunnlaget Partene sitt ansvar for å yte helse- og omsorgstenester og tiltak knytt til dette er i hovedsak regulert i følgjande lovverk med tilhøyrande forskrifter: Lov om kommunale helse- og omsorgstenester m.m. av 24. juni 2011 nr 30 Lov om spesialisthelsetenesta m.m. av 2. juli 1999 nr 61, Lov om pasientrettar av 2. juli 1999 nr 63, Lov om helsepersonell m.v. av 2. juli 1999 nr 64, Lov om folkehelsearbeid av 24. juni 2011 nr 29 Lov om helsemessig og sosial beredskap av 23. juni 2000 nr 56 Lov om etablering og gjennomføring av psykisk helsevern av 2. juli 1999, Lov om vern mot smittsame sjukdomar av 5. august 1994. Lista er ikkje uttømmande, og også føresegner i anna lovverk legg rammer for partane si utføring av oppgåver etter nemnde lover. Dette gjeld m.a. føresegner om bruk av tvang i psykisk helsevern og overfor rusmiddelavhengige. Vidare viser ein til rapportar og rundskriv frå Helsedirektoratet vedkomande ansvarsforhold, m.a. IS-1947: «Avklaring av ansvars- og oppgavefordeling mellom kommunene og spesialisthelsetjenesten på rehabiliteringsområdet» av desember 2011. Partane har ansvar for til ei kvar tid å ha oppdatert kunnskap om gjeldande lovverk i høve utføringa av helse- og omsorgsoppgåver. Partane har vidare ansvar for å informere og lære opp eigne tilsette, brukarar og pasientar i naudsynte føresegner og retningsliner frå overordna fagstyresmakt. Helse Førde skal syte for at personar med fast bustad eller opphaldsstad innan dekningsområdet får tilbod om tilfredsstillande og forsvarlege spesialisthelsetenester i og utanfor institusjon, jfr lov om spesialisthelsetenesta, m.a. sjukehustenester, psykisk helsevern, tverrfagleg spesialisert rusbehandling, medisinske laboratorietenester, radiologiske tenester, akuttmedisinsk beredskap, medisinsk naudmeldeteneste, ambulanseteneste (bil, båt, luft), transport til undersøking eller behandling i kommunane og Helse Førde HF og transport av behandlingspersonell. Helse Førde har ei rettleiingsplikt overfor kommunehelsetenesta. Denne plikta gjeld i generelle spørsmål og i forhold til kvar enkelt pasient. Kommunen skal syte for at personar som oppheld seg i kommunen får tilbod om naudsynte helse- og omsorgstenester, jfr lov om kommunale helse- og omsorgstenester. Kommunen sitt ansvar omfattar alle pasient- og brukargrupper, m.a. personar med somatisk eller psykisk sjukdom, skade eller liding, rusmiddelproblem, sosiale problem eller nedsett funksjonsevne.
Kommunen si helse- og omsorgsteneste omfattar offentleg organiserte helse- og omsorgstenester som ikkje høyrer under stat eller fylkeskommune. Helse Førde og kommunen er forplikta til å gje pasienten ei forsvarleg behandling når partane har ansvar for pasienten, og i overføringa mellom helseføretaket og kommunen. 5. Nærare avklaring av ansvar på aktuelle tenesteområde Rammeavtalen pkt 4 skisserer behov for ansvars- og oppgåveavklaring gjennom ei rekkje delavtalar. På områda nemnt i dette kapitlet ser partane eit særskilt behov for avklaring av ansvar, oppgåvefordelinga og prosedyrar for samhandlinga. 5.1 Individuell plan Kommunen si helse- og omsorgsteneste og helseføretaket har plikt til å utarbeide individuell plan for pasientar og brukarar med behov for langvarige og koordinerte tenester, jf. helse- og omsorgstjenesteloven 7-1, spesialisthelsetjenesteloven 2-5 og psykisk helsevernloven 4-1. Koordinerande eining for habilitering og rehabilitering både i Helse Førde og kommunen har eit overordna ansvar for individuell plan, jfr 6 og 11 i forskrift om habilitering og rehabilitering, individuell plan og koordinator. Dersom ein pasient eller brukar har behov for tilbod både etter helse- og omsorgstenestelova og spesialisthelsetenestelova eller psykisk helsevernlova, skal kommunen syte for at det vert utarbeidd ein individuell plan, og at planarbeidet vert koordinert. Helseføretaket skal så snart som mogeleg varsle kommunen si koordinerande eining for habilitering og rehabilitering når den ser at det er behov for ein individuell plan som omfatter tenester både frå spesialist-helsetenesta og kommunen, og skal i slike tilfelle medverke i kommunane sitt arbeid med individuell plan, eventuelt starte planarbeidet i samråd med kommunane. Sjølv om helseføretaket startar planarbeidet, er det etter lovverket kommunen som har ansvaret for planen. Har pasienten eller brukaren behov for tenester frå andre tenesteytarar eller etatar, skal kommunen si helse- og omsorgsteneste og helseføretaket samarbeide med desse.
Planarbeidet må koordinerast, og det skal berre utarbeidast ein individuell plan for kvar enkelt pasient eller brukar. Fordi det er kritisk viktig i høve til gode, koordinerte tenester for den enkelte brukar og pasient at ordningane med koordinerinande eining og individuell plan fungerer, og fordi erfaringar viser at dette kan vere krevjande, ser ein behov for å utvikle dette i eit samarbeid framover. 5.2 Rehabilitering Habilitering og rehabilitering er tidsavgrensa, planlagde prosessar med klare mål og verke-middel, der fleire aktørar samarbeider om å gje naudsynt bistand til pasienten og brukaren sin eigen innsats for å oppnå best mogeleg funksjons- og meistringsevne, sjølvstende og deltaking sosialt og i samfunnet. Kommunen skal i.h.t. forskrift om habilitering og rehabilitering, individuell plan og koordinator planlegge si habiliterings- og rehabiliteringsverksemd og ha eit generelt oversyn over behov for habilitering og rehabilitering i kommunen. Tenester som inngår i kommunen sitt helse- og omsorgstenestetilbod, skal integrerast i eit samla tverrfagleg re-/habiliteringstilbod. Kommunen skal syte for at alle som oppheld seg i kommunen får tilbod om naudsynt utgreiing og oppfølgjing ved behov for sosial, psykososial eller medisinsk habilitering og rehabilitering. Det skal finnast ei koordinerende eining for habiliterings- og rehabiliteringsverksemda i kommunen, jfr helse- og omsorgstenestelova 7-3. Den koordinerende eininga skal bidra til å sikre heilskapleg tilbod til pasientar og brukarar med behov for sosial, psykososial eller medisinsk habilitering og rehabilitering. Koordinerande eining skal ha overordna ansvar for arbeidet med individuell plan og for oppnemning, opplæring og rettleiing av koordinator. Kommunen skal syte for naudsynt undersøking og utgreiing, og ved behov tilvise til spesialisthelsetenesta, før habilitering og rehabilitering vert sett i gang. Kommunen skal syte for formidling av naudsynte hjelpemiddel og for å tilrettelegge miljøet rundt den enkelte. Helseføretaket skal syte for at personer med fast bustad eller opphald i helseregionen får tilbod om naudsynt habilitering og rehabilitering i spesialisthelsetenesta i og utanfor institusjon, jf. 1 og 3.
Det skal finnast ei koordinerande eining i kvart helseføretak som skal ha eit generelt oversyn over habiliterings- og rehabiliteringstiltak i helseregionen, jfr spesialisthelsetenestelova 2-5b. Den koordinerande eininga skal bidra til å sikre heilskapleg tilbod til pasientar med behov for sosial, psykososial eller medisinsk habilitering og rehabilitering. Koordinerande eining skal ha oversyn over og naudsynt kontakt med habiliterings- og rehabiliteringsverksemda i kommunen si helse- og omsorgsteneste. Koordinerande eining skal ha overordna ansvar for arbeidet med individuell plan og for oppnemning, opplæring og rettleiing av koordinator. Helseføretaket skal syte for naudsynt undersøking og utgreiing av brukarar med behov for habilitering og rehabilitering i spesialisthelsetenesta. Det skal vidare syte for tilbod om a) trening og oppøving av funksjon og ulike individuelle ferdigheter som krev spesialisert tilrettelegging og rettleiing b) intensiv trening som inngår i individuell habiliterings-/rehabiliteringsplan, eller som eit naudsynt, spesialisert tilbod etter behandling c) tilrettelagt opplæring for pasientar som treng det, og tilrettelegge rammevilkår som kan bidra til auka meistring. Helseføretaket skal syte for a) råd og rettleiing til kommunen om opplegg for enkeltpasientar b) samarbeid med kommunen om opplegg for enkeltpasientar og utarbeiding av individuelle planar c) generelle råd og rettleiing til tilsette i kommunen d) samarbeid med andre etatar når det er naudsynt for utgreiing, tilrettelegging og gjennomføring av tilbodet til den enkelte. Habiliterings- og rehabiliteringstenester i spesialisthelsetenesten skal gjevast ambulant dersom det ikkje er mest føremålstenleg å gje slike tenester i institusjon. Det er variasjon mellom kommunane når det gjeld re-/habiliteringstilbodet, og generelt er det samhandlingsreforma sin intensjon å utvikle og styrke den kommunale innsatsen på dette området. Partane vil samarbeide om å utvikle likeverdige kommunale tenester for innbyggjarane. Partane er samde om å utarbeide ein eigen delavtale i høve pasientar med behov for koordinerte tenester. I denne avtalen tek ein sikte på nærare avklaring av ansvars- og oppgåvefordelinga når det gjeld habilitering og rehabilitering og eit grunnlag for naudsynte prosedyrar.
5.3 Læring og meistring Lov om kommunale helse- og omsorgstenester har m.a. som føremål å førebygge, behandle og tilrettelegge for meistring av sjukdom, skade, liding og nedsett funksjonsevne. Kommunen har etter helse- og omsorgstenestelova eit ansvar for personlig assistanse, herunder praktisk bistand og opplæring, jfr 3-2. Vidare skal kommunen ved yting av helse- og omsorgstenester fremme helse og søke å førebyggje sjukdom, skade og sosiale problem. Dette skal m.a. skje ved opplysning, råd og rettleiing. Sjukehus skal i.h.t. lov om spesialisthelsetenester ivareta opplæring av pasienter og pårørande ( 3-8). Partane er samde om å samarbeide om å utvikle likeverdige tenester og utarbeide ein eigen delavtale med nærare avklaring av ansvars- og oppgåvefordelinga når det gjeld lærings- og meistringstilbod og eit grunnlag for naudsynte prosedyrar. 5.4 Rus og psykisk helse Kommunen har etter helse- og omsorgstenesteloven 3-1 ansvar for å tilby naudsynte helse-og omsorgstenester for pasient- og brukargrupper som har psykisk sjukdom eller eit rusmiddelproblem. Helseføretaket har etter lov om etablering og gjennomføring av psykisk helsevern ansvar for undersøking og behandling av menneske på grunn av psykisk liding, samt den pleien og den omsorga som dette krev. Helseføretaket har etter spesialisthelsetenestelovens 2-1a nr. 5 ansvar for å tilby tverrfagleg spesialisert behandling for rusmiddelmisbruk, herunder plass i institusjon. Partane er samde om at det er behov for ei nærare avklaring av ansvars- og oppgåvefordelinga mellom spesialist- og kommunehelsetenesta på dette området, og at ein vil samarbeide om å utvikle tenestene innanfor psykisk helse og rus. Partane er vidare samde om at det skal utarbeidast ein ny delavtale for psykisk helsevern og ein eigen delavtale for rusfeltet med nærare avklaring av ansvars- og oppgåvefordelinga og eit grunnlag for naudsynte prosedyrar.
5.5 Lindrande behandling Lindrande behandling vert definert som aktiv behandling, pleie og omsorg for pasientar med uhelbredeleg sjukdom og kort forventa levetid. Lindring av smerter og andre plagsomme symptom står sentralt, saman med tiltak retta mot psykiske, sosiale problem, og åndelege /eksistensielle behov. Målet med all behandling, pleie og omsorg er at pasienten og den pårørande skal ha best mogeleg livskvalitet. Lindrande behandling inngår som ein naturleg del av både kommune- og spesialisthelsetenesta sitt ansvar for helse- og omsorgstenester. Partane ser det på dette området som svært viktig med ei individualisert og tverrfagleg tilnærming der ein ser heile situasjonen til mennesket det gjeld. Dette tilseier og at dette i stor grad må vere eit ansvar for kommunen, men med eit tett samarbeid med og rettleiing frå spesialistar i helseføretaket. Partane er samde om å samarbeide om å utvikle tenestene på dette området og at det skal utarbeidast ein eigen delavtale for lindrande behandling med nærare avklaring av ansvars- og oppgåvefordelinga og eit grunnlag for naudsynte prosedyrar. 5.6 Svangerskaps-, fødsels- og barselomsorg Kommunen har det overordna ansvaret for å gje et forsvarleg tilbod innen svangerskaps- og barselomsorg. Ansvaret omfattar medisinskfagleg ansvar og systemansvar, og skal følge nasjonale og regionale lover, forskrifter, retningsliner og rettleiarar.. Helseføretaket har ansvar for å gi et forsvarleg tilbod innan fødselsomsorg. Det vert her m.a. vist til lov om kommunale helse- og omsorgsteneste, lov om spesialisthelsetenester og Helsedirektoratet sin rettleiar Kvalitetskrav til fødselsomsorgen (2010). Her vert kravet til kvalitet på områda svangerskaps-, fødsels- og barselomsorga omtalt. Frå 01.01.10 vart ansvaret for følgetenesta for gravide overført til helseføretaka. I dette inngår også ansvaret for beredskap for følgetenesta.
Partane ser behov for ei nærare avklaring av ansvar og oppgåvefordeling på dette området og vil utarbeide ein eigen delavtale. 5.7 Øyeblikkeleg hjelp med døgntilbod Etter lov om helse- og omsorgstenester skal kommunane innan 01.01.16 etablere tilbod om døgnopphald for helse- og omsorgstenester til pasientar og brukarar med behov for øyeblikkeleg hjelp. Dette vil gjelde pasientar og brukarar som kommunen kan utgreie, behandle eller yte omsorg til på ein forsvarleg måte. I hovudsak vil det vere tale om pasientar og brukarar med kjend diagnose og behandling og som allereie mottek kommunale helse- og omsorgstenester. Partane ser at det i utgangspunktet er uklart kor grensa skal trekkast for oppgåver som kommune- og spesialisthelsetenesta skal ha ansvar for. Ein tek sikte på å utarbeide ein eigen delavtale med nærare avklaring av dette. 5.8 Akuttmedisinske tenester Kommunen sitt ansvar for akuttmedisinske tenester utanfor sjukehus går fram av lov om kommunale helse- og omsorgstenester ( 3-2, 3), forskrift om akuttmedisin utanfor sjukehus og forskrift om fastlegeordning i kommunane. Helseføretaket sitt ansvar for akuttmedisinske tenester går fram av lov om spesialist- helsetenester ( 2-1 a)) og forskrift om akuttmedisin utanfor sjukehus. Partane er samde om at det her er område der ansvarsforholda kan vere uklare og område der ei god vekslinga mellom nivåa er kritisk. Det skal utarbeidast ein eigen delavtale for den akuttmedisinske kjeda.
6. Andre område med behov for nærare avklaringar På følgjande område skal partane vurdere tilsvarande avklaring av ansvar og samarbeid gjennom avtale om oppgåvefordeling og nærare prosedyrar: Tekniske hjelpemiddel og behandlingshjelpemiddel Respiratorbehandling der det ligg til rette for det Intravenøs behandling (væsketilførsel og antibiotikabehandling) Stell av sentralt venekateter, veneportar, stomiar, dren, sondar m.m. Smittesituasjonar Pasienttransport Telemedisin Geriatri/psykogeriatri Kroniske smertetilstandar Ambulante team Hud/lysbehandling Elektronisk meldingsutveksling Kartlegging av funksjonsnivå Dialyse Cytostatikabehandling 7. Framgangsmåte ved ansvarsavklaring Partane pliktar å søke å avklare uklare område på lågast mogeleg nivå med utgangspunkt i føringar i lov- og avtaleverk. Slike spørsmål kan føreleggjast fagrådet, og fagrådet kan i handsaminga av saka trekke inn aktuelt fagpersonale. 8. Forholdet til rammeavtalen Føresegner i rammeavtalen gjeld tilsvarande for denne avtalen. Ved motstrid mellom denne avtalen og rammeavtalen, går rammeavtalen føre. 9. Handtering av usemje Ved usemje skal partane følgje reglane i rammeavtalen.
10. Misleghald Dersom ein av partane misligheld sin del av avtalen med vedlegg, og dette påfører den andre parten dokumenterte tap, kan tapet blir kravd dekka av den som mislegheld avtalen. 11. Innsending av avtalan til Helsedirektoratet Etter at avtalen er signert av begge partar, skal Helse Vest RHF sende kopi av avtalen, iht. helse- og omsorgstenestelova 6-1 til Helsedirektoratet. Dette skal skje innan ein månad etter at avtalen er inngått, og seinast ein månad etter utgangen av frist fastsett med heimel i 6-3. 12. Avtaletid, revisjon og oppseiing Avtalen trer i kraft frå 01.03.12, og gjeld fram til ein av partane seier opp avtalen med eitt års oppseiingsfrist, jf. helse- og omsorgstenestelova 6-5 andre ledd. Partane er samde om å gjennomgå avtalen innan desember kvart år og syte for jamnleg rapportering og evaluering. Kvar av partane kan krevje avtalen revidert dersom vesentlege føresetnader for avtalen blir endra. Dato, Dato, Bremanger kommune v/ordførar Helse Førde HF