Tenesteavtale 3. Mellom XX kommune og Helse Fonna HF

Transkript

1 Tenesteavtale 3 Mellom XX kommune og Helse Fonna HF Samarbeid om ansvar og oppgåvefordeling i tilknyting til innlegging av pasientar som treng tilbod om behandling og/eller vurdering i spesialisthelsetenesta

2 Innhald 1 Partar Bakgrunn og lovgrunnlag Avtalen byggjer på Formål og virkeområde Denne tenesteavtalen har som formål Virkeområde Personar som vert tilvist til innlegging som øyeblikkelig hjelp Ansvars- og oppgåvefordeling mellom føretaket og kommunen - somatiske innleggingar Kommunen har ansvar for Helseføretaket har ansvar for Om personen vert tilvist til innlegging som øyeblikkeleg hjelp i Klinikk for psykisk helsevern Kommunen har ansvar for Helseføretaket har ansvar for Når pasienten vert tilvist til planlagd innlegging/vurdering (psykiatri/rus/somatikk) Kommunen har ansvar for Helseføretaket har ansvar for Elektronisk meldingsutveksling Handtering av avvik, evaluering og kvalitetsutvikling Handtering av usemje, tvist og misleghald Iverksetjing, revisjon og oppseiing Signering og innsending av avtalar... 9

3 1 Partar Avtalen er inngått mellom XX kommune og Helse Fonna HF. 2 Bakgrunn og lovgrunnlag Tenesteavtale 3 er inngått i samsvar med overordna samarbeidsavtale pkt.5.3. Avtalen omfattar samarbeid og ansvars- og oppgåvefordeling ved innlegging av pasientar som treng tilbod om behandling og/eller vurdering i spesialisthelsetenesta. 2.1 Avtalen byggjer på Lov om kommunale helse- og omsorgstenester m.m. (LOV ) Lov om spesialisthelsetenester (LOV ) Lov om etablering og gjennomføring av psykisk helsevern (LOV ) Lov om helsepersonell m.m. (LOV ) Lov om pasient- og brukerrettigheter (LOV ) Lov om vern mot smittsomme sykdommer (LOV ) Lov om psykisk helsevern (LOV ) Forskrift om fastlegeordning i kommunane (FOR ) Forskrift om prioritering av helsetenester, rett til nødvendig helsehjelp frå spesialisthelsetenesta, rett til behandling i utlandet og om klagenemnd (prioriteringsforskrifta) (FOR ) Overordna samarbeidsavtale mellom Helse Fonna og kommunane med tenesteavtalar Nasjonal rettleiar: Samhandlingsreforma Lovpålagde samarbeidsavtalar mellom kommunar og regionale helseføretak / helseføretak (HOD) Anna relevant regelverk Opplistinga er ikkje uttømmande. 3 Formål og virkeområde 3.1 Denne tenesteavtalen har som formål å avklare helseføretaket og kommunen sitt ansvar for heile pasientforløpet, slik at pasientar og pårørande skal oppleve ei best mogleg samanhengande helseteneste, og for å unngå at det vert gjort feil. syta for godt og løysingsretta samarbeid kring innlegging av pasientar

4 sikra effektiv, korrekt og sikker informasjonsflyt mellom og innafor ulike behandlings- og omsorgsnivå. 3.2 Virkeområde Avtalen dekkjer både somatikk, rus og psykiatri. 4 Personar som vert tilvist til innlegging som øyeblikkelig hjelp 4.1 Ansvars- og oppgåvefordeling mellom føretaket og kommunen - somatiske innleggingar Kommunen har ansvar for Innleggjande lege skal undersøkja pasienten og senda med innleggingsskriv. Det kan vera unntak ved akutte situasjonar, der tidsfaktoren er viktig, og ved avtalt «open retur» til sjukehus. Lege i primærhelsetenestene / innleggjande lege har det medisinsk-faglege ansvaret for å vurdera tilstanden til pasienten i høve behandling heime, under heildøgns observasjon i kommunen eller ved innlegging for vurdering og behandling i spesialisthelsetenesta. Kommunen har ansvar for at legane i primærhelsetenesta har tilgang på oppdatert kontaktinformasjon til kommunen si helse- og omsorgsteneste og kommunale institusjonar for å avtala oppfølging og behandling av pasienten i kommunen. Om personen må vurderast av spesialisthelsetenesta, skal innleggjande lege: o Gje munnleg melding om innlegging til HF sitt akuttmottak, men oppmodast om å drøfta med lege i sjukehuset når det er usikkert om det er trong for innlegging. o I visse høve kan helseføretaket nytta «konferanseplikt», og innleggjande lege må då etterleva dette. o Etter at drøftinga ovanfor er gjort, avgjera om vurdering i spesialisthelsetenesta er naudsynt. o Senda innleggingsskriv som klart gjer greie for problemstillingane som krev innlegging, funn ved undersøking, liste over faste medisinar (så langt det lèt seg gjera), oversyn over medikament som er gjeve før innlegginga, kontaktinformasjon til næraste pårørande (så langt det lèt seg gjera) og opplysningar om pasienten har kommunale omsorgstenester før innlegginga. I tillegg er det ønskeleg med relevant tidlegare sjukehistorie og svar på undersøkingar. Om mogleg vert opplysningane sende elektronisk.

5 o Rekvirera transport og avgjera hastegrad i samråd med Akuttmedisinsk kommunikasjonssentral (AMK). o Vurdere om det er medisinsk naudsynt med følgje under transport til sjukehuset o Sikre at pårørande får naudsynt informasjon o Informere om pasienten har mindreårige barn og eventuelt om korleis barnet er ivaretatt Om pasienten har kommunale tenester frå før, skal den kommunale helse- og omsorgstenesta, om mogleg saman med innleggingsskriv, senda pleierapport/fagrapport som bør innehalda pasienten sin funksjonsstatus, samt oversikt over pasienten sine hjelpemiddel. Om pasienten har individuell plan, bør denne følgje med, eventuelt ettersendast neste dag. (Obs samtykke). Særleg tilpassa hjelpemiddel som pasienten til dagleg har behov for, skal som hovudregel følgja pasienten ved innlegging, eventuelt ettersendast straks. Dersom dette ikkje er mogleg, skal den kommunale helseog omsorgstenesta senda skriftlege pasientopplysningar snarast, og i alle fall når sjukehuset har sendt varsel om innlegging (jf. pkt i tenesteavtale 5). Kommunen si helse- og omsorgsteneste hjelper personen med å informera pårørande om innlegginga dersom tilhøva viser at dette trengst Helseføretaket har ansvar for Innleggjande lege og helse- og omsorgstenesta i kommunen skal varslast dersom pasienten etter vurderinga vert send tilbake til helse- og omsorgstenesta i kommunen, etter reglane for utskrivingsklare pasientar, tenesteavtale 5 (gjeld pasientar som «snus i mottak» eventuelt på eige ansvar) Naudsynt informasjon skal gjevast til pårørande, om det ikkje alt er gjort av kommunen. Behandlande lege i helseføretaket skal i samråd med helse- og omsorgstenesta i kommunen avgjera om det er naudsynt med følgje under behandlinga. Ein viser til eiga retningsline og prosedyre for dette.( Greia ut og følgja opp funn som vert gjort, og som må gjerast i spesialisthelsetenesta, og ikkje kan gjerast hjå fastlegen eller i helse- og omsorgstenesta i kommunen. Gir tilbakemeldingar til kommune via avviksystemet i høve innleggingar som ikkje var «i samsvar med avtalane» 4.2 Om personen vert tilvist til innlegging som øyeblikkeleg hjelp i Klinikk for psykisk helsevern Kommunen har ansvar for Kommunen ved fastlege/legevakt/sjukeheimslege/leiar av barneverntenesta tek kontakt med AAT (Akuttambulant team, sjå Tenesteavtale 1 punkt ) for vurdering med tanke på behandlingsbehov i voksenpsykiatrien. I tidsrom der AAT ikkje er ope går henvendelsar til

6 forvakt. Sjå eiga prosedyre for AAT i dei ulike akuttopptaksområda. ( Kommunen ved fastlege/legevakt /leiar av barneverntenesta tek kontakt med forvakt med tanke på behandlingsbehov i BUP (Barne- og ungdomspsykiatri). Andre samarbeidande instansar kan også ta kontakt med AAT/inntaksansvarleg for vurdering under føresetnad av at det skjer i samråd med fastlege/legevakt/sjukeheimslege. Dersom det blir aktuelt med innlegging, må nødvendig tilvising innhentast i ettertid. Dersom AAT gir rettleiing eller gjennomfører konsultasjon ute på legekontor, er pasienten førstelinjetenesta sitt ansvar. Legen som tilviser, avgjer kva han vil gjere med aktuelle råd og har ansvar for dokumentasjon i journal. Ved behov for innlegging i tvunge psykisk helsevern (jamfør Tenesteavtale 2 punkt 9), tek ein kontakt som ovanfor. Ein føreset at brukarorienterte og frivillige metodar er vurderte som ikkje moglege i desse tilfella. Informasjon ved innlegging via AAT Følgjande bakgrunnsopplysningar skal følgje pasienten, lege som tilviser er ansvarleg: o Skriftleg tilvising med klinisk problemstilling og aktuelle medikamenter o Ved krav om innlegging på tvang skal følgjande vere med: oppdaterte legeopplysningar som beskriv status, tilleggskriterium og konkluderer med innlegging etter 3-1 i psykisk helsevernloven o Ved tilvising frå kommunal institusjon/bemanna bustad følgjer aktuell fagrapport med ved sjølve innlegginga o Dersom pasienten har kontakt med heimetenester/psykiatritenester, og desse er kjende med innlegginga, skal fagrapportar frå desse følgje med ev. ettersendast neste yrkedag. o Dersom pasienten har individuell plan, bør denne følgje med innlegging eventuelt ettersendast neste yrkedag. Oversending av individuell plan kan delegerast til ansvarlege fagpersonar i den enkelte kommune. o Informasjon om pasienten har mindreårige barn og ev. om korleis barnet er ivaretatt. 4.3 Helseføretaket har ansvar for AAT vurderer på kva nivå behandlinga skal skje (distriktspsykiatrisk senter, sjukehus) og kva tilbod som er aktuelle Eventuell nødvendig tilleggsinformasjon skal innhentast første yrkedag etter innlegginga

7 Er pasienten tilvist frå lege til AAT, og det er aktuelt med tvangsinnlegging, gjev AAT tilbakemelding om dette til legen som må stå for innlegginga med legeopplysningar etter 3-1 i psykisk helsevernloven Er pasienten tilvist AAT utan føregåande legeundersøking, og det er aktuelt med tvangsinnlegging, må pasienten vurderast av fagleg uavhengig lege (fastlege, legevaktslege) før innlegginga kan skje. Vakthavande i AAT har ansvar for å skaffe nødvendig dokumentasjon frå instansen som søkjer inn og koordinerer denne. Spesialisthelsetenesta har eit spesielt ansvar for pasientar under tvunge psykisk helsevern utan døgnopphald etter 3-3, jf. 3-5, 3.ledd i psykisk helsevernloven. Sjå Tenesteavtale 2 punkt 9.3. Ved ambulant rettleiing/konsultativ bistand, skal AAT føre dette inn i vaktprotokollen 5 Når pasienten vert tilvist til planlagd innlegging/vurdering Gjeld psykiatri/rus/somatikk 5.1 Kommunen har ansvar for Legen sender elektronisk (om mogleg) eller skriftleg tilvising. Tilvisinga må innehalda tilstrekkelege opplysningar, slik at sjukehuset kan prioritera tilvisinga etter gjeldande prioriteringsrettleiarar og andre krav. Det vert vist til punkt For pasientar med rusproblematikk, kan NAV/sosialkontor søkje om utgreiing og behandling i psykisk helsevern. Tilsvarande kan barnevernsleiar/bup søkje der det gjeld barn og unge. Legen som tilviser, er ansvarleg for å vurdera om det er medisinsk naudsynt med tilrettelagd transport og følgje under transport. Tilvisande lege har ansvar for rekvisisjon. Ved innlegging innan tvungen psykisk helsevern, kan tilvisande lege be om bistand frå politi. Om pasienten har kommunale tenester frå før, skal den kommunale helse- og omsorgstenesta, saman med innleggingsskriv, senda pleierapport/fagrapport som bør innehalda pasienten sin funksjonsstatus, samt oversikt over pasienten sine hjelpemiddel. Om pasienten har individuell plan, bør denne følgje med. Særleg tilpassa hjelpemiddel som pasienten til dagleg har behov for, skal som hovudregel følgja pasienten ved innlegging. Kommunen si helse- og omsorgsteneste hjelper personen med å informera pårørande om innlegginga dersom tilhøva viser at dette trengst.

8 Dersom pasienten har mindreårige barn skal dette opplysast om i tilvisinga og korleis dei er ivaretatt. 5.2 Helseføretaket har ansvar for Vurdera pasienten sin rett til helsehjelp ut frå gjeldande forskrifter, prioriteringsrettleiarar og andre aktuelle krav. Ved mangelfulle opplysningar i tilvisinga skal sjukehuset be om utfyllande opplysningar. Gjennomføra utgreiing og behandling med utgangspunkt i tilvisinga og problemstillingar som har kome fram. Behandlande lege i helseføretaket skal i samråd med helse- og omsorgstenesta i kommunen avgjera om det er naudsynt med følgje under behandlinga. Ein viser til eiga retningsline og prosedyre for dette.( 6 Elektronisk meldingsutveksling Tenester som sjukehuset distribuerer elektronisk, vert tilbydde via Norsk Helsenett. Når elektronisk kommunikasjonsløysing for samhandling mellom kommunen og helseføretaket er innført, skal denne nyttast. Der det er utvikla eigne fagspesifikke malar for meldingsutveksling, skal desse nyttast. 7 Handtering av avvik, evaluering og kvalitetsutvikling Handtering av avvik frå denne avtalen skal praktiserast slik det er vedteke i overordna samarbeidsavtale. Avtalt system for oppfølging av avvika og dei uønskte hendingane skal sikre evaluering og læring med tanke på systemforbetring og kvalitetsutvikling av tenestene og samhandlinga mellom partane. Partane forpliktar seg til å implementere nødvendige rutinar i eigen organisasjon for å følgje opp dette systemet. 8 Handtering av usemje, tvist og misleghald Usemje, tvist eller misleghald etter denne avtalen skal løysast slik det er vedteke i overordna samarbeidsavtale.

9 9 Iverksetjing, revisjon og oppseiing Iverksetjing, revisjon og oppseiing av denne avtalen gjeld slik det er vedteke i overordna samarbeidsavtale. Dette er første revisjon per Kvar av partane kan krevje avtalen revidert med tre månaders varsel dersom vesentlege føresetnader for avtalen vert endra. 10 Signering og innsending av avtalar Avtalen skal signerast av begge partar, der Helse Vest har ansvar for å vidareformidle dokumenta til Helsedirektoratet. Dato og underskrift Stad og dato: Stad og dato: For xx kommune: For Helse Fonna HF: