Årsrapport 2016: aktiviteter og resultater pr. 31.12.2016 Foregangsfylke økologisk frukt og bær Kort beskrivelse av status i forhold til aktivitetsplaner for 2016 OPPSUMMERT 2016 OG KORT OM PRIORITERINGAR FOR 2017 Figur 1. Norske økologiske konsum-eple-og plomme omsett gjennom norske fruktlager i perioden 2010-2016.
Side: 2 av 9 Figur 2. Endring i areal for norsk økologisk frukt og bær i perioden 2019-2016. Kjelde: Debio. Økologisk frukt og bær, areal i Noreg 2009 2010 2011 2012 2013 2014 2015 2016 Økologisk 1458 1790 2256 2447 2342 2377 2379 2493 Karens 865 531 299 302 130 154 382 468 SUM 2323 2321 2555 2749 2472 2531 2761 2961 Tabell 1: Totalareal i 2016: 2961 daa inkludert karensareal (Kjelde: Debio). Ei auke på 200 daa frå 2015. Av figur 1 ser ein at den norske fruktproduksjonen til konsum fekk ein knekk i 2015, noko som i hovudsak skuldast avlingssvikt knytt til klimaskader på Vestlandet. 95 tonn norske økologiske eple i 2016, viser at ein nestan har nådd målsetjingane til å kunne levere det ein grossist ynskjer å omsetja i 2016 (Mål : 100 t). Målet for 2020 er 275 tonn. Men av figur 2 ser ein ei svak auke i areal som skal drivast økologisk i framtida. Ein rådgjevar i Telemark melder i februar 2017 at 33% av nyplantingane av eple, skal drivast økologisk i framtida. Denne auken er truleg ikkje nok til å kunne drive fram voluma marknaden treng av kl 1 økologisk frukt til fruktlagra, då mange av produsentane leverer store delar av øko-epleproduksjonen til industri (jus). Kompetansenavet vest og NLRrådgjevarar melder om auka interesse blant produsentar med mindre gardsbruk for å starte med økologisk frukt - og bærproduksjon til lokalmatsegmentet og eigenproduksjon til foredla produkt. Det er i dag ein liten mengde økologiske bær som går gjennom grossist (ikkje rapportert), men andelen er aukande.
Det er behov for å få med alle samarbeidsaktørar til å dra lasset for å få fleire dyktige produsentar til å legge om dei økologiske areala sine og levere til fruktlagra. Difor held Føregangsfylke økologisk frukt og bær fram satsinga på rekruttering av dyrkarar til konsumfrukt-og bær i 2017, og planlegg landsdekkande kursseriar i økologisk frukt og bær-dyrking i lag med NLR. Det vart gjennomført eit møte i lab med Landbrukets-lyft i 2016 og det er planlagt nye fellesarrangement for å løfte motivasjonsarbeidet og syte for nyrekruttering i lag med landbruksmiljøet. Side: 3 av 9 1. MARKNAD Effektiv og sikker omsetning av all (100%) økologisk frukt og bær som økologisk vare og med meirpris (20%) eigen artikkel om dette kjem i april 2017. Delmål 1.1-1.4 Produksjonsplanlegging (volummål tom 2025) av dei mest aktuelle kulturane for økologisk dyrking i Noreg i samarbeid med fruktlagra, grossist og produsentorganisasjonar; gjennomført med Bama, men viste seg å bli vanskeleg å få frå Coop. Det er stort behov for meir volum til konsum av dei prioriterte kulturane: Prioriterte kulturar frukt: Plomme og eple til konsum. Klynger: knytt til fruktlager i tradisjonelle fruktdistrikt. Prioriterte kulturar bær: Jordbær, bringebær, ribes (rips, solbær, stikkelsbær) til konsum. Prognose: Eige prognoseprosjekt (2014-2016): Klienten er oppdatert med øko-informasjon for alle fruktkulturar, og gjort justeringar i programvare for å sikre at fruktlagra kan gje meir treffsikre prognosar til grossist om komande avlingar kvart år. Feltregistreringar i lag med NLR vest og NIBIO i 2016. Analysedel av programmet er snart justert for å kunne hjelpe produsentane å fylje avling-og prisutvikling på eigen gard over tid. Kursturne er gjennomført, og vurdert ny opplæringsrunde i 2017. Prosjektet avsluttast april 2017 med prosjektrapport. Prognosesamarbeid med fruktlagerinspektør i GPS, som har inkludert prognose for økologisk eple og plomme i lag med konvensjonelle fruktslag. Vert sendt ut kvar månad f.o.m juli kvart år. Godt samarbeid, har deltatt på to fruktlagermøter i 2016. Utviklingen av Klienten for bærkulturar har delvis starta i eit prosjekt i NLR med støtte frå FMLA Hordaland, men ikkje vidareført med økologisk del pga av at det ikkje er konsumproduksjon av økologisk bringebær enno. Det vart difor prioritert å stimulere auka produksjon før ein startar teknisk tilrettelegging kring prognose, logistikk, emballasje og transport av økologiske bær. Prisutvikling analyse og artikkel i Norsk frukt og bær utført av NIBIO. Prisutviklinga er god og meirpris til produsent i 2015 var på mellom 17-20% for økologiske eple tal for 2016 er ikkje klare. Epleproduksjonen er meir sårbar for prissvingningar, spesielt knytt til utnytting av dei ulike størrelsane på eple i pakkningstypar på fruktlageret. Det har elles ikkje vorte arbeidd vidare med statistikk for volumproduksjon-og prisutvikling i Noreg og import av økologisk frukt og bær til Noreg. Myndigheiter ser på produksjonen og importen som for liten enno til at det vil vera rekningssvarande å tilpasse eksisterande statistikk-system til øko-registreringar. Utnyttinga er høg på plommer men låg på eple. Det vart etablert eit eige prosjekt kalt «Øko som øko» i 2016, for å følgje opp fruktlagra tett og finne flaskehalser for omsetning av all økologisk produksjon som øko. Prosjektet la vekt på å avdekke terskelverdiar for øko-volum for å sikre lønsemd for fruktlagra og produktutvikle i lag med
fruktlagra. Dialogmøter med fruktlagrene (2x) og grossister (1x) vart gjennomført. Porsjektleiar for Øko som øko var Njøs Næringsutvikling. Marknadsprosjektet Øko som øko Målet var å syte for at all økologisk frukt og bær blir seld som økologisk i daglegvarehandelen, og prosjektet førte til ei auke i omsetjinga av økologisk frukt som økologisk. Konkretiseringar av dette vil verte dokumenterte i prosjektrapporten til prognoseprosjektet, som vert avslutta våren 2017. Investeringar i enkeltmerkingsmaskinar for økologiske eple ved dei Debio-godkjende fruktlagra og auka kommunikasjon om økologisk frukt mellom fruktlager og grossist, var tiltak som førte til betre totalomsetjing av økologisk frukt spesielt for dei mindre størrelsane av eple. Arbeidet med prognose og terskelverdiar i 2016 har betra noko av arbeidet kring både rekruttering og kvalitetssikre omsetjinga av økologisk frukt frå fruktlagra. Prosjektet viste også at det er naudsynt med eit tettare band mellom fruktlagra, produsentorganisasjonane og grossistane. Eit viktig punkt for fruktlagra i 2016 var å etablere gode rutinar for kommunikasjon mellom produsent og fruktlager i sesong, slik at grossistane kan få god planlegging av øko-fruktvoluma for sal, som fruktlageret ynskjer å levere til grossist. Dette melder Njøs Næringsutvikling i ein rapport til Føregangsfylke økologisk frukt og bær i 2016. Eit parti på 20 tonn økologisk frukt heldt på å bli selt som konvensjonell vare i 2016, men vart i siste sekund «redda» og omsett som økologisk. Denne nestenulykka kan i hovudsak forklarast med at voluma til norske fruktlager er framleis små og ujamne i leveringsmengde. Det krevst ekstra innsats frå fruktlagra med å hugse på å gi øko-informasjonen i tide til grossistane, når dei i periodar i ein hektisk sesong ikkje handterar økologisk frukt. Njøs Næringsutvikling konkluderar likevel med at pakkeeffektiviteten ved handtering av økologisk frukt ved norske fruktlager er låg, men voluma per fruktlager er store nok til å ikkje skape ekstrautgifter, så lenge rutinar vert følgde. Produktutvikling - Nye produkt («familiekorg» og enkeltmerking) vart testa hausten 2016. Alle fruktlagra med øko-godkjenning har med bidrag frå Føregangsfylkeprosjektet installert utstyr for maskinell enkeltmerking av frukt 2016. Korgsalet av små-eple vart berre testa i kort tid på eitt fruktlager fordi mykje av småeplene vart enkeltmerka og selde som brettpakka. Det er usikkert om dette førte til auka lønsemd hjå produsentane, då mykje vart seld til storhushaldning, men ein fekk sikra høgare andel øko-sal frå fruktlager enn før. Det var etablert eit samarbeid i Øko som øko med OIKOS sin demo-ansvarleg, men pga at korgpakningane ikkje vart gjennomført i storbyane, så vart samarbeidsavtala med OIKOS ikkje brukt. Delmål 1.5-1.7 Arbeidet med å stimulera til eigen merkevare for norskproduserte økologisk frukt og bær er lagt på is, då daglegvarekjedene har eigne merkevarer for økologiske produkt (EMV). Nyt Norge, Matmerk sine merkeordningar for lokalmat og Debio-merka produkt sikrar i stor nok grad merkevarebygginga. Arbeidet med økologisk for småskalaprodusentar er ikkje eit prioritert arbeid i 2016, då det no er viktig å auke produksjonen til daglegvarehandelen. Men me veit at enkelte fruktlager forsyner abonnementsordningar og lokalmatbutikkar med økologiske varer. Side: 4 av 9
Side: 5 av 9 Føregangsfylke økologisk frukt og bær oppmodar Landbruksdirektoratet å vera i dialog med LMD og faglaga om å la Innovasjon Noreg (via kompetansenava), Matmerk og Fylkesmennenes sine lokalmatkontaktar få eit større ansvar for å stimulera til ei auke i distribusjon og produktutvikling av småskalaproduksjon (lokalmat) med økologisk godkjenning. Føregangsfylke økologisk frukt og bær oppmuntra i 2016 SJH og Norsøk til å arbeide fram ein KIL-søknad, for å auke kompetansenivået for økologiske frukt-og bærdyrkarar med mål om produksjon for gardsutsal og vidareforelding. Søknad vart sendt i desember 2016, og ein avventar framleis svar. I 2015 vart storhushaldningsprosjektet innan økologisk frukt avslutta, og prosjektet vart på slutten av 2015 knytt tett opp mot OIKOS og ØQ/Debio Info sitt arbeid med Økologisk matandel på sjukehus. Føregangsfylke økologisk frukt og bær har oppmoda ØQ og Debio Info om å vidarefører arbeidet innanfor det nye nasjonale sjukehusanbudet for mat, og drive produktutvikling og matkurs for sjukehus med norske økologiske varer. Arbeid med storhushaldning (Haukeland) og skulefrukt er avslutta og vidareført i regi av enkeltprosjekt i Debio Info sitt arbeid med skulefrukt opp mot Oslo kommune og økologisk på norske sjukehus. 2. PRODUKSJON Auka avling og kvalitet på frukt og bær til konsum. -utsorteringsprosent vert rapportert på i prognoseprosjektet i mai 2017. Delmål 2.1 Motivasjon Kursing i å skrive pressemeldingar og utsending av pressemeldingar har ført til 2 nettbaserte presseoppslag, og god aktivitet på facebookgruppa Økologisk frukt og bær. Det har også vore trykt to artiklar i Norsk frukt og bær i 2016. Det vart produsert fire artiklar om føregangsdyrkarar i samband med eit produsentmøte i Gvarv desse artiklane vart publiserte på nettsida i 2016 og vinteren 2017, og spreidd i sosiale media. I 2015 vart det også gitt støtte til NLR-rådgjevarane for å utarbeide nye artiklar innan økologisk frukt og bær til nettpublisering, men ingen rådgjevarar søkte. Nokre av desse midlane vart trekt tilbake og nytta til kurs og formidlingsarbeid i 2017 i staden. Deltok i planlegginga og under gjennomføringa av Norske fruktdagar 2016, og støtta «øko-innslaga» økonomisk (ca 100 deltakarar og langt dei fleste var konvensjonelle dyrkarar). Inviterte GPS-gruppa frukt og fruktlagerstyrarane på studietur til produsentorganisasjonen Von Hertzen i Austerrike som har bygd opp den økologiske produksjonen av frukt i Austerrike i løpet av ein 15. års periode. Reiste i samband med hospiteringsprosjektet til NLR (20.-21. nov). 14 deltakarar med 2 fruktlagerstyrarar og deltakarar frå Gartnarhallen (SKP kjernefrukt) og rådgjevarar, samt dyrkarar frå hospiteringsprosjektet. Målet var å få produsentmiljøet til å ta eit motiveringsansvar for økologisk drift: 28. mars skal det arrangerast eit økofruktmøte i Hardanger i samarbeid med fruktlagra og Landbrukets øko-lyft. Produsentsamling i Gvarv sjå program her: http://prosjekt.fylkesmannen.no/okologiskeforegangsfylker/arrangement-og-kurs/okologisk-frukt-og-bar/fruktmoter-gvarv/?h=1&hy=2016.19 produsentar og om lag 5 andre deltakarar utanom føredragshaldarane. Vellukka samarbeid med Landbrukets øko-lyft som hadde motivasjonskveld dagen før produsentmøtet.
Dataverktyet Klienten på norske fruktlager har gjennom prosjektmidlar fått utvikla ein analysedel som viser utviklinga i økonomi for den enkelte dyrkar. Produsentar på alle fruktlager har vorte kursa i dei nye funksjonane i Klienten. Sjå også omtal av prosjekt i delmål 1. Delmål 2.2. Byggje produsentfellesskap Øko-kafeane skulle i 2016 bli gjennomført med midlar frå dyrkingsklyngepotten i NLR for økologiske dyrkarar, men har ikkje vorte gjennomført etter same mal som i 2015. Ulike rådgivingseiningar gjennomførte fagsamlingar for økologiske dyrkarar i svært ulik grad, og ein bør truleg evaluera korleis ein kan spissa bruken av dei økologiske rådgivingstilboda i NLR meir. Gjennomførte ein hospiteringstur til Austerrike våre 2016 og besøk nummer to vart gjennomført som ein studietur hausten 2016, medan tredje besøk blir gjennomført i 2017 (Austerrikarane besøker Noreg). Har gjennomført plomme-møter/plommekurs (jan) i Sogn og Fjordane (Leikanger og Innvik) og arrangerte studietur om økologisk jordbærproduksjon til Danmark og Sverige i lag med Jordbruksverket i Sverige (C. Winter) og NLR\(28 deltakarar). Arrangerte økologisk bærkurs (intro) i Lier i sept. i lag med NLR Viken (24 deltakarar), kor aktørar rundt Oslofjorden vart inviterte til møtet. Bærprodusentane driv i mindre grad i klynger ift fruktprodusentane og bærprodusentane leverer ofte direkte til grossist eller butikk. I 2016 dreiv me meir «oppsøkande arbeid» og stimulert enkeltprodusentar til større satsingar innan bær, samt fylgt opp avslutninga av jordbærprosjektet i Agder (prissensitivitet). Det er to jordbærprodusenter på Østlandet som planlegg ein større table-top produksjon av økologiske jordbær, og Foregangsfylke økologisk frukt og bær har støtta utviklingsarbeidet til ein masterstudent med utgangspunkt i produksjonsklare planter i table-top. Eit kalkyleprosjekt for økologisk bringebær har blitt utvikla i lag med ein produsent i Lærdal og tilhøyrande bærlager, for å kunne stimulera til auka produksjon. Men varsla innstramming av reglar for parallellproduksjon ser ut til å hindre større satsingar på økologisk produksjon av bær til konsum (grossist) i Noreg. Det vart etablert kontakt med Oslofjorden frukt og bær hausten 2016 (dagleg leiar tilsett 1. juni). 8.-9. nov vart det i samarbeid med GH og i samband med landbrukets øko-løftmøte, arrangert ein dagssamling i Gvarv med fokus på frukt og styrke produsentfellesskapet rundt dei økologisk fruktdyrkarane. Sjå tidlegare omtale og link til arrangementet. Det er planar om å ha fleire samproduksjonar med Landbrukets øko-lyft i 2017. Delmål 2.3 Informasjon om dyrkingsmetode Det vart løyvd midlar i 2016 frå «salspakka» til planlagte kurs i økologisk jordbærdyrking i 2017, samt utabeid intro-ark til økologisk fruktproduksjon i samarbeid med Debio og Landbrukets øko-lyft. Manualane for økologisk eple-og plommeproduksjon blir lansert i mars 2017 (løyving gitt i 2014). Side: 6 av 9
Blir vurdert å oppdatera dyrkingsmanual for ribes-produksjon (øko+konv.) klar til bærkurs våren 2017 ( gitt støtte til manualar for jordbær+bringebær i 2015). Øko-hjørne for frukt har blitt sendt ut til alle einingane i NLR, men få einingar inkluderar i dag øko-hjørne i sine nyheitsbrev. Usikkert kvifor. Arbeidet med øko-hjørne bær har vist seg vansklegare å gjennomføra då produksjonane er så forskjellige og få økologiske bærprodusentar spør i liten grad etter tenester frå NLR. NLR sine nettsider er i dag meir oppdaterte med økologisk dyrkarinfo og det er lagt opp til ein søkbar ordning for økologisk frukt og bær-informasjon. Hadde to dialogmøter med Agropub om meir oppdatert informasjon for økologisk frukt og bær, men det er framleis uklart kva for målgruppe nettsida skal ha. Føregangsfylke økologisk frukt og bær prioriterer å bidra til artiklar mot produsentar på NLR og i Norsk frukt og bær og Økologisk landbruk (tidsskrift). Biletdatabase for bær: det vart avgjort at ein skulle samla inn bilete etter behov frå NLR og NIBIO då det er mange kulturar å halde eit godt biletarkiv til. Visningshagane (Njøs og Nibio) og produksjonshagane til dei vidaregåande skulane på Hjeltnes og SJH vart samkøyrte gjennom møter i 2015. Prosjekt knytt til visningshagane på Njøs og Nibio løper i 2016, medan undervisningshagane ikkje har vorte støtta med midlar i 2016. Det vart i 2016 konkludert med at Hjeltnes vert lagt ned som VGS og NIBIO etalberer nye øko-areal for fruktforsking på eigen gard. Visningshagen på Njøs vil bli vedlikehaldt så lenge det er nye øko-prosjekt. SJH har etablert eit mål om å støtte lokalmatprodusentar som vil etalbera frukt- og bærhagar for produksjon til gardsutsal og vidareforedling eigen søknad sendt til KIL-midlane i Matmerk for å gje desse produsentane ei kurspakke. Visningshage vert etablert i samband med denne. 2.4. Informasjonskanalar til produsentar Har nytta og publisert i dei eksisterande nettsidene og tidsskrifta som nemt tidlegare år, samt prøvd å få fleire presseoppslag i 2016. Fagkoordinator for frukt og bær i NLR er medlem i styringsgruppa og det har vorte gjennomført om lag 10 planleggingssamtalar om aktivitetar mellom Føregangsfylke økologisk frukt og bær og NLR. Det har og vore god dialog mellom Øko-løft prosjektet i OIKOS, Debio og Føregangsfylke-prosjekta. Side: 7 av 9 3. INFORMASJON Etablera (og drifte) informasjonsstrukturar som sikrar god informasjonsfylt om økologisk frukt og bær til forbrukar, støtteapparat og produsentar. Delmål 3.1-3.4 Sendt ut 8 nyheitsbrev i 2016 frå Føregangsfylke økologisk frukt og bær, retta mot forvaltninga. Det er ca 50% som åpnar nyheitsbrevet og ca 20% som les vidare i artiklane. Gode tilbakemeldingar. Målet har vore 4-6 nyheitsbrev i halvåret.
Side: 8 av 9 Dei 8 nyheitsbreva frå føregangsfylke økologisk frukt og bær hadde i snitt 40-50% fyljarar som opna ei side i nyheitsbrevet. Det er totalt 180 fyljarar av nyheitsbrevet. Facebooksida Økologisk frukt og bær er retta mot forbrukarar og har gått frå ca 690 likes til 727 likes på eit halvt år og eit aukande tal visningar og delingar for kvar månad:
Produsentane har fått dårlegare oppfyljing av informasjon om siste nytt innan den økologiske produksjonen dei driv, gjennom at færre har fått tilsendt øko-hjørne i 2016 og bærdyrkarane ikkje har fått dette tilbodet som planlagt. Ei gladnyheit er likevel at produsentane knytt til nokre fruktlager får no sms ar med meldingar om omsetjings-og sorteringsresultat for øko-leveringane (nytt i 2016). Erfaringsutveksling på nasjonalt nivå har blitt gjennomført gjennom to prosjektmøter med dei andre Føregangsfylka samt eitt kurs i presseskriving. Føregangsfylke økologisk frukt og bær har og delteke på møter med Debio (1x), Økolyft (1x) + planlegging/gjennomføre av eit fruktmøte hausten 2016, Agropub (2x), I samband med økolyftprosjektet vart det gitt ut kortversjonar av regelverket for økologisk frukt og bær i Noreg og eit innføringsskriv i økologisk frukt-og bærdyrking (startveiledning). Side: 9 av 9 4. FOU OG FORVALTNING Definera flaskehalsar i produksjon og forvaltning som må løysast på nasjonalt nivå og setje i gang tiltak. Delmål 4.1 Nye forsknings-og utviklingsprosjekt møter og workshop i samband med Norske fruktdagar 2016 (jan.). Eit eige prosjekt «Forsk smart» vart oppretta i etterkant av prosjektet som skal syte for fleire produsent/fruktlagerinitierte forskingsprosjekt, kor økologisk profil på prosjekta vil bli inkludert (ansvar NIBIO). To søknader med relevans for økologisk fruktdyrking fekk avslag i 2016, medan eitt frukt/bærkompost-prosjekt gjennom Njøs Næringsutvikling og SIMAS i Sogn og Fjordane fekk RFF-midlar i 2016. Stipend til Masterstudent på NMBU for å teste substrat til økologisk jordbærdyrking (Myhrene AS og Lindum eig prosjektet). Dette prosjektet fekk nokre utfordringar og studenten endra prosjekt midtvegs. Det er eit mål å avslutte FOU-prosjekt støtta av føregangsfylke økologisk frukt og bær i 2016, for å kunne desse midlane til å kunne formidla meir frå prosjekta i 2017. Sprinklar-prosjektet vart avslutta i 2016, men ein har mål om å vidareføre den i 2017, og avklarte korleis Mattilsynet ser på denne måten å spreie plantevernmiddel på. Delmål 4.2 NLR og Nibio driv arbeidet med å undersøke og løyse flaskehalsar knytt spesielt til plantevernmiddel som kan nyttast til økologisk drift i Noreg. Det same gjeld gjødselslag. Det er gitt ekstra løyvingar for at NLR og Nibio kan drive dette arbeidet. Eige dialogmøte med NLR, Mattilsynet/Debio og importørar den 26. sept, vart arrangert for å sjå om ein kan auke tal plantevernmiddel godkjende i EU, til å bli gjeldane også i Noreg. Deltok på det årlege plantevermøtet i januar mellom NLR og NIBIO. Plantevernplanen vart oppdatert med øko-informasjon, men del 2 erstatta av IPV-rettleiarar i staden. Det vert ikkje arbeidd vidare med statistikk for økologisk frukt og bær (nasjonal og import) utover det det offentlege samlar inn i dag.