Saksframlegg Sakshandsamar: Helga Bakken Arkivsaksnr.: 12/2013-1 Arkiv: Sogn Lokalmedisinske senter (Sogn LMS) Invitasjon til å deltaking i fase to forprosjektfasen * Tilråding: 1. Sogndal kommune ser positivt på eit interkommunalt samarbeid innan helse og omsorg i Sogn. 2. Sogndal kommune ser ikkje behov for legevaktssamarbeid i form av ei felleslokalisering av legevakt for våre innbyggjarar ved Lærdal sjukehus. Med grunnlag i at Sogndal kommune skal byggja ut Sogndal omsorgssenter der det skal etablerast eiga korttidsavdeling med Ø- hjelpstilbod, finn kommunestyret ikkje grunnlag for deltaking i delprosjekt 1 (legevakt, akuttsenger, intermediære senger). 3. Sogndal kommune melder seg interessert i å ta del i fase to/forprosjektet gjennom deltaking i delprosjekt 2 (fagnettverk for ulike diagnosar). 4. Sogndal kommune melder seg interessert i å ta del i fase to/forprosjektet gjennom deltaking i delprosjekt 3 (standardiserte pasientløp). 5. Sogndal kommunestyre gir rådmannen fullmakt til å ta stilling til detaljert prosjektplan for fase to/forprosjektet så snart planen er klar. Handsaming i formannskapet 07.06.2012: Karin Vikane (H) la fram følgjande forslag til nytt punkt 2: 1. Sogndal kommune melder seg interessert i å ta del i fase to/forprosjektet gjennom deltaking i delprosjekt 1. Forslaget vart sett opp mot punkt 2 i tilrådinga. Forslaget til KV (H) fekk 2 røyster (H, V). Tilrådinga fekk 7 røyster (4 Ap, Sp, Sv, KrF). Samrøystes tilråding: 1. Sogndal kommune ser positivt på eit interkommunalt samarbeid innan helse og omsorg i Sogn. Tilrådinga med 7 røyster (4 Ap, Sp, Sv, KrF). 2. Sogndal kommune ser ikkje behov for legevaktssamarbeid i form av ei felleslokalisering av legevakt for våre innbyggjarar ved Lærdal sjukehus. Med grunnlag i at Sogndal kommune skal byggja ut Sogndal omsorgssenter der det skal
etablerast eiga korttidsavdeling med Ø-hjelpstilbod, finn kommunestyret ikkje grunnlag for deltaking i delprosjekt 1 (legevakt, akuttsenger, intermediære senger). Samrøystes tilråding: 3. Sogndal kommune melder seg interessert i å ta del i fase to/forprosjektet gjennom deltaking i delprosjekt 2 (fagnettverk for ulike diagnosar). 4. Sogndal kommune melder seg interessert i å ta del i fase to/forprosjektet gjennom deltaking i delprosjekt 3 (standardiserte pasientløp). 5. Sogndal kommunestyre gir rådmannen fullmakt til å ta stilling til detaljert prosjektplan for fase to/forprosjektet så snart planen er klar. Prenta vedlegg: 1. Invitasjon frå Lærdal kommunen om deltaking i fase 2- forprosjektfasen, brev av 18.05.12. 2. Sogn LMS, Etablering av lokalmedisinsk senter i Lærdal, sluttrapport etter forstudien i prosjektet Sogn LMS Saksutgreiing: Bakgrunn På bakgrunn av invitasjon frå Lærdal kommune handsama kommunestyret i Sogndal i juni i fjor spørsmålet om deltaking i ein regional prosess i høve til utgreiing om eit lokalmedisinsk senter i Sogn. Kommunestyret gjorde i sak 23/11 slikt vedtak: 1. Sogndal kommune vil ta del i ein regional prosess i høve til utgreiing om distriktsmedisinsk senter i Sogn, jf. Lærdal kommune sin invitasjon av 04.mai 2011. Deltakinga gjeld fase 1 forstudien. 2. Kommunestyret si vurdering er at ein som ein del av forstudien og bør få ein viss oversikt over tilbod og støttefunksjonar som vert ved sjukehuset i Lærdal. 3. Den oppsette framdriftsplanen viser at fase 1 skal vera avslutta sommaren 2011. Sogndal kommunestyre ber Lærdal kommune om å vurdera framdriftsplanen på nytt, då det er grunn til å rekne med at arbeidet med forstudien vil ta noko meir tid. 4. Sogndal kommune vil ta sin del av finansieringa gjennom eigeninnsats slik det er skissert i invitasjonsdokumentet. Arbeidet med forstudien er no avslutta, og i skriv av 18.5.2012 frå Lærdal kommune vert Sogndal kommune invitert til å delta i ein fase to forprosjektfasen, jf.vedlegg 1. Arbeidet i forstudien har munna ut i ein sluttrapport, jf. vedlegg 2. Kapittel 8 i rapporten er styringsgruppa si tilråding for neste prosjektfase basert på forstudien. Tilrådinga er skildra i følgjande fire deler: 1. tre delprosjekt 2. organisering 3. finansiering 4. prosjektplan for forprosjektet. I del 1 vert det tilrådd at ein skal utgreia og konkretisera følgjande spesifikke tenester, 3 delprosjekt: 1. Pasientretta oppgåver lokaliser ved eit LMS i Lærdal: legevakt, akutt- og intermediære senger.
2. Pasientretta oppgåver som er geografisk uavhengige av lokalisering, t.d. fagnettverk for ulike diagnosegrupper. 3. System, IKT og kompetanse oppgåver som er geografisk uavhengige. Eit døme på slike oppgåver er etablering av standardiserte pasientforløp for ulike pasientgrupper. Del 2 - organisering, finansiering og prosjektplan Lærdal kommune skal vera ansvarleg for prosjektet, og prosjektet vert organisert som eit overordna prosjekt med ulike delprosjekt. Dei kommunane som ønskjer å vera med i forprosjektet, må vera med i det overordna prosjektet. Der vert lagt opp til ei vidareføringa av den organiseringa som har vore i forstudien. Rådmennene i deltakarkommunane saman med brukarrepresentant og representant frå Helse Førde HF utgjer styringsgruppa. Vidare skal det etablerast ei overordna arbeidsgruppe med representantar frå kommunehelsetenesta som deltek saman med representantar frå Helse Førde HF. For kvart delområde vil det bli vurdert å etablera delprosjekt, som er samansett av fagpersonar frå kvar kommunen, som vil vera ansvarleg for å gjennomføra kartlegging og analyse på dei respektive områda. Samstundes er det ein føresetnad at spørsmåla om organisering må vurderast når det er klart i kva grad dei ulike kommunane vil delta vidare. Dersom enkelte kommunar ikkje ser behov for deltaking i einskilde delprosjekt er det høve til å reservera seg for slik deltaking. Del 3 - finansiering Kommunane og Helse Førde HF har til saman fått 5 millionar kroner til utgreiing og etablering av eit LMS. I følgje tilsagnsbrevet skal midlane nyttast til planlegging og utvikling av nye tiltak i samband med samhandlingsreforma og ikkje nyttast til investering eller drift. Del 4 - prosjektplan Som prosjektansvarleg vil Lærdal kommunen utforma ein detaljert prosjektplan som styringsgruppa for forprosjektet får fullmakt til å godkjenna. Ut frå at kommunane som har delteke i forstudien har ulik ståstad, er det i invitasjonen frå Lærdal kommunen lagt til grunn at grad av deltaking i fase to/forprosjektet kan variera mellom kommunane. Arbeidet med fase to er føresett å gå frå august i år fram mot sommaren 2013. Vurdering Spørsmålet som kommunestyret skal ta stilling til er om Sogndal kommune skal delta i forprosjektet, og dersom vi vel å delta kva skal vi delta i? Delprosjekt 1: Legevakt, akutt- og intermediær avdeling I pkt 5.1.2 i sluttrapporten seier arbeidsgruppa følgjande i høve til behovet for legevakt: I høve til etablering av eit LMS ved Lærdal sjukehus så ser arbeidsgruppa det som nødvendig at ein etablerer ei interkommunal legevakt ved sjukehuset som ein basis for å utvikla andre tenester. Ei slik legevakt må ha lege stasjonert ved sjukehuset. Når det gjeld Sogndal kommune og ev. legevaktsvurdering har arbeidsgruppa sagt følgjande: Luster, Sogndal og Leikanger ikkje ser behov for legevaktssamarbeid i forma av ei felleslokalisering av legevakt for sine innbyggjarar ved Lærdal sjukehus.
Akutt- og intermediære senger: I rapporten har arbeidsgruppa følgjande vurdering i høve til dette spørsmålet: Ved etablering av ein regional sengepost ved Lærdal sjukehus er 4 sengeplassar vurdert til å vera dekkande i høve til behovet for akutt senger dersom alle kommunane vel å nytta Sogn LMS. Per i dag ser ikkje Vik, Sogndal og Luster behov for å nytta eit slikt tilbod. Nokre kommunar har planar om å opprette døgntilbod ved øyeblikkeleg hjelp i eigen kommune allereie frå inneverande år, medan fleirtalet av kommunar ikkje har planar om å oppretta eit slikt tilbod i eigen regi. Bakgrunnen for Sogndal kommune sitt standpunkt er at det er ei politisk priortert oppgåve å følgje opp samhandlingsreforma og planlegge og gjennomføre utvidingar av helse- og omsorgstenestene i kommunen, slik at kommunen sjølv kan levere tenester som førstelinetenesta skal ta over frå spesialisthelsetenesta. I K.sak 13/12 gjorde kommunestyret slikt vedtak: 1. Kommunestyret ber rådmann arbeide vidare med utbygging av Sogndal omsorgssenter/ Sogndal lokalmedisinske senter i samsvar med romprogrammet og leggja fram ei sak med investeringsvedtak innan 2013. 2. Kommunestyret ber rådmannen greie ut verknadene av å lokalisere helsestasjon- og jordmortenesta som del av SOS-utbygginga, ev. som eit byggjetrinn 2. 3. Før utbygginga vert prosjektert skal det gjennomførast ein arkitektkonkurranse på bakgrunn av romprogrammet (inkl. moglegheiter for 40 plassar i eit byggetrinn II), tilgjengeleg utbyggingsareal (SOS-tomta og Stitoppen), vedteken investeringsramme og ny reguleringsplan for område. Samlokalisering er ein føresetnad for lokalmedisinske tenester i Sogndal. Det er m.a. lagd inn i romprogrammet for utbygging av SOS å etablera senger for øyeblikkeleg hjelp, og kommunen har også sendt brev til Helse Førde med informasjon om at vi tek sikte på å etablere dette tilbode i 2012. Med grunnlag i dette er rådmannen si tilrådinga at Sogndal kommune ikkje bør delta i delprosjekt 1. Delprosjekt 2: Fagnettverk for ulike pasientgrupper Kva som ligg i dette er skildra slik i punkt 5.2.4 i sluttrapporten: Det å driva med kompetanseutvikling og målretta forbetringsarbeid er utfordrande i ein liten kommune med avgrensa tal fagpersonar og tilgjengelege ressursar. Vidare kjem fleire kommunar med tilbakemelding på at dei i liten grad har forskingskompetanse i eigen kommune. Fleire opplever eit behov for auka innsikt og kunnskap i høve til brukargrupper, men at ein ikkje er i stand til å gjennomføra slike prosjekt i isolasjon. I høve etablering av fagnettverk er det naudsynt å involvera spesialisthelsetenesta slik at ein sikrar tilgong på spesialistkompetanse og rettleiing slik at ein kan utvikla meir spesialisert kunnskap i kommunane. Dersom ein etablerer fagnettverk på tvers av kommunane i høve til store diagnosegrupper, så kan desse saman byggja større kompetnse, utforma rutinar og system for kompetanseheving i tenesta i eigen kommune og vera ein ressurs både mot direkte pasientbehandling og inn mot forbetring av kvaliteten i tenestene i eigen kommune.
Rådmannen er samd i denne vurderinga og vil tilrå at Sogndal kommune deltek i vidare arbeid med delprosjekt 2. Delprosjekt 3: Standardiserte pasientløp for ulike pasientgrupper Kva som ligg i dette er skildra slik i punkt 5.2.2. i sluttrapporten Standardiserte pasientløp er ein metode for å gje eit heilskapleg koordinert helsetilbod til ulike målgrupper. Det betyr at ein utarbeider retningslinjer og rutinar i høve til korleis ein skal møta brukarar med ulike diagnosar og kva oppfølging dei skal ha av dei kommunale tenestene og spesialisthelstenesta. Eksempelvis kan ein utforma slike retningslinjer i høve til store grupper av kronikarar som t.d. KOLS, diabetes og demens. Ein slik rettleiar vil då angi ansvar for ulike oppgåver, når ein brukar skal ha besøk av heimetenesta, når fastlegen skalha tilsyn med brukaren, involvering av andre tenester i form av tilrettelegging av bustad og liknande. På same vis kan ein utforma slike retningslinjer for pasientar som har kome frå sjukehus for å leggja til rette for god rehabilitering og mottak i kommunen slik at ein hindrar retur til sjukehus. Rådmannen er samd i denne vurderinga og vil tilrå at Sogndal kommune deltek i vidare arbeid prosjekt 3. Innhaldet i delprosjekt 2 og 3 må fastsetjast i ein prosjektplan. Rådmann vil i den samanheng leggja vekt på at dei viktigaste områda vert prioritert og at omfanget i arbeidet er tilpassa dei tilgjengelege personalressursane i prosjektet og i kommunen. Jostein Aanestad rådmann