Til lokallagsleder Rundskriv L 08-2011 Oslo 21. mars 2011 Nytt prinsipprogram for perioden 2011-2015 og ny handlingsplan for 2011 2012 Under landsmøtet på Grenland Folkehøgskole 6.-9. juni 2011, skal det vedtas nytt prinsipprogram for NKF for fireårs perioden 2011-2015 og ny handlingsplan for 2011-2012. I den sammenheng ønsker vi at lokallagene drøfter hva dette prinsipprogrammet og denne handlingsplanen bør inneholde og kommer med forslag og prioriteringer på bakgrunn av en slik drøfting. Vedlagt finner dere prinsipprogrammet for inneværende periode 2007 2011 (side 2-5 i dette rundskrivet) og handlingsplanen 2010-2011 (side 6-8). Vi er interessert i innspill både fra lokallag og fra enkeltmedlemmer! Send forslag/kommentarer til: NKF v/arvid Kopperdal, E-post: arvid@ikf.no Frist for innspill: Fredag 1. april Medlemsundersøkelse på internett NKF er i gang med et framtidsverksted. Vi ønsker blant annet innspill til hva som skal være de viktigste satsningsområdene for NKF i årene som kommer. I den forbindelse sender vi med det første ut en nettbasert spørreundersøkelse til alle NKFs medlemmer. Når dere mottar et rundskriv om denne spørreundersøkelsen, ber vi lokallagsleder å videresende nettadressen som skal brukes, til alle medlemmene i lokallaget. Det tar ca. 5 minutter å svare på undersøkelsen. Med hilsen NKF Tor Grønvik daglig leder Arvid Kopperdal organisasjonskonsulent
Prinsipprogram for Noregs Kristelege Folkehøgskolelag 2007-2011 1 Føremål Føremålet for Noregs Kristelege Folkehøgskolelag (NKF) er å styrkja og forma ut den kristne folkehøgskolerørsla med forankring i evangelisk kristen vedkjenning. (frå vedtektene til NKF) Tradisjon og verdigrunnlag NKF vil føre vidare og fornye den kristne folkehøgskolerørsla i truskap mot organisasjonen si historie og tradisjonar. På dette grunnlaget vil NKF aktivt og ope møte aktuelle impulsar og utfordringar i vår eiga tid. NKF er berar av den kristne folkehøgskolerørsla arbeidstakarorganisasjon for tilsette i folkehøgskolen interesseorganisasjon for den kristne folkehøgskolen Menneske samfunn - skaparverk NKF bygger på eit kristent menneskesyn. Mennesket er skapt i Guds bilete. Difor har kvart einskild menneske eit ukrenkeleg verd, uavhengig av prestasjonar og funksjonsevne. Alle har rett til å få utfalda si unike utrusting og bruke sine eigenskapar i samspel med andre. Menneske er skapte til fellesskap. Å realisere eit kristent menneskesyn vil mellom anna handle om balansen mellom utfalding for individet og ansvar for fellesskapet. NKF vil arbeide for eit demokratisk samfunn der alle opplever seg inkluderte. Mennesket sin identitet er knytt til kunnskap om eigne historiske røter. NKF ser det difor som vesentleg å ta vare på norske og samiske kulturtradisjonar. Samtidig vil NKF legge vekt på det globale perspektivet. NKF vil vere open for impulsar frå andre kulturar og arbeide for større forståing på tvers av kulturgrenser. Idealet er å kombinere open dialog i forhold til nye straumdrag og retningar i samfunnet, med truskap mot dei verdiane skoleslaget tradisjonelt har bygd på. Til ei kristen forståing av mennesket høyrer også å sjå mennesket som ein del av heilskapen i skaparverket. Naturen har sin eigen verdi. Han er både vilkår og ramme for mennesket si livsutfalding. Mennesket har forvaltaransvar i skaparverket til heilskapen sitt beste. Spørsmål knytt til berekraftig utvikling og miljøansvar vil vere viktige for NKF. Skole læring - pedagogikk Folkehøgskolen er ein allmenndannande skole. NKF ser allmenndanning som eit omgrep som femner både kunnskapstileigning, personleg og sosial vokster, og
mogning. Allmenndanning knyter individet til fellesskapet. I vår tid ser vi i aukande grad at dette fellesskapet er globalt, og pedagogikken må få preg av det. Det sosiale og demokratiske aspektet er viktig i NKF sitt syn på læring. Vi lærer i samarbeid og samspel med andre. Læring i folkehøgskolen er knytt både til undervisningssituasjonen og til internatet og det sosiale livet på skolen. Ut frå skoleslaget sin eigenart er det sosialpedagogiske arbeidet viktig. Livsnær undervisning med vekt på erfaringslæring står sentralt. Den gode læringssituasjonen i folkehøgskolen tek utgangspunkt i elevane sine opplevingar og erfaringar. Folkehøgskolen er ein verdiskole. Den kristne folkehøgskolen vil formidle møte med kristen livsforståing, kristen tru og kristent liv. Dette skal sameinast med respekten for elevane sin integritet og ansvar for eigne livsval. Overordna arbeidsmål for NKF 2007-2011 For arbeidet med å realisera dette verdigrunnlaget har NKF sett seg desse overordna måla på fem arbeidsområde: NKF skal vere ein relevant og attraktiv organisasjon for alle som arbeider i den kristne folkehøgskolen. Den kristne folkehøgskolen skal vere ein aktuell og framtidsretta del av utdanningssystemet i Noreg, med gode rammevilkår for drifta. Løns- og arbeidsvilkåra på dei kristne folkehøgskolane skal vere gode og konkurransedyktige. Arbeidsmiljøet og arbeidstilhøva skal stimulere til innsats. Dei kristne folkehøgskolane skal vere attraktive arbeidsplassar der det blir lagt aktivt til rette for at dei tilsette får utvikle sin kompetanse. Dei kristne folkehøgskolane skal vere verdibevisste og opne, aktuelle og nyskapande og gje gode faglege og sosialpedagogiske tilbod. Dei skal vere attraktive for elevane, og spennande samarbeidspartar for andre skolar og skoleslag. 1. NKF som organisasjon NKF skal vere ein relevant og attraktiv organisasjon for alle som arbeider i den kristne folkehøgskolen.
Aktuelle tiltak og arbeidsområde: Støtte og samarbeid med lokallag på alle folkehøgskolar der NKF har medlemmer. God informasjon til medlemmer og tillitsvalde. Opplæring for tillitsvalde i alle ledd i organisasjonen. Bladet Kristen Folkehøgskole. Eigen nettstad. Vedlikehalde og utvikle gode medlemstilbod. 2. Skolepolitikk og arbeid for å styrke folkehøgskolen som skoleslag Den kristne folkehøgskolen skal vere ein aktuell og framtidsretta del av utdanningssystemet i Noreg, med gode rammevilkår for drifta. Aktuelle tiltak og arbeidsområde: Medverke aktivt til å gjere folkehøgskolen synleg og kjent, i samfunnet generelt og spesielt i pedagogiske og politiske miljø. Arbeide for å sikre tilstrekkelege offentlege løyvingar til drifta ved skolane. Saman med Informasjonskontoret for kristen folkehøgskole (IKF), vil NKF styrkje interessa for og synleggjere den kristne folkehøgskolen innan kristne organisasjonar og trussamfunn. NKF vil og arbeide for å styrkje motivasjonen til å satse på folkehøgskolen i eigarorganisasjonane. Delta aktivt i samarbeidsfora i Noreg, Norden og internasjonalt der det er tenleg at den kristne folkehøgskolerørsla er representert. Det skolepolitiske arbeidet blir for ein stor del gjort i samarbeid med Norsk Folkehøgskolelag gjennom Folkehøgskolerådet. 3. Arbeid for gode løns- og arbeidsvilkår for medlemmene. Løns- og arbeidsvilkåra på dei kristne folkehøgskolane skal vere gode og konkurransedyktige. Arbeidsmiljøet og arbeidstilhøva skal stimulere til innsats. Aktuelle tiltak og arbeidsområde: Halde oppe kompetanse i arbeidslivsspørsmål så ein kan hjelpa einskildmedlemmer, lokale tillitsvalde og skolar i saker som har med lover, regler og avtaleverk å gjere. Grundig og effektiv opplæring for alle tillitsvalde i organisasjonen. Sentrale forhandlingar om løns- og arbeidsvilkår. Støtte til lokallaga i forhandlingar på skolane. Samarbeide med andre fagforeiningar der det kan vere til fordel for medlemmene. Årsmøtet har vedteke eit eige lønspolitisk dokument for NKF. Mykje av fagforeiningsarbeidet blir gjort i samarbeid med Norsk Folkehøgskolelag og gjennom samarbeidsavtalen med Utdanningsforbundet. 4 Kompetanseutvikling for dei tilsette Dei kristne folkehøgskolane skal vere attraktive arbeidsplassar der det blir lagt aktivt til rette for at dei tilsette får utvikle sin kompetanse.
Kompetanseutvikling for dei tilsette er eit ansvar for kvar einskild skole som arbeidsgjevar. NKF vil vere pådrivar, ressurs og samarbeidspart for skolane og medlemmene. Aktuelle tiltak og arbeidsområde: Inspirasjons- og etterutdanningskurs for ulike grupper av tilsette. Innarbeide arbeidsvegleiing på alle skolane. Andre tiltak for erfaringslæring gjennom arbeidet. Fremme forståing for og kompetanse i verdibasert undervisning. Særlege opplæringstilbod for nytilsette. Støtte til studiar og vidareutdanning. 5 Skoleutvikling og pedagogisk utviklingsarbeid på skolane Dei kristne folkehøgskolane skal vere verdibevisste og opne, aktuelle og nyskapande og gje gode faglege og sosialpedagogiske tilbod. Dei skal vere attraktive for elevane, og spennande samarbeidspartar for andre skolar og skoleslag. Kvalitetsutvikling er eit lovpålagt ansvar for alle folkehøgskolane. Også på dette området ser NKF seg som pådrivar, ressurs og samarbeidspart for skolane. Aktuelle tiltak og arbeidsområde: Tilby skolane fagleg hjelp i utviklingsarbeidet ved eigen skole. Styrkje skolane sin kompetanse til sjølvevaluering. Støtte satsing på vegleiing for elevane. Legge til rette for at skolane kan samarbeide og lære av kvarandre. Halde ved lag ein pedagogisk og ideologisk debatt. Bygge alliansar og samarbeide med andre fagmiljø og aktørar innan pedagogikk og skoleutvikling. Initiere forsking knytt til det som er særmerkt ved folkehøgskolen. NKF samarbeider med NF om fleire av skoleutviklingstiltaka. Prinsipprogrammet blir vedteke av årsmøtet i NKF for fire år om gongen. Årsmøtet vedtek i tillegg kvart år ein handlingsplan som konkretiserer arbeid og mål innanfor dei ulike arbeidsområda til organisasjonen. Vedtatt: NKFs landsmøte, Fredtun Folkehøyskole 29. mai - 1. juni 2007
Handlingsplan 2010 2011 Årsmøtet i 2007 vedtok prinsipprogram for fireårsperioden 2007-2011. Prinsipprogrammet presenterer tradisjon og verdigrunnlag for NKF. Og det viser til fem overordna arbeidsmål for organisasjonen, med eksempel på aktuelle tiltak og arbeidsområde under kvart av dei. Nokre av arbeidsområda vil vere dei same frå år til år. Den årlege handlingsplanen skal peike ut eitt eller nokre få særskilde satsingsområde dette arbeidsåret. 1 NKF som organisasjon NKF skal vere ein relevant og attraktiv organisasjon for alle som arbeider i den kristne folkehøgskolen. Styrke kontakten med medlemmene. NKF skal vidareutvikle organisasjonen si heimeside og annan elektronisk kommunikasjon. Besøksrunden til skolar og lokallag skal fullførast i 2010-2011. 2 Skolepolitikk og arbeid for å styrke folkehøgskolen som skoleslag Den kristne folkehøgskolen skal vere ein aktuell og framtidsretta del av utdanningssystemet i Noreg, med gode rammevilkår for drifta Det skolepolitiske arbeidet blir for ein stor del gjort i samarbeid med Norsk Folkehøgskolelag gjennom Folkehøgskolerådet. Folkehøgskolearrangement til hausten Saman med NF, informasjonskontora og Folkehøgskolerådet planlegg NKF eit ope folkehøgskolearrangement i Oslo hausten 2010. Programmet skal mellom anna bygge på forskingsrapport frå NTNU og Tankesmia for NF og NKF. Skolane som ressursar og tydelege aktøar i lokalmiljøet.
NKF vil utfordre skolane til å informere lokalmiljøet om skolen sine aktivitetar og utvikle samarbeidet med ulike grupper og institusjonar. 3 Arbeid for gode løns- og arbeidsvilkår for medlemmene Løns- og arbeidsvilkåra på dei kristne folkehøgskolane skal vere gode og konkurransedyktige. Arbeidsmiljøet og arbeidstilhøva skal stimulere til innsats. Mykje av fagforeiningsarbeidet blir gjort i samarbeid med Norsk Folkehøgskolelag og gjennom samarbeidsavtalen med Utdanningsforbundet. Opplæring for tillitsvalde Slik tariffavtalane har utvikla seg, er dei tillitsvalde sin rolle blitt enno viktigare. Konferansen for tillitsvalde i september blir utvida med ein dag frå i fjor. Utarbeide konkrete retningsliner for gjennomføring av lokale lønsforhandlingar NKF skal utarbeide skriftlege reningsliner for gjennomføring av dei lokale lønsforhandlingane hausten 2010. Retningslinene må utarbeidast i samarbeid med lokale tillitsvalde. 4 Kompetanseutvikling for dei tilsette Dei kristne folkehøgskolane skal vere attraktive arbeidsplassar der det blir lagt aktivt til rette for at dei tilsette får utvikle sin kompetanse Kurset Ny i folkehøgskolen 9.-12. august Nytt av i år er at kurset blir utvida og arrangert i forkant av skuleåret. Tanken er at skulen sender dei nytilsette til kurset før oppstartveka tar til. Eit tett samarbeid med NLA er også nytt i år. NKF-kurset kan inngå som ein del i eit NLA-kurs på 10 studiepoeng, Grunnlagstenking for kristen skole. Kurs for inspektørar hausten 2010 NKF skal hausten 2010 arrangere inspektørkurs samtidig med den årlege rektorsamlinga. Ein del av kursprogrammet vert felles med rektorane. Kurs for lærarar innan fagfeltet teater og drama hausten 2010 I samarbeid med NF og Danvik arrangerer NKF Kurs for lærere i drama, musikk og estetiske fag. Kurset er lagt til Hurdalsenteret 18.-20. oktober. Eit anna fagkurs, denne gongen i kreative fag, er under planlegging. Det skal truleg holdast hausten 2010. NF blir partnar for dette kurset.
Kurs for internatleiarar våren 2011 Arbeidsvegleiing Gjennom fagrådet for arbeidsvegleiing vil NKF også dette året ha ei rolle som pådrivar og tilretteleggjar for arbeidsvegleiing på skolane 5 Skoleutvikling og pedagogisk utviklingsarbeid på skolane Dei kristne folkehøgskolane skal vere verdibevisste og opne, aktuelle og nyskapande og gje gode faglege og sosialpedagogiske tilbod. Dei skal vere attraktive for elevane, og spennande samarbeidspartar for andre skolar og skoleslag. Reisens pedagogikk Folkehøgskulens pedagogiske og sosialpedagogiske mandat bør være retningsgivande for opplegget på reisene. Vurderingar om bærekraftig reising bør være ein naturleg del av planlegginga, gjennomføringa og oppfølginga. Kulturmøtet må sjåast frå minst to vinklar: den som reiser (eleven og skulen) og den som får besøk (den fastbuande). Elevstipendiatane Opplegget Elevstipendiatene pedagogisk grunnarbeid skal førast vidare, både den formelle sida og den pedagogiske. Kurset for dei stipendiatansvarlege i juni er neste steget, saman med ei avklaring av dei formelle vilkåra rundt desse elevane. Sjølvevaluering NKF spela ei aktiv rolle då pålegget om sjølvevaluering kom inn i folkehøgskolen. Det vil vi framleis gjere. Prosessen bør være ein integrert del av den pedagogiske aktiviteten på skolane. No er det på tide å kartlegge situasjonen, samle inn eksempel på gode prosessar med medverknad frå både dei tilsette og elevane, og legge til rette for at skolane får del i erfaringane.