STORDAL KOMMUNE Møtebok For Tiltaksnemnda Møtedato: 17.03.2010 Møtetid: Kl. 19:15 19:30 Møtestad: Kommunestyresalen Handsama saker: 005/10-009/10 Forfall meldt frå fylgjande medl. Parti Fylgjande varamedl. møtte Parti Ugilde Sak Fylgjande varamedl. møtte Møteleiar: Frå adm. møtte: Utlevert i møtet: Orientering: Sp.mål/interpell.: Synfaring: Diverse: Ordførar Charles Tøsse Rådmann Torbjørn Emblem - sekretær Underskrifter: Jan Are Remme (s) Lars Kristian Øvrebust (s) Ole J.Vidhammer (s) Jonas Falch (s) Vigdis H.Øie (s) Roger Lillebø (s) Charles Tøsse (s)
SAKSLISTE Sak nr. Innhald: JournalPostID 005/10 Godkjenning av møtebok 10/1080 006/10 VAD AS- Søknad om tilskot til flytting m.v. av maskiner 10/1080 og utstyr for laminatproduksjon 007/10 VAD AS - Søknad om tilskot til flytting m.v. av Conturakolleksjon 10/1080 til Stordal 008/10 Stordal Auto AS - Søknad om tilskot til etablering av 10/1080 flytebrygge 009/10 Harry Tøsse - Søknad om tilskot frå næringsfondet til etablering av salgsselskap 10/1080
STORDAL KOMMUNE SAKSPAPIR GODKJENNING AV MØTEPROTOKOLL Endeleg vedtaksorgan: * Saksansvarleg.: Randi Fauske Arkiv: FE- Objekt: Arkivsaksnummer 10/220 SAKSGANG Saksnr Styre, utval, komite m.m. Møtedato Sakshandsamar 005/10 Tiltaksnemnda 17.03.2010 RF Godkjenning av møtebok Vedlegg i saka: Møteprotokollen frå møte den 17.02.2010 FORSLAG TIL VEDTAK: Møteprotokollen vert godkjent slik den ligg føre TILT-005/10 VEDTAK: Rådmannen sitt forslag til vedtak samrøystes vedteke
STORDAL KOMMUNE SAKSPAPIR Endeleg vedtaksorgan: Tiltaksnemnda Saksansvarleg.: Leif Kirkebøe Arkiv: FE-223 Objekt: Arkivsaksnummer 10/184 SAKSGANG Saksnr Styre, utval, komite m.m. Møtedato Sakshandsamar 006/10 Tiltaksnemnda 17.03.2010 LK VAD AS- Søknad om tilskot til flytting m.v. av maskiner og utstyr for laminatproduksjon Vedlegg: 1. Søknad frå Vad AS v/håkon Vad, datert 23.02.2010. Andre saksdokument (ikkje vedlagt): 1. Vedtekter for næringsfondet. Saksopplysningar: VAD AS søkjer om tilskot frå kommunalt næringsfond til delvis finansiering av utgifter knytt til demontering flytting og remontering av maskiner og utstyr for laminatproduksjon, flytta frå Dokka til VAD AS sine produksjonslokaler i Stordal. Som det går fram av søknaden og som tiltaksnemnda elles vil vere kjent med gjennom media har VAD AS overteke maskiner og utstyr frå konkursbo på Dokka for å kunne starte opp att laminatproduksjon i Stordal. Alle kjenner vel til endelikta for det gamle produksjonsutstyret som i all hovudsak har hamna i Danmark og Slovakia, noko det og er gjort nærare greie for i søknaden. VAD AS tek sikte på å integrere den nye maskinparken i VAD`s produksjonsapparat, noko som som gjer at verksemda etter dette kan tilby produkt og tenester innan laminering, trebearbeiding, lakkering, saum og samansetjing. Det vert i søknaden elles vist til at noko av den fremste kompetansen innan laminering alt fins i Stordal, noko som gjer at verksemda skulle ha gode førestnader for å kunne verte ein kvalitetsleverandør/underleverandør til møbelbransjen. I løpet av 1-2 år reknar verksemda med at laminatdelen vil bidra til ei omsetning på ca 10 mill kroner. Utover dei ressurspersonane innan laminatproduksjon som alt idag er i verksemda, vert det antyda ei styrking av denne produksjonsdelen med ca 5 nye personar i nemnde periode.
I søknaden vert det oppstillt ein totalkostnad til kjøp av maskiner/utstyr, demontering, flytting, nyinstallering og igangkøyring i Stordal på kr 241.800. Av dette vert det søkt om eit kommunalt bidrag på kr 75.000,-. For ytterlegare opplysningar viser rådmannen til søknaden. Prosjektkostnaden/kapitalbehovet på kr 241.8000,- ligg over grensa for kommunal handsaming av søknaden i høve dei kommunale næringsfonda (statsfinansierte + eigenfinansierte). Gjeldande grense er idag kr 150.000,-. Det er gjort kommunalt vedtak som opnar for i særskilde høve - å kunne fråvike retningslinene for det som gjeld søknader inn mot det eigenfinansierte næringsfondet. Grunngjevinga for dette er elles at dette er eit fond utan rapporteringsplikt til departementet i motseting til det statsfinansierte som har slik rapporteringsplikt. Til opplysning kan ein nemne at VAD AS har fått tilsgn frå kommunale næringsfond til følgjande prosjekt: * Flyttetilskot i høve flytting av trearbeidsavd. frå Hundorp til Stordal (2007) Kr 200.000,- (eigenfinan.) * Overtaking av lakkeringsavdeling (2007) Kr 70.900,- (statsfinan.) * Mask. og utstyr i høve overtaking av Contura-modellar (2008) Kr 75.000,- (statsfinan.) * Tilskot ISO 14001-sertfisering (2009) Kr 71.400,- (statsfinan.) * Marknadsføringstiltak /katalog (2009) Kr 74.000,- (statsfinan.) Vurdering: Utan på førehand å kunne ha sikre formeingar om kva dette kjøpet/reetableringa av laminatproduksjon i Stordal vil kunne innebere både kva gjeld produksjonsomfang og tal på tilsette, ser rådmannen på dette som eit svært positivt tiltak/initiativ. Med den kompetansen innan laminering som alt fins i Stordal, og som ein forstår står klar til å gå inn i denne delen av produksjonen, kan ein vanskeleg sjå ein meir eigna stad for ei slik reetablering. Forutan å kunne levere laminatprodukt til eigen møbelproduksjon, vil etableringa og vonleg bidra til at ein større andel av verdikjeda innan møbel generelt kan forbli i nærområdet/distriktet. Det kan og vere eit signal om at flyttestraumen no kan vere i ferd med å snu. Sjølv om kommunen tidlegare ved etableringa av VAD AS gjekk inn med kr 200.000,- i tilskot frå eigenfinansiert næringsfond til flyttinga av trebearbeidingsavdelinga frå Hundorp til Stordal, og at kommunen seinare har bidratt med midlar frå det statsfinansierte næringsfondet til ulike investerings- og bedriftsutviklingsprosjekt i verksemda, jf opplistinga ovanfor, vil rådmannen rå til at søknaden vert imøtekomen gjennom eit tilskot frå eigenfinansiert næringsfond. I dette ligg då at dei nyss vedtekne retningslinene som set ei grense for kommunale bidrag til same verksemd over ein 3-årsperiode, startar med blanke ark i den forstand at denne perioden startar frå 01.01.2010. FRAMLEGG TIL VEDTAK: 1. Tiltaksnemnda i Stordal vedtek å gi tilsagn om inntil kr 75.000,- frå kommunalt næringsgfond (eigenfinansiert) til VAD AS i høve verksemda sitt kjøp, demontering, flytting og reinstallering av maskiner og utstyr til laminatproduksjon i VAD AS sine lokaler i Stordal, likevel avgrensa til 31 % av dokumenterte kostnader. Jf kostnadsoverslag i søknad av 23.02.2010. 2. Tilsagnet står ved lag i eitt år rekna frå tilsagnsdato. 3. Tilskotet vert å utbetale ved framlegging av revisorattestert prosjektrekneskap tufta i framlagt kostnadsoverslag ekskl m.v.a. TILT-006/10 VEDTAK: Rådmannen sitt framlegg til vedtak samrøystes vedteke
STORDAL KOMMUNE SAKSPAPIR Endeleg vedtaksorgan: Tiltaksnemnda Saksansvarleg.: Leif Kirkebøe Arkiv: FE-223 Objekt: Arkivsaksnummer 10/183 SAKSGANG Saksnr Styre, utval, komite m.m. Møtedato Sakshandsamar 007/10 Tiltaksnemnda 17.03.2010 LK VAD AS - Søknad om tilskot til flytting m.v. av Contura-kolleksjon til Stordal Vedlegg: 1. Søknad frå VAD AS v/håkon Vad, datert 23.02.10. 2. Tilt.sak nr 09/08. Andre saksdokument (ikkje vedlagt): 1. Vedtekter for Stordal Næringsfond. Saksopplysningar VAD AS søkjer om tilskot frå kommunalt næringsfond i høve av at verksemda har inngått avtale om å ta over produksjons-, marknadsførings- og salsrettane for Contura-kolleksjonen, som er tenkt flytta og integrert i VAD AS si verksemd i Stordal. Contura-modellane vart opphaveleg produsert av Modi Skandinavia, før Hjellegjerde, FurnArt og sist FurnArtDesign tok over rettane. VAD AS stod for produksjonen av Contura for FunArt fram til dei vert begjært konkurs i januar 2009, men har heile tida produsert og seld modellen Santina som er kontraktsmarknadsutgåva av Contura. No omsøkte overtaking inneber m.a. ei flytting av varelager, malar, jiggar m.v. frå Sykkylven til Stordal, opplæring av tilsette i produksjon av Contura-modellane, samt utarbeiding av marknadsførings- og salsmateriell. Det vert rekna med ei omsetning på kr 10 mill av Contua-modellane i 2010. Dette vil innebere at VAD AS som følgje av dette må styrke produksjonssida med meir enn 5 tilsette. Saman med reetableringa av laminatproduksjonen (sjå anna sak), vil dette også medføre betre kapasitetsutnytting av bygningsmassen VAD AS overtok sommaren 2008. For nærare opplysningar knytt til overtakinga, viser rådmannen til søknaden. Prosjektkostnaden/kapitalbehovet på kr 102.300,- ligg innan grensa for kommunal handsaming av søknaden i høve dei kommunale næringsfonda (statsfinansierte + eigenfinansierte). Gjeldande grense er idag kr 150.000,-.
Vedtektene for næringsfondet som er tufta i kriteriar/vilkår i høve det statsfinansierte/rapporteringspliktige næringsfondet, heimlar imidlertid ikkje tilskot til flytting av verksemd. Det er likevel gjort kommunalt vedtak som opnar for i særskilde høve - å kunne fråvike retningslinene for det som gjeld søknader inn mot det eigenfinansierte næringsfondet. Grunngjevinga for dette er elles at dette er eit fond utan rapporteringsplikt til departementet i motsetning til det statsfinansierte som har slik rapporteringsplikt. Til opplysning kan ein nemne at VAD AS har fått tilsagn frå kommunale næringsfond til følgjande prosjekt: * Flyttetilskot i høve flytting av trearbeidsavd. frå Hundorp til Stordal (2007) Kr 200.000,- (eigenfinan.) * Overtaking av lakkeringsavdeling (2007) Kr 70.900,- (statsfinan.) * Mask. og utstyr i høve overtaking av Contura-modellar (2008) Kr 75.000,- (statsfinan.) * Tilskot ISO 14001-sertfisering (2009) Kr 71.400,- (statsfinan.) * Marknadsføringstiltak /katalog (2009) Kr 74.000,- (statsfinan.) Viser elles til søknaden som gjeld flytting av laminatproduksjon, samt vedlagde tilt.sak nr 09/08 som var knytt til produksjon av Contura-modellane. Sjå oppstilling ovanfor. Vurdering: Som rådmannen ga uttrykk for også i den førre saka som gjaldt reetablering av laminatproduksjon, er det svært positivt at verksemda ser moglegheitene og grip dei når høvet byr seg, ikkje minst på område der verksemda sit inne med spesielle fortrinn som t.d. tilgjengeleg kompetanse. Dette vil gjelde for både nemnde laminatproduksjon og for no omsøkte overtaking av Contura-modellar der verksemda tidlegare har hatt produksjon av desse modellane. Overtakinga gir verksemda fleire bein å stå på, sjølve om det truleg heile tida vil vere ei avvegning kor mykje ein skal spreie produksjonsspekteret. At verksemda har eigenproduksjon av dei aller fleste komponentane i verdikjeda, gjer det truleg lettare å kunne ha eit breiare produktspekter enn om verksemda var avhengig av å hente ulike komponentar utanfrå. Rådmannen vil rå til at kommunen ser positivt også på denne søknaden, men vil i tråd med vedtekne endringar i gjeldande vedtekter om ikkje å yte tilskot til intern opplæring ved bruk av eigne tilsette, avgrense tilskotet til det som gjeld sjølve flyttekostnaden., d.v.s. til kr 63.000,-. Med ovannemnde tilskotshistorikk, er den positive tilrådinga elles tufta i at endringa i vedtektene om at ei verksemd ikkje kan motta meir enn kr 150.000,- over ein 3-årsperiode, basert på at dette vert gjeldande f.o.m. 2010. D.v.s. at 2010 vert første året i 3-årsperioden. FRAMLEGG TIL VEDTAK: 1. Tiltaksnemnda vedtek å løyve inntil kr 63.000,- frå kommunalt næringsfond (eigenfinansiert) til VAD AS i høve flyttinga av varelager, jiggar m.v. av Contura-modellane frå Sykkylven til Stordal, likevel avgrensa til dokumenterte flyttekostnader. Jf oppstilling i søknad av 23.02.10. 2. Tilsagnet står ved lag i eitt år rekna frå tildelingsdato. 3. Tilsagnsbeløpet vert å utbetale ved framlegging av revisorstadfesta rekneskap for flytteprosjektet tufta i framlagt kostnadsoverslag, ekskl m.v.a. TILT-007/10 VEDTAK: Rådmannen sitt framlegg til vedtak samrøystes vedteke
STORDAL KOMMUNE SAKSPAPIR Endeleg vedtaksorgan: Tiltaksnemnda Saksansvarleg.: Leif Kirkebøe Arkiv: FE-243, FA-U00 Objekt: Arkivsaksnummer 10/180 SAKSGANG Saksnr Styre, utval, komite m.m. Møtedato Sakshandsamar 008/10 Tiltaksnemnda 17.03.2010 LK Stordal Auto AS - Søknad om tilskot til etablering av flytebrygge Vedlegg: 1. Søknad frå Stordal Auto v/kenneth Olsen, datert 22.02.10 vedlagt: a. Kostnadsoverslag/finansieringsplan b. Kart/teikning av det aktuelle området Andre saksdokument (ikkje vedlagt): 1. Vedtekter for næringsfondet. Saksopplysningar: Stordal Auto v/kenneth Olsen søkjer om tilskot til etablering/bygging av flytebrygge ved stasjonsanlegget i Hovsbugen. Det vert opplyst at søkjar ønskjer å satse på vidare drift i Stordal, men ser det som nødvendig å utvikle drifta vidare. Som første lekk i ein langsiktig plan er å bygge flytebrygge. Søkjar ønskjer å satse meir på turistar og gjere tiltak for at reisande finn grunn til stoppe i Stordal. Verksemda ønskjer å kunne utnytte si strategiske plassering som inngangsporten både til lands- og frå sjøsida. Stordal Auto har alt drivstoffanlegg for båt ved sjøkanten. Ein ønskjer å utvikle dette vidare med tanke på også å kunne betjene større båtar. Tanken vidare er elles å legge ut eit marinaanlegg med servering, ein flytande serveringsstad. For nærare om det aktuelle tiltaket no og planane vidare, viser rådmannen til søknaden. Investeringa/kapitalbehovet for etableringa av flytebrygga ligg innanfor grensa for kommunal handsaming av søknaden (kr 150.000,-). Vurdering:
Med kjennskap til at drift av bensinstasjonar på landsbygda langt frå er ei gullgruve, samstundes som det vil vere overmåte viktig at eit slikt tilbod kan oppretthaldast, er det svært positivt at dei som driv kan gjere tiltak som bidra til å styrke inntektsgrunnlaget, herunder som i dette tilfellet utnytte verksemda si strategiske plassering som både liggjande til sjø og til riksveg. Ein har og forståing for og meiner at dette også er rett at verksemda går stegvis fram, men samstundes har ein plan for korleis ein tenkjer verksemda- og området utvikla vidare. Rådmannen er noko i tvil om den utbygginga det her er snakk om vert å rekne som eit fysiske infrastrukturtiltak eller ikkje. I h.h.t. gjeldande vedtekter og eit punkt som er fastsett av departement/fylke - kan det ikkje gjevast tilskot til fysiske infrastrukturtiltak i kommunen. I så fall kan ein ikkje nytte det statsfinansierte/rapporteringspliktige fondet til dette tiltaket. Dersom etablering/bygging av flytebrygge ikkje vert å sjå på som eit fysisk infratrukturtiltak, men meir å rekne som utstyr/driftsmiddel i denne samanhang det her er tenkt nytta som, vil det statsfinansierte fondet kunne nyttast. Rådmannen er litt usikker, men vel å lande på det siste såleis at det statsfinansierte næringsfondet kan nyttast til føremålet. FRAMLEGG TIL VEDTAK: 1. Tiltaksnemnda vedtek å gå tilsagn om inntil kr 75.000,- frå kommunalt næringsfond (statsfinansiert) til Stordal Auto i høve etablering/bygging av flytebrygge i Hovsbugen, likevel avgrensa til 50 % av dokumenterte kostnader. Jf søknad av 22.03.10 m/vedlegg. 2. Tilsagnenet står ved lag i eitt år rekna frå tilsagnsdato. 3. Tilsagnsbeløpet vert å utbetale ved framlegging av revisorattestert prosjektrekneskap tufta i vedlagde kostnadsoverslag, ekskl m.v.a. TILT-008/10 VEDTAK: Rådmannen sitt framlegg til vedtak samrøystes vedteke
STORDAL KOMMUNE SAKSPAPIR Endeleg vedtaksorgan: Tiltaksnemnda Saksansvarleg.: Leif Kirkebøe Arkiv: NAVN- Objekt: Arkivsaksnummer 10/211 SAKSGANG Saksnr Styre, utval, komite m.m. Møtedato Sakshandsamar 009/10 Tiltaksnemnda 17.03.2010 LK Harry Tøsse - Søknad om tilskot frå næringsfondet til etablering av salgsselskap Vedlegg: 1. Søknad frå Harry Tøsse, dagsett 08.03.10 vedlagt: a. Følgjeskriv, datert 04.03.10 b. Kostnadsoverslag/finansieringsplan c. Resultatbudsjett d. Likviditetsbudsjett e. Nøkkeltal samanliknbare bedrifter Andre saksdokument (ikkje vedlagt): 1. Vedtekter for næringsfondet. Saksopplysningar: Harry Tøsse søkjer om tilskot frå kommunalt næringsfond i høve etablering av eit nytt salsselskap i kommunen. Selskapet skal vere ein leverandør av profilerings- og reklameartiklar frå kjende merke/leverandørar, med hovudfokus på sal mot bedriftsmarknaden, stat og kommune, lag og organisasjonar på Sunnmøre og deler av Romsdal. Etableringa er tenkt gjort i samarbeid med annan person, som til liks med Harry Tøsse også har erfaring frå sal, dagleg leiing og forretningsdrift. Begge har alt etablert viktige relasjonar mot dei kundegruppene det nye selskapet vil kome i kontakt med. P.g.a. at vedkomande person enno er i eit arbeidstilhøve, vil identiteten førebels vere anonym. I søknaden og følgjeskrivet vert det opplyst at marknaden for profilerings- og reklameartiklar lenge har stabilt og godt, med forventning om auke i takt med bedriftene sitt auka fokus på marknadsføring, kundepleie, identitetsbygging og personalpolitikk. Marknaden vert i dag prega av mindre aktørar som brukar e-post, DM og heimesider som deira viktigaste salsverkty. Sjølv om dette forstatt vil vere viktige supplerande salsverkty for det nye selskapet, ser dei moglegheiter i denne marknaden for primært å arbeide proaktivt og oppsøkjande mot kundegruppene, for på den måten bygge opp langsiktige og gode relasjonar Det vil i utgangspunktet vere rom for 2 årsverk i bedrifta, noko vedlagde drifts- og likviditetsbudsjett tek utganspunkt i.
Alle budsjett-tal er utarbeidd med føresetnad om kjøp og vidaresal frå norsk grossist, og tek såleis ikkje omsyn til dei moglegheitene selskapet på sikt har for å utvikle eigen produktsportefølgje med høgare bruttomarginar. I dette ligg også moglegheitene for større grad av eigentilvirking av produkt som kan gi auka bemanningsbehov. Det vert søkt om tilskot frå kommunalt næringsfond der kapitalbehovet ligg innan grensa for kommunal handsaming av søknaden (kr 150.000,-). Ifølgje kostnadsoppsettet utgjer investeringsdelen + bedriftsutviklingsdelen totalt kr kr 145.526,- ekskl. m.v.a. I tillegg vert det søkt om eit etableringstilskot, d.v.s. tilskot til dekning av 1.års husleige i leigde lokale, på kr 38.400,-. For nærare detaljar om etableringa, drifta og dei vidare planane viser rådmannen til søknaden, følgjeskrivet og dei øvrige vedlegga i saka. Kommunen har forut for søknaden hatt møte med dei to involverte i selskapet. Vurdering: Rådmannen ser svært positivt på alle tiltak og alle initiativ for etablering av verksemder i kommunen., slik også for det som gjeld denne etableringa. Både tufta i dei samtalane ein har hatt med søkjar forut- og under handsaminga av søknaden og no innkomne søknad m/vedlegg, gir dette bod om at dette er eit særs godt og velfundert prosjekt, der dei involverte gjennom si lange fartstid innan sal og bedriftsleiing skulle ha dei beste føresetnader for å lukkast. Dei har i prosessen fram mot innsending av søknad også gjort seg nytta av kommunen sitt tilbod om rettleiingsteneste gjennom Fjordhagen (HOPPID). Sjølv om etableringa - i alle høve i denne omgang ikkje gir dei mange arbeidsplassane, vil dette vere ein kategori verksemder som i vår tids data- og kommunikasjonsverd kan vere godt eigna for etablering i distriktet. Eit positivt element i denne saka, er og at verksemda tek sikte på etablering av kontor/lager i sentrum av Stordal (lokala til Petter Busengdal), utan at det så langt ligg føre underteikna leigekontrakt. Rådmannen vil rå til at søknaden vert imøtekomen. FRAMLEGG TIL VEDTAK: 1. Tiltaksnemnda vedtek å løyve inntil kr 43.488,- i investeringstilskot frå kommunalt næringsfond (statsfinansiert) til salsselskap under etablering v/harry Tøsse, likevel avgrensa til 50 % av dokumenterte kostnader. Jf søknad av 08.03.10 m/vedlegg. 2. Tiltaksnemnda vedtek å løyve inntil kr 29.275,- i bedriftsutviklingstilskot frå kommunalt næringsfond (statsfinansiert) til salsselskap under etablering v/harry Tøsse, likevel avgrensa til 50 % av dokumenterte kostnader. Jf søknad av 08.03.10 m/vedlegg. 3. Tiltaksnemnda vedtek å løyve inntil 38.400,- i etableringstilskot (1.års husleige) frå kommunalt næringsfond (statsfinansiert) til salsselskap under etablering v/harry Tøsse. Jf søknad av 08.03.10. 4. Tilsagnet står ved lag i eitt år rekna frå tilsagnsdato. 5. Tilsagnsbeløp under pkt 1 og pkt 2 vert å utbetale ved framlegging av respektive revisorstadfesta prosjektrekneskap tufta i vedlagde kostnadsoverslag, ekskl m.v.a. samt stadfesting av at selskapet er regsistrert etablert i Brønnøysundregisteret. 6. Tilsagnsbeløp under pkt 3 vert å utbetale ved framlegging av underteikna leigekontrakt samt stadfesting av selskapet i Brønnøysundregistra. TILT-009/10 VEDTAK: Ordførar Charles Tøsse gjekk frå under handsaming av denne saka. Varaordførar Jonas Falch leia møtet. Rådmannen sitt framlegg til vedtak samrøystes vedteke