Tokke kommune Møteinnkalling Til medlemene i Kommunestyret Det vert med dette kalla inn til / gjort kjent med møte i Kommunestyret Møtestad: Kommunestyresalen, Tokke kommunehus Dato: 14.02.2017 Tid: 18:00 Dersom De ikkje kan møte, ber ein om at De melder frå til sentralbordet snarast råd. Varamedlemer møter berre etter nærare innkalling. INFOSAK: Fotballsamarbeidet i Vest-Telemark v/øyvind Kili og Fredrik Damberg kjem og informerar på møtet. Dalen, den 7. februar 2017 Jarand Felland Ordførar Siv Ella Bekk Konsulent
Saksliste Utvalssaksnr Innhald Referatsaker Lukka RS 17/1 Håvard Ole Holstaa - svar på søknad om fritak frå politiske verv Politiske saker til handsaming PS 17/1 Budsjett 2018 - Økonomiplan og handlingsprogram 2018-2021 - budsjettprosess 2017 PS 17/2 PS 17/3 PS 17/4 Salg av aksjar i Vegfinans Rv36 Telemark AS Medfinansiering av kjellar, fjellkyrkja Hallbjønnsekken Søknad om fritak frå kommunestyret - Anne Vadder Midtbø PS 17/5 Fastsetjing av valdag ved same- og stortingsvalet 2017 PS 17/6 Sameting- og Stortingsval 2017 - Val av valstyre
Referatsaker RS17/1HåvardOleHolstaa-svarpåsøknadomfritakfråpolitiskeverv
Politiskesakertilhandsaming
Politiskesakertilhandsaming
Tokke kommune Arkiv: 151 Saksnr.: 2017/112-1 Saksbeh.: John Kleiv Direkte tlf.: 35075211 Dato: 24.01.2017 Saksframlegg Utval Utvalssak Møtedato Formannskapet 17/4 08.02.2017 Kommunestyret 17/1 14.02.2017 Budsjett 2018 - Økonomiplan og handlingsprogram 2018-2021 - budsjettprosess 2017 Saksdokument: Budsjett 2017 Økonomiplan(ØP) og handlingsprogram(hp) 2017-2020. Saksutgreiing: Vedteke budsjett for 2017, samt økonomiplan og handlingsprogram for 2017-2020, er grunnlaget og bakgrunnen for oppstartinga av budsjettarbeidet for 2018 og ny økonomiplan med handlingsprogram. Rådmannen ser det slik at kommunestyret framleis ynskjer å koma tidleg i gang med budsjettarbeidet, og i den samanheng blir det nå gjort framlegg til budsjettprosess i 2017, nokså lik den me nytta i 2016, sjå figur 1 nedanfor. Det er der m.a. teke sikte på eit større budsjettdrøftingsmøte i mai, budsjetthandsaming i råd og utval i november, førebels innstilling i formannskapet 25.oktober, endeleg innstilling 15.november og vedtak i kommunestyret 12.desember. Det er framleis mykje usikkert kring budsjettarbeidet framover, og spesielt når det gjeld kraftinntektene eigedomsskatten frå kraftanlegg og konsesjonskraftsalet. Kommunestyret har vedteke å arbeide mot eit driftsresultat på 3% på litt sikt og administrasjonen vil sjølvsagt arbeide vidare i høve til dette. Men i ØP for 2018 er det vedteke driftsresultat på bare 0,3%, etter endeleg budsjettvedtak i kommunestyret 13.12.16. Det vil krevje ytterlegare innsparingar, eller inntektsauke, på kr 2,8 mill. i 2018 for å nå eit netto driftsresultat på 1,5%. Budsjettvedtaket i desember inneber store innsparingar på fleire planområde i 2017. Dette blir særs utfordrande, men arbeidet er i gang. Rekneskapen for 2016 syner gode tal førebels og det er von om at fondssituasjonen pr 31.12.16 då vil betre seg noko. Dersom kraftinntektene sviktar i 2017 vil det vera behov for å ha fondsmidlar i bakhand, budsjettet for konsesjonskraftsalet er nok sett opp noko optimistisk, jf drøftingane i
formannskapet og kommunestyret om eventuelt sal av konsesjonskraft til fastpris i 2017. Figur 1 BUDSJETTPROSESS 2017 - Budsjett, ØP 2018-2021 HANDLINGAR ANSVAR TID 1 Drøfting av budsjettprosessen 2017 i leiargruppa Rådmann 31.jan 2 Drøfting av budsjettprosessen 2017 - sak i formannskapet - oppstart budsjett 2018 Rådmann 08.feb 3 Drøfting av budsjettprosessen 2017 - sak i kommunestyret - vedtak budsjettprosess Rådmann 14.feb 4 Drøfting av budsjettprosessen 2017 og budsjettrammer 2018-2021 i hovudutvala - utfordringsnotat Etatane Jan-april 5 Budsjettdrøftingsmøte - k.styret, gruppeleiarar, etatssjefar, kyrkjeverje, tillitsvalde Rådmann 10.mai 6 Budsjettsak i f.skapet - førebelse budsjettrammer 2018-2021 Rådmann 24.mai 7 Budsjettsak i k.styret vedtak førebelse budsjettrammer budsjett 2018-2021 Rådmann 20.jun 8 Framskriving av budsjettal - nye lønsbudsjett Øk.sjef 11.sep 9 Budsjettdrøfting i leiargruppa - endelege prioriteringar Rådmann 11.sep 10 Kontaktmøte tillitsvalde, drøfting av endelege prioriteringar Rådmann 13.sep 11 Handsaming og fråsegner h.utval m.fl. H.utvalsleiar, etatssjef Veke 44-47 12 Statsbudsjettet Regjering ca. 06.10 13 Førebels innstilling i formannskapet Rådmann 25.okt 14 Endeleg innstilling i formannskapet Ordførar/rådmann 15.nov 15 Offentleg gjennomsyn Rådmann 15.nov 16 Endeleg vedtak i kommunestyret Ordførar/rådmann 12.des 17 Oversending til fylkesmann Øk.sjef 15.01.2018 Rådmannen si tilråding: Budsjettarbeidet for 2018 og ØP/HP 2018-2021 blir lagt opp i samsvar med figur 1 i saksframstillinga, budsjettprosess 2017. Kommunestyret skal i juni 2017 vedta førebelse budsjettrammer for 2018-2021 og dette skal vera grunnlaget for det vidare budsjettarbeidet i i hovudutval og andre råd og utval.
Tokke kommune Arkiv: Saksnr.: 2017/137-2 Saksbeh.: John Kleiv Direkte tlf.: Dato: 30.01.2017 Saksframlegg Utval Utvalssak Møtedato Formannskapet 17/3 08.02.2017 Kommunestyret 17/2 14.02.2017 Sal av aksjar i Vegfinans Rv36 Telemark AS Vedlegg: 1 Vegfinans Rv36 Telemark AS 20170120 Saksutgreiing: Vegfinans Rv36 Telemark AS, heretter kalt VF, er verksemda som skal stå for finansiering og innkrevjing av bompengar knytt til Rv36. VF har 80 % eigardel i eige selskap, medan resterande 20% er fordela på 8 kommunar i Midt- og Vest-Telemark. Kommunane har 2,5% eigardel kvar, dette tilsvarar 10 aksjar med pålydande 1.000,- kroner kvar. VF ynskjer no å kaupe ut resten av aksjeposten frå kommunane slik at dei eig heile selskapet sjølv. Dette er i tråd med bompenge reforma som seier at alle slike selskap bør vera heileigde av det regionale bompengeselskapet. Gjennomføring er tenkt utført innan ein held generalforsamling i selskapet, det inneber politisk handsaming i februar/mars, vedtak om finansiering i Fylkeskommunen i mars/april og oppgjer og overføring av pengar i april. Rådmannen har ingen merknader til at aksjane vert løyst inn. Rådmannen si tilråding: Vegfinas Rv36 Telemark AS får høve til å løyse inn Tokke kommune sine 10 aksjar i selskapet, til ein samla verdi på 10.000,- kroner.
Tokke kommune Arkiv: 223 Saksnr.: 2017/53-2 Sakshands.: Olav Bjørn Bakken Direkte tlf.: 35075219 Dato: 29.01.2017 Saksframlegg Utval Utvalssak Møtedato Formannskapet 17/2 08.02.2017 Kommunestyret 17/3 14.02.2017 Medfinansiering av kjellar, fjellkyrkja Hallbjønnsekken Vedlegg: 1 Tomtedelingsplan Hallbjønnsekken - Tokke kyrkjelege fellesråd Saksutgreiing: Kjellaren i fjellkyrkja på Hallbjønnsekken er klargjort for etablering av overnattingsplassar, men ikkje innreidd enno. Tanken er å kunne gjennomføre konfirmantleirar og tilsvarande samlingar for born og unge, samt ev også utlån/utleige av overnattingsplassar osb. For å finansiere innreiing av kjellaren har det kome opp eit forslag frå Feltspatcompagniet si side om å gje Tokke kyrkjelege fellesråd 3 tomter dei kan selje. Forslaget gjeng vidare ut på at FSC gjev tomtene gratis til dette føremålet på vilkår av at Tokke kommune gjer det same. Det vil då i praksis sei at kommunen gjev avkall på ei mogleg kapitalinntekt (råtomteprisen) kr 62 000,- pr tomt til saman kr 186 000,-. Tomtekjøpar må elles betale det same som andre, dvs mellom anna kr 50 000,- til infrastrukturfondet og tilknytingsavgift til VA-anlegget. Dei tomtene som det er tale om er tomt nr 1, 2 og 3 som ligg nærast Fjellkyrkja sjå vedlegg. Om kommunestyre seier ja til å gje bort tre tomter så vil FSC, Fjellkyrkjelaget og Fellesrådet gå vidare og planlegge dette meir i detalj. Her er framleis nokre usikre sider ved opplegget mellom anna kan det bli aktuelt å endre litt på tomtedelingsplanen for å redusere resterande utbyggingskostnadar og få fram meir attraktive tomter. Fellesrådet vil truleg også måtte sikre seg kjøparar på handa før ein gjer dei siste investeringane for å få tomtene byggeklare. Det ligg i rådmannen sitt forslag å gje avkall på råtomteprisen for 3 tomter, men at dette ikkje er heilt bunde opp til dei tomtene som gjeng fram av vedlegget. Ein ev annan tomtedelingsplan må godkjennast av kommunen på vanleg måte. Rådmannen foreslår også nokre vilkår slik at ein sikrar at midlane blir nytta til føremålet, og at kommunen kan krevje pengane tilbake om kjellaren ikkje vert realisert.
Rådmannen si tilråding: Tokke kommune godkjenner at Feltspatcompagniet kan ta inntil 3 valfrie tomter ut av utbyggingsavtala med Tokke kommune og gje desse til Tokke kyrkjelege fellesråd i tråd med saksopplysningane og på desse vilkår: 1. Råtomteprisen kr 62 000,- pr tomt skal gå uavkorta til finansiering av innreiing av kjellar i Fjellkyrkja. Kommunen kan be om dokumentasjon på dette. 2. Om kjellaren ikkje blir ferdigstilt innan 10 år kan Tokke kommune krevje at Tokke kyrkjelege fellesråd betalar inn kr 62 000,- pr selt tomt til kommunen som om tomtene var selt i tråd med utbyggingsavtala mellom kommunen og Feltspatcompagniet av 10.mai 2007. 3. Fellesrådet kan - om dei ser at dei ikkje får selt tomtene, velje å la ei eller fleire av tomtene gå inn att i utbyggingsavtala, og vert då fri for plikta til å betale kommunen råtomteprisen. 4. Tomtene må seljast med dei same vilkår som gjeng fram av utbyggingsavtala om tilkopling VA, medlemskap i velforeining, innbetaling til infrastrukturfond m.m.
Vedlegg til dok 17/53 2, tomter aktuelle for Tokke kyrkjelege fellesråd
Tokke kommune Arkiv: 033 Saksnr.: 2017/189-2 Sakshands.: Olav Bjørn Bakken Direkte tlf.: 35075219 Dato: 03.02.2017 Saksframlegg Utval Utvalssak Møtedato Kommunestyret 17/4 14.02.2017 Søknad om fritak frå kommunestyret - Anne Vadder Midtbø Vedlegg: 1 Søknad om fritak frå politiske verv i perioden 010317 til ut valperioden Saksdokument: Kommunestyresak 16/016 - Søknad om permisjon frå politiske verv - Anne Vadder Midtbø. Saksutgreiing: Anne Vadder Midtbø vart vald som medlem av kommunestyret for inneverande periode, men søkte om permisjon frå april 2016 til 1.mars 2017 då ho vart vald til hovudtillitsvald for Fagforbundet. Kommunestyret gav permisjon som omsøkt i møte 19.april 2016. Anne Vadder Midtbø er på nytt vald som hovudtillitsvald for 2 nye år sjå vedlegg. Funksjonstida varer nesten ut denne kommunestyreperioden, og ho søkjer difor om fritak for resten av perioden. Funksjonen som hovudtillitsvald gjev ikkje automatisk rett til permisjon eller fritak det blir opp til kommunestyret sitt skjønn om ho skal få fritak. Rådmannen si tilråding: Ingen framlegg til vedtak.
Tokke Kommunestyre Dalen 31.01.2017 Vil med dette søke om fritak fra mitt verv som folkevald i Tokke kommunestyre. Er valgt på årsmøte i fagforbundet den 27.01.2017 som hovedtillitsvalgt i to nye år. Begrunnelsen for fritaket er utfordringen med rollen som HTV og kommunestyremedlem. Fritaket gjelder fra 01.03.2017 og fram til nytt kommunevalg i 2019. Anne Vadder Midtbø cul
Tokke kommune Arkiv: 011 Saksnr.: 2016/946-5 Sakshands.: Olav Bjørn Bakken Direkte tlf.: 35075219 Dato: 12.12.2016 Saksframlegg Utval Utvalssak Møtedato Formannskapet 16/95 19.12.2016 Kommunestyret 17/5 14.02.2017 Fastsetjing av valdag ved same- og stortingsvalet 2017 Saksutgreiing: Frå Kommunal- og moderniseringsdepartementet ligg det føre skriv av 22.april 2016, der det går fram at valdagen ved stortings- og sametingsvalet i 2017 er fastsett til måndag 11. september. Det heiter i vallova 9-2 at det er opp til kommunestyret å gjere vedtak om det på ein eller fleire stader i kommunen òg skal vere val på sundagen før. Praksis gjennom mange år har vore at kommunestyret har vedteke at det på Dalen og Høydalsmo skal vere høve til å røyste på sundag før den offisielle valdagen. Valstyret vil seinare få sak om å fastsetje opningstidene for dei ulike røystelokala i kommunen, men den vanlege opningstida på sundag har vore frå kl 14 til kl 19, og frå kl 11 til kl 19 på måndag. Rådmannen si tilråding: 1. I Dalen og Høydalsmo røystekrinsar skal det ved Same- og Stortingsvalet 2017, vere høve til å røyste sundag 10.sept i tillegg til den offisielle valdagen måndag 11.sept. Saksprotokoll i Formannskapet - 19.12.2016 Rådmannen sin tilråding vart samrøystes vedteke. Vedtak 2. I Dalen og Høydalsmo røystekrinsar skal det ved Same- og Stortingsvalet 2017, vere høve til å røyste sundag 10.sept i tillegg til den offisielle valdagen måndag 11.sept.
Tokke kommune Arkiv: 011 Saksnr.: 2016/946-4 Sakshands.: Olav Bjørn Bakken Direkte tlf.: 35075219 Dato: 12.12.2016 Saksframlegg Utval Utvalssak Møtedato Formannskapet 16/93 19.12.2016 Kommunestyret 17/6 14.02.2017 Sameting- og Stortingsvalet 2017 - Val av valstyre Saksdokument: Vallova med forskrift Saksutgreiing: I kvar kommune skal det vera eit valstyre vald av kommunestyret sjølv for kvart val. Valstyret er ansvarleg for gjennomføringa av valet i kommunen på vegne av kommunestyret. Ein stend fritt til å peike ut medlemar av valstyret eller leggje oppgåva til eit anna politisk organ. Valstyret må ha minst 3 medlemer og fylgje reglane om kjønnsfordeling. Ved tidlegare val har formannskapet vore valstyre. Valstyre sine oppgåver og mynde gjeng fram av vallova med forskrift og kommunen sitt delegasjonsreglement. Kommunestyret kan også velje andre medlemer av formannskapet (om formannskapet vert valstyre) enn ordførar/varaordførar som leiar og nestleiar om ein ynskjer dette. Valstyret er eit eige organ med eiga møtebok, men når formannskapet har vore valstyre har det vore vanleg at møta i valstyret har vore halde same dag som og i praksis i etterkant av, eit formannskapsmøte. Det har også vore vanleg at valstyret har vore med og talt opp røyster på valkvelden. Rådmannen si tilråding: 1. Medlemane av formannskapet med tilhøyrande varamedlemer vert valstyre ved Sametingsvalet og Stortingsvalet 2017. 2. Som leiar av valstyret veljast:.. (ingen framlegg til vedtak). Som nestleiar i valstyret veljast: (ingen framlegg til vedtak). Saksprotokoll i Formannskapet - 19.12.2016 Pkt 1 i rådmannen sin tilråding vart samrøystes vedteke.
Forslag på leiar av valstyret: ordførar. Samrøystes vald. Forslag nestleiar: varaordførar. Samrøystes vald. Vedtak 3. Medlemane av formannskapet med tilhøyrande varamedlemer vert valstyre ved Sametingsvalet og Stortingsvalet 2017. 2. Som leiar av valstyret veljast: Ordførar Jarand Felland Som nestleiar i valstyret veljast: Varaordførar Tone Sofie Dale Solvang