HORDALAND FYLKESKOMMUNE Regionalavdelinga Næringsseksjonen Arkivsak 201205550-29 Arkivnr. 146 Saksh. Arnesen, Arthur Hagala, Yngvar Saksgang Møtedato Fylkesutvalet 20.02.2013-21.02.2013 NÆRINGSRETTA MIDLAR TIL REGIONAL UTVIKLING - GODKJENNING AV ANDRE TILTAK I PLAN FOR BRUK AV KOMPENSASJONSMIDLAR 2012. SAMANDRAG Denne saka er tidlegare handsama som fylkesutvalsak 220/12 (26.09.12) og 261/12 (21.11.12). Ved handsaminga av planen i fylkesutvalet 26.09. blei det gjort vedtak om å utsette saka og fylkesutvalet bad fylkesrådmannen gjere ei habilitetsvurdering av sakshandsaminga i Styringsgruppa for bruk av kompensasjonsmidlane. Styringsgruppa hadde så heile planen for bruk av kompensasjonsmidlar oppe til ny handsaming 07.11. kor ein tok omsyn til habilitetsreglane i Forvaltingslova. Planen blei på nytt godkjent av styringsgruppa og sendt til fylkeskommunen for handsaming. Saka blei så fremma for ny handsaming i fylkesutvalet 21.11. der følgjande vedtak vart fatta: 1. Fylkesutvalet godkjenner Plan for kompensasjonsmidlar 2012 innanfor områda samferdsel, kompetanseheving, bedriftsretta tiltak og administrasjon. 2. Fylkesutvalet ber arbeidsutval og styringsgruppe om å vurdera tiltak under område andre tiltak på nytt, og vurdera desse spesifikt i høve til målsetninga og dei vedtekne rammene for bruk av kompensasjonsmidlane. Saka blei deretter sendt attende til styringsgruppa kor dei blei bedt om ei ny handsaming av prosjekta under område Andre tiltak i samsvar med punkt 2 i fylkesutvalet sitt vedtak. Styringsgruppa for bruk av kompensasjonsmidlane hadde møte 25.01.13. Styringsgruppa konkluderte med at alle 11 prosjekta under område Andre tiltak i Plan for bruk av kompensasjonsmidlar 2012 lå innafor nasjonale og regionale mål og retningsliner, og vedtok samrøystes at alle 11 tiltaka må inngå i planen. Fylkesrådmannen tilrår at alle tiltaka under område Andre tiltak i Plan for bruk av kompensasjonsmidlar 2012, med unntak av tiltak 5.5 Kultursenteret på Sunde og tiltak 5.6 Galeas Gurine, blir godkjent. Frigjorte midlar frå dei to prosjekta som ikkje blir godkjent blir overført til tiltak 5.3 Folgefonnsenteret.
FORSLAG TIL VEDTAK 1. Fylkesutvalet godkjenner alle prosjekta under område Andre tiltak med unntak av tiltak 5.5 Kultursenteret på Sunde og tiltak 5.6 Galeas Gurine i Plan for bruk av kompensasjonsmidlar 2012. 2. Fylkesutvalet ber om at frigjorte midlar frå tiltak 5.5 og 5.6, totalt kr 700 000, overførast til tiltak 5.3 Folgefonnsenteret. Rune Haugsdal Fylkesrådmannen Bård Sandal Regionaldirektør Vedlegg: Innstilling frå Arbeidsutvalet til Styringsgruppa for bruk av kompensasjonsmidlar 25.01.13
FYLKESRÅDMANNEN, 05.02.2013: Tidlegare handsaming i fylkesutvalet. Denne saka er tidlegare handsama som fylkesutvalsak 220/12 (26.09.12) og 261/12 (21.11.12) «Næringsretta midlar til regional utvikling godkjenning av plan for bruk av kompensasjonsmidlar». Ved handsaminga av planen i fylkesutvalet 26.09.12 (sak 220/12) blei det gjort vedtak om å utsette saka. Bakgrunnen var at ein bad fylkesrådmannen gjere ei habilitetsvurdering av sakshandsaminga i Styringsgruppa for bruk av kompensasjonsmidlane. Det blei sett i gang ein relativt omfattande prosess kor fylkesrådmannen mellom anna engasjerte advokatfirmaet Thommessen til å gjere ei habilitetsvurdering. Styringsgruppa hadde så heile planen for bruk av kompensasjonsmidlar oppe til ny handsaming 07.11.12 kor ein tok omsyn til habilitetsreglane i Forvaltingslova. Planen blei på nytt godkjent av styringsgruppa og sendt til fylkeskommunen for handsaming. Saka blei så fremma for ny handsaming i fylkesutvalet 21.11.12 (sak 261/12) der følgjande vedtak vart fatta: 1. Fylkesutvalet godkjenner Plan for kompensasjonsmidlar 2012 innanfor områda samferdsel, kompetanseheving, bedriftsretta tiltak og administrasjon. 2. Fylkesutvalet ber arbeidsutval og styringsgruppe om å vurdera tiltak under område andre tiltak på nytt, og vurdera desse spesifikt i høve til målsetninga og dei vedtekne rammene for bruk av kompensasjonsmidlane. Kort om Plan for bruk av kompensasjonsmidlane 2012. Planen har ei økonomisk ramme på 54,5 mill kr og inkluderar støtte til totalt 24 tiltak, prosjekt og administrative kostnader. I planen er prosjekta organisert under område Samferdsel (6 tiltak), område Kompetanseheving (5 tiltak), område Andre tiltak (11 tiltak) og område Administrasjon (2 tiltak). Som det går fram av vedtaket er alle tiltaka med unntak av dei 11 prosjekta under Andre tiltak godkjent. Dei 11 prosjekta som ikkje blei godkjent er: - Tiltak 5.1. Kultursenter på Husnes kr 1 200 000 - Tiltak 5.2. Næringsutvikling i Kvinnherad kr 3 840 000 - Tiltak 5.3 Folgefonnsenteret kr 1 500 000 - Tiltak 5.4 Rehabilitering av Husnes stadion kr 750 000 - Tiltak 5.5 Kystkultursenteret på Sunde kr 350 000 - Tiltak 5.6 Galeas Gurine kr 350 000 - Tiltak 5.7 Valenparken kr 350 000 - Tiltak 5.8 Infrastruktur Modalen kr 200 000 - Tiltak 5.9 Utvikling, kultur og reiselivstiltak i Kvam kr 2 100 000 - Tiltak 5.10 Hardanger Bade- og velværesenter (HBV) kr 500 000 - Tiltak 5.11 Rehabilitering av idrettsanlegg i Skånevik kr 420 000 Ein meir utfyllande omtale av prosjekta er vedlagt (Innstilling frå arbeidsutvalet til styringsgruppa). Ny handsaming i styringsgruppa. Saka blei deretter sendt attende til styringsgruppa kor dei blei bedt om ei ny handsaming av prosjekta under område Andre tiltak i samsvar med punkt 2 i fylkesutvalet sitt vedtak. Styringsgruppa for bruk av kompensasjonsmidlar har sett ned eit arbeidsutval som forbereder saker for dei. Arbeidsutvalet handsama saka i møte 10.01.13. Dei gjorde sine vurderingar i høve til føringar for bruk av midlane i frå Kommunal- og regionaldepartementet og Hordaland fylkeskommune. Desse vurderingane, samt arbeidsutvalet si tilråding til styringsgruppa for kvart av prosjekta under område Andre tiltak i planen er sammenfatta i eit eige notat (vedlegg). I møtet vart det konkludert med at Knut Prestnes ikkje var ugild i tiltak 5.1 Kultursenter på Husnes. Etter ynskje frå arbeidsutvalet, gjorde Juridisk eining ved Hordaland fylkeskommune vurdering av om Knut Prestnes er habil i høve til tiltak 5.1 Kultursenter på Husnes i forkant av møtet i styringsgruppa 25.01.13 (sjå under). Dei konkluderte med at Prestnes er inhabil også i handsaminga av dette tiltaket då Prestnes er medeigar i to selskap som har fått oppdrag under bygging av kultursenteret.
Styringsgruppa for bruk av kompensasjonsmidlane hadde telefonmøte 25.01.13. Knut Prestnes fråtredde møtet under behandlinga av tiltak 5.1 Kultursenter på Husnes og tiltak 5.2 Næringsutvikling i Kvinnherad. Per Øyvind Sævartveit fråtredde møtet under behandlinga av 5.2 Næringsutvikling i Kvinnherad. Styringsgruppa konkluderte med at alle 11 prosjekta under område Andre tiltak i Plan for bruk av kompensasjonsmidlar 2012 lå innafor nasjonale og regionale mål og retningsliner, og vedtok samrøystes at alle 11 tiltaka må inngå i planen. Handsaming i Regionalt næringsforum Regionalt næringsforum (RNF) er overordna styringsgruppe for kompensasjonsmidlane i Hordaland. Saka om ny vurdering av tiltaka under område Andre tiltak blei handsama av RNF på møtet 07.02.13 kor det blei gjort slikt vedtak: 1. RNF tilrår at alle prosjekta under område Andre tiltak med unntak av tiltak 5.5 Kultursenteret på Sunde og tiltak 5.6 Galeas Gurine i Plan for bruk av kompensasjonsmidlar 2012 godkjennast. Frigjorte midlar frå tiltak 5.5 og 5.6, totalt kr 700 000, overførast til tiltak 5.3 Folgefonnsenteret. Vurdering I arbeidsutvalet si tilråding til styringsgruppa er det gjort ei gjennomgang av føringar og retningsliner frå Kommunal- og regionaldepartementet (KRD) og fylkeskommunen sine regionale retningsliner (sjå vedlegg). Eg finn at denne gjennomgangen gir ein god oversikt over dette. I forhold til dei nasjonale retningslinene er det særleg dei overordna målsettingane for virkemiddelbruken og vurderingane knytt til utvikling av attraktive lokalsamfunn som er særleg vesentleg i vurderinga av dei aktuelle tiltaka. I Statsbudsjettet for 2012 (Prop. 1S 2011-2012) er det sett opp 3 hovudmål med tilhøyrande arbeidsmål til kor hovudmål 2 og 3 med tilhøyrande arbeidsmål er dei relevante: - «Hovudmål 2 Gode lokale og regionale rammebetingelser for næringsliv og befolkning Arbeidsmål 2.1 Kompetanse: Styrke grunnlaget for kompetanseheving i befolkningen og i samfunnsog arbeidslivet Arbeidsmål 2.2 Infrastruktur: Styrke fysisk infrastruktur og redusere avstandsulemper i områder med få innbyggere og små markeder - Hovudmål 3 Utvikle attraktive regioner og sentra for befolkning og næringsliv Arbeidsmål 3.1 Tjenester: God tilgang til grunnleggende lokale tjenester til befolkningen i områder med få innbyggere og små markeder. Arbeidsmål 3.2 Stedsutvikling og profilering: Gjøre mindre sentra og små og mellomstore byer mer attraktive og aktuelle som bosted, og som lokaliseringssted for bedrifter» I omtalen av ein stads attraktivitet heiter det: «Et steds attraktivitet påvirkes av tilgang på arbeid, bolig, tjenester, kulturopplevelser, friluftsliv samt fysisk og sosialt nærmiljø. Det er blant annet en utfordring å påvirke bostedsvalget til innvandrere og unge i etableringsfasen. Disse gruppene er mest mobile, og hvor de velger å bosette seg mer permanent har stor betydning for balansen i befolkningsutviklingen. Tilgang på kompetent arbeidskraft er avgjørende for lokalisering og utvikling av bedrifter.» I Hordaland fylkeskommunen sine retningsliner for forvalting av kompensasjonsmidlane heiter det: Det blir lagt til grunn at styringsgruppa legg vekt på å prioritera større prosjekt kor ei medfinansiering med kompensasjonsmidlar vil vere det som skal til for å få ein større finansieringsplan på plass. Det bør også bli lagt vekt på å prioritera prosjekt som går på tvers av kommunegrensene eller omfattar meir enn ein kommune. Prosjekta bør også ha ei anna innretning enn dei som blir finansiert gjennom dei andre regionale virkemidla fylkeskommunen rår over inkludert dei regionale næringsfonda. Dei 11 tiltaka under område Andre tiltak er i hovudsak vurdert opp mot desse punkta i retningslinene. Tiltak 5.1 Kultursenter på Husnes - Større prosjekt kor ei medfinasiering med kompensasjonsmidlar vil vere det som skal til for å få ein større finansiering på plass. - Stedsutvikling og profilering: Gjere mindre sentra og små og mellomstore byer meir attraktive og aktuelle som bustad, og lokaliseringssted for bedrifter. Tiltak 5.2 Næringsutvikling i Kvinnherad og Tiltak 5.8 Infrastruktur Modalen - Kommunale grunnlagsinvesteringar: I sone 2, 3 og 4 i det distriktspolitiske virkeområdet kan det bli gitt støtte til investeringar i kommunale prosjekt som tilrettelegging for næringsverksemd, stadsutvikling, vass-
verksutbygging og liknande. - Infrastruktur: Styrke fysisk infrastruktur og redusere avstandsulemper i område med få innbyggarar og små marknadar. - Det blir lagt til grunn at styringsgruppa legg vekt på å prioritera større prosjekt (Siste punkt gjeld tiltak 5.2). Tiltak 5.3 Folgefonnsenteret - Større prosjekt kor ei medfinasiering med kompensasjonsmidlar vil vere det som skal til for å få ein større finansiering på plass. Det bør også bli lagt vekt på å prioritera prosjekt som går på tvers av kommunegrensene eller omfattar meir enn ein kommune. Dette prosjektet omfattar alle kommunane rundt Folgefonna. - Midlane skal vere med på å realisera nasjonale og fylkeskommunale mål for regional utvikling tilpassa regionale føresetnader. Tiltak 5.4 Rehabilitering av Husnes stadion, tiltak 5.7 Valenparken og tiltak 5.11 Rehabilitering av idrettsanlegg i Skånevik - Utvikle attraktive regioner og sentra for befolkning og næringsliv. - Stedsutvikling og profilering: Gjere mindre sentra og små og mellomstore byer meir attraktive og aktuelle som bustad, og som lokaliseringssted for bedrifter. Alle desse tre prosjekta gjeld opprusting eller bygging av idrettsanlegg og er difor tilrådd lik handsaming. Tiltak 5.5 Kystkultursenteret på Sunde og tiltak 5.6 Galeas Gurine I vurdering av tiltaka knytt til Kultursenteret på Husnes og til idrettsanlegga har vi lagt vekt på at dette er tiltak som er med på å gjere sentra og kommunar meir attraktive og aktuelle som bustad, og som lokaliseringstad for bedrifter. Dermed kan slike tiltak vere med på gjere det lettare for bedriftene å rekruttera og halde på kompetent arbeidskraft. Vi kan vanskeleg sjå at desse to tiltaka (5.5 og 5.6) vil ha same effekt og kan heller ikkje sjå at det er andre forhold knytt til mål og strategiar for bruken av midlane som peiker på at desse to tiltaka bør prioriterast. Det er difor vanskeleg å sjå på kva grunnlag desse to tiltaka skal prioriterast. Tiltak 5.9 Utvikling, kultur og reiselivstiltak i Kvam - Kommunale grunnlagsinvesteringar: I sone 2, 3 og 4 i det distriktspolitiske virkeområdet kan det bli gitt støtte til investeringar i kommunale prosjekt som tilrettelegging for næringsverksemd, stadsutvikling, vassverksutbygging og liknande. - Midlane skal vere med på å realisera nasjonale og fylkeskommunale mål for regional utvikling tilpassa regionale føresetnader. I dette tiltaket er det lagt inn ei rekke til dels svært ulike «delprosjekt». I det vidare arbeidet vil fylkesrådmannen sette fokus på dei større og meir infrastrukturretta prosjekta. Tiltak 5.10 Hardanger Bade- og velværesenter (HBV) - Utvikle attraktive regioner og sentra for befolkning og næringsliv. - Stadsutvikling og profilering: gjere mindre sentra og små og mellomstore byer meir attraktive og aktuelle som bustad, og som lokaliseringssted for bedrifter. - Midlane skal i utgangspunkt ha ein utløysande effekt. Tilskotet skal bidra til at prosjekt er som elles ikkje ville ha blitt gjennomført blir realisert. Konklusjon Ut frå vurderingane over vil eg tilrå at alle tiltaka under område Andre tiltak i Plan for bruk av kompensasjonsmidlar 2012, med unntak av tiltak 5.5 Kultursenteret på Sunde og tiltak 5.6 Galeas Gurine, blir godkjent. I planen for 2012 er det gjort greie for at det også i 2013 vil vere behov for kompensasjonsmidlar til fleire av dei prosjekta som også inngår i planen for 2012, til dømes tiltak 5.3 Folgefonnsenteret. Eg tilrår difor at frigjorte midlar frå dei to prosjekta som eg tilrår ikkje godkjennast, blir overført til dette prosjektet.