Hjelmeland kommune Deltakarkommunar v/ ordførar og rådmann Dykkar ref.. Vår ref. Arkivkode: Dato: 14/468-7/14/8992 026 23.06.2014 REFERAT FRÅ MØTE OM PROSESS KRING KOMMUNEREFORM Strand rådhus, 20. juni kl. 13.00. Til stades: Forsand kommune: ordførar, varaordførar, rådmann Strand kommune: ordførar, varaordførar, rådmann Hjelmeland kommune: ordførar, rådmann Suldal: varaordførar (observatør) TEMA: Kven ynskjer kommunane å arbeide vidare med i prosessen? Gjennomføre ein runde med kommunane for å avklare status. Førebu/drøfte vidare prosess. (Finnøy har vedteke å arbeide mot Stavanger. Suldal ser føre seg å orientere seg nordover/vere åleine.) ORDFØRARANE FORSAND KOMMUNE: Forsand kommunestyre er delt (jf. møte 18. juni). Ordførar takkar for invitasjon og ynskjer å vere med i prosessen inntil vidare. Kommunestyret er orientert om møtet. Forsand kommune har fleire alternative prosessar. Ryfylkealternativet vil for Forsand berre innebere dei tre kommunane i ytre Ryfylke. Forsand vil òg ha møte med Sandnes kommune. Ein ser det som ei plikt i høve til innbyggarane å avklare dette alternativet. Postadr.: Vågen, 4130 Hjelmeland Sentralbord: 51 75 70 00 Telefaks: 51 75 70 70 Bankgiro: 3207.07.00750 Besøksadr Direktenr. 40439011 E-post: postmottak@hjelmeland.kommune.no Org.nr. 864979092
Dersom Frafjordsambandet skulle bli realisert, vil også Gjesdal kommune vere ein aktuell samtalepartner. Ungdommen har gitt uttrykk for at samanslåing med Sandnes er mest aktuell, men det føreset at ferja blir oppretthalde. I Forsand ser ein det ikkje som realistisk å arbeide for ferja. Sambandet Espedal Frafjord er det meir aktuelt å jobbe vidare med, men ein innser at utkome av saka er usikkert. Samarbeidsprosess med Hjelmeland og Strand er derfor mest realistisk no, også av fleire grunnar, som t.d. storleiken på ny kommune og felles historie, tradisjon, kultur. Ein treng å arbeide med open agenda, og ynskjer at innbyggarane skal sjå det same som politikarane ser før ein tek endeleg avgjerd. Avklaringsprosessar med Sandnes (og ev. Gjesdal) vil skje parallelt med prosessen i Ytre Ryfylke fram til ein har fått nødvendige avklaringar (ikkje parallelle forhandlingar). STRAND KOMMUNE: Ordførar er glad for invitasjonen og at den kjem frå Hjelmeland. Strand har vore opne for kommunesamanslåing lenge. Ein ser det nyttig å ta med ein tilleggsdimensjon det er ikkje berre i Ryfylke det er aktuelt å teikne nytt kommunekart, men òg i resten av Rogaland. Fylkesmannens rolle vil vere viktig for å vurdere ulike typar kommunar etter kommunereforma (ulik storleik ulike roller). Det er representantar i kommunestyret som ser føre seg samarbeid/samanslåing med Stavanger. Ein Ytre Ryfylkekommune vil vere ein styrke for alle noverande kommunar. Strand ynskjer vere med i ein prosess som fører til ein samanslåing mellom Hjelmeland og Strand og ev. Forsand. Ein bør ha mål om å arbeide relativt raskt og målretta for ein felles kommune i Ytre Ryfylke. (Forsand har ein viss redsel for å vere med i prosess med Strand og Hjelmeland dersom Strand samstundes orienterer seg mot Stavanger). Krefter i kommunestyret (i opposisjonen) arbeider mot samanslåing med Stavanger. Men p.t. er det berre eitt alternativ for Strand kommune. Det er viktig å få endelege avklaringar snarast råd. Ein kan frykte at Strand blir ein rein bustadavlastings-bydel i Stavanger. Det er i seg sjølv ein grunn til å arbeide målretta mot ein Ytre Ryfylke kommune. Kva vil ein oppnå med ein kommunereform? Dette spørsmålet og alle typar motførestellingar må kome fram tidleg i prosessen. Det er viktig å skape eit grunnlag for vidare arbeid i god tid før kommunevalet i 2015. Det er ikkje noko initiativ frå Strand kommune mot Stavanger. Ein veit ikkje noko om kor vidt det vil kome noko initiativ frå Stavanger. Dess fleire avklaringar ein får i eigen prosess, dess raskare vil ein skape grunnlag for å arbeide mot berre eit mål. Side 2 av 5
SULDAL: Suldal er i liten grad orientert mot Ytre Ryfylke. Ein vil inntil vidare sitte litt på gjerdet, men ser som eit alternativ å arbeid mot Sauda, Vindafjord og Etne. Det er for langt til Stavanger og Jørpeland. HJELMELAND: Det er vanskeleg å sjå at Hjelmeland skal kunne bli ståande åleine. Ein ser at det er fleire moglegheiter for Forsand og Strand, men er glad for at det blir signalisert frå andre at kommunane Forsand, Strand og Hjelmeland er mest aktuelt. (Dersom Hjelmeland (mot formodning) skulle gå mot Suldal, vil det vere aktuelt for Forsand å samarbeide berre med Strand.) Det er ein aktuell og konstruktiv prosess for Forsand, Strand og Hjelmeland å arbeide vidare saman. RÅDMENNENE: STRAND: Rådmennene er med i eit omfattande interkommunalt samarbeid i fleire konstellasjonar. Det gir oss større styrke og tryggleik for tenesteproduksjon. Legevakt, brann, PPT er t.d. områder ein samarbeider godt saman i dag. Ein opplever å ha politisk støtte på å arbeide på denne måten i dag. Samstundes ser ein at det er krevjande å finne gode løysingar på interkommunalt samarbeid, t.d. i IT-samarbeidet. Fleire kommunar opplever å ikkje ha nødvendig tilgang på kompetanse og personellressursar. Ein ser behov for at det blir større kommunar for å sikre tenesteproduksjonen kvalitativt og kvantitativt. Det kjem nye krav og forventningar både frå innbyggjarane og frå myndigheitene. Ein ser gjerne føre seg eit samarbeid ut over det som er etablert i dag på ein del område. Endring av kommunestryktur vil kunne gjere det lettare å etterleve nye krav og forventningar. Rådmennene i Forsand, Strand og Hjelmeland har eit eksisterande godt samarbeid. HJELMELAND: Støttar rådmannen i Strand sine vurderingar. Viktig å avklare alternative prosessar, t.d. kulturelle, geografiske og tradisjonelle m.fl. utfordringar (t.d. Jøsenfjorden, Ombo). FORSAND: Ein sit litt på vent for nødvendige politiske avklaringar. Det er planlagt folkemøte tidleg i september. Kommunanes rolle i høve samfunnsutvikling vil bli meir viktig. Kva rolle vil då ein liten kommune då få? Ein ser føre seg effektiviserings- og samordningseffektar gjennom etablering av større kommunar, t.d. planarbeid og forvaltningsoppgåver. I administrasjonen ser ein fordelar med å samarbeide primært i Ytre Ryfylke. Side 3 av 5
GENERELL DRØFTING Det er viktig å arbeide raskt, men ikkje for raskt. Det må utarbeidast ein plan for prosessen. Rådmennene treng klare mandat for sitt vidare arbeid. Rådmennene skal greie å gjere nødvendige jobbar. Avgjerd på vegval vil derfor vere viktig. Forsand håpar det kan late seg gjere å få nødvendige avklaringar seinhausten 2014. Når nødvendige avklaringar er på plass ynskjer ein å arbeide raskt. Det bør ikkje vere veldig komplisert å få til eit samarbeid mellom desse tre kommunane. Kulturane er ikkje veldig ulike. Mål å ha ny felles kommune etablert frå 1.1.2018. Det bør ikkje vere nødvendig med store utgreiingar og mykje bruk av eksterne konsulentar. Vi vil ha som oppgåve å bygge gode kommunar som gir gode tenester der folk bur. Dersom vi får nødvendige politiske avklaringar i kommunane, bør løpet fram til ein ny kommune ikkje ta lang tid. Det viktige for administrasjonane er ikkje kongeleg resolusjon, men pliktande vedtak i kommunestyra. Vi må køyre breie og opne prosessar. Beslutningstakarane må vere med og dei tilsette må vere med. Denne gruppa bør kanskje lage eit framlegg til prosess og framdrift som blir lagt fram i respektive formannskap? Første høve for å få bindande avklaringar vil kunne vere i månadsskiftet september/oktober. Men tida går fort og ein må halde tak i prosessen også fram mot det. Det vil vere unødvendig å vente til då med å starte den reelle prosessen. Prosessen i Ytre Ryfylke bør ha eit så sterkt trykk som om Forsand kommune skal vere med heile vegen. Om kommunestyret etter kvart meiner noko anna, får heller Forsand hoppe av det ein har jobba med. Planskisse for den vidare prosessen til handsaming i kommunane i september? Kan ein ha felles formannskapsmøte i samband med Ryfylketinget 6-7 november? Kommunane treng støtte i eigne kommunar. Ein treng eit mandat for prosessen, som rådmennene kan arbeide med til ultimo august (formannskapsmøter den 26. august). HOVUDELEMENT I EIT MANDAT: Tilslutning til prosessen med sikte på å etablere ein ny kommune. Angi eit tidsperspektiv for handsaming i kommunane. Arbeidsprosessane internt i dei respektive kommunane kan variere (må vere opp til den einskilde kommune). Premissar for prosessen. Best mogleg tenester til alle innbyggjarane i heile området. Tidsperspektiv i høve til politiske strukturar. Kva er nødvendig dersom ein skal ha nye kommunar 1.1.2018 med nytt, felles kommunestyre frå same tidspunkt. Det er mogleg å halde ekstraval til nytt kommunestyre hausten 2017. Administrasjonane skal makte å tilpasse seg den nye politiske strukturen. Viktig å avklare korleis kommunane ynskjer å la innbyggjarane bli høyrt folkeavrøysting eller spørjeundersøking. Side 4 av 5
Kva vil ein oppnå med ein kommunesamanslåing? Kva er motførestellingane? Korleis få ein brei og open prosess med god medverknad. Kommunikasjonsstrategi. KONKLUSJON: Rådmennene arbeider i fellesskap ut eit framlegg til sak om mandat for den vidare prosessen til handsaming i kommunane i slutten av august 2014. Med helsing Dag Flacké rådmann Dette dokumentet er elektronisk godkjent og treng ingen signatur Side 5 av 5