I november har me hatt fokus på språk og språkleik. Mykje av barna si språklæring går føre seg i dei kvardagslege samtalane våre, men ved å nytta nokre konkrete leikar, samt bilde og objekt å undre seg kring, så kan dette også bidra til stimulering av språket. Det skal jo vera morosamt å lære språk, og motivasjonen er på topp. Dagane vart plutseleg kalde etter ein heller varm haust, men gleda ved å ferdast ute på tur og i uteleiken er framleis stor. Det er viktig med varme og gode klede og sko framover no. Dagen vert ikkje heilt den same dersom kalde nevar tek over for gleda av å vera ute Me har halde fram med gruppedelinga (relasjonsgruppene) og ser at dette har hatt positiv innverknad på dagane til barna. I desember vil me sette fokus på ro det å seinke tempo i ein elles så travel månad. Samstundes skal me øve oss på å kvile inne på madrasser, det vert spanande! Det nermar seg jo flytting, så me må vera best mogleg budd, både store og små. I desember vert det også adventsamling kvar morgon etter frukost. Då er det fint om alle barna er på plass til denne. Dei likar godt samlingsstundene, og det er ikkje alltid like enkelt å komme inn i noko som allereie er i gong. Samstundes så kan dette uroe dei barna som allereie har komen på plass. Ber difor om at de tek omsyn til dette. Skulle de vera seint ute så lever så roleg som mogleg utan for mange beskjedar osv.
Snakke om og utforske fargar på same tid. Kven seier at språkleik treng vera keisamt?
+ =
«Bokstaven min» Som del av språkleiken laga me ein sirkel av bilde av alle barna med bokstaven deira på. Denne sirkelen vart nytta til mykje undring og glede både med og utan dei vaksne. Sirkelen vart etter kvart også utvida med fleire element å undre seg kring og snakke om, som t.d dyr. Me leikar og snakkar mykje kring dette. Samanliknar bokstavar, finn namn på ulike dyr, me har funne mange spanande variantar på leik i denne sirkelen. KJEMPEGØY!!
Leiken i stadig utvikling. Denne månaden har me hatt fokus på språkleiken, men ein anna leik har også byrja gjera seg meir gjeldande, og det er symbol-leiken (late som om leiken). Denne leiken er i stor grad inspirert av kvardagen til barna og dei opplevingane og erfaringane dei gjer seg i det daglege. Her kan mykje prøvast ut! Barna stimulerer kvarandre sin leik ved at den eine ser kva den andre gjer osv.
Me øvar på å gå sjølv. Då kan det vera greitt å ha eit leie-tau. Me må jo gå fint når me skal gå i nærleiken av bilvegen. Kald dag, og det var IS på dammane! Det må sjølvsagt utforskast.
Å ligge på bakken under eit tre å sjå blada dale og kanskje treffe deg på tunga. Barna skal få oppleve glede ved det å bevege seg utanføre barnehagen sitt område, og få høve til å oppleve mangfaldet i naturen, og undring kring dette (i.h.t Årsplan 2016/2017, natur, miljø og teknikk).
Tur til Landåsen. Hærleg å leike og ha pause på eit «vegg til vegg teppe» av mose. Berre sitte å ta inn lydar og inntrykk saman.
Handhygiene er viktig når me er så mange saman til ei kvar tid. Barna har vorten gode på dette no. Vatn er jo uansett morosamt Det å stå i kø og vente på tur er også viktig del av deira sosiale utviklig. Det er ikkje berre «meg» som gjeld, eg lyt også ta omsyn til andre. Sjølv om me ser at barna er på god veg i høve til å utvikle si eiga sjølvstende, så treng dei framleis mykje kontakt og omsorg. Me ser at dei no lever meir i ei slags pendeltilvære der dei sjølv vil ut å undersøke verda for så å komme tilbake for tryggleik, rettleiing, varme og trøst.
Dei fleste barna hjå oss har no komen dit at dei har vorten bevist sitt eige «eg». Med dette veks også sjølvstendet og eiga vilje. fram Dette kan vera ein krevjande periode for både barn og vaksne. Hjå oss er me medviten denne perioden, og veit at den er ein naturleg og viktig del av barna si utvikling. Me støtter barna ved å rettleie og vera til stades for dei, syner dei kva valalternativ dei har osv. Seier me nei til noko, kan me føreslå noko anna. Barn som har tydelege grenser å forhalda seg til er trygge barn. Barna treng også øving i å bestemme sjølv, men samstudes treng dei å læra at dei ikkje alltid kan gjer som det sjølv vil. Dette er viktig læring i høve til at dei skal kunna leva i eit gjensidig forhold til andre menneske (Sosial utvikling). Me kan også bidra til å gjere denne utviklinga til ei betre oppleving ved å legge til rette for leik som krev at barna lyt ta omsyn til kvarandre, må lytte, sjå og vente på tur osv. (dele ut matboksar til kvarandre, stå i kø på badet, vente på frukt, leike tøffe tøffe toget der det ikkje er stolar til alle og ein lyt vente på tur m.m.)
Me lagar «snø» av balsam, potetemjøl og glitter Spanande med nye material og konsistensar. Det er ikkje alltid berre å kaste seg i gong med det. Nokon gongar kan det vera greitt å gå forsiktig fram, pirke litt i det, sjå på dei andre før ein prøver ut sjølv.
Gullhår og dei tre bjørnane Det var en gang tre bjørner som bodde i et hus langt inne i skogen. Den ene var en stor svær pappabjørn,... Med språket i fokus har det vorte lagt til rette for at barna skal få byrjande kjennskap til eventyret om Gullhår og dei tre bjørnane. Eventyret har vorten presentert på fleire ulike vis: Eventyrkuffert med konkretar Snakkepakken med konkretar Dramatisering Høgtlesing
Det er spanande når mjølkebilen kjem!
Lykteverkstad 23. november Som barnehage har me ei unik sjanse til å legge til rette for at barn, foreldre og andre kring dei kan møtast og få positive opplevingar saman, samt danne kjennskap, på tvers av familiar, land og kulturar. Dei uformelle møta mellom barnehage og heim er og ei viktig styrking av vårt høve til eit godt og utfyllande samarbeid kring barna i kvardagen. Veldig kjekt at så mange fekk til å koma
Vinteren er gjerne den tida på året der barna vert sjuke eller kan få nedsett allmenntilstand i større grad en elles. Me vil med dette nytta høve til å minne om at: Barn som har hatt feber på natta skal vera heime frå barnehagen påfølgjande dag. Barn som får feber i barnehagen vert sendt heim. Barn med nedsett allmenntilstand vert sendt heim, sjølv om ikkje feber. Barn med diarè eller oppkast skal ikkje vera i barnehagen før det har gått minst 24 timar sidan siste bleie/oppkast. Barn med augebetennelse kan vera i barnehagen når ein har byrja behandling (vaske med kokt vatn eller fått salve/dråpar hjå lege) Barn med brannkoppar skal ikkje vera i barnehagen før brannkoppane har fått behandling og / eller er dekka til eller er tørre. Barn med vannkoppar skal ikkje vera i barnehagen før vannkoppane har vorten tørre (ikkje væskar). Barna har travle dagar i barnehagen, dei fleste har ein heil arbeidsdag her; nokre enno lenger. Barna treng innimellom å få høve til ein kviledag heime, eller gjerne berre ein kortare dag innimellom om det let seg gjere. Akkurat sånn som oss vaksne.