Radøy kommune Møtedato: 13.06.2016 Møtested: Kommunestyresalen Møtetid: 09:00 Møtebok for Formannskapet i Radøy Møtedeltakarar Parti Rolle Jon Askeland SP Ordførar Jostein Borlaug AP Varaordførar Anne Berit Bø Palmesen SP Medlem Kirsti Gjetle Floen AP Medlem Else Marie Skartveit Dale KRF Medlem Kenneth Taule Murberg H Medlem Normann Sæbø H Varamedlem Forfall Parti Møtande varamedlem Christel Villanger Håland H Følgjande frå administrasjonen møtte: Rådmann Jarle Landås, møtesekretær Arthur Kleiveland Hovudtillitsvald Else Soltveit i Fagforbundet og hovudtillitsvald i Utdanningsforbundet, Elisabeth Bygstad, deltok i styringsgruppa for kommunereform. Underskrifter: Jon Askeland Ordførar Arthur Kleiveland møtesekretær
Sakliste Saknr Tittel 060/2016 Kommunereform - møte i styringsgruppa 061/2016 Saman i ny kommune - eller halda fram som eigen kommune 062/2016 Høyringsuttale til Hordaland fylkeskommune sin skulebruksplan 2016 063/2016 Meldingar og referatsaker
Radøy kommune Saksframlegg Saknr Utval Type Dato 060/2016 Formannskapet i Radøy PS 13.06.2016 Sakshandsamar Arkivsaknr.: Dokumentnr.: Arthur Kleiveland 14/250 16/7686 Kommunereform - møte i styringsgruppa Saksopplysingar: Det har vore eit avsluttande møte i forhandlingsutvalet i 3-kommune-prosjektet mellom Radøy, Meland og Lindås for å sluttføra forhandlingane om intensjonsavtalen om å bygga ny kommune. I formannskapet 13. juni skal politikarane ta stilling til spørsmålet om ny kommune, og koma med si innstilling til kommunestyret 22. juni. På kommunestyret 15. juni blir det ei orienteringssak om status for bygging av ny kommune, og om klager som gjennomføringa av innbyggarundersøking. Rådmannen sitt framlegg til vedtak: Formannskapet i Radøy - 060/2016 FS - handsaming: Representantar for ein underskriftskampanje om kommunestruktur, Ludvig Grindheim og Stein Erik Greve, overrekte ordføraren lister med 355 underskrifter - 281 nei-stemmer og 74 ja-stemmer. Grindheim sa at det er mange som har reagert på at det ikkje er gjennomført folkerøysting for å høyra kva folk på Radøy meiner. Han meiner innbyggarundersøkinga er eit for tynt grunnlag. Grindheim viste også til at fagfolk på området har kome med innvendingar mot måten innbyggarundersøkinga er gjennomført. Det var semje i styringsgruppa om å leggja underskriftskampanjen fram for kommunestyret. Grindheim og Greve understreka då at undersøkinga ikkje måtte leggast fram med underskriftslistene, men berre informera om tal røyster og fordelinga nei/ja. Dei hadde også med eit skriv med ei liste namngitte personar som har vorte rådspurde og som har uttalt seg kritisk til opinionsundersøkinga. Rådmannen peika på at Offentleglova neppe gir grunn til å halda tilbake opplysningane. Etter dette valde Grindheim og Greve å trekkja tilbake brevet med personar som har uttalt seg om opnionsundersøkinga, og dei opprettheldt eit ønske om at underskriftslistene ikkje vert lagt fram. Samtidig peika fleire representantar på at denne undersøkinga ikkje kan oppfattast som eit vitskapleg
arbeid. Ordføraren gjekk gjennom dei siste endringane i intensjonsavtalen mellom Radøy, Lindås og Meland, og peika på punkt frå innspel/høyringar som er tatt med i den endelege og signerte avtalen. Innspelog høyringsrunden følgjer saka vidare. Han konstaterte om at dette etter planen er det avsluttande møtet i styringsgruppa for kommunereform. Medlemane i forhandlingsutvalet i Radøy framheva det gode klimaet som har rådd grunn i 3-kommune-forhandlingane. FS - vedtak:
Radøy kommune Saksframlegg Saknr Utval Type Dato 061/2016 Formannskapet i Radøy PS 13.06.2016 039/2016 Kommunestyret i Radøy PS 22.06.2016 Sakshandsamar Arkivsaknr.: Dokumentnr.: Jarle Landås 14/250 16/7687 Saman i ny kommune - eller halda fram som eigen kommune Saksopplysingar: Bakgrunn: Forhandlingsutvalet beståande av ordførarar, varaordførarar og gruppeleiar for største opposisjonsparti i kommunane Lindås, Meland og Radøy underteikna 8. juni 2016 ein endeleg intensjonsavtale for etablering av ein ny kommune - «Nordhordland kommune». Intensjonsavtalen dokumenterer det som ein har vorte samde om og som skal vera grunnlaget for å byggja ein ny kommune. Saka vert lagt fram for at kommunestyret på denne bakgrunn skal kunne ta stilling til forslaget til søknad om å slå saman dei tre kommunane (vedlegg 1). Det er utarbeidd ei felles saksutgreiing til politisk handsaming i dei tre kommunane. Prosessen: Kommunane i Nordhordland vedtok i 2010 å setja i gang ein prosess om å utgreia endra kommunestruktur. Dette arbeidet gav viktig kunnskap og grunnlagsmateriale, som kommunane har hatt stor nytte av i arbeidet som vart formalisert etter Stortingsvedtaket om kommunereforma i 2014. I utgangspunktet var der med 8 kommunar for å sjå om der var grunnlag for å danna ein ny kommune i Nordhordland. Telemarksforsking utarbeida i 2013 to rapportar som såg på ulike alternativ, samanslåing eller utvida samarbeid på einskilde område (vedlegg 8 og 9). Dei tre kommunane gjennomførte våren 2015 ei utgreiing som skulle svara på kvifor ein skulle byggja ein ny kommune, jfr. Vedlegg 3. Utgreiinga er fylgt opp etter valet hausten 2015 og denne intensjonsavtalen er eit resultat av denne prosessen. Intensjonsavtalen som var underteikna 25.01.16 vart lagt fram for kommunestyra og det har etter det vore ein brei medverknadsprosess i form av folkemøte, folkeavrøysting og/eller innbyggjarundersøking som ein er pliktig til etter lova. Det er kvart kommunestyre som avgjer spørsmålet om folkerøysting, innbyggjarundersøking eller anna høyringsform. Lindås og Radøy har hatt innbyggjarundersøking og Meland har hatt folkerøysting. Dei andre kommunane i regionen vart etter 25.01.16 invitert til å delta i vidare forhandlingar for å sjå om det var grunnlag for ein stor kommune i Nordhordland. Det takka dei Ja til og det vart framforhandla ein avtale om ein kommune i Nordhordland. Etter at denne avtalen vart lagt fram til folkerøysting eller innbyggarhøyring, viste det seg at det ikkje var grunnlag for desse kommunane å verta med i ein stor kommune. Det vart avklart i møte i forhandlingsutvalet 24.05.16.
Lindås, Meland og Radøy gjekk vidare med avtalen frå 25.01.16 og dei innspela som har kome i høyringsperioden. Avtalen som no vert lagt fram er justert noko på grunn av dei innspela. Intensjonsavtalen: I intensjonsavtalen (vedlegg 2) som er underteikna av forhandlingsutvala i dei tre kommunane 08.06.16 kjem det mellom anna fram følgjande: «Det er fordelar og ulemper ved å etablera ein ny kommune. Utgreiinga peika på fordelar ved sterkare fagmiljø (t.d. innan barnevern) som sikrar rekruttering og god og spissa kompetanse, betre kvalitet og mangfald på tenestetilbodet, betre heilskapleg arealutnytting, moglegheiter til å prioritera næringsarbeid, godt jordvern samt større påverknadskraft overfor sentrale og regionale myndigheiter. Den nye kommunen vil bli ein større og meir ressurssterk kommune med betre økonomisk soliditet, og vil dermed vera betre i stand til å handtera nye og større oppgåver samt omstilling innan arbeidsmarknaden. Den nye kommunen vil stå betre rusta til å møta den kraftige veksten i innbyggjartall (44 000 i 2040) med eit auka tal eldre. Nokre av ulempene vil kunne vera større geografisk avstand innan kommunen (både for innbyggjarar, tilsette og folkevalde), konsentrasjon av kommunale tenester, lengre beslutningslinjer, svekka lokalkunnskap hjå sakshandsamarar, samt lågare engasjement og politisk involvering frå innbyggjarane.» I kapitelet om visjon til den nye kommunen står der følgjande: «Nordhordland kommune» skal vera ein heilskapleg samfunnsutviklar og byggja fellesskap i ein region med sterk vekst og utvikling. Me byggjer ein ny kommune for å møta framtida sine utfordringar i tenestetilbodet til innbyggjarar og næringsliv. Me skal rekruttera, halda på og utvikla den beste fagkompetansen for å betra tenestetilbodet. Tenestetilbodet skal vera der brukarane bur. Den nye kommunen skal vera ein god, attraktiv felles buog arbeidsregion. Målet er å få på plass ein sterkare kommune som byggjer opp under innbyggarane sin felles identitet, ivaretek lokaldemokratiet og gjer den nye kommunen og regionen betre i stand til å ta imot fleire oppgåver, jamfør vedtak i Stortinget. Den nye kommunen vil aktivt søkja om å kunne ta på seg nye oppgåver og mynde slik at det lokale demokratiet i størst mogeleg grad kan styra utviklinga i eigen kommune.» Intensjonsavtalen er tematisk bygd opp og fortel kva forhandlingsutvalet har vorte einige om og gir premissane for samanslåinga av dei tre kommunane. Intensjonsavtalen inneheld følgjande: Innleiing Visjon Verdiar, mål og prinsipp Kvifor ny kommune: fordelar og ulemper Den nye kommunen namn, organisering og styring Demokratimodellen Prinsipp for tenestetilbod og kompetanse Økonomi harmonisering av skattar og avgifter Kommunen som arbeidsgjevar administrativ prosessar Kommunikasjonsplan Vegen vidare Meir informasjon om forhandlingsutvalet sitt arbeid og grunnlag for intensjonsavtalen følgjer med
som vedlegg til denne saka. Føringar fra Regjeringa og Stortinget: I samsvar med Sundvolden-erklæringa har Regjeringa tatt initiativ for å gjennomføra ein kommunereform. Regjeringa ønskjer å flytta makt og ansvar til større og meir robuste kommunar. Målet er eit lokaldemokrati som kan ivareta velferd og sikra verdiskaping og trivsel og kommunar som har kraft til å møta dei utfordringane som ventar. Kommunal- og moderniseringsdepartementet (KMD) har utarbeida materiell til rettleiing og rundskriv til inndelingslova som regulerer korleis endringar i kommunestruktur skal gjennomførast. Regjeringa sette ned eit ekspertutval for å gi råd om framtidas kommunestruktur. Ekspertutvalet la fram ein delrapport i mars 2014 (vedlegg 4) og gav si endelege anbefaling i desember 2014 (vedlegg 5). Utvalet tilrår mellom anna at kommunane bør ha minst 15-20.000 innbyggarar for å sikra ei god oppgåveløysing. Utvalet meiner også at staten bør redusera detaljstyringa. Med tilrådd storleik, meiner utvalet at kommunane kan vera i stand til å overta ansvaret for nye oppgåver, t.d. habiliterings- og rehabiliteringstenestene, statlege oppgåver knytt til fosterheim og barneverninstitusjonar, hjelpemidlar til personar med nedsett funksjonsevne, arbeidsmarknadstiltak i skjerma sektor og verkemidlar for lokal nærings- og samfunnsutvikling. Utvalet meiner fylkeskommunen sitt ansvar for vidaregåande opplæring og samferdsel ikkje bør overførast til kommunar med mindre enn 100.000 innbyggarar. Stortinget slutta seg til Meld.St. 14 (2014-2015) Kommunereform nye oppgaver til større kommuner (vedlegg 6). Meldinga varsla også ein gjennomgang av den statlege styringa av kommunane og omtaler korleis større kommunar vil kunne påverka det regionale folkevalde nivået. Med bakgrunn i Stortinget si handsaming av oppgåvemeldinga fekk fylkeskommunane invitasjon til å vurdera samanslåing med nabofylke. Det har resultert i at dei to fylka i Trøndelag vil slå seg saman og det er samtalar mellom fylka på Vestlandet om ein mogeleg Vestlandsregion. Fylka har frist til å gjera vedtak hausten 2016. Regjeringa tek sikte på å legga fram forslag til ny kommunestruktur og regionstruktur for Stortinget våren 2017. Samanslåingar som blir vedteke av Stortinget, vil som hovudregel tre i kraft 1. januar 2020. Fakta om kommunane Lindås, Meland og Radøy: Som ein del av rettleiinga til kommunane har KMD etablert eit nettbasert utgreiingsverktøy for samanslåing av kommunar. Nettløysinga gir oversikt over relevante nøkkeltal og utviklingstrekk både for enkeltkommunar og for den nye kommunen innanfor områda befolkning og demografi, sysselsetting og kommuneøkonomi. Det går fram av vedlegg 7 at ein samanslått kommune vil ha om lag 30.000 innbyggarar ved etableringa 01.01.20, aukande til 35 000-40.000 innbyggarar innan 2040. Inntekta for dei tre kommunane samla er ca. to mrd. kroner, noko som utgjer om lag 74.000 kroner pr. innbyggar. I rapporten «Nordhordland ein kommune 2020?» er der også ein del fakta om kommunane (vedlegg 10). Tilskott til samanslåinga: Ei samanslåing vil utløysa støtte frå staten som skal dekka dei særskilte kostnadane som er med samanslåinga. Storleiken på desse midlane er avhengig av tal kommunar og folketal, men for desse tre gir det: Type støtte Utbetalingstidspunkt Beløp i mill. kr Eingongskostnadar Når Stortinget har gjort 35
vedtak om samanslåing vår 2017 Reformstøtte Utbetalast på tidspunktet for samanslåing 01.01.2020 *Dersom folketalet er >29.999 vil beløpet auka til 25 mill kr. 20* Kommunane vil også få 100.000 kroner kvar til dekking av kostnader for informasjon og folkehøyring. I tillegg er der sett av midlar som skal gå til infrastrukturtiltak i kommunar som slår seg saman. Der er det sendt to søknader allereie: IKT-prosjekt og bruk av kart Midlar til regulering av vegprosjektet Sambandet Vest I intensjonsavtalen er der også sagt at ein vil søkja om midlar til utviklingsprosjekt som kan bidra til å realisera visjonane for den nye kommunen. Inntektssystemet: Alle kommunar får i dag eit basistilskot på om lag 13,2 mill. kr uavhengig av tal innbyggarar. Basistilskotet betyr mest for dei små kommunane og er å sjå på som ei inntekt for å dekka administrasjon. I inntektssystemet som Stortinget vedtek no i juni vil berre dei kommunane som ufrivillig er «små» behalda eit uavkorta basistilskot. Alle kommunane vil få behalda 50 % av basistilskotet, men dei kommunane som har ein reiseavstand som er mindre enn 25,4 km for å nå 5.000 innbyggarar vil få eit gradert basistilskot på resten. I prognosemodellen til KS er dette berekna å gi følgjande verknad for desse tre kommunane i mill kr : Totalt sett så vil dei tre kommunane få ein reduksjon på om lag 15 mill kr, men så vert det ei tilbakeføring slik at nettoeffekten vert om lag 7,5 mill kr. Dette er nærare omtalt i to notat som ligg ved (vedlegg 11 og 12). Dei kommunane som vedtek samanslåing før 01.07.16 vil få kompensert dette trekket i basistilskot gjennom skjønnsmidlar for åra 2017-2019. Det er noko uklart om kompensasjonen som vil bli gitt tek utgangspunkt i brutto (15,2) eller netto (7,5). Poenget er at dei kommunane som vedtek samanslåing ikkje skal koma dårlegare ut fram til samanslåinga i 2020. Til den samanslåtte kommunen vil det bli gitt eit inndelingstilskot som kompensasjon for bortfall av to basistilskot i 15 år etter samanslåing, deretter vert tilskotet trappa det ned over fem år. Inndelingstilskotet vil bli berekna med utgangspunkt i slik inntektssystemet er i 2016. Innbyggarane sine synspunkt: I samsvar med inndelingslova 10 har innbyggarane blitt høyrt i prosessen. Hausten 2015 vart det gjennomført ei innbyggarundersøking (vedlegg 13) der eit av spørsmåla var om ein var for eller i mot at eigen kommune vart slått saman med andre kommunar. Det var i alle
desse kommunane størst andel som svara «Ja». Lindås og Radøy gjennomførte ei ny innbyggarundersøking i april/mai (vedlegg 14) og den viste at eit stort fleirtal i Lindås var positiv til kommunesamanslåing og på Radøy var det 51 % som svara «Ja», andelen som svara «Veit ikkje» var blitt lågare. Meland gjennomførte folkerøysting 23. mai og det var høve til å røysta på førehand. Det gav 51 % som svara Nei til samanslåing og 49 % som vara Ja. Andelen av dei røysteføre som deltok var 37 %. *Meland folkeavstemming 23. mai ikkje innbyggarundersøking vår 2016 Vurdering: Kommunereforma har eit svært langt tidsperspektiv og rammevilkåra for kommunane vil med stor sannsynlegheit endrast vesentleg framover. Det er førebels ikkje heilt klart kva nye oppgåver kommunane skal ha og korleis fylkeskommunane/regionar skal vera. Sjølv om der er ein del som er uklart er det svært sannsynleg at den kommunereforma som er sett i gang vil føra til at primærkommunar i framtida får eit meir omfattande ansvar enn i dag. Vi ser i dag at kommunen sine tenester vert meir komplekse og det stiller større krav til kompetanse. For å få til det bør ein ha større fagmiljø enn det vi har i dagens tre kommunar. Auka andel eldre, ein meir pressa offentleg økonomi og auka oppgåver, vil etter kvart setja større krav til korleis det offentlege forvaltar ressursane som er til disposisjon. I utgreiingar som er gjort er det peika på fordelar og ulemper med samanslåing. Ut i frå ei heilskapleg vurdering synes fordelane med å slå saman desse tre kommunane å vere klart større enn ulempene. Dette er tre kommunar som har eit felles bu- og arbeidsmarknad og der er korte avstandar. Kommunikasjonen har endra seg mykje sidan førre reform i 1965. Vi vil spesielt peika på at ei samanslåing gir grunnlag for å vidareutvikla sterke fagmiljø. Dette blir i stadig større grad naudsynt, tatt i betraktning prognoser for befolkningsutvikling og det auka ansvar kommunane vil få. Ein samanslått kommune vil vera betre rusta til å kunne yta gode tenester overfor innbyggarane i eit så langsiktig perspektiv som bør leggast til grunn ved spørsmålet om kommunesamanslåing. Vidare vil ei samanslåing gi betre grunnlag for god arealforvaltning. Kommunane sitt høve til å leggja til rette for god næringsutvikling vil også bli styrka om kommunane slår seg saman. Dersom kommunestyra i Lindås, Meland og Radøy gjer likelydande vedtak om å godkjenna søknad om å slå kommunane saman, bør arbeidet med å planlegga den nye kommunen setjast i gang så raskt som mogeleg. Det er erfaringa frå andre at ein ikkje må venta med å starta opp arbeidet. Rådmannen sitt framlegg til vedtak: 1. Kommunestyret godkjenner framlegget til søknad om å slå saman kommunane Lindås, Meland
og Radøy (vedlegg 1). 2. Kommunestyret godkjenner forhandlingsutvalet sin intensjonsavtale (vedlegg 2) som grunnlag for samanslåing av kommunane Lindås, Meland og Radøy. Formannskapet i Radøy - 061/2016 FS - handsaming: Forhandlingsutvalet i Lindås, Radøy og Meland signerte 8. juni den endelege intensjonsavtalen mellom dei tre kommunane. Ordføraren viste til at det er lagt ved eit grundig vedleggs-tilfang knytt til kommunestyret si handsaming av sak om Radøy skal gå inn i ein ny kommune saman med Lindås og Meland. Det ligg også ved eit notat med oppdaterte tal for alternativet med Radøy som eigen kommune. Rådmannen presiserte at saksutgreiinga og framlegg til vedtak er den same for dei tre kommunane Radøy, Lindås og Meland. Alle kommunane i regionen skal ta stilling til kommunestyret 22. juni, med møtestart kl. 12.00. I Radøy er dette den einaste saka på sakskartet. Om kommunestyrefleirtalet i Lindås, Radøy og Meland seier ja til ein ny kommune, må dei tre kommunane formelt søkja departementet om å få gå saman. Stortinget vil hausten 2017 gje formell godkjenning til å setja ned ei fellesnemnd med folkevalde frå dei tre kommunane. Men alt komande haust bli det, ved eit ja-fleirtal, bli valt ei førebels fellesnemnd med 21 representantar (10 frå Lindås, 6 frå Meland og 5 frå Radøy), som skal starta førebuinga og arbeidet med prosessen mot ein kommune. Formannskapet vedtok samrøystes rådmannen sitt framlegg til vedtak. FS - vedtak: 1. Kommunestyret godkjenner framlegget til søknad om å slå saman kommunane Lindås, Meland og Radøy (vedlegg 1). 2. Kommunestyret godkjenner forhandlingsutvalet sin intensjonsavtale (vedlegg 2) som grunnlag for samanslåing av kommunane Lindås, Meland og Radøy. Vedlegg: Vedlegg 01 Søknad om samanslåing Vedlegg 02 - Signert intensjonsavtale Lindås_Meland_Radøy Vedlegg 03 Rapport_Nordhordland+kommune_juni+2015 Vedlegg 04 Ekspertutvalet - rapport mars 2014 Vedlegg 05 Ekspertutvalet - rapport desember 2014 Vedlegg 06 St meld 14 Kommunereform - nye oppgaver Vedlegg 07 Rapport om ny kommune rapport Lindås Meland og Radøy - juni 2016
Vedlegg 08 2013.06.17 Telemarksforsking - Nye samhandlingsformer og strukturendringar i Nordhordland Vedlegg 09 2013.12.20 Telemarksforsking - rapport kommunestruktur Nordhordland fase 2.1 Vedlegg 10 Nordhordland ein kommune 2020 Vedlegg 11 Notat - konsekvens nytt inntektssystem inkl endring utgiftutgjevning Vedlegg 12 2016 05 02 Notat - inntektssystem KS prognosemodell Vedlegg 13 Nordhordland innbyggarundersøking okt 2015 Vedlegg 14 Innbyggarundersøking april - mai 2016 Vedlegg 15 Radøy som eigen kommune - vurderingar av økonomiske utfordringar - notat (75819) Vedlegg 16 Samla innspel til intensjonsavtalen i dei tre kommunane
Radøy kommune Saksframlegg Saknr Utval Type Dato 062/2016 Formannskapet i Radøy PS 13.06.2016 038/2016 Kommunestyret i Radøy PS 15.06.2016 Sakshandsamar Arkivsaknr.: Dokumentnr.: 16/546 16/7668 Høyringsuttale til Hordaland fylkeskommune sin skulebruksplan 2016 Saksopplysingar: Bakgrunn Hordaland Fylkeskommune har etter vedtak i Fylkesutvalet 19. mai, sendt ut skulebruksplanen 2016 2030 på høyring med frist 1. juli. Planen legg grunnlaget for det vidaregåande skuletilbodet som skal vera i Hordaland i framtida med vedtak i fylkestinget i oktober. Planen inneheld både strukturog programdel. Regionrådet i Nordhordland vil gje ein fellesuttale frå kommunane i Region Nordhordland. Uttalen frå regionrådet vert vedteke i Regionrådsmøtet fredag 10. juni 2016, og vil bli ettersendt når vedtaket føreligg. Regionrådet støttar også eventuelle uttalar frå den enkelte kommune i regionen. Regionrådet viser også til uttale i samanheng med rulleringa av skulebruksplanen i 2013. Det er lagt fram følgjande utkast til høyringsuttale for Regionrådet og til handsaming i kommunane: Skulebruksplanen oppgjer at dei viktigaste avgjerdsgrunnlaga er som følgjer: Regional plan for attraktive senter Elevtalsutvikling Reisetidsanalyse Kapasitet og tilstand på eksisterande bygningar Skulebruksplanen gjev Nordhordland ei dobbel utfordring gjennom at Austrheim vidaregåande skule vert føreslått nedlagd frå 2020. Knarvik vidaregåande skule misser nokre utdanningsprogram, og får om lag same storleik som i dag. Osterøy vidaregåande skule vert vidareført som i dag. Elevtalsprognosen syner at Nordhordland vil ha ein auke i elevar framover, til 1300 elevar i VGSalder. Regionrådet i Nordhordland vil peika på at skulebruksplanen også føreset ein stor auke i kapasitet ved Åsane vidaregåande skule og Tertnes vidaregåande skule, og planen føreset med dette at elevar frå Bergen som i dag går ved Knarvik VGS heretter skal gå i Bergen. Framlegget om nedlegging av Austrheim VGS byggjer på dette grunnlaget, gjennom at om lag tilsvarande tal elevar frå Bergen flyttast til Åsane, som tal elevar frå Austrheim VGS til Knarvik VGS (sjå tabellen under).
Forventa behov Planlagd kapasitet Avvik Nordhordland 1300 963-337 Bergen Nord 1330 1625 +295 Det vert også flytta utdanningstilbod frå Knarvik VGS til Åsane, noko me er usamde i. Knarvik VGS er ein av dei største og mest populære skulane i fylket, og ved den store utvidinga i 2009 fekk Kunst, design og arkitektur (KDA) og Design og handverk skreddarsydde lokale. Skulebruksplanen foreslår ikkje KDA i Åsane heller, og me meiner at Knarvik må ha både KDA og Design og handverk. Dette er utdanningsprogram som er nært beslekta, og lærarane kan undervisa på begge programma. Me meiner og at den planlagde flyttinga av Service og samferdsel, inkl. Transport og logistikk frå Knarvik VGS til Bergen Nord, må stoppast. Dette har me gjort greie for i eige brev til HFK datert 2.februar 2016, sjå vedlegg. Regionrådet meiner at fylkeskommunen sin skulebrukspolitikk dei siste åra gjev distrikta i fylket utfordringar. Fylkeskommunen har som uttalt mål å utvikla heile Hordaland. Når det gjeld vidaregåande skular, så har det dei seinare åra vore ei stor kapasitetsoppbygging av skular og utdanningsprogram i Bergen kommune. I tillegg har fylkeskommunen sleppt til mange private vidaregåande skular og deira utvida tilbod. Det meste av dette har skjedd i Bergen. Framlegget til skulebruksplan vidarefører noko av denne politikken ved at elevar frå Åsane vert flytta frå Knarvik til Åsane, og Austrheim VGS vert føreslått nedlagd. Dermed vert det distrikta som betaler prisen for kapasitetsutvidinga i Bergen. Dette er me usamde i. Dersom vi samanliknar med t.d. Sunnhordland, så planlegg skulebruksplanen med to skular der (Stord og Bømlo VGS). Sunnhordland har eit folketal på om lag same nivå som Nordhordland. Dersom ein tek med kommunane Gulen og Solund, så skal berre ein skule i Nordhordland dekkja eit større folketal enn det to gjer i Sunnhordland. Skulebruksplanen tek ikkje omsyn til samarbeidsavtalen med Sogn og Fjordane. Ved å leggja ned Austrheim VGS vil dei elevane frå Gulen og Solund som i dag kan bu heime og gå på Austrheim VGS, verta tvinga til hybeltilvære som elevar, anten i Knarvik, Dale eller Førde. Dette er me usamde i. Vidare vil me peika på at reisetida i skulebruksplanen ikkje viser det reelle biletet for ungdommane. Reisetidsanalysen er rekna ut frå køyring med privatbil, noko som gjev eit feil faktisk bilete av reell reisetid med kollektivtransport. Reisetida er i realiteten mykje lenger for mange elevar, også for langt fleire enn dei som ut frå reisetidsanalysen har 45 min køyring til Knarvik. Me meiner derfor at grunnlaget for å leggja ned Austrheim VGS basert på reisetidsanalysen, er feil, og må avvisast. Nordhordland er ein føregangsregion innan TAF og yrkesfag. Me har eit særs godt samarbeid mellom næringsliv, kommunar og dei vidaregåande skulane, noko som også viser att i mange læreplassar. Det må ikkje flyttast utdanningsprogram som både er viktige for næringslivet i Nordhordland, og som kan svekka lærlingsituasjonen vår. TAF blir ikkje nemnt med eit ord i skulebruksplanen, i dag går vel 200 elevar på dette tilbodet på 4 ulike utdanningsprogram på Knarvik VGS. Me meiner dette tilbodet må oppretthaldast og utviklast, og at tilbodet må kome tydeleg fram som eit eige utdanningstilbod. Tabell over noverande og føreslegne struktur- og utdanningstilbod i Nordhordland: Dagens tilbod ST PB TIP SS RM HO EL DH BA TO Sum Austrheim 67 29 59 0 12 33 41 0 21 2 264 Knarvik 323 133 159 54 0 100 95 36 60 63 1023
Adm. forslag Knarvik 360 60 135 0 0 120 60 75 105 48 963 Oppsummering Regionrådet i Nordhordland er usamd i framlegget til skulebruksplanen sine tilrådingar for Nordhordland. Skulebruksplanen bommar på det mest sentrale ved at elevtalsprognosen viser vekst til 1300 elevar i Nordhordland, medan studietilbodet legg opp til 963 elevplassar i Nordhordland. Me kan ikkje godta at Austrheim VGS vert lagt ned, og at studietilbod vert flytta frå Knarvik VGS til Åsane. For at fylkeskommunen skal leva opp til slagordet om å utvikla heile Hordaland, så må det tvert om flyttast studietilbod ut av Bergen og til Nordhordland. Me meiner også at Fylkestinget må sjå satsing på vidaregåande skular som eit tiltak for å sikra betre kollektivtilbod i heile Hordaland. Dette vert best ivareteke ved at Austrheim VGS vert satsa på vidare. Regionrådet i Nordhordland krev at Fylkestinget gjer fylgjande vedtak: Nordhordland skal ha dagens tre vidaregåande skular; Knarvik, Austrheim og Osterøy (i Arna region), og me skal ha kapasitet på utdanningstilbod på 1300 plassar (for Knarvik og Austrheim), slik elevtalsprognosen tilseier. Knarvik VGS får tilført Kunst, design og arkitektur, og får behalde Service og samferdsel med Transport og logistikk. Austrheim VGS vert satsa på ved å oppretthalda studiespesialiserande tilbod som vert utvida med fordjuping i havsportretta friluftsliv. Bygg- og anleggsfagtilbodet må verta utvida med ISO-faget (isolasjon, stillas, overflate) ved anten Austrheim VGS eller Knarvik VGS. Me har fått innspel frå næringslivet om at dei ynskjer norske fagarbeidarar i dette faget, men det meste av kompetansen er i dag utanlands. Det må også investerast i bygningar som samlokaliserer Knarvik VGS på Juvikstølen, og nybygg ved Austrheim VGS. Nordhordland har gode tradisjonar for satsing på yrkesfag, og me har eit særs godt samarbeid mellom næringsliv, kommunar og skular som gjer at me har høgt tal læreplassar i regionen. Dette underbyggjer at det ikkje må flyttast opplæringstilbod ut av regionen. Samarbeidsavtalen med Sogn og Fjordane må vidareførast slik at elevane dette gjeld får bu heime og gå ved Austrheim VGS. Skulane er til for elevane, same kor dei bur! TAF-tilbodet må synast betre i utdanningstilbodet. Me meiner det desavuerer dette tilbodet at det ikkje i det heile blir omtalt i skulebruksplanen. Rådmannen sitt framlegg til vedtak: Radøy kommune sluttar seg til Regionrådet sin høyringsuttale til Hordaland fylkeskommune sin skulebruksplan 2016.
Formannskapet i Radøy - 062/2016 FS - handsaming: Ny informasjon: Regionrådet har i møte 10. juni gjort nokre justeringar/tillegg i sin høyringsuttale til skulebruksplanen. Følgjande punkt i uttalen har fått eit tillegg: Skulebruksplanen tek ikkje omsyn til samarbeidsavtalen med Sogn og Fjordane. Ved å leggja ned Austrheim VGS vil dei elevane frå Gulen og Solund som i dag kan bu heime og gå på Austrheim VGS, verta tvinga til hybeltilvære, anten i Knarvik, Dale eller Førde. Dette er me usamde i. Det at elevane kan bu heime fram til dei er ferdig med vidaregåande, gir større sjanse for at dei vil busetja seg lokalt. Dersom nokon flyttar, så vert miljøet så «tynt» at det vert lite interessant å vera igjen som ungdom. For å ha levande lokalsamfunn så må ein ha personar i alle aldrar. Regionrådet kjem med følgjande nytt punkt i uttalen: Det er mange industriverksemder og arbeidsplassar i Fensfjordbassenget og Mongstad-området, og det er venta ytterlegare vekst framover. Desse verksemdene har eit stort behov for fagpersonar frå vidaregåande og dei kan tilby læreplassar. Det må ikkje leggast ned og flyttast utdanningsprogram som er viktige for næringslivet og ein region i vekst - og som har behov for kvalifisert arbeidskraft framover. Dersom me ikkje kan tilby kvalifisert og stabil lokal arbeidskraft, så kan det hemma utviklinga i heile regionen. Svært mange av læreplassane for yrkesfag er i verksemder som er lokalisert nord i regionen. Austrheim vidaregåande er særskilt viktig for å rekruttera til desse læreplassane. Regionrådet har også gjort eit tillegg i første ledd i regionen sine krav til Fylkestinget sitt vedtak: Forventa elevtalsbehov i Nordhordland må også inkludera elevane frå Gulen og Solund. Første ledd blir dermed slik: Nordhordland skal ha dagens tre vidaregåande skular; Knarvik, Austrheim og Osterøy (i Arna region), og me skal ha kapasitet på utdanningstilbod på minimum 1300 plassar (for Knarvik og Austrheim), slik elevtalsprognosen tilseier. Forventa elevtalsbehov i Nordhordland må også inkludera elevane frå Gulen og Solund. Det gjer at behovet er større enn det som går fram av skulebruksplanen. Formannskapet vedtok samrøystes rådmannen sitt framlegg til vedtak. FS - vedtak: Radøy kommune sluttar seg til Regionrådet sin høyringsuttale til Hordaland fylkeskommune sin skulebruksplan 2016.
Radøy kommune Saksframlegg Saknr Utval Type Dato 063/2016 Formannskapet i Radøy PS 13.06.2016 Sakshandsamar Arkivsaknr.: Dokumentnr.: Arthur Kleiveland 16/1103 16/7682 Meldingar og referatsaker Saksopplysingar: Det vert lagt fram følgjande meldingar og referatsaker: Rådmannen sitt framlegg til vedtak: Meldingar og referatsaker vert tekne til orientering Formannskapet i Radøy - 063/2016 FS - handsaming: Helsehus-prosjektet: Ordføraren sa at økonomien i helsehus-prosjektet er god, men at det kan bli nødvendig å utvida låneramma. Reiselivs-samarbeid: Radøy og dei andre kommunane i Nordhordland blir med i det som etter kvart vil få namnet Bergen og Omland reiselivslag. Medlemskontingenten kjem opp som budsjettsak i kommunestyret. Avvikling av BrB: Formelt vedtak om avvikling av BrB og val av avviklingsstyre blir gjort på ekstraordinær generalforsaming i selskapet. Ordføraren orienterte om at BrB vil vera stengd ned i god tid før jul. Det vert arbeidd med ymse modellar for vidareføring av aktivitetane i selskapet. Tilsynsrapport: Rådmannen orienterte om fylkesmannen sin førebelse rapport etter tilsyn ved Sæbø skule. Han peika på at det er ei krevjande form for tilsyn som er gjort. Rådmannen har reagert på enkelte formuleringar i den førebelse rapporten, og viste til at tilsynsrapporten vil gje eit oppdatert bilde av tiltak som er sett i verk ved skulen. Rådmannen peika på at kommunen mellom anna har skjerpa prosedyrer for internkontroll. Boss som flyt: Kenneth Murberg (H) tok opp situasjonen med boss som flyt ulike stader, t.d. utanfor Radøyhallen og ved Toskavegen. Han meiner det er grunn til å sjå på om dunkar kan tømmast hyppigare. Rådmannen tar opp med BOF kva som kan gjerast for å rydda opp. Bruk av vedlikehaldsmidlar: Rådmannen orienterte om plan for bruk av "ekstra statlege vedlikehaldsmidlar". Planen er å gje kommunale bygg og anlegg eit ansiktsløft, både med maling og
andre tiltak. Velferdssenteret: Dagleg leiar Anne Brattetaule ved Velferdssenteret orienterte mellom anna om endringar i tal sengeplassar og personalsituasjonen på bakgrunn av drøftingar i formannskapet og medieoppslag om ledige sengeplassar. I 2015 vart det registrert ein nedgang i behov for langstidsplassar i institusjon. Det førte mellom anna til at to leiligheiter med kapasitet til å dekka fire sjukeheimsplassar i OMS vart tilbakeført til heimetenesta. Brattetaule sa at det ikkje er nokon lediggang mellom personalet på grunn av fleire tomme senger. Ho viste til at det på personalsida ikkje blir tatt inn vikar i ledige vikariat eller ved sjukefråver, eller ved avvikling av ferie, og at Velferdssenteret også har dekka opp for sjukefråver i heimesjukepleia. Behovet for sengeplassar varierer dessutan ein del, og Brattetaule informerte om at det er fleire radværingar på sjukehus med eit uavklart hjelpebehov. Ho understreka at institusjonen må handla og snu seg raskt. Tenestene vert tildelt utfrå eit lovverk, og dette er det same anten det er fullt belegg eller om det er senger ledige. Anne Brattetaule tok også eit historisk tilbakeblikk for drifta ved Velferdssenteret, og trekte fram nokre av endringane som kom med Samhandlingsreforma i 2012. Kommuneoverlege Grethe Fosse peika på at Radøy kommune har følgd opp Samhandlingsreforma på ein svært god måte. Ho viste til at kommunen per i dag klarar å ta imot utskrivingsklare pasientar. Det vert lagt vekt på å få pasienten heim så raskt som mogleg - til pasienten sitt beste. Flomlys kyrkja: Else Marie Skartveit Dale (KrF) reiste spørsmål om flomlys ved Manger kyrkje/manger sentrum, ei sak som soknerådet har tatt opp. Rådmannen peika på at dette er ei sak som soknerådet kan spela inn i budsjettet. Styremedlem Nordhordlandspakken AS: Regionrådet har føreslege Radøy-ordførar Jon Askeland som nytt styremedlem i Nordhordlandspakken AS. Som fylkesvaraordførar kan ikkje Pål Kårbø halda fram i styret, og Askeland har sagt ja til å gå inn som styremedlem. Vil ha eitt "vegselskap": Kenneth Murberg (H) tok opp spørsmål om å slå saman dei to "vegselskapa" Nordhordlandspakken AS og Sambandet Vest AS. Han meiner det ikkje ligg nokon motsetnad mellom prosjekta som dei to selskapa jobbar med, og meiner det vil vera formålstenleg med eitt selskap for raskare å koma i mål. Formannskapet vedtok samrøystes rådmannen sitt framlegg til vedtak. FS - vedtak: Meldingar og referatsaker vert tekne til orientering Vedlegg: Regionrådet_protokoll_27_mai_2016 Helsehusprosjektet - status mai 2016
Presentasjon vidaregåande skular_regionrådet Årsmelding idrettsrådet 2015 Uttale til NGIR frå Radøy formannskap Budsjettbrev 2016_frå_Fylkesmannen_i_Hordaland Stiftinga Kystsogevekene_Referat representantskapsmøte 2016 Innspel til kommunal planstrategi 2016-2020 - Askøy kommune(86562) Varsel om arbeid med kommunal planstrategi Austrheim kommune(87243)