GLOPPEN KOMMUNE KULTUR- OG MILJØUTVALET HOVUDUTSKRIFT Møtedato: 29.01.2013 Møtetid: Kl. 13:00 14:40 Møtestad: Trivselshagen (Firdahallen) Saksnr.: 001/13-004/13 Desse medlemmene møtte: Kristin Sandal Dagfinn Nyhammer Olaf Sigurd Gundersen Peder Lofnes Hauge Hege Lothe Parti Sp H Sp V SV Forfall meldt frå følgjande medl. Parti Følgjande varamedl. møtte Parti Ugilde Sak i forv.lova Følgjande varamedl. møtte Møteleiar: Frå adm. møtte: Utlevert i møtet: Orientering: Sjå sak 2/13 Sp.mål/interpell.: Synfaring: Diverse: Underskrifter: Kristin Sandal Kultursjef Jan-Kjetil Øygard Av bade- og idrettsanlegget i Trivselshagen. Omvisinga var ikkje knytt til behandling av nokon enkeltsak på møtet Neste møte i utvalet blir på Vereide Kristin Sandal Side 1
SAKLISTE Sak nr. Sakstittel 001/13 Godkjenning av møtebok, innkalling og sakliste 002/13 Referat- og orienteringssaker 003/13 Kommunal plan for idrett, fysisk aktivitet, friluftsliv og folkehelse 2014-2017 - oppstart av revisjon 004/13 Kulturminneplan for Gloppen kommune Side 2
GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Kultur- og miljøutvalet 29.01.2013 001/13 Avgjerd av: Kultur- og miljøutvalet Saksbehandlar: Jan Kåre Fure Arkiv: 033 Objekt: Arkivsaknr.: 13/194-1 Godkjenning av møtebok, innkalling og sakliste Møteboka frå kultur- og miljøutvalet sitt møte den 11. desember 2012 blir lagt fram til godkjenning. Samstundes ber rådmannen om godkjenning av innkallinga og saklista til dette møtet. RÅDMANNEN SI TILRÅDING: 1. Kultur- og miljøutvalet godkjenner møteboka frå sitt møte den 11. desember 2012 2. Kultur- og miljøutvalet godkjenner innkallinga og saklista til møtet den 29. januar 2013. 29.01.2013 KULTUR- OG MILJØUTVALET 001/13 VEDTAK: 1. Kultur- og miljøutvalet godkjenner møteboka frå sitt møte den 11. desember 2012 2. Kultur- og miljøutvalet godkjenner innkallinga og saklista til møtet den 29. januar 2013. Vedtaket var samrøystes. Side 3
GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Kultur- og miljøutvalet 29.01.2013 002/13 Avgjerd av: Kultur- og miljøutvalet Saksbehandlar: Jan-Kjetil Øygard Referat- og orienteringssaker Arkiv: 033 Objekt: Arkivsaknr.: 13/193 Refererte skriv og meldingar: Nr Dok.ID T Dok.dato Avsendar/Mottakar Tittel 1 13/210 I 04.01.2013 Det kongelege kulturdepartement 2 13/567 U 16.01.2013 Sogn og Fjordane fylkeskommune Breva følgjer saka. Orienteringssaker: Om Trivselshagen, med synfaring av anlegg. Tildeling av statstilskot for 2013 Spelemidlar 2013 - prioritering av søknader frå Gloppen RÅDMANNEN SI TILRÅDING: Rådmannen legg ikkje fram tilråding i saka. 29.01.2013 KULTUR- OG MILJØUTVALET Det var omvising i og orientering om det nye bad- og idrettsanlegget i Trivselshagen. --- Sak om dispensasjon frå kommuneplanen for bygging av hytte på Søreidestøylen Kultur- og miljøutvalet ber om ei forklaring på kvifor det vart gjort vedtak av formannskapet i denne saka utan at kultur- og miljøutvalet vart spurd. Etter kultur- og miljøutvalet sitt reglement skal slike saker behandlast av utvalet før vedtak blir fatta. Utvalet ber om at reglementet blir følgt for ettertida. 002/13 VEDTAK: 1. Kultur- og miljøutvalet har ingen merknader til dei framlagde referatsakene 2. Utvalet ber formannskapet om ei forklaring på kvifor det vart gjort vedtak i f-sak 10/13 om dispensasjon frå kommuneplanen for bygging av hytte på Søreidestøylen utan at saka Side 4
først vart lagt fram for kultur- og miljøutvalet. Etter kultur- og miljøutvalet sitt reglement skal slike saker behandlast av utvalet før vedtak blir fatta. Utvalet ber om at reglementet blir følgt for ettertida. Vedtaket var samrøystes. Side 5
GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Kultur- og miljøutvalet 29.01.2013 003/13 Avgjerd av: Kultur- og miljøutvalet Saksbehandlar: Jan-Kjetil Øygard Objekt: Arkiv: 143 C2 Arkivsaknr.: 13/72-1 Kommunal plan for idrett, fysisk aktivitet, friluftsliv og folkehelse 2014-2017 - oppstart av revisjon Vedlegg: Dok.nr Tittel på vedlegg 188705 Planprogram Bakgrunn for saka: Kulturdepartementet har sett krav om eigne kommunedelplanar og fylkesdelplanar for anlegg og område for idrett og friluftsliv for at det skal kunne søkjast om spelemidlar til delfinansiering av bygging. Dette for at anleggsutbygginga skal vere gjenstand for klare behovsvurderingar i forhold til samfunnsmessige og idrettspolitiske mål. Kommunedelplan for idrett, fysisk aktivitet,og friluftsliv i Gloppen kommune vart fyrst vedtatt av kommunestyre i 1994, og denne planen vart revidert i 2001, 2005, 2007 og seinast i 2010. Då vart namnet på planen endra til; Kommunal plan for idrett, fysisk aktivitet, friluftsliv og folkehelse. Plan og bygningslova er styrande for denne planen, som etter lova skal reviderast kvar 4. år. Saksutgreiing: Utgangspunktet for planen er at den skal vere eit styringsverktøy for anleggsutbygginga i kommunen, og å gjere aktuelle anlegg kvalifisert til å søkje om statlege spelemidlar i framtida. Kommunedelplanane skal bidra til å unngå at prioriteringar vert gjort ut i frå kortsiktige behov og på bakgrunn av press frå særinteresser, slik at vi får ei planstyrt utbygging og bruk av midlane. Kulturdepartementet har sett krav om at anlegg med stor kostnad, anlegg som krev store areal og kan vere ei stor miljøbelastning, skal styrast av fylkesplanen, og dette gjeld anlegg som t.d. alpinanlegg, symjehallar, fleirbrukshallar og kunstgrasbaner. Desse må ha nødvendig prioritet i fylkesdelplanen for idrett og friluftsliv for å kunne motta spelemidlar. Vedtatt fylkesplan gjeld for perioden 2010-2013, men den er under revisjon og ny plan skal gjelde for perioden 2014 2017. I handlingsprogrammet i gjeldande plan har kommunen fleire anlegg som er kvalifisert for spelemidlar, som t.d. Breimsbygda skisenter, kunstgrasbana på Myklebustflata og symjeanlegget i Trivselshagen, og i tillegg er fleire anlegg nemnt i langtidsprogrammet, og som vi reknar med kjem inn i det nye prioriterte handlingsprogrammet. Fylkeskommunen sin plan skal byggast på innspel frå dei vedtekne kommunedelplanane. Side 6
Kommunedelplanen skal innehalde ein langsiktig del (vanlegvis 12 år) som er tufta på kjente data om utviklinga i kommunen, og eit prioritert handlingsprogram for dei næraste 4 åra; dvs. 2014 2017. Planen må knytast opp til kommuneplanen sin arealdel, og andre aktuelle kommunedelplanar og reguleringsplanar for å få heimel. I samband med revisjon av plan- og bygningslova vart det innført at det skal utarbeidast eit planprogram som grunnlag for slike planar som dette. Økonomiske konsekvensar: Ingen. Rådmannen si vurdering: Kommunedelplanen og fylkesdelplanen skal legge føringar for kva utvikling vi skal ha for idrettsanleggsutbygginga i kommunen i framtida. Planen for Gloppen kommune har etter rådmannen si vurdering vore eit godt styringsverkty. Det har vore bygd svært mange anlegg i kommunen dei siste åra, og etter rådmannen si vurdering har dette vore naudsynt på grunn av eit akkumulert behov for rehabilitering og modernisering av anleggstrukturen i kommunen. Ordninga med spelemidlar er ei så god ordning at rådmannen meiner at det er viktig for kommunen å ha ein godkjent plan som gjer at vi også i framtida har søknadsrett for dei aktuelle anlegga som skal utviklast og byggast. Til orientering vil rådmannen nemne at det er sendt 27 søknader frå kommunen for 2013, med ein samla godkjent søknadssum på om lag 41 mill. kr.. For Trivselshagen vil eg nemne at vi har ein samla søknadsstorleik på om lag 30 mill kr., fordelt på dei ulike delanlegga i symjeanlegget og i storhallen, som er under bygging. Planen har som mål å legge til rette for nybygg og rehabilitering av eksisterande anlegg, og å legge til rette for tiltak som vil vere med å stimulere til auka fysisk aktivitet og friluftslivsaktivitetar. I komande planperiode vil det etter rådmannen si vurdering vere aktuelt å ha ein auka fokus på folkehelse og friluftslivsanlegg rundt om i kommunen. Planarbeidet skal gjennomførast i tråd med Plan og bygningslova, og vil bli kunngjort gjennom annonse, brev til aktuelle partar, og det vil bli arrangert møter etter behov. Dette for å sikre god medverknad frå folk flest. Her blir sjølvsagt Gloppen Idrettsråd ein sentral samarbeidspart, men også repr for folkehelse, friluftsliv og andre. Det er laga eit planprogram som gjer greie for planarbeidet, med fristar og medverknad, og som skal sendast ut på høyring. RÅDMANNEN SI TILRÅDING: 1. Kultur- og miljøutvalet vedtek at Kommunal plan for idrett, fysisk aktivitet, friluftsliv og folkehelse skal reviderast i løpet av 2013 2. Rådmannen får fullmakt til å sette saman ei arbeidsgruppe med brei deltaking 3. Framlegg til planprogram vert vedteke slik det ligg føre 4. Kultur- og miljøutvalet skal jamleg haldast orientert om framdrifta i planarbeidet. Side 7
29.01.2013 KULTUR- OG MILJØUTVALET 003/13 VEDTAK: 1. Kultur- og miljøutvalet vedtek at Kommunal plan for idrett, fysisk aktivitet, friluftsliv og folkehelse skal reviderast i løpet av 2013 2. Rådmannen får fullmakt til å sette saman ei arbeidsgruppe med brei deltaking 3. Framlegg til planprogram vert vedteke slik det ligg føre 4. Kultur- og miljøutvalet skal jamleg haldast orientert om framdrifta i planarbeidet. Vedtaket var samrøystes. Side 8
GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Kultur- og miljøutvalet 29.01.2013 004/13 Avgjerd av: Kultur- og miljøutvalet Saksbehandlar: Jan-Kjetil Øygard Objekt: Arkiv: C50 Arkivsaknr.: 12/1281-3 Kulturminneplan for Gloppen kommune Ingen vedlegg. Bakgrunn for saka: Sogn og Fjordane fylkeskommune har vedteke ei satsing på lokale kulturminneplanar som ein del av fylkeskommunen si kommunesatsing 2010-2014, og har i perioden 2012-15 sett av 3 mill. kr til satsinga. Målet med satsinga er å styrke kommunane i deira operative rolle på kulturminnefeltet, og dei har med bakgrunn i dette invitert alle kommunane i fylket til å delta i prosjektet. Saksutgreiing: Kulturminneplanar vil vere eit viktig verktøy for kommunane innan mange fagfelt: I forvaltninga innan areal-, plan-, og byggesak, vil ein lettare kunne ta omsyn til kulturminneverdiane og gje ei meir effektiv behandling Dette vil også vere viktig for eigarar av kulturminne. Eit kulturminne si forankring i ein kulturminneplan er viktig med tanke på tilskotsordningar og tilgang på rettleiing i bruk og vedlikehald Planen vil også vere eit nyttig verktøy i det lokale utviklingsarbeidet. Både skuleseksjonen, næringsliv og kultursektor kan nytte kulturminna til å skape høg kompetanse og gode opplevingar. Utarbeiding av lokale kulturminneplanar vil gje kommunar og innbyggarar eit betre oversyn over kva som finst av kulturminne i eige lokalmiljø. Kommunane som deltek i prosjektet vil få tilsamen kr. 150.000 i tilskot til satsingar, der kr. 100.000 kjem frå Riksantikvaren til registreringsarbeidet og fylkeskommunen løyver kr. 50.000 til utarbeiding av planen. Økonomiske konsekvensar for kommunen: Ingen, i fyrste omgang, men det kan på sikt bli aktuelt å dekke nokre driftsutgifter i planarbeidet. Rådmannen si vurdering: Etter ny plan og bygningslov, som trådde i kraft 01.07.09, skal kommunane i løpet av fyrste året i kvar valperiode vedta ein kommunal planstrategi. For Gloppen sin del behandla kommunestyret ei sak om dette i april 2012, men endeleg vedtak om planstrategi er ikkje gjort. I planstrategisaka skal kommunen vurdere utfordringar knytt til forvaltningsansvaret på kulturminnefeltet. Side 9
Som planleggings- og reguleringsmynde er kommunane den største forvaltaren av kulturhistoriske verdiar. Riksantikvaren sin gjennomgang frå 2008 viser at kommunane i stor grad manglar oppdatert oversikt over kulturminne i eigen kommune. Spesielt gjeld dette bygningsmiljø og kulturminne frå nyare tid, og utan naudsynt oversikt vert det vanskeleg for kommunane å følgje opp forvaltarrolla. Ei anna utfordringa er at kommunane manglar fagkompetanse og ressursar til å ivareta oppgåvene på kulturminnefeltet. Utarbeiding av ein lokal kulturminneplan vil gje kommunen og innbyggarane ein betre oversikt over kva som fins av kulturminne i eige lokalmiljø, og dermed vil det vere eit nyttig verktøy, slik det er nemnt i starten av denne saka. Etter rådmannen si vurdering er det viktig at kommunen sjølv styrer arbeidet med kartlegging av kulturminne, då dette er avgjerande for å etablere engasjement og lokal forankring. Her blir det aktuelt å samarbeide med sogelag, skular, bibliotek, musea i fylket og andre lokalhistorisk interesserte. Fylkeskommunen vil støtte opp med fagleg bistand. I Gloppen kommune har vi tidvis arbeidd med ulike kulturminneregisteringar og formidlingsprosjekt. Tidleg på 1990-talet gjennomførte vi ei rimeleg omfattande SEFRAKregistrering (bygningar oppført før 1900), vi har bidrege med mange innspel til Kulturhistorisk atlas, og vi kan nemne Karnilshaugen, Eidegarden, Holvikjekta, Eide natur-og kultursti, støtte til ulike lokalhistoriske skrifter osv. Lokal politisk og administrativ forankring av registreringsarbeidet bør gjerast i samband med kommunen sitt arbeid med planstrategi, der det skal gjerast vurderingar av om det er behov for eigen kommunedelplan for kulturminne. Kultursjefen har i eit tidlegare møte orientert kultur-og miljøutvalet om invitasjonen frå fylkeskommunen, og som då gav positive signal tilbake. Fylkeskommunen har tilsett ein prosjektleiar for satsinga på «Lokale kulturminneplanar», og med bakgrunn i denne sterke satsinga frå Riksantikvaren og fylkeskommunen, meiner rådmannen at Gloppen kommune bør slutte seg til prosjektet. I fyrste omgang må dette bli ein del av planstrategien for kommunen, og programplan for arbeidet vil rådmannen kome tilbake til. RÅDMANNEN SI TILRÅDING: 1. Kultur- og miljøutvalet viser til rådmannen si saksutgreiing og stiller seg positiv til at det vert laga ein kulturminneplan i Gloppen kommune 2. Kultur- og miljøutvalet ber om at kulturminneplan for Gloppen kommune må inngå som ein del av kommunen sin planstrategi. 29.01.2013 KULTUR- OG MILJØUTVALET 004/13 VEDTAK: 1. Kultur- og miljøutvalet viser til rådmannen si saksutgreiing og stiller seg positiv til at det vert laga ein kulturminneplan i Gloppen kommune 2. Kultur- og miljøutvalet ber om at kulturminneplan for Gloppen kommune må inngå som ein del av kommunen sin planstrategi. Side 10
Vedtaket var samøystes. Side 11