Austevoll kommune Møteprotokoll Formannskapet Møtestad: Kommunestyresalen Møtedato: 20.10.2014 Møtetid: 15.00 Sak nr: 079 087/14 Følgjande medlemmar møtte Renate Møgster Klepsvik Helge Andre Njåstad Kjetil Østervold Olav Jarnes Edvard Johannes Stangeland Kurt Frank Liv Bente Storebø Ingrid Møgster Kai Eliassen Parti Frp Frp FrP FrP Sp H H Ap KrF Møteleiar Frå adm. møtte Renate Møgster Klepsvik Rådmann Helge Skugstad, kommunalsjef Ruth Larsen og økonomisjef Thomas Larsen. Astrid N. Fagerbakke møtte som sekretær. Utlevert i møtet Sak 083/14 Austevoll Melaks - uttale frå Fiskeridirektoratet dt. 16.10.14. Sak 087/14 Skulesaka skriv frå Hundvåkøy Kvinne og familielag dt. 16.10.14. Orientering Merknader Innkalling Ingen Ingen Renate Møgster Klepsvik Ordførar Helge Andre Njåstad Kjetil Østervold Olav Jarnes Edvard Johs. Stangeland Kurt Frank Liv Bente Storebø Ingrid Møgster Kai Eliassen
Sakliste Sak nr Tittel 079/14 Godkjenning av møtebok 080/14 Svar på spørsmål i politisk kvarter 23. september 2014 081/14 Politisk kvarter 082/14 Referatsaker Løyve til utslepp frå Troland Fiskeoppdrett AS og Tælavåg Fiskeoppdrett AS på lokaliteten Torangskjæret i Austevoll kommune 083/14 Austevoll Melaks AS. Søknad om utskifting av anlegg på lokalitet Litle Lundøy Austevoll kommune 084/14 Rekneskapsrapportar 2014 - September 085/14 Kommunale avgifter og gebyr 2015 086/14 Strategi- og vedlikehaldsplan 087/14 Kostnader ved rehabilitering av Trolandshamar skule, Kolbeinsvik skule og Møkster skule - vegen vidare
079/14: Godkjenning av møtebok Møteboka frå møte i formannskapet 23.09.2014 vert godkjent slik ho ligg føre. 080/14: Svar på spørsmål i politisk kvarter 23. september 2014 Vert lagt ved møteboka. 081/14: Politisk kvarter Handsaming: Politisk kvarter vart handsama som siste sak i møte, etter sak 087/14. Spørsmål frå Kai Eliassen, Krf: Det vart sett av 50.000,- til "Ungt entreprenørskap" i ungdomsskulen. Har desse midlane blitt nytta? Til kva? Svar frå rådmannen: Midlane er ikkje brukt. Det skyldast 2 forhold som er prioritert og som det har vore brukt tid på - MOT-prosjektet og nasjonal satsing på Ungdomstrinn i utvikling. Rådmannen vil kome med løypemelding til kommunestyremøte 30. oktober. Spørsmål frå Helge Andre Njåstad, Frp: Kommunestyre løyvde i budsjettet ei ny post med 3.5 mill til investeringsprosjekt til idrett og kyrkje i budsjettet for 2014 og i økonomiplanen. For 2014 og 2015 er 2,9 mill av ramma til utviding av Stolmen gravplass. Det betyr at det er 4,1 mill for 2014 / 2015 til idrettsvedlikehald. Etterlyste tiltak for å bruke dette til sårt tiltrengt vedlikehald. Svar frå rådmannen: Gravplassen på Stolmen - der er arbeidet i gang. Har ikkje fått rekning for alt arbeidet som er utført - ein del av midlane må overførast til neste år. Kr. 600 000,- igjen til idrett i år, står i økonomiplan, stort behov, lite hensiktsmessi å sjå det isolert. Vi har alle intensjon om å følgje opp kommunestyret sine vedtak. Har vore i dialog med idrettslaget, må sjå dette i samanheng. Svar frå ordføraren: I budsjettet 2014 er det 3,5 mill, også i 2015, 2016 og 2017. Noke er gjort innanfor idretten, maskiner som blir brukt til vedlikehald av kunstgrasbanane. Spørsmål frå Liv Bente Storebø, H: Reinhald og ASV - korleis fungerer samarbeidet og går det bra med dei tilsette. Svar frå ordføraren: Det blir lagt fram rapport til kommunestyret 30. oktober. Løypemelding korleis det går med reinhaldet. Svar frå rådmannen: Kommunen har eit greit samarbeid med ASV. Når det gjeld dei tilsette så er det ASV som har ansvaret.
Vert lagt ved møteboka. 082/14: Referatsaker Meldingane vert tekne til etterretning slik dei ligg føre. 083/14: Austevoll Melaks AS. Søknad om utskifting av anlegg på lokalitet Litle Lundøy Austevoll kommune Austevoll kommune har vurdert søknaden frå Austevoll Melaks AS om løyve til utskifting av anlegg på lokalitet Litle Lundøy i Austevoll kommune. Austevoll kommune vil etter ei heilhetsvurdering tilrå søknaden. Anlegget er lokalisert til kategori 6001 Bruk og vern av sjø og vassdrag i kommuneplanen. Austevoll kommune tilrår at søknaden frå Austevoll Melaks AS vert imøtekomen. 084/14: Rekneskapsrapportar 2014 September Austevoll kommunestyre tek rekneskapsrapport for september til orientering 085/14: Kommunale avgifter og gebyr 2015 Austevoll kommunestyre vedtek avgifts-, gebyr- og betalingssatsar som lista i saka med verknad frå 1. januar 2015. 086/14: Strategi- og vedlikehaldsplan 1. Austevoll kommunestyre vedtar overordna drifts- og vedlikehaldstrategi for kommunale bygg, revidert i Oktober 2014. 2. Austevoll kommunestyre tar drifts- og vedlikehaldsplan som framlagt til orientering. 087/14: Kostnader ved rehabilitering av Trolandshamar skule, Kolbeinsvik skule og Møkster skule - vegen vidare Handsaming: Framlegg frå Høgre ved Liv Bente Storebø: 1. Austevoll kommunestyre ber rådmannen gjennomføre ein prosess med ekstern fagperson med god kunnskap på uteområde for skule. Leiing og foreldreutvalg ved Trolandshamar- og Storebø skular må vere med i heile prosessen. Prosjektgruppa skal greie ut mogelegheiter ved uteområde rundt Storebø skule til beste for elevane, samt vurdere om trafikksikring rundt skulen er god nok til ei brå auke i elevtal. Konklusjonen skal fremjast for kommunestyret seinast innan utgongen av mars 2015. Vedtak om rehabilitering eller nedlegging av
Trolandshamar skule blir utsett i påvente av dette arbeidet. 2. Austevoll kommunestyre ber rådmannen gjennomføre ein prosess med leiing, tilsette og foreldreutval ved Kolbeinsvik skule, for å vurdere nedlegging av skulen. Konklusjonen skal fremjast for kommunestyret seinast innan mars 2015. Vedtak om rehabilitering eller nedlegging av Kolbeinsvik skule blir utsett i påvente av dette arbeidet. 3. Austevoll kommunestyre meiner kostnaden ved rehabilitering av Møkster skule ikkje kan forsvarast ut frå dagens og prognostiserte elevtal ved skulen. Austevoll kommunestyre ber rådmannen sette i gang ein prosess med leiing, tilsette og foreldreutval med sikte på nedlegging av Møkster skule seinast 2016. Møkster skulekrins får tilbod om å overta skulen som den står etter nedlegginga. Framlegg frå Ap v/ingrid Møgster: 1. Austevoll kommunestyre tek til orientering at kostnadsoverlaga for rehabilitering langt vil overstiga ramma på 40 millionar kroner inkl. moms. 2. Austevoll kommunestyre ber rådmannen ta kontakt med dei ulike bygdene for å høyra om ein kan få i stand eit samarbeid med næringsliv og frivillege lag/foreiningar for å redusere kommunen sine kostnader til rehabilitering. 3. Austevoll kommunestyre ber rådmannen om å utarbeida ein trafikksikringsplan for Storebø skule. Dette gjeld tilkomst for gåande og syklande, av- og påstigning på buss, av- og påstigning for elevar som blir køyrt til skulen, samt parkering for tilsette og besøkande. 4. Austevoll kommunestyre ber rådmannen ta kontakt med landskapsarkitekt for å få kostnadsoverslag og teikningar for korleis utearealet til Storebø skule kan optimaliserast til beste for elevane. 5. Austevoll kommunestyre ber rådmannen vurdera i kva grad skulen på Møkster er helsefarleg for elevane. Rådmannen må og vurdera sikkerheit og kostnader ved ei eventuell flytting av elevane frå Møkster til Storebø. Aldersgrensa for å reise aleine med rutebåten er 12 år. Det er viktig å avklara kven som har ansvaret når elevar ned mot 5 og 1/2 år må venta på skulebåten i all slags ver, og kva ein gjer om den som skal følgja elevane med båten blir sjuk. Fellesframlegg frå Frp, Edvard Johannes Stangeland og Krf v/kai Eliassen: Krf, Sp og Frp syner til at sak om struktur har føregått i tre år, sidan ideen om ein ny samla skule i nord vart tatt opp. Resultat etter folkemøter og høyringar, var at politikarane landa på å behalde dagens struktur. Tre skular vart difor lagt på anbod med like anbodskriterier, men kommunen fekk berre tilbod på Storebø skule. Dei nye kostnadskalkylene syner at det er særs lite me får att for dei rundt 60 millionane som er anslått. Mykje vil framleis framstå som i dag, og det vert på ingen måte på same nivå som dersom ein hadde fått tilbod under anbodsrunden. Samtidig viser rådmannen til vedlikehaldsbehov på mellom anna ungdomsskulen, som og må gjennomførast. Frp, Krf og Sp er bekymra for at ei investering for å behalde struktuen i dag, likevel vil føra til innstrammingar i skulen som til slutt kan føra til for lite pedagogisk personale, eller i verste fall ein tvungen nedlegging av skular. Ved å gå inn for samanslåing i dag, kan Austevoll kommune gå inn i ein samanslåingsprosess med visse om ei styrking av lærartettleik, optimale klassestorleikar, fokus på førebyggjande arbeid
med helsestasjon og PPT, og ei satsing på personale ved å samla pedagogiske ressursar. Det at Storebø skule er i ein byggjeprosess no, gjer at ein kan ta omsyn til naudsynte justeringar på bygg og uteområde, utan betydelege meirkostnader, gjennom ein prosess der alle partar kan vera med å påverke. Punkt 1-3: som rådmannen si tilråding. 4. Når det gjeld samanslåing av Møkster, er dette med atterhald om at rådmannen klarar å leggja fram ei sak om tilfredsstillande praktisk løysing på skuleskyss for borna. 5. Kommunestyret ber rådmannen ta med i økonomiplan 2015 ei betydeleg oppgradering av uteområdet på Storebø skule. Her bør ein landskapsarkitekt arbeida saman med rektorar og alle berørte partar for å få til ei optimal utnytting av utearealet. Her MÅ betre trafikksikring vera med i bildet. 6. Kommunestyret ber rådmannen leggja fram sak om avhendig av skulebygga til bygdene, dersom dei sjølv ynskjer dette. For Hundvåkøy/Storekalsøy kan det vera aktuelt at kommunen samarbeider med Hundvåkøy IL for å nytta gevinst av eventuelt sal til å byggja hall/overbygg over kunstgrasbana på Trolandshamar, slik at delinga vert 50/50 etter at momskompensasjon og spelemidlar er trekt frå. Røysting: Det vart først røysta over rådmannen sin tilråding som ikkje fekk røyster og falt. Framlegget frå Arbeiderpartiet fekk 1 røyst (Ingrid Møgster Ap) Framlegget frå Høgre fekk 2 røyster (Kurt Frank og Liv Bente Storebø H) Fellesframlegget frå Frp, Edvard Johannes Stangeland og Krf fekk 6 røyster og vart vedteke (Renate Møgster Klepsvik, Kjetil Østervold, Helge Andre Njåstad, Olav Jarnes Frp, Edvard Johannes Stangeland Sp og Kai Eliassen Krf). Krf, Sp og Frp syner til at sak om struktur har føregått i tre år, sidan ideen om ein ny samla skule i nord vart tatt opp. Resultat etter folkemøter og høyringar, var at politikarane landa på å behalde dagens struktur. Tre skular vart difor lagt på anbod med like anbodskriterier, men kommunen fekk berre tilbod på Storebø skule. Dei nye kostnadskalkylene syner at det er særs lite me får att for dei rundt 60 millionane som er anslått. Mykje vil framleis framstå som i dag, og det vert på ingen måte på same nivå som dersom ein hadde fått tilbod under anbodsrunden. Samtidig viser rådmannen til vedlikehaldsbehov på mellom anna ungdomsskulen, som og må gjennomførast. Frp, Krf og Sp er bekymra for at ei investering for å behalde struktuen i dag, likevel vil føra til innstrammingar i skulen som til slutt kan føra til for lite pedagogisk personale, eller i verste fall ein tvungen nedlegging av skular. Ved å gå inn for samanslåing i dag, kan Austevoll kommune gå inn i ein samanslåingsprosess med visse om ei styrking av lærartettleik, optimale klassestorleikar, fokus på førebyggjande arbeid med helsestasjon og PPT, og ei satsing på personale ved å samla pedagogiske ressursar. Det at Storebø skule er i ein byggjeprosess no, gjer at ein kan ta omsyn til naudsynte justeringar på bygg og uteområde, utan betydelege meirkostnader, gjennom ein prosess der alle partar kan vera med å påverke. 1.Austevoll kommunestyre vedtar at talet på barneskular i kommunen reduserast frå fem til to
med full verknad frå og med august 2016. 2.Austevoll kommunestyre ber rådmannen sette i gang ein prosess for samanslåing av barneskulane i Austevoll der første fase gjennomførast frå og med hausten 2015. 3.Austevoll kommunestyre legg vekt på at det gjennomførast ein god prosess der leiing, tilsette og foreldreutval ved alle skular er inkludert. 4. Når det gjeld samanslåing av Møkster, er dette med atterhald om at rådmannen klarar å leggja fram ei sak om tilfredsstillande praktisk løysing på skuleskyss for borna. 5. Kommunestyret ber rådmannen ta med i økonomiplan 2015 ei betydeleg oppgradering av uteområdet på Storebø skule. Her bør ein landskapsarkitekt arbeida saman med rektorar og alle berørte partar for å få til ei optimal utnytting av utearealet. Her MÅ betre trafikksikring vera med i bildet. 6. Kommunestyret ber rådmannen leggja fram sak om avhendig av skulebygga til bygdene, dersom dei sjølv ynskjer dette. For Hundvåkøy/Storekalsøy kan det vera aktuelt at kommunen samarbeider med Hundvåkøy IL for å nytta gevinst av eventuelt sal til å byggj hall/overbygg over kunstgrasbana på Trolandshamar, slik at delinga vert 50/50 etter at momskompensasjon og spelemidlar er trekt frå.