Planprogram Kommunedelplan for Lindåsneset med Mongstad Foto: Kurt Hauge Fastsett av kommunestyret 17.09.09 18.09.2009 1
Innhald Innhald... 2 Bakgrunn for planarbeidet... 3 Planavgrensing... 4 Rammer og premiss for planarbeidet... 5 Kommunale planar og dokument... 5 Arealdelen til kommuneplanen (2003-2014)... 5 Kommunedelplan for Mongstad industriområde... 6 Andre kommunale planar, retningsliner og prosjekt... 7 Regionale planar og dokument... 7 Nasjonale dokument og retningslinjer... 7 Organisering, medverknad og prosess... 8 Organisering... 8 Styringsgruppe... 8 Arbeidsgruppe... 8 Referansegruppe... 8 Regionale organ... 8 Austrheim kommune... 8 Medverknad... 8 Framdrift... 9 Utfordringar og viktige problemstillingar... 10 Næringsutvikling... 10 Busetnad og utbyggingsmønster... 10 Infrastruktur... 11 Sjøareala og strandsona... 11 Landbruk... 12 Tryggleik og folkehelse... 12 Behov for utgreiing og kunnskap... 13 Arealanalyse... 13 Behovsanalyse... 13 Risiko- og sårnemsanalyse (ROS)... 13 Konsekvensutgreiing (KU)... 13 18.09.2009 2
Bakgrunn for planarbeidet Kommunestyret vedtok 23.10.08 å setje i gang arbeidet med kommunedelplan for Lindåsneset med Mongstad. Bakgrunnen for planarbeidet er behov for meir næringsareal i Mongstadområdet, samstundes som dette må sjåast i samanheng med eksisterande arealbruk for heile nordre delen av Lindås kommune. Austrheim kommune er i gang med kommunedelplan på si side av kommunegrensa. Dei har hatt planprogrammet på høyring, og det vert arbeidd med framlegg til ny arealbruk. Når det gjeld endra arealbruk i dei områda som grensar til Lindås må dette koordinerast mellom dei to kommunane, og det vert lagt opp til dialog om dette i den vidare planprosessen. Kommunedelplan for Mongstad industriområde vart vedteken i 1999. Området for denne planen omfattar berre arealet mellom StatoilHydro sine anlegg og Mongstad base. Planområdet vert no utvida til heile nordre Lindås, for å sjå eit større område i samanheng, og tema for planen vert såleis meir enn industriutvikling. For tida er det knytt stor merksemd til utviklinga på Mongstad både frå nasjonalt og regionalt hald. Anlegg for CO 2 handtering er under planlegging, i første omgang gjennom testanlegget, Test Centre Mongstad (TCM), og seinare fullskala fangstanlegg. StatoilHydro sitt kraftvarmeverk vil stå klart i 2010, og BKK har sendt melding om bygging av gasskraftverk med CO 2 -handtering. Både staten og fylkeskommunale organ er opptekne av moglegheitene knytt til Mongstad, og området kan såleis sjåast på som eit nasjonalt viktig industriområde. Tilgjengeleg areal er ein føresetnad for vidare industriutvikling på Mongstad. Kommunedelplanen må ha eit langt tidsperspektiv. Behov for areal som alt er kjent må vurderast og ein må også sjå lenger fram enn arealbehova som ligg føre i dag. Samstundes skal arealbehova vurderast opp i mot andre verdiar i planområdet. 18.09.2009 3
Planavgrensing Planområdet går frå kommunegrensa mot Austrheim i nord, kommunegrensa mot Radøy i vest, grensa mot kommunedelplan Lindåsosane, Lygra og Lurefjorden i sør. Vidare går grensa langs høgdedrag mot Lauvås. Det er søkt å følgje eigedomsgrenser i avgrensinga i størst mogleg grad. Sjøområda er teke med til kommunegrensene der det er aktuelt. Planområdet er på 36 km2, av dette er areal i sjø og ferskvatn 18,5 km2. Figur 1. Framlegg til planavgrensing Figur 2. Oversiktskart med planavgrensing for kommunedelplanane i Austrheim og Lindås. 18.09.2009 4
Rammer og premiss for planarbeidet Kommunale planar og dokument Arealdelen til kommuneplanen (2003-2014) Kommuneplanen fastset gjeldande arealbruk i størstedelen av området Figur 3. Utsnitt av kommuneplanens arealdel (2003-2014), skraverte område er omfatta av kommunedelplanar. Innanfor planområdet er det følgjande arealbruk i gjeldande kommuneplan: Område for særskild bruk eller vern av sjø og vassdrag o Natur-, Ferdsel-, Fiske- og Friluftsliv det meste av sjøområda. Bustadområde mindre område i Keilen, Hope, Knarvik (nord) 18.09.2009 5
Fritidsbustader eit mindre område i Keilen Næringsområde Mongstad og sørover til Knarvik nord. Akvakulturområde Keilen Allmennyttig føremål skytebane Hope. LNF-område med spreidd bustadbygging Knarvik nord. Det er gjeldande reguleringsplanar for det meste av næringsområda, og for bustadområdet på Hope. Kommunedelplan for Mongstad industriområde Figur 3. Kommunedelplan for Mongstad industriområde Kommunedelplan for Mongstad industriområde vart vedteken i 1999. Området for denne planen omfattar berre arealet mellom StatoilHydro sine anlegg og Mongstad base. Størstedelen av området er regulert gjennom følgjande reguleringsplanar: 1263-01022006 - Mongstad baseområde/hamnetermminal-(utviding av) 1263-20062002 - Mongstad industriområde, deler av 1263-200709 - Mongstad sør-utviding av industriområdet 18.09.2009 6
Andre kommunale planar, retningsliner og prosjekt - Kommuneplanens arealdel (under rullering) - Kommunedelplan for klima og energi (under arbeid). - Kommunedelplan for Lindåsosane, Lygra og Lurefjorden (under arbeid) - Landbruksplan for Lindås (2005-2008). - Hovudplan vatn (under arbeid). - Hovudplan avlaup (under arbeid). - Kommunedelplan for trafikksikring 2001-2004 (skal rullerast i 2009) - Retningsliner for utbyggingsavtalar - Bustadbyggjeprogram - Prosjektet den indre farleia - Kommunedelplan for anlegg og område til idrett og fysisk aktivitet i Lindås kommune, vedteken 2007 - Kulturplan for Lindås (under arbeid). - Prosjektet estetikk i bygnings- og utemiljø Regionale planar og dokument Fylkeskommunale planar kan verke inn på arealdisponeringa i Lindås, det gjeld m.a.: - Fylkesplan for Hordaland (2005-2008). - Fylkesdelplan for ny hamn i Bergensområdet (under arbeid) - Fylkesdelplan for klima og energi (under arbeid) - Fylkesdelplan for idrett og friluftsliv. - Fylkesdelplan for energi - Fylkesdelplan kulturminne (1999-2010). - Fylkesdelplan, deltaking for alle - universell utforming 2006-2009. - Fylkesdelplan for senterstruktur og lokalisering av service og handel 2002 - Strateginotat for reiselivsutvikling 2006-2008. - Råd om planlegging og forvalting av strandsona i Hordaland. - Fylkeslandsbruksstyret, arealstrategi - Regionalt utviklingsprogram for Hordaland 2009 (RUP) - Forskrift om bruk av innseilingen til havneterminalene, Sture og Mongstad, Hordaland I tillegg har Hordaland fylkeskommune og Hordaland olje og gass (HOG) hausten 2008, fått utarbeidd ein forstudie om næringsutvikling og industrialisering i Mongstad/Kollsnes regionen (den såkalla Sintef-rapporten). Aktørane har beslutta å vidareføre arbeidet med å leggje forholda til rette for utvikling av ny næringsverksemd knytt til myndigheitene si storsatsing på Mongstad. Nasjonale dokument og retningslinjer - St. meld. 26 (2006-2007) Regjeringens miljøvernpolitikk og rikets miljøtilstand - St.meld. 34 (2006-2007) Norsk klimapolitikk - St. meld. 16 (2004-2005) Leve med kulturminner - Rikspolitiske retningslinjer for barn og unge i planlegginga - Rikspolitiske retningslinjer for samordna areal- og transportplanlegging - Rikspolitiske retningslinjer for universell utforming - Forskrift om rikspolitisk bestemmelse for kjøpesentre 18.09.2009 7
Organisering, medverknad og prosess Organisering Styringsgruppe Plan- og miljøutvalet vert styringsgruppe. I tillegg til politiske vedtak som trengst, skal utvalet få orientering i møte om framdrifta i arbeidet. Arbeidsmøte for utvalet kan og verta aktuelt. Arbeidsgruppe Ei administrativ arbeidsgruppe på 6 medlemer som er sett saman av dei aktuelle fagområda er oppretta. Arbeidsgruppa har ansvaret for kvalitetssikring og administrativ styring av planprosessen. Referansegruppe Det skal opprettast ei referansegruppe med representantar for bygdelaga og næringslivet som skal møtast ved viktige milepælar i prosjektet. Regionale organ Utkastet til planprogram er tatt opp i planforum 26.02.09, og planen vil komme opp på ny før utlegging av planframlegg. I tillegg til planforum kan det verte aktuelt med direkte kontakt med sektormynde som vert særleg råka i dette planarbeidet, til dømes Statens vegvesen, Kystverket og Hamnevesenet. Det er også tatt ein kontakt til Fylkesmannen om samordning av sjøareala i Fensfjorden som vedkjem fleire kommunar og to fylke. Fylkeskommunen og HOG Energi sitt prosjekt Næringsutvikling og industrialisering i Mongstadregionen er også svært relevant for planarbeidet, og kommunen ønskjer kontakt med dette. Austrheim kommune Det vert lagt opp til nær kontakt med Austrheim kommune i planprosessen. Medverknad Det vert lagt vekt på medverknad frå innbyggjarar og interessentar tidleg i planprosessen. Folkemøte/ Idedugnad det vart arrangert eit folkemøte før utarbeidinga av planprogrammet. Innbyggjarane i planområdet kom med innspel til planprosessen og endringar av arealbruk. Politikarar, representantar frå næringslivet og frivillige organisasjonar var også til stades. Dialog med bygdelag og andre organisasjonar i området - det har vore dialog med bygdelaga i grendene i samband med folkemøte. Kommunen vil gjennom planprosessen delta på møte med innbyggjarane, der dette er aktuelt. Bygdelaga vil og vere representerte i referansegruppa. Barn og unge - Etter lova skal kommunen særskilt sjå til at born og unge og deira vilkår har ein plass i planarbeidet. Ungdomsrådet i kommunen skal involverast i planarbeidet. Næringsaktørane det vert lagt opp til dialog med dei sentrale aktørane slik som Nordhordland handtverk- og industrilag, Mongstad vekst, StatoilHydro, Hordaland 18.09.2009 8
fylkeskommune, Hordaland olje og gass med fleire, gjennom eit eige møte i høyringsfasen av planprogrammet. Næringslivet vil og vere representert i referansegruppa. Offentleg ettersyn når planen vert lagt ut til offentleg ettersyn skal det haldast nytt folkemøte. Framdrift Milepæl Dato Medverknad Politisk vedtak Oppstart av planarbeid, utarbeiding av 28.01.09 Folkemøte planprogram 26.02.09 Planforum Avtale m konsulent Mars Arbeidsgruppa Høyring av planprogram 1.4-1.6. 1.april Fastsetting av planprogram Kommunestyret 17. sept Utarbeiding av planframlegg Arealanalyse April-mai Juni+sept Arbeidsgruppa Kartfesting av innspel til endra 2.sept Nabokommunar, arealbruk sektormynde Behovsanalyse 22.sept Regionalt planforum KU 23.sept Referansegruppa Offentleg høyring av planframlegg 4.11.-9.1 Plan- og miljøutvalet 4.nov 18.nov Ope møte Handsaming av høyringsmerknader Jan-febr Arbeidsgruppa, referansegruppa Justert planframlegg, klart til vedtak Mars 2010 Kommunestyret Mars 2010 Tabell 1. Skissert framdrift for planarbeidet viser viktige milepælar i planarbeidet med tilhøyrande medverknad og politisk handsaming. 18.09.2009 9
Utfordringar og viktige problemstillingar Næringsutvikling Det er stor aktivitet knytt til eksisterande industriområde på Mongstad. StatoilHydro sitt kraftvarmeverk vil vere i drift i 2010. Testsenter for fangst av CO 2, Test Centre Mongstad (TCM) er under bygging. Fullskala fangst av CO 2 kan komme på plass frå 2014. BKK har sendt søknad om konsesjon for gasskraftverk med CO 2 -handtering. Teknologiutviklinga kring CO 2 fangst vil kunne føre til fleire etableringar i framtida. Det har heile tida vore eit mål for StatoilHydro og næringsselskapet Mongstad vekst at det etablerte industricluster i området vert vidareutvikla. Arealmessig er det ein fordel å få samla industrien til eit område slik at infrastrukturen vert best mogleg utnytta. Samstundes må det differensierast mellom næring som bør knytast til Mongstadområdet, og næring som like gjerne kan etablerast andre stadar i kommunen. Det vert arbeidd med nye næringsområde også gjennom arealdelen av kommuneplanen som er under rullering. Mongstad vekst er i ferd med ein forstudie for å undersøke potensiale for fjernvarmenett til industriområde med overskotsvarme frå krakkeren på raffineriet. Dersom fjernvarme vert ein realitet, vil dette gjere næringsareala meir attraktive for nye etableringar, og vil gjere energibruken i området meir miljøvennleg. Fjernvarme er også eit prioritert tema i planforslaget til klima- og energiplan for Lindås. Mongstad er eitt av alternativa til ny godshamn i Bergensområdet. Fylkeskommunen har starta opp eit fylkesdelplanarbeid for lokalisering av den nye storhamna. Dersom Mongstad vert vald, vil dette ha betydning for arealbruk og infrastruktur i planområdet. Det er nødvendig å etablere langsiktige grenser mellom næringsområde og andre føremål. Det må leggjast inn nødvendige avstandar (buffersoner) mellom ulike føremål for å hindre negativ verknad av industrien på til dømes område der det er busetnad. Behov for meir næringsareal må dokumenterast. Det er uheldig dersom næringsareal vert liggjande for lenge utan å nyttast, samstundes som det vert lagt ut nye areal. Kommunen vil sjå på om det er mogleg og tenleg med føresegner om rekkjefølgje av utbygging av areala. Det vil vere nødvendig å differensiere mellom ulike typar næringsareal, t.d tung industri, petroleumsverksemd, lett industri, leverandørtenester, kontor med meir. Den nye plan- og bygningslova innfører omsynssoner som kan vere relevant å bruke i fleire samanhengar innanfor planområdet. Busetnad og utbyggingsmønster Lindås kommune er i sterk vekst. Den største delen av veksten ser vi i dei sørlege delane av kommunen. Planområdet har med Åsheim og delar av Lindås barneskulekrinsar. Desse krinsane har stabilt folketal, med ein liten auke dei siste åra i Åsheimkrinsen grunna tilflyttarar til anlegget på Mongstad. Det bur om lag 357 personar innanfor planområdet. 18.09.2009 10
Lindås kommune sin strategi når det gjeld bustadutvikling i kommunen er at vi skal byggje opp om eksisterande senter, i dette tilfellet Lindås, og at det ikkje er aktuelt å etablere nye større busetnadskonsentrasjonar. Samstundes skal busetnaden i bygdene skjermast for negativ påverknad frå industri, og det er eit mål at bygdene skal kunne utvikle seg vidare. Infrastruktur Infrastruktur som vegar, straumforsyming og vassforsyning må ha nok kapasitet til nye etableringar. Ein må unngå at manglande infrastruktur vert flaskehals for næringsutviklinga, og det må leggjast opp til ein utbyggingstakt der infrastrukturen til ein kvar tid er på plass. Det vil vere nødvendig med infrastruktur som knyt saman eksisterande og eventuelle nye næringsområde. Når det gjeld eksisterande vegar i næringsområdet, er det nødvendig med ei presisering av status og drift av desse vegane. Det kan komme ein ny veg i samband med infrastruktur frå Mongstad til Hope-Risa og frå Risa til Knarvik nord. Denne vegen skal i utgangpunktet nyttast som serviceveg for industrivassforsyninga. Dersom anna bruk av denne vegen kan verte aktuelt, skal dette vurderast i planarbeidet. Det pågår eit arbeid med utgreiing av ny drikkevassforsyning til Mongstad, som kan vere relevant for dette planarbeidet. Rv 57 er tilkomstvegen til Mongstad. Standard og kapasitet tilpassa eventuell auka næringsaktivitet kan verte tema i planarbeidet. Det er mykje tungtrafikk på vegen. Trafikktryggleiken er difor ei sentral problemstilling, der planen kan komme opp med tiltak. Gang/sykkel veg langs rv 57 mellom Lindås og Mongstad er også eit prioritert tiltak i planforslaget til klima- og energiplan for Lindås, for å redusere bilbruken på arbeidsreiser til Mongstad. BKK planlegg 320kV kraftleidning frå Mongstad til Kollsnes. Det er søkt konsesjon for luftspenn, men Lindås kommune ønskjer leidningen i kabel. I alle tilfelle vil kraftleidningen bandlegge ein del av arealet i planområdet. Sjøareala og strandsona Delar av planområdet ligg i Fensfjorden der kommunen grensar til Austrheim, Gulen og Masfjorden. Det er nødvendig at arealbruken i desse sjøområda vert drøfta mellom desse kommunane. Auka aktivitet på land vil føre til auka aktivitet på sjø. Gjeldande arealbruk i sjø er i kommuneplanens arealdel i hovudsak Natur-, Ferdsle-, Fiskeog Friluftsliv (NFFF). Ved Keilen er det eit par eksisterande akvakulturområde. I sjøområdet innanfor Tyborgøy frå Knarvik nord til Lauvås er det merka av gyteplass i arealdelen. I kommunedelplan for Mongstad er sjøareala sett av til hamneområde i sjø. I reguleringsplan for industriområde Mongstad, nordre del, som mellom anna omfattar raffineriet, er sjøareala regulerte til privat hamneområde. Når det gjeld ferdsel er sjøareala vest i planområdet (Risasjøen og rundt Keilen), mest nytta til fritidsbruk med fritidsbåtar, kajakk og hobbyfisking. I Fensfjorden aust i planområdet er det skipstrafikken til Mongstad som dominerer. Skipstrafikken inn til planområdet kan ha konsekvensar for annan arealbruk i sjø utanfor 18.09.2009 11
planområdet, til dømes fiskeri og havbruk. Oljevernberedskap er ei felles utfordring for kommunane rundt Fensfjorden. Dersom det vert ny hamn vil det føre til ein meir trafikk på sjøen enn det som er tilfellet i dag. Utlegging av ventebøyer for skip på Fonnesflaket er ei problemstilling som har komme opp, og som er felles for Austrheim og Lindås. Den funksjonelle strandsona skal kartfestast i planområdet. Det vert også arbeidd med kartfesting av funksjonell strandsone i den tilgrensande kommunedelplanen for Lindåsosane, Lygra og Lurefjorden, og metoden frå dette arbeidet kan nyttast vidare nordover i planområdet for denne planen. Nye naustområde og småbåthamner kan verte aktuelt i første rekke som utvikling av område som alt er delvis utbygd. Den nye planlova har nytt arealbruksføremål for sjø med tilhøyrande landareal jf 11-7. Landbruk Innanfor planområdet er det ein del jordbruksareal, både dyrka mark og beite. Det er eit mål å redusere omdisponeringa av dyrka og dyrkbar mark. Fleire av bruka er i aktiv drift, og desse er det viktig å støtte opp om. I planarbeidet skal det takast omsyn til landbruksareala og rasjonell drift av desse. Det er nødvendig med buffersoner også mellom industriområde og viktige jordbruksareal. Det kan verte aktuelt å nytte omsynssoner i samband med landbruksområde, jf den nye plan- og bygningslova 11-8 c). Tryggleik og folkehelse Petroleumsindustri og aktiviteten knytt til desse, fører med seg ulike farar, slik som eksplosjonsfare, ukontrollerte utslepp av kjemikaliar og petroleumsprodukt til luft og vatn med mykje meir. Dette er felt som stort sett er regulerte av Direktoratet for sikkerhet og beredskap og Statens forureiningstilsyn, men som også bør vere tema i denne planen som truleg vil opna for meir aktivitet i området. Den nye planlova legg opp til omsynssoner som til dømes kan fastsetje sikrings- støy- og faresoner med definering av fareårsak eller miljørisiko, jf 11-8 a). Dette kan nyttast som eit verktøy i fastsetjinga av buffersoner mellom industri og andre føremål. Oljevernberedskap er ei felles utfordring for kommunane rundt Fensfjorden. Beredskapen bør vurderast i samanheng med at det gjennom kommunedelplanane både i Lindås og Austrheim vert lagt opp til meir aktivitet både på sjø og land. Avklaring av roller og vurdering av kapasiteten til beredskapen er nødvendig. Eksplosjonsulykka i Sløvåg viste at det er uklare ansvarstilhøve ved større hendingar. Ettersom dette er ei felles problemstilling for fleire kommunar og to fylke, ønskjer Lindås kommune at Fylkesmannen tek ei aktiv rolle her. Riktig arealbruk med gode buffersoner inntil potensielle farar, god beredskap og kunnskap om dette, skapar tryggleik og god helse hjå innbyggjarar i nærområdet og sysselsette i verksemdene. 18.09.2009 12
Behov for utgreiing og kunnskap Arealanalyse Arealanalyse skal gjennomførast før planframlegg vert utarbeidd. Analysen skal liggje til grunn for fastsetting av grensene for framtidig arealbruk. Aktuelle tema i analysen - biologisk mangfald - kulturminne - landbruk (inkludert dyrkbar mark) - landskap - friluftsliv - strandsona Behovsanalyse Det skal og utarbeidast ei behovsanalyse for nye næringsareal. Dokumentasjon av utnytting av eksisterande næringsområde må sjåast i samanheng med innspel til ny arealbruk. Det kan og verte aktuelt å analysere behov i høve bustadareal. Innspel om nye byggjeområde må sjåast i samanheng med kapasiteten i gjeldande kommuneplan. Risiko- og sårnemsanalyse (ROS) Risiko- og støysoner for ulike typar næringsverksemd må kartleggjast. Det er knytt risiko til aktiviteten i Fensfjorden, og risiko- og sårnemsvurderingane må sjåast i samanheng med det som skjer i nabokommunane og det interkommunale oljevernarbeidet. Konsekvensar av støy, lukt, utslepp til sjø og luft må vurderast. Dette gjeld både som konsekvens av vanleg drift og ved uføresette hendingar. Det er viktig å ta omsyn til framtidig risiko alt i planprosessen og det vert søkt å gjennomføre ROS-analyse på moglege uønska hendingar både ved noverande og framtidig verksemd i området. Sikker straumforsyning skal vere ein del av ROS-analysen. Konsekvensar av havnivåstigning som resultat av klimaendringane skal vurderast. ROS-analysen skal gjennomførast som ein del av konsekvensutgreiinga. Ved eventuell stenging av rv 57 grunna ulykke med farleg last, skal kapasiteten på omkjøringsvegar vurderast. Konsekvensutgreiing (KU) Konsekvensutgreiinga skal vere grunnlag for å vurdere framlegg om endra arealbruk, og vil i tillegg seie noko om korleis utfordringar og viktige problemstillingar i kommunedelplanen kan løysast. Konsekvensutgreiinga vil for kvart område med ny arealbruk innehalde kart og positive og negative verknader for kvart tema. For kvart område der det er framlegg om endra arealbruk skal konsekvensane frå alle tema samanstillast og få ei samla vurdering. I konsekvensutgreiinga skal også verknadene for lokalsamfunnet vurderast. 18.09.2009 13
Tema Moglege verknader Kjent kunnskap Friluftsliv Nye byggjeområde kan Regionale koma i konflikt med friluftsområde. eksisterande eller ønska bruk til friluftsliv Dyre- og planteliv Landbruk Helse og universell utforming Kulturminne og kulturmiljø Beredskap og risiko Landskap Trafikktryggleik Infrastruktur og transport Klima og energi Lokalsamfunn Regional utvikling Nye byggjeområde og auka ferdsel på sjø og land kan påverke marint og terrestrisk dyre- og planteliv Tap av dyrka og dyrkbar mark Redusert kvalitet på bustadområde grunna industri. Tilgjenge for alle i aktuelle byggjeområde. Kulturminne kan verta råka av ny utbygging og meir ferdsle. Nye byggjeområde kan ha risiko for utslepp til sjø og andre ulykker. Havnivåstigning, ekstremver Endring av landskapet som følgje av nye byggjeområde og tilretteleggingstiltak Nye byggjeområde og næringsaktivitet vil skape auka trafikk Behov for oppgradering/ny infrastruktur knytt til nye næringsområde. Auka sjøvegs transport og hamnefunksjonar. Ny etablering av verksemder kan påverke Lindås kommune sine klimagassutslepp og energiforbruk Etablering av meir industri kan påverke det etablerte lokalsamfunnet Utvikling av næringsliv og sysselsetjing i regionen. Kartlegging av naturtypar, samla rapport manglar. Landbruksplan Sefrak og Askeladden Nasjonale databasar for flaum, skred. Prognosar for endra klima og havnivå. KDP for trafikksikring (2001-2004) Div. planar og prosjekt, Teknisk drift KDP klima og energi Regionale og statlege prosjekt Utgreiingsbehov Eksisterande bruk til friluftsliv. Viltkartlegging, utfyllande kartlegging av naturtypar Detaljert vurdering av eventuelle enkeltområde Vurdere kvart enkelt område Kartlegging av automatisk freda kulturminne i nye byggeområde, jf kulturminnelova 9. Registreringa i kommunen er mangelfull. Det bør difor innhentast meir informasjon. ROS analyse Overordna landskapsanalyse for aktuelle område Vurdere særleg rv 57 Nødvendige tiltak med kostnader i utbyggingsområde Vurdering av nivå på utbygging, avbøtande tiltak Sjå i samanheng med utgreiingane om helse og beredskap og risiko Sjå i samanheng med regionale prosjekt og analysar. Tabell 2. Tema for konsekvensutgreiing med moglege verknader, kjent kunnskap og utgreiingsbehov. 18.09.2009 14