EID KOMMUNE FØRESEGNER TIL REGULERINGSPLAN FOR Masseuttak/næringsområde på Nor Revidert: 13.06.2006
1. Generelt 1.1. Desse føresegnene gjeld for området innanfor plangrensene på plankartet. Arealet er regulert til masseuttak som seinare kan nyttast til etablering av næringsverksemder. Før næringsverksemder kan etablere seg på området, må det utarbeidast utbyggingsplan etter plan- og bygningslova 28-2. Masseuttak i området skal skje i samsvar med plankartet og føresegnene. 1.2. Føresegnene kjem i tillegg til det som er bestemt i plan- og bygningslova med forskrifter, samt vedtekter til plan- og bygningslova vedtekne av Eid kommune. 1.3. Etter at reguleringsplanen inklusiv føresegner er vedteken, er det i planområdet ikkje tillate å inngå privatrettslege avtaler i strid med reguleringsføresegnene. 1.4. Området er regulert til følgjande føremål: Byggeområde (pbl 25.1) Forretning/kontor/industri Offentlege trafikkområde (pbl 25.3) Køyreveg Annan veggrunn (grøft, skjering, fylling) Spesialområde (pbl 25.6) Frisiktsone Friluftsområde Friluftsområde underformål kulturminnevern Fellesområde (pbl 25.7) Felles avkøyrsle Tidsavgrensa formål (pbl 25 2. avsnitt) Masseuttak til forretning/kontor/industri (M-F/K/I) 2. Felles føresegner 2.1. PARKERINGSPLASSAR I den tid det vert teke ut massar på området, må all parkering og plassering av maskiner etc. skje inne på området regulert til masseuttak. Ved etablering av næringsverksemder må kvar utbyggjar tilretteleggje parkeringsplassar på eigen grunn. 2.2. AVKØYRSLER Ved utarbeiding av utbyggingsplan for industriutbygging, kan det verte aktuelt å flytte avkøyrsla frå hovudvegen. Det skal lagast ei felles avkøyrsle til alle næringar i planområdet. 2.3. AUTOMATISK FREDA KULTURMINNE Før iverksetjing av tiltak i planområdet skal det gjennomførast ei arkeologisk gransking av det automatisk freda kulturminnet i planområdet som vert råka av planen (Tjæremile med ID 97117 markert på vedlagt kart). Det skal takast kontakt med Sogn og Fjordane fylkeskommune i god tid før tiltaket skal gjennomførast slik at omfanget av den arkeologiske granskinga kan fastsetjast.
25.1 Byggjeområde 25.1.1 NÆRINGSOMRÅDE (F/K/I 1) Innanfor området kan det settast opp bygningar og anlegg for forretning, kontor og industri. Maks. mønehøgde er 12 m, og maks. gesimshøgde er 9 m. Maksimal utnyttingsgrad BYAmaks er 50 %. Ved byggjemelding skal det leggast ved situasjonsplan som viser uteareal med køyreareal og parkering for det tal bilar som til kvar ei tid er bestemt ved vedtekt. Opplagsplassar og skjemmande tekniske anlegg må i størst mogleg utstrekning unngåast, og skal i alle tilfelle skjermast av bygningsdelar, murar eller anna innhegning. Utandørs skal det ikkje lagrast gods, bilar eller anna som kan medføre avrenning av forureinande væske, støv el.l. til bekken. 25.3 Offentlege trafikkområde 25.3.1 KØYREVEG Areala er avsett til offentlege køyrevegar. 25.3.2 ANNAN VEGGRUNN Dette formålet omfattar areal som naturleg høyrer til vegen, som grøft, skjering og fylling. Områda skal ha ei tiltalande overflate. 25.6 Spesialområde 25.6.1 FRILUFTSOMRÅDE (PÅ LAND) I desse områda er det eit mål å bevare eksisterande vegetasjon og terrengformer. Tynning og stell av skog er tillate, men flatehogst er ikkje tillate. Områda skal ikkje nyttast til lagerplass eller andre formål som reduserer verdien av områda som skjermingsområde. 25.6.2 FRISIKTSONE I frisiktsona skal det vere fri sikt i ei høgd på 0.5 m over nivået til dei tilstøytande vegane. Trafikkskilt og lysmaster kan plasserast i frisiktsona. 25.7 Fellesområde 25.7.1 FELLES AVKØYRSLE Området skal nyttast til tilkomst til området i den tida det vert drive masseuttak innanfor planområdet. Avkøyrsla må opparbeidast i tråd med vegvesenet sin normal 017. 25.9 Tidsavgrensa formål 25.9.1 MASSEUTTAK TIL FORRETNING/KONTOR/INDUSTRI (M-F/K/I) Det skal takast ut massar i området og deretter planerast til næringsområde. 25.9.1.1 Masseuttak a) Drift Det skal ikkje takast ut masser på områda M-F/K/I 2 og F/K/I-I 3 før massane på område M-F/K/I 1 er fjerna.
Innanfor området for masseuttak, kan det plasserast bygningar som er naudsynt for drifta av anlegget. På området skal det ikkje lagrast anna enn det som er naudsynt for drifta. Det må ikkje føregå aktivitetar som gjev skadeleg ureining av vatnet som går ut av området. Det må lagast eit basseng der små sandpartiklar kan fellast ut før vatnet vert drenert vekk. Den utfelte sanden må kunne fjernast frå bassenget. Bassenget må haldast forsvarleg avsperra. Utløpet frå bassenget må kunne stengast, i tilfelle det skulle skje eit uhell inne på uttaksområdet som medfører oljeutslepp eller anna større forureining. Skjeringane ut mot kantane av massetaket vert forma med ein 6 meter høg pallvegg nedst, avløyst av ein avsats med pallbreidde på minimum 5 m, og vert avslutta opp mot brotkanten med ein vegg på om lag 5 m. Avsatsen skal dekkast med jord eller anna vekstmedium, og tilplantast. I driftsfasen må det settast opp gjerde med høgde minst 1.5 meter rundt masseuttaket (skjeringstopp) og det må settast opp låsbar port i avkøyrsle til området. Ansvaret for gjerdet må avtalast mellom grunneigar og føretaket som skal drive uttak av massar. Knuseverk kan ikkje drivast inne på området utan at dette kan stå bak ei skjering med høgd minimum 6 m. Det vil vere naudsynt å ta bort masser for å opparbeide frisiktsoner. Ferdig planert skal arealet ligge på omlag kote 56 og ha naturleg fall for avrenning av vatn frå området. Dersom drifta stansar opp må alle skjeringar sikrast og reinskast på ein forsvarleg måte, i samråd med kommunen. Før masseuttaket startar må det lagast ein driftsplan. Planen må også ta for seg bortleiing av overflatevatn. b) Forureining Støy, støv og anna utslepp frå uttaket må vere til minst mogleg ulempe for områda omkring og må til ei kvar tid søkjast å liggje innanfor dei retningslinjer som er fastsett av styresmaktene. Tiltakshavar skal sjølv vurdere om tiltaket krev særskilt utsleppsløyve, jf. 7 i forureiningslova. Om naudsynt kan tiltakshavar verte pålagt å søkje om utsleppsløyve. I tillegg gjeld desse vilkåra: Boring og knusing skal skje innanfor ei aktiv annleggstid på 6 veker i tidsrommet 15. november 15. mars. Utsprenging, opplasting og transport kan skje etter behov gjennom året. All aktivitet skal skje på kvardagar innanfor tidsrommet 7.30-17.00. Støvutslepp ved knusing skal minimaliserast gjennom nedfukting av massane. 25.9.1.2 Forretning/kontor/industri (F/K/I) Innanfor området kan det settast opp bygningar og anlegg for forretning, kontor og industri. Krav til utforming av området og bygningane vert bestemt ved utarbeiding av utbyggingsplan. Det vil der bli sett byggegrense langs fylkesvegen.