Byggeområde eller LNF-spreidd? Eksisterande spreidde bustader og hytter er i arealdelen til kommuneplanen anten avsett til byggeområde eller LNF-spreidd. I dette dokumentet gjer vi greie for kvifor ein bustad eller ei hytte har fått det arealføremålet det har. Skilnaden mellom føremåla er materielt sett ikkje stor. Føresegnene når det gjeld utforming av bygg er likelydande, men det ligg i føremålet LNF-spreidd at omsyn til landbruk, natur og friluftsliv skal prioriterast i større grad enn i byggeområde. Det kan kome til uttrykk i avvegingar i konflikter mellom eigarar av bustader og landbruksnæring. I LNF-spreidd må ein også ta større omsyn til landbruk, natur og friluftsliv. Saksbehandlingsreglane for kva som er søknadspliktig og ikkje er strengare i LNFspreidd enn i byggeområde. Generelt gjeld at spreidtliggjande bustader og hytter i landbruks, natur eller friluftsmiljø er LNFspreidd, medan meir konsentrerte ansamlingar av hus eller hytter i felt-miljø er byggeområde. Ofte gir det seg sjølv kva som er kva, men vi har også glidande overgangar. Omfanget av hus eller hytter, tettleiken mellom desse, og graden av landbruksdrift inntil har innverknad. Dyrka mark og omfang av landbruksbygg seier noko om landbruksinteressene og avstand til vassdrag seier noko om natur- og friluftslivsinteressene. Stølsmiljø slik det er fastsett i temakart for kjerneområde landbruk seier noko om både landbruk, natur og friluftslivsinteresser. Det ikkje er avsett byggeområde i stølsmiljø. Om areala er byggeområde i gjeldande arealdel eller kommunedelplan blir også tillagt vekt. Vi vel å konkretisere korleis område har hamna i den eine eller andre kategorien gjennom døme: Fig. 1: Teiknforklaring til kartutsnitta. Dyrka mark er fulldyrka jord, overflatedyrka jord og innmarksbeite i AR5. Stølsmiljø er område definerte som stølsmiljø i temakart kjerneområde i landbruket. Byggeområde eller LNF-spreidd 1
Fig 2: Byggeområde: Luskaråsen og Vassbøtn ber preg av byggeområde og er også byggeområde i gjeldande arealdel. Ingen spesielle LNF-interesser. Byggeområde eller LNF-spreidd 2
Fig 3: LNF-spreidd: Juvike er ei stølsgrend med mange landbruksbygg og jorder der ivaretaking av stølsdrift og stølsmiljø er viktig. Krøsshaugen Fig. 4: LNF-spreidd: Kølstadbygde er landbruksmiljø med gardar i drift og dyrka mark og spreidtliggjande bustader. Byggeområde: Sørover frå Coop Rogne (IS-3), langs kv. 1050 og fv. 270, er det mange bustader, med det regulerte Krøsshaugen bustadområde og næringsverksemda Vyrk (N- 8). Bustadene her er avsett til byggeområde. Tre bustader nord for kv. 1050 og vest for Krøsshaugen ligg tett inntil dyrka mark med aktiv bruk og er LNF-spreidd. To bustader sør for Vyrk ligg inntil gardstunet i Melbybråten og er LNF-spreidd. Byggeområde eller LNF-spreidd 3
Heimstølsbakkin Fig. 5: Byggeområde: Milobakkin (B-17-9) er eit etablert bustadområde med ni konsentrerte bustadeiningar. LNF-spreidd: Ved Heimstølsbakkin er åtte hytteeigedommar, litt meir spreidd og i eit gammalt heimstølsmiljø. Byggeområde eller LNF-spreidd 4
Fig. 6: LNF-spreidd: Volbu er i hovudsak eit landbruksmiljø. Byggeområde: Eit område frå Volbu kyrkje og austover langs kv. 1091 og fv. 269 (B-25-15 til IS-5) ber likevel preg av konsentrert bustadområde. Fig. 7: Byggeområde: Langs Gullbakkvegen er etablerte bustader og fritidsbustader, og arealdelen legg til rette for fortetting i BH-12-3F. Ei hytte og ein bustad nær gardstunet i Moahaugen og ei hytte nær jordet og tunet i Dalen er avsett til LNF-spreidd. Byggeområde eller LNF-spreidd 5
Fig. 8: LNF spreidd: Det er mange bustader i Sælshagadn og mange bustader og hytter i Bergabygde. Dei ligg likevel nokså spreidd og miljøet er eit aktivt landbruksmiljø. Gjeldande plan viser byggeområde rundt Heggebø skule (T-14), men skulen er no lagt ned. Byggeområde eller LNF-spreidd 6
Lidar skule Fig. 9: Byggeområde: Mellom Skammestein gard (ved IS-1,6) og Lidar kyrkje langs fv. 51 og sørover langs fv. 289 er etablerte bustader og næringsverksemder. Arealdelen legg også til rette for nye bustadområde med bakgrunn i nærleiken til skule. Byggeområde eller LNF-spreidd 7
Fig. 10: LNF-spreidd: Ved Mellsenn, mellom stølane Mellsennheimstølen, Turrsjøen og Juvike, er mange etablerte hytter. Beliggenheita mellom tre stølar og i nedslagsfeltet til drikkevasskjelde gjer at vi har valt å avsetje hyttene til LNF-spreidd. Byggeområde: Blilie er eit konsentrert hytteområde der vestre del er utbygd i medhald av reguleringsplan der tomtene er byggeområde. Blilie ligg også utanom nedslagsfeltet til drikkevasskjelda og er byggeområde i gjeldande plan. Byggeområde eller LNF-spreidd 8
Grytebekkoset Øyangen Fiskeløyse Fig. 11: LNF-spreidd: Stølane Fiskeløyse og Øyangen er ikkje i drift bortsett frå at jordene er i hevd og området har fortsatt eit stølspreg. Hyttene rundt her og ved Grytebekkoset ligg spreidd og i forholdsvis urørte naturområde. Byggeområde: Når ein kjem inn i Øyangslie (HØ-861-100F) og vidare retning Rabalen er det hyttene som dominerer arealbruken og her er få landbruksverdiar. Byggeområde eller LNF-spreidd 9
Fig. 12: LNF-Spreidd: Stølane Yddestølen og Synhaugen er i drift. Stølen Skatrudstølen er ikkje i drift bortsett frå at jordene er i hevd, området har fortsatt eit stølspreg. Byggeområde: På Fathaugen og i Trøllåslie dominerer hyttene arealbruken. Områda er også byggeområde i gjeldande plan. Byggeområde eller LNF-spreidd 10
Javnstølen Fig. 13: LNF-spreidd: Javnstølen er ikkje i drift bortsett frå at jordene er i hevd og området har fortsatt eit stølspreg. Her er også nærleik til vassdrag og friluftsinteresser. Byggeområde: Bortsett frå ved Javnstølen ber området langs stølsvegen preg av hytteområde og har få landbruksverdiar. Byggeområde eller LNF-spreidd 11