VOSS KOMMUNE FØRESEGNER TIL DETALJREGULERINGSPLAN Fv. 315 BAVALLSVEGEN NEDRE DEL Planid: 09019 Utarbeidd av: Statens vegvesen Region vest Forslag datert: 16.02.2012 Endring(ar): 21.06.2013 23.10.2013 Vedtatt i Voss kommunestyre, dd.mm.åååå, sak 85/13 Sign: Arkivsak i Voss kommune: 09/01423 Sakstittel: Bavallsvegen - nedre del reguleringsplan Planident: 09019 Sakshandsamar i Voss kommune: Kjersti Næss Finne Sign: Sakshandsaming: Vedtak oppstart av planarbeid i FPL, sak 22/10 04.03.2010 Høyring og offentleg ettersyn av planprogram 04.03.2010 til 17.04.2010 Godkjenning av planprogram i FPL, sak 41/10 06.05.2010 1. - gongs handsaming av planforslag i FPL, sak 27/12 30.03.2012 Høyring og offentleg ettersyn av planforslag 14.04.2012 til 25.05.2012. 2. - gongs handsaming av planforslag i FPL, sak 95/13 07.11.2013 Vedtak av reguleringsplan i kommunestyret, sak 85/13 28.11.2013 Kunngjering av planvedtak 07.12.2013 SIST ENDRA: 23. OKTOBER 2013 1
1 Generelt 1.1 Reguleringsføresegnene gjeld for det området som på plankartet ligg innanfor planens begrensing, sjå plankart (2 stk.) i målestokk 1:1000 i A1, datert 03.07.2013. 1.2 Planen er utarbeida i eitt vertikalnivå; på grunnen/vassoverflata. 1.3 Desse føresegnene gjeld innanfor ramma av Plan og bygningslova (pbl.) med tilhøyrande forskrifter for Voss kommune. 1.4 Voss kommune kan, når særlege grunnar talar for det, tillate mindre vesentlege endringar i reguleringsplanen. 1.5 Etter at reguleringsplanen er vedtatt, er det ikkje høve til å inngå privatrettslege avtalar som er i strid med denne. 1.6 I samsvar med 12-5, 12-6 og 12-7 i pbl. Er areala regulert til følgjande føremål, med følgjande omsynssoner og med følgjande føresegnsområder (temakode i parentes): Bygningar og anlegg ( 12-5, nr. 1) Bustader (1110) Samferdselsanlegg og teknisk infrastruktur ( 12-5, nr. 2) Køyreveg (2011) Gang- og sykkelveg (2015) Annan veggrunn grøntareal (2019) Landbruks-, natur- og friluftsføremål og reindrift ( 12-5, nr. 5) Landbruks-, natur- og friluftsformål (5100) Omsynssoner ( 12-6) Bevaring kulturmiljø Bandlegging etter lov om kulturminne Framhald av gjeldande reguleringsplan Føresegnsområder ( 12-7) Sone med vilkår for bruk av areal Anlegg- og riggområde 2 Fellesføresegner 2.1 Omsynet til landskap og naturmiljø skal sikrast på ein god måte gjennom utarbeiding av byggeplanar og ved oppfølgjing i utbygginga av anlegget. 2.2 I prosjekteringa og utbygginga av anlegget skal det veljast løysingar og etablerast tiltak som ivaretek prinsippa om universell utforming innanfor dei rammene reguleringsplanen gir. Dette gjeld både for situasjonen etter ferdigstilling av anlegget og i utbyggingsfasen til prosjektet. 2.3 Grenseverdiar for støy skal, så langt det er teknisk mogeleg og økonomisk forsvarleg, tilfredsstillast i samsvar med T-1442 (Miljøverndepartementet si retningsline for handsaming av støy i arealplanlegginga) og rettleiaren til denne (TA-2115). 2.4 Mindre avvik i skråningsutslaget som følgje av feil og manglar i prosjekteringsgrunnlaget vil kunne inntreffe. Dette vil kunne føre til at areal som skal disponerast til vegføremål vil avvike noko frå det som går fram av plankartet. Er det feil og manglar i prosjektekteringsgrunnlaget som fører til større avvik i skråningsutslaget, må det gjennomførast handsaming i samsvar med pbl. 12-14, 2. ledd eller 20-1, bokstav m). SIST ENDRA: 23. OKTOBER 2013 2
3 Bygningar og anlegg 3.1 For området avsett til bustadføremål skal gjeldande reguleringsplan for dette området framhalde å gjelde, men arealet kan nyttast midlertidig til å bygge ut veganlegget, jf. føresegner om føresegnsområder. Dette området er difor markert med omsynssone; framhald av gjeldande reguleringsplan. 4 Samferdselsanlegg og teknisk infrastruktur 4.1 Køyrevegen f_kv#2 skal vere felles privat for eigedomane 52/1, 52/3 og 53/1. Til denne vegen høyrer også anna veggrunn grøntareal; f_avg#2, f_avg#3 og f_avg#4. 4.2 Areal med føremål annan veggrunn grøntareal mellom køyreveg og gang- og sykkelveg ved krysset mot Ringheimsvegen, kan nyttast til haldeplassplattform for busstopp, utan at dette krev endring av reguleringsplanen. 4.3 f_avg#1 er anna veggrunn grøntareal i felles eige mellom eigedomane 50/25, /85, /86 og /121. 4.4 Køyrevegen KV#1 skal vere privat for eigedomen 52/3. Vegen skal berre nyttast i samband med landbruksdrifta på denne eigedomen. AVG#1 er anna veggrunn grøntareal tilhøyrande denne vegen. 4.5 Grunneigar har ansvar for at det på sin eigedom ikkje er sikthindringar, slik at krav til sikt i kryssområder og ved avkøyrsler gitt i vegnormalane vert overhaldt. 4.6 Innanfor planområdet skal det ikkje vere andre avkøyrsler enn dei som går fram av plankartet. Det er synt i plankartet korleis alle avkøyrsler, med unntak av landbruksavkøyrsler, skal utformast. Avkøyrslesombol markerar omtrentleg plassering av avkøyrsler til landbruksareal på eigedomane 50/2, 52/3 og 53/1. Eksisterande avkøyrsler langs f_kv#2 er markert i plankartet med avkøyrslesymbol. 4.7 Av plankartet kan ein sjå at to bygningar er kravd fjerna. Dette er ein garasje og ei smie, begge to på eigeomen 54/4. Når det gjeld garasjen, så kan denne rivast, men smia skal bevarast i så god stand som mogeleg og flyttast slik at ho vert integrert som ein del av tunet på denne eigedomen. 4.8 Der ein har areal med reguleringsføremål annan veggrunn grøntareal, skal desse areala i så stort omfang som mogeleg og rasjonelt tilretteleggjast for å kunne drivast som dyrka mark. 4.9 I området der det i plankartet er synt støyvoll kan det gjevast løyve til oppsetting av ein garasjebygning tilpassa parkering av intill 5 personbilar for eigedomane 50/25, /85, /86 og /121. Maksimalt ein parkeringsplass per hovudhusvære. Byggehøgde kan ikkje overstige 3 meter over planert terreng, og det kan maksimalt vere 20 m 2 BYA per garasjeplass. Garasjebygningen skal ikkje plasserast nærare gang- og sykkelvegen enn 9 meter, og han skal ikkje redusere verknaden av støyvollen. 5 Landbruks-, natur- og friluftsføremål og reindrift 5.1 Matjord på jordbruksareal (fulldyrka jord, overflatedyrka jord og innmarksbeite) som vert fjerna skal sikrast vidare bruk til jordbruksføremål. Handtering av matjordmassar skal skje på ein slik måte at kvaliteten til desse i minst mogeleg grad vert forringa. 5.2 Toppsjiktet frå areal med artsrik eng skal takast vare på og nyttast omatt på eigna stad (eksempelvis tørr vegkant/skråning som vert slått, men ikkje gjødsla). SIST ENDRA: 23. OKTOBER 2013 3
Handtering av desse jordmassane skal skje på ein slik måte at kvaliteten til desse i minst mogeleg grad vert forringa. 5.3 Tiltakshavar skal syte føre bakkeplanering av tilstøytande sideareal som synt i plankartet. Dei bakkeplanerte areala skal dyrkast opp som fulldyrka jord. Bakkeplanering og ev. nydyrking skal skje på ein slik måte at kvaliteten i matjorda vert ivaretatt på ein god måte og i samsvar med forskrift om nydyrking. 5.4 Jamfør nr. 4.7 kan smie plasserast ifm. tunet på eigedomen 54/4. 6 Omsynssoner 6.1 Omsynssone H730_ (Askeladden ID: 159007) er automatisk freda kulturminne bandlagt etter kulturminnelova. Det må ikkje gjerast noko slag tiltak i kulturminnet, som til dømes anlegging av vegar, stiar tilplanting eller oppføring av bygg og anlegg. Almenn skjøtsel og ordinært vedlikehald kan framleis gjerast. 6.2 Omsynssone H570_ vern av kulturlandskap rundt kulturminne (Askeladden ID: 159007). Innanfor dette området må det ikkje gjerast varige inngrep som endrar landskapet rundt fornminnet. Det må ikkje anleggast vegar, stiar eller plantast til i sona eller førast opp bygg eller anlegg. Almenn skjøtsel og ordinært vedlikehald kan framleis gjerast. 7 Føresegnsområder 7.1 Områda som er markert som anlegg- og riggområder i plankartet, er areal som midlertidig kan nyttast i samband med utbygging av veganlegget som er omfatta av denne reguleringsplanen. 7.2 Området AR#7 kan nyttast til riggområde. Området kan også nyttast som riggområde ifm. utbygging av Bavallsvegen øvre del (planid: 07017). 7.3 Området AR#2 er areal som også kan disponerast til utbygging av Vangstunnelen (planid: 09017). 7.4 Når bruken av areal som mellombelse anlegg- og riggområder opphøyrer, skal dei settast i den stand som, eller i betre stand enn, dei var i før oppstart av anleggsarbeidet. 7.5 Før realisering av reguleringsplanen kan ta til, skal det gjennomførast ei arkeologisk utgraving av dei automatisk freda kulturminna id. 159003, 159006 og 159008 som er merka som område for føresegn #1 (id.159003), #2 (id.59006) og # 3 (id.159008) i plankartet. Det skal takast kontakt med Hordaland fylkeskommune i god tid før tiltaket skal gjennomførast, slik at omfanget av den arkeologiske granskinga kan fastsetjast." Voss, 28. oktober 2013 SIST ENDRA: 23. OKTOBER 2013 4