Helge Torvund Alt brenner Dikt
Om forfatteren: Helge Torvund (f. 1951) er frå Jæren og er utdanna psykolog. Han debuterte i 1977 med diktsamlinga HENDENE I BYEN og har sidan gitt ut over tjue diktsamlingar. I tillegg har han publisert barnebøker, gjendiktingar og essay. I 2011 kom samlinga ALABAMA? på Aschehoug. Torvund har mellom anna motteke Nynorsk litteraturpris (1990), Samlagsprisen (1996), Stavanger Aftenblads kulturpris (2011), Inspirasjonsprisen frå Norsk psykologforening i Rogaland (2013) og Rogaland fylkes kulturpris (2014). Han er kjend som Twitter-poeten fordi han dagleg legg ut dikt på sosiale medier. Torvund er også diktlærar i Diktkammeret. www.arildvange.no Morten Brun
Om boken: I denne boka står det at alt, absolutt alt brenner. Her står det om elden som blir tent ved fødselen og som brenner omsynslaust i oss heile livet. Det gjer vondt og det gjer godt. Til slutt brenner elden ut. Her står det om liv og død. Om ekte saker. Her står det om kjærleik, naturlegvis. Kjærleik og begjær og natur som blir gul som eld og fell til jorda. Varme som trøyst og varme som sot. Om den glødande kunsten og om elden i musikken. Her står det om å leva i eit evig paradoks. «Eg beklager, men eg har det godt Eg sykla ut til sanddynene, solnedgangen Den fredelege kvelden der kveldssolstrålene lyste opp toppen av alle lange tynne strå bortover sanddynene medan graset og tiriltunge og sand og gullbasser låg i skygge»
Tilbakemeldinger vedrørende denne boken kan sendes til ebok@aschehoug.no 2016 H. Aschehoug & Co. (W. Nygaard), Oslo www.aschehoug.no Tilrettelagt for ebok av Type-it AS, Trondheim 2016 ISBN 978-82-03-36056-5
I SVEIP
SVEIP Dag Sol Stein er namn Dagane har namn Men nettene har ikkje namn Likevel finst dei Likevel finst me Der i mørkret I natta Utan namn finst me Medan me søv finst me Medan me er i ei anna verd med rare merkelege ord Finst me I mørkret Og vårt mørkre finst Mørkret i oss Skuggen finst Inst i lauken Når ingen kjenner namnet vårt og me er framande ein stad Finst me Dag er eit namn Per er eit namn Åse Marie Men ein gong hadde me ikkje noko namn Me kom bare Hit Har me eit namn? Byrjinga er luft og lunger Eit nytt skrik Eit første skrik i ei eldgammal verd av øyre som har høyrt dette nye På ny og på ny Gjennom hundreåra Gjennom åra utan namn der målinga flassa av husveggar Fjell vart sprengde i filler og malt til singel og grus Store dundrande tankar rustar bak hus med knuste vindauge Og her Hit Kjem sarte spedbarn seglande inn og ventar å verta møtt med mjuk nærleik I ei verd med enorme dumparar med varme
kjempehjul som luktar gummi og diesel I netter med godstog i full fart over vide lysnande sletter og havdagar der helikopter styrtar Midt i alt dette Kjem spedbarn inn i verda Kjem vaknande inn Sveipt i tepper Og smiler Og vil ha bryst Og me gir dei namn Me gir dei namn som kjem glidande inn frå fortida med lyden av regn og gudar og vind Lyset frå dag og sol og stein Og barnet gir oss namn Mamma Pappa Pama Mapa Dadda Og så spring språket ut som lauv Som leik Som song Som ein lauk er språket Kvart ord Kvart namn er sveip på sveip Lag på lag Me har namn Me er Rolf og Olav Per og Pål Paal-Helge Paul Klee Kven er me? Per og Pål og Espen Arnakke Du Per Eg Per Alle Per Ingen Kløyv ein stein Og kven er der? Løft ei grein? Gå inn der Bortanfor halvlivet Opna permane Kven les dagen? Ken les runer Rune les dagbok Tarjei les Liv Henrik skriv
om Knappestøyparen Sigmund om klokkemakaren I ein kveld som løyser seg opp i røyk Og kverv i dansande ringar Rockande ringar Per Elvis Per Sivle På nikk På namn I min himmel er det rock og hundar Regn og rom Stadig nye rom Stadig nye dører inn Nye greiner å løfta Du løfter greina og går inn i lysinga Opnar ei ny dør og går inn i endå eit rom Me var sveipte i tepper Låg inntil mjuk hud Så fekk me klede og meir klede og hjelm og vernebriller og visir Ta av deg kleda! Frakken av normer Jumperen av haldningar Skjorta av meiningar T-skjorta av kjensler Ta av deg tankane sitt visir Ta av deg namnet Kven er du som ser gjennom augo Spør Sigmund Spør Hulda Kven teier bak nervar Spør Frank Spør Stein Spør Jesus Johannes Kitty Arne og Per Her kviler ingen Og likevel Solveig Noko ser gjennom Solveig Noko ser gjennom Per Asgeir Terje Deg Meg Og ser oss alle Nå har me kome hit Nå er me her Me trekkjer pusten Me leiter etter ord Det ordet Namnet på dette mørkret På det som finst og