Kvalitetsplanen for vidaregåande opplæring i Møre og Romsdal

Kvalitetsplanen for vidaregåande opplæring i Møre og Romsdal 2016-2019 1

Innhald 1. Innleiing s. 3 Målsettingar s. 3 Oppdragsavtalar s. 4 Planen sin oppbygging s. 4 Bruk av indikatorar som kvalitetskjenneteikn s. 4 2. Strukturkvalitet s. 5 Målsettingar s. 5 Tiltak s. 5 Indikatorar s. 6 3. Prosesskvalitet s. 7 Målsettingar s. 7 Tiltak s. 7 Indikatorar s. 8 4. Resultatkvalitet s. 11 Målsettingar s. 11 Tiltak s. 12 Indikatorar s. 12 2

1. INNLEIING Den vidaregåande opplæringa i Møre og Romsdal fylkeskommune skal ha faglege utfordringar for alle, gode læringsmiljø, betre gjennomføring og tettare oppfølging som fokus for utvikling av kvalitet i vidaregåande opplæring i Møre og Romsdal. Målsettingar Fylkestinget har i samband med tidlegare behandlingar av kvalitetsmeldinga sett som målsetting at 79 % av dei som tek til i vidaregåande opplæring i 2010 skal ha gjennomført med studiekompetanse eller fagbrev i 2015. Den nasjonale målsettinga er 75%. I denne planen er det ei hovudmålsetting at talet på elevar og lærlingar som gjennomfører vidaregåande opplæring med greidd resultat etter 5 års opplæring skal aukast frå 73,3 % i 2015 til 79 % ved utgangen av planperioden. Dette set store krav til opplæringa, både i skole og bedrift. I fylket har ein satt som målsetting at 90% av rettssøkarane skal få sitt primærønske om val av Vg1-utdanningsprogram oppfylt. Målsettinga har konsekvensar for den regionale tilbodsstrukturen. I dei siste åra har oppfylling av primærønsket variert mellom 86-89%. I samband med behandlinga av kvalitetsmeldinga i fylkestinget 07.12.2015, T-83/15, vart følgande prioriteringar vedtatt for å utvikle kvaliteten og betre gjennomføringa i vidaregåande opplæring: Systematisk arbeid med utvikling av tilpassa opplæring, læringsmiljøet og den formative vurderinga Vidareutvikle varige samarbeidsstrukturar med kommunane både når det gjeld overgangen mellom ungdomsskole og vidaregåande opplæring og utvikle strukturar rundt elevar som treng særskilt oppfølging. Skape lære- og opplæringsplassar saman med lokalt og regionalt arbeidsliv og formidle fleire elevar til læreplass innafor yrkesfaga. Arbeide med fagleg relevans i fellesfaga gjennom den nasjonale FYR-satsinga for å gjere elevane betre i stand til å sjå samanhengen mellom fellesfag og yrkesfaget. På bakgrunn av den forskingsbaserte kunnskapen ein har fått når det gjeld rådgiving om yrkes- og studieval for elevar skal ein utvikle denne elevtenesta slik at elevane får eit godt grunnlag for å gjere val om utdanning. Skolane sitt arbeid med skolebasert vurdering skal dokumenterast i ei årleg årsmelding. Utdanningsutvalet har bede administrasjonen utarbeide nye retningsliner for utvikling og drift av elevråd, kor det skal vektleggast kommunikasjon mellom elevråd og administrasjon. Og at det bør hentast moment frå skolane som gjer det godt, som så blir forsøkt implementert i andre skolar Oppdragsavtalar I 2015 innførte fylkesutdanningssjefen oppdragsavtale for dei vidaregåande skolane for skoleåra 2015/2016 og 2016/2017 3

Føremålet med oppdragsavtalen er saman med skolane å sette felles målsettingar, og saman med skolane sette resultat- og prosessmål for tenesteutviklinga ved skolen. Fylkesutdanningssjefen skal følge opp skoleleiinga gjennom året slik at ein saman vurderer dei behova skolen har for støtte og oppfølging for å nå målsettingane. Avtalen skal såleis bidra til å fremme eit godt samarbeid mellom den enkelte skole og skoleeigar. I oppdragsavtalane er det mål som gjeld alle skolane og eigne utfordringsområde som kvar enkelt skole må arbeide spesielt med. For å utvikle tiltak er det viktig at skolen involverer personalet i ei vurdering av skoleåret. På den måten legg ein eit grunnlag for å arbeide systematisk med den skolebaserte vurderinga. Dette er ein viktig del av fylkesutdanningssjefens kvalitetssystem. Illustrasjon fylkesutdanningssjefens årshjul for kvalitetsarbeid Planen sin oppbygging Planen er oppbygd med strukturkvaliteten som beskriver verksemda sine ytre føresetnader (kapittel 2), prosesskvalitet som er knytt til innhaldet i tilbodet (kapittel 3) og resultatkvalitet som viser kva ein ønskjer å oppnå med tilboda (kapittel 4). Bruk av indikatorar som kvalitetskjenneteikn I plana blir det vist til bruk av indikatorar som kvalitetskjenneteikn. Indikatorane er nivådelt slik: - Gul + Gul - I datamaterialet frå elevundersøkinga vil gjennomsnittsverdien på ein indikator vere skjeringspunktet mellom Gul+ og Gul-. Dersom resultatet på ein indikator er «Grønt» har elevane i utvalet svart meir positivt enn gjennomsnittet av alle elevar anten på skolen, utdanningsprogrammet eller på fylkesnivå. 4

2. STRUKTURKVALITET Strukturkvaliteten skal seie noko om organisasjonen sine ytre føresetnader som skolebygg, utdanningsprogram, lærartettleik, gruppestorleik, ressursbruk m.m. Strukturkvaliteten har difor ei rekke indikatorar, m.a. ressursbruk, kapasitet og lærardekning, desse data finn ein på fylkeskommunenivå i KOSTRA. Den strukturelle kvaliteten kan i tillegg og uttrykkast som talet på elevar som går frå eit trinn til neste i eit utdanningsprogram. Målsettingar For både fylkeskommunal og kommunal planlegging er det viktig at ein har ein føreseieleg tilbodsstruktur for vidaregåande opplæring lokalt. For rekruttering av lokal og regional arbeidskraft er det viktig å ha ein vidaregåande skole med relevante tilbod for både elevar, tilsette og arbeidslivet regionalt og lokalt. Ein robust tilbodsstruktur vil og legge grunnlag for å bygge fagmiljø som har kontinuitet, noko som er viktig i skolen sitt langsiktige kvalitetsarbeid. I Møre og Romsdal skal elevane oppleve at utdanningstilboda til fylkeskommunen er attraktive, relevante og med høg kvalitet. Tiltak Tilbodsstruktur Skolebruksplanen speglar strukturkvaliteten. Den skal rullerast kvart år med involvering av skolane, opplæringskontora, arbeidstakarorganisasjonane, LO, NHO og kommunane gjennom høyring. I tillegg til at vidaregåande opplæring kan utvikle kompetanse for å rekruttere fagarbeiderar er det og ei uttrykt målsetting at 90% av søkarane til utdanningsprogram på Vg1-nivå skal få sitt første ønske om val av utdanningsprogram oppfylt. Dette har konsekvensar for prioritering og kapasitet av utdanningsprogram regionalt og ei vekting i høve balansen mellom yrkesfag og studiespesialiserande program. I 2016 vil ein og legge fram eigne strukturmeldingar for kvar region med utgangspunkt i målsettingane vedteke i sak Ud-6/14 - Struktur og tilbod for vidaregåande opplæring i Møre og Romsdal og sak UD-1/16 Skole- og tilbodsstruktur - endring i innhald og gjennomføring av prosjektet. Samfunnskontrakten Saman med lokalt og regionalt arbeidsliv er det ei målsetting å skape fleire lære- og opplæringsplassar for elevar som tek yrkesfagleg opplæring. Karriererettleiing og rådgiving På bakgrunn av rådgivingsundersøkinga (2014) held arbeidet fram med kvalitetsarbeid mot karriererettleiing og rådgiving i grunnopplæringa. Implementering av Karriereløypa (2016) er eit viktig tiltak i arbeidet. Karriereløypa er eit samanhengande system for karriererettleiing i grunnopplæringa frå første skuleår til vaksen alder. Ungt Entrepenørskap (UE) er bidragsytar med fleire program i Karriereløypa. 5

Karriere Møre og Romsdal I samband med arbeidsmarknadssituasjonen i fylket er Karriere Møre og Romsdal ein viktig aktør for unge og vaksne som treng rettleiing i høve til utfordringar med utdanning og karriere. Kommunesamarbeid Skoleeigar arbeider for å knytte nærare samarbeid med kommunane i samband med ulike utfordringar i opplæringa. Dette gjeld både overgangar mellom nivå i opplæringa, karriererettleiing, tidleg innsats og kompetanseheving av lærarar og rådgivarar. Indikatorar I perioden er det ei hovudmålsetting at talet på elevar og lærlingar som gjennomfører vidaregåande opplæring med greidd resultat etter 5 års opplæring skal aukast frå 73,3 prosent i 2015 til 79 prosent ved utgangen av planperioden. Overgangen frå Vg2 på yrkesfaglege utdanningsprogram er den mest kritiske overgangen med tanke på auka gjennomføring i vidaregåande opplæring. Tilgangen til læreplassar vil påverke overgangen i stor grad. I denne planen vil ein difor i tillegg til data publisert i KOSTRA og Gjennomføringsbarometeret bruke overgangen frå Vg2 yrkesfag til fagopplæring på skolenivå for å uttrykke den strukturelle kvaliteten. Ein har som målsetting at 90% av søkarane til utdanningsprogram på Vg1-nivå, skal få sitt første ønske om val av utdanningsprogram oppfylt. Indikator for Vg1-elevar som viser oppfyllingsgrad av søkjarar til 1. ønske for utdanningsprogram: Gradering Kvalitetskjenneteikn på skole- og fylkesnivå Det er meir enn 90% av Vg1-elevane som får sitt første ønskje om val av utdanningsprogram oppfylt Det er meir enn 85% av Vg1-elevane som får sitt første ønskje om val av utdanningsprogram oppfylt Det er meir enn 80% av Vg1-elevane som får sitt første ønskje om val av utdanningsprogram oppfylt Det er mindre enn 80% av Vg1-elevane som får sitt første ønskje om val av utdanningsprogram oppfylt Indikator for Vg2-elevar på yrkesfag som er blitt formidla til lærekontrakt per 1.10: Gradering Kvalitetskjenneteikn på skole- og fylkesnivå Det er meir enn 65% av Vg2-elevane på yrkesfag som har fått lærekontakt Det er meir enn 50% av Vg2-elevane på yrkesfag som har fått lærekontakt Det er meir enn 40% av Vg2-elevane på yrkesfag som har fått lærekontakt Det er mindre enn 40% av Vg2-elevane på yrkesfag som har fått lærekontakt Data frå VIGO 6

3. PROSESSKVALITET Prosesskvaliteten handlar om skolen sine eigne aktivitetar, sjølve arbeidet med opplæringa. Indikatorar for prosesskvaliteten omfattar t.d. trivsel, elevdemokrati, fysisk læringsmiljø, mobbing, motivasjon, fagleg rettleiing, medråderett, m.m. Prosesskvaliteten er såleis knytt til innhaldet i skolen og vil omfatte både skole- og læringsmiljø, t.d. arbeidsmåtar, relasjonar mellom elevar og lærarar, dialog med heimen og lærarkompetanse. Målsettingar For at ungdomen i den vidaregåande opplæringa i Møre og Romsdal skal lukkast og bli godt budd på arbeidsliv og vidare utdanning, skal elevane, lærlingane og lærekandidatane gjennom tilpassa opplæring oppleve meistring og fagleg utvikling. Tilpassa opplæring i skolen handlar både om læringsmiljø, klasseleiing, formativ vurdering, organisering og arbeidsmåtar, både kollektivt og individuelt, samt undervisning og opplæring i tråd med nasjonale føringar. Som overordna prinsipp for opplæringa skal tilpassa opplæring prege skolen si verksemd gjennom den pedagogiske plattforma. Skolen og bedrifta skal drive eit systematisk og kontinuerleg arbeid for å fremme helse, miljø og tryggleik til elevar, lærlingar og lærekandidatar. For ungdom med ulike utfordringar i kvardagen, skal skolen og bedriftene gjennom tidleg innsats og tett oppfølging, arbeide for at dei kan fullføre si opplæring. Dette skjer i samarbeid med kommunar, helsetenesta, PPT og eventuelt andre aktørar. Tiltak Læringsmiljø Det skal arbeidast aktivt og systematisk for å fremme eit godt psykososialt miljø. Den enkelte elev, lærling og lærekandidat skal oppleve tryggleik og sosialt tilhør ved at det drivast eit kontinuerleg og systematisk arbeid for å fremme helsa, miljøet og tryggleiken. Skolane må sørge for å ha implementert nødvendige rutinar for saksbehandling av saker knytt til elevane sitt psykososiale miljø. Ein skal arbeide for elevdemokrati, elevmedverknad, god klasseleiing med eleven sitt læringsutbytte i fokus. Likeeins skal fylkesutdanningssjefen følge opp lærlingane for å sikre at dei har eit godt arbeidsmiljø med tryggleik og sosialt tilhør. For at elevråda ved skolane skal arbeide for eit godt læringsmiljø, gode arbeidsforhold og velferdsinteressene til elevane må skolen aktivt bidra til at saker som gjeld elevane sin skolekvardag vert behandla i elevrådet. Tilrådingane i rapporten «Læraren i møte med utsette elevar, roller og relasjonar» skal implementerast og fylkesutdanningssjefen vil fremme eiga sak til utdanningsutvalet hausten 2016 om oppfølging av rapporten. 7

Vurdering for læring Skolane skal spesielt utvikle kvaliteten innafor den formativ vurderinga med vektlegging på det som bidrar til læring som tilbakemeldinga og framovermelding til elevane, tydeleg og god struktur i undervisninga, klare forventningar til eleven si læring og positiv og støttande relasjonar mellom elev og lærar. Ein skal arbeide med kjenneteikn på god undervisning i fag, jf. «Oldenburg-dekalogen». Gjennom både tema og deling i leiarsamlingar skal ein saman bidra til å utvikle opplæringa i skolen. Relevans i faga FYR-satsinga har vore ei satsing der skoleeigar i samarbeid med skolane har arbeidd aktivt med fagleg relevans i fellesfag og programfag. Frå eit nasjonalt perspektiv er satsinga no i avsluttingsfase (2016). Alle dei vidaregåande skolane med yrkesfaglege utdanningsprogram skal implementere metodikken og i årsplana for skolen synleggjere arbeidet med relevans i faga. Skoleeigar ser at dette er eit viktig tiltak for å fremme motivasjon og engasjement for opplæringa hos elevane. Grunnleggjande ferdigheiter Skolane skal arbeide systematisk med elevar som står i fare for å få karakteren 1 eller «ikkje vurdering» ved skoleslutt gjennom målretta arbeid med grunnleggande ferdigheiter. Kompetanseutvikling For å sikre kompetansebygging skal fylkesutdanningssjefen bruke dei innarbeidde systema (fagnettverk, fylkesakademiet, «Kompetanse for kvalitet», leiarsamlingar, rådgivarnettverket m.m.) for at dei tilsette får nødvendig kompetanseutvikling. Dette gjeld og instruktørar og faglege rettleiarar innafor den vidaregåande opplæringa i bedrift. Gjennom arbeidstidsavtalen skal skoleleiinga legge til rette for kompetanseutvikling og erfaringsdeling i kollegiet. Fylkesutdanningssjefen skal sikre at arbeidet i fagnettverka er godt forankra i kvalitetsplana. Indikatorar Indikatorar for prosesskvaliteten som nyttast i denne planen er tilpassa opplæring, læringsmiljø, elevmedverknad og kompetanseutvikling. Tilpassa opplæring For å vurdere elevane sin opplevde kvalitet på tilpassa opplæring legg ein til grunn følgjande indeksar frå elevundersøkinga om læringskultur, støtte frå lærar, meistring, relevant opplæring, praktisk opplæring, variert opplæring, vurdering for læring, eigenvurdering. 8

Indikatorar tilpassa opplæring som grunnlag for meistring elevar: Gradering Data frå elevundersøkinga Kvalitetskjenneteikn på skole- og fylkesnivå Skolen har eit system som sikrar at elevane opplever at tilbakemeldingane frå lærarane er tilpassa deira nivå og dei veit kva dei har fått til og kva dei skal arbeide med for å bli betre. Dei bruker tilbakemeldingane slik at læringsmiljøet er prega av motivasjon, krav og elevdeltaking. Lærarane og elevane har ei felles forståing av kva kompetanse dei ulike karakterane og vurderingane uttrykker når det gjeld måloppnåing. Elevane og lærarane har felles forståing av kva for læringsstrategiar som kan brukast for å få til god læring. Lærerane engasjerer elevane i vurderinga av eige arbeid. Sluttvurdering vert sett på grunnlag av dei samla kompetansemåla. Skolen har sett tydeleg fokus på vurdering, men tilbakemeldingene til elevane er ofte generelle og eigenvurdering er ikkje sett i system. Sluttvurdering vert berre i nokon grad sett på grunnlag av dei samla kompetansemåla. Lærarane praktiserer undervegsvurdering usystematisk. Sluttvurdering vert i liten grad sett på grunnlag av dei samla kompetansemåla. For å vurdere lærlingane sin opplevde kvalitet på tilpassa opplæring legg ein til grunn utvalde spørsmål frå lærlingundersøkinga om medverknad, tilbakemelding frå instruktør, planlagde samtalar, mål og planfokus. Indikatorar tilpassa opplæring som grunnlag for meistring lærlingar: Gradering Kvalitetskjenneteikn på fylkesnivå Bedrifta har eit system som sikrar at lærlingane/lærekandidatane opplever at tilbakemeldingane frå instruktørane/rettleiaren er tilpassa deira nivå og dei veit kva dei har fått til og kva dei skal arbeide med for å bli betre. Dei bruker tilbakemeldingane slik at opplæringa er prega av motivasjon og deltaking. Instruktørane og lærlingane/lærekandidat har ei felles forståing av kva kompetanse som blir kravd for å nå måla i opplæringa. Lærlingane/lærekandidatane og instruktørane har ei felles forståing av kva for læringsstrategiar som kan brukast for å få til god læring. Instruktørane engasjerer lærlingane/lærekandidatane i vurderinga av eige arbeid. Bedrifta har sett tydeleg fokus på vurdering, men tilbakemeldingane til lærlingane/lærekandidatane er ofte for generelle til at dei opplever at vurderingane er til hjelp for dei i opplæringa og utvikling av ferdigheitene. Instruktørane praktiserer undervegsvurdering usystematisk. Rettleiinga er tilfeldig og ein er usikker på om ein får nødvendig opplæring etter læreplanen og blir i stand til å gjennomføre fagprøva.. Data frå lærlingundersøkinga Læringsmiljø For å vurdere den opplevde kvaliteten på lærings- og skolemiljøet legg ein til grunn følgande indeksar frå elevundersøkinga om trivsel, krenking, mobbing og felles reglar. Indikator for læringsmiljø i skolen: Gradering Kvalitetskjenneteikn skole- og fylkesnivå Elevane føler seg trygge og trivst på skolen. Elevar og tilsette opplever ei felles haldning til oppfølging av reglement. Det er nulltoleranse hos alle når det gjeld vald og trakassering. Skolen følger godt opp elevane slik at ikkje nokon fell ut frå fellesskapen. Skolen har rutinar for varsling og oppfølging av brot på elevane sitt arbeidsmiljø og handsamer dette etter gjeldande reglar. Elevane sine rettar i 9a er kjent blant elevene. Nivå mellom nivå 2 og nivå 4. Sjølv om dei fleste elevane føler seg trygge og trivst på skolen, finst det elevar som ikkje gjer det. Skolen sine tiltak og prosedyrar knytt til rus- og voldsproblematikk vert ikkje alltid følgd opp. Elevane sine rettar i 9a er ikkje kjend for elevane. Det førekjem mobbing i skolen som ikkje vert handsama etter gjeldande reglar Data frå elevundersøkinga 9

For å vurdere lærlingane sin opplevde kvalitet på tilpassa opplæring legg ein til grunn trivsel og inkludering, mobbing og samarbeidsproblem. Indikator for læringsmiljø i bedrift: Gradering Kvalitetskjenneteikn fylkesnivå Lærlingane og lærekandidatane trivst i bedrifta og seier dei blir godt følgd opp slik at dei blir inkludert i fellesskapen. Nivå mellom nivå 2 og nivå 4. Sjølv om dei fleste lærlingane og lærekandidatane føler seg trygge og trivst i bedrifta, finst det dei som ikkje gjer det. Ein føler seg ikkje alltid heilt inkludert i fellesskapen på arbeidsplassen. Det førekjem mobbing på arbeidsplassen. Data frå lærlingundersøkinga Elevmedverknad For å vurdere den opplevde kvaliteten på elevmedverknad legg ein til grunn indeksen for elevdemokrati og medverknad i elevundersøkinga. Indikator for elevmedverknad i skolekvardagen: Gradering Kvalitetskjenneteikn på skole- og fylkesnivå Skolen har eit aktivt elevråd og skolemiljøutval som samarbeider tett med leiinga ved skolen. Det er utarbeidd rutinar for dette samarbeidet. Skolen har eigne rutinar for oppfølging av resultat frå elevundersøkinga og undervisningsevalueringa. Elevrådsstyret er aktivt, men det er vanskeleg å engasjere elevrådet i saker som gjelder kvaliteten på opplæringa. Elevrådsstyret og skolemiljøutvalet er lite aktivt. Skolen har ikkje eit system som sikrar elevane ei brei drøfting av resultata av elevundersøkinga og undervisningsevalueringa. Det vert ikkje halde møte i skolemiljøutvalet, det er heller ikkje oppretta eit organ for å ivareta skolemiljøet. Data frå elevundersøkinga Kompetanseutvikling For å vurdere personalet sin opplevde kvalitet på kompetanseutvikling legg ein til grunn utvalde spørsmål frå MTM-undersøkinga om skolen sitt kompetansebehov, opplæring av tilsette, kompetansedeling og kompetanseutvikling. Når det gjeld kompetanseutvikling vil ein gjennom arbeidsmiljøundersøkinga MTM få fram ein indikasjon på korleis lærarane opplever kompetanseutvikling. MTMundersøkinga gjennomførast annakvart år og bruker denne nivådelinga: Lave skår 16 % av referansegrunnlaget Middels skår 68 % av referansegrunnlaget Høge skår 16 % av referansegrunnla Referansegrunnlaget er alle skolane i Noreg som bruker MTM-undersøkinga. 10

Indikator for kompetanseutvikling av personalet skole: Gradering Kvalitetskjenneteikn på skolenivå Skolen legg svært godt til rette for at personalet kan delta på faglege etter- og vidareutdanningstiltak. Skolen bruker og kollegarettleiing og rettleiing av nytilsette i kompetanseutvikling. Leiinga har lagt til rette for at personalet kan arbeide i eit stimulerande arbeidsfellesskap, kor læring på tvers av avdelingar og faggrenser skjer ofte. Skolen legg til rette for at personalet kan delta på faglege etter- og vidareutdanningstiltak. Skolen bruker og kollegarettleiing og rettleiing av nytilsette i kompetanseutvikling. Personalet har eit arbeidsfellesskap, kor læring på tvers av avdelingar og faggrenser kan skje. Skolen sin kompetanseutviklingsstrategi er utydeleg. Det er meir tilfeldig og opp til lærarane sjølv å finne arenaer for kompetansespreiing og utvikling. Kven som får delta på delta på faglege etter- og vidareutdanningstiltak vert opplevd tilfeldig. Det er vanskeleg for skolen å legge til rette for at lærarane kan gjere bruk av etter- og vidareutdanningstiltak som vert prioritert av skoleeigar. Data frå personalundersøkinga 4. RESULTATKVALITET Resultatkvaliteten avspeglar det ein har oppnådd med det pedagogiske og organisatoriske arbeidet. Resultatkvaliteten uttrykker læringsutbytte målt opp mot opplæringsverksemda sine målsettingar for opplæringa. Det kjem til uttrykk i tal på elevar som fullfører opplæringa eitt år med greidd resultat, lærlingar som greier fagprøva og tal på elevar som sluttar eller lærlingar som hever kontrakten sin. Målsettingar I denne planen er det ei hovudmålsetting at talet på elevar og lærlingar som gjennomfører vidaregåande opplæring med greidd resultat etter 5 års opplæring, skal aukast frå 73,3 % i 2015 til 79 % ved utgangen av planperioden. For kvart årstrinn skal minst 84% av elevane ha gjennomført skoleåret med greidd resultat og minst 96% av lærlingane skal ha greidd fagprøva. For kvart skoleår skal mindre enn 4% av elevane slutte i løpet av skoleåret og i læretida skal mindre enn 3% av lærlingane heve kontrakten sin. 11

Tiltak Analyse og vurdering av resultat Skolane skal utvikle arbeidet med vurdering av skoleresultat henta frå PULS-portalen med tydeleg involvering av personalet i evalueringsprosessen av skoleåret. Denne evalueringa vil då gi eit grunnlag for utviklingsprosessar knytt til arbeidet med skolen sin nye handlingsplan både når det gjeld struktur- og prosesskvalitet. Fylkesutdanningssjefen skal likeeins utvikle arbeidet med vurdering av resultat med tydeleg involvering av personalet i evalueringsprosessen av skoleåret. Denne evalueringa vil då gi eit grunnlag for utviklingsprosessar knytt til arbeidet med fylkesutdanningssjefen sin handlingsplan, fylkesplanen, kvalitetsmeldinga, kvalitetsplanen og fylkesutdanningssjefen sin oppdragsavtale til skolane. Skolebasert vurdering, årsmelding og kvalitetsmelding Skolane sitt arbeid med skolebasert vurdering skal dokumenterast i ei årleg årsmelding. Det skal utviklast ein standardisert årsmeldingsmal som grunnlag for skolane sitt arbeid med årsmeldinga. Ho skal skal publiserast på skolen sin nettside. Fylkesutdanningssjefen legg fram ei årleg kvalitetsmelding til fylkestinget si samling i desember. Leiardialog Med oppdragsavtalen skal fylkesutdanningssjefen saman med skolane sette felles målsettingar, og saman med den einskilde skole sette resultat- og prosessmål for tenesteutviklinga ved skolen. Fylkesutdanningssjefen skal følge opp skoleleiinga gjennom året slik at ein saman vurderer dei behova skolen har for støtte og oppfølging for å nå målsettingane. Oppdragsavtalen skal såleis bidra til å fremme eit godt samarbeid mellom den enkelte skole og fylkesutdanningssjefen. Indikatorar I perioden er det ei hovudmålsetting er at talet på elevar og lærlingar som gjennomfører vidaregåande opplæring med greidd resultat etter 5 års opplæring skal aukast frå 73,3 % i 2015 til 79 % ved utgangen av planperioden. For resultatkvaliteten har ein i denne planen valt å bruke indikatorane for elevar og lærlingar som har gjennomført opplæringa eitt år, karakterutvikling for elevar, elevar som sluttar og lærlingar som hevar kontrakten. Skolar med overvekt av studieførebuande utdanningsprogram vil kome betre ut enn skolar med overvekt av yrkesfaglege program. Ein har likevel i indikatoren valt å ikkje skilje mellom dei to utdanningsretningane. 12

Indikator for elevar som har gjennomført opplæringa førre skoleår Gradering Kvalitetskjenneteikn på gjennomført og greidd skole- og fylkesnivå 84 % av Vg1-elevane har gjennomført og greidd 84 % av Vg2-elevane har gjennomført og greidd 77 % av dei som går ut av vg3 i skole skal ha fullført med vitnemål eller fagbrev. Nivå er mellom nivå 2 og nivå 4. Data frå PULS 76 % av Vg1-elevane har gjennomført og greidd 76 % av Vg2-elevane har gjennomført og greidd 70 % av dei som går ut av vg3 i skole skal ha fullført med vitnemål eller fagbrev 70 % av Vg1-elevane har gjennomført og greidd 70 % av Vg2-elevane har gjennomført og greidd 65 % av dei som går ut av vg3 i skole skal ha fullført med vitnemål eller fagbrev Indikator for lærlingar som har gjennomført opplæringa Gradering Kvalitetskjenneteikn på gjennomført og greidd skole- og fylkesnivå Minst 96 % av oppmeldte lærlingar har fullført med fagbrev. Nivå er mellom nivå 2 og nivå 4. Minst 92 % av oppmeldte lærlingar har fullført med fagbrev. Data frå PULS Mindre enn 92 % av oppmeldte lærlingar har fullført med fagbrev. Indikator for elevar som sluttar i skolen Gradering Kvalitetskjenneteikn på skole- og fylkesnivå Der er mindre enn 2,5% av elevane som avbryt skoleåret og sluttar. Det er meir enn 2,5% og mindre enn 6% av elevane som avbryt skoleåret og sluttar. Det er meir enn 6% og mindre enn 8% av elevane som avbryt skoleåret og sluttar Det er meir enn 8% elevane som avbryt skoleåret og sluttar Data frå PULS Indikator for lærlingar som hevar kontrakten sin Gradering Kvalitetskjenneteikn på fylkesnivå Der er mindre enn 2,5% av lærlingane som hever kontrakten sin Det er meir enn 2,5% og mindre enn 4% av lærlingane som hever kontrakten sin. Det er meir enn 4% og mindre enn 6% av lærlingane som hever kontrakten sin. Data frå VIGO Det er meir enn 6% av lærlingane som hever kontrakten sin 13