Føresegner Detaljregulering for naustområde Strand, Sandeid. Del av gnr. 27 bnr. 3 og 7 og gnr 27 bnr 14, 22, 23, 27 og 29, Vindafjord kommune. Det regulerte området er vist med reguleringsgrense på plankartet. Innanfor det regulerte området skal arealbruken vera som det går fram av plankartet. Desse føresegnene utgjer saman med plankart datert 29.07.2016 reguleringsplan for området. Føremålet med reguleringsplanen er å leggja til rette for naust med tilhøyrande anlegg og ein fritidsbustad (eksisterande) og å sikra ålmenta sin tilgang til strandsona og sjøen. 1 Arealet innanfor plangrensa har følgjande føremål i samsvar med pbl 12-5 I. Bygningar og anlegg (pbl 12-5 nr 1) - Småbåtanlegg i sjø og vassdrag med tilhøyrande strandsone - Naust - Fritidsbustad II. Samferdsle og teknisk infrastruktur(pbl 12-5 nr 2) - Vegar - Parkeringsplassar III. Landbruks-, natur- og friluftsføremål (pbl 12-5 nr 5) - Friluftsområde IV. Bruk og vern av sjø og vassdrag, med tilhøyrande strandsone (pbl 12-5 nr 6) - Ferdselsområde i sjø - Friluftsområde V. Omsynssoner (pbl 12-6) - Frisikt - Høgspentanlegg VI. Føresegnsområde (pbl 12-7) - Pirar - Anleggsveg
2 Bygningar og anlegg (pbl 12-5 nr 1) 2.1 Småbåtanlegg i sjø og vassdrag med tilhøyrande strandsone - kai / bryggje (KB) 2.1.1 Innanfor området kan det byggjast kai, brygge og båtopptrekk. 2.2 Naust (N1 og N2) 2.2.1 Innanfor område N1 og N2 kan det byggjast 5 naust i kvart av områda. 2.2.2 Naust kan byggjast med grunnflate (BYA) på inntil 40 m 2 BYA. 2.2.3 Nausta skal ha maksimal mønehøgde på 5.5 meter og maksimal gesimshøgde på 3.5 meter; begge høgder målt på frontvegen mot sjøen. Nausta skal byggjast med saltak. 2.2.4 Nausta skal byggjast i ein etasje. Ved byggjesøknad skal dette dokumenterast ved snitt-teikningar i samsvar med definisjonar etter Forskrift om tekniske krav til byggverk (Byggteknisk forskrift). Bruksarealet skal reknast utan tillegg for tenkte plan. 2.2.5 Bygningane skal tilpassast lokal byggjeskikk og oppførast som tradisjonelle naust. - Byggjemateriale skal vera tre eller stein. - Det skal brukast mørke dempa fargar tilpassa eksisterande miljø. - Taktekking skal vera takstein, skifer eller anna naturmateriale - Fasade mot sjø skal ha sidehengsla tett naustdør. - Samla tal på vindauge skal ikkje overstiga 2 pr. naust, og samla glasareal skal ikkje overstiga 1,0 m 2 pr. naust. 2.2.6 Naust kan byggjast fleire saman. 2.2.7 Nausta skal plasserast i grupper for å få ei god landskapstilpassing og det skal leggjast til rette for felles samlingsplass i naustrekkja. 2.2.8 Ved byggesøknad for første naust i N1 og N2 skal det lagast og godkjennast ein situasjonsplan for heile det aktuelle naustområdet. 2.2.9 Nausta skal nyttast til oppbevaring av båtar, båt- og fiskeutstyr og anna utstyr for bruk av sjøen i rekreasjonssammenheng. 2.2.10 Det kan etablerast båtopptrekk til nausta. 2.3 Naust N3 og N4 2.3.1 I N3 og N4 er det eitt eksisterande naust i kvart område og det kan det ikkje byggjast fleire naust her. 2.3.2 Naust i N3 kan byggjast med grunnflate (BYA) på inntil 66 m 2 BYA, maksimal mønehøgde på 5.6 meter og maksimal gesimshøgde på 4.2 meter, ref. godkjend byggjeteikning, Vindafjord bygningsråd, sak 13/85 og 143/88.
2.3.3 Naust i N4 kan byggjast med grunnflate (BYA) på inntil 62 m 2 BYA, maksimal mønehøgde på 5 meter og maksimal gesimshøgde på 3,5 meter, ref. godkjend byggjeteikning, Vindafjord bygningsråd, sak 79/88. 2.3.4 Nausta skal nyttast til oppbevaring av båtar, båt- og fiskeutstyr og anna utstyr for bruk av sjøen i rekreasjonssammenheng. 2.4 Fritidsbustad (F1) 2.4.1 Fritidsbustad kan førast opp i ein etasje med inntil 90 m 2 BYA. 2.4.2 Taktekking skal vera takstein, skifer eller anna naturmateriale. 2.4.3 Maks mønehøgde 5 meter og maks gesimshøgde 3.5 meter målt frå gjennomsnittleg terrengnivå. Tak kan utformast som saltak, pulttak eller flatt tak. Ved flatt tak eller pulttak kan maks høgde vera 4.5 meter. 2.4.4. Grunnmur eller pelar over terrenget skal vera så låge som mogleg, og ikkje høgare enn 0,75 meter. Planering og utgraving skal ikkje vera meir omfattande enn det som er naudsynt ut frå bygningsmessige omsyn. 2.4.5 Det er ikkje tillate å føra opp frittståande uthus, garasjar eller anneks til fritidsbustaden. 2.4.6 Før bygging av ny fritidsbustad, må det dokumenterast rett til parkering og avkjøringsløyve frå offentleg veg. 2.4.7 Fritidsbustaden skal utformast med karakter, stiluttrykk og fargebruk som passar til omgjevnadene. Materialval og fargeval skal tilpassast det naturpreg som er på staden. 3 Samferdsle og teknisk infrastruktur (pbl 12-5 nr 2) 3.1 Vegar og parkeringsplassar 3.1.1 Vegar og parkeringsplassar skal byggjast i samsvar planen og etter byggjesøknad godkjent av Vindafjord kommune. 3.1.2 Avkøyringane frå offentleg veg skal utformast i samsvar med vegvesenet si handbok 017. Det skal lagast tekniske planar for avkjøringane i samsvar med handbok R700 Tegningsgrunnlag. Planane skal godkjennast av Statens vegvesen. 3.2 Vegar (V1-4) 3.2.1 Vegane skal vera private. Opparbeida køyrebane skal vera maks 3,5 m. 3.2.2 Veg V1 er felles for N1, gnr. 27 bnr. 23 og 7. 3.2.3 Veg V2 er felles for N2, N3, N4 og gnr. 27 bnr. 3.
3.2.4 Veg V3 er felles for N2 og gnr. 27 bnr. 3. 3.2.5 Veg V4 er for gnr. 27 bnr. 3. Vegen skal liggja i flomålet. 3.3 Parkeringsplassar (P1-2, 4, 6-7, 9-11) 3.3.1 Parkeringsplassane P1 og P2 er felles for N1 og gnr. 27 bnr. 23 og 7. 3.3.2 Parkeringsplassane P4, P6 og P7 er felles for N2 og gnr. 27 bnr. 3. 3.3.3 Parkeringsplass P9 er for N4 3.3.4 Parkeringsplass P10 er for N3. 3.3.5 Parkeringsplass P11 er for gnr. 27 bnr. 3. 4 Landbruks-, natur- og friluftsføremål (pbl 12-5 nr 5) 4.1 Friluftsområde (FR 3-9) 4.1.1 Områda skal vera tilgjengelege for ålmenta, og det skal ikkje førast opp hindringar som gjer vanskeleg slik bruk (som t.d. gjerde, levegger osv.). 4.1.2 Det kan setjast opp apparat for leik innanfor friluftsområde, FR7, etter at høgspentlina er lagt utanfor området. 4.1.3 Bekken i FR9 kan leggjast i røyr. 5 Bruk og vern av sjø og vassdrag med tilhøyrande strandsone (pbl 12-5 nr 6) 5.1 Ferdselsområde i sjø 5.1.1 Ferdselsområde er eit trafikkområde som skal haldast ope og tilgjengeleg. I området kan det leggjast båtar med tilhøyrande botnfeste og fortøyningar.. 5.1.2 Området skal vera tilgjengeleg for ålmenta. 5.2 Friluftsområde - bekk 5.2.1 Bekken ved plangrensa i sør skal liggja open. 6 Omsynssoner (pbl 12-6) 6.1 Høgspentanlegg 6.1.1 Minste avstand frå høgspentline til mindre viktige bygningar på maks 50 m 2 skal vera min. 3 meter. 6.1.2 Ved byggjesøknad må det dokumenterast lovleg avstand til høgspentline.
6.2 Frisiktsoner 6.2.1 Innanfor frisiktsonene skal det ikkje vera sikthindrande gjenstandar eller vegetasjon som er høgare enn 0.5 meter over tilstøytande køyrebane sitt plan. 7 Føresegnsområde (#1 - #3) (pbl 12-7) 7.1 Pirar 7.1.1 Innafor føresegnsområde #1 og #2 kan det førast opp inntil 3 faste pirar med breidde på inntil 2 m og lengde inntil 6 m. 7.2 Anleggsveg 7.1. 2 Innafor føresegnsområde #3 kan det etablerast anleggsveg i byggjeperiode for naust og pirar. Utanom denne tida kan det berre vera opparbeidd gangveg med breidde inntil 1,5 m fram til naustområdet. Arealet elles skal tilbakeførast til friluftsområde. 8 Fellesføresegner 8.1 Ved søknad om utfylling i sjø skal det dokumenterast at grunntilhøva er tilfredsstillande. Utfylte massar skal sikrast mot utgliding. 8.2 Det er ikkje tillate å føra opp gjerde, levegger eller andre former for stengsel innanfor planområdet. 8.3 Alle tiltak i sjø som fell inn under hamne- og farvasslova (bryggje, kai, pir, sjøleidning, utfylling m.m.) krev løyve frå hamnemynde i tillegg til handsaming etter plan- og bygningslova. 8.4 Om det vert gjort funn av automatisk freda gjenstandar eller konstruksjonar under arbeid eller tiltak i planområdet må arbeidet straks stoppast og kulturminnestyremakt varslast for nærare gransking, jf. kulturminnelova 8, 2. ledd. 9 Rekkefølgjekrav 9.1 Følgjande skal vera gjennomført før det vert gjeve byggjeløyve for nye bygningar eller for utfylling i sjø i tilhøyrande naustområde: - Vegar og felles parkeringsplassar skal vera bygde. - Murkantar, skrentar og stup skal vera sikra. - Avkøyring til offentleg veg skal vera bygd og godkjent av Statens vegvesen, jf. 3.1.2. - Friluftsområde FR7 kan ikkje opparbeidast som område for leik før kraftlina er lagt utanom området. 29.07.16