Årsmøte 2013 Ænes og Mauranger Bygdalag Søndag 16. mars kl. 14.00 i Samfunnshuset Årsmøte startar kl. 14.00. Under årsmøte vert det vist film for borna. Kl. 15.00 vert det servert kjøttkaker m/dessertbord. Prisen på middag m/ dessertbord vert kr. 75,- pr. person. For born under 12 år er middagen gratis. Etter middagen vert det bingo. Ta sundagsmiddagen i Samfunnshuset denne dagen, vonar vi får ei hyggeleg samkoma. Alle er hjarteleg velkomne!
Sakliste til årsmøte: 1. Opning 2. Registrering av frammøte 3. Godkjenning av innkalling og sakliste 4. Val av møteleiar og skrivar 5. Val av to til å skriva under møteboka 6. Årsmelding 2013 7. Rekneskap 2013 8. Val etter vedtektene A. Leiar for 1 år på val Ottar Eide B. 1 styremedlem for 2 år på val Kurt Jarle Øvrehus C. 3 personlege varamedlemer til styret for 1 år. D. 2 revisorar for 1 år E. 2 medlemer til valnemnd for 2 år F. Val av leiar for valnemnda for 1 år 9. Fastsetjing av kontingent for 2014. Kontigenten for 2013 har vore; Familie kr 250,- (Max kont. Per familie), vaksne kr 100,-, born kr 50,-. Etter årsmøte vert det høve å koma med innspel til det nye styret. Kom gjerne med forslag.
ÅRSMELDING 2013. Ænes og Mauranger bygdalag. Styret. I styret har vore Ottar Eide - leiar, Kurt Jarle Øvrehus nestleiar, Andres G. Gjerde skrivar, Trygve Fredheim kasserar. Styret har hatt 4 styremøte + 1 planleggingsmøte Folgefonna Opp/Maurangerdag. Styret har drøfta 30 saker. Medlemane. Medl.kontingenten i fjor var kr. 7450,-. Det er ein nedgang på kr. 600,-. Utdrag frå vedtektene: Bygdalaget skal vera eit samlande organ for bygdene våre, og skal arbeida for generell bygdeutvikling. Tiltak som kan vera med å styrkja busetnad, arbeidsplasser, trivsel, samhald og samarbeid skal prioriterast. Laget skal ha ansvar for tilstellingar og aktivitetar både for unge og gamle. Her er det mange store og viktige arbeidsoppgåver å ta tak i. God og aktiv støtte frå dei som bur i bygdene er eit viktig bidrag i dette arbeidet. Kjenner du nokon som ikkje er medlem så prøv å få dei med på laget. Styret takkar for god oppslutning i 2013. Økonomi. Ænes og Mauranger har mellom anna hatt følgjande aktivitetar for å skaffe inntekter til laget: Folgefonna Opp - Maurangerdagen 2013 Haustfest m/middag og revy Sponsorsamarbeid med næringsaktørar gjennom mauranger.no Sparebank 1 stifitnga gåve til hjartestartar. Grasrotmidlar Diverse mindre arrangement; Kjøttkakemiddag m/bingo, Julegrantenningsbasar. Rekneskapen for 2013 viser eit samla overskot på kr. 21.858,25. Overkotet er tillagt eigenkapitalen, og fordelt på gruppene etter resultat. Når det gjeld fordeling av dei viktigaste inntekter og utgifter viser me til rekneskapen, samt eige punkt i årsmeldinga om aktivitetar og investeringar. Styret meiner at laget har ein tilfredsstillande økonomi, som gjev laget ein viss handlefridom i den daglege drifta av laget.
Tilskipingar Aktivitetar. 1. Jonsokfeiring 23.juni. Samarbeid med Ænes Grendalag, arrangert ved saga på Ænes. Grendalaget gjorde klar grillar, St Hans bål, uteområdet og fekk inntekter gjennom loddsal. Bygdalaget stilte med PA anlegg og naudsynt utstyrt til grilling 2. Folgefonna Opp vart arrangert for andre gong 24.aug i samarbeid med Folgefonna IL. 22 deltakarar sprang frå start ved Smalastølen og i mål ved Fonnabu (1450 moh). Kvinnherad turlag serverte fruktsuppe ved Fonnabu, Bygdalaget serverte betasuppe ved retur Sandarvollen. I 2014 er Ænes og Mauranger aleine ansvarleg arrangør for motbakkeløpet. 3. Maurangerdagen 2013 - vart arrangert i tilknyting til Folgefonna Opp. Samlingsplass på Sandarvollen med leikar og salsbod, musikk v/spelemannslaget, speaker og premieutdeling. Natursti innover Bondhusdalen. Barkebåtløp i Bondhuselva, slengdisse over elva, fotballskudd Ca300 frammøtte under arrangementet. Dans i Olaløo om kvelden i privat regi. 4.Haustfest 9.nov. Tradisjonsrik haustfest av ypperste merke med Revy Utan Bremser, festmåltid og dans. Børve og co spela både under revyen og til dans, god dansemusikk. 143 innbetalande. 5. Andre aktivitetar/tiltak: Kurs i tradisjonsmat. Kursdeltakarane lærte å lage mjølkekaker, rjomagraut og potetkaker. Kursleiarar Anny Øvrehus og Oddny Øyre. Kjøp av mat/premiar til julegrantenninga. (Samling/basar i Olaløo.) Mat og gåver til julefesten på skulen. Innsamling av pengar til TV-aksjonen. Volleyballtrening for skuleelevar. Juniorklubb. Brev til kommunen om forslag til traffikksikring Brev til kommunen med klage på to nn i Sunndalsveien. Investeringar Kjøp av logo, domenenamn og websida folgefonnaopp.no Eit nytt partytelt 5x6m. No har me 3 store partytelt. Oppbevaringsboksar til partytelt. Ny komfyr til bygdakjøkenenet. 6 vegglampar til arrangement i samfunnshuset. Hjartestartar. Hjartestartaren er montert ved inngangspartiet til Mauranger Laks.
Sluttord. Laget har hatt stor aktivitet dette året. Me har i år gjennomført to store arrangement i Folgefonna Opp/Maurangerdag og Haustfesten. Begge arrangementa krev mykje dugnadsinnsats for å få til. Engasjementet har vore overveldande noko som resulterte i to braksuksessar med mykje mediadekning. Ordlyden utanbygds er: Utruleg kva dei får til der inne. Styret håpar at me tar med oss dette engasjementet inn i 2014 og spesielt til årets høgdepunkt Folgefonna Opp/Maurangerdagen 30.august der me i år står heilt aleine. Dette skal me få til!! Styret vil takka alle som har brukt tid og krefter på å hjelpa til i arbeidet vårt i året som gjekk. Utan så god støtte og dugnadsinnsats vil drifta av laget bli vanskeleg. Har du forslag til tilstellingar, - tiltak, - aktivitetar, som vi kan starta opp med i 2014, så ta kontakt med styremedlemene, eller møt opp på årsmøte. Styret Forslag til tilstellingar tiltak aktivitet i 2014 16.mars -Årsmøte servering av kjøtkakemiddag m/dessertbord bingo -Juniorklubb: Ca 1 gong i månaden gjennom vinteren med ulike tema. -Volleyballtrening for 4.-10.klasse, fram til Balldagen tar over. 23. juni -Jonsokfeiring, samarbeid med Grendalag. 30. august -Folgefonna Opp/Maurangerdag. Start Sundal - Mål Fonnabu. Junior til Gardshammar. Samlingsplass Sandarvollen m salsbod/aktivitetar/underhaldning. Ikkje dans om kvelden. - Julegrantenning. - Juletrefest.