Fedje kommune. Møtebok for Kommunestyret

Fedje kommune Møtebok for Kommunestyret Møtedato: 03.09.2015 Møtestad: Slissøyna/Skarvøyna i Fedje fleirbrukshall Møtetid: 18:15-19:00 Møtedeltakarar Hilde Koppen Kristin Handeland Tone Ratcliffe Per Opsahl Inge Waage Ottar Tangen Otto-Andre Nordby Paul Gunnar Gullaksen Stian Herøy Terje Storemark Jorunn B.Husa Oddvar Nilsen Husa Roy-Asle Tungland Parti Ap Ap Ap Dem Frp Frp H H H H Krf Krf Krf Møtedeltakarar vara Freddy Aga Terje Blomvågnes Parti Ap Ap Forfall meldt frå følgjande medlemmar: Hans Erik Waage Odrun Borge Parti Ap Ap Følgjande møtte frå administrasjonen: Bjarte Villanger, Dagrun Gunnarson, Grete Herøy, Vidar Bråthen, Øyvind Tolleshaug

Sakliste Saknr Tittel 040/15 Godkjenning av møteinnkalling og sakliste 041/15 Godkjenning av møtebok 042/15 Arealdel kommuneplan for Fedje kommune. Revisjon 2015. Utlegging til offentleg ettersyn. 043/15 Helse Bergen Tenesteavtale 8 - svangerskap, fødsel og barselsomsorg 044/15 Verksemdsmelding per 2. kvartal 2015. 045/15 Rekneskapsrapport 2. kvartal 2015. 046/15 Eventuelt 047/15 Uttale om framtida til sjøtrafikksentralen på Fedje

Sakspapir Saksbehandler Arkiv ArkivsakID Evy Uthaug 15/414 Saksnr Utvalg Type Dato 040/15 Kommunestyret PS 03.09.2015 Godkjenning av møteinnkalling og sakliste Saksutgreiing: Forslag til vedtak: Møteinnkalling og sakliste vert godkjent. Kommunestyret - 040/15 K - behandling: K - vedtak: Møteinnkalling og sakliste vert godkjent. Samrøystes vedteke.

Sakspapir Saksbehandler Arkiv ArkivsakID Evy Uthaug 15/414 Saksnr Utvalg Type Dato 041/15 Kommunestyret PS 03.09.2015 Godkjenning av møtebok Vedlegg: Protokoll - Kommunestyret - 18.06.2015 Saksutgreiing: Forslag til vedtak: Møtebok frå sist møte vert godkjent. Kommunestyret - 041/15 K - behandling: K - vedtak: Møtebok frå sist møte vert godkjent. Samrøystes vedteke.

Sakspapir Saksbehandler Arkiv ArkivsakID Øyvind Tolleshaug FE - 142 15/374 Saksnr Utvalg Type Dato 075/15 Formannskapet PS 25.08.2015 042/15 Kommunestyret PS 03.09.2015 Arealdel kommuneplan for Fedje kommune. Revisjon 2015. Utlegging til offentleg ettersyn. Vedlegg: 001 Planskildring revisjon 2015 Saksutgreiing: Bakgrunn for revisjon av plankartet til kommuneplanen. Kommunestyret gjorde den 14. mars 2013 som sak 013/13 vedtak om kommuneplan for Fedje for 2012 2024. Vedtaket omfatta samfunnsdel, ROS-analyse, planskildring, konsekvensutgreiing, plankart og føresegner. I vedtaket vart det ikkje teke omsyn til merknader som grunneigarane kom med då planen låg ute til offentleg ettersyn. I kommunestyremøtet den 14. mars 2013, vart det i sak 014/13, gjort vedtak om revisjon av arealdelen av kommuneplanen. I denne saka var grunneigarane sine merknader drøfta og rådmannen hadde tilråding til kva for ønske som skulle vera med i revidert arealdel til kommuneplanen. Kommunestyret gjorde justeringar av tilrådinga i sitt vedtak. Framlegg til revidert arealdel av kommuneplanen i samsvar med k-sak 014/13, er no ferdig. Denne er kalla revisjon 2015. Kommunestyret gjorde 24. april 2014 vedtak om planstrategi for kommunen. Revisjon av kommuneplanen i samsvar med kommunestyrevedtak i sak 014/13, er med på oversynet over prioriterte planoppgåver i planstrategien. Om handsaminga av Revisjon 2015 I samsvar med første ledd i 4-2 i plan- og bygningslova, er det laga planskildring for Revisjon 2015. Framlegg til endringar i høve til kommuneplan for Fedje for 2012 2024, er synt på kart i planskildringa saman med eksisterande plan ( side 9 til og med 22 ). Kart på side 23 syner ei samla

oversikt over endringane. Det reviderte framlegget ( Revisjon 2015 ) vert no handsama i samsvar med 11-15 første ledd, andre punktum i plan- og bygningslova ( pbl ). Dette tyder at høyringa og handsaminga berre gjeld dei delane som er endra i høve til planen som vart vedteken 14. mars 2014. Konsekvensutgreiing må til dersom ein vil at areal som er LNF-område etter kommuneplan 2000-2012, skal verta byggeområde. Dersom ønsket om endring krev konsekvensutgreiing, krev det og planprogram. Dette følgjer av 4-1 første ledd i pbl. Eventuelt planprogram må på høyring før ein startar arbeidet med revidert plan. Om ein samanliknar plan 2000-2012 med 2012-2024, var det eit stor reduksjon av byggeområda. Revisjon 2015 aukar byggeområdet. All auke av byggeområdet gjeld areal som etter kommuneplan 2000-2012, var byggeområde. Eit område er endra frå LNF til LNF-spreidd slik det var i plan 2000-2012. Revisjon 2015 er difor slik at det ikkje er krav om konsekvensutgreiing. Nokre av grunneigarønska som kom då kommuneplan 2012-2024 var på høyring, krev konsekvensutgreiing i samsvar med andre ledd i 4-2 i pbl. Desse er det ikkje teke omsyn til. Vedtak om å legga kommunplan ut på høyring i samsvar med 11-14 i pbl, er ikkje delegert. Vedtak om dette må difor gjerast av kommunstyret. Høyringsfristen er minimum 6 veker Forslag til vedtak: Fedje kommune gjer vedtak om å legga arealdel av kommuneplanen med føresegner ( Revisjon 2015 ) ut til offentleg ettersyn. Høyringa gjeld berre dei endringar som er gjort i Revisjon 2015 sett i høve til planen slik den vart vedteken av kommunestyret den 14. mars 2013. På plankartet er det 13 endringar. Ei endring i føresegnene punkt 3.2. Formannskapet - 075/15 F - behandling: F - vedtak: Fedje kommune gjer vedtak om å legga arealdel av kommuneplanen med føresegner ( Revisjon 2015 ) ut til offentleg ettersyn. Høyringa gjeld berre dei endringar som er gjort i Revisjon 2015 sett i høve til planen slik den vart vedteken av kommunestyret den 14. mars 2013. På plankartet er det 13 endringar. Ei endring i føresegnene punkt 3.2. Samrøystes vedteke.

Kommunestyret - 042/15 K - behandling: K - vedtak: Fedje kommune gjer vedtak om å legga arealdel av kommuneplanen med føresegner ( Revisjon 2015 ) ut til offentleg ettersyn. Høyringa gjeld berre dei endringar som er gjort i Revisjon 2015 sett i høve til planen slik den vart vedteken av kommunestyret den 14. mars 2013. På plankartet er det 13 endringar. Ei endring i føresegnene punkt 3.2. Samrøystes vedteke.

Sakspapir Saksbehandler Arkiv ArkivsakID Grete Herøy FA - G67 15/315 Saksnr Utvalg Type Dato 043/15 Kommunestyret PS 03.09.2015 Helse Bergen Tenesteavtale 8 - svangerskap, fødsel og barselsomsorg Vedlegg: Tenesteavtale 8 m rutiner Tenesteavtale 8 til behandling i kommunestyra og styra i føretaket. rutiner tenestavtale 8 Saksutgreiing SUA - TA 8 med rutiner - 130515 Saksutgreiing: Bakgrunn Denne tenesteavtalen handlar om samhandling innan svangerskap fødsels- og barselomsorga, og er ein overordna avtale mellom Helse Bergen, Haraldsplass diakonale Sjukehus og dei 22 kommunane i lokalsjukehusområdet. Revisjon av avtalen er er sett i gang av fleire grunnar, ikkje minst etter innspel frå kommunane i Nordhordland. Avtalen gjeld for samhandling på område 5. 8 i Nasjonal rettleiar for lovpålagde avtalar mellom kommunar og føretak, Avtale om jordmortenester; heretter kalla Avtale om samhandling innan svangerskaps-, fødsels- og barselomsorga: - Korleis tilrådingane i «Et trygt fødetilbud» skal innfriast - Korleis tilrådingane i «Nytt liv og trygg barseltid for familien - retningslinjer for barselomsorga» skal innfriast - Korleis tverrfagleg samarbeid og utveksling av informasjon mellom nivåa skal ivaretakast - Korleis utviklinga av ei desentralisert og differensiert svangerskaps- fødsels- og barselomsorg skal gjennomførast - Samarbeidsarenaer - Følgjetenesta, herunder organisering av beredskap for Følgjeteneste For dei kommunane som har gravide og fødande med reiseveg over 1,5 time til fødeavdeling skal det inngåast særavtalar. Obstetrisk eining skal ta initiativet til å inngå slik særavtale der det er naudsynt.

Vurdering Avtalen er ei vidareføring og forbetring av den tidlegare inngåtte avtalen og utdjuping av rutinar knytt til svangerskap, fødsels og barselsomsorg. Ein svært viktig del for Fedje er særavtalen med tilbodet til dei som har lengre enn 1,5 timereiseveg. Det vart inngått særavtale mellom Fedje og Helse Bergen i mars 2013. Det er ført samtalar om revisjon og vidareføring av denne, og det arbeidet er på det næraste avslutta. Avtalen vert vidareført utan vesentlege endringar og innheld framleis det som er eit svært sentral punkt: Utdrag frå dagens særavtale: Folkehelse: Det er avgjerande at alle forhold rundt svangerskap, fødsel og barsel omsorg er godt ivaretatt. Avtalen skal sikra at alle fødande får ein optimal tenestetilbod på alle nivå. Miljø Økonomi : Avtalen har ingen økonomiske konsekvensar Konklusjon Tenesteavtale 8 har blitt utarbeida/revidert med verknad frå fagfolk og Samarbeidsutvalet sluttar seg til den saman med rutiner for gjennomføring. Det er grunn til å gå inn for det arbeidet som er gjort og tilrådinga frå Samarbeidsutvalet. Den lokale særavtalen blir vidareført og sikrar viktige forhold for fødande frå Fedje. Fedje kommune har tidlegare inngått avtale med Austrheim om jordmorteneste, som framleis gjeld Forslag til vedtak: Fedje kommune vedtek Kommunestyret - 043/15 K - behandling:

K - vedtak: Fedje kommune vedtek "Tenesteavtale 8 - Samhandling innan svangerskaps-, fødsels-og barselomsorga". Samrøystes vedteke.

Sakspapir Saksbehandler Arkiv ArkivsakID Vidar Bråthen FE - 200 15/392 Saksnr Utvalg Type Dato 078/15 Formannskapet PS 25.08.2015 044/15 Kommunestyret PS 03.09.2015 Verksemdsmelding per 2. kvartal 2015. Vedlegg: Verksemdsmelding pr 2 kvartal 2015 Saksutgreiing: Bakgrunn Verksemdsmeldinga for 2. kvartal i år ligg føre. Rapporten vert lagt fram for politisk handsaming etter avtale med K. Avtalt rutine i mange år. Vurdering Verksemdsmeldinga er tidsmessig samordna med kvartalsrapporteringa etter avtale med K. Innarbeidd rutine. Målet er å utveksla informasjon om oppfølging og gjennomføring av viktige samfunnsoppgåver ofte politiske bestillingar. Meldinga skal vera ei ærleg oppsummering og status for det arbeidet som skjer i eigen regi. Rutinemessige oppgåver er ikkje tekne med i denne opplistinga. I den grad prosjekt og el. viktig arbeid vert utsett i tid, skal dette kommenterast særskilt. Rapporten er ført i penn av den enkelte budsjettansvarlege i kommunen. Alle har eige ansvar for oppdatering / ajourføring av meldinga som ligg tilgjengeleg på fellessidene til kommunen. Verksemdsmeldinga viser ein status for viktige arbeidsoppgåver i eigen regi. Eg oppfattar dette som ein god og nyttig arbeidsform. Rapporten er tematisk bygd op, og den er halde i ein kortfatta form. Rapporteringa er godt tilpassa krav og bindingar frå eksterne instansar. Konklusjon: Rapporten er meint å vera ein kortfatta gjennomgang av arbeid i eigen regi per første halvår 2015.

Meldinga er tilpassa krav og bindingar frå eksterne instansar. Arbeidet er ført i penn av våre budsjettansvarlege. Forslag til vedtak: Kommunen tar saka til orientering. Formannskapet - 078/15 F - behandling: Nye innspel: Fedje har tannlege ut oktober 2015 Nytt legevaktsnummer pr. 1. september 2015 - omlegging Fellesmerknad: Mangelfullt og uryddig vedlegg - få orden på vedlegget før saka leggjast fram for Kommunestyret. F - vedtak: Kommunen tar saka til orientering. Samrøystes vedteke. Kommunestyret - 044/15 K - behandling: K - vedtak: Kommunen tar saka til orientering. Samrøystes vedteke.

Sakspapir Saksbehandler Arkiv ArkivsakID Vidar Bråthen 15/390 Saksnr Utvalg Type Dato 045/15 Kommunestyret PS 03.09.2015 079/15 Formannskapet PS 25.08.2015 Rekneskapsrapport 2. kvartal 2015. Vedlegg: Økonomiske oversikter 2 kvartal 2015 Saksutgreiing: Bakgrunn Det ligg føre rekneskapsrapport for 2. kvartal 2015. Fast og innarbeidd rutine. Rapport med kommentarar følgjer saka. Ny standard. Avvik og tendensar vert kommentert her. Rekneskapsarbeidet her er forankra i kommunen sitt økonomireglement og årshjul. Vurdering Rapporten tar for seg utviklinga i utgifter og inntekter per 2. kvartal 2015. Dette er eit viktig styringsverktøy for oss alle. Saka er førelagt alle budsjettansvarlege i kommunen for uttale. Alt av merknader er lagt inn rapportvedlegget etter ein felles standard. Ev avvik vert kommentert særskilt med forslag til inndekning. Talmaterialet ligg lett tilgjengeleg på nettet for dei av våre tilsette som har eit oppfølgingsansvar. Rakneskapsrapportane er faste tema i våre leiarmøte. Rapporten er eit avtalt rutine i kommunens årshjul som er forankra i kommunen sitt økonomi og finansreglement. Rapporten tar for seg tendensar og nøkkeltal på ansvarsnivå. Budsjettet legg opp til jamn aktivitet igjennom året. Slik er det ikkje alltid. I tillegg kjem interne transaksjonar og avskrivingar som først vert gjort på tampen av året. Dette påverkar ikkje sluttresultatet, men på einingsnivå kan dette lett få store utslag. Ser at dette er relevant for enkelte aktivitetar i pleie og omsorg i 2015. 2015 er eit krevjande år. Resultatet per 2. kvartal er ikkje ulikt fjoråret. Positivt: Inntektene aukar meir enn utgiftene. Samla forbruk ligg om lag på same kronenivå som fjoråret.

Samla driftsinntekter ligg 2% høgare enn same tidspunkt i fjor. Aktuelle budsjettkorrigeringar for 2015: Ansvar Budsjett Endring Nytt budsjett 4000 finansiering Lågt utbytte BKK Låg skatteinngang -800-14096 + 300 + 900-500 -13196 1300 IT ansvarleg Nytt utstyr grunnla lynnedslag og straumbrot 135 + 80 + 215 SUM +1280 Alle tal er i heile tusen. Inndekning: Ansvar Budsjett Endring Nytt budsjett 4000 Finansiering Rammetilskot -36575-900 -37475 2300 pleie og omsorgsleiar Budsjettert sjukeløn -114-380 -494 SUM -1280 Konklusjon Tilfredsstillande resultat per 2. halvår 2015. Ingen store overraskingar. Mindre positiv inntektsutvikling og stabil kostnadsutvikling Forslag til vedtak: Kommunen sluttar seg til dei budsjettendringar som her gjort. Kommunen tar saka til orientering. Formannskapet - 079/15 F - behandling: F - vedtak: Kommunen sluttar seg til dei budsjettendringar som her gjort. Kommunen tar saka til orientering.

Samrøystes vedteke. Kommunestyret - 045/15 K - behandling: "Økonomiske oversikter 2.kvartal 2015" vart delt ut av økonomiansvarleg i møtet. K - vedtak: Kommunen sluttar seg til dei budsjettendringar som her gjort. Kommunen tar saka til orientering. Samrøystes vedteke.

Sakspapir Saksbehandler Arkiv ArkivsakID Dagrun Gunnarson 15/414 Saksnr Utvalg Type Dato 046/15 Kommunestyret PS 03.09.2015 Eventuelt Saksutgreiing: Oddvar Nilsen Husa/Krf las opp eit innlegg med overskrifta "Småbåthavn/gjestehavn i fiskerihavna på Fedje". Han viste til at Fedje kommune saman med Samnøy maskin søkjer om å få leggja ut flytebryggjer i det djupaste området i fiskerihavna og farleia, og samstundes gjera Steinborgskaien ubrukeleg. Dette er han svært ueinig i. Husa sa at dette går ut over delegert mynde som omfattar "mindre endringar". Han sa at dette er endring av arealføremål, og difor ikkje kan verte sett på som ei "mindre endring". Oddvar Nilsen Husa bad om at saka vert utgreidd, og får politisk behandling i kommunestyret. Ordførar bad rådmannen orientere om saka. Rådmannen ved teknisk sjef informerte om at saka Husa tek opp juridisk sett er to saker: 1) Søknad om fornying/utviding av noverande bensinpumpeanlegg på Stenborgskaien til bunkersanlegg med bensin og to typar diesel. Samnøy Maskin har søkt om dette, og har fått løyve frå Fedje kommune via delegert vedtak. 2) Kjell Samnøy og Terje Storemark har kjøpt selskapet som eiger bygninga me kallar "Fryseriet" med tilliggande kai. Dei har søkt om løyve til å leggje ut flytebryggjeanlegg der. Dette vert regulert gjennom to lovar: A. Havne- og farvannslova. Det er Kystverket som handsamar søknadar om løyve etter denne lova, og dei har gjeve løyve. Fiskarlaget Vest sendte eit brev til Kystverket, og Kystverket har då utvida klagefristen til byrjinga av september. B. Plan- og bygningslova. Dette er ikkje handsama enno. Etter dette innspelet er det naturleg at saka kjem opp til politisk handsaming. Etter delegasjonsreglementet ligg dette til Formannskapet, og saka kjem opp der.

Forslag til vedtak: Kommunestyret - 046/15 K - behandling: Ingen votering over saker under eventuelt. K - vedtak: Ingen votering.

Sakspapir Saksbehandler Arkiv ArkivsakID Dagrun Gunnarson 15/414 Saksnr Utvalg Type Dato 047/15 Kommunestyret PS 03.09.2015 Uttale om framtida til sjøtrafikksentralen på Fedje Saksutgreiing: Forslag til vedtak: Kommunestyret - 047/15 K - behandling: Ordførar delte ut forslag til uttale om framtida for sjøtrafikksentralen på Fedje. K - vedtak: Framtida for sjøtrafikksentralen på Fedje: Regjeringa har ved Samferdselministeren valt å utgreia samanslåing av Sjøtrafikksentralane i landet, med mogleg konsekvens at Fedje Sjøtrafikksentral vert føreslått nedlagt, og flytta til Rogaland. Den maritime overvakinga av eit av Nord-Europas mest trafikkerte og risikofylte farvatn, vert i dag styrt frå Fedje Sjøtrafikksentral. Denne sentralen har med si plassering midt i overvakingsområdet, svært gode føresetnader for å ha kontroll med skipstrafikken, både elektronisk og visuelt. Over halvparten av alle tankskip på norskekysten er innom Fedjesentralen sitt overvakingsområde. På Fedjesentralen står høgkompetent maritimt personell for overvaking, rettleiing og risikovurdering av trafikken i området døgnet rundt. For Fedje kommune er det avgjerande for sjøtryggleiken i vårt område, at Fedje Sjøtrafikksentral vert oppretthalden som i dag. Fedje kommune ber Regjeringa ved Samferdselministeren leggja denne ballen død ein gong for alle, og ikkje bidra til å skapa uro rundt sjøtryggleiken i fylket vårt. Samrøystes vedteke.