PASIENTINFORMASJON VED olboge REKONSTRUKSJON
MÅL MED OPERASJONEN Mål med operasjonen er å oppnå strekkeevne i olbogen. OM OPERASJONEN Sener og musklar vert «omkopla» frå ei sene/muskel med funksjon til ei sene/muskel med tapt funksjon. Dette kallast senetransposisjon. Musculus deltoideus, som dannar konturen på skuldera, nyttast som donormuskel for å gjenskape strekkevne i olbogen. Ved å transponere delar av bakre del av deltoideus til tricepssena, kan ein oppnå dette. Bakre tredjedel av deltoideus er kort, og ein må difor forlenge med eit fritt senetransplantat frå leggen (vanlegvis tibialis anterior sena, eventuelt fascia lata frå låret), slik at ein får gjort koplinga på tricepssena nede ved olbogen. FØR OPERASJONEN Før innlegginga blir du kontakta av sjukepleiar ved Ortopedisk avdeling for informasjon om rutinar for blære- og tarmfunksjon, generelt hjelpebehov samt behov for spesialmadrass. Hugs å informera sjukepleiar om personleg assistent skal vera med. ENDRA HJELPEBEHOV Restriksjonane etter operasjonen fører til eit større hjelpebehov. Det er viktig å informere heimetenesta om at det alltid skal vere to personar tilstades i forflytning i 10 veker etter operasjonen, der den eine har ansvar for å ivareta armen sin stilling. Etter operasjonen kjem du til å vere avhengig av ulike hjelpemiddel for å overhalde gjeldande restriksjonar. Desse hjelpemidla bør vere utprøvde og fungere før operasjonen: - Elektrisk rullestol må ha køyrekonsoll montert på motsett side av operert arm - Elektrisk rullestol bør ha tiltfunksjon for trykkavlastning - Eit segl med kort rygg ved forflytning i personløftar for å ta vare på armen sin stilling Etter operasjonen kjem du til å sitte i elektrisk rullestol med den opererte armen plassert på ei spesialtilpassa armstøtte (sjå bilete). Denne armstøtta blir bestilt av fysio-/ergoterapeut ved regional spinaleining minst fire veker før operasjonen og blir påmontert av Hjelpemiddelsentralen der du bur. DAGEN FØR OPERASJONEN Du blir innlagt på Ortopedisk avdeling dagen før operasjonen. Du må vere i avdelinga før kl 12. Lege og sjukepleiar tar i mot deg, og du vil få snakke med anestesilege, kirurg, ergoterapeut og fysioterapeut. ETTER OPERASJONEN Etter operasjonen blir armen gipsa, og dagen etter operasjonen blir gipsen erstatta av ei lang armskinne. SKINNE Armskinna som blir tilpassa dagen etter operasjonen strekker seg frå armhole til handledd. Skinna sikrar riktig stilling for olbogen og skal brukast heile døgnet i fire veker etter operasjonen. Etter fire veker blir skinna erstatta med ei dynamisk skinne som tillet gradvis bøying i olbogen. Denne skal også brukast heile døgnet til det har gått 10 veker etter operasjonen. Fysioterapeuten på di regionale spinaleining gir opplæring i korleis denne skal vere innstilt på dagtid og om natta. 2 3
RESTRIKSJONAR Fylgjande restriksjonar gjeld etter operasjonen i 10 veker: - Bruk skinne heile døgnet - Armen skal ha minimum 20 grader avstand ut frå kroppen, og skal ikkje førast framover eller innover mot kroppen, og kan difor ikkje leggast i fanget - Armen skal ikkje lyftast meir enn 45 grader framover - Bruk elektrisk rullestol med spesialtilpassa armstøtte - Ikkje belast armen ved forflytning - Inga styrketrening biletet. Det er viktig at ikkje seglet blir pressa oppi armhola. Der skal alltid vere ein person som berre har ansvar for armen under all forflytting i 10 veker etter operasjonen. ARMEN SIN STILLING I LIGGANDE Når du ligg i senga skal du ha ei pute mellom kroppen og armen. Du kan også ha ei pute under armen for å motverke heving. Du skal ikkje ligge på den opererte sida, og du skal heller ikkje føre armen innover mot eller framfor kroppen (sjå bilete). DAGLEGE AKTIVITETAR Ved påkleding er det enklast å byrje med den opererte armen. Når du skal dusje, kan du bruke ein plastpose over den opererte armen for å beskytte skinna og operasjonssåret. FORFLYTNING Elektrisk rullestol med spesialtilpassa armstøtte må brukast i 10 veker etter operasjonen. Armen skal vere plassert i armstøtta når du sit i rullestolen for å beskytta senene, og for å oppnå eit best mogleg operasjonsresultat. Ved forflytning skal personløftar brukast. Armen skal plasserast utanfor seglet som vist på TRENING startar dagen etter operasjonen og består av små muskelsamantrekkingar av operert muskel fire gongar dagleg dei fire første vekene. Du får opplæring på sjukehuset, og er sjølv ansvarleg for å gjennomføre treninga når du er heime. Ved utskriving får du med deg informasjon om restriksjonar, trening og vidare oppfølging. Heimetenesta i kommunen, fysioterapeut og/eller ergoterapeut på di regionale spinaleining blir også kontakta for denne informasjonen. 4 5
Fire veker etter operasjonen blir du innlagt på spinaleininga, der du får ny skinne og startar med aktiv bøy og forsiktig strekk av olbogen. OPERASJONSVEKA Måndag Innleging før kl 12 Innskriving Tysdag Onsdag Torsdag Fredag Operasjon Gipsfjerning Hevelsebehandling Tilpassing av skinne Sjekk av skinne, eventuelt etterjustering Forflytning og avlastningsteknikk Heimreise KONTAKTINFORMASJON Spesialfysioterapeut Anett Myhre Kallevik, Fysioterapiavdelinga, tlf 55 97 29 09. Ergoterapeut Møyfrid Kalvenes, Ergoterapiavdelinga, tlf 55 97 60 52. Spesialergoterapeut Bodil Stokke, Ergoterapiavdelinga, tlf 55 97 50 08. tetrateamet Professor Leiv Hove, Ortopedisk avdeling Overlege Rakel Sif Gudmundsdottir, Ortopedisk avdeling Overlege Eivind Strandenes, Avdeling for plastikkirurgi Lege i spesialisering, Truls Rokne Hanestad, Ortopedisk avdeling Spesialfysioterapeut Anett Myhre Kallevik, Fysioterapiavdelinga Ergoterapeut Møyfrid Kalvenes, Ergoterapiavdelinga Spesialergoterapeut Bodil Stokke, Ergoterapiavdelinga Notater VIDARE OPPFØLGING PÅ REGIONAL SPINALEINING Du blir innlagt for trening ca. fire veker etter operasjonen. Etter seks og tolv månader kjem du til poliklinisk kontroll. Anna Ved teikn til infeksjon i operasjonssår etter heimreise, ta direkte kontakt med Ortopedisk avdeling tlf 55 97 37 70 6 7
www.helse-bergen.no Haukeland universitetssjukehus Telefon: 05300 xxxxxxx - Bergen Grafisk as