PLAN FOR SOSIAL KOMPETANSE HORPESTAD SKULE ANSVAR EMPATI SJØLV- KONTROLL SAMARBEID SJØLV- HEVDING Respekt Omsorg Tryggleik
HORPESTAD SKULE Med blikk for den enkelte og læring i fokus. Våre verdiar og vårt elevsyn: Vi meiner at respekt, omsorg og tryggleik, er dei viktigaste faktorane for elevane si læring og trivsel på Horpestad skule. Respekt Elevane opplever at vi omtalar kvarandre positivt, og er rause med oppmuntringar og rettleiing. Elevane tar ansvar, og er i eit miljø prega av mangfold og kreativitet. Omsorg Elevane opplever omsorg frå både vaksne og medelevar. Fokus på relasjonar. Alle blir sett og møtt med smil kvar einaste dag. Tryggleik Elevane skal bli sett, og oppleve eit forutsigbart miljø med gode rutinar. Elevane møter tydelege, rause vaksne, og dei får oppgåver dei kan meistre.
Vårt læringssyn På Horpestad skule har vi eit sosiokulturelt syn på læring. Vi meiner læring er ein sosial prosess der kvar elev lærer i samspel med omgjevnadane. Kunnskapen er distribuert mellom menneske ved at dei kan ulike ting og har ulike eigenskapar, som alle er nødvendige for forståinga av heilheita. I eit slikt læringssyn er det viktig å tilpasse undervisinga etter elevane sine forutsetningar, slik at elevane opplever både meistring og utfordring. Samstundes skal det stillas tydelege forventningar til kvar elev. Ved å setja seg høge realistiske mål, reflektera over og vurdera eigen læring, kan elevane byggja sine eigne kunnskaper, ferdigheiter og haldningar. Det vil derfor vera behov for å kunne bruke ulike læringsstrategiar, og skulen må leggja til rette for modellering og samhandling. Skulen legg vekt på at elevane skal ha gode grunnleggjande ferdigheiter; lesa, rekna, uttrykkja seg munnleg og skriftleg og bruke digitale verkty. Samstundes skal elevane rustas til ei verd i stadig endring, og derfor oppmuntras til å tenkje kreativt og å tørre å prøve ut nye og kanskje usikre stiar på deira veg mot læring. ( illustrasjonsfoto frå ideakompetanse.no)
Den første delen av planen vår mot krenkjande åtferd handlar om forebygging. I desse forebyggingstiltaka ligg det mykje trening i sosial kompetanse. Mål: Alle elevar skal ha eit trygt arbeidsmiljø på skulen. Relasjon lærar- elev Læraren er ein tydeleg vaksen som bygger positive relasjoner til alle elevane, og som elevane har tillit til. Læraren viser tydeleg leiing slik at alle elevane er trygge i klassen. Kontaktlærar har faste VFL samtalar gjennom heile året, med fokus på faglege og sosiale mål. og det å utvikle eit positivt sjølvbilete hjå eleven Lærar har fokus på klassemiljøet og legg til rette for positive felles opplevingar. Relasjon elev- elev Lærar arbeider for å styrke klassemiljøet. Klassen skal arbeide med samarbeidsoppgåver, rollespel og liknande, i forhold til dei sosiale måla. Læraren gir elevane erfaring i å arbeide i ulike gruppesamansetningar. Samarbeid mellom skule og heim Arbeider for at denne relasjonen er prega av respekt, tillit og samarbeidsvilje. Kontaktlærar har jamn kontakt med heimen og dei føresette. Ha eit samarbeid som er prega av likeverd, som sikrar og utfordrar føresette til å ta medansvar i skulen. Skulen har eit ope og aktivt samarbeid med dei føresette som gruppe.samarbeidet blir sikra gjennom lovfesta samarbeidsorgan som FAU, SU, SMU og foreldremøter.
Skulestart Skulestarten skal vere ei forutsigbar, trygg og positiv oppleving for alle. Samversreglane på plakatane, ordensreglar og sosial kompetanse i fokus i oppstartveka.. Utvikle eit godt sosialt og fagleg miljø gjennom å lage klassereglar og arbeide medvite med Zippy, Steg for steg og Zero. Fast plass til alle elevane og god informasjon om alt som skal skje. Overgang mellom barnehage- skule Overgangen skal opplevast som kjent i god tid, og vere trygg for elevane. Rektor sender brev heim med innbyding til innskriving i januar. Rektor inviterer til besøksdag på skulen i mai/ juni ilag med framtidige fadrar. I mai/juni skal ein representant frå skulen, om mogleg kontaktlærar for nye 1. trinn til hausten, besøke barna i barnehagane som er aktuelle. Overlevering av mappe. Vi følger Klepp kommune sin plan for overføring til ungdomsskulen. Ved mistanke om mobbing eller krenkjande åtferd følger vi rutinane i planen.
Vi har hengt opp fire plakatar ved hovudinngangen, og dei finst i mindre format i klasseromma. Desse seier noko om korleis vi vil at det skal vere her på Horpestad skule.
Forventningar til elevar, føresette og tilsette på Horpestad skule. Forventningar til elevane: Respektere medelevar og vaksne. Halde ordensreglane og klassereglane. Gjere sitt beste, vere aktive og bidra positivt i timane. Vere inkluderande. Kome presis, opplagde og mette. Ta ansvar, gjere leksene. Forventningar til føresette: Gje elevane god oppdraging og læra dei folkeskikk. Framsnakke skulen og dei tilsette der. Sikre primærbehova til ungane sine Delta positivt i skule/heim samarbeid Vise interesse, følgje opp lekser og engasjere seg i elevane sin kvardag. Forventningar til skulen: Sjå og tilpasse til den einskilde elev. Vere førebudde til undervisning og møter. Profesjonelle, kompetente og engasjerte vaksne. Ha jevnleg kontakt med heimen etter behov. Gode klasseleiarar som bidrar til trivsel for elevane fagleg/sosialt.
Lokale fagplanar sosial kompetanse Eg har og kan visa empati Etter trinn: 2.trinn Kompetansemål: Eg kan trøsta når nokon er lei seg. Eg kan be om årsak. Eg kan godta et nei. Eg kan lytta til andre. Eg tar med alle i leiken. Eg kan visa omtanke og medkjensle. Eg deler med andre. Eg seier i frå dersom nokon blir plaga. Eg gjer mot andre som eg vil at andre skal gjere mot meg. 4.trinn Eg forstår forskjellen på uhell og når noko er gjort med vilje. Eg forstår at me er forskjellige og har ulike behov. Eg snakkar positivt til og om andre. Eg kan forstå korleis andre har det. Eg kan hjelpe når nokon treng det. 7.trinn Eg kan sjå ei sak frå ulike sider. Eg kan rosa og oppmuntra andre. Eg kan bli glad på andre sine vegne. Eg kan la andre sine behov kome framfor mine egne. Eg kan hevda meg sjølv - Sjølvhevding Etter trinn: Kompetansemål: 2.trinn Eg seier i frå dersom eg ikkje har det bra. Eg kan be om hjelp. Eg veit korleis eg kan kome inn i leiken. Eg kan fortelja om eg er sur/lei/trist/glad etc. 4.trinn Eg kan motstå press. Eg seier nei til noko eg veit er galt. Eg kan snakka høgt og tydeleg. Eg tar kontakt med andre på ein god måte. Eg kan snakka positivt om meg sjølv. Eg veit kva eg er flink til. 7.trinn Eg står for det eg meiner. Eg kan ta imot kompliment frå andre. Eg kan ta initiativ og kjem med forslag til idear. Eg kan ha augekontakt med den eg snakkar med. Eg kan setta meg mål og arbeida for å utvikla meg. Eg våger å ta ordet i gruppesamlingar.
Eg kan kontrollera meg sjølv-sjølvkontroll Etter trinn: 2.trinn Kompetansemål: Eg kan venta på tur. Eg rekker opp handa når eg vil ha hjelp / seie noko Eg godtar et nei. Eg kan lytte utan å avbryte. Eg endrar aktivitet i klasserommet på ein roleg måte. 4.trinn Eg vel gode løysningar når eg blir sint. Eg kan motstå freistingar frå andre. Eg kan takle motgang, frustrasjon og skuldingar. 7.trinn Eg kan ta imot korreksjon og endra åtferda mi etter det. Eg løyser konfliktar på ein god måte. Eg tar konsekvensane av det eg gjer. Eg kan følgje instruksjonar Eg kan samarbeide Etter trinn: 2.trinn Kompetansemål: Eg lyttar til andre. Eg delar med andre. Eg kan hjelpe andre. Eg helsar på folk eg møter. Eg godtar reglar som gjeld i leiken. 4.trinn Eg godtar grupper / læringsvenner som blir satt opp. Eg samarbeider med alle i gruppa. Eg brukar tida fornuftig når eg ventar på hjelp. Eg er positiv overfor andre. 7.trinn Eg er løysningsorientert i konfliktar. Eg har respekt for andre. Eg tar ansvar for tildelte oppgåver.
Eg kan ta ansvar Etter trinn: 2.trinn Kompetansemål: Eg følgjer klassereglane / skulereglane. Eg har orden i garderoben, i gangen, i sekken, på pulten, i hylla og i skuffa. Eg kjem inn på tida. Eg ber om lov før eg brukar andre sine ting. Eg lar andre få arbeidsro. 4.trinn 7.trinn Eg kan ta imot beskjedar. Eg svarer høfleg. Eg gjer alltid mitt beste. Eg kan innrømma feil og beklaga meg. Eg motstår freistingar frå andre. Eg er ein som andre kan stole på. Eg seier i frå dersom eg ser nokon ikkje har det greitt. Eg snakkar på ein fin/god måte unngår stygg språkbruk. Eg leverer arbeid til rett tid. Eg kan fullføra det eg har starta på. Eg er ein god rollemodell for dei yngre. Eg tar ansvar for handlingane mine. Eg tar vare på skulen sine ting. Eg tar ansvar for eige læring.