Telemark Bondelag Protokoll Utarbeidd av Arkiv: 022 Amund Johnsrud Til Kopi til Styret m. 1. vara 2. var, 3. vara Protokoll frå styremøte i Telemark Bondelag 27. oktober 2009 Tid: Tysdag 27. oktober 2009 kl. 11.00 Stad: Landbrukets hus, Gvarv Desse møtte: Kjell A. Sølverød (leiar), Tone Edland, Olav S. Nordbø, Jon Midtbø, Synne Vahl Rogn, Tove B.B. Hoppestad (1. vara) Borghild Hardang-Hanto (TBK), deltok fram til kl 13.00, under Orienteringssak 1. Forfall: Ingen Saker: Sak 01/09 Godkjenning av innkalling og sakliste. Styret godkjenner innkalling og saksliste. Sak 02/09 Godkjenning av protokoll frå førre styremøte Styret godkjenner protokoll frå styremøtet 30. september slik den ligg føre. Sak 03/09 Referatsaker 1. Kontaktmøte med FMLA, 22. Oktober Kjell og Amund deltok for TB. Gjennomgang av bruk av BU-midlane så langt i 2009, både for investerings- og tilretteleggingsmidlar. Større etterspurnad enn tidlegare år. Brukar opp ekstrapotten som kom ved jordbruksoppgjeret. Tildeling skjer i tråd med handlingsplanen. Styringsplanen blir prolongert, med i første omgang eitt år Starta diskusjonen rundt neste års handlingsprogram. FM varsla sterkare fokus på kontroll av utbetaling av produksjonstilskot Drøfta oppfølging av mjølkeundersøkinga Vil m.a. utfordre produsentlaga til engasjement kan få støtte til studiereiser. Innovasjon vil sjå på bruken av midlane og vurdere om enkelte mjølkesaker kan støttast noko meir.
2av 6 2. Svineinfluensa-situasjonen Amund hadde vore med på telefonmøte med Mattilsynets regionkontor for orientering om situasjonen. Førebels ikkje funne positive testresultat i Telemark. Fylkesbondelaget og Norsvin er oppmoda om å ta kontakt med og følgje opp brukaren i dei tilfelle der det blir påvist smitte i grisebesetningar. Kan vere ønske om hjelp til å handtere førespurnader frå media m.v. Spørsmål om prioritering av grisebønder i vaksinekøen. Er gått ut melding frå Folkehelseinsitituttet om at svinebønder bør få tilbod raskt etter at risikogruppene har fått. Dette bør takast opp med Fylkeslegen. Amund samordnar slik førespurnad med Norsvin. 3. Møte i Norsvin, 21. Oktober I Langesund. Kjell og Amund deltok. Grundige orienteringar om landbrukspolitikk, m.a. om kraftfôrøkonomien og prisnedskrivingstilskotet. Foredrag av Harald Milli og Johnny Ødegård, FK Agri. 4. AU-møte, 14. Oktober Kjell, Tone og Amund. Førebudde leiarmøteprogrammet, og fordelte innkomne lokallagsårsmøte. Drøfta samarbeidet med bondelaga i Agder. 5. Møte i samarbeidsrådet Aust, 7. Oktober På Gjennestad. Møte for dei organisasjonsansvarlege i samvirket og fylkesbondelaga. Amund deltok for TB. Behandla framlegg til budsjett for SR 2010. Budsjette skal vedtakast på årsmøtet i februar 2010. Ventar på endeleg avklaring frå Nortura om deira del av løyvinga. Tilskot til arbeid med Dyrsku n foreslått sett til kr. 65 000 mot kr. 70 000 i 2009. Drøfting av program for Treffpunkt Landbruk Øst, 28-29. oktober. 6. Yrkesmessa i Skien, 19-20. Oktober TB deltok igjen etter eit par års opphald. Hadde stand saman med Søve. Vart m.a. arrangert ein foreldrekveld, Tove deltok her. Ca 4000 elevar var innom. Brukte bilda frå Bondens møteplass, som design på standen. 7. C-sertifikat sprenging, fråsegner frå NB, TB, NSF Fråsegnene låg ved styrepapira. NB arbeider for å få eit drøftingsmøte om saka med Justisdepartementet. Zakarias Wingereid har vore med på eit oppslag om saka i Nationen. Han og Amund har også hatt kontakt med Østfold Bondelag om saka, og i nokon grad koordinert innspel til NB i høyringsrunden frå dei to fylkeslaga. 8. Sluttrapport IPT-konferanse, 21-22. januar 2009 Rapport til Fylkesmannen m/rekneskap for konferansen låg ved styrepapira. Styret merka seg dei framlagde referatsakene.
3av 6 Sak 04/09 Orienteringssaker 1. Oppfølging av mjølkeundersøkinga a. Orientering v/jonny Fjukstad, Tine Johnny Fjukstad, rådgivar i Tine Sør var invitert til styremøtet. han har m.a. jobba med det såkalla mjølkeprosjektet i Agder og Telemark i ein periode tidlegare. Fjukstad var invitert for å orientere om vilkår og rammer i mjølkeproduksjonen pr. i dag. Jf. styrets drøfting om det same på møtet i august. Han viste eksempel på driftsplanar og økonomiske kalkylar for enkeltbruk, og investeringsopplegg. Dette for å kunne samanlikne alternativ og handlingsrom for utvikling av mjølkeproduksjonen på føretaksnivå. Samandrag av kalkylane han viste, er lagt ved protokollen Fjukstad presenterte ein informativ gjennomgang av dei økonomiske rammevilkåra for mjølkeproduksjonen Han hadde med eit konkret talmateriale som ga bakgrunn for å vurdere dei ulike alternativa. Nokre stikkord frå ordskiftet knytt til Fjukstad si orientering: Økonomien er svak uansett modell for bruksutbygging, men kan vere at anslaga for å få betre drift og avdrått er sett vel konservativt i modellane. Ein del å hente på eigeninnsats og litt forenkla løysingar på bygg m.v. Vilkåra på det enkelte bruk og føresetnader hos brukaren kan vere avgjerande. Korleis er driftsøkonomien på bruket, sett under eitt? Best resultat der ressursane på garden kan nyttast i fleire produksjonar, fleire bein å stå på. Behov for brei og tverrfagleg og helst uavhengig rådgiving Nødvendig å leggje meir til rette for næringsklynger og gode produksjonsmiljø innanfor mjølk. Konvertering frå kyr til geit er eit alternativ i kjerneområdet for Tine Haukeli. Føresetnaden er at vi får aksept for konvertering 1:1 for dei små kyrmjølk-kvotene. Er truleg behov for ei samla pakke for satsing på kyrmjølk, der fleire ulike instansar bidrar saman. Vi må avklare at evt. kommunalt tilskot ikkje fører til avkorting på statlege tilskot. Ekstra driftstilskot, prisstøtte, og eiga investeringspakke i Telemark og Agder, realistisk? Om å greie å få folk til å sjå moglegheitene. Evt, særskilte ekstra tilskot i Telemark og Agder må følgjast opp med ei utvist vilje i fylket til å møte utfordringane TB ønskjer å delta i styringsgruppa for det planlagde rådgivingstilbodet som er skissert av Fylkesmannen, som oppfølging av spørjeundersøkinga blant mjølkeprodusentane.
4av 6 b. Om møte med Tine og Fylkesmannen, 26. oktober. Det var eit møte mellom Tine Sør, Fylkesmannen og TB den 26. oktober på initiativ frå Tine. Kjell, Olav og Amund deltok for TB. Tine Sør har tidlegare i haust gjorde vedtak om å utforme eigne tiltak for å styrkje mjølkeproduksjonen i Telemark: I møtet den 26. drøfta ein m.a. ekstra oppfølging av Tines produsentlag i Telemark, og målretting av investeringsverkemidlane. Viktig at IN held fram med å utnytte rommet i regelverket til å gi best mogleg investeringsstøtte til dei som satsar. 2. Kontakt og samarbeid med bondelaga i Agder Kjell og Amund møtte fylkesleiarar og organisasjonssjef i Aust- og Vest-Agder på møte 19. oktober i Evje. Føremålet var oppfølging og vidare arbeid etter det felles notatet som var skrive til Fylkesmannen i dei tre fylka tidlegare i haust (ref. 2009/00653/001). Jf orienteringssak på førre styremøte. På møtet i Evje drøfta fylkesleiarane korleis ein bør arbeide vidare for å konkretisere og fronte felles saker og krav, både overfor Norges Bondelag og mot styresmaktene. Ein ser for seg følgjande tiltak: Til NBs leiarmøte 4-5. nov.: Finne fram og referere til statistikk for våre fylke som grunngir behovet for særskilt satsing på og økonomisk styrking av landbruket i vår region. I første omgang innanfor mjølkeproduksjon, men også generelt på investeringssida. Førebu grunnlaget for å kome med slike krav til Jordbruksoppgjeret i 2010 Utvikle og omformulere notatet mot Fylkesmennene til bruk også mot politikarar frå våre fylke. I løpet av vinteren få ei møteavtale med Telemark og Agder sine representantar i Næringskomiteen på Stortinget (Terje Lien-Aasland, AP Telemark og Alf Holmelid, SV Vest-Agder Ha felles styremøte for styra i Telemark, Vest-Agder og Aust-Agder Bondelag. Lunsj til lunsj-møte 14. 15. desember. Lokalisering: Vest- Telemark. Formål: Bli kjent og drøfte arbeidet med å utforme felles krav mot enkelte område framfor jordbruksforhandlingane. Evt. ha med bolk med ekstern innleiar, også. Fylkesstyret drøfta opplegget rundt det fylkesvise samarbeidet, m.a. det å fronte spesifikke regionale og distriktsvise krav innanfor Norges Bondelag. Det må kunne aksepterast at fylkeslag gjere ein jobb med dette, og tar sine saker inn i t.d. leiarkonferanse og representantskapsmøte i NB. Vi ser at andre fylke og regionar gjer dette allereie, og at Telemark/Agder sine innspel er ein legitim del av den same debatten. Vi vil difor vidareføre og utvikle vidare dei innspela som er omtalt i brevet til Fylkesmannen, fram mot jordbruksforhandlingane i 2010. Dei innspela vil vi også bruke vidare i det politiske kontaktarbeidet vårt det komande året.
5av 6 3. Fordeling av årsmøte i lokallaga/saker frå ringerunden med lokallaga På styremøtet hadde ein gjennomgang av innkallingane til lokale årsmøte, og fordelte besøka mellom styremedlemmane. Det vart dela ut eit manus til bruk på for fylkesrepresentanten på møtet. Nokre stikkord frå ringerunden til lokallaga: Tida for leiarmøtet. Nokre ønskjer heller at vi legg det til fredag/laurdag Bondelaget må ha meir fokus på økonomien i husdyrproduksjonen. Prisauken på kraftfôr. Behovet for betre avskrivingsreglar Bruke meir av kornproduksjonen til biodrivstoff. 4. NBs skattekurs 18-20. november Programmet låg ved styrepapira. Kurset er på Skjærgården Hotell i Langesund. Det nærmar seg nå 120 påmelde, det er like bra og på line med tidlegare års kurs. Kjell blir med på delar av møtet. Vil ta initiativ for å følgje opp planane frå i fjor haust om meir samarbeid mellom kontora og behov for kompetanseheving og spesialisering innanfor den økonomiske rådgivinga. 5. Leiarmøtet 24-25. november AU arbeidde med rammeprogram på sitt møte 14. oktober. Orientering om kurset er sendt til lokallaga i skriv tidlegare i haust. 6. Nå er det min tur. Arrangement 8-9. januar 2010 Norges Bygdeungdomslag har i regi av prosjektet i Nå er det min tur, ønskje om eit samarbeid mot Telemark. Prosjektet ynskjer å få til samlingar som motiverar og viser moglegheiter for alle unge som er knytt til bygda generelt, men også spesielt i forhold til landbruket. Det skal være ei samling som skaper ei positiv glød blant dei som er der og at dei har med seg en ballast tilbake som de ikkje hadde då dei kom. Samlinga skal rettast mot unge menneske i alderen 16 30 år, med moglegheit for å opne for eldre. Vest-Telemark Næringsutvikling AS er teknisk arrangør. Ein ynskjer å få til samarbeid om å til eit best mogleg arrangement og då trengst ei mobilisering frå fylke, kommunar, lag og organisasjonar. Tove deltok for TB på eit planleggingsmøte om arrangementet i regi av VTNU. TB vert med som arrangør av arrangementet. det kom mange innspel på møtet der Tove deltok, og det må nå gjerast ein jobb for å konkretisere programmet. Ein vil halde hovudfokus på landbruket, men også trekkje inn tema om entreprenørskap og næringsutvikling. Ei utfordring for oss vaksne og få tak på kva det er som vil slå godt an hos ungdom på ei slik samling. Styret merkar seg dei framlagde orienteringssakene.
6av 6 Sak 35/09 Omsetningsordninga for mjølkekvoter, kyr Vedlagt styrepapira låg saksutgreiing frå Amund, samt oppsummering av rapport om ordninga med kvoteomsetning, utarbeidd av arbeidsgruppe framfor jordbruksoppgjeret 2007. Telemark Bondelag meiner at ei styrking av mjølkeproduksjonen i fylket krev målretta tiltak som betrar investeringsevna og driftsøkonomien hos den enkelte produsent. Når det gjeld omsetningsordninga for mjølkekvoter ser TB det som avgjerande viktig at fylket held fram som ein eigen region for omsetnad av mjølkekvotar kyr, og ikkje går inn i ein større geografisk eining. Ein bør foreslå ei viss samordning av regelverka for nyetablering av mjølkeproduksjon og for omsetnad og leige av kvotar. Siktemålet bør vere å gjere det enklare å få til nyetablering av mjølkeproduksjon i områda med størst nedgang i tal mjølkeprodusentar, slik som i Telemark. Vedtatt mot 1 stemme Ymse 1. Maskinførarkurs, arrangert av Bygdevis Spørsmål om det kurstilbodet som Bygdevis gir nå i haust er for mykje i konkurranse med tilsvarande hos LR Østafjells. Dette kurset i Bygdevis går etter omtrent same mal som tidlegare BSF-kurs, og tilskot av EB-midlar gjer det noko billegare enn LR sitt kurs. 2. Ysting på Dyrskuplassen Det vart stilt spørsmål ved om produksjonskjøkkenet på Dyrsku n kjøper geitemjølk til ysting, og at det skjer på bekostning av leveransane til produksjonen på Tine Haukeli. Det er ikkje tilfelle, men litt uklart kva andre aktørar gjer. Kjell sjekkar opp saka. 3. Om pålegg og kontroll for kjøtforedlingsbedrifter. Krava er omfattande og fører nå til at m.a. Edland Kjøt i Haukeli nå legg ned. Svært frustrerande at andre EU-land ser ut til å handtere desse pålegga meir fleksibelt enn norske styremakter. Dette svekkar tilhøva for å drive kjøtforedling i mindre skala i Norge. Kva med dei politiske måla om å stimulere småskala og lokal foredling i landbruket? Møtet heva kl. 16.20 Ved protokollen Amund Johnsrud