Hornindal kommune. Innkalling. Sakliste. Utval: Kommunestyret Møtestad: Dato: Tid: Kl. 15:00

Hornindal kommune Innkalling Utval: Kommunestyret Møtestad: Dato: 03.11.2016 Tid: Kl. 15:00 Den som har lovleg forfall, eller er ugild i nokon av sakene, må melda frå så snart råd er til tlf. 57879800 eller til post@hornindal.kommune.no, slik at varamedlem kan bli kalla inn. Varamedlem møter etter nærmare innkalling. Sakliste Sak nr. Sakstittel 055/16 Godkjenning av møteprotokoll 056/16 Referatsaker 057/16 Busetting av flyktningar 2017 - reduksjon av vedtak 058/16 Oppretting av fellesnemnd Hornindal - Volda 059/16 Val av fellesnemnd 060/16 Suppleringsval til Eldrerådet 2016-2019 061/16 Val av medlemar til felles forliksråd for kommunane Stryn og Hornindal 2017-2020 062/16 Høyring - Intensjonsplan for samanslåing av Sogn og Fjordane, Hordaland og Rogaland 063/16 Tematisk kommunedelplan for idrett friluftsliv og fysisk aktivitet 2015-2018 - handlingsplan for 2017 Hornindal 27.10.2016 Stig Olav Lødemel ordførar

Hornindal kommune Arkiv: FE - 033 JournalpostID: 16/10367 Saksbehandlar: Solfrid Otterdal Lien Dato: 21.09.2016 Saksframlegg Saksnr. Utval Møtedato 055/16 Kommunestyret 03.11.2016 Godkjenning av møteprotokoll Rådmannen sitt framlegg til vedtak: Møteprotokollen frå forrige møte vert godkjent.

Hornindal kommune Arkiv: FE - 033 JournalpostID: 16/10864 Saksbehandlar: Anne Elin Ekornesvåg Dato: 27.10.2016 Saksframlegg Saksnr. Utval Møtedato 056/16 Kommunestyret 03.11.2016 Referatsaker Underliggande sak: 1, Fråsegn til søknad om grensejustering Hornindal/Stryn. 2, Skjønnsmidlar på 1 mill til Nye Hornindal og Volda kommune Rådmannen sitt framlegg til vedtak: Meldingane vert tekne til etterretning slik dei ligg føre.

Hornindal kommune Arkiv: FA - F31, HIST - 13/56 JournalpostID: 16/10734 Saksbehandlar: Ann Kristin Langeland Dato: 18.10.2016 Saksframlegg Saksnr. Utval Møtedato 035/16 Utval for Oppvekst og Helse 25.10.2016 057/16 Kommunestyret 03.11.2016 028/16 Formannskapet 03.11.2016 Busetting av flyktningar 2017 - reduksjon av vedtak Andre dokument i saka: 10.10.2016 Busetting av flyktningar 2017 - reduksjon av vedtak Vedlegg i saka: 10.10.2016 Busetting av flyktningar 2017 - reduksjon av vedtak 1326299 Bakgrunn for saka Brev frå IMDI og Fylkesmannen i Sohn og Fjordane med oppmoding om å gjere vedtak om redusert mottak av flyktningar i 2017. Saksopplysningar I kommunestyresak 07/16 vart det gjort følgjande vedtak: «Hornindal kommune er positive til å ta imot inntil 17 flyktningar i 2017, og at det på nytt vert vurdert å ta imot einslege mindreårige». Dette vedtaket vart meldt inn til IMDI og Fylkesmannen i Sogn og Fjordane. I skriv frå dei, datert 10.10.16 kjem det fram at det i 2017 vil vere behov for å busette 13 000 flyktningar i Norske kommunar, kor av 1 100 er einslege mindreårige under 18 år. Busettingsbehovet er såleis lågare enn tidlegare plantal frå IMDI. Færre asylsøkjarar til Noreg og færre som vert innvilga opphald er hovudårsakeene til at behovet er gått ned. Med bakgrunn i dette ber dei Hornindal kommune om å redusere vedtaket til å busette 7 flyktningar i 2017. Dei ber også kommunen om å fatte presise vedtak om kor mange flyktningar kommunen skal busette, og at vedtaket ikkje inkluderar familiesameinte, eller har andre atterhald. Dette er naudsynt for å avvege ansvarsdelinga mellom kommunane. Drøfting Hornindal kommune har hittil i år busett 6 flyktningar. Dette er 4 ferre enn det ein har vedtak om. Hovudgrunnen til at ein ikkje har lukkast med å busetje fleire, knyter seg til utfordringar med å skaffe eigna bustadar. Ein har likevel von om å kunne busetje fleire før utgangen av året. Når det gjeld henvendinga frå IMDI og Fylkesmannen, så vil ein rå kommunestyret til å fatte vedtak

om mottak av 7 flyktningar i 2017. Dette meiner ein er eit realistisk tal i høve dei utfordringane kommunen har når det gjeld bustadspørsmålet. Hornindal kommune har per i dag tilsett flyktningkonsulent i 80 % stilling, og ein vil såleis ha dei naudsynte administrative ressursane som skal til for å kunne ta imot 7 flyktningar i 2017. Hornindal kommune står fast på tidlegare vedtak om at ein ikkje har ressursar i kommunen til å kunne ta imot einslege mindreårige flyktningar i 2017. Økonomiske konsekvensar Budsjett 2017 for flyktningtenesta er lagt fram med eit overskot, men ein tek her atterhald knytt til eventuell endring i talet på flyktningar, endringar i behov for sosialstønad og ikkje minst utfordringar knytt til å finne eigna bustadløysingar. Rådmannen sitt framlegg til vedtak: 1. Hornindal kommune vil busette 7 flyktningar i 2017. 2. Hornindal kommune kan ikkje ta imot einslege mindreårige flyktningar i 2017. Utval for Oppvekst og Helse 25.10.2016: Handsaming: UFOH- 035/16 Vedtak: Tilråding til kommunestyret: 1. Hornindal kommune vil busette 7 flyktningar i 2017. 2. Hornindal kommune kan ikkje ta imot einslege mindreårige flyktningar i 2017.

Hornindal kommune Arkiv: FE - 033 JournalpostID: 16/10372 Saksbehandlar: Ann Kristin Langeland Dato: 22.09.2016 Saksframlegg Saksnr. Utval Møtedato 029/16 Formannskapet 03.11.2016 058/16 Kommunestyret 03.11.2016 Oppretting av fellesnemnd Hornindal - Volda Linkar til rettleiarar om kommunesamanslåing på KMD si webside: https://www.regjeringen.no/no/tema/kommuner-ogregioner/kommunereform/verktoy/id2001824/ Vedlegg: Intensjonsavtalen mellom Hornindal og Volda. Bakgrunn for saka Det vert synt til kommunestyra i dei to kommunane sine vedtak om samanslåing av Hornindal og Volda. Det vert vidare synt til at fylkesmennene har slutta seg til dette i sine innstillingar. Fylkesmennene i Sogn og Fjordane og Møre og Romsdal oppmodar kommunane om så snart som råd kome i gang med planlegging av samanslåinga. Med bakgrunn i erfaringar frå andre kommunesamanslåingsprosessar, finn ein det føremålstenleg å opprette ei midlertidig fellesnemnd for å ivareta arbeidet med å byggje den nye kommunen fram til nasjonalt vedtak vert gjort. Det er kommunestyra som vel fellesnemnd. Val av representantar frå Volda kommune til den førebelse fellesnemnda vert lagt fram som eiga sak direkte for kommunestyret. I denne saka legg rådmannen opp til forslag til oppretting av nemnd og fastsetting av rammene for arbeidet i fellesnemnda. Saksopplysningar Det er Stortinget som gjer vedtak om samanslåing av kommunar. Som del av kommunereforma skal sak om kommunesamanslåingar handsamast i løpet av våren 2017. Endeleg vedtak med kongeleg resolusjon kjem hausten 2017. Arbeidet vi no gjer i Volda og Hornindal, for å følgje opp kommunestyra sine vedtak om samanslåing, er derfor førebels fram til Fylkesmannen (FM) kallar inn kommunestyra i Volda og Hornindal til felles møte for å stadfeste samanslåing av kommunane.

Vi er no kjent med at FM i Møre og Romsdal tilrår at det bør etablerast ein kommune i grenseområdet mellom Møre og Romsdal og Sogn- og Fjordane basert på samanslåing av Volda, Ørsta og Hornindal. Det er ikkje kome politiske signal frå nokon av kommunane om at ein vil ta opp att drøftingane med Ørsta om samanslåing, og arbeidet framover mot endeleg vedtak i Stortinget vert inntil vidare å basere seg på at det er Volda og Hornindal kommunar som skal slåast saman frå 01.01.2020. Ordførarane og rådmennene i Volda og Hornindal hadde eit møte 9. september for å drøfte korleis ein skulle kome i gang med prosessen for Hornindal og Volda. Med bakgrunn i erfaringar frå andre kommunesamanslåingsprosessar vart det konkludert med at første steg vil vere å få oppretta ei førebels fellesnemnd. Kommunesamanslåing er eit stort endrings- og omstillingsarbeid. Det er mykje som skal gjerast fram mot 1.1.2020. Det viktigaste er å sikre ein god struktur og å bli samde om ambisjonsnivået for arbeidet. Intensjonsavtala er eit viktig dokument som legg føringar for arbeidet. Den formelle prosessen med å bygge ny kommune, startar etter at det er fatta vedtak i Stortinget våren 2017. Fellesnemnda, som skal gjennomføre samanslåinga, er ikkje formelt etablert før etter dette. Ei førebels fellesnemnd kan derfor ikkje fatte vedtak som legg bindande føringar for den nye kommunen, før dei formelle prosessane er gjennomført i regi av fylkesmannen etter nasjonalt vedtak. I perioden fram til nasjonalt vedtak, er det likevel svært viktig at kommunane arbeider med prosessane. Røynsle frå andre kommunesamanslåingar viser at det viktig å komme i gang tidleg, og at mykje bør vere på plass så tidleg som mogleg. Fram til nasjonale vedtak er Volda og Hornindal kommune juridisk og økonomisk ansvarlege for dei vedtak som vert gjort. Drøfting Fellesnemnda som er etablert er førebels og har funksjon som eit interimstyre. Å slå saman 2 kommunar er ei stor oppgåve. Røynsle frå tidlegare samanslåingar har synt at god prosjektorganisering og god prosjektleiing er viktige suksessfaktorar. God og tydeleg rollefordeling mellom politikk og administrasjon er ein annan suksessfaktor. I rettleiaren frå KMD er to av råda: 1. Sørg for at prosjektleiar er på plass så tidleg som mogleg. Det bør tidleg takast stilling til om prosjektleiar skal vere rådmann for den nye kommunen. Fellesnemnda må få myndigheit til å få dette på plass. 2. Klare mandat og fullmakter til fellesnemnda, partssamansett utval, arbeidsutval,prosjektleiar og arbeidsgrupper er avgjerande viktig for å få til klar politisk styring og ein effektiv og god prosess. Det er naturleg at den førebelse fellesnemnda vurderer om det skal tilsetjast prosjektleiar før det er gjort vedtak i Stortinget våren 2017. Vidare er det naturleg at den førebelse fellesnemnda vurderer om dette skal vere den komande rådmannen i den nye kommunen. Den førebelse fellesnemnda kan førebu prosess for rekruttering av prosjektleiar og ev komande rådmann. Sjølve tilsetjinga av prosektleiar som ev også skal vere komande rådmann må skje i begge kommunestyra. Kommunaldepartementet rår til at slik tilsetting seinast er gjort i august 2017 for i det minste ha tid nok til å gjennomføre samanslåinga før 2020. Inndelingslova opnar for at fellesnemnda kan gje mynde til eit arbeidsutval til å gjere vedtak i einskildsaker, og i saker som ikkje er av prinsipiell karakter. Dette kan ikkje delegerast til ei førebels fellesnemnd, men det er naturleg at den førebelse fellesnemnda førebur forslag til reglement for den formelle fellesnemnda, og som kommunestyra kan godkjenne i møtet som fylkesmannen kallar inn til etter at Stortinget har gjort vedtak.

Den førebelse fellesnemnda bør så tidleg som mogleg fastsette framdriftsplan med milepælar for sitt arbeid. Ein prosjektplan for omstilling og oppbygging av ny kommune må vere tidleg på plass. Milepælar og ansvar er viktig for god styring og leiing. Rådmannen rår til at det vert oppretta ei førebels fellesnemnd på 10 medlemmer. Intensjonsavtalen mellom dei to kommunane seier i punkt 12 at det skal vere 3 medlemmer frå kvar av kommunane. Det kan vere tenleg at fellesnemnda er breiare samansett, og rådmanenn rår til at den vert på 10 medlemmer. Ut frå intensjonsavtalen skal det vere lik representasjon frå dei to kommunane. Det vert fremja eiga sak om val av medlemmer til nemnda direkte for kommunestyret. Førebels fellesnemnd får følgjande fullmakt og oppgåver: Gjere førebuingar og planlegging fram til Stortinget har gjort vedtak om samanslåing av kommunane Hornindal og Volda, jfr Inndelingslova 4. Leggje fram innstillingar fram for kommunestyra der det er ynskeleg med vedtak i planleggingsperioden. Disponere statlege løyvingar (inkl ev forskottering) som vert gitt til reformprosessen. Disponere personell i samband med planleggings- og kartleggingsarbeid (arbeidsgrupper mv) frå kommunane Kommunestyret må ta stilling til kva godtgjersle som skal gjelde for medlemmene. Det kan vere aktuelt å til dømes leggje til grunn ein av kommunane sine godtgjerslevilkår for sitt formannskap. Det kan vere naturleg å bruke reglementet til den største kommunen. Det er politikarane sjølve som fastset godtgjersle for medlemmene i politiske utval, så rådmannen legg til grunn at kommunestyret tek stilling til dette under handsaming av saka. Fylkesmannen i Møre og Romsdal har i si innstilling om kommunereforma rådd til at Hornindal, Volda og Ørsta slår seg saman. Kommunestyrevedtaka i Volda og Ørsta går imot samanslåing mellom desse to kommunane, og intensjonsavtalen er oppheva. Kommunestyrevedtaka går parallelt med fylkesmannen si innstilling til Kommunaldepartementet for vidare handsaming fram mot Stortinget som gjer endeleg vedtak i juni 2017. Det er pr tidspunkt heilt usikkert kva Stortinget vil gjere, og dersom Ørsta vert tvangsamanslege med Volda og Hornindal, så må ein forhalde seg til det og tilpasse det vidare i prosessen. Med bakgrunn i fylkesmennene si oppmoding om at Hornindal og Volda kjem igang snarast, samt det formidable arbeidet ein slik prosess representerer, så treng ein tida. Rådmannen rår derfor til at kommunane etablerer førebels fellesnemnd og kjem i gang med arbeidet. Økonomiske konsekvensar Reformstøtta vert utbetalt på tidspunkt for samanslåing, dvs. nasjonale vedtaket. Ny kommune Volda og Hornindal får kr 5 MNOK i reformstøtte. Til dekning av eingongskostnader i reformperioden, som er etter at ny kommune er etablert, er 20 MNOK. Fylkesmannen i Møre og Romsdal gjev i perioden 2016-2019 kr 1 mill i tilskot til prosjektarbeidet.

Rådmannen sitt framlegg til vedtak: 1. Kommunestyret vedtek å opprette ei førebels fellesnemnd på 10 medlemmer med 5 frå Hornindal kommunestyret og 5 frå Volda kommunestyre, jfr Kommunelova 27. Etter at Stortinget har gjort vedtak om samanslåing av Hornindal og Volda er intensjonen at fellesnemnda får sitt mandat frå kommunestyra med heimel i Inndelingslova 26. 2. Førebels fellesnemnd får følgjande fullmakt og oppgåver: Gjere førebuingar og planlegging fram til Stortinget har gjort vedtak om samanslåing av kommunane Hornindal og Volda, jfr Inndelingslova 4. Leggje fram innstillingar fram for kommunestyra der det er ynskeleg med vedtak i planleggingsperioden. Disponere statlege løyvingar (inkl ev forskottering) som vert gitt til reformprosessen. Disponere personell i samband med planleggings- og kartleggingsarbeid (arbeidsgrupper mv) frå kommunane 3. Den midlertidige fellesnemnda skal konstituere seg innan utgangen av november 2016. 4. Det vert fastsett slik godtgjersle for medlemmene i fellesnemnda:... 5. Rekneskapsføring og ev lønsutbetaling vert lagt til Volda kommune og dekt statleg tilskot. 6. Som revisor for den midlertidige fellesnemnda vert Sunnmøre kommunerevisjon IKS vald. 7. Intensjonsavtala mellom Volda og Hornindal vert å legge til grunn for arbeidet med å etablere ei ny kommune frå 1.1.2020. 8. Det er ein føresetnad at Volda kommunestyre gjer likelydande vedtak.

Hornindal kommune Arkiv: FE - 033 JournalpostID: 16/10614 Saksbehandlar: Ann Kristin Langeland Dato: 10.10.2016 Saksframlegg Saksnr. Utval Møtedato 059/16 Kommunestyret 03.11.2016 Val av fellesnemnd Saksopplysningar I tråd med Inndelingslova 26 kan oppnemning av fellesnemnd fyrst skje etter at Stortinget har handsama proposisjonen våren 2017. For at ein skal kunne starte byggjearbeidet i påvente av Stortinget sitt vedtak, synes det fornuftig å formalisere ei midlertidig fellesnemnd. Bakgrunn for saka Som følgje av vedtak i kommunestyra i Volda og Hornindal om ei samanslåing av dei to kommunane frå 01.01.2020, vert det tilrådd å oppnemne ei midlertidig fellesnemnd. Vedtaka byggjer på tidlegare vedteken intensjonsavtale om ei samanslåing. Økonomiske konsekvensar Utgifter til møtegodtgjersle. Drøfing Medlemmane i nemnda skal veljast av og blant medlemmane i kommunestyret, og nemnda vel sjølv leiar og nestleiar. I intensjonsavtalen kjem det fram at kvar av kommunane skal ha 3 representantar i nemnda. Dette kan synast som eit lågt tal, og ein vil fremje framlegg om at kvar av kommunane får 5 representantar inn i nemnda. Kommuneloven sine reglar om kjønnsmessig balanse gjeld også i dette tilfellet, det vil seie at det skal vere minst 40% menn/kvinner i utvalet. Den midlertidige fellesnemnda sine oppgåver følgjer av intensjonsavtalen. Det vil også bli fremma ei eiga sak om mandat for den midlertidige fellesnemnda. Ein bør ha som mål at den midlertidige fellesnemnda konstituerer seg innan utgangen av november.

Avtaleval/forholdstalsval Kommunelova fastset at valet skal skje som forholdstalsval når minst eitt medlem krev det, og elles som avtaleval, jf 36 forholdstalsval - listeforslag, 37 - Forholdstalsval - valoppgjer og 38a - Avtaleval. 36. Forholdsvalg - listeforslag. Ved forholdsvalg følges denne framgangsmåten: 1. Valg foregår på grunnlag av på forhånd innleverte lister med forslag til kandidater. Partier eller grupperinger som er representert i det velgende organ, kan bare levere ett listeforslag hver. Listen kan inneholde inntil dobbelt så mange forskjellige navn som det skal velges medlemmer. Kandidater fra ett parti eller en gruppering kan bare føres opp på partiets eller grupperingens listeforslag, eller på en fellesliste som utgår fra flere partier eller grupperinger. 2. Skal det velges to eller tre medlemmer, skal hvert kjønn være representert på den enkelte liste. Skal det velges fire eller fem medlemmer, skal hvert kjønn være representert med minst to. Skal det velges seks til åtte medlemmer, skal hvert kjønn være representert med minst tre. Skal det velges ni medlemmer, skal hvert kjønn være representert med minst fire, og skal det velges flere medlemmer, skal hvert kjønn være representert med minst 40 prosent. Ved valg til folkevalgte organ som etter lov bare består av medlemmer av kommunestyre eller fylkesting, og ved valg av arbeidsutvalg for folkevalgte organ, skal disse reglene følges så langt som mulig. Når det gjelder representasjon av begge kjønn i styret i selskaper som er eid av kommuner og fylkeskommuner i fellesskap, vises til kapittel 12 A. 3. Listeforslaget skal være underskrevet av minst ett medlem av det parti eller den grupperingen som framsetter forslaget. Den som underskriver må være medlem av det velgende organ. Foreslås kandidat som kan kreve seg fritatt for valg, skal det være innhentet samtykke fra denne. Røystinga skal vere skriftleg, og det skal brukast røystesetlar. Det er høve til å røyste blankt. Følgjande endringar kan gjerast på røystesetlane: Stryke kandidatar Endre på rekkefølgja mellom kandidatar Ein kan ikkje føre opp kandidatar frå andre lister, eller føre opp kandidatar som ikkje er sett opp på noko framlegg. Rådmannen rår til at det blir vald ei midlertidig fellesnemnd som skal ivareta arbeidet med å bygge den nye kommunen i påvente av Stortinget sitt vedtak våren 2017. Rådmannen sitt framlegg til vedtak: Hornindal kommunestyre vel. som medlemmer og som varamedlemmer til den midlertidige fellesnemnda.

Hornindal kommune Arkiv: FE - 033 JournalpostID: 16/10839 Saksbehandlar: Solfrid Otterdal Lien Dato: 26.10.2016 Saksframlegg Saksnr. Utval Møtedato 060/16 Kommunestyret 03.11.2016 Suppleringsval til Eldrerådet 2016-2019 Bakgrunn for saka Karsten Oppheim har i brev datert 20.09.16 bede om fritak for å vere medlem i Eldrerådet Saksopplysningar I Ksak 081/15 vart det valgt Eldreråd for perioden 2016 2019, 5 medlemar med personlege varamedlemar Leiar Liv Dønvold vara Laila Lødemel Karsten Oppheim vara Ragnhild Kvåle Lødøen Kjell Tvinnereim vara Svein Lillestøl Bjørg Espe vara Helga Kirkhorn Kristian Leivdal vara Jon Otterdal Drøfting Slik rådmannen vurderar saka, kjem søknaden frå Oppheim inn under fritaksgrunnar som er heimla i Kommunelova 15.2. Valnemnda har kome med framlegg til ny fast medlem i staden for Karsten Oppheim, med personleg varamedlem: Ragnhild Kvåle Lødøen vara Nils Haugen. Pensjonistlaget har rett til å kome med framlegg til medlemar i Eldrerådet. Ein har hatt kontakt med Stryn og Hornindal pensjonistlag v/eivind Skjerven, som ikkje har innvendingar mot framlegget frå valnemnda. Økonomiske konsekvensar Ingen økonomiske konsekvensar Rådmannen sitt framlegg til vedtak: Med heimel i Kommunelova 15.2 får Karsten Oppheim fritak frå vervet som medlem i Eldrerådet for resten av perioden. Ragnhild Kvåle Lødøen går inn som fast medlem med Nils Haugen som personleg varamedlem.

Hornindal kommune Arkiv: FE - 033 JournalpostID: 16/10838 Saksbehandlar: Solfrid Otterdal Lien Dato: 26.10.2016 Saksframlegg Saksnr. Utval Møtedato 061/16 Kommunestyret 03.11.2016 Val av medlemar til felles forliksråd for kommunane Stryn og Hornindal 2017-2020 Bakgrunn for saka Det skal velgast medlemar til felles forliksråd for kommunane Stryn og Hornindal for perioden 2017 2020. Saksopplysningar I Ksak 079/12 vart det vedteke å opprette eit felles forliksråd for Stryn og Hornindal. Rådet skal ha til saman 3 medlemar og 5 varamedlemar i rekkefølgje, der Stryn kommune oppnemner 2 medlemar og 3 varamedlemar og Hornindal kommune oppnemner 1 medlem og 2 varamedlemar. Leiaren skal velgast blant medlemane frå Stryn kommune og nestleiar blir Hornindal kommune sin medlem i rådet. Det er fylkesmannen som oppnemner det endelege forliksrådet i samsvar med kommunane sine vedtak og i medhald av domstollova 58. Drøfting For perioden 1. januar 2013 til 1. januar 2017 valde Hornindal kommune Astrid Berteig Svår som medlem og varamedlemar Elsa Eilertsen Raftevold og Anne Sollid. Likestillingslova gjeld ved slike val, og det vil tilligge Stryn kommune å oppnemne eit medlem av kvart kjønn. Ingen av medlemane har sagt frå seg attval, og Valnemnda har kome med fylgjande framlegg: Medlem: Astrid Berteig Svår Varamedlemar: Elsa Eilertsen Raftevold og Anne Sollid Politiet og skatteoppkrevjaren har vurdert medlemane i forhold til Domstollova 53, 56, 70, og 72. Det er ingen merknader til valet. Økonomiske konsekvensar Ingen økonomiske konsekvensar

Rådmannen sitt framlegg til vedtak: Som medlemar til felles forliksråd for kommunane Stryn og Hornindal for perioden 01.01.2017 til 01.01.2021 blir valde: Medlem: Astrid Berteig Svår Varamedlemar: Elsa Eilertsen Raftevold og Anne Sollid

Hornindal kommune Arkiv: FE - 002, HIST - 16/431 JournalpostID: 16/10841 Saksbehandlar: Ann Kristin Langeland Dato: 27.10.2016 Saksframlegg Saksnr. Utval Møtedato 062/16 Kommunestyret 03.11.2016 Høyring - Intensjonsplan for samanslåing av Sogn og Fjordane, Hordaland og Rogaland Vedlegg i saka: 25.10.2016 Intensjonsplan for samanslåing av Sogn og Fjordane, 1326612 Hordaland og Rogaland - høyringsbrev 25.10.2016 INTENSJONSPLAN FOR SAMANSLÅING AV SOGN OG 1326613 FJORDANE, HORDALAND OG ROGALAND 15.09.2016.PDF 25.10.2016 1B8E8F69-8947-48CF-89D7-00C6CDDCE333.PDF 1326614 25.10.2016 16097059.PDF 1326615 Bakgrunn for saka Sogn og Fjordane Fylkeskommune har lagt «Intensjonsplan for samanslåing av Sogn og Fjordane, Hordaland og Rogaland» ut på ei brei, offentleg høyring i perioden 26. oktober til 23. november. Fylkestinget legg intensjonsplanen ut på høyring for at innbyggjarar, organisasjonar, næringsliv og offentleg forvaltning skal få seie si meining i eit viktig spørsmål for samfunnsutvikling og tenestetilbod. Alle som ønskjer det kan uttale seg. Høyringsfristen er sett til 23.november 2016. Saksopplysningar Bakgrunnen for høyringa er at fylkestinget 18. oktober 2016 gjorde slikt vedtak: 1. Fylkestinget legg intensjonsplanen for samanslåing av Rogaland, Hordaland og Sogn og Fjordane ut på ei brei, offentleg høyring, der alle får høve til å sende høyringssvar, i perioden 26.10.-23.11.16. 2. Sogn og Fjordane fylkeskommune legg til grunn at fylkestinga i Rogaland og Hordaland også legg intensjonsplanen ut på høyring i sine fylke. Dersom ikkje alle tre fylkestinga gjer vedtak om høyring, får fylkesutvalet fullmakt til å vurdere om Sogn og Fjordane fylkeskommune skal starte ein dialog med fylkeskommunar som ønskjer å vurdere moglege nye regionløysingar. 3. Fylkestinget legg til grunn at nynorsk vert administrasjonsspråk som ei naturleg følgje av omtalen av nynorsk som viktig identitetsbyggjar. 4. Fylkestinget tek sikte på å gjere vedtak i høve vidare arbeid med regionreforma i desember 2016. Ein vil då ta stilling til om det er aktuelt å sende ein felles søknad til Stortinget om samanslåing av Sogn og Fjordane med andre fylkeskommunar. I høve fylkestinget sin føresetnad i punkt 2, har no fylkestinga i Hordaland (5. oktober) og Rogaland (25. oktober) vedteke å leggje intensjonsplanen ut på offentleg høyring. «Skriv her»

Drøfting Målet med høyringa er å få inn grunngjevne synspunkt, tydelege argument og konstruktive innspel til arbeidet med regionreforma. Vi ønskjer tilbakemelding frå kommunane, fylkesdekkande organisasjonar og andre. Intensjonsplanen bør belysast frå fleire sider og på ein grundig måte. Reforma får særleg konsekvensar for samhandlinga mellom kommunane, regionnivået og staten. Ved handsaminga av stortingsmelding 22 (2015-16) «Nye folkevalde regionar rolle, struktur og oppgåver» 8. juni 2016 framheva Stortinget at kommunane bør engasjere seg i reformarbeidet. Fylkeskommunen sitt utgangspunkt er at eit fleirtal på Stortinget, ved handsaminga av stortingsmelding 22, la til grunn at tal fylke skal reduserast frå 19 til om lag 10 regionar. Sogn og Fjordane fylkeskommune legg til grunn at fylket vårt ikkje skal delast, men eventuelt gå samla inn i ein ny og større region. Fylkeskommunen ber høyringsinstansane særleg om tilbakemelding på følgjande tema: Synspunkt på om Sogn og Fjordane bør vere med og søkje Stortinget om samanslåing av dei tre vestlandsfylka, slik den framforhandla intensjonsplanen legg opp til (jf. vedlegg 1). Synspunkt på ytterlegare krav og ønske som vi kan ta med oss i arbeidet med å utvikle ein eventuell vestlandsregion. Dette kan også vere supplement til «kravlista» som ligg i punkt 10 i nemnde intensjonsplan. Rådmann ber i denne samanheng kommunestyret i Hornindal om å kome med grunngjevne synspunkt på intensjonsavtalen, slik at desse kan danne grunnlag for ein høyringsuttale frå kommunen. Rådmannen sitt framlegg til vedtak: Administrasjonen får fullmakt til å utforme høyringsuttale frå Hornindal kommune i tråd med dei innspel som kommunestyret gjev.

Hornindal kommune Arkiv: FE - 144, HIST - 16/302 JournalpostID: 16/10428 Saksbehandlar: Ståle Hatlelid Dato: 26.09.2016 Saksframlegg Saksnr. Utval Møtedato 049/16 Utval for utvikling 28.09.2016 063/16 Kommunestyret 03.11.2016 Tematisk kommunedelplan for idrett friluftsliv og fysisk aktivitet 2015-2018 - handlingsplan for 2017 Vedlegg i saka: 27.09.2016 Eigengodkjent plan - sist korrigert november 2015 1326021 29.09.2016 UFU-utkast til handlingsplan - 2017, datert 28.09.2016 1326128 29.09.2016 DAGSTURHYTTE 3.JUNI 2016 1326121 29.09.2016 _k2_16096053_2 1326122 29.09.2016 _k2_16099245_3 1326123 Sakstilfang Plan og bygningslova. Arealdelen til kommuneplanen for Hornindal. KS 039/14 Revisjon av kommunal plan for idrett- friluftsliv og fysisk aktivitet 2015 2018. Kultur og kyrkjedepartementet føresegner om tilskot til anlegg for idrett og fysisk aktivitet 2016 (V-0732 B). Kommunal plan for idrett, friluftsliv og fysisk aktivitet 2015-2018 m/ utkast til: 1. Liste uprioriterte anlegg 2. Anleggsregister Hornindal kommune 11.1 Handlingsplan ordinære anlegg 2017 11.2 Handlingsplan nærmiljøanlegg 2017 11.3 Handlingsplan friluftslivtiltak 2017 1. Liste uprioriterte anlegg 2. Anleggsregister Hornindal kommune Saka gjeld Gjere vedtak om prioritert handlingsplan for 2017. Bakgrunn for saka Kommunen sin tematiske kommunedelplan for idrett, fysisk aktivitet og friluftsliv gjeld for perioden 2015 2018, og er politikarane sitt styringsdokument for å oppnå kommunen sine mål innanfor

idrett, fysisk aktivitet og friluftsliv. Handlingsplanen av dokumentet skal rullerast og vedtakast årleg, og er kommunestyret si prioriteringsliste for utbygging av ordinære anlegg, nærmiljøanlegg og anlegg til friluftsliv i fjellet. Det er ingen føresetnad at kommunen tek del i finansieringa av prioriterte anlegg, men i dei tilfelle dette skjer vil det alltid liggje føre eige kommunestyrevedtak på slik delfinansiering. For å kunne søkje om spelemidlar er det ein føresetnad at anlegget er med i kommunen sin handlingsplan, og i utkast til slik plan for 2017, datert 08.07.2016, er det teke med 7 ordinære anlegg, 11 nærmiljøanlegg, men ingen anlegg for friluftsliv i fjellet. Planen låg ute til offentleg ettersyn i 6 veker i juli og deler av august månad, og det kom inn to innspel: Kjøs Hytteforeining har fokus på Postvegen, og tek opp att merknaden frå 2015. Byggjesteg I - rehabilitering av Den Trondhjemske Postvei mellom Kjøs hyttefelt og Kjøsahalsen, inkl. lyssetjing. Byggjesteg II - rehabilitering av Den Trondhjemske Postvei mellom Kjøs hyttefelt og kryssing av kommunevegen i Nesa, inkl. lyssetjing. Byggjesteg III - rehabilitering av Den Trondhjemske Postvei mellom kommunevegen i Nesa og Øyebakken med kryssing under fylkesvegen, og tilknyting til Postvegen i Øyane og Sindre, inkl. lyssetjing. Byggjesteg II - rehabilitering av Den Trondhjemske Postvei mellom Kjøs hyttefelt og kryssing av kommunevegen i Nesa, inkl. lyssetjing. Byggjesteg III - rehabilitering av Den Trondhjemske Postvei mellom kommunevegen i Nesa og Øyebakken med kryssing under fylkesvegen, og tilknyting til Postvegen i Øyane og Sindre, inkl. lyssetjing. Hornindal idrettslag fotballgruppa ynskjer ei vidareføring av tiltaka som er knytt til Hornindal stadion (kunstgrasbana), men med endra oppdeling i byggjetrinn: Stadionhus trinn 2 - lager Stadionhus trinn 3 - dusj/garderobar (liste over uprioritert anlegg) Tribune Vurdering av innspela Kjøs hytteforeining ivrar for opprusting av Postvegen, og det med god grunn. Både på strekninga Kjøs hyttefelt - Kjøsahalsen og på strekninga Øyebakken Øen bør det gjerast tiltak for å betre tilkomsten. Nøyaktig kva som bør gjerast må utgreiast nærare, men rådmannen er særleg oppteken av at gåande og syklande som nyttar den kommunale vegen i Kjøspollen kan kome seg trygt vidare utan å krysse rv.15/ fv.60 på Øyebakken. Ei kort gang- og sykkelvegstrekning/ turveg på nordsida av riksvegen med tilknyting til Postvegen over Grotjønnbakken og vidare langs den gamle riksvegen, vil løyse dette problemet. Uavhengig kva tiltak som kan vere aktuelle enten ved Øyebakken eller langs Postvegen - bør både planlegging og evt. utbygging skje i eit nært samarbeid mellom Statens vegvesen (som eigar av Postvegen), grunneigarane i området, Sogn og Fjordane fylkeskommune - kulturavdelinga og kommunen. Rådmannen er også kjent med at Statens vegvesen i desse dagar arbeider med kartfesting (GPS) av Den Trondhjemske Postvei på heile strekninga frå Bergen til Trondheim. Etter rådmannen si vurdering er opprusting og tilrettelegging for turgåing i nærområdet eit svært viktig folkehelsetiltak, noko Postvegen på strekninga Skavikja Kjøsahalsen er eit godt eksempel på. Etter at denne strekninga fekk tildelt spelemidlar og vart opprusta på 1990-talet er dette kanskje det «anlegget» som har betydd mest for folkehelsa i kommunen. Eit «bevis» på dette er at turgåarar brukar denne vegen nær sagt kvar einaste dag gjennom heile året.

Anlegget bør flyttast over frå uprioritert liste til handlingsplan for nærmiljøanlegg 2017, og delast i to byggjesteg: Byggjesteg I: Opprusting av Den Trondhjemske Postvei på strekninga Kjøs hyttefelt Kjøsahalsen Byggjesteg II: Gang- og sykkelveg/ turveg frå Øyebakken - på nordsida av riksveg 15/ fv. 60 riksvegen i med tilknyting til Postvegen over Grotjønnbakken og den gamle området. Hornindal idrettslag fotballgruppa har lagt ned stor innsats i arbeidet med stadionhuset, og det at gruppa no ynskjer å prioritere lager fram for dusj og garderobar har rådmannen full forståing for. Stadionhuset skal dekke ei rekkje funksjonar, og byggjesteg I med klubbrom, kiosk, toalett m.m. er langt på veg ferdig. Prosjektet står på prioritert liste over ordinære anlegg, men førebels har anlegget ikkje fått tilsegn om spelemidlar. Rådmannen føreset difor at spelemiddelsøknaden for byggjesteg I vil bli fremja på nytt hausten 2016. For å kunne søkje om spelemidlar til lagerfunksjonen må byggjesteg II lager setjast opp på prioritert liste over ordinære anlegg. Samtidig bør byggjesteg III dusj/ garderobar førast opp på liste over uprioriterte anlegg. Fotballgruppa har også ført opp tribune som eige byggjesteg, men slik reglane er i dag vert det ikkje gjeve spelemidlar til dette. For fleire av prosjekta som står på prioriteringslista over ordinære anlegg er det ikkje søkt om idrettsfunksjonell førehandsgodkjenning, og rådmannen kjenner heller ikkje til at det er utarbeidd konkrete planar for desse anlegga. Likevel blir det feil å flytte dei over på uprioritert liste, men eit av prosjekta Sindre skytebane bør strykast frå lista då prosjektet vil bli gjennomført utan bruk av spelemidlar. Ut frå det som er nemnt over vil rådmannen rå til at handlingsplanen for 2017 vert justert slik: Ordinære anlegg Sindre skytebane blir teke ut av lista Stadionhus byggjesteg II lager ved kunstgrasbana vert ført opp på lista med prioritet 4 Ut over dette er det ikkje grunnlag for endringar i prioriteringslista for ordinære anlegg. Nærmiljøanlegg Byggjesteg I: Opprusting av Den Trondhjemske Postvei på strekninga Kjøs hyttefelt Kjøsahalsen Byggjesteg II: Gang- og sykkelveg/ turveg frå Øyebakken - på nordsida av riksveg 15/ fv. 60 med tilknyting til Postvegen over Grotjønnbakken og den gamle riksvegen i området. Begge byggjestega vert tekne inn på prioritert liste over nærmiljøanlegg, førebels på prioritert 12 og 13. Lista er elles uendra. Det betyr at klatrepark I og II står øvst på lista, og det blir fremja ny søknad om spelemidlar til desse anlegga hausten 2016.

Økonomiske konsekvensar Kostnadene med etablering av nye og rehabilitering av gamle idrettsanlegg har auka mykje i seinare tid, og fleire av anlegga krev store kommunale investeringar. Spelemidlane utgjer ein viktig del av finansieringa, og for å kunne kome i løyvingsposisjon for slike midlar må kommunen ha naudsynt plangrunnlag o.a. ajourført dokumentasjon som vedlegg til søknadene. Rådmannen sitt framlegg til vedtak: 1. I medhald av plan- og bygningslova 11-15 vert prioritert handlingsplan for 2017 vedteken med rådmannen sine endringar av 25.09.2016. Jf. vedlegg 11.1 11.4. 2. Kommunen sin økonomiplan skal vere styrande for gjennomføring av dei tiltak der handlingsplanen føreset kommunal delfinansiering Utval for utvikling 28.09.2016: Handsaming:, foreslått av, Omforeint framlegg til nytt pkt. 3: Dagsturhytte vert lagt inn i handlingsplanen 2017 - friluftslivstiltak Tilleggsutgreiing til kommunestyret Under møtet i Utviklingsutvalet den 28.09.2016 presenterte administrasjonen prosjektet "Dagsturhytte i kvar kommune". Prosjektet er bygd etter samme lest som klatreparkane, der finansieringa skjer ved bruk av spelemidlar, tilskot til Sparebankstiftinga og kommunal del (momsrefusjon). Prosjektet er ledd i tilrettelegging av fysisk aktivitet for alle, og stettar målformuleringar både i fylket sin regionale plan for idrett, fysisk aktivitet og friluftsliv 2016-2019, og kommunen sin Tematiske kommunedelplan for idrett, fysisk aktivitet og friluftsliv 2015-2018. Utviklingsutvalet rår til at prosjektet blir teken inn i kommunen sin handlingsplan for friluftslivstiltak 2017, under vedlegg 11.3. Sogn og Fjordane fylkeskommune - kulturavdelinga ber om tilbakemelding frå dei kommunane som er interessert i å etablere Dagsturhytter etter denne modellen. Nærare informasjon om prosjektet vert lagt inn som vedlegg til saka. UFU- 049/16 Vedtak: Tilråding til kommunestyret samrøystes:

1. I medhald av plan- og bygningslova 11-15 vert prioritert handlingsplan for 2017 vedteken med rådmannen sine endringar av 25.09.2016. Jf. vedlegg 11.1 11.4. 2. Kommunen sin økonomiplan skal vere styrande for gjennomføring av dei tiltak der handlingsplanen føreset kommunal delfinansieringdagsturhytte vert lagt inn i handlingsplanen 2017 - friluftslivstiltakdagsturhytte vert lagt inn i handlingsplanen 2017 - friluftslivstiltak 3. Dagsturhytte vert lagt inn i handlingsplanen 2017 - friluftslivtiltak