Helsestasjonen i Volda vil gjerne foreslå Bra mat kurs for innvandrar til innovasjonsprisen 2015. Kurset er ei vidareutvikling av Bra mat kurs konseptert frå helsedirektoratet som vi har tilpassa innvandrargruppa. Fleire avdelingar i opplæring og oppvekst samarbeider om kurset. Kurset er ei innføring i sunt kosthald og kvifor dette er anbefalt. Ved å gjere små endringar i kosten kan ein oppnå store helsegevinstar og dermed førebyggje ulike sjukdomar som er knytt til levevanar. Bra mat kurset bygger på norske retningsliner og internasjonal forsking om ernæring og fysisk aktivitet. Kurset har smaksprøver undervegs og i praktisk matlaging lagar ein mat knytt til dei ulike tema.
Bakgrunn: Helsedirektoratet har utvikla kurskonseptet og arrangerte i november 2008 kursleiar kurs i Volda. Bra mat kurs har vore arrangert i Volda sidan 2009. Folkehelsekoordinator Berit Koen har vore ein svært viktig pådrivar for å få til bra mat kursa i Volda både i forhold til det praktiske, økonomiske og i gjennomføringa av kursa. Ho heldt det første Bra mat kurset for innvandrar saman med ei helsesøster. Kurskonseptet er svært informativt og praktisk. Det gir god innføring i kostråda og har fokus på små endringar som kan gi stor helsegevinst. Bra mat kurset frå Helsedirektoratet er eit kurs med 5 samlinga. Vi såg at kurset kunne vere supert for innvandrargruppa og vi vidareutvikla kurset slik det er i dag med annan kvar gong teoretisk og praktisk matlagingskurs med 8 samlingar på 2 timar. Vi brukar tolk etter behov. Sidan 2011 har vi hatt eigne bra mat kurs for innvandrar 2 gongar i året. Deltakarane får kvar si oppskriftsbok.
Samarbeid: Kurset er eit samarbeid mellom Volda læringssenter, helsestasjonen og innvandrarkontoret som koordinerer kurset. Helsestasjonen har ansvar for teoridelen og lærar ved Volda læringssenter underviser i den praktiske matlagingsdelen. Kurset blir i hovudsak finansiert gjennom ekstratilskot og gjennom stillingsressursar ved helsestasjonen og læringssenteret. Vi opplever at undervisning i grupper er tidssparande i høve til individuell kostveiledning. Kurset kan bidra til at ein tileigna seg gode vanar tidleg når ein etablerer seg i ein ny kultur. Kurset gir god språktrening. Kurskonseptet har vore etterspurt: To helsesøstre frå helsestasjonen i Volda vart i 2012 invitert av helsedirektoratet til Nasjonal konferanse for Frisklivssentralar i Stavanger. Der fortalde dei deltakarane om våre erfaringar med Bra mat kurs for innvandrarar. Helsesøstrene har òg vore innleigd av kommunar i Møre og Romsdal for å halde kursleiarkurs. På forskningsdagane i år var Bra mat kurset eit av innlegga, under kjem presentasjonen frå brosjyre til forskningsdagane: BRA MAT Kosthald og ernæring er viktige element i folkehelsearbeidet, og Volda kommune har integrert Helsedirektoratet sitt "BRA MAT" kurs i skuletilbodet til flyktningar og asylsøkjarar. Volda læringssenter, innvandrarkontoret og helsestasjonen samarbeider om kurs vår og haust. BRA MAT-kurset er tilpassa minoritetsspråklege, og kurset kombinerer teori, praktisk matlaging og smaksprøver. Ved behov vert det brukt tolk, som er eit godt tiltak for å få inn både norsk språk, kommunikasjon om sunn mat og utveksling av matkultur.
Under forskingsdagane er det høve til å få meir kjennskap til BRA MAT kurset. I tillegg til informasjon om BRA MAT-kurset, vert det orientering om og omvising ved Volda læringssenter, og eit innlegg om ulike sider ved sosial ulikskap i helse. Så er det sett av god tid til smaksprøver og myldring. Arrangementet på Volda læringssenter er eit samarbeid mellom Høgskulen i Volda, Volda læringssenter, helsestasjonstenesta og folkehelsekoordinatoren i Volda kommune. PROGRAM Orientering om Volda læringssenter: Kjell Tore Aarstad, Volda læringssenter Sosial ulikskap i helse: Randi Bergem, ASF Høgskulen i Volda BRA MAT introduksjon til BRA MAT- kurset: Ann Elin Lillebø og Palma Kristin Håvik, helsesøstrer Volda kommune Smaksprøver og myldring Tysdag 22. september, kl. 13-15 Volda læringssenter, Hamnegata 20 Evaluering frå deltakarane etter Bra mat kurs: Det har vore god deltaking på kursa. Deltakarane er positive og motiverte for å lære. Det brukar å vere mange spørsmål og diskusjonar på samlingane. Etter kvart kurs er det evaluering og på kursa kom det blant anna følgjande fram frå deltakarane sjølve: Tidlegare gikk eg i butikken og handla, no går eg i butikken og ser på varedeklarasjon: feitt, fiber osv. Eg tenker annleis på butikken. Eg likar godt grønsaksuppe, salat med makaroni osv. som vi laga. Har laga det same heime etterpå, både mannen og borna likte det godt. Eg har begynt å ete frukost før eg går på skulen, det gjorde eg ikkje før. Eg drikk meir vatn gjennom dagen. Eg har redusert sukker mengda i te frå 7 ts. til 2 ts. pr. kopp. Eg har lært kva mjølketypar eg bør velje til borna mine og om ulik feittinnhald i ulike mjølketypar.