Oppmøte på den kommunale kaien i Årskog, for synfaring i Håkonar næringspark.

Fitjar kommune Møteinnkalling Utval: Formannskapet Møtestad: Kommunestyresalen, Fitjar rådhus Dato: 18.05.2016 Tid: 14:00 Oppmøte på den kommunale kaien i Årskog, for synfaring i Håkonar næringspark. Grunna forfall vert å melda til kundetorget på tlf 53 45 85 00, som syt for innkalling av varamedlemar. Varamedlemar møter kun etter særskild innkalling. Innkalling er sendt til: Namn Funksjon Representerer Wenche Tislevoll Ordførar H Agnar Aarskog Varaordførar AP Arne Prestbø Medlem H Sigurd Andre Maraas Medlem FRP Dagfinn Brekke Medlem KRF Varamedlemar Funksjon Representerer Vigdis Røen Leirvik Varamedlem AP Terje Træet Varamedlem H Grete Marit Veka Maraas Varamedlem SP Harald Rydland Varamedlem KRF Etter synfaringa vert ordinært møte halde på rådhuset. Johannes Sandvik vil halde ei kort orientering om status Kulturhistorisk formidlingssenter. Det vert servert mat i møtet. Wenche Tislevoll Ordførar Bente Fitjar møtesekretær Side1

Saksnr Innhald Lukket PS 32/16 PS 33/16 PS 34/16 Godkjenning av protokoll Fitjar Fjordhotell AS - søknad om utvida skjenketid utandørs i samband med revyframsyningar Uravrøysting tariff og lokale forhandlingar PS 35/16 Årsmelding og årsrekneskap 2015 PS 36/16 Finansforvaltningsrapport 1.tertial 2016 PS 37/16 PS 38/16 Verknad av nytt inntektssystem Najonal transportplan PS 39/16 Søknad om fritak for eigedomsskatt for 2016 X PS 40/16 PS 41/16 Ymse Meldingar Side2

Fitjar kommune Arkivkode: 033 Saksmappe: 2016/2 Sakshandsamar: Bente Fitjar Dato: 04.05.2016 Godkjenning av protokoll SAKSFRAMLEGG Utval sak Utval Møtedato 32/16 Formannskapet 18.05.2016 Vedlegg: Protokoll frå møte 21.04.2016. Framlegg til vedtak: Formannskapet godkjenner protokoll frå sist møte. Atle Tornes Rådmann Side3

Fitjar kommune Møteprotokoll Utval: Formannskapet Møtestad: Kommunestyresalen, Fitjar rådhus Dato: 21.04.2016 Tid: 11:00 16:00 Faste medlemmer som møtte: Namn Funksjon Representerer Wenche Tislevoll Ordførar H Agnar Aarskog Varaordførar AP Arne Prestbø Medlem H Sigurd Andre Maraas Medlem FRP Dagfinn Brekke Medlem KRF Forfall: Namn Funksjon Representerer Varamedlemmer som møtte: Namn Møtte for Representerer Frå administrasjonen møtte: Namn Stilling Atle Tornes Rådmann Andreas Moe Larsen Ass. rådmann Anne Berit Hovstad Johansen Helse- og sosialsjef Trond Salmo Økonomisjef John Karsten Raunholm Skulesjef Tore Nesbø Avd. ingeniør drift Wenche Tislevoll ordførar Agnar Aarskog Dagfinn Brekke Bente Fitjar møtesekretær Side4 1

Saksnr Innhald Lukket PS 20/16 PS 21/16 PS 22/16 PS 23/16 PS 24/16 PS 25/16 PS 26/16 PS 27/16 Godkjenning av protokoll Høyring - etablering av tvisteløysingsmekanisme for tvistar mellom stat og kommune Eigarmøte Sunnhordland interkommunale miljøverk IKS Lege-/helsesenter i kommunen - val av løysing Utleige av plassar i sjukeheim til Stord kommune Auka personalressursar til flyktningetenesta. Gartneritunet Søknad om stønad til Fitjarfestivalen PS 28/16 Startlån X PS 29/16 PS 30/16 Ymse Meldingar PS 31/16 Personalsak X Møtet var innleia med informasjon om SIM, ved dagleg leiar Terje Gilje og nestleiar i styret, Rune Sandvik. Leiar ved Litlabø mottak, Håkon Frode Særsten informerte om vilkår og økonomi dersom det vert etablert flyktningmottak i Fitjar kommune. Innkalling og sakliste godkjent utan merknader. Representantane Agnar Aarskog (AP) og Arne Prestbø (H) tok opp møtetidspunktet. PS 20/16 Godkjenning av protokoll Framlegg til vedtak: Formannskapet godkjenner protokollen frå sist møte. Behandling i Formannskapet - 21.04.2016: Vedtak: (Samrøystes) Som framlegg. PS 21/16 Høyring - etablering av tvisteløysingsmekanisme for tvistar mellom stat og kommune Framlegg til vedtak: Fitjar kommune er grunnleggjande positiv til framlegga i høyringsnotatet, og støttar i hovudsak KS sin høyringsuttale i saka. Fitjar kommune meiner lovframlegget vil styrka kommunar sitt høve til å vinna fram i interessekonfliktar høvesvis statlege organ. Ulikskapen i vurderingar frå ulike statlege organ (til dømes ulike fylkesmenn) i like saker gjer at det er naudsynt å ha høve til rettsleg prøving av desse organa sine vedtak. Side5 2

Eit spørsmål er om det skal opprettast særskilde organ eller om rettsapparatet skal nyttast. Fitjar kommune meiner at rettsapparatet skal nyttast for desse sakene. Fitjar kommune er positiv til framlegget om endringar i forvaltningslova 34, som vil styrkja det kommunale frie skjønn. Ein ønskjer i tillegg å gje ein nærare uttale til nokre spørsmål: Kapittel 3.9.2: Fitjar kommune støttar KS si løysing for å sikra omsynet til føreseielege velferdstenester for innbyggjarane. Kapittel 3.10: Departementet sitt framlegg er etter Fitjar kommune sitt syn sjølvmotseiande. Dersom kommunen vinn fram i retten, men ikkje har lov til å gjera om vedtaket i tråd med rettsvurderinga, må det vera høve til å krevja kostnadane ved vedtaket dekka av staten. Kapittel 4.4: Fitjar kommune støttar framlegg B, og meiner endringane fyrst vil ha praktisk verknad om kommunane kan få prøvd statsorganet sine vurderingar av om saka «er av nasjonal eller vesentleg regional betydning, eller av andre grunner er av vesentlig betydning for vedkommende organs saksområde», jf. 5-5 fyrste ledd. Det er desse spørsmåla det er knytt største usemje om mellom stat og kommune. Behandling i Formannskapet - 21.04.2016: Ass. rådmann Andreas Moe Larsen orienterte om bakgrunn for saka. Vedtak: (Samrøystes) Som framlegg. PS 22/16 Eigarmøte Sunnhordland interkommunale miljøverk IKS Framlegg til vedtak/tilråding: Formannskapet tek orienteringa frå selskapet til vitande. Formannskapet rår kommunestyret til å gjera følgjande vedtak: Kommunestyret gjev utsendingane til representantskapet i Sunnhordland interkommunale miljøverk IKS følgjande mandat: Behandling i Formannskapet - 21.04.2016: Formannskapet drøfta saka, og kom med følgjande tillegg til mandat under tilrådinga: Fitjar kommune ser med uro på evt arbeidsplasser som kan forsvinna frå Svartasmoget med tanke på flytting av administrasjon. Vedtak/tilråding: (Samrøystes) Formannskapet tek orienteringa frå selskapet til vitande. Formannskapet rår kommunestyret til å gjera følgjande vedtak: Kommunestyret gjev utsendingane til representantskapet i Sunnhordland interkommunale miljøverk IKS følgjande mandat: Fitjar kommune ser med uro på evt arbeidsplasser som kan forsvinna frå Svartasmoget med tanke på flytting av administrasjon. Side6 3

PS 23/16 Lege-/helsesenter i kommunen - val av løysing Framlegg til tilråding: Utval for oppvekst og omsorg rår formannskapet til å gjera fylgjande vedtak: Formannskapet rår kommunestyret til å gjera fylgjande vedtak: Fitjar kommune vel ei delt løysing med helsestasjon i eksisterande lokale, og legesenter i tannlegefløyen på FBB. Investeringsramma på 3,9 mill vert auka til 4,2 mill. Kommunestyret gir løyve til oppstart av tiltaket. Subsidiert(dersom ein ynskjer samla løysing): Formannskapet rår kommunestyret til å gjera fylgjande vedtak: Fitjar kommune vel ei samla løysing med helsestasjon og legesenter i Todlak/Larsenbygget. Ordførar får fullmakt til å skriva under leigekontrakt med Investeringsramma på 3,9 mill vert auka til 8,2/10,0(10,5) mill. Kommunestyret gir løyve til oppstart av tiltaket. Behandling i Utval for Oppvekst og omsorg - 12.04.2016: Rådmann Atle Tornes orienterte om saka. Utvalet drøfta saka grundig. Representanten Harald Rydland (KRF) kom med følgjande framlegg til tilråding: Formannskapet rår kommunestyret til å gjera fylgjande vedtak: 1. Fitjar kommune vel ei samla løysing med helsestasjon og legesenter i Sparebankbygget. 2. Ordførar får fullmakt til å skriva under leigekontrakt med Todlak AS i tråd med det som kjem fram i saksutgreiinga. 3. Investeringsramma på 3,9 mill vert auka til 8,2 mill. 4. Kommunestyret gjev løyve til oppstart av tiltaket. Ved røysting fekk representanten Harald Rydland (KRF) sitt framlegg 3 røyster (SP, AP og KRF). Rådmannen sitt framlegg fekk 2 røyster (H), og fall. Det ligg etter dette føre slik; Tilråding til formannskapet: 3 røyster (SP, AP og KRF) mot 2 røyster (H) Formannskapet rår kommunestyret til å gjera fylgjande vedtak: 1. Fitjar kommune vel ei samla løysing med helsestasjon og legesenter i Sparebankbygget. 2. Ordførar får fullmakt til å skriva under leigekontrakt med Todlak AS i tråd med det som kjem fram i saksutgreiinga. 3. Investeringsramma på 3,9 mill vert auka til 8,2 mill. 4. Kommunestyret gjev løyve til oppstart av tiltaket. Side7 4

Behandling i Formannskapet - 21.04.2016: Rådmann Atle Tornes orienterte om status for saka, og svara på spørsmål frå formannskapet. Formannskapet drøfta saka, spesielt i høve økonomi. Representanten Wenche Tislevoll (H) la føre rådmannen sitt framlegg til vedtak: Fitjar kommune vel ei delt løysing med helsestasjon i eksisterande lokale, og legesenter i tannlegefløyen på FBB. Investeringsramma på 3,9 mill vert auka til 4,2 mill. Kommunestyret gir løyve til oppstart av tiltaket. Ved røysting vart framlegg frå Wenche Tislevoll satt opp mot tilrådinga frå utval for oppvekst og omsorg: 1. Fitjar kommune vel ei samla løysing med helsestasjon og legesenter i Sparebankbygget. 2. Ordførar får fullmakt til å skriva under leigekontrakt med Todlak AS i tråd med det som kjem fram i saksutgreiinga. 3. Investeringsramma på 3,9 mill vert auka til 8,2 mill. 4. Kommunestyret gjev løyve til oppstart av tiltaket. Ved røysting fekk representanten Wenche Tislevoll (H) sitt framlegg 4 røyster (H, Ap og FRP). Tilrådinga frå utval for oppvekst og omsorg fekk 1 røyst (KRF), og fall. Det ligg etter dette føre slik; Tilråding: (4 røyster (H, AP og FRP mot 1 røyst (KRF)) Fitjar kommune vel ei delt løysing med helsestasjon i eksisterande lokale, og legesenter i tannlegefløyen på FBB. Investeringsramma på 3,9 mill vert auka til 4,2 mill. Kommunestyret gir løyve til oppstart av tiltaket. PS 24/16 Utleige av plassar i sjukeheim til Stord kommune Framlegg til vedtak/tilråding: Utval for oppvekst og omsorg rår Formannskapet til å godkjenna «Avtale om bruk av plassar i sjukeheim» slik den ligg føre. Avtalen kan tre i kraft når båe partane har godkjent og signert avtalen. Behandling i Utval for Oppvekst og omsorg - 12.04.2016: Helse- og sosialsjef Anne Berit Hovstad Johansen presiserte at sum brutto inntekt i saksframlegget skal vera 2,2 mill, ikkje 2,0 som står i saka. Tilråding: (Samrøystes) Formannskapet godkjenner «Avtale om bruk av plassar i sjukeheim» slik den ligg føre. Avtalen kan tre i kraft når båe partane har godkjent og signert avtalen. Side8 5

Behandling i Formannskapet - 21.04.2016: Helse- og sosialsjef Anne Berit Hovstad Johansen orienterte. I lys av kapasitet på sjukeheimen, og kommunen sin økonomiske situasjon no, er dette ei forsvarleg løysing. Formannskapet drøfta saka. Administrasjonen kom med følgjande framlegg om tilleggspunkt til vedtaket: Rådmannen får fullmakt til å gjera mindre endringar i avtaleteksten dersom det er trong for det. Vedtak: (Samrøystes) Formannskapet godkjenner «Avtale om bruk av plassar i sjukeheim» slik den ligg føre. Avtalen kan tre i kraft når båe partane har godkjent og signert avtalen. Rådmannen får fullmakt til å gjera mindre endringar i avtaleteksten dersom det er trong for det. PS 25/16 Auka personalressursar til flyktningetenesta. Framlegg til vedtak/tilråding: Utval for oppvekst og omsorg rår Formannskapet til å oppretta ei ny stilling som flyktningkonsulent 60 % stilling frå 01.07.16. Stillinga skal finansierast i 2016, med kr. 170 000 av det ekstra tilskotet ein fekk i 2015. For 2017 må stillinga leggjast inn i ordinært budsjett Behandling i Utval for Oppvekst og omsorg - 12.04.2016: Helse- og sosialsjef Anne Berit Hovstad Johansen og skulesjef John Karsten Raunholm orienterte om bakgrunn for saka, og svara på spørsmål frå utvalet. Rådmann Atle Tornes presiserte at i pkt 2 i tilrådinga skal det stå: «for 2015» i staden for «ein fekk i 2015». Tilråding: (Samrøystes) Det vert oppretta ei ny stilling som flyktningkonsulent 60 % stilling frå 01.07.16. Stillinga skal finansierast i 2016, med kr. 170 000 av det ekstra tilskotet for 2015. For 2017 må stillinga leggjast inn i ordinært budsjett. Behandling i Formannskapet - 21.04.2016: Rådmann Atle Tornes og skulesjef John Karsten Raunholm orienterte om bakgrunn for saka. Formannskapet drøfta saka. Vedtak: (Samrøystes) Det vert oppretta ei ny stilling som flyktningkonsulent 60 % stilling frå 01.07.16. Stillinga skal finansierast i 2016, med kr. 170 000 av det ekstra tilskotet for 2015. For 2017 må stillinga leggjast inn i ordinært budsjett. Side9 6

PS 26/16 Gartneritunet Framlegg til vedtak/tilråding: Formannskapet rår kommunestyret til å gjera fylgjande vedtak: Kommunestyret vedtek oppstarting av arbeida med omsorgsbustader på Gartneritunet, steg 1 i prosjektet, i samsvar med saksutgreiing. Administrasjonen får fullmakt til å inngå avtale med Grunnaleite & Lindstrø prosjektservice as, om bygging av omsorgsbustadane, samt å forhandle fram oppdatert framdriftsplan for prosjektet. Administrasjonen får fullmakt til eventuelt å ta inn opsjonar i steg 2 i prosjektet, dersom dei vert vurdert som lønsame. Behandling i Formannskapet - 21.04.2016: Representanten Wenche Tislevoll (H) ba formannskapet vurdera hennar habilitet. Hennar mann har eigarinteresser i Engevik og Tislevoll AS, som er ein av tilbydarane. Representanten vart samrøystes erklært inhabil. Nytt saksframlegg og vedtak vart sendt på ipad før møtet, grunna presisering om forhandlingsheimel. Rådmann Atle Tornes orienterte om status for saka. Rådmannen endra sitt framlegg til vedtak som skal lyde slik: Formannskapet rår kommunestyret til å gjera fylgjande vedtak: Rådmannen får fullmakt til å ha ein kontraktsgjennomgang med Grunnaleite & Lindstrøm prosjektservice as. Oppdraget vert tildelt Grunnaleite & Lindstrøm prosjektservice as, dersom kontraktsgjennomgangen ikkje viser vesentlege feil og manglar med tilbodet. I slikt tilfelle kan det takast opp tingingar med Berge sag og trelast as, og Engevik & Tislevoll as, i nemnde rekkefølgje. Rådmannen får fullmakt til: å inngå endeleg avtale om bygging av omsorgsbustadane i steg 1 og å forhandle fram oppdatert framdriftsplan for prosjektet, samt førebels avtale å ta inn opsjonar i steg 2 i prosjektet, dersom dei vert vurdert som lønsame. Kommunestyret vedtek oppstarting av arbeida med omsorgsbustader på Gartneritunet, steg 1 i prosjektet, i samsvar med saksutgreiing. Eventuell avtale om bruk av opsjon og oppstart av steg 2 skal godkjennast av formannskapet. Tilråding: (Samrøystes) Rådmannen får fullmakt til å ha ein kontraktsgjennomgang med Grunnaleite & Lindstrøm prosjektservice as. Oppdraget vert tildelt Grunnaleite & Lindstrøm prosjektservice as, dersom kontraktsgjennomgangen ikkje viser vesentlege feil og manglar med tilbodet. I slikt tilfelle kan det takast opp tingingar med Berge sag og trelast as, og Engevik & Tislevoll as, i nemnde rekkefølgje. Rådmannen får fullmakt til: å inngå endeleg avtale om bygging av omsorgsbustadane i steg 1 og å forhandle fram oppdatert framdriftsplan for prosjektet, samt førebels avtale å ta inn opsjonar i steg 2 i prosjektet, dersom dei vert vurdert som lønsame. Kommunestyret vedtek oppstarting av arbeida med omsorgsbustader på Gartneritunet, steg 1 i prosjektet, i samsvar med saksutgreiing. Eventuell avtale om bruk av opsjon og oppstart av steg 2 skal godkjennast av formannskapet. Side10 7

PS 27/16 Søknad om stønad til Fitjarfestivalen Framlegg til vedtak/tilråding: Saka vert lagt fram utan framlegg til vedtak. Behandling i Formannskapet - 21.04.2016: Formannskapet sender saka vidare til kommunestyret utan tilråding. Ber om at leiar for Fitjarfestivalen kjem i kommunestyret 27.04.16 og orienterer om planar og budsjett for årets festival. Vedtak: PS 28/16 Startlån PS 29/16 Ymse Behandling i Formannskapet - 21.04.2016: Ass. rådmann Andreas Moe Larsen orienterte om valstyret sine oppgåver på valdagen for folkerøysting, måndag 25. april. Valstyret møter i kommunestyresalen kl. 21.00. Ordføraren delte ut pressemelding frå LNVK: Løftebrudd fra regjeringen. PS 30/16 Meldingar Framlegg til vedtak: Formannskapet tek meldingssakene til vitande. Behandling i Formannskapet - 21.04.2016: Vedtak: (Samrøystes) Som framlegg. PS 31/16 Personalsak Side11 8

Fitjar kommune Arkivkode: U60 Saksmappe: 2016/76 Sakshandsamar: Andreas Moe Larsen Dato: 10.05.2016 SAKSFRAMLEGG Fitjar Fjordhotell AS - søknad om utvida skjenketid utandørs i samband med revyframsyningar Utval sak Utval Møtedato 33/16 Formannskapet 18.05.2016 Vedlegg: 1 Søknad om utvida skjenking på uteareal til Fitjar Fjordhotell Bakgrunn: Fitjar Fjordhotell søkjer om utvida skjenketid utandørs i samband med revyframsyningar datoane 28.05, 03.06, 04.06, 10.06, 11.06, 17.06, 18.06, 24.06 og 25.06. Kommunestyret har gjeve formannskapet mynde til å gjera vedtak i saker som ordinært skulle vore avgjort i kommunestyret når det er naudsynt å treffa vedtak så raskt at det ikkje er tid til å tilkalla kommunestyret, jf. kommunelova 13 pkt. 1. Bakgrunn for søknaden er at revyen er ferdig om lag kl. 23.00 i revyteltet utanfor Fitjar Fjordhotell. Skjenketidene utandørs tillèt ikkje at gjestane tek med seg inn alkoholhaldig drikk inn i hotellet etter kl. 23.00. For å sikra ei forsvarleg flytting av gjestane frå teltet til hotellet bør gjestane ha høve til å bera med seg alkoholhaldig drikk inn i hotellet. Søknaden gjeld utvida skjenketid til kl. 24.00 desse datoane, men løyvehavar presiserer i søknaden: «Dette er ikkje for å utvide skjenketida permanent men for å få logistikken til å gå i hop under Sommerrevyen 2016.» Alkohollova har ikkje særskilte reglar om tidspunkt for utandørs skjenking. Vurdering: Søknaden går utanfor rammene i vedtektene for sal og skjenking av alkoholhaldig drikk, og skal difor avgjerast av kommunestyret. Sommarrevyen er eit viktig arrangement i bygda, og rådmannen meiner kommunen bør ta stilling til saka før fyrste framsyning. Saka blir difor fremja for formannskapet etter kommunelova 13 pkt. 1. Rådmannen ser problemstillinga til løyvehavar, og meiner kommunen bør leggja til rette for ei forsvarleg flytting av gjestar frå revyteltet til hotellet. For å imøtekoma løyvehavar bør ein gje høve til å halda på utskjenka drikk i ei tid etter kl. 23.00, men ein bør ikkje utvida skjenketida. Rådmannen meiner det vil vera tilstrekkeleg å gje løyve til å halda på alkoholhaldig drikk til kl. 23.30. Det blir i denne vurderinga lagt vekt på at endringa vil gje utvida støy ni kveldar, og at omsyn til naboar difor må takast med i vurderinga. Framlegg til vedtak/tilråding: For Fitjar Fjordhotell AS sitt skjenkeløyve gjeld følgjande på datoane 28.05, 03.06, 04.06, 10.06, 11.06, 17.06, 18.06, 24.06 og 25.06: Konsum av utskjenka alkoholhaldig drikke utandørs må opphøyra seinast 30 minuttar etter at skjenketida er slutt. Side12

Atle Tornes Rådmann Side13

Fitjar Fjordhotell PB 133 5418 Fitjar Fitjar Kommune V/ Andreas Moe Larsen PB 83 5418 Fitjar Utvidet skjenking på utearealet til Fitjar Fjordhotell Fitjar Fjordhotell søker herved om utvidet skjenkeløyve for uterestaurant området ved Fitjar Fjordhotell for datoene som er nemnt under. Fitjar Fjordhotell ønskjer å få skjenkeløyve fram til kl 2400 på desse datoane. Dette er ikkje for å utvide skjenketida permanent men for å få logistikken til å gå i hop under Sommerrevyen 2016. Datoane som blir søkt om er: Laurdag 28. 05. 2016 Fredag 03.06.2016 Laurdag 04.06.2016 Fredag 10.06.2016 Laurdag 11.06.2016 Fredag 17.06.2016 Laurdag 18.06.2016 Fredag 24.06.2016 Laurdag 25.06.2016 Dette blir totalt 9 kvelda og håper på et positivt svar. Side14

Med helsing Ronald Hareide Fitjar Fjordhotell Side15

Fitjar kommune Arkivkode: Saksmappe: 2016/73 Sakshandsamar: Andreas Moe Larsen Dato: 10.05.2016 SAKSFRAMLEGG Uravrøysting tariff og lokale forhandlingar Utval sak Utval Møtedato 34/16 Formannskapet 18.05.2016 Vedlegg: 1 Protokoll KS Bakgrunn: I tråd med tidlegare praksis legg ein med dette fram sak om lokale lønsforhandlingar 2016 for dei som får løna fastsett etter hovudtariffavtalen kapittel 3 og 5. Partane i kommuneoppgjeret er samde om ein avtale, som skal til uravrøysting i organisasjonane den næraste tida. Forhandlingsresultatet har ei ramme på 2,4 prosent, det same som oppgjeret i frontfaga. Fitjar kommune har budsjettert med eit oppgjer på 2,7 prosent. Rådmannen har i delegeringsreglementet fullmakt til å inngå avtalar med arbeidstakarorganisasjonane, med unntak av hovudtariffavtalen kapittel 3, 4 og 5, som normalt blir delegert til ordføraren. Det er vanlegvis kommunen sitt forhandlingsutval (ordførar, assisterande rådmann, helse- og sosialsjef og skulesjef) som fører lønsforhandlingane på kommunen sine vegner, og ordføraren får fullmakt til å godkjenna forhandlingsresultatet. Resultatet av forhandlingane vil bli lagt fram for formannskapet som informasjon. Det er ulike ansiennitets- og kompetansestrukturar i kommunane, så det er ikkje gjeve at det sentrale resultatet skal spegla det lokale resultatet. Administrasjonen har gått gjennom dei sentrale tillegga som er gjeve, og det ligg ann til eit mindreforbruk for lønsoppgjeret. Det er gjort omfattande endringar i teksten i hovudavtalen. Dei viktigaste endringane er å samordna lønstabellane for tilsvarande høgskulegrupper med tabellane for dei ulike utdanningsnivåa innan skuleverket. Det blir frå 2017 innført 16 års ansiennitetstrinn for dei gruppene som ikkje tidlegare har hatt dette. Ettersom Fitjar kommune sin ansiennitetssamansetning kan vera ulik den samla kommunesektoren, kan kostnadane ved ansiennitetstrinnet i Fitjar kommune vera eit usikkerheitsmoment. Det er gjort endringar i kapittelinndelinga for leiarar, med eit eige kapittel med lokale forhandlingar for mellomleiarar. Det er ikkje avsett midlar til lokale forhandlingar for kapittel 4 i 2016. Vurdering: Rådmannen meiner resultatet er innanfor ei ansvarleg økonomisk ramme, og at endringane i hovudavtalen gjev eit enklare og betre avtaleverk. Rådmannen vil difor tilrå at Fitjar kommune støttar forhandlingsresultatet i uravrøystinga. Rådmannen tilrår vidareføring av organiseringa for dei lokale forhandlingane. Side16

Rådmannen tilrår at kommunen har som målsetnad at gruppene med lokal lønsdanning får om lag same oppgjer som gruppene med sentral lønsdanning, men at det må vera rom for variasjon for einskildarbeidstakarar etter individuell vurdering. Framlegg til vedtak/tilråding: 1. Fitjar kommune røyster for tilrådt forhandlingsresultat i kommunesektoren. 2. Ordførar leiar lokale forhandlingar (kap. 3 og 5) for Fitjar kommune, rådmannen peikar ut resten forhandlingsutvalet. 3. Ordførar får fullmakt til endeleg godkjenning av resultatet på Fitjar kommune sine vegner. 4. Det er ei målsetnad at lønsoppgjeret i kapitla med berre lokal lønsdanning (3 og 5) som hovudregel får om lag lik prosentvis utvikling som arbeidstakarane i det sentrale forhandlingskapitelet (om lag 2,4 prosent). 5. Resultatet blir lagt fram for formannskapet når forhandlingane er ferdige. Atle Tornes Rådmann Side17

Side18

Side19

Side20

Side21

Side22

Side23

Side24

Side25

Side26

Side27

Side28

Side29

Side30

Side31

Side32

Side33

Side34

Side35

Side36

Side37

Side38

Side39

Side40

Side41

Side42

Side43

Side44

Side45

Side46

Side47

Side48

Side49

Side50

Side51

Side52

Side53

Side54

Side55

Side56

Side57

Fitjar kommune Arkivkode: 210 Saksmappe: 2016/13 Sakshandsamar: Trond Salmo Dato: 12.05.2016 SAKSFRAMLEGG Årsmelding og årsrekneskap 2015 Utval sak Utval Møtedato 35/16 Formannskapet 18.05.2016 Kommunestyret 22.06.2016 Vedlegg: Partsbrev med vedlegg frå Kontrollutvalet, sak nr. 14/16 frå møte 11.05.16 Årsmelding 2015 Årsrekneskap 2015 Melding frå revisor Fråsegn om årsrekneskapen Revisjonsrapport 2015 Bakgrunn: Årsmeldinga som er vedlagt er ikkje ferdigstilt. Verbaldelen er ferdigstilt, men det står att noko arbeid på layout, bilete og KOSTRA-tal. Ein tek sikte på å ha endeleg layout klar til kommunestyret. Driftsrekneskapen viser eit mindreforbruk på 3.665.667,-. Det var budsjettert med eit mindreforbruk på 1.351.222,-. Investeringsrekneskapen viser udekka investeringar på kr 171.109,-. Årsaka ligg i at eigenkapitalinnskotet i KLP ikkje kan finansierast med låneopptak. Sal av eigendelar dekka ikkje innskotet i 2015, og resterande del skal kommunestyret vedta inndekning for. Kommunestyret har i utgangspunktet to alternativ til inndekning; enten inndekning ved bruk av frie fond, eller inndekning på neste års (2016) budsjett. Disposisjonsfondet var per 31.12.2015 på 7.175.563,-. Ein har ikkje midlar på frie investeringsfond. Framlegg til vedtak/tilråding: Fitjar formannskap rår kommunestyret til å gjera følgjande vedtak: Fitjar kommunestyre godkjenner årsmelding og årsrekneskap for 2015. Fitjar kommunestyre vedtek å sette av rekneskapsmessige mindreforbruk på drift med 3.665.667,- til disposisjonsfondet. Fitjar kommunestyre vedtek å dekke årets rekneskapsmessige meirforbruk på investering med 171.109,- av disposisjonsfondet. Atle Tornes Rådmann Side58

Side59

Side60

Side61

Side62

Side63

Side64

Side65

Side66

Side67

Side68

Å rsmelding 2015 Fitjar Kommune Vedteke i Fitjar kommunestyre.. Side69

Innhold ORDFØRAREN HAR ORDET... 2 POLITISK ORGANISERING... 4 ADMINISTRATIV ORGANISERING... 5 ØKONOMI OG DRIFTSRESULTAT, PERSONALE OG SAMFUNN... 5 HELSE OG SOSIALE TENESTER... 12 SKULE OG BARNEHAGE... 18 KULTUR... 22 PLAN OG UTVIKLING... 25 LANDBRUK OG MILJØ... 27 TEKNISKE TENESTER... 28 SENTRALADMINISTRASJON... 31 1 Side70

ORDFØRAREN HAR ORDET Eg må få takka for at eg har fått tillit og er så privilegert at eg får ha ordførarvervet ein periode til! Kommunevalet prega året og det er alltid spanande korleis resultatet vil bli, det blei nokon lunde lik samansetning av representantar som førre periode. 2015 har vore friluftslivets år. For ordførarane i Sunnhordland starta det med overnatting i lavvo. Ordførar vart utnemnd som «konsul» for friluftslivets år i Fitjar og det blei i samband med dette bygd eit «konsulat» i Rossneset i form av eit bålhus til allmenn nytte og glede. Andre friluftslivstiltak i laupet at året har vore ordføraren sin tur i Sælevik i lag med O-gruppa, korps på tur med 3 utflukter. Friluftsrådet Vest kjøpte Langøya som då er sikra allmenn bruk. Kommunereform har hatt stor fokus dette året. Det har vore folkemøter, utarbeidd prosjekt med 7 Sunnhordlandskommunar, Scenario Sunnhordland. Tidleg 2016 vedtok ein intensjonsavtale med Stord. Det vil bli den store viktige saka 1. halvår 2016. Politireforma er i gong og Fitjar kommune blei lagt i Sør-Vest politidistrikt med politimester i Rogaland. Eit nytt flott Politihus der også Statens Vegvesen held til blei opna på Vabakken seinhaustes. Flyktningekrisa har opptatt oss det siste halvåret. Kommunen har for første gong på fleire tiår busett flyktningar. Siste halvår har ein busett 4 familiar, tilsaman 18 personar. Me blir rekna som ein vekstkommune og er pr. 1.1.2016 3140 Fitjarbuarar. Alle nye innbyggjarar får ein innbyggjarpakke, det går på skinner med hjelp frå Frivilligsentralen. Omdømebygging er eit kontinuerlig arbeid, me deltar på Sunnhordlandstreff i regi av Samarbeidsrådet. Fitjar har ved fleire høve vist seg fram på fjernsynet. To gongar i Norge Rundt, Fitjarbær frå Prestbø og vindmøller i Midtfjellet Vindkraft, og i programmet «Der ingen skulle tru at nokon kunne bu» frå Fodno. Me er kjente!! Det har vore eit aktivt kulturliv også i år, eit kulturhus som er fullspekka med aktivitetar, Galleri Losjen med mange kunstutstillingar, Sommarrevyen og Fitjarfestivalen er høgdepunkt i løpet av sommaren. Nyhende i haust var Neserevyen, ein uforgløymeleg kveld. Kulturminneplanen blei vedtatt i år. Skulekorpset har blomstra dette året. 1. plass 2. div Brass!! 4 plass 1. div.!! Fekk vèl fortent kulturprisen 2015. Det er krise i leverandørindustrien, det rammar også Fitjar, Wartsila Ship Design nedbemanna og det vil også ramme langt fleire etter kvart. Fjeldtvedt AS gjekk konkurs, men Mestervindu starta heldigvis opp igjen på Sjoareset. Fitjar har eit næringsliv som er det minst sårbare i Sunnhordland og har derfor fortsatt låg arbeidsløyse 2 Side71

Det er også stor positivitet i næringslivet. Sjøtroll avd. Kjærelva og Fitjar Mekaniske fekk begge vedtatt reguleringsplan som skapar rom for utvikling. Asbjørn Vik og Heimli AS fekk næringsprisen for 2015. Reguleringsplan for Midtfjellet har tatt ein god del lengre tid enn planlagt. Ein satsar på stadfesting tidleg neste år som vil opna for kunne få køyra heilt til Olstjødno. Midtfjellet Vindkraft AS har slite med låge straumprisar og ein har fått inn nye eigarar. Vest Aqua Base har starta oppdrett av rognkjeks i Håkonar Næringspark og 3D Vision er flytta tilbake til Fitjar. Det har skjedd mykje i Håkonar Næringspark, ikkje minst landskapsmessig. Mykje fjell er skoten ned og det liknar meir og meir på eit industriområde. K. Volden AS, som bl.a driv med steinknusing har bidratt sterkt til dette. Det er vedtatt at arbeidet med ny reguleringsplan over parken skal startast opp, snarast. Interkommunal strandsoneplan, som etter mykje arbeid nesten er «stranda». Med 25 sider med motsegn frå fylkesmann på planen så er det utfordrande. Det blir arbeidd med å finne ei god løysing. Øyaplanen skal byggja på den interkommunale strandsoneplanen, og vil bli utsatt til strandsoneplanen er vedtatt. Arbeidet med ferjefri E39 mot Bergen, Hordfast fortset med full styrke. Det blir arbeidd breitt politisk for å halda framdrift og å sikra finansiering. Planen skal leggjast fram første halvår 2016.Engevikparsellen på E39 er ferdig. Det manglar midlar til restfinansiering Engevik Sandvikvåg. På Stord vestside er Sagvåg bru under arbeid. Rimbareid Vik står for tur til våren. Reguleringsplan for kryss i sentrum er ute på høyring. Av trafikksikringstiltak må nevnast 60 grense i Selevik, nytt busstopp på Rydland med gateljos frå Rydland til Aarbø, og frå Vik til Tveita. Nymalt gangveg og oppmerka parkeringsplassar langs gata i sentrum. Asfaltering har vore utført i sentrum og langs Vestbøstadveien.Det er gjort utbetringar på vegen over Dalen. Det ligg inne 1 mill. til utbetring kommunale vegar også i 2016. Adresseprosjektet er i sluttfasen, no skal snart alle ha fått godkjente adresser, noko som er med å styrkja tryggleiken vår. Leiligheter for vanskelegstilte og LAR senter er under bygging og skal vera ferdig til sommaren. I Aarskog er 2 modulbustadar på plass. Gartneritunet er under regulering og planlegging. For nytt helsesenter/legesenter har det vore ein god del utgreiingar, me er eit lite steg vidare for ei endeleg avgjerd. Me må ha ny kommunelege, det er gode søkjarar og intervju er på gong. Det har vore eit aktivt år for politikarar og administrasjon. Eg vil takke tilsette i kommunen, innbyggjarane, næringsliv og alle andre som er med på å gjera Fitjar til ein god kommune å bu og vera i. Wenche Tislevoll Ordførar 3 Side72

POLITISK ORGANISERING Kommunestyret Formannskapet Utval for plan og miljø Utval for oppvekst og omsorg Kontrollutvalet Eldreråd Råd for menneske med nedsett funksjonsevne Ungdomsråd Politiråd 4 Side73

ADMINISTRATIV ORGANISERING ØKONOMI OG DRIFTSRESULTAT, PERSONALE OG SAMFUNN Generelt Rekneskapen for 2015 viser eit vesentleg betre økonomisk resultat enn året før. Kommunen har både positivt driftsresultat og eit mindreforbruk, etter eit svakt resultat i 2014. Revidert budsjett var basert på eit mindreforbruk på kr 1.360.000, det reelle resultatet var 2,2 mill betre. Kommunen er godt nøgd med dette resultatet. Kommunen har ein stor auke i ressursar til helse- og sosialtenester og barnehagar. Tilboda i Fitjar er gode, også samanlikna med kommunar rundt oss. Driftsresultat og disponering Brutto driftsresultat var kr 9,3 mill, mot 1,1 mill i 2014. Netto driftsresultat var 5,8 mill, medan tilsvarande tal for 2014 var -3,7 mill, ei forbetring på 9,6 mill. Driftsresultata vert påverka av at øyremerkte inntekter som kom i 2015, der tilknytte kostnader kjem i 2016, vart sett av på fond, medan me i 2014 hadde motsett effekt. Tilrådinga om netto driftsresultat for kommunane frå Teknisk Berekningsutval (TBU) vart redusert til 1,75 % i 2014, mot tidlegare 3 %, som følgje av omlegginga i momsrefusjonsordninga frå 2015. Fitjar har ca 2,3 %. Kommunen har ikkje selt eigedommar eller aksjar i 2015 (kr 325.000 i 2014). 5 Side74

Inntektssida Kommunen fekk ein betre skatteinngang i 2015 enn året før, og det endelege resultatet var 1,7 mill betre enn revidert budsjett. Fitjar hadde i 2015 ein skatteinngang på 96,4% (97,9 % i 2014) av landsgjennomsnittet. Kommunen fylgjer gjennom skatteutjamninga i rammetilskotet den nasjonale skatteveksten, slik at 60 % av vinst/tap blir utjamna.etter trekk i utjamninga vart samla skatt og utjamning 1,4 mill betre enn budsjett. Eigedomsskatten vart oppretthalde i 2015, med uendra satsar. Vindkraft gav ca kr 8,4 mill i eigedomsskatt, som dels er nytta til finansiering av kapitalkostnader til ny skule, men i hovudsak lagt inn i drifta. Flyktningar Kommunen har busett 18 flyktningar i perioden juli desember, 9 vaksne og 11 barn. Når kommunen mottek flyktningane vert det utbetalt eit heilårleg integreringstilskot, som er tidsavgrensa for kvar flyktning. Sidan nokre av flyktningane kom seint på året har kommunen fått eit «forskot» av midlar i år som må vegast opp mot kostnader som kjem i seinare år. Isolert sett utgjer «forskotet» noko over 1,0 mill for 2015. Kompensasjon for utgifter til skule og barnehage kjem gjennom rammetilskotet, og vil først bli kompensert frå 2017, då dei kom for seint til å nå skjeringstidspunktet 1. juli 2015. Kommunen har bygt opp eit støtteapparat på 3 personar, og kjøpt/omdisponert 2 husvære til føremålet. Resten av bustadbehovet vert leigt i marknaden. Kostnader og drift Alle samanlikningar mot budsjett er basert på tal medrekna til/frå fond. Det sentrale lønsoppgjeret utgjorde nominelt 3,2 % mot budsjettert 3,3 %. Samla innsparing på posten tilleggsløyving vart kring kr 90.000. Ansvar 1000 (formannskap) viste elles eit mindreforbruk på kr 340.000, hovudsakleg knytt til omlegging av næringsarbeidet i kommunen, og mindre utgifter til kontrollutvalet. Ansvar 1100 (administrasjon) viste eit mindreforbruk på kr 460.000, som er knytt opp mot ei rekkje mindre postar, m.a. redusert innkjøp, sjukepengar, frikjøp, auka refusjon på SFLMK, som er ein finansiell transaksjon, fråtrekt ein auka IKT kostnad knytt til havari på servar hausten 2015. Netto kostnader med adresseprosjektet, kr 72.000, er og ført her, men var budsjettert på plan(ansvar 3000). 6 Side75

Skule og barnehage(ansvar 2000) hadde eit mindreforbruk på kr 1.782.000 i 2015, mot eit meirforbruk på kr 667.000 i 2014. Det positive avviket skuldast i hovudsak mindre kostnader til pensjon i Statens pensjonskasse, kr 1.550.000 inkl arbeidsgjevaravgift. Kommunen hadde høgare kostnader til private barnehagar og styrka tilbod enn budsjettert. Statstilskotet til vaksenopplæring for innvandrarar vart vesentleg høgare enn forventa, mellom anna på grunna av mottak av flyktningar, og me hadde større refusjon for elevar frå andre kommunar enn budsjettert. Talet på barnehageplassar vart auka frå hausten 2015 på grunn av tilflytting. Helse- og sosialavdelingane(ansvar 4000) hadde eit samla meirforbruk på 905.000 i 2014 (meirforbruk 660.000 i 2014). Både sjukeheimen(fbb) og heimetenestene hadde meirforbruk, høvesvis kr 300.000 og kr 140.000. Kommunen klarte å ta mot dei fleste utskrivne pasientane innan fastsette fristar. Det har også i 2015 vore meirforbruk til direkte tenester og eksterne sakskostnader i barnevern. Utgiftene til sosialhjelp og kvalifiseringsprogrammet, som er nært tilknytt, har samla sett hatt eit meirforbruk på kr. 570.000 i høve budsjett 2015. Dette to områda vil gje store utfordringar også i 2016. Kommunen fekk tilbakebetalt kostnader til medfinansiering for 2014 med kr 236.000. Samla resultat på ansvar 3.000 plan- og utvikling vart kr 785.000 betre enn budsjett (kr 594.000 over budsjett i 2014). Dette skuldast mindre bruk av planmidlar, kr 255.000, særleg knytt til forseinka øyaplan, og at kostnader til adressering vart ført på administrasjon. Avdelinga fekk eit overskot på sjølvkostområda plan og byggjesak på kr 478.000, som kunne inntektsførast mot tidlegare underskot. Avdelinga hadde dessutan ekstra inntekt knytt til opprydning i eldre saker. Oppmåling viste eit overskot på kr 271.000 som vart sett på fond utan inntektsverknad. Teknisk drift (ansvar 3100) hadde ei innsparing på straum på over kr 500.000, på grunn av ny avtale og generelt lave straumprisar i marknaden. Likevel hadde avdelinga eit meirforbruk på kr 554.000. Dette skuldast i hovudsak meirkostnad på ei rekkje mindre vedlikehaldspostar, som ikkje var tilstrekkeleg budsjettert, særleg på skule og på Havnahuset: Stord Fitjar landbruks- og miljøkontor (SFLMK) er organisert etter vertskommuneprinsippet, med Fitjar som vert. Avtalt fordelingsnøkkel er Fitjar 48 % og Stord 52 %. Budsjettet i 2015 var basert på ekstern prosjektfinansiering tilsvarande 1,0 stilling. Dette vart redusert i løpet av året, og er i budsjett 2016 sett til 0,25 stilling. SFLMK (ansvar 3300)hadde eit resultat som var marginalt dårlegare enn budsjettert. Det vart ikkje gjort lønsoppgjer for naturvitarane i 2015 med bakgrunn i usemje mellom organisasjonane på landsbasis. Brann/redning(ansvar 3400) fekk eit meirforbruk på 117.000 (84.000). Dette skuldast mellom anna ei auka godtgjersle for beredskapsvakt, der det var eit etterslep i reguleringa, og kostnader til både gammalt og nytt nødnett. Budsjettet var elles auka monaleg som fylgje av sterk auke i kostnader til nødnett og 110-sentral. Det var eit normalt aktivitetsnivå, både når det gjeld tal utrykningar, og nivå på trening/utdanning, i samsvar med krav frå styresmaktene. 7 Side76

VA- rekneskapen (ansvar 3200) gav eit meirforbruk på avløp, med kr 17.000 (mindreforbruk 65.000), vatn fekk eit mindreforbruk på 205.000 (meirforbruk 202.000). Innsparingane i VA kjem for ein stor del som følgje av svært lavt rentenivå, som varer ved i 2016, og høgt nivå på tilknytingar. Eventuelle over- og underskot vert avrekna mot fond, slik at aktiviteten går i 0 i endeleg resultat dersom han viser overskot, men tel med i sluttresultatet dersom det er underskot som ikkje blir dekt av eldre fond. Med unntak for 2012 og 2015, har sjølvkostrekneskapen for vatn hatt underskot, som har vore trekt av fond. Rekneskapen for slam og renovasjon vert ført av SIM. Det er berre kommunen sin del av kostnadene som vert ført i vår rekneskap, og med tilsvarande inntekt(0-budsjett. Årsgebyra for avløp vart redusert med 5 % frå 1. januar 2015. Gebyra vert uendra for 2016. Kultur(ansvar 5000) hadde eit netto forbruk som var marginalt betre enn budsjettert. Kommunen gjer ved årsskiftet avsetning for uteståande krav som er eldre enn 3 månader ved forfall. Berekna tap blir ført på vedkomande avdeling. Dersom krava vert betalte skjer det ei inntektsføring av tapet. Netto medførte dette tilbakeføring av kring kr 200.000 i 2015 (kr 20.000 i 2014). Pensjon Det kom vesentlege endringar i regelverket for føring av pensjonar i 2011. Den viktigaste er at posten estimatavvik skal førast mot kapitalkonto i balansen. I 2015 var estimatavviket 4,7 mill. (KLP 2,0 mill. og SPK -6,7 mill.) mot 4,4 mill. i 2014, og eigenkapitalen vart dermed styrka. Det vart innført ny uføreordning i folketrygda i 2015. Dette, og lågare forventa regulering av løpande pensjonar, førte til vesentleg reduksjon i både pensjonskostnad og premie, særleg for SPK. Frå 2012 skal premieavvik avskrivast over 10 år mot tidlegare over 15 år. Avskrivingstida for premieavvik vart i 2014 sett ned til 7 år med verknad frå 2015, og gav auka kostnad frå 2015. Premieavviket i 2015 var 0,2 mill. (KLP -0,56 mill. og SPK 0,75 mill.). Etter avskriving minka premieavviket med 1,76 mill. (inkl. arbeidsgjevaravgift). KLP har varsla at premieavviket truleg vert høgt dei neste åra. Estimatet for 2016 er vel 4,3 mill. i KLP og 0,5 mill. i SPK. Samla pensjonskostnader, kr 15,4 mill., etter fråtrekk av arbeidstakar sin del, var om lag 0,3 mill. høgare i 2015 enn 2014, og om lag 1,1 mill. under budsjett. Den høge kostnadene i pensjonsordningane generelt, og balanseverknaden spesielt, gir grunn til å stille spørsmål om framtidig berekraft i pensjonsordningane. Dette er ein situasjon utanom kommunane sin kontroll, og tilsvarande utfordringar gjeld dei fleste kommunane i Noreg. Ein vonar at problemstillinga vert teke tak i av sentrale styresmakter. 8 Side77

Investeringar og lånegjeld Kommunen har investert for ca. 18,6 mill. (31,3 mill.) kroner, men har små låneopptak i 2015, på grunn av etterslep i investeringar og overskotslån i 2014. Kommunen har tatt opp 1,5 mill. i lån hos Opplysningsvesenets Fond til kyrkjeorgel, og 2,0 mill. i Husbanken (startlån). (Låneopptak 36,87 mill. i 2014 mill. til investeringsføremål). Avdrag i drifta har vore 8,5 mill. Det er sett av ubrukte lån til investeringar med 5,1 mill. (18,8 mill.). Samla langsiktig lånegjeld var 203,8 mill. pr. 31. desember 2015, som er om lag 6 mill. mindre enn 2014. Likviditeten har vore god i 2015, men på grunn av at me ikkje tok opp lån, vert likviditeten strammare i 2016, før låneopptak. Investeringsrekneskapen for 2015 er finansiert, med unntak av kjøp av eigardeler i KLP, som ikkje kan lånefinansierast, der kr.171.000 ikkje er finansiert. I 2016 er det budsjettert med investeringar på 38,7 mill., og låneopptak på 37,2 mill, der ubrukte lånemidlar kjem til frådrag. Dessutan er det budsjettert med 2,0 mill. til startlån. Kommunen har ikkje sett det nødvendig å gjennomføra porteføljevurdering av eigedomane. Finansreglement Kommunen vedtok nytt finansreglement i desember 2014. Minstekravet til sikring av renteporteføljen vart redusert til 25 %. Kommunen vil liggja nær denne grensa i april 2016. Renter Rentenivået har gått ytterlegare ned i 2015, og ein ventar ytterlegare nedgang i 2016, for alle rentetypar. Innlånsrenta vår er basert på flytande rente i pengemarknaden (NIBOR) med ein margin til kredittinstitusjonane. Gjennomsnittleg nivå på 3. månaders NIBOR var ( 1,29 i 2014).Marginane til finansinstitusjonane auka generelt i løpet av året, slik at innlånsrenta ikkje gjekk tilsvarande ned. VA-renta vart lagt om i 2014, og fylgjer no 5-års SWAP rente med tillegg av 0,5 %. VA- renta hadde eit gjennomsnitt på 1,94 % (2.68 %). 9 Side78

Staten sine kompensasjonar med renteelement fylgjer renta i Husbanken, som er basert på særlege føresetnader knytte til statsobligasjonar, pluss margin. Marginen vart auka frå 0,5 % til 1,0 % frå 1. mars 2014. Snittrenta i Husbanken var 2,12 % i 2015, mot 2,31 i 2014. Deler av renteporteføljen er sikra med fast rente eller rentebytteavtalar (SWOP). Rentebytteavtalar har same verknad som eit fastrentelån og gav negativ margin samanlikna med flytande rente også i 2015. Kommunen hadde frå årsskiftet 2015/16 9,0 mill. i fastrentelån med bindingar frå 2017-2022 og rente frå 1,9 til 2,18 %, vekta snitt 2,16 %, og rentebytteavtalar på 55,0 mill., med rentesatsar frå 2,97 % til 5,06 %, vekta snitt 3,56 % Av låneporteføljen pr. 1. januar 2016 er 64,0 (snittrente 3,34 %) mill sikra, og 139,9 mill. utsett for svingingar i rentenivået. Ved årsskiftet var 31,4 % av låneporteføljen sikra. Statlege kompensasjonar som fylgjer rentenivået dekker 31,3 mill., utlån utgjer 10,5 mill. og VA-lån som blir dekka over sjølvkostordninga 27,4 mill. pr. 1. januar 2016. Desse utgjer samla 69,2 mill. Den flytande renta (NIBOR) er i budsjettet for 2016 føresett til 0,75 %, pluss margin til kredittinstitusjonane. Budsjettert NIBOR i 2015 var 1,8% (opphavleg budsjett), medan budsjettert margin er auka frå 40 til 75 rentepunktar. Ved årsskiftet var 3. månader NIBOR 1,13 %. Medarbeidarar Etter tilsyn frå Arbeidstilsynet og forvaltningsrevisjon bestilt av kontrollutvalet har Fitjar kommune bygd opp eit nytt personal- og HMT-system. Gjennom 2015 har implementering av det nye systemet stått i høgsetet. Alle einingar har gjennomført risikoanalyse over eige arbeidsmiljø, og alle verneområde har gjennomført vernerunde. Alt arbeid med helse, miljø og tryggleik blir gjennomgått i arbeidsmiljøutvalet, og HMT- og personalsystemet blir gjennomgått i siste møte kvart år. Sjukefråvær Fitjar kommune hadde eit svært lågt sjukefråvær i 2015. Gjennomsnittet for kommunen som heilskap låg på 5,3 prosent. Etter IA-avtalen har Fitjar kommune eit mål om å koma under 6 prosent. Det er til dels stor skilnad mellom fag og avdelingar. Helse- og omsorgseiningane hadde lågt sjukefråvær sett i høve til andre kommunar, og heimebaserte tenester hadde gjennom året eit svært lågt gjennomsnittleg sjukefråvær på under 5 prosent. 10 Side79

Rekruttering Fitjar kommune opplever ein god rekrutteringssituasjon for mange grupper tilsette, mykje grunna nærleik til Fitjar vidaregåande skule og Høgskolen Stord/Haugesund. Det har vore god tilgang på lærarar, sjukepleiarar og fagarbeidarar. Den siste tida har det blitt vanskelegare å rekruttera sjukepleiarar. Konjunkturane for dei petro-maritime næringane har endra seg dei siste åra, og 2015 var eit år med vidare reduksjonar. Dette skal i utgangspunktet gjera kommunane til meir attraktive arbeidsplassar for medarbeidarar innan tekniske fag, plan, oppmåling administrasjon og leiing. Kommunen klarte likevel ikkje å rekruttere til ledig stilling innan plan og byggjesak hausten 2015. Dei reduserte forventningar til aktiviteten i oljeserviceindustrien kan letta rekrutteringsarbeidet mot denne gruppa arbeidstakarar. Likestilling Det er eit stort fleirtal av kvinnelege medarbeidarar i Fitjar kommune, noko som er vanleg i norske kommunar. Av dei totalt 352 tilsette i Fitjar kommune var 295 kvinner. Meir enn halvparten av leiarane i kommunen er kvinner. Det blir arbeidd med å auke stillingsstorleiken til full stilling for dei som ønskjer dette. For at turnusane i helse- og omsorgstenesta skal fungere, medfører fleire fulle stillingar at det må vera fleire små helgestillingar. Kommunen legg til rette for livsfasepolitikk, med reduserte stillingsstorleikar for dei som ønskjer dette ein periode. Gjennomsnittleg stillingsstorleik i kommunen var 69,9, prosent, beståande av 67,6 prosent stilling for kvinner og 84,6 prosent for menn (deltidstilsette brannkonstablar er halde utanom statistikken). Gjennomsnittleg løn i full stilling for kvinnelege medarbeidarar er kr 415 000 i året, medan tilsvarande gjennomsnitt for menn er kr 487 000. Beredskap Fylkesmannen i Hordaland hadde våren 2015 tilsyn med Fitjar kommune sitt arbeid med samfunnstryggleik og beredskap. Tilsynet gav korkje avvik eller merknadar, og gav eit positivt bilete av situasjonen i kommunen. I samband med tilsynet kom Fylkesmannen med framlegg om at kommunen gjorde betre greie for korleis beredskapsarbeidet blei implementert i organisasjonen. Kommunestyret fekk då ein sak til handsaming, der ein vedtok følgjande mål og strategiar for beredskapsarbeidet i kommunen: 11 Side80

- Førebyggjande og risikoreduserande tiltak skal gjera Fitjar kommune til eit tryggare lokalsamfunn. - Fitjar kommune skal ha oppdaterte planar og jamlege kriseøvingar for å redusera konsekvensar av hendingar. - Fitjar kommune skal leggja planar for i størst mogleg grad å halde oppe drift av samfunnskritiske tenester i krisesituasjonar Avsluttande kommentarar Me vil framleis måtta føreta harde prioriteringar dei komande åra for å tilpassa oss statlege krav og tilskotsrammer. Me vil gje stor honnør til alle tilsette for innsatsen i 2015 med å levera gode tenester, og ha kontroll på økonomien i ei tid der krava til ytingane våre stadig aukar. HELSE OG SOSIALE TENESTER Samandrag Det har vore eit år med høg aktivitet i avdelingane og fleire nye oppgåver. Kommunestyret vedtok i desember 2014 å ta imot og busetja flyktningar (familiar) frå 2015. Kommunen starta med å byggje opp ei flyktningteneste. Frå juni har kommunen teke mot 4 familiar, med 18 personar, av dette 9 barn. Ressursane innan sosiale tenester/personar med rusproblem er styrka ved hjelp av statlege tilskot. Kontrollutvalet har iverksett forvaltningsrevisjon på psykisk helse og rus. Det vart sendt inn dokumentasjon til Deloitte og gjort fleire intervju. Rapport vil føreliggja i 2016. Arbeidet med å rullera Bustadsosial plan byrja hausten 2015. Helsetenesta Tenesta vart styrka med 20 % stilling hovudsakleg til flyktningar. I haust vedtok ein og å gå inn i samarbeid med Bergensklinikkane og Stord kommune om eit program som heiter tidleg inn, for å avdekka vald o.a. så tidleg som mogeleg. Grunna sjukdom vart mesteparten av opplæringa utsett til 2016. Helsestasjonen tilbyr ekstra oppfølging til dei familiane som treng det. Ein har også mange arbeidsinnvandrar som treng ekstra merksemd. Skulehelsetenesta ved barne- og ungdomsskulane samt i den vidaregåande skulen opplever eit stort trykk frå born/unge og deira familiar som treng ekstra oppfølging. Dette går på komplekse problemstillingar der fleire aktørar som BUP, PPT og barnevern er inne i bilde. 12 Side81

Sosiale tenester/personar med rusproblem. I 2015 gjorde NAV kontoret 682 vedtak om økonomisk sosialhjelp, som er ein auke på 101 frå 2014. NAV har registrert 80 brukarar som får sosialhjelp, det same som året før. Det vart også i 2015 ei stor overskriding på tenesta, med kr. 700 000. 1,6 kommunale stillingar ved NAV jobbar med økonomisk sosialhjelp. Totalt 75 personar mottar no arbeidsavklaringspengar. Dette er ein nedgang på 9 personar frå førre år. Av desse er 20 personar mellom 18 og 30 år (Den statlege Jobbstrategien), ein auke på 2 frå 2014. Personar under 30 år som mottar arbeidsavklaringspengar er i målgruppa for jobbstrategien, dvs at desse skal ha prioritert fokus iht aktivitet/kartlegging og arbeid. Rusfeltet er framleis eit av dei mest utfordrande i kommunen. Særleg har mangel på bustader ført til mykje press både på NAV og kommunen. NAV Fitjar har to personar i fulle stillingar som arbeidar inn mot ungdommar og rusavhengige i Fitjar kommune. Desse er finansiert ved statlege midlar, og er prosjektstillingar utanom kjernebemanninga i NAV. Kontoret har og i haust fått 60% stilling som heimekonsulent, finansiert med statlege midlar i Barnefattigdomsprogrammet. Heimekonsulenten følgjer opp unge foreldre og sikrar at dei kjem i arbeidsretta aktivitet eller utdanning. Heimekonsulent har 20 brukarar og jobbar tverrfagleg, særleg mot helsestasjonen og barnevern. Det er særs gledeleg at ein har fått fleire bort frå økonomisk sosialhjelp som einaste livsopphald i 2015. Flyktningeteneste: Ny teneste I 2015 busette kommunen i alt 18 flyktningar, to familiar frå mottak i Noreg, og to familiar direkte frå Syria. Til arbeidet med flyktningar oppretta kommunen fylgjande stillingar: 40 % programkoordinator, 20 % helsesøster, 100 % leiar for Bustad og flyktningtenesta, 100 % vaksenopplæring. Kommunen kjøpte 2 hus til føremålet, det eine vart nytta til legebustad. Me har også nytta ei leiligheit på Vestbøstad. Av 4 familiar leiger no 3 hjå private. Me ser det er eit gap mellom nivået på kommunal husleige og den private marknaden, som ligg høgare. Kvar flyktning skal ha ein IP- individuell plan- for introduksjonsprogram og for skule, og planen skal innehalde delmål og mål for arbeid og utdanning. Vedtaket inneheld og språkpraksis og seinare arbeidspraksis. Etter 2 år i introprogrammet med språkpraksis, skal dei over i arbeid. 13 Side82