Protokoll frå styremøte i Helse Førde HF Tid: 21.11.2013, kl. 09:00 11:50 Møtestad: Rica Sunnfjord Hotel, Storehagen 2, Førde Styremøtet var ope for publikum og presse Deltakarar frå styret Jorunn Ringstad Knut C. Schønberg Trude Brosvik Helge E. Bryne Anni Felde Harry Mowatt Liv Stave Wenche Kristin Røkenes Randi Aven Berit J. Hornnes Geir Berge Øverland Styreleiar Nestleiar Deltakarar frå administrasjonen Jon Bolstad, administrerande direktør Vidar Vie, viseadm. direktør Tore Dvergsdal, direktør Kirurgisk klinikk Olav Hesjedal, direktør Medisinsk klinikk Ole Christian Reusch, direktør Psykisk helsevern Hans Johan Breidablik, fagdirektør Terje Ulvedal, kommunikasjonssjef Joar Halbrend, kst. økonomidirektør Berit Irene Haarklau, referent Andre deltakarar Jan Petter Sæbø, beredskapssjef Protokoll frå styremøte i Helse Førde HF 21.11.2013 1
Sakliste 075/2013 A Godkjenning av innkalling og dagsorden 076/2013 A Protokoll frå styremøte i Helse Førde HF 25.10.2013 077/2013 O Administrerande direktør si orientering 078/2013 A Rapportering frå verksemda per oktober 2013 079/2013 O Etiske retningslinjer implementering i Helse Førde 080/2013 A Beredskapsarbeid i Helse Førde - handlingsplan 081/2013 Eventuelt Skriv og meldingar Styreleiar Jorunn Ringstad ønska styret, administrasjon, tilsette og publikum velkommen til dagens styremøte ved Rica Sunnfjord Hotel. MØTET STARTA MED FAGLEG ORIENTERING Fagdirektør Breidablik orienterte om: OVERDIAGNOSTIKK, OVERBEHANDLING OG PUBLISERING AV BEHANDLINGSRESULTAT Problematikken omkring overdiagnostisering og tilhøyrande overbehandling har fått auka merksemd internasjonalt. Særleg har det renommerte medisinske tidsskriftet British Medical Journal engasjert seg med «Too much medicine»-kampanjen. Overdiagnostikk handlar om problem knytt til overmedikalisering og tilhøyrande overbehandling, diagnoseglidning, endra terskelverdiar og sjukdomsleiting der desse bidreg til å reklassifisere friske individ med milde symptom eller lav risiko til å bli pasientar. Drivarar for denne utviklinga er ofte fagfolk sine beste intensjonar kombinert med teknologiske framskritt i medisinen. I Helse Førde vart det på bakgrunn av styret sine spørsmål knytt til regionale ulikheiter i strålebehandling for prostatakreft sett i gang ein studie der fagdirektør deltok. Dette sannsynleggjorde at den høge forekomsten av sjukdommen i Sogn og Fjordane skuldast slik overdiagnostisering og som har blitt følgd av overbehandling. Arbeidet har blitt publisert og også presentert på konferanse i USA. Bakgrunnen for mistanke om overbehandling kan vere påvising av lokale ulikskapar i diagnosar og behandlingsprosedyrar. Samhandlingsbarometerert er eit verkemiddel for å sjå på slike data. Det er fire sentrale etiske problem knytt til overdiagnostikk og overbehandling: 1. Skade for individet ved at det får merkelappen i risiko eller sjuk basert på tall/tilfeldige funn; det symptomfrie individet kan gå inn sjukerolle. 2. Forholdet mellom over- og underbehandling ved at utviding av diagnosekriterier dreg fokus og ressursar bort frå dei sjukaste pasientgruppene 3. Trugar bærekrafta/solidariteten til helsetenesta på grunn av eskalerande kostnader 4. Bioteknisk medisin marginaliserar og skjuler sosioøkonomiske årsaker til uhelse Protokoll frå styremøte i Helse Førde HF 21.11.2013 2
I tillegg er det også blitt publisering av behandlingsresultat frå nasjonale kvalitetsregister, og dette vil gje pasientar betre grunnlag for å velgje sjukehus med dei beste resultata framover. Styret stilte spørsmål og kommenterte: - Tematikken er viktig å drøfte i ulike fagmiljø. Informasjon må tilpassast slik at befolkninga også kan ta del i problemstillingane tematikken reiser Fagdirektør Breidablik svara på spørsmål. 075/2013 A Godkjenning av innkalling og dagsorden Styreleiar Ringstad orienterte om: Dagsorden: - Møtet hadde kun ein open del - Etter avslutta styremøte vart det Dialogmøte mellom styret og KS/ordførarane i fylket Dokument utsendt til styret: - 5 dokument var utsendt til «Skriv og meldingar» - 1 vedlegg til styresak 079/2013 O vart utsendt via e-post Nye dokument utdelt i møtet: - Brev til Helse Vest vedr. «Psykiatribygg Førde søknad om investeringsmidlar», datert 18.11.2013 - Brev frå Balestrand kommune «Vedrørande gjennomføring av pilotprosjekt», datert 15.11.2013 - Brev frå Helse Vest til HOD vedr. «Framtidas lokalsjukehus dagkirurgi ved Nordfjord sjukehus», datert 08.11.2013 - Info-foldar: Leiaropplæring i Helse Førde i 2014 Det var ingen merknader til innkalling og dagsorden. 076/2013 A Protokoll frå styremøte i Helse Førde HF 25.10.2013 Ingen merknader. Styret godkjende og underteikna protokollen frå styremøte 25.10.2013. Protokoll frå styremøte i Helse Førde HF 21.11.2013 3
077/2013 O Administrerande direktør si orientering Adm. direktør Bolstad innleia saka, og orienterte om: 1. Undersøking om brukarerfaring 2012 Nasjonalt kunnskapssenter for helsetenesta (Kunnskapssenteret) har gjennomført ei nasjonal spørjeundersøking blant pasientar som hadde opphald på sengepostar ved somatiske sjukehus i perioden september til desember 2012. I Helse Førde svarde 560, dette var 55 prosent av dei spurde. Pasientane blei bedt om å svare på 52 enkeltspørsmål om sjukehuset og opphaldet. Spørsmåla dreia seg om informasjon, pleiepersonalet, legane, organisering, pårørande, standard, utskriving, samhandling, ventetid og pasienttryggleik. Pasientane ved Lærdal sjukehus rapporterer om betre erfaringar med legane, informasjon og omsorg for pårørande enn landsgjennomsnittet. Pasientane ved Nordfjord sjukehus rapporterer om meir positive erfaringar med pleiepersonelelt og organiseringa av arbeidet ved sjukehuset en året før. 2. Epikrisetider i psykisk helsevern - oppfølging I styremøte den 25.10.13 i sak 070/2013 A - Rapportering frå verksemda per september 2013, etterspurte styret ei tilbakemelding om tiltak for å få betra epikrisetid i psykisk helsevern. Bakgrunnen for dette var informasjon i saka som sa at «Epikrisetidene er stabile rundt 92 % for somatikk og 81 % i psykisk helsevern i september. Det er små endringar frå førre månad.» Ein presiserte at epikriseprosenten for PHV omfattar både døgnposter og poliklinikkar, medan epikriseprosenten for somatikken gjeld berre døgnposter. Oppfølging er at PHV også får jamlege rapportar frå fagsenteret der det er laga oversyn over restansar i høve til tidskrava. 3. Beredskapshendingar Direktør Dvergsdal innleia om beredskapshendinga i Årdal. Lydloggar ved AMK er gjennomgått og det er gjort tiltak for å lette arbeidet med trippelvarsling /»Ein knapp». Beredskapssjef Sæbø orienterte vidare om: - at ansvar og roller er tydelege og klare - informasjon internt og eksternt - varslingsrutinar internt og eksternt - system for omsorg for dei skadde, koordinering m.m. - deling av informasjon med andre etatar - rapport frå Politiet - evalueringsrapport Helse Førde er under arbeid vedr hendinga på Valdresekspressen Styret kommenterte og stilte spørsmål. Protokoll frå styremøte i Helse Førde HF 21.11.2013 4
Adm. direktør Bolstad svara på spørsmål. - Det blir ei ny orientering når evalueringsrapport er klar Styret tek meldingane til orientering. 078/2013 A Rapportering frå verksemda per oktober 2013 Oppsummering: Fagdirektør Breidablik orienterte om kvalitet, herunder målmatrise: o Tal på ventande: Tal ventande pasientar er 6448 som er om lag 600 under fjoråret i oktober, og tilfredsstillande i høve målsetninga. o Ventetid ventande: Ventetider for ventande ligg på 65 dagar i oktober. Det er nedgang på 5 dagar frå september og som forventa, men det er likevel noko over målsetninga. o Ventetid behandla: 68 dagar i oktober og ned litt i høve september. Målsetninga på 60 dagar står ved lag utover hausten. o Fristbrot samla (nye og for behandla): Det er samla sett registrert 14 fristbrot (0%) i oktober, noko som er tilfredsstillande og ned to frå september. o Langtidsventande 365 dagar+: Det er ein lett nedgang til 21 langtidsventande over 365 dagar, og stabilt med 65 ventande over 300 dagar. o Epikrisetider: Epikrisetidene er betra i oktober til rundt 94% for somatikk, og ei betring på 7% til 88% i psykisk helsevern i oktober. o Korridorpasientar: Nedgang til 16, som utgjer 0,2 prosent, i oktober, mot 25 korridorpasientar i september. o Utskrivingsklare pasientar: Ferdigbehandla held seg lågt med berre 3 i oktober. o Stryking av planlagde operasjonar: 4,3 % i oktober. Kst. økonomidirektør Halbrend orienterte om aktivitet, økonomi og medarbeidarar: AKTIVITET Somatikk: Aktiviteten i perioden var 0,9 % høgare enn førre året målt i tal behandla pasientar. Samla DRG produksjon i føretaket i perioden er 4,0 % høgare enn året før. Produksjonen i perioden var 34 poeng lågare enn budsjett. Det er behandla 13.947 pasientar i perioden. Psykiatri: Vaksenpsykiatri (VOP/RUS) Aktiviteten i perioden viser at det er sterkare auke i poliklinisk behandling enn vi la til grunn i budsjettet, medan tal heildøgnsopphald er færre enn venta. Innanfor rusbehandling er aktiviteten i perioden om lag som venta, etter at rusposten på Nordfjordeid no er i full drift. Psykisk helsevern for barn og unge (PBU) Vi har framleis nedgang i tal liggedagar, medan den polikliniske aktiviteten er høgare enn plan og fjoråret. Protokoll frå styremøte i Helse Førde HF 21.11.2013 5
ØKONOMI Perioderesultat er 2,9 millionar kroner svakare enn budsjett for månaden. Bokført resultat etter ti månader er negativt med 1,9 millionar kroner, noko som er 6,1 millionar kroner svakare enn budsjett. Inntektene hittil i år er 4,7 mill. høgare enn budsjett. Kostnadssida syner eit negativt avvik mot budsjett på 10,8 mill. kroner. - personalkostnadane syner eit mindreforbruk på 1,1 mill. kroner - varekostnader har eit meirforbruk på 21,0 mill. kroner - mindreforbruk på andre driftskostnadar utgjer 2,0 mill. kroner - finanskostnader syner eit mindreforbruk på 7,1 mill. kroner Resultatavvik årsprognose: Forventa årsresultat 2013: -14,9 mill. kroner -9,0 mill. kroner MEDARBEIDARAR Sjukefråværet i september var 6,14 %, og er lågare enn same periode i fjor. I august 2013 var sjukefråværet 6,12%. Brutto månadsverk i oktober var 2.228. Dette er 22 fleire enn rapportert for same periode i fjor. Netto månadsverk i september var 2.020. Dette er 44 fleire enn rapportert for same periode i fjor. Styret drøfta rapporteringa og kommenterte: - innleige av arbeidskraft? - økonomi - høgkostmedisin og avtalelojalitet for medikamentkjøp? - stab og støtte, meirforbruk ved pasienttransport? - mykje positivt på kvalitetsindikatorar - forbetringa i sjukefråvær stab og støtte blei trekt fram Adm. direktør Bolstad og direktør Hesjedal svara på spørsmål. Adm. direktør Bolstad bekrefta at det vert meir orientering om innleige av arbeidskraft, i neste rapportering. Rapportering frå verksemda per oktober 2013 vert teken til vitande. 079/2013 O Etiske retningslinjer - implementering i Helse Førde Oppsummering: Styret i Helse Førde HF godkjende i styremøte 25.05.2012 at dei etiske retningslinjene for føretaksgruppa Helse Vest, skulle implementerast i Helse Førde. Dei etiske retningslinjene vert årleg behandla i føretaksstyra (ref. brev av 18.6.2012). Siste år er følgjande gjort: - Det har vore gjennomgang og opplæring i fullmaktssystemet når det gjeld økonomisk mynde. - Vi har register som gjeld bistillingar og erverv - Vi har system for forskingsstøtte på plass Protokoll frå styremøte i Helse Førde HF 21.11.2013 6
- Pasientverneombod - «Lytteposten» enkelt system for mottak av klager og andre tilbakemeldingar frå våre brukarar, under innføring. - Obligatoriske opplæringspakker innafor mange områder m.a informasjonstryggleik - ISO 140001 sertifisering i haust For 2014 vil ein i samband med systematisert leiaropplæring bruke retningslinjene som grunnlag for drøfting og refleksjon. Adm. direktør Bolstad orienterte om etiske retningslinjer og implementering i Helse Førde. Styret drøfta og kommenterte: - at dei etiske retningslinjene vert gjort kjent for dei tilsette, eks. nytte fagdagar, case Adm. direktør Bolstad svara på spørsmål. Styret tek saka til vitande. 080/2013 A Beredskapsarbeid i Helse Førde handlingsplan 2014 Oppsummering: Saka orienterer om status i arbeidet med beredskap, og kva prioriteringar dette arbeidet er tenkt gitt vidare. Handlingsplan 2014 Viktige tiltak som det vert arbeidd med lokalt (og regionalt) og som vil gjelde for heile 2014: o Revisjon av beredskapsplan. Mål: innan 1. juni 2014 o Opplæring og øvingar o Samarbeidsavtale om beredskap mellom kommunane og Helse Førde o Innføring av automatisk varslingssystem (UMS) o Virtuell AMK i Helse Vest o Innføring av HelseCIM i Helse vest o Innføring av Naudnett. Mål: innan desember 2014 Beredskapssjef Sæbø orienterte om beredskapsarbeid i Helse Førde. Styret drøfta saka og kommenterte: - vere tydeleg på ansvarsbeskrivinga - tilbod til alle leiarar om kurs i 2014, må vere «Skal-kurs» - innføring av naudnett, gir utfordringar i Sogn og Fjordane (med mange tunnellar) - må få grenseflate mellom spesialisthelseteneste og primærhelseteneste til å fungere Beredskapssjef Sæbø og adm. direktør Bolstad svara på spørsmål. Styret tek saka til vitande. Protokoll frå styremøte i Helse Førde HF 21.11.2013 7
081/2013 Eventuelt Ingen saker. Skriv og meldingar Følgjande skriv og meldingar var sendt ut til styret: Samhandlingsnytt, november 2013 Referat frå møte i Brukarutvalet 17.10.2013 Brev frå Sjukehusaksjonen i Nordfjord til HOD, Vedkomande areal ved Nordfjord sjukehus (NSH) tiltenkt ambulansestasjonen på Eid, datert 10.10.2013 Brev frå Fjordane Grendalag vedr. manglande ambulanseteneste i Balestrand kommune, datert 01.11.2013 Brev frå Vetlefjorden bygdekvinnelag vedr. ambulansesituasjonen i Balestrand kommune, datert 12.11.2013 Følgjande skriv og meldingar vart lagt på bordet i møtet: Brev til Helse Vest vedr. «Psykiatribygg Førde søknad om investeringsmidlar», datert 18.11.2013 Brev frå Balestrand kommune «Vedrørande gjennomføring av pilotprosjekt», datert 15.11.2013 Brev frå Helse Vest til HOD vedr. «Framtidas lokalsjukehus dagkirurgi ved Nordfjord sjukehus», datert 08.11.2013 Info-foldar: Leiaropplæring i Helse Førde 2014 Protokoll frå styremøte i Helse Førde HF 21.11.2013 8
Ref. Berit Irene Haarklau Jorunn Ringstad Styreleiar Knut C. Schønberg Nestleiar Trude Brosvik Helge E. Bryne Anni Felde Harry Mowatt Liv Stave Wenche Kristin Røkenes Randi Aven Geir Berge Øverland Berit J. Hornnes Protokoll frå styremøte i Helse Førde HF 21.11.2013 9