STRANDA KOMMUNE SAKSPAPIR SAKSGANG Styre, råd, utval Møtedato Saknr FAST UTVAL FOR PLANSAKER 31.10.2013 101/13 Saksansvarleg: Rådmann Ann Kristin Langeland Saksbehandlar: Steinar Belsby Arkiv: K2-L12 Arkivsaknr 13/51 Reguleringsplan Svemorka 2013 RÅDMANNEN SI TILRÅDING TIL PLA: 1. Stranda kommune vedtek oppstart av ny reguleringsplan for nytt industriområde vest for 2. Området som skal vurderast er vist på kart datert den 10.01.2013. 17.01.2013 FAST UTVAL FOR PLANSAKER PLA-006/13 Tilråding til kommunestyret samrøystes: 1. Stranda kommune vedtek oppstart av ny reguleringsplan for nytt industriområde vest for 2. Området som skal vurderast er vist på kart datert den 17.01.2013. 23.01.2013 KOMMUNESTYRET KOM-008/13 Vedtak samrøystes: Frank Sve, Ole Jørgen Sve, Nils Einar Ringstad ugild i sak 008/13
1. Stranda kommune vedtek oppstart av ny reguleringsplan for nytt industriområde vest for 2. Området som skal vurderast er vist på kart datert den 17.01.2013. SAKSUTGREIING Bakgrunn for saka Stabburet AS skal utvide fryselager i Svemorka. Denne utvidinga er planlagd vest for dagens bygg, der som det no er massetak. For å kome vidare i denne saka, må ein utarbeide reguleringsplan for området. Saksopplysningar Stabburet AS har plan om utviding av fryselager i Svemorka. Dei har internt gått gjennom alternative løysingar for utviding av fryselager, og kome fram til at utviding mot vest (mot elva), er den beste løysinga. Området her er nytta til massetak, der no masser i store deler er utteken og området kan då nyttast til andre formål. Vurdering Utviding av industriareal i Svemorka kjem no opp til vurdering. Bakgrunn for at den kjem opp no er Stabburet AS sitt behov for nytt fryselager. Området har vore nemnd frå tid til annan, då dette no har blitt utnytta til massetak og kan såleis nyttast til andre formål. I kommunedelplan for Strandadalen er deler av området regulert til massetak og deler er regulert til jordbruksformål. Stranda kommune har i dag ikkje ledige industriareal som kan takast i bruk rimeleg omgåande. Ein har imidlertid godkjend reguleringsplan for industriareal på Korsbakken, men her gjennstår det mykje arbeid før dette området er klart til å ta i bruk. Det har blant anna ikkje føre ført forhandlingar med grunneigarane om overtaking. Der har heller ikkje vore etterspurnad etter tomter i dette området. Når det gjeld utviding i Svemorka, så gjeld dette utviding av eksisterande bedrift. Desse har behov for utviding av sitt areal for å kunne ekspandere. For ein del år tilbake vart også dengang Nordang AS, no PEAB, etablert med nytt lagerområde i Svemorka, sør-vest for dagens industriområde i Svemorka. Det ligg no slik til, at alt areal mellom elva, dagens reguleringsplan for Svemorka og sør til PEAB sitt areal, bør vurderast. Dette området ligg greitt til for tilkomst, sambinding med anna industriareal og anna teknisk infrastruktur. Storleik på vist areal er på om lag 110 da. Dette vil vere for stort for innløysing i fyrste omgang. Ein vil her ta ein drøfting med grunneigarar om kor vidt ein skal regulere heile arealet, for så å kunne løyse inn dette etter kvart som det er behov. Dersom dette skulle bli aktuelt, må det oppsettast kontrakt mellom kommunen og grunneigarane om korleis dette skal gjennomførast.
Når det gjeld tilkomst til dette arealet, så er denne grei. Ein har her ny tilkomstveg til industriareal som PEAB nyttar i dag. Dette er også ein framtidig riksvegtrase, dersom det skal bli tunell frå Engeset til Brunstad i Sykkylven. Nytt industriareal vil såleis kunne knyte seg på denne vegen. Stranda kommune har forespurd div firma vedr regulering av dette området. Fleire har takka nei til å gje pris på dette. Ein har fått pris frå Rambøll AS til ein kostnad av kr 130 000.- for regulering med tillegg for evnt. KU og planprogram Slik det her ligg til rette, vil ein rå til at det vert oppstarta arbeid med reguleringsplan for nytt industriareal i tilknyting til eksisterande industriareal i Svemorka. Vedtak er gjort i medhald av PBL 12 8. Vedlegg i saka: Dok.dato Tittel Dok.ID 11.01.2013 Kommunedelplan 140168 18.01.2013 Reg.plan Svemorka 2013 - Revidert 140414 Aktuelle lover, forskrifter, avtaler m.m. * NYE OPPLYSNINGAR I SAKA TIL MØTE DEN 31.10.2013 RÅDMANNEN SI TILRÅDING TIL PLA: 1. Framlagd reguleringsplan for del av Svemorka med plankart datert den 02.10.13 med planomtale og føresegner datert 16.10.13 vert lagd ut til offentleg ettersyn i 6 veker. 2. Vedtak er gjort i medhald av PBL 12 10. 31.10.2013 FAST UTVAL FOR PLANSAKER PLA-101/13 Vedtak samrøystes: 1. Framlagd reguleringsplan for del av Svemorka med plankart datert den 02.10.13 med planomtale og føresegner datert 16.10.13 vert lagd ut til offentleg ettersyn i 6 veker. 2. Vedtak er gjort i medhald av PBL 12 10. Saksutgreiing: Frå Rambøll v/oddhild Fausa har ein fått send over framlegg til ny reguleringsplan for del av Svemorka for nytt fryseri til Stabburet AS. Området ligg vest for eksisterande industriområde, og ligg i område for massetak.
Området grensar i vest mot eksisterande industriområde, mot vest mot elva, i nord mot skråningsareal for industriområdet mot elva, og i sør mot eksisterande massetak/jordbruksareal og med tilknyting til eksisterande veg i industriområdet. Planarealet er om lag 34 da stort. Formål med planen er å legge til rette for utbygging av nytt fryseri til Stabburet AS med kulvert til dagens industribygg for Stabburet AS på industriområdet i Svemorka. I tillegg til nytt fryseri, er det lagt til rette for ny industriveg til dette området med tilknytning i sør til eksisterande industriveg. Vurdering: Rambøll AS v/oddhild Fausa har over ei tid arbeidd med framlegg til reguleringsplan for del av Svemorka. Framlag plan, slik datert den 02.10.13, er i tråd med dei intensjonar som har vore i arbeidet med denne planen. Dette har vore å legge til rette for utviding av nytt fryseri til Stabburet AS i dette området. Sambinding med eksisterande bygg skal vere gjennom bygging av kulvert mellom bygga. Det er her plan at transportinnretning skal flytte varer mellom produksjonsbygg og nytt fryseri. Av problemstillingar som har vore teke opp i planfasen, er erosjon frå elva. Det er her utarbeidd rapport frå HydraTeam som har utgreidd vurdering av lausmasser og erosjon i Engesetelva ved Svemorka Industriområde. Dette har vore etter krav frå NVE. På plankart er det synt i kva område som skal førebyggast. Ei av utfordringane som ein har stått over for, er stigning på industrivegen opp til på kopling til offentleg veg. Krav til stigningsprosent er her 6%. Ein har såleis teke i bruk noko meir areal og må ha noko meir masseforflyttning enn det som ein såg føre seg ved oppstart av planen. Vegen har no fått eit stigningsforhold som er akseptabelt. For å kunne gjennomføre dette, må ein grave ut ein del masser i starten og har ein del fylling på vegen før ein kjem inn på eksisterande kommunal veg i sør. Planen syner elles areal for bebyggelse og anlegg som skal nyttast til fryseri og trafikkareal. Det ligg elles eit belte mellom industriareal og elva som har fått grøn farge og benemning naturområde grønnstruktur. I dette området er der delvis skravur som syner flomfare. Vidare mot sør med grå farge for køyreveg og med omkring liggande areal for annan veggrunn som er skråning og fylling. Ved påkopling til eksisterande kommunal veg syner ein også frisiktssone med LNFR med skravur for frisikt. Deler av Engesetelva er vist med lys blå farge. Slik planen er framstillt, syner den dei behov som var utgangspunkt ved oppstart av planen. Det var vore nokre moment som måtte ha si avklaring gjennom prosessen, blant anna flom og erosjon, samt evnt. førebygging. Desse rapportane ligg ved saka. Gjennom dei vurderingar som er gjort i planprosessen, synes planen å tilfredsstille krav til gjennomføring av prosess. Planen er og i tråd med dei intensjonar son var ved starten av planen.
Ein vil med dette rå til at plan vert lagd ut til offentleg ettersyn i 6 veker. Aktuelle lover, forskrifter, avtaler m.m. Plan- og bygningslova Vedlegg: Dok.dato Tittel Dok.ID 17.10.2013 Vurdering av løsmasser og erosjon ved Svemorka 154466 industriområde_2013.pdf 20.10.2013 Planskildring del av Svemorka-181013.pdf 154585 21.10.2013 S_Regplan_Svemorka_2013-10-03.pdf 154587